Web News

ଅନୁଗୋଳ: ତାଳଚେର ପବିତ୍ର ମୋହନ ପ୍ରଧାନ ସରକାରୀ ଚିକିତ୍ସାଳୟ (ପିଏମପିଜିଏଚ୍)ରେ ଷ୍ଟାଫ୍ ନର୍ସ ନିଯୁକ୍ତିରେ ହୋଇଥିବା ବ୍ୟାପକ ଦୁର୍ନୀତି ଓ ଅନିୟମିତତାକୁ ନେଇ ଅନୁଗୋଳ ଜିଲ୍ଲା ବିଜୁ ଜନତା ଦଳ ପକ୍ଷରୁ ଏକ ବିଶାଳ ବିକ୍ଷୋଭ ଶୋଭାଯାତ୍ରା ଅନୁଷ୍ଠିତ ହୋଇଥିଲା। ସ୍ୱାସ୍ଥ୍ୟସେବା ଭଳି ସମ୍ବେଦନଶୀଳ କ୍ଷେତ୍ରରେ ଏପରି ଦୁର୍ନୀତିକୁ ଦଳ ପକ୍ଷରୁ ତୀବ୍ର ନିନ୍ଦା କରାଯାଇଥିଲା। ବିକ୍ଷୋଭରେ ଯୋଗଦେଇଥିବା ନେତୃବୃନ୍ଦ କହିଥିଲେ ଯେ, ସାଧାରଣ ଲୋକଙ୍କ ସ୍ୱାସ୍ଥ୍ୟ ସହ ଜଡିତ ଏହି ପବିତ୍ର ଅନୁଷ୍ଠାନରେ ନିଯୁକ୍ତି ପ୍ରକ୍ରିୟାରେ ହୋଇଥିବା ଅନିୟମିତତା ଅତ୍ୟନ୍ତ ଚିନ୍ତାଜନକ ଓ ନିନ୍ଦନୀୟ। ଏଭଳି ଘଟଣା ସ୍ୱାସ୍ଥ୍ୟ ବ୍ୟବସ୍ଥା ପ୍ରତି ସାଧାରଣ ଲୋକଙ୍କ ବିଶ୍ୱାସକୁ କ୍ଷୁଣ୍ଣ କରୁଛି। ଏହି ଆନ୍ଦୋଳନରେ ମାନ୍ୟବର ପୂର୍ବତନ ଉପବାଚସ୍ପତି ଶ୍ରୀ ରଜନୀକାନ୍ତ ସିଂହ, ପୂର୍ବତନ ବିଧାୟକ ଶ୍ରୀ ମୁକେଶ ପାଲ, ଜିଲ୍ଲା ପରିଷଦ ଅଧ୍ୟକ୍ଷା ତଥା ଜିଲ୍ଲା ବିଜୁ ମହିଳା ଜନତା ଦଳ ସଭାନେତ୍ରୀ ଶ୍ରୀମତୀ ବବିତା ପ୍ରଧାନ, ରାଜ୍ୟ ସମ୍ପାଦକ ଶ୍ରୀ ବିପ୍ଲବ ଜେନା, କଣିହାଁ ବ୍ଲକ ଅଧ୍ୟକ୍ଷ ଶ୍ରୀ ରାମକୃଷ୍ଣ ପ୍ରଧାନ, ଅନୁଗୋଳ ପୌରପରିଷଦ ଅଧ୍ୟକ୍ଷ ଶ୍ରୀ ଅକ୍ଷୟ କୁମାର ସାମନ୍ତଙ୍କ ସମେତ ଜିଲ୍ଲାର ବହୁ ବରିଷ୍ଠ ନେତା, ଜନପ୍ରତିନିଧି, ଦଳୀୟ କର୍ମୀ ଓ ସଚେତନ ନାଗରିକ ଯୋଗଦେଇଥିଲେ। ବିକ୍ଷୋଭ ଶେଷରେ ପ୍ରତିନିଧି ଦଳ ଅନୁଗୋଳ ଜିଲ୍ଲାପାଳଙ୍କୁ ଏକ ସ୍ମାରକପତ୍ର ପ୍ରଦାନ କରି ଘଟଣାର ଉଚ୍ଚସ୍ତରୀୟ ଓ ନିରପେକ୍ଷ ତଦନ୍ତ କରିବା, ସମ୍ପୂର୍ଣ୍ଣ ଦୁର୍ନୀତିର ପର୍ଦ୍ଦାଫାଶ କରିବା ସହ ଦୋଷୀମାନଙ୍କ ବିରୋଧରେ କଠୋର ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଦାବି ଜଣାଇଥିଲେ। ବିଜେଡି ପକ୍ଷରୁ ଚେତାବନୀ ଦିଆଯାଇଛି ଯେ, ଘଟଣାର ନିରପେକ୍ଷ ତଦନ୍ତ ନ ହେଲେ ଆଗାମୀ ଦିନରେ ଆନ୍ଦୋଳନକୁ ଆହୁରି ଜୋରଦାର କରାଯିବ।

ସମ୍ବଲପୁର: ଗଙ୍ଗାଧର ମେହେର ବିଶ୍ୱବିଦ୍ୟାଳୟ (GMU) କୁ ଏକ ବିଶ୍ୱସ୍ତରୀୟ ଶିକ୍ଷାନୁଷ୍ଠାନରେ ପରିଣତ କରିବା ଦିଗରେ ଏକ ବଡ଼ ସଫଳତା ମିଳିଛି। ଓଡ଼ିଶା ସରକାରଙ୍କ ଉଚ୍ଚଶିକ୍ଷା ବିଭାଗ ପକ୍ଷରୁ ବିଶ୍ୱବିଦ୍ୟାଳୟରେ ନ୍ୟାନୋସାଇନ୍ସ ଏବଂ ଏନର୍ଜି ଷ୍ଟୋରେଜ୍' (Nanoscience & Energy Storage) ଉପରେ ଏକ ସେଣ୍ଟର ଅଫ ଏକ୍ସଲେନ୍ସ (CoE) ପ୍ରତିଷ୍ଠା ପାଇଁ ଅନୁମୋଦନ ମିଳିଛି। ଏହି ପ୍ରକଳ୍ପ ପାଇଁ ୩.୭୫ କୋଟି ଟଙ୍କା*ର ପାଣ୍ଠି ମଞ୍ଜୁର କରାଯାଇଛି, ଯାହା ରାଜ୍ୟର ସରକାରୀ ବିଶ୍ୱବିଦ୍ୟାଳୟଗୁଡ଼ିକରେ ଗବେଷଣା ଓ ନବସୃଜନକୁ ସୁଦୃଢ଼ କରିବା ପାଇଁ ସରକାରଙ୍କ ପଦକ୍ଷେପର ଏକ ଅଂଶ (ଯେପରି 1001209154.jpg ଏବଂ 1001209157.jpg ରେ ଦର୍ଶାଯାଇଛି)। ମୁଖ୍ୟ ଗବେଷକ ଓ ପରିଚାଳନା: ଏହି ସେଣ୍ଟର ଅଫ ଏକ୍ସଲେନ୍ସର ପ୍ରସ୍ତାବ ପ୍ରସ୍ତୁତ କରିବାରେ ବିଶ୍ୱବିଦ୍ୟାଳୟର ସେଣ୍ଟର ଡିନ୍ (ରିସର୍ଚ୍ଚ) ତଥା ପଦାର୍ଥ ବିଜ୍ଞାନ ପ୍ରଫେସର *ଡ. ସୁଶାନ୍ତ କୁମାର ଦାସ* ମୁଖ୍ୟ ଭୂମିକା ଗ୍ରହଣ କରିଛନ୍ତି ଏବଂ ସେ ଏହି ସେଣ୍ଟରର ନୋଡାଲ ଅଫିସର ଭାବେ ଦାୟିତ୍ୱ ତୁଲାଇବେ। ପ୍ରଫେସର ