Web News

ଖୋର୍ଦ୍ଧା ଜିଲ୍ଲା ଚିଲିକା ବ୍ଲକ ଜରିପଡା ଗ୍ରାମପଂଚାୟତ ଅନ୍ତର୍ଗତ ଦାଶରଥି ଉଚ୍ଚ ବିଦ୍ୟାଳୟ କାଳୁପଡ଼ା ଘାଟ ଅବସ୍ଥିତ l ସରକାର ନିୟମ ଅନୁଯାୟୀ ତିନି ଅଧିକ ଗୋଟିଏ ସରକାରୀ ବିଦ୍ୟାଳୟ ଅବସ୍ଥିତ ରହି ପାରିବେ ନାହିଁ l ତେଣୁ ଦାଶରଥି ଉଚ୍ଚବିଦ୍ୟାଳୟର ଅଧିକାଂଶ ଶିକ୍ଷକ ବଦଳି ହୋଇଛିନ୍ତି l ସେହିପରି ଅନ୍ୟତ୍ର ବିଦ୍ୟାଳୟରୁ ବଦଳି ହୋଇ ଶ୍ରୀମତୀ ନେତାଜୀ ଭବାନୀ ସାହୁ ମହୋଦୟା ଦାଶରଥି ଉଚ୍ଚ ବିଦ୍ୟାଳୟ କାଳୁପଡ଼ା ଘାଟର ନୂତନ ପ୍ରଧାନ ଶିକ୍ଷୟତ୍ରୀ ଭାବରେ ଯୋଗଦାନ କରିଛନ୍ତି l ତେଣୁ ଦାଶରଥି ଉଚ୍ଚ ବିଦ୍ୟାଳୟର ଶିକ୍ଷକ ଓ ଶିକ୍ଷୟିତ୍ରୀମାନେ ଉପସ୍ଥିତ ରହି ଉତ୍ତରୀ ଓ ପୁଷ୍ପଗୁଚ୍ଛ ଦେଇ ସ୍ୱାଗତ କରିଥିଲେ l ପ୍ରଧାନ ଶିକ୍ଷୟିତ୍ରୀ ଯୋଗଦାନ ଅବସରରେ ମୁଖ୍ୟଉପଦେଷ୍ଟା ଭାବରେ ଲଷ୍ମଣ କୁମାର ପ୍ରଧାନ ସହ ଅନ୍ୟାନ୍ୟ ସୁରେଶ କୁମାର ସ୍ୱାଇଁ, ବରିଷ୍ଠl ପ୍ରତିମା ଦିଦି,ବେନୁଗୋପାଳ ଦୋରା, ଜିତେନ୍ଦ୍ର କୁମାର ମଲ୍ଲିକ, ପ୍ରାଚୀସୋପ୍ନା ଲେଙ୍କା, ସ୍ମାରରୀକା ଶତପଥୀ, ପିଅନ କାଳିଆ, ସରୁଜୁ ଉପସ୍ଥିତ ରହି ସ୍ୱାଗତ ଜାଣିଇ ଥିଲେ l ତାହାସହିତ ଆଲାମୋନୀ କମିଟିର ଚ୍ୟାୟାରମ୍ୟାନ ଶେଷଦେବ ରାୟଗୌବ ସହିତ ଆଲାମୋନୀ କମିଟିର ସଦସ୍ୟ ସୁରେନ୍ଦ୍ର କୁମାର ମଲିକ ଉପସ୍ଥିତ ଥାଇ ସ୍ୱାଗତ ଜଣାଇ ଥିଲେ l

ଜୟପାଟଣା: ଧର୍ମଗଡ ଉପଖଣ୍ଡ ଅନ୍ତର୍ଗତ ଜୟପାଟଣା ବ୍ଲକ ବାଣ୍ଡିଗା ଗ୍ରାମପଞ୍ଚାୟତର 60 ପରିବାରରୁ ଉର୍ଦ୍ଧ୍ୱ ଦିର୍ଘ 8-10 ବର୍ଷ ହେଲା ଭୋଗୁଛନ୍ତି ଡ୍ରେନ୍ ସମସ୍ୟା। 8 ବର୍ଷ ତଳେ ଲୋକଙ୍କ ସୁବିଧା ପାଇଁ ଡ୍ରେନ୍ ନିର୍ମାଣ ହୋଇଥିଲା କିନ୍ତୁ ଡ୍ରେନର ଉପରି ଭାଗରେ ଢାଙ୍କୁଣି ନ ଥିବାରୁ ତାହା ଲୋକଙ୍କ ସମସ୍ୟା ଦୂରୀକରଣ ହେବା ପରିବର୍ତ୍ତେ ଡ୍ରେନ୍ ସମସ୍ୟା ଦୁଇ ଗୁଣିତ ହୋଇଯାଇଛି। ସ୍ଥାନୀୟ ଲୋକଙ୍କ କହିବା ଅନୁଯାୟୀ ବାରମ୍ବାର ଅଭିଯୋଗ ସତ୍ତ୍ୱେ ସମସ୍ୟାର ସମାଧାନ ହେଉନାହିଁ।ଗ୍ରାମର ବାସିନ୍ଦା ସୁକ ରଣାଙ୍କ ପ୍ରତିକ୍ରିୟା ଅନୁଶାରେ ପରିବର୍ତ୍ତନ ହେଉଛନ୍ତି ସରକାରୀ ଅଧିକାରୀ, ଜନପ୍ରତିନିଧି କିନ୍ତୁ ପରିବର୍ତ୍ତନ ହେଇନି ଗ୍ରାମର ଡ୍ରେନ୍ ସମସ୍ୟା। ଗ୍ରାମର ରାସ୍ତା ସହ ଏହି ଗଲି ରାସ୍ତା ସଂଯୁକ୍ତ ଯାହାକି 60ଉର୍ଦ୍ଧ ପରିବାର ଯିବା ଆସିବା କରନ୍ତି।କିନ୍ତୁ ଡ୍ରେନ୍ ମଝିରେ ହୋଇ ଜିବାରି ଲୋକେ ଅନେକ ଅସୁବିଧା ର ସମ୍ମୁଖୀନ ହେଉଛନ୍ତି। ବର୍ଷ ଦିନ କଥା କହିଲେ ନ ସରେ ଆଗାମୀ ଦିନରେ ବର୍ଷା ହେବାର ଥିବାରୁ ଅତିଶୀଘ୍ର ସମସ୍ୟା ଦୂରୀକରଣ ପାଇଁ ନିବେଦନ କରିଛନ୍ତି।

ଜୟପାଟଣା: ବର୍ତ୍ତମାନ ସମୟରେ କ୍ରିକେଟ୍ ପ୍ରତି ଲୋକଙ୍କ ପ୍ରେମ ଗଭୀର ହେବାର ନଜରକୁ ଆସୁଛି।ଏହି ପରି ପରିପେକ୍ଷୀରେ ଜୟପାଟଣା ଠାରେ ଏକ କ୍ରିକେଟ୍ ଟୁର୍ଣ୍ଣାମେଣ୍ଟର ର ଆୟୋଜନ କରିଛି ମା ଠାକୁରାଣୀ ଯୁବକ ସଂଘ ଜୟପାଟଣା ବଜାରପଡ଼ା। ଟୁର୍ଣ୍ଣାମେଣ୍ଟର ଆରମ୍ଭ 10/06/26 ରେ ହୋଇ 14/06/26 ରେ ଫାଇନାଲ ମୁକାବିଲା ଅନୁଷ୍ଟିତ ହେବ। ଟୁର୍ଣ୍ଣାମେଣ୍ଟର ଚତୁର୍ଥ ଦିନରେ ଜୟପାଟଣା ଇଲେଭେନ ଓ ହୀରାପୁର ମଧ୍ୟରେ ମ୍ୟାଚ୍ ହୋଇଥିଲା। ମ୍ୟାଚରେ ଜୟପାଟଣା ଟଛ ଜିତି ବ୍ୟାଟିଙ୍ଗ କରି 115/7 କରିଥିବାବେଳେ ହୀରାପୁର ସମସ୍ତ ୱିକେଟ୍ ହରାଇ 89 ରନରେ ଧରାଶାୟୀ ହୋଇପଡ଼ିଥିଲା। ମ୍ୟାଚଟିକୁ ଜୟପାଟଣା ଇଲେଭେନ ବିଜୟହୋଇ କ୍ଵଟର ଫାଇନାଲରେ ପ୍ରବେଶ କରିଥିଲା।ମୁଖ୍ୟ ଅତିଥି ଭାବେ ଅବିନାଶ ନନ୍ଦ , ସମ୍ମାନ ଅତିଥି ଭାବେ RMC କର୍ମଚାରୀ ମହମ୍ମଦ ତଫିକ ଯୋଗଦେଇ ଖେଳାଳିଙ୍କୁ ଉତ୍ସାହିତ କରିଥିଲେ।

ରାଜ୍ୟରେ ଜନକଲ୍ୟାଣକାରୀ ସରକାରଙ୍କ ସଫଳ ଦୁଇ ବର୍ଷ ପୂର୍ତ୍ତିର ଏହି ଶୁଭ ଅବସରରେ, ଆଜି ପିପିଲି ବିଧାୟକ ଶ୍ରୀଯୁକ୍ତ ଆଶ୍ରିତ ପଟ୍ଟନାୟକଙ୍କ ସହ ଶିଳ୍ପ ଓ ବୈଷୟିକ ଶିକ୍ଷ୍ୟା ମନ୍ତ୍ରୀ ସମ୍ପଦ ସ୍ବାଇଁ ପବିତ୍ର ଶ୍ରୀକ୍ଷେତ୍ର ଶ୍ରୀମନ୍ଦିର ଯାଇ କାଳିଆ ସାଆନ୍ତଙ୍କ ଦିବ୍ୟ ଦର୍ଶନ ଲାଭ କରିବାର ସୌଭାଗ୍ୟ ପ୍ରାପ୍ତ କଲେ। ସନାତନ ସଂସ୍କୃତିର ମହାନ୍ ପ୍ରତୀକ ତଥା ବିଶ୍ୱର ସର୍ବଶ୍ରେଷ୍ଠ ଚାରିଧାମ ମଧ୍ୟରୁ ଅନ୍ୟତମ ‘ଶ୍ରୀଜଗନ୍ନାଥ ଧାମ’ ହେଉଛି କୋଟି କୋଟି ଜଗନ୍ନାଥ ପ୍ରେମୀଙ୍କ ଭକ୍ତି, ବିଶ୍ୱାସ ଓ ଆସ୍ଥାର ପ୍ରାଣକେନ୍ଦ୍ର। ଜଗତର ନାଥ ମହାପ୍ରଭୁ ଶ୍ରୀଜଗନ୍ନାଥ ହିଁ ଓଡ଼ିଆ ଜାତିର ପ୍ରାଣ, ସ୍ପନ୍ଦନ ଏବଂ ଆମ ଅସ୍ମିତାର ଶ୍ରେଷ୍ଠ ପରିଚୟ।ଏହି ଶୁଭ ଦିନରେ ଚତୁର୍ଦ୍ଧାମୂର୍ତ୍ତିଙ୍କ ଶ୍ରୀଚରଣ କମଳରେ ସମଗ୍ର ରାଜ୍ୟବାସୀଙ୍କ ମଙ୍ଗଳ, ସୁଖ, ଶାନ୍ତି, ନିରାମୟ ଜୀବନ ଏବଂ ଅପୂର୍ବ ସମୃଦ୍ଧି ପାଇଁ ଆନ୍ତରିକ ପ୍ରାର୍ଥନା କରିଥିଲେ।

ନନ୍ଦାହାଣ୍ଡି : ମାନ୍ୟବର ପ୍ରଧାନମନ୍ତ୍ରୀ Narendra Modi 'ବିକଶିତ ଭାରତ' ଦୃଷ୍ଟିକୋଣକୁ ସାକାର କରିବା ଲକ୍ଷ୍ୟରେ ନବରଙ୍ଗପୁର ସାଂସଦ Balabhadra Majhi, ବିଧାୟକ Gouri Shankar Majhi ନନ୍ଦାହାଣ୍ଡି ତହସିଲ କାର୍ଯ୍ୟାଳୟରେ ରେଳ ଲାଇନ ପ୍ରକଳ୍ପ ପାଇଁ ଚାଲିଥିବା ଜମି ଅଧି ଗ୍ରହଣ ପ୍ରକ୍ରିୟା ର ସମୀକ୍ଷା କରିଥିଲେ। ଆଗାମୀ ୧୫ ଦିନ ମଧ୍ୟରେ ଅବଶିଷ୍ଟ ଜମି ଅଧୂଗ୍ରହଣ ପ୍ରକ୍ରିୟା ସମାପ୍ତ କରିବାକୁ ନିର୍ଦ୍ଦେଶ ଦେଇଥିଲେ । ବୈଠକରେ ରେଳ ଲାଇନ ପ୍ରକଳ୍ପର ଅଗ୍ରଗତି, ଜମି ଅଧିଗ୍ରହଣ ସ୍ଥିତି ଏବଂ ଅବଶିଷ୍ଟ କାର୍ଯ୍ୟ ସମ୍ପର୍କରେ ବିସ୍ତୃତ ଆଲୋଚନା ହୋଇଥିଲା। ଆଞ୍ଚଳିକ ବିକାଶ ଏବଂ ଉନ୍ନତ ଯୋଗାଯୋଗ ବ୍ୟବସ୍ଥା ପାଇଁ ଏହି ପ୍ରକଳ୍ପକୁ ଅତ୍ୟନ୍ତ ଗୁରୁତ୍ବପୂର୍ଣ୍ଣ ବୋଲି ଉଲ୍ଲେଖ କରି ସାଂସଦ ଶ୍ରୀ ମାଝୀ ଅଧିକାରୀମାନଙ୍କୁ ଆଗାମୀ ୧୫ ଦିନ ମଧ୍ୟରେ ଅବଶିଷ୍ଟ ଜମି ଅଧୂଗ୍ରହଣ ପ୍ରକ୍ରିୟା ସମାପ୍ତ କରିବାକୁ ନିର୍ଦ୍ଦେଶ ଦେଇଥିଲେ। ଏହି ଅବସରରେ ସେ କହିଥିଲେ ଯେ, ଜନକଲ୍ୟାଣ ଓ ଭିତ୍ତିଭୂମି ବିକାଶ କ୍ଷେତ୍ରରେ ସରକାରଙ୍କ ପ୍ରତିବଦ୍ଧତା ଅଟଳ ରହିଛି ଏବଂ ଅଞ୍ଚଳର ସାମଗ୍ରିକ ବିକାଶ ପାଇଁ ଏଭଳି ପ୍ରକଳ୍ପଗୁଡ଼ିକ ମାଇଲଖୁଣ୍ଟ ସାବ୍ୟସ୍ତ ହେବ। ସମୀକ୍ଷା ବୈଠକରେ ତହସିଲଦାର, ଅତିରିକୁ ତହସିଲଦାର, ଚିକିତ୍ସା ଅଧିକାରୀ, ବରିଷ୍ଠ ବ୍ୟାଙ୍କ ଅଧିକାରୀ, ଜୋନାଲ ପରିଚାଳକ, ଶାଖା ପରିଚାଳକଙ୍କ ସମେତ ବିଭିନ୍ନ ବିଭାଗର ଅଧୂକାରୀ ଓ ଅନ୍ୟାନ୍ୟ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ଥିଲେ।

ଚନ୍ଦାହାଣ୍ଡି : ୧୩/୦୬, ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ବ୍ଲକ ପାଟଖଲିଆ ପଞ୍ଚାୟତ ଅଧୀନ ମଣିପଦର ଓ କୁକୁରାକୋଟ ଗ୍ରାମରେ ବ୍ୟାପକ ଭାବେ ଦେଶି ମହୁଲି ମଦ ରନ୍ଧା ଓ ବିକ୍ରି କରାଯାଉଛି। ଏହା ସହିତ ଏମ୍ ଏସ ଓ ଖଜୁରୀ ରସ ମଧ୍ୟ ବିକ୍ରି ହେଉଛି। ଯାହାକୁ ସେବନ କରି ଗାଁରେ ଅଯଥାରେ ଗଣ୍ଡଗୋଳ ହେଉଛି ପୁରୁଷମାନେ ପରିବାରରେ ସ୍ତ୍ରୀ ପିଲାଛୁଆଙ୍କୁ ମାରପିଟ କରୁଥିବା ମହିଳାମାନେ ଅଭିଯୋଗ କରିଛନ୍ତି। ତୁରନ୍ତ ମହୁଲି, ଏମ୍ ଏସ ଓ ଖଜୁରୀ ରସ ବିକ୍ରିକୁ ବନ୍ଦ କରିବାକୁ ମଣିପଦର ଓ କୁକୁରାକୋଟ ଗ୍ରାମର ଶତାଧ‌ିକ ମହିଳା ଏକାଠି ହୋଇ ଚନ୍ଦାହାଣ୍ଡି ଥାନାକୁ ଯାଇ ଏକ ଦାବିପତ୍ର ପ୍ରଦାନ କରିଛନ୍ତି। ଏହି ଦାବିପତ୍ର ପ୍ରଦାନବେଳେ ହର ପୂଜାରୀ, ଘନ ସୋରି, କରୁଣା ମାଝୀ, କରୁଣା ପୋର୍ଟି, ଉର୍ବଶୀ ମାଝୀ, ଇନ୍ଦ୍ରା ସୋରି, ଅଁଳା ବଗର୍ଷି, ଲୋବନି ସୋରି, ନିର ନେତାମ, ଦୂର ନେତାମ, ବାସ ମାଝୀ, ଗମତି ଝାଙ୍କର, ସୁମିତ୍ରା ସୁମିତ୍ରା ସୋ ସୋରି, ଝଜନେ ଝାଙ୍କର, ମୁଁଙ୍ଗେ ଝାଙ୍କର, ଚନ୍ଦରେ ଭତ୍ରା, ମୁଁଙ୍ଗେ ଭତ୍ରା, ଲକ୍ଷ୍ମୀ ସୋରି, ଧନସେ ଭତ୍ରା ସହିତ ଗ୍ରାମର ସମସ୍ତ ମହିଳା ଉପସ୍ଥିତ ଥିଲେ।

ନବରଙ୍ଗପୁର:୧୩/୬: ସାଧାରଣ ଲୋକଙ୍କ ଯାତାୟାତକୁ ସୁଗମ କରିବା ପାଇଁ ସରକାର ବିଭିନ୍ନ ଅଞ୍ଚଳରେ ଯାତ୍ରୀବାହୀ ବସ୍ ସେବା ଯୋଗାଇ ଆସୁଛନ୍ତି | କିନ୍ତୁ ସାମାନ୍ୟ ମରାମତି ଓ ରକ୍ଷଣାବେକ୍ଷଣର ଅଭାବ ଯୋଗୁ ଅନେକ ସରକାରୀ ବସ୍ ଅକାମୀ ହୋଇ କବାଡି ଖାନାକୁ ଯାଉଥିବା ଦୃଶ୍ୟ ଏବେ ଚିନ୍ତାର ବିଷୟ ପାଲଟିଛି। ଆଞ୍ଚଳିକ ପରିବହନ ନିଗମ (ଓଏସ୍‌ଆର୍‌ଟିସି), ନବରଙ୍ଗପୁର ଡିପୋରେ ବର୍ଷ ବର୍ଷ ଧରି ପଡ଼ି ରହିଥିବା ବସ୍‌ଗୁଡ଼ିକ ଶେଷରେ କବାଡିମାଲ ଭାବେ ବିକ୍ରିହୋଇ ଅନ୍ୟ ରାଜ୍ୟକୁ ପରିବହନ ହେଉଥିବା ଦେଖାଯାଇଛି। ବୁଧବାର ରାତିରେ ଜୟପୁର ଆଡୁ କେତେକ ଟ୍ରକ୍‌ରେ ବସ୍‌ଗୁଡିକୁ ବୋହି ଅନ୍ୟ ରାଜ୍ୟକୁ ନିଆଯାଇଛି। ନବରଙ୍ଗପୁର ଅସ୍ଥାୟୀ ବାଇପାସ୍ ରାସ୍ତା ଦେଇ ଦେଇ - ଟ୍ରକ୍‌ଗୁଡ଼ିକରେ ବୋଝେଇ ହୋଇ ସରକାରୀ ବସ୍‌ଗୁଡିକୁ ନିଆଯାଇଛି। ସରକାର ଏକପଟେ ନୂତନ ବସ୍ ସେବା ଆରମ୍ଭ କରୁଥିବା ବେଳେ ଅନ୍ୟପଟେ ପୁରୁଣା ବସ୍‌ଗୁଡ଼ିକର ଏଭଳି ଅବହେଳା ଓ ଅପଚୟ ଘଟଣା ସାଧାରଣ ଲୋକଙ୍କ ମଧ୍ୟରେ ପ୍ରଶ୍ନ ସୃଷ୍ଟି କରିଛି। ନବରଙ୍ଗପୁର ଡିପୋର ସମସ୍ୟାର ସ୍ଥାୟୀ ସମାଧାନ ସହ ଜବରଦଖଲ ଉଚ୍ଛେଦ ଏବଂ ପରିବହନ ଭିଭିଭୂମିର ଉନ୍ନତି ପାଇଁ ସ୍ଥାନୀୟ ଅଞ୍ଚଳରେ ଦାବି ଜୋର ଧରିଛି। ଏକ ସମୟରେ ଶତାଧିକ ଯାତ୍ରୀଙ୍କୁ ନିଜ ଗନ୍ତବ୍ୟସ୍ଥଳରେ ପହ‌ଞ୍ଚାଉଥିବା ବସ୍‌ଗୁଡ଼ିକ ଆଜି ଟ୍ରକ୍ ଉପରେ ଲଦାହୋଇ ଡିପୋ ପରିସରରୁ ବାହାରୁଛି। କେତେକ ବସ୍‌କୁ ସମ୍ପୂର୍ଣ ଅବସ୍ଥାରେ ଟ୍ରକ୍ ଯୋଗେ ଅନ୍ୟ ରାଜ୍ୟକୁ ପଠାଯାଉଥିବା ବେଳେ ଆଉ କେତେକ ବସ୍‌କୁ କବାଡି ବ୍ୟବସାୟୀମାନେ ମେଶିନ ସାହାଯ୍ୟରେ କାଟି ଖଣ୍ଡ ଖଣ୍ଡ କରି ପରିବହନ କରୁଛନ୍ତି । ସ୍ଥାନୀୟ ଲୋକଙ୍କ ଅଭିଯୋଗ ଅନୁସାରେ, ବସ୍‌ଗୁଡ଼ିକରେ ସାମାନ୍ୟ ତ୍ରୁଟି ଦେଖାଦେବା ପରେ ସେଗୁଡ଼ିକୁ ମରାମତିକରି ପୁନର୍ବାର ଚଳାଚଳ ଉପ‌ଯୋଗୀ କରାଯାଇପାରୁଥିଲା। କିନ୍ତୁ ଦୀର୍ଘ ଦିନ ଧରି ଅବହେଳିତ ଭାବେ ପଡ଼ି ରହିବାରୁ ବସଗୁଡ଼ିକରେ କଳଙ୍କି ଲାଗିବା ସହ ଯନ୍ତ୍ରାଂଶ ନଷ୍ଟ ହୋଇଯାଇଥିଲା। ଫଳରେ ସରକାରୀ ସମ୍ପତିର ମୂଲ୍ୟ ହ୍ରାସ ପାଇବା ସହ ଶେଷରେ ସେଗୁଡ଼ିକୁ କବାଡି ଭାବେ ବିକ୍ରି କରିବାକୁ ପଡ଼ିଛି। ଅନ୍ୟପଟେ, ନବରଙ୍ଗପୁର ବସ ଡିପୋ ଓ ବସ୍‌ଷ୍ଟାଣ୍ଡ ପରିସରରେ ବଢ଼ୁଥିବା ଜବରଦଖଲ ମଧ୍ୟ ଏକ ଗୁରୁତର ସମସ୍ୟା ଭାବେ ଉଭା ହୋଇଛି। ଡିପୋ ଆଖପାଖ ଅଞ୍ଚଳରେ ଅନଧିକୃତ ଦଖଲ ଯୋଗୁ ବସ୍ ଷ୍ଟାଣ୍ଡର ପରିସର ସଂକୀର୍ଣ୍ଣ ହୋଇପଡ଼ିଛି। ଏଥିଯୋଗୁ ବସ୍ ଚଳାଚଳ, ପାକିଂ ଓ ଯାତ୍ରୀଙ୍କ ଯାତାୟାତରେ ବିଭିନ୍ନ ସମସ୍ୟା ଦେଖାଦେଉଛି। ପରିବହନ ବିଶେଷଜ୍ଞମାନଙ୍କ ମତରେ, ସରକାରୀ ସମ୍ପରିର ସୁରକ୍ଷା ଓ ଠିକ୍ ରକ୍ଷଣାବେକ୍ଷଣ ନ ହେଲେ ଏଭଳି ଅବସ୍ଥା ସୃଷ୍ଟି ହେବା ସ୍ବାଭାବିକ। ସମୟାନୁସାରେ ମରାମତି ଓ ଆଧୁନିକୀକରଣ କରାଯାଇଥାନ୍ତା ହେଲେ ଅନେକ ବସ ଆଜି ମଧ୍ୟ ସେବା ଯୋଗାଇ ପାରୁଥାନ୍ତା ବୋଲି ସେମାନେ କହିଛନ୍ତି। ଏ ନେଇ ନବରଙ୍ଗପୁର ଡିପୋ ମ୍ୟାନେଜର ସନ୍ତୋଷ କୁମାର ନାୟକଙ୍କୁ ପଚାରିବାରୁ ଅଚଳ ଅବସ୍ଥାରେ ପଡ଼ି ରହିଥିବା ବସ ଗୁଡିକ scrap କରିବାକୁ ଓଡ଼ିଶାର ସମସ୍ତ ଡିପୋ ପାଇଁ ଟେଣ୍ଡର ହୋଇଥିଲା। ନବରଙ୍ଗପୁର ଡିପୋରୁ ୭ଟା ବସ ସ୍କ୍ରିପ୍ ଭାବେ ନିଆଯାଇଥିବା ସେ କହିଛନ୍ତି।

ଅନୁଗୋଳ: ଅନୁଗୋଳ ବ୍ଲାକ ଡାଇମଣ୍ଡସ୍ଥିତ ସମ୍ମିଳନୀ କକ୍ଷଠାରେ “ମୁଖ୍ୟମନ୍ତ୍ରୀ ଅନ୍ନପୂର୍ଣ୍ଣା ଯୋଜନା”ର ଶୁଭାରମ୍ଭ ଉପଲକ୍ଷେ ଏକ ବିଶେଷ କାର୍ଯ୍ୟକ୍ରମ ଆୟୋଜିତ ହୋଇଯାଇଛି। ରାଜ୍ୟସ୍ତରରେ ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀଙ୍କ ଦ୍ବାରା ଏହି ଯୋଜନାର ଶୁଭ ଉଦ୍‌ଘାଟନର ସିଧାସଳଖ ପ୍ରସାରଣ ଆଭାସୀ ମାଧ୍ୟମରେ ପ୍ରସାରିତ କରାଯାଇଥିଲା। ଏହି ଅବସରରେ ମାନ୍ୟବର ଢେଙ୍କାନାଳ ସାଂସଦ ଶ୍ରୀ ରୁଦ୍ର ନାରାୟଣ ପାଣି, ଜିଲ୍ଲା ଯୋଜନା ବୋର୍ଡର ଅଧ୍ୟକ୍ଷ ତଥା ମାନ୍ୟବର ପାଲଲହଡା ବିଧାୟକ ଶ୍ରୀ ଅଶୋକ ମହାନ୍ତି, ଜିଲ୍ଲା ପରିଷଦ ଅଧ୍ୟକ୍ଷା ଶ୍ରୀମତୀ ବବିତା ପ୍ରଧାନ, ମାନ୍ୟବର