Web News

ଦାନଗଦୀ: ଦିବ୍ୟାଙ୍ଗ ବ୍ୟକ୍ତିଙ୍କ ପାଇଁ ବ୍ୟାଙ୍କ ସେବାକୁ ସୁଗମ କରିବା ଉଦ୍ଦେଶ୍ୟରେ ଦାନଗଦୀ ବ୍ଲକ ବିକାଶ ଅଧିକାରୀ (ବିଡିଓ) ବ୍ଲକ ଅଧୀନସ୍ଥ ସମସ୍ତ ବ୍ୟାଙ୍କ ପରିଚାଳକଙ୍କୁ ଚିଠି ଜାରି କରି ତୁରନ୍ତ ସୁଗମ୍ୟତା ବ୍ୟବସ୍ଥା କରିବାକୁ ନିର୍ଦ୍ଦେଶ ଦେଇଛନ୍ତି। ବିଶେଷକରି ରାମ୍ପ, ହ୍ୟାଣ୍ଡରେଲ୍, ଦୃଷ୍ଟି ବାଧିତଙ୍କ ପାଇଁ ଟ୍ୟାକ୍ଟାଇଲ୍ ସାଇନେଜ୍ ଓ ଅନ୍ୟାନ୍ୟ ଆବଶ୍ୟକ ସୁଗମ୍ୟତା ଭିତ୍ତିଭୂମି ନିର୍ମାଣ ଉପରେ ଗୁରୁତ୍ୱ ଦିଆଯାଇଛି। ସୂଚନାଯୋଗ୍ୟ ଯେ, ବ୍ଲକର ବିଭିନ୍ନ ବ୍ୟାଙ୍କରେ ଆବଶ୍ୟକ ସୁଗମ୍ୟତା ବ୍ୟବସ୍ଥା ନଥିବାରୁ ଦିବ୍ୟାଙ୍ଗ ବ୍ୟକ୍ତି, ବରିଷ୍ଠ ନାଗରିକ ଓ ରୋଗୀମାନେ ବ୍ୟାଙ୍କ ସେବା ପାଇବାରେ ଗୁରୁତର ସମସ୍ୟା ଓ ହଇରାଣର ସମ୍ମୁଖୀନ ହେଉଥିବା ନେଇ ବାରମ୍ବାର ଅଭିଯୋଗ ଆସୁଥିଲା। ଦିବ୍ୟାଙ୍ଗ ଅଧିକାର ଆଇନ, ୨୦୧୬ ଅନୁଯାୟୀ ସମସ୍ତ ସରକାରୀ କାର୍ଯ୍ୟାଳୟ, ସ୍କୁଲ, କଲେଜ, ହସ୍ପିଟାଲ, ବ୍ୟାଙ୍କ ଓ ଅନ୍ୟାନ୍ୟ ସାର୍ବଜନୀନ ଭବନକୁ ଦିବ୍ୟାଙ୍ଗଙ୍କ ପାଇଁ ସୁଗମ୍ୟ କରିବା ବାଧ୍ୟତାମୂଳକ। ତଥାପି ଅନେକ ସଂସ୍ଥାରେ ଏହି ଆଇନର ପାଳନ ହେଉନଥିବା ଅଭିଯୋଗ ରହିଛି। ଦିବ୍ୟାଙ୍ଗ ଅଧିକାର କର୍ମୀ ମଣ୍ଟୁ ଦାସ ଗତ ମାସରେ ଜିଲ୍ଲାପାଳଙ୍କୁ ଜିଲ୍ଲାର ସମସ୍ତ ସରକାରୀ କାର୍ଯ୍ୟାଳୟ, ସ୍କୁଲ, କଲେଜ, ହସ୍ପିଟାଲ ଓ ବ୍ୟାଙ୍କରେ ସୁଗମ୍ୟତା ଭିତ୍ତିଭୂମି ନିର୍ମାଣ ପାଇଁ ଦାବିପତ୍ର ପ୍ରଦାନ କରିବା ସହ ଆବଶ୍ୟକ ପଦକ୍ଷେପ ନ ନିଆଗଲେ ଆମରଣ ଅନଶନରେ ବସିବେ ବୋଲି ଚେତାବନୀ ଦେଇଥିଲେ। ଏହାପରେ ଜିଲ୍ଲାପାଳ ଜିଲ୍ଲାର ବିଭିନ୍ନ ବିଭାଗକୁ ଏକ ମାସ ମଧ୍ୟରେ ସୁଗମ୍ୟତା ସୁନିଶ୍ଚିତ କରିବାକୁ ନିର୍ଦ୍ଦେଶ ଜାରି କରିଥିବା ଜଣାପଡ଼ିଛି। ଦାନଗଦୀ ବିଡିଓଙ୍କ ଏହି ପଦକ୍ଷେପକୁ ଦିବ୍ୟାଙ୍ଗ ଅଧିକାର କ୍ଷେତ୍ରରେ ଏକ ସକାରାତ୍ମକ ପଦକ୍ଷେପ ବୋଲି ସାଧାରଣରେ ସ୍ୱାଗତ କରାଯାଇଛି।

ଖଲ୍ଲିକୋଟ ସହର ର ଆଭିଜାତ୍ୟ,ତଥା ଐତିହାସିକ ସ୍ତରରେ ଖ୍ୟାତି ଅର୍ଜନ କରି ଥିଲା ବେଳେ ଏବେ ଦେଖିବାକୁ ମିଳିଛି ମନମୁଖୀ ଶାସନରେ ନିମଗ୍ନ ଆମର ନେତା ମାନେ ବୋଲି ଜଣାପଡିଛି। ଏଠାରେ ଉଲ୍ଲେଖଯୋଗ୍ୟ ଯେ ଟେଣ୍ଡର ପ୍ରକ୍ରିୟା କୁ ନେଇ ଧସ୍ତାଧସ୍ତି ଚାଲିଥିବା ବେଳେ ଉନ୍ନତି ମୂଳକ କାର୍ଯ୍ୟ କରିବା ପାଇଁ ଶାସକ ପ୍ରଶାସକ ଖଲ୍ଲିକୋଟ ସହର ରେ ନୀରବ ଦ୍ରଷ୍ଟା ସାଜିଛନ୍ତି । ଖଲ୍ଲିକୋଟ ଏନ୍ ଏ ସି ୧୯୭୨ ମସିହାରେ ସ୍ଥାପିତ ହୋଇଥିଲା । କେତେ ରଥି ମହାରଥୀ ଆସିଲେଣି ଆଉ ଗଲେଣି କିନ୍ତୁ ସେମାନେ ଖଲ୍ଲିକୋଟ ପାଇଁ କ'ଣ କରିଛନ୍ତି। ବରଂ ରାଜକୋଷକୁ ଲୁଟିବା ରେ ବ୍ୟସ୍ତ ଅଛନ୍ତି। ବର୍ତ୍ତମାନ ଦେଖିବାକୁ ମିଳିଛି ପରିତ୍ୟକ୍ତ ଅବସ୍ଥା ରେ ଅଧାପନ୍ତରିଆ କାମ ରେ ପଡି ରହିଛି ନେଳିଆ ବନ୍ଧ, ବିଭିନ୍ନ ସ୍ଥାନରେ ଥିବା ମିଶନ ଶକ୍ତି ଗୃହ ଚାଵି ପଡି ରହିଛି। କୋୖଣସି ୱାର୍ଡ ର ନାଳ ଗୁଡ଼ିକ କାମ ହୋଇପାରିଲା ନାହିଁ, ପୂର୍ତ୍ତ ବିଭାଗ ଯେଉଁ ରୋଡ଼ କାମ କରିଛନ୍ତି ହରିଡା ମୂଳ ଛକଠାରୁ ନିର୍ମଳ ଝରସ୍ଥିତ ପର୍ଯ୍ୟନ୍ତ ରୋଡ଼ ଉପରେ ରୋଡ଼ ଛପାଇ ନୂତନତ୍ବ ର ରୂପରେଖ ଦେଇ ଛନ୍ତି, ତାହାର ମୁଖ୍ୟ ରୋଡ଼ ଉପରେ ବଜୁରି ଦେଇ ଛପା ଯାଇଥିବା ରୋଡ଼ କେଉଁଠି ୪/୫ ଇଞ୍ଚ୍ ଉଚ୍ଚତା ଦେଖିବା କୁ ମିଳିଛି। ଯାହା ଫଳରେ କି କରଣ ସାହି ର ତହସିଲଦାର ଙ୍କ ସରକାରୀ ବାସଭବନ ଠାରୁ ଆରମ୍ଭ କରି ଜଗନ୍ନାଥ ବିହାର ପର୍ଯ୍ୟନ୍ତ ସ୍ଥାନେ ସ୍ଥାନେ ବର୍ଷା ଜଳ ରହି ଜନଜୀବନ ପ୍ରଭାବିତ ହେଉଛି ବୋଲି କହିଲେ ଅତ୍ୟୁକ୍ତି ହେବ ନାହିଁ। କେବଳ ସେତିକି ନୁହେଁ ବାଇକ୍ ଆରୋହୀ ଦୁର୍ଘଟଣାର ସମ୍ମୁଖିନ ହେବାର ପରିଲକ୍ଷିତ ହେଉଛି। ବର୍ତ୍ତମାନ ଖଲ୍ଲିକୋଟ ଏବେ ମୁକୁଟ ବିହୀନ ରାଜା ବୋଲି ଜନସାଧାରଣ ରେ ଚର୍ଚ୍ଚା ହେଉଛି ଏଠାରେ ଶାସକ ପ୍ରଶାସକ ଗୋଟେ ଘାଟରେ ପାଣି ପିଉଛନ୍ତି । ଅଧିକାରୀ ମାନେ ହେଡକ୍ୱାଟର୍ସ ରେରହୁ ନଥିବା ବେଳେ କେତେ ବେଳେ କିଏ ଆସିଲା, କେତେ ବେଳେ କିଏ ଗଲା ହିସାବ ରହୁନଥିବା ନଜରକୁ ଆସୁଛି। ତେଣୁ ଏକ୍ଷେତ୍ରରେ ସରକାରଙ୍କୁ ତଥା ଶାସକ ଦଳର ପ୍ରତିନିଧି ମାନଙ୍କୁ ନିବେଦନ କରିଛନ୍ତି ଜନସାଧାରଣ ଏହାର ତଦନ୍ତ କରି ଉପଯୁକ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ।

ରାଉଲକେଲା ସହରର ଅଗ୍ରଣୀ ସାମାଜିକ ସାଂସ୍କୃତିକ ଅନୁଷ୍ଠାନ ଜ୍ଞାନ ଲୋକ ଓ ବଜରଙ୍ଗ କ୍ଲବ ମିଳିତ ଆନୁକୂଲ୍ୟରେ ସୀମାନ୍ତ ସୁନ୍ଦରଗଡ ଜିଲ୍ଲା ନୂଆଗାଁ ବ୍ଲକ ଅନ୍ତର୍ଗତ ଖୁଣ୍ଟ ଗାଁ ଗ୍ରାମପଞ୍ଚାୟତ ର ଲିଣ୍ଡରା ଗ୍ରାମ ର ମୁଖ୍ୟ ଛକରେ ଗତ କାଲି ବୃକ୍ଷ ରୋପଣ କାର୍ଯ୍ୟକ୍ରମ ମହା ଆଡମ୍ବରରେ ଅନୁଷ୍ଠିତ ହୋଇଯାଇଛି,ଏହି ଅବସରରେ ବିଶ୍ରା ବନାଞ୍ଚଳ ଅଧିକାରୀ ମାନସ ରଞ୍ଜନ ସାହୁ ମୁଖ୍ୟ ଅତିଥି ଭାବରେ ଯୋଗଦେଇ ବୃକ୍ଷରୋପଣ କୁ ଶୁଭାରମ୍ଭ କରିଥିଲେ, ଆରମ୍ଭରେ ଜ୍ଞାନ ଲୋକ ଅଧକ୍ଷ ଜ୍ଞାନ ରଞ୍ଜନ ନାୟକ ତତ୍ତ୍ୱାବଧାନରେ ଅନ୍ୟ ତମ ଅତିଥି ଭାବରେ ପୂର୍ବତନ ବିଧାୟକ ହାଲୁ ମୁଣ୍ଡାରୀ, ପଞ୍ଚାୟତ ର ସମିତି ସଭ୍ୟା ଦ୍ରୋ ପତୀ ମୁଣ୍ଡାରୀ,ସମାଜସେବୀ ବିରେନ ସେନାପତି, ଶ୍ରମିକ ନେତା ସୁରେନ୍ଦ୍ର କୁମାର ଦାଶ,ପାର୍ଥ ପ୍ରତିମ ମହାପାତ୍ର ଙ୍କ ସମେତ ଅନେକ କାର୍ଯ୍ୟକର୍ତ୍ତା ବୃକ୍ଷ ରୋପଣ କାର୍ଯ୍ୟକ୍ରମ ରେ ଅଂଶ ଗ୍ରହଣ କରିଥିଲେ,ଏହି ବୃକ୍ଷ ରୋପଣ କାର୍ଯ୍ୟକ୍ରମ ରେ ବଜରଙ୍ଗ କ୍ଲବ ତରଫରୁ ଗ୍ରାମବାସୀ ମାନଙ୍କୁ ବିଭିନ୍ନ କିସମର ଆମ୍ବଡା, ଅଁଳା ,ଜମ୍ମୁ,ପିଜୁଳି,ତେନ୍ତୁଳି ଆଦି ଅନ୍ୟ କିସମର ଔଷଧୀୟ ବୃକ୍ଷ ବଣ୍ଟନ କରାଯାଇଥିଲା,ସେହିପରି ଗ୍ରାମର ଦୁଇ ଏକର ସରକାରୀ ଜମି ରେ ବିଭିନ୍ନ ପ୍ରକାରର ବୃକ୍ଷ ରୋପଣ କରାଯାଇଥିଲା,ଏହି କାର୍ଯ୍ୟକ୍ରମରେ କ୍ଳବର ରମେଶ ସାଣ୍ଡିଲ,ରଘୁନାଥ ମୁଣ୍ଡାରୀ,ରବି ମୁଣ୍ଡାରୀ,ହରେକୃଷ୍ଣ ମହାଲି,ପ୍ରେମ ଚାନ୍ଦ ମୁଣ୍ଡାରୀ,ସାହିଲ ମୁଣ୍ଡାରୀ,ହରି ମୁଣ୍ଡାରୀ,ଲଖିଁ ରାମମୁଣ୍ଡାରୀ, ସଖୀ ମୁଣ୍ଡାରୀ,ରଞ୍ଜନ ସିଂ ମୁଣ୍ଡାରୀ,ଶ୍ୟାମ ମୁଣ୍ଡାରୀ,ଗୁରୁଚରଣ ମୁଣ୍ଡାରୀ,ପିଣ୍ଟୁ ମୁଣ୍ଡାରୀ,ସହ ସଦସ୍ୟ ମାନେ ବୃକ୍ଷ ରୋପଣ କାର୍ଯ୍ୟକ୍ରମ ରେ ମୁଖ୍ୟ ଭୂମିକା ଗ୍ରହଣ କରିଥିଲେ, ଅନୁଷ୍ଠାନର ସଭାପତି ଅଜିତ କୁମାର ଦାସ ,ଅଧକ୍ଷ ଜ୍ଞାନ ରଞ୍ଜନ ନାୟକ, ସଭ୍ୟ ପ୍ରଦୀପ କୁମାର ମାହାତୋ ଓ ଅନ୍ୟମାନେ ସହଯୋଗ କରିଥିଲେ,ଏହି କାର୍ଯ୍ୟ କର୍ମରେ ରେ ମୋଟ ଦୁଇ ଶହ ରୁ ଉର୍ଦ୍ଧ୍ବ ବୃକ୍ଷ ରୋପଣ କରାଯାଇଥିଲା,

In a significant step towards building a healthier and addiction-free society, the district-level inauguration of the "10 Crore Drug-Free Pledge Campaign" under the Nasha Mukt Bharat Abhiyan and Mission Spandan was held on Tuesday at the Sadbhavana Auditorium in Nuapada. The campaign, organized by the Medical Wing of the Rajyoga Education and Research Foundation of Prajapita Brahma Kumaris Ishwariya Vishwa Vidyalaya, aims to inspire 10 crore citizens across the country to adopt a drug-free lifestyle and actively contribute to creating an addiction-free India through awareness and collective participation. Nuapada Collector Madhusudan Dash, who attended the programme as the Chief Guest, inaugurated the campaign by lighting the ceremonial lamp. Addressing the gathering, he emphasized that the vision of a drug-free society can only be achieved through collective responsibility, public awareness, and active community participation. He urged citizens to become ambassadors of the campaign and spread the message of a healthy, addiction-free lifestyle. Speaking on the occasion, Brahma Kumari Anita and Brahma Kumari Sumati highlighted the harmful physical, mental, and social consequences of substance abuse. They explained that regular practice of Rajyoga meditation and yoga strengthens inner resilience, enhances self-control, and helps individuals overcome addiction while leading a balanced and value-based life. As part of the programme, an awareness poster on Nasha Mukt Bharat was unveiled. All participants later took a solemn pledge to support the mission by remaining free from addiction themselves and by creating awareness against substance abuse within their families, workplaces, and communities. Among those present were Nabanita Dash, Secretary, District Legal Services Authority; Dr. Dwarikanath Satpathy, Chief District Medical and Public Health Officer; Rajendra Prasad Badhei, District Sports Officer; Ramakanta Biswas, District Information and Public Relations Officer; along with district-level officials from various departments, media representatives, and a large number of participants. The campaign concluded with a strong message that achieving a drug-free India requires sustained public awareness, individual commitment, and collective action, making the initiative a significant step towards social transformation in Nuapada district.

କେନ୍ଦ୍ରାପଡ଼ା ଜିଲ୍ଲା ପଟ୍ଟାମୁଣ୍ଡାଇ ବ୍ଲକ ଅନ୍ତର୍ଗତ ସଂସାରଫଳ ଗ୍ରାମ ପଞ୍ଚାୟତର ସଂସାରଫଳ ଗ୍ରାମର ବାସିନ୍ଦା କୁନି ପ୍ରଧାନ (୮୦) ଆଜି ବି ମୌଳିକ ସୁବିଧାରୁ ବଞ୍ଚିତ ଥିବା ଅଭିଯୋଗ ହୋଇଛି। ବୟସର ଅପରାହ୍ନରେ ପହଞ୍ଚିଥିଲେ ମଧ୍ୟ ସେ ଏପର୍ଯ୍ୟନ୍ତ ଏକ ପକ୍କା ବାସଗୃହ ପାଇନାହାନ୍ତି। ଭଙ୍ଗାଦଦରା ଘରେ ଅତ୍ୟନ୍ତ କଷ୍ଟରେ ଜୀବନ ବିତାଉଥିବାରୁ ସ୍ଥାନୀୟ ଲୋକଙ୍କ ମଧ୍ୟରେ ଚିନ୍ତା ପ୍ରକାଶ ପାଇଛି। ସରକାରଙ୍କ ସାମାଜିକ ସୁରକ୍ଷା ଭତ୍ତା ବ୍ୟାଙ୍କ ମାଧ୍ୟମରେ ପ୍ରଦାନ କରାଯାଉଥିଲେ ମଧ୍ୟ କୁନି ପ୍ରଧାନ ବୃଦ୍ଧାବସ୍ଥା ଓ ଶାରୀରିକ ଅସୁସ୍ଥତା କାରଣରୁ ବ୍ୟାଙ୍କକୁ ଯିବାରେ ଅସମର୍ଥ ବୋଲି ଜଣାପଡ଼ିଛି। ତାଙ୍କର ସ୍ୱାମୀ ଓ ସନ୍ତାନ କେହି ନଥିବାରୁ ଭତ୍ତା ଟଙ୍କା ଉଠାଇବାରେ ନାନା ସମସ୍ୟାର ସମ୍ମୁଖୀନ ହେଉଛନ୍ତି। ଫଳରେ ସରକାରୀ ସହାୟତା ପାଇବାରେ ମଧ୍ୟ ସେ ବଞ୍ଚିତ ହେଉଥିବା ଅଭିଯୋଗ ଉଠିଛି। ସ୍ଥାନୀୟ ବୁଦ୍ଧିଜୀବୀ ଓ ଗ୍ରାମବାସୀଙ୍କ ମତରେ, ଜଣେ ଅସହାୟ ବୃଦ୍ଧାଙ୍କ ପାଇଁ ଘର ଓ ଭତ୍ତା ସୁବିଧା ସହଜରେ ଉପଲବ୍ଧ କରାଇବା ଅତ୍ୟନ୍ତ ଜରୁରୀ। ପ୍ରଶାସନ ତୁରନ୍ତ ହସ୍ତକ୍ଷେପ କରି କୁନି ପ୍ରଧାନଙ୍କୁ ଏକ ସରକାରୀ ବାସଗୃହ ଯୋଗାଇବା ସହ ତାଙ୍କ ଭତ୍ତା ଘରେ ପହଞ୍ଚାଇବା କିମ୍ବା ସହଜ ଉପାୟରେ ପ୍ରଦାନ କରିବାକୁ ଦାବି ଜୋର ଧରିଛି। ଅସହାୟ ବୃଦ୍ଧାଙ୍କ ଏହି କରୁଣ ପରିସ୍ଥିତି ପ୍ରତି ସରକାର ଓ ଜିଲ୍ଲା ପ୍ରଶାସନ ଦୃଷ୍ଟି ଦେଇ ଶୀଘ୍ର ଆବଶ୍ୟକ ପଦକ୍ଷେପ ନେବେ ବୋଲି ସାଧାରଣରେ ଆଶା ପ୍ରକାଶ ପାଉଛି।

ଖୋର୍ଦ୍ଧା-ବୋଲଗଡ଼ ବ୍ଲକ ଅନ୍ତର୍ଗତ ଗୋପାଳପୁର ପଞ୍ଚାୟତର ଦେଉଳି ଆଞ୍ଚଳିକ ଉଚ୍ଚ ବିଦ୍ୟାଳୟର ସଂସ୍କୃତ ଶିକ୍ଷକ ଶ୍ରୀଯୁକ୍ତ ପ୍ରଭାତ କୁମାର ଦାଶଙ୍କ ଅବସରକାଳୀନ ସମ୍ବର୍ଦ୍ଧନା ସଭା ଭାବଗମ୍ଭୀର ପରିବେଶରେ ଅନୁଷ୍ଠିତ ହୋଇଛି।ଏହି ଅବସରରେ ବକ୍ତାମାନେ ଶ୍ରୀ ଦାଶଙ୍କ ଦୀର୍ଘ ଶିକ୍ଷକତା ଜୀବନ, ଶିକ୍ଷାଦାନ ପ୍ରତି ନିଷ୍ଠା ଓ ବିଦ୍ୟାଳୟର ସର୍ବାଙ୍ଗୀଣ ବିକାଶରେ ତାଙ୍କର ଉଲ୍ଲେଖନୀୟ ଅବଦାନ ଉପରେ ଆଲୋକପାତ କରିଥିଲେ।କାର୍ଯ୍ୟକ୍ରମରେ ବେଗୁନିଆ ବିଧାୟକ ଶ୍ରୀଯୁକ୍ତ ପ୍ରଦୀପ କୁମାର ସାହୁ, ଗୋଷ୍ଠୀ ଶିକ୍ଷା ଅଧିକାରୀ, ବୋଲଗଡ଼ ପଞ୍ଚାୟତ ସମିତିର ଉପାଧ୍ୟକ୍ଷ ଓ ବହୁ ବିଶିଷ୍ଟ ଶିକ୍ଷାବିତ ଉପସ୍ଥିତ ରହି ଶ୍ରୀ ଦାଶଙ୍କୁ ସମ୍ବର୍ଦ୍ଧନା ଜଣାଇଥିଲେ।ସଭା ଶେଷରେ ଶ୍ରୀ ପ୍ରଭାତ କୁମାର ଦାଶ ସମସ୍ତଙ୍କ ପ୍ରତି କୃତଜ୍ଞତା ଜଣାଇ ନିଜ କର୍ମଜୀବନର ଅଭିଜ୍ଞତା ବାଣ୍ଟିଥିଲେ। ଏହି ସମ୍ବର୍ଦ୍ଧନା ସଭା ଏକ ଭାବପ୍ରବଣ ପରିବେଶ ସୃଷ୍ଟି କରିଥିଲା।

