ବରଗଡ଼/ବରପାଲି (ସତ୍ୟ ସୁରୁଜାଲ)୧୭/୦୭ – ବରପାଲି ପୋଲିସ ଦ୍ୱାରା ୧୦ଟି ଚୋରା ମୋଟରସାଇକେଲ ଉଦ୍ଧାର କରିବା ସହ ୩ ଜଣ ଅଭିଯୁକ୍ତଙ୍କୁ ଗିରଫ କରିଛି । ସୂଚନା ଅନୁସାରେ ତେଜଙ୍ଗ ଗ୍ରାମର ନାମୁ ଜୁଆଡି (୩୨) ଙ୍କ HE Deluxe ମୋଟର ସାଇକେଲ ଗତ ଜୁଲାଇ ୧୨ ତାରିଖ ରାତିରେ ବରପାଲି ସ୍ଥିତ ତାଙ୍କ ଶ୍ୱଶୁର ଘର ସମ୍ମୁଖରୁ ଚୋରି ହୋଇଥିଲା । ଏନେଇ ଜୁଲାଇ ୧୪ ତାରିଖରେ ବରପାଲି ଥାନାରେ ଲିଖିତ ଅଭିଯୋଗ କଲାପରେ ପୋଲିସ ତଦନ୍ତ ଆରମ୍ଭ କରିଥିଲା । ତଦନ୍ତ ସମୟରେ ମୋବାଇଲ ଅଫେଣ୍ଡର ଟିମ୍ ୩ ଜଣଙ୍କୁ ଗିରଫ କରିଥିଲା । ସେମାନଙ୍କ ନିକଟରୁ ସମ୍ବଲପୁର, ବରଗଡ଼ ଓ ସୁବର୍ଣ୍ଣପୁର ଜିଲ୍ଲାର ବିଭିନ୍ନ ସ୍ଥାନରୁ ଚୋରି ହୋଇଥିବା ୧୦ଟି ମୋଟର ସାଇକେଲ ଜବତ କରାଯାଇଛି । ଗିରଫ ଅଭିଯୁକ୍ତ ମାନେ ହେଲେ ବିକି ସେଠ (୨୫), ନିତାଇ ସେଠ (୨୫), ଡାବଲୁ ନିଆଲ (୨୫) ବରପାଲି । ଅଭିଯୁକ୍ତ ମାନଙ୍କୁ କୋର୍ଟ ଚାଲଣା କରି ଏକ ମାମଲାର ତଦନ୍ତ ଥାନା କେସ୍ ନଂ ୩୦୧/୨୦୨୬, ତା. ୧୪.୦୭.୨୬ (ଧାରା ୩୦୩(୨) ଜାରି କରାଯାଇଛି । ବଗତ ଦିନରେ ବରପାଲି ପୋଲିସ ଦ୍ୱାରା ବଡ଼ ସଫଳତା ମାନ ଦେଖିବାକୁ ମିଳିଛି । ଖବ୍ କମ୍ ସମୟରେ ଉଚିତ୍ ପଦକ୍ଷେପ ନେଇ କାର୍ଯ୍ୟନୁଷ୍ଠାନ ଗ୍ରହଣ କରିଥିବାରୁ ବୁଦ୍ଧିଜିବି ମହଳରେ ପ୍ରଂଶସାର ସୂଅ ଛୁଟୁଛି ।

ସୋର ଆଜି ସନ୍ଧ୍ୟା ସମୟରେ ସୋର କଲେଜ ଛକ ପେଟ୍ରୋଲ ପମ୍ପ ନିକଟରେ ଦୁଇ ବାଇକ୍ ମୁହାଁମୁହିଁ ଧକ୍କା ହେବା ଫଳରେ ଉଭୟ ବାଇକ୍ ଆରୋହି ଗୁରୁତର ଆହତ ହୋଇ ସୋର ପରେ ବାଲେଶ୍ଵର ମେଡିକାଲ କୁ ସ୍ଥାନାନ୍ତରିତ ହୋଇଛନ୍ତି। ସୂଚନାଯୋଗ୍ୟ ସରଶଙ୍ଖ ଗ୍ରାମ ର ସୁବୋଧ ଖିଲାର ଙ୍କ ପୁଅ ଚିରଞ୍ଜିବୀ ଖିଲାର ୨୦ ନିଜ ବାଇକ୍ ରେ ପେଟ୍ରୋଲ ପକାଇବା ପାଇଁ କଲେଜ ନିକଟରେ ଥିବା ହିନ୍ଦୁସ୍ଥାନ ପେଟ୍ରୋଲ ପମ୍ପ କୁ ଆସିଥିଲେ। ବାଇକ୍ ରେ ପେଟ୍ରୋଲ ପକାଇ ଘରକୁ ଫେରିବା ସମୟରେ ସୋର ରେ ରହୁଥିବା ଜିତେନ୍ଦ୍ର ଶର୍ମା ସୋର ଅଭିମୁଖେ ଆସୁଥିବା ସମୟରେ ସାମ୍ନା ପଟୁ ଉଭୟ ବାଇକ୍ ମଧ୍ୟରେ ମୁହାଁମୁହିଁ ଧକ୍କା ହୋଇଥିଲା। ଦୁର୍ଘଟଣା ପରେ ଉଭୟ ବାଇକ୍ ଆରୋହି ଙ୍କୁ ସ୍ଥାନୀୟ ଲୋକେ ଉଦ୍ଧାର କରି ସୋର ଡାକ୍ତରଖାନା କୁ ପଠାଇଥିଲେ। ଡାକ୍ତରଖାନା ରେ ଉଭୟ ଙ୍କ ସ୍ଵାସ୍ଥ୍ୟ ବସ୍ଥା ଗୁରୁତର ଥିବାରୁ ଡାକ୍ତର ଅଧିକ ଚିକିତ୍ସା ପାଇଁ ବାଲେଶ୍ଵର ଜିଲ୍ଲା ମୁଖ୍ୟ ଚିକିତ୍ସାଳୟ କୁ ସ୍ଥାନାନ୍ତରିତ କରିଥିଲେ ।

ଆଧ୍ୟାତ୍ମିକ ପରିବେଶ ଓ ଅପୂର୍ବ ଆନନ୍ଦ ଉଲ୍ଲାସ ମଧ୍ୟରେ ଭୁବନେଶ୍ୱର ଆରଏମସି କଲେଜ ଅଞ୍ଚଳରେ ଶ୍ରୀଜଗନ୍ନାଥ ମହାପ୍ରଭୁଙ୍କ ଘୋଷଯାତ୍ରା ଅନୁଷ୍ଠିତ ହୋଇଯାଇଛି। ଆଜି ରଥଉପରେ ବିରାଜମାନ କରି ତିନିଠାକୁର ବଡ଼ଦାଣ୍ଡରେ ମାଉସୀ ମା’ ମନ୍ଦିର ଅଭିମୁଖେ ଯାତ୍ରା କରିଛନ୍ତି। ହରିବୋଲ, ହୁଳହୁଳି ଏବଂ ନାଥଗୀତ ସାଙ୍ଗକୁ ମାଦଳ ବାଦ୍ୟର ତାଳେ ତାଳେ ସାରା ଅଞ୍ଚଳ ବେଶ୍ ଉତ୍ସବମୁଖର ହୋଇଉଠିଛି। ​ମେଘ ବର୍ଷା ଭିତରେ ଆଦିବାସୀ ନୃତ୍ୟର ଆକର୍ଷଣ: ଯାତ୍ରା ସମୟରେ ଝିପିଝିପି ମେଘ ବର୍ଷା ସତ୍ତ୍ୱେ ଭକ୍ତଙ୍କ ଉତ୍ସାହରେ କୌଣସି କମି ଦେଖିବାକୁ ମିଳିନଥିଲା। ବର୍ଷା ଭିତରେ ଝୁମି ଝୁମି ପାରମ୍ପରିକ ଆଦିବାସୀ ନୃତ୍ୟ ପରିବେଷଣ କରିଥିଲେ କଳାକାର। ଏହା ସହିତ ଏକାଧିକ ସଂକୀର୍ତ୍ତନ ମଣ୍ଡଳୀ ଏହି ଯାତ୍ରାରେ ସାମିଲ ହୋଇ ଭକ୍ତିମୟ ପରିବେଶ ସୃଷ୍ଟି କରିଥିଲେ। ମହାପ୍ରଭୁଙ୍କ ପହଣ୍ଡି ଓ ରଥଟଣା ଦେଖିବା ପାଇଁ ଶତାଧିକ ଶ୍ରଦ୍ଧାଳୁଙ୍କ ସମାଗମ ହୋଇଥିଲା। ​ମାଉସୀ ମା’ଙ୍କ ପାଖରେ ମଣ୍ଡା ଓ କାକେରା ପିଠା ଭୋଗ: ଶେଷରେ ମହାପ୍ରଭୁ ତିନିଠାକୁର ମାଉସୀ ମା’ଙ୍କ ମନ୍ଦିରରେ ପହଞ୍ଚିବା ପରେ ସେଠାରେ ପାରମ୍ପରିକ ରୀତିନୀତି ଅନୁଯାୟୀ ମଣ୍ଡା ପିଠା, କାକେରା ପିଠା ଏବଂ ପଣା ଭୋଗ ଲାଗି କରାଯାଇଛି। ମାଉସୀ ମା’ଙ୍କ ଗହଣରେ ମହାପ୍ରଭୁ ଶାନ୍ତିପୂର୍ଣ୍ଣ ଓ ଆନନ୍ଦଦାୟକ ପରିବେଶରେ ବିରାଜମାନ କରିଛନ୍ତି।