କେନ୍ଦ୍ର ଶିକ୍ଷାମନ୍ତ୍ରୀ ତଥା ସମ୍ବଲପୁର ସାଂସଦଙ୍କ ପ୍ରତିନିଧି ଶ୍ରୀ ସୁଦିପ ଗଡନାୟକ, ମାନ୍ୟବର ଅନୁଗୋଳ ବିଧାୟକଙ୍କ ପ୍ରତିନିଧି ଶ୍ରୀ ପ୍ରଭାତ କୁମାର ପ୍ରଧାନ, ମାନ୍ୟବର ଛେଣ୍ଡିପଦା ବିଧାୟକଙ୍କ ପ୍ରତିନିଧି ଶ୍ରୀ ମେଳାପ କୁମାର ପ୍ରଧାନ, ଅତିରିକ୍ତ ଜିଲ୍ଲାପାଳ ଶ୍ରୀ ପ୍ରତାପ ପ୍ରୀତିମୟ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ। ଏହି କାର୍ଯ୍ୟକ୍ରମରେ ଅତିଥିମାନଙ୍କ ଦ୍ଵାରା ୧୦ ଜଣ ହିତାଧିକାରୀଙ୍କୁ ମୁଖ୍ୟମନ୍ତ୍ରୀ ଅନ୍ନପୂର୍ଣ୍ଣା ଯୋଜନାରେ ରାସନ କାର୍ଡ ପ୍ରଦାନ କରାଯାଇଥିବାବେଳେ ଅତିରିକ୍ତ ଭାବେ ୧୭୦ ଜଣଙ୍କୁ କାର୍ଡ ବଣ୍ଟନ କରାଯାଇଥିଲା। ଏହି ଯୋଜନାରେ ଅନ୍ତର୍ଭୁକ୍ତ ଯୋଗ୍ୟ ହିତାଧିକାରୀଙ୍କୁ ମାସକୁ ସଦସ୍ୟ ପିଛା ଅତିରିକ୍ତ ୫ କେଜି ଚାଉଳ ମାଗଣା ମିଳିବ ଏବଂ ଏହାଦ୍ୱାରା ଜିଲ୍ଲାରେ ସର୍ବମୋଟ ୨୯୪୦୫୭ ଗୋଟି ପରିବାର ଉପକୃତ ହେବେ। ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ହିତାଧିକାରୀ, ଜିଲ୍ଲାସ୍ତରୀୟ ଅଧିକାରୀ ତଥା ଗଣମାଧ୍ୟମର ପ୍ରତିନିଧି ପ୍ରମୁଖ ଉପସ୍ଥିତ ଥିଲେ।

ଅନୁଗୋଳ: ଅନୁଗୋଳ ଶିଶୁ ଶ୍ରମ ନିରାକରଣ ଏବଂ ଶିଶୁମାନଙ୍କ ଅଧିକାର ସୁରକ୍ଷା ସମ୍ପର୍କରେ ବ୍ୟାପକ ସଚେତନତା ସୃଷ୍ଟି କରିବା ଉଦ୍ଦେଶ୍ୟରେ ଆଜି ଅନୁଗୋଳ ଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରେ “ଶିଶୁ ଶ୍ରମିକ ନିରାକରଣ ସଚେତନତା ରଥ”ର ଶୁଭ ଉଦଘାଟନ ହୋଇଯାଇଛି। ଅତିରିକ୍ତ ଜିଲ୍ଲାପାଳ ଶ୍ରୀ ଉଦୟ କୁମାର ମହାପାତ୍ର ପତାକା ଦେଖାଇ ଏହି ରଥର ଶୁଭାରମ୍ଭ କରିଥିଲେ।ଏହି ରଥ ଜିଲ୍ଲାର ସମସ୍ତ ବ୍ଲକର ବିଭିନ୍ନ ହୋଟେଲ, ଢାବା, ଗ୍ୟାରେଜ, ହାଟ ଏବଂ ଜନଗହଳିପୂର୍ଣ୍ଣ ସ୍ଥାନ ପରିଭ୍ରମଣ କରିବ। ଶିଶୁ ଶ୍ରମର କୁପ୍ରଭାବ, ଶିକ୍ଷାର ଗୁରୁତ୍ୱ ଏବଂ ପ୍ରତ୍ୟେକ ଶିଶୁଙ୍କ ପାଇଁ ଏକ ସୁରକ୍ଷିତ ତଥା ସୁନିଶ୍ଚିତ ଶୈଶବ ଗଠନ କରିବାରେ ସମାଜର ସାମୂହିକ ଦାୟିତ୍ୱ ସମ୍ପର୍କରେ ଜନସାଧାରଣଙ୍କୁ ସଚେତନ କରାଇବା ଏହି ରଥର ମୁଖ୍ୟ ଉଦ୍ଦେଶ୍ୟ। ଏହି କାର୍ଯ୍ୟକ୍ରମରେ ଯୁଗ୍ମ ଶ୍ରମ ଆୟୁକ୍ତ ଶ୍ରୀ କୁବେର ବେହେରା, ପ୍ରଭାଗୀୟ ଶ୍ରମ ଆୟୁକ୍ତ ଶ୍ରୀମତୀ ଇତିଶ୍ରୀ ଗାଗରାଇ, ଜିଲ୍ଲା ଶିଶୁ ସୁରକ୍ଷା ଅଧିକାରୀ ଶ୍ରୀ ଗୌରୀ ଶଙ୍କର ବେହେରା, ଭାରପ୍ରାପ୍ତ ଜିଲ୍ଲା ଶ୍ରମ ଅଧିକାରୀ ଶ୍ରୀ ଦେବପ୍ରସାଦ ମହାନ୍ତି ଏବଂ ବିଶ୍ୱ ଯୁବ କେନ୍ଦ୍ରର ନିର୍ଦ୍ଦେଶକ ଶ୍ରୀ ମନୋଜ କୁମାର ମହାପାତ୍ରଙ୍କ ସମେତ ଆଠମଲ୍ଲିକ, କିଶୋରନଗର, ବଅଁରପାଳ ଓ ତାଳଚେରର ସହକାରୀ ଶ୍ରମ ଅଧିକାରୀମାନେ ଉପସ୍ଥିତ ଥିଲେ।

ଅନୁଗୋଳ: ତାଳଚେର ବ୍ଲକ ଅନ୍ତର୍ଗତ ଧରମପୁର ପଞ୍ଚାୟତରେ ଏକ ପ୍ରାଇଭେଟ କମ୍ପାନୀର ଡ୍ରିଲିଂ ଗାଡ଼ି ବାରମ୍ବାର ପ୍ରବେଶ କରିବାକୁ ନେଇ ଅସନ୍ତୋଷ ଦେଖାଦେଇଛି। ଏହାକୁ ନେଇ ପୂର୍ବରୁ ମଧ୍ୟ ସ୍ଥାନୀୟ ଲୋକଙ୍କ ବିରୋଧ ସହ ଥାନା ପର୍ଯ୍ୟନ୍ତ ମାମଲା ପହଞ୍ଚିଥିଲା। ଏହି ପରିପ୍ରେକ୍ଷୀରେ ଧରମପୁର ପଞ୍ଚାୟତ ସରପଞ୍ଚଙ୍କ ଆହ୍ୱାନରେ ଖଇରପାଳ, ସରେଇଲୋ ଓ ଧରମପୁର ଗ୍ରାମର ସଭାପତି, ୱାର୍ଡ ସଦସ୍ୟ ଏବଂ ବହୁ ସଂଖ୍ୟକ ପୁରୁଷ ଓ ମହିଳାଙ୍କ ଉପସ୍ଥିତିରେ ଏକ ସାଧାରଣ ବୈଠକ ଅନୁଷ୍ଠିତ ହୋଇଥିଲା। ବୈଠକରେ ପ୍ରାଇଭେଟ କମ୍ପାନୀର କାର୍ଯ୍ୟକଳାପକୁ ନେଇ ବିସ୍ତୃତ ଆଲୋଚନା ପରେ ସର୍ବସମ୍ମତିକ୍ରମେ ନିଷ୍ପତ୍ତି ନିଆଯାଇଥିଲା ଯେ, ପଞ୍ଚାୟତ ଅଞ୍ଚଳରେ ଜମି ଅଧିଗ୍ରହଣ କିମ୍ବା ଅନ୍ୟ କୌଣସି କାର୍ଯ୍ୟ ପାଇଁ ପ୍ରାଇଭେଟ କମ୍ପାନୀକୁ ପ୍ରବେଶ ଅନୁମତି ଦିଆଯିବ ନାହିଁ। ଶେଷରେ ଉପସ୍ଥିତ ଜନସାଧାରଣ ହରିବୋଲ ଓ ହୁଳହୁଳି ଧ୍ୱନି ଦେଇ ନିଜ ଏକତା ପ୍ରଦର୍ଶନ କରିବା ସହ ବୈଠକକୁ ସମାପ୍ତ କରିଥିଲେ।

ଅନୁଗୋଳ: ତାଳଚେର ସ୍ଥିତ ପବିତ୍ର ମୋହନ ମେଡିକାଲ୍ କଲେଜରେ ଷ୍ଟାଫ୍ ନର୍ସ ଓ ସ୍ୱାସ୍ଥ୍ୟ କର୍ମଚାରୀ ନିଯୁକ୍ତିରେ ହୋଇଥିବା କଥିତ ଦୁର୍ନୀତିର ସିବିଆଇ ତଦନ୍ତ ଏବଂ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ବରଖାସ୍ତ ଦାବି କରିଛି ମହାନଦୀ କୋଇଲା ଶ୍ରମିକ କଂଗ୍ରେସ। ସଂଗଠନର ନେତା ରାଜକିଶୋର ସାହୁଙ୍କ ନେତୃତ୍ୱରେ ଏକ ପ୍ରତିନିଧି ଦଳ ଉପ-ଜିଲ୍ଲାପାଳଙ୍କ ଜରିଆରେ ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ଏକ ଦାବିପତ୍ର ପ୍ରଦାନ କରିଛି। ଦାବିପତ୍ରରେ ଉଲ୍ଲେଖ କରାଯାଇଛି ଯେ, ୬୫୩ ଜଣ ସ୍ୱାସ୍ଥ୍ୟ କର୍ମଚାରୀଙ୍କ ମଧ୍ୟରୁ ୯୧ ଜଣ ଷ୍ଟାଫ୍ ନର୍ସଙ୍କ ପ୍ରମାଣପତ୍ର ଯାଞ୍ଚ ବେଳେ ୬୦ ଜଣ ଜାଲ୍ ସାର୍ଟିଫିକେଟ୍ ଆଧାରରେ ନିଯୁକ୍ତି ପାଇଥିବା ଅଭିଯୋଗ ସାମ୍ନାକୁ ଆସିଛି। ଏହି ଘଟଣାର ସମ୍ପୂର୍ଣ୍ଣ ସିବିଆଇ ତଦନ୍ତ, ସମସ୍ତ କର୍ମଚାରୀଙ୍କ ପ୍ରମାଣପତ୍ର ଯାଞ୍ଚ, କୋଇଲା ଖଣି ଅଞ୍ଚଳରେ ଠିକା ଶ୍ରମିକଙ୍କ ପୋଲିସ ଭେରିଫିକେସନ ବାଧ୍ୟତାମୂଳକ କରିବା ଏବଂ ତାଳଚେରକୁ ପ୍ରଦୂଷଣମୁକ୍ତ କରିବା ଭଳି ଦାବି ମଧ୍ୟ ଉଠାଯାଇଛି। ଦାବିପତ୍ର ପ୍ରଦାନ ବେଳେ କୀର୍ତ୍ତି ରଞ୍ଜନ ବିଶୋଇ, ଦାସରଥୀ ସାହୁ, କାଳିଆ ସାହୁ, ବିଭୂତି ସାହୁ ଓ ମିହିର ପ୍ରଧାନ ପ୍ରମୁଖ ଉପସ୍ଥିତ ଥିଲେ। ସଂଗଠନ ପକ୍ଷରୁ ଚେତାବନୀ ଦିଆଯାଇଛି ଯେ, ଦାବି ପୂରଣ ନ ହେଲେ ଆଗାମୀ ଦିନରେ ଆନ୍ଦୋଳନ ଜୋରଦାର ହେବ ।

ଅନୁଗୋଳ: ତାଳଚେରରେ ପ୍ରଧାନମନ୍ତ୍ରୀ ସୁରକ୍ଷିତ ନିରାପଦ ମାତୃତ୍ଵ(ପି.ଏମ.ଏସ.ଏମ.ଏ) କୁ ପ୍ରୋତ୍ସାହିତ କରିବାର ଦଶ ବର୍ଷ ପୂର୍ତ୍ତି ଅବସରରେ ଆଜି ମଣ୍ଡାପାଳ ସ୍ଥିତ ସରକାରି ଡାକ୍ତରଖାନା ରେ ସ୍ବତନ୍ତ୍ର ଭାବେ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଗର୍ଭବତୀ ମହିଳାଙ୍କୁ ବିଶେଷଜ୍ଞ ଙ୍କ ପରାମର୍ଶ, ଅଲଟ୍ରାସାଉଣ୍ଡ, ବିପଦ ସଙ୍କୁଳ ଗର୍ଭାବସ୍ଥା ନିର୍ଣ୍ଣୟ ଓ ପରିଚାଳନା , ନିରାପଦ ପ୍ରସବ ପର୍ଯ୍ୟନ୍ତର ନିରୀକ୍ଷଣ, ଗର୍ଭବତୀ ମହିଳାଙ୍କୁ ସଚେତନତା କାର୍ଯ୍ୟକ୍ରମ ରେ ପହଞ୍ଚିବା ପାଇଁ ପରିବହନ ବ୍ୟବସ୍ଥା , ସୁରକ୍ଷିତ ପ୍ରସବ ପାଇଁ ନିକଟସ୍ଥ ରେଫରାଲ ୟୁନିଟ ସହିତ ସମ୍ପର୍କ, ରକ୍ତ ପରୀକ୍ଷା, ଆବଶ୍ୟକ ଔଷଧ ସହିତ ପୃଷ୍ଟିକର ଖାଦ୍ୟ ଓ ପରିବାର ନୀୟଜନ ସମ୍ପର୍କରେ ଆଲୋକପାତ କରିବା ଇତ୍ୟାଦି ବିଷୟରେ ପରାମର୍ଶ ଦେବା ପାଇଁ ଆଜିର ଦିନରେ ସମସ୍ତଙ୍କୁ ଅବଗତ କରାଯାଇଥିଲା । ଏଥି ସହିତ ସମସ୍ତ ସରକାରି ଡାକ୍ତରଖାନା ରେ ଗର୍ଭବତୀ ମହିଳାଙ୍କୁ ସ୍ବତନ୍ତ୍ର ସ୍ୱାସ୍ଥ୍ୟସେବା ଯୋଗାଇ ଦେବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଡାକ୍ତର ମାନଙ୍କୁ ଅନୁରୋଧ ପୂର୍ବକ ପରାମର୍ଶ ଦେଇଥିବା ସମସ୍ତ ଗର୍ଭବତୀ ମହିଳାଙ୍କୁ ଜଣାଇ ଦିଆଯାଇଥିବା ଜଣାପଡ଼ିଛି।। ଆଜିର ଏହି କାର୍ଯ୍ୟକ୍ରମ ରେ ସରକାରି ଡ଼ାକ୍ତର ଖାନା ର ଡାକ୍ତର ଅରବିନ୍ଦ ନନ୍ଦି, ଡାକ୍ତର ବଳରାମ ପ୍ରଧାନ, ଜେ ଏଚ ଏମ୍ ରିତାଞ୍ଜଳି ସ୍ୱାଇଁ, ସମେତ ଏ ଏନ ଏମ, , ଆଶା କର୍ମୀ ମାନେ ଉପସ୍ଥିତ ରହି ଗର୍ଭବତୀ ମହିଳାଙ୍କୁ ସେବା ଯୋଗାଇ ଦେଇ ସଚେତନ କରାଇଥିଲେ।