ବରଗଡ ଜିଲ୍ଲା ପଦ୍ମପୁର ଅଞ୍ଚଳ ମହାବିଦ୍ୟାଳୟର ନୂତନ ସମ୍ମେଳନ କକ୍ଷରେ ଅଧ୍ୟକ୍ଷ ଡ. ଦିଗାମ୍ବର ଚାନ୍ଦଙ୍କ ସଭାପତିତ୍ୱ ଏବଂ ଡ. ସରୋଜ କୁମାର ନାଏକଙ୍କ ସୁଚାରୁ ପରିଚାଳନାରେ “ନବ ସୃଜନ ଓ ନୂତନ ଉଦ୍ୟମ” ପ୍ରତିଯୋଗିତା ଅତ୍ୟନ୍ତ ଆନନ୍ଦ ଉଲ୍ଲାସର ସହ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ବିଚାରକ ଜୟ ନାରାୟଣ ତ୍ରିପାଠୀ, ଦିନେଶ ପାଣିଗ୍ରାହୀ ଏବଂ ଅଧ୍ୟାପିକା ମୋନାଲିସା ସ୍ୱାଇଁ ପ୍ରତିଯୋଗୀଙ୍କ ନିଷ୍ଠା ଓ ଉଦ୍ଭାବନୀ ଶକ୍ତିର ଉଚ୍ଚ ପ୍ରଶଂସା କରିଥିଲେ । ସଫଳତାର ଏହି ଯାତ୍ରାରେ ମାର୍ଗଦର୍ଶକ ଅଧ୍ୟାପକ ଦୟାନିଧି ବଗର୍ତ୍ତୀଙ୍କ ଦିଗଦର୍ଶନରେ ଛାତ୍ରୀ ଧରିତ୍ରୀ ବରିହା, ଅଧ୍ୟାପକ ସଦାନନ୍ଦ ଭୋଇଙ୍କ ପ୍ରେରଣାରେ ଛାତ୍ର ଆନନ୍ଦ ତାଣ୍ଡି ଏବଂ ଅଧ୍ୟାପକ ଡ. ଭେଙ୍କଟେଶ୍ୱର ମେହେରଙ୍କ ମାର୍ଗଦର୍ଶନରେ ସୋନାଲି କୁମ୍ଭାର ନିଜ ନିଜର ଚିତ୍ତାକର୍ଷକ ପ୍ରକଳ୍ପ ସଫଳତାର ସହ ଉପସ୍ଥାପନ କରି ସମସ୍ତଙ୍କ ହୃଦୟ ଜିତିଥିଲେ । ଅଧ୍ୟାପକ ନିର୍ମଳ କୁମ୍ଭାର ଓ କାନ୍ତିଲାଲ ରଣା କାର୍ଯ୍ୟକ୍ରମରେ ସହଯୋଗ କରିଥିବା ବେଳେ ଶେଷରେ ଅଧ୍ୟାପିକା ଡ. ମମତାମୟୀ ଗୁରୁ ସମସ୍ତଙ୍କୁ ଆନ୍ତରିକ ଧନ୍ୟବାଦ ଅର୍ପଣ କରିଥିଲେ ।

ରଣପୁର ବ୍ଲକ ବିଜୁ ଜନତା ଦଳ (ବିଜେଡି) ସଂଗଠନରେ ଏକ ଗୁରୁତ୍ୱପୂର୍ଣ୍ଣ ସାଙ୍ଗଠନିକ ପରିବର୍ତ୍ତନ ଘଟିଛି। ନୟାଗଡ଼ ଜିଲ୍ଲା ବିଜେଡି ସଭାପତି ତଥା ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରାଙ୍କ ଦ୍ୱାରା ୧ ଅଗଷ୍ଟ ୨୦୨୬ ତାରିଖରେ ଜାରି କରାଯାଇଥିବା କାର୍ଯ୍ୟାଳୟ ଆଦେଶ ଅନୁଯାୟୀ, ଡା. ସନ୍ତୋଷ କୁମାର ଲେଙ୍କାଙ୍କୁ ରଣପୁର ବ୍ଲକ ବିଜେଡିର ସଭାପତି ଭାବେ ମନୋନୀତ କରାଯାଇଛି। କାର୍ଯ୍ୟାଳୟ ଆଦେଶରେ ଉଲ୍ଲେଖ ରହିଛି ଯେ, ଏହି ନିଯୁକ୍ତି ରାଜ୍ୟ ସଭାପତିଙ୍କ ଆଦେଶକ୍ରମେ କରାଯାଇଛି। ଏହାର ପ୍ରତିଲିପି ସମ୍ପୃକ୍ତ ବ୍ୟକ୍ତିଙ୍କ ସହ ରାଜ୍ୟ ସଭାପତିଙ୍କ ରାଜନୈତିକ ସଚିବଙ୍କୁ ମଧ୍ୟ ପ୍ରେରଣ କରାଯାଇଛି। ଏହି ନିଯୁକ୍ତି ପରେ ରଣପୁର ବ୍ଲକରେ ବିଜେଡିର ସାଙ୍ଗଠନିକ କାର୍ଯ୍ୟକଳାପ ଅଧିକ ସକ୍ରିୟ ହେବ ବୋଲି ଦଳୀୟ ମହଲରେ ଆଲୋଚନା ଚାଲିଛି। ଆଗାମୀ ଦିନରେ ନୂତନ ବ୍ଲକ ସଭାପତି ଡା. ସନ୍ତୋଷ କୁମାର ଲେଙ୍କାଙ୍କ ନେତୃତ୍ୱରେ ଦଳୀୟ ସଂଗଠନକୁ ଆହୁରି ସୁଦୃଢ଼ କରିବା ଦିଗରେ ପଦକ୍ଷେପ ନିଆଯିବ ବୋଲି ଆଶା କରାଯାଉଛି।

କାଉପଡା ପଞ୍ଚାୟତ କାର୍ଯ୍ୟାଳୟ ପରିସର ମଧ୍ୟରେ ସ୍ବର୍ଗତ ସ୍ୱାଧୀନତା ସଂଗ୍ରାମୀ ବିମ୍ବାଧର ମୁଦୁଲିଙ୍କ ଏକ ସ୍ମୃତି ସଭା କାଉପଡ଼ା ପଞ୍ଚାୟତ କାର୍ଯ୍ୟାଳୟ ଠାରେ ଅନୁଷ୍ଠିତ ହୋଇଯାଇଛି। ସଭାରେ ବହୁ ବିଶିଷ୍ଟ ବ୍ୟକ୍ତି, ସମାଜସେବୀ, ବୁଦ୍ଧିଜୀବୀ ଏବଂ ମାନ୍ୟ, ଗନ୍ୟ ବ୍ୟକ୍ତି,ସ୍ଥାନୀୟ ଜନସାଧାରଣ ଯୋଗଦେଇ ଦିବଙ୍ଗତଙ୍କ ପ୍ରତି ଶ୍ରଦ୍ଧାଞ୍ଜଳି ପ୍ରଦାନ କରିଥିଲେ। ସଭା ଆରମ୍ଭରେ ଦିବଙ୍ଗତଙ୍କ ଫଟୋଚିତ୍ରରେ ପୁଷ୍ପମାଲ୍ୟ ଅର୍ପଣ କରାଯିବା ସହ ଦୁଇ ମିନିଟ୍ ନୀରବ ପ୍ରାର୍ଥନା କରାଯାଇଥିଲା। ବକ୍ତାମାନେ ତାଙ୍କର ଜୀବନାଦର୍ଶ, ସମାଜ ପ୍ରତି ଅବଦାନ ଓ ମାନବିକ ଗୁଣାବଳୀ ସମ୍ପର୍କରେ ଆଲୋକପାତ କରି କହିଥିଲେ ଯେ, ତାଙ୍କର ଅବଦାନ ସର୍ବଦା ସ୍ମରଣୀୟ ହୋଇ ରହିବ। ସଭାରେ ସରପଞ୍ଚ ଶ୍ରୀଯୁକ୍ତ ପ୍ରତାପ ବେହେରାଙ୍କ ସଭାପତିତ୍ବ ରେ ଅନୁଷ୍ଠିତ ହୋଇଥିବା ବେଳେ ମୁଖ୍ୟ ଅତିଥିଭାବେ ବ୍ଲକ ଉପାଧ୍ୟାକ୍ଷ ଦେବାଶିଷ ଆଚାର୍ଯ୍ୟ ଓ ମୁଖ୍ୟ ବକ୍ତା ଭାବେ ବିଡ଼ିଓ ନମିତା ବାରିକ, ପଞ୍ଚାୟତ ସମିତିସଭ୍ୟା ମିଲନପ୍ରଭା, ଦେବରାଜ ମହାପାତ୍ର,ସ୍ବର୍ଗତ ବିମ୍ବାଧର ଙ୍କ ନାତି ନଟବର ସାହୁ ଓ ପଞ୍ଚାୟତର ସମସ୍ତ ୱାର୍ଡମେମ୍ବର ପ୍ରମୁଖ ଉପସ୍ଥିତ ଥିଲେ। ଶେଷରେ ଦିବଙ୍ଗତଙ୍କ ଅମର ଆତ୍ମାର ସଦ୍‌ଗତି କାମନା କରାଯିବା ସହ ଶୋକସନ୍ତପ୍ତ ପରିବାରବର୍ଗଙ୍କ ପ୍ରତି ଗଭୀର ସମବେଦନା ଜ୍ଞାପନ କରାଯାଇଥିଲା।

ଯାଜପୁର: ବନ୍ୟା ପରିସ୍ଥିତିକୁ ନେଇ ରାଜନୈତିକ ବୟାନବାଜି ମଧ୍ୟରେ ବିଜେପି ନେତା ସଂଗ୍ରାମ କେଶରୀ ପାତ୍ର ବିଂଝାରପୁର ବିଧାୟିକା ପ୍ରମିଳା ମଲ୍ଲିକଙ୍କ ମନ୍ତବ୍ୟର କଡ଼ା ପ୍ରତିକ୍ରିୟା ଦେଇଛନ୍ତି। ଏକ ବିବୃତ୍ତିରେ ସେ କହିଛନ୍ତି ଯେ, ବନ୍ୟା ଭଳି ସମ୍ବେଦନଶୀଳ ସମୟରେ ଦୋଷାରୋପର ରାଜନୀତି କରିବା ପରିବର୍ତ୍ତେ ଜନସେବାକୁ ପ୍ରାଥମିକତା ଦେବା ଉଚିତ। ସଂଗ୍ରାମ କେଶରୀ ପାତ୍ରଙ୍କ ମତରେ, ପ୍ରମିଳା ମଲ୍ଲିକ ବର୍ତ୍ତମାନ ସରକାର ଓ ଜନପ୍ରତିନିଧିଙ୍କୁ ପ୍ରଶ୍ନ କରିବା ପୂର୍ବରୁ ନିଜ ଦୀର୍ଘ ରାଜନୈତିକ କାର୍ଯ୍ୟକାଳରେ ବନ୍ୟାର ସ୍ଥାୟୀ ସମାଧାନ ପାଇଁ କ'ଣ ପଦକ୍ଷେପ ନିଆଯାଇଥିଲା, ତାହାର ଜବାବ ଜନସାଧାରଣଙ୍କୁ ଦେବା ଆବଶ୍ୟକ। ସେ କହିଛନ୍ତି ଯେ,୨୪ ବର୍ଷର ହିସାବ ନଦେଇ ୨ ବର୍ଷର ସରକାରକୁ ପ୍ରଶ୍ନ କରିବା ଉଚିତ ନୁହେଁ।ସେ ଆହୁରି କହିଛନ୍ତି ଯେ, ବନ୍ୟା ସମୟରେ ମୁଖ୍ୟମନ୍ତ୍ରୀ ଓ ଯାଜପୁର ସାଂସଦ ନିଜ ନିଜ ସ୍ତରରେ ପ୍ରଶାସନ ସହ ସମନ୍ୱୟ ରଖି ପରିସ୍ଥିତିର ମୁକାବିଲା ପାଇଁ କାର୍ଯ୍ୟ କରୁଥିଲେ ବୋଲି ସେ ଦାବି କରିଛନ୍ତି। ତାଙ୍କ କହିବା ଅନୁଯାୟୀ, ବିପର୍ଯ୍ୟୟ ସମୟରେ କେବଳ ଗୋଟିଏ ସ୍ଥାନରେ ଉପସ୍ଥିତ ରହିବା ନୁହେଁ, ବରଂ ପ୍ରଶାସନିକ ସମନ୍ୱୟ ମାଧ୍ୟମରେ ସହାୟତା କାର୍ଯ୍ୟକୁ ତ୍ୱରାନ୍ୱିତ କରିବା ମଧ୍ୟ ଜନପ୍ରତିନିଧିଙ୍କ ଦାୟିତ୍ୱ।ସଂଗ୍ରାମ କେଶରୀ ପାତ୍ର ଯାଜପୁରର ଯୁବପିଢ଼ି, ସ୍ୱେଚ୍ଛାସେବୀ ସଂଗଠନ, ସାମାଜିକ କର୍ମୀ ଏବଂ ବନ୍ୟା ପ୍ରଭାବିତ ଅଞ୍ଚଳରେ ଦିନରାତି ସେବା କରୁଥିବା ସମସ୍ତଙ୍କୁ ଧନ୍ୟବାଦ ଜଣାଇ କହିଛନ୍ତି ଯେ, ପ୍ରକୃତ ସେବା ହିଁ ଲୋକଙ୍କ ମନ ଜିତେ, ବୟାନବାଜି ନୁହେଁ। ଶେଷରେ ସେ ଆହ୍ୱାନ ଦେଇଛନ୍ତି ଯେ, ବନ୍ୟା ପରି ବିପଦ ସମୟରେ ରାଜନୈତିକ ମତଭେଦକୁ ପଛରେ ରଖି ସମସ୍ତ ଦଳ ଓ ସମସ୍ତ ଜନପ୍ରତିନିଧି ଏକାଠି ହୋଇ ପୀଡ଼ିତ ଲୋକଙ୍କ ସହାୟତାରେ ଆଗେଇ ଆସିବା ଉଚିତ।

ଯାଜପୁର ଜିଲ୍ଲାରେ ସାମ୍ପ୍ରତିକ ବନ୍ୟା ପରିସ୍ଥିତିକୁ ଦୃଷ୍ଟିରେ ରଖି ଜିଲ୍ଲା ପ୍ରଶାସନ ପକ୍ଷରୁ ବ୍ୟାପକ ସହାୟତା ଓ ରିଲିଫ୍ କାର୍ଯ୍ୟ ଜାରି ରହିଛି। ଜିଲ୍ଲାପାଳ ଆଜି ବଡ଼ଚଣା ବ୍ଲକ ଗସ୍ତ କରି ରିଲିଫ, ଉଦ୍ଧାର କାର୍ଯ୍ୟ ଓ କ୍ଷୟ କ୍ଷତି ଆକଳନ ନିମନ୍ତେ ବିଭାଗୀୟ ଅଧିକାରୀ ଙ୍କ ସହିତ ସମୀକ୍ଷା କରିଛନ୍ତି।ଏହି ବୈଠକରେ ବଡ଼ଚଣା ବିଧାୟକ ଶ୍ରୀ ଅମର କୁମାର ନାୟକ , ବ୍ଲକ ଅଧ୍ୟକ୍ଷା ଶ୍ରୀମତୀ ମିନତି ସେନାପତି ଯୋଗଦେଇ ବନ୍ୟା ଜନିତ କ୍ଷୟକ୍ଷତି ର ସଠିକ ଆକଳନ କରିବାକୁ ବିଭାଗୀୟ ଅଧିକାରୀଙ୍କୁ ପରାମର୍ଶ ଦେଇଥିଲେ। ବୈଠକରେ ଅତିରିକ୍ତ ଉପଜିଲ୍ଲାପାଳ ପଲ୍ଲବୀ ରାଣୀ ରାଜ, ବିଡ଼ିଓ, ତହସିଲଦାର ଓ କ୍ଷେତ୍ରୀୟ ଅଧିକାରୀ ମାନେ ଉପସ୍ଥିତ ଥିଲେ।ଜିଲ୍ଲା ଜରୁରୀକାଳୀନ ବିଭାଗର ସୂଚନା ଅନୁଯାୟୀ, ଜିଲ୍ଲାର ୮ଟି ବ୍ଲକ୍ (ଯାଜପୁର, କୋରେଇ, ଦଶରଥପୁର, ବିଞ୍ଝାରପୁର, ବରୀ, ରସୁଲପୁର, ଧର୍ମଶାଳା ଓ ବଡ଼ଚଣା) ଏବଂ ଯାଜପୁର ପୌରାଞ୍ଚଳର ୧୧୭ଟି ଗ୍ରାମ ପଞ୍ଚାୟତ ଅଧୀନସ୍ଥ ୪୦୩ଟି ଗ୍ରାମର ପ୍ରାୟ ୩,୯୭,୬୭୮ ଜଣ ଲୋକ ବନ୍ୟା ଦ୍ୱାରା ପ୍ରଭାବିତ ହୋଇଛନ୍ତି। ବନ୍ୟା ବିପନ୍ନଙ୍କ ସୁରକ୍ଷା ପାଇଁ ପ୍ରଶାସନ ପକ୍ଷରୁ ୨୦୯ଟି ସ୍ଥାନାନ୍ତର କେନ୍ଦ୍ର ଖୋଲାଯାଇ ମୋଟ ୭୯,୭୯୪ ଜଣ ଲୋକଙ୍କୁ ସୁରକ୍ଷିତ ସ୍ଥାନକୁ ନିଆଯାଇଥିଲା। ବନ୍ୟା ପୀଡ଼ିତଙ୍କ ଖାଦ୍ୟପେୟ ପାଇଁ ୨୦୫ଟି ମାଗଣା ରନ୍ଧାଖାଦ୍ୟ କେନ୍ଦ୍ର (Free Kitchen Centre) ଖୋଲାଯାଇଥିବା ବେଳେ ବର୍ତ୍ତମାନ ସୁଦ୍ଧା ୧୧୫ଟି କେନ୍ଦ୍ର କାର୍ଯ୍ୟକ୍ଷମ ରହିଛି। ଏହି କେନ୍ଦ୍ରଗୁଡ଼ିକ ମାଧ୍ୟମରେ ମୋଟ ୪,୪୪,୩୧୨ ଜଣ (୩,୬୦,୦୦୯ ପ୍ରାପ୍ତବୟସ୍କ ଓ ୮୪,୩୦୪ ଶିଶୁ) ହିତାଧିକାରୀଙ୍କୁ ରନ୍ଧାଖାଦ୍ୟ ଯୋଗାଇ ଦିଆଯାଇଛି। ଜରୁରୀକାଳୀନ ସହାୟତା ସ୍ୱରୂପ ପ୍ରଶାସନ ପକ୍ଷରୁ ବ୍ୟାପକ ରିଲିଫ୍ ସାମଗ୍ରୀ ବଣ୍ଟନ କରାଯାଇଛି। ଏଥିମଧ୍ୟରେ ୧୩୦୨.୫୩ କ୍ୱିଣ୍ଟାଲ ଚୁଡ଼ା, ୧୮୧.୩୪ କ୍ୱିଣ୍ଟାଲ ଗୁଡ଼/ଚିନି, ୧୬୮୪ଟି ପଲିଥିନ୍ ରୋଲ୍, ୭୫ କିଗ୍ରା ମୁଢ଼ି, ୩୦୦ ପ୍ୟାକେଟ୍ ବିସ୍କୁଟ, ୩୦୦ ପ୍ୟାକେଟ୍ ଦିଆସିଲି ଏବଂ ୩୦୦ ପ୍ୟାକେଟ୍ ମୋମବଲି ସାମିଲ ରହିଛି। ଏହାବସହ ବନ୍ୟାଞ୍ଚଳରେ ସ୍ୱାସ୍ଥ୍ୟ ଓ ପ୍ରାଣୀସେବା ଯୋଗାଇଦେବା ପାଇଁ ୧୪ଟି ମେଡିକାଲ୍ ଟିମ୍ ଏବଂ ୮ଟି ଭେଟେରିନାରୀ ଟିମ୍‌କୁ ମୁତୟନ କରାଯାଇଛି।ଏହି ବନ୍ୟାରେ ଜିଲ୍ଲାର ପ୍ରାୟ ୨୮,୧୪୬ ହେକ୍ଟର ଚାଷଜମି ଜଳମଗ୍ନ ହୋଇଥିବା ବେଳେ ୧,୧୮,୧୯୦ ବଡ଼ ଗୋରୁଗାଈ, ୫୮,୩୩୮ ସାନ ଗୋରୁଗାଈ ଓ ୪୩,୯୪୪ କୁକୁଡ଼ା ପ୍ରଭାବିତ ହୋଇଛନ୍ତି। ଗୃହପାଳିତ ପ୍ରାଣୀଙ୍କ ମଧ୍ୟରେ ୧ଟି ବଡ଼ ଗୋରୁ, ୬ଟି ଛେଳି/ମେଣ୍ଢା ଏବଂ ୧୦୦୦ କୁକୁଡ଼ାଙ୍କ ମୃତ୍ୟୁ ଘଟିଛି। କ୍ଷତିଗ୍ରସ୍ତ ହୋଇଥିବା ଘର ଗୁଡ଼ିକର ଚୂଡ଼ାନ୍ତ ଆକଳନ ପ୍ରକ୍ରିୟା ବର୍ତ୍ତମାନ ଜାରି ରହିଛି। ଅପରପକ୍ଷରେ, ବନ୍ୟା ଯୋଗୁଁ ୩୫ଟି ରାସ୍ତାରେ ଯୋଗାଯୋଗ ବିଚ୍ଛିନ୍ନ ହୋଇଛି, ୬ଟି ସ୍ଥାନରେ ଘାଇ ସୃଷ୍ଟି ହୋଇଛି ଏବଂ ୧୧ଟି ରାସ୍ତା ଓ ୩ଟି ପୋଲଖୁଣ୍ଟ କ୍ଷତିଗ୍ରସ୍ତ ହୋଇଛି। ବିଦ୍ୟୁତ୍ ଭିତ୍ତିଭୂମିର ୪୨ଟି ଟ୍ରାନ୍ସଫର୍ମର ଓ ଏଲ୍.ଟି ଲାଇନ୍ ନଷ୍ଟ ହୋଇଛି। ଜାରକା ଜଳ ସେଚନ ବିଭାଗ ଅନୁଯାୟୀ, ୨୦ଟି ସ୍ଥାନରେ ଘାଇ ବିପଦ ସୃଷ୍ଟି ହୋଇଥିବା ବେଳେ ୧୦ଟି ନଦୀବନ୍ଧ ଉପରେ ପାଣି ପ୍ରବାହିତ ହୋଇଛି। ବନ୍ୟାଜଳ ହ୍ରାସ ପାଇବା କ୍ଷଣି ପୁନରୁଦ୍ଧାର ଓ ମରାମତି କାର୍ଯ୍ୟ ଆରମ୍ଭ କରାଯିବ ।

ଯାଜପୁର ତା ୩. ୮. ୨୬ରିଖ ଗତ ଜୁଲାଇ ୨୭ ତାରିଖ re ଯାଜପୁର ଜିଲ୍ଲା ଦୌରାଜଜ୍ ତଥା ଆଇନ୍ ସେବା ପ୍ରାଧିକରଣ ଅଧ୍ଯକ୍ଷ ଶ୍ରୀ ଅମ୍ରୁତ ରଞ୍ଜନ ନନ୍ଦ ଙ୍କ ନିର୍ଦ୍ଦେଶ କ୍ରମେ ରସୁଲପୁର ବ୍ଲକ୍ ଅନ୍ତର୍ଗତ ଅତଲାପୁର ଗ୍ରାମପଞ୍ଚାୟତ ସଭଗ୍ରୁହରେ ଆଇନ୍ ସଚେତନତା ସଭା ଅନୁଷ୍ଠିତ ହୋଇଯାଇଛି। ଏଥିରେ ପ୍ରାଧିକରଣ ସଚୀବ ଶ୍ରୀମତୀ ଲିପା ମହାନ୍ତି ଅଧ୍ୟକ୍ଷତାକରି ପ୍ରାଧିକରଣ ର କାର୍ଯ୍ୟ ପରିସର, କେଉଁମାନେ ଏହାର ଉପଭୋକ୍ତା ତାହା ପ୍ରକାଶ କରିବା ସହିତ ସଭାର ସୂଚନା ଦେଇଥିଲେ। ଏଥିରେ ରସୁଲପୁର ମଣ୍ଡଳ ଉନ୍ନୟନ ଅଧିକାରୀ ଶ୍ରୀ ସତ୍ୟନାରାୟଣ ଦାଶ, ଯାଜପୁର ରୋଡରେ ଅବସ୍ଥାପିତ ଡି ଏସ୍ ପି ଶ୍ରୀ ଶରତ କୁମାର ପାତ୍ର , ଆରକ୍ଷୀ ନିରୀକ୍ଷକ କୁଆଖିଆ ଶ୍ରୀ ସୁଶାନ୍ତ କୁମାର ସେଠୀ ଓ ପ୍ରାଧିକରଣର ପ୍ରାକ୍ତନ ସଦସ୍ଯ ତଥା ସାମାଜିକ କାର୍ଯ୍ୟକର୍ତ୍ତା ଡ ରୁଦ୍ରନାରାୟଣ ପ୍ରୁଷ୍ଟି ପ୍ରମୁଖ ଅତିଥି ଆଲୋଚକ ଭାବେ ଯୋଗଦେଇ ନାଲସାର ୨୦୨୫ ମସିହା ସ୍ପ୍ରୁହା ସଚେତନତା କାର୍ଯ୍ୟକ୍ରମ ଯଥା ଯେଉଁମାନେ କଷ୍ଟ ରେ ଅଛନ୍ତି ଲୁଚି ଯାଉଛନ୍ତି କାହାକୁ କହିପାରୁ ନାହାଁନ୍ତି ସେମାନଙ୍କ ପାଖରେ ସରକାରୀ ଜନମଙ୍ଗଳ ଯୋଜନା ଓ ଆଇନ୍ ସେବା କିପରି ପହଞ୍ଚିପାରିବ ସେ ବିଷୟରେ ଆଲୋଚନା କରିବା ସହିତ ମହମ୍ମଦ ଅହମଦ ଖାନ୍ ବନାମ୍ ଶାହାବାନୋ ବେଗମ୍ ଅପିଲ୍ ମାମଲା ୧୦୩ ର ପରିଣତ ଓ ବର୍ତ୍ତମାନ ମୁସଲିମ୍ ମହିଳା ଆବଶ୍ଯକ ସ୍ଥଳେ କିପରି ଭରଣ ପୋଷଣ ହକ୍, ମାଗଣା ଆଇନ୍ ସେବା ପାଇପାରିବେ ସମସ୍ୟାର ଶିଘ୍ର ସମାଧାନ ହୋଇପାରିବ ସେ ବିଷୟରେ ବିସ୍ତୃତ ବକ୍ତବ୍ଯ ରଖିଥିଲେ। ସ୍ଥାନୀୟ ସରପଞ୍ଚ ଅନେସା କସର ଧନ୍ଯବାଦ ଅର୍ପଣ କରିଥିଲେ। କାର୍ଯ୍ୟକ୍ରମ ପରିଚାଳନା ରେ ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ ଗୌରାଙ୍ଗ ଚରଣ ପ୍ରଧାନ ଓ ପ୍ରାଧିକରଣ କର୍ମଚାରୀମାନେ ସହଯୋଗ କରିଥିଲେ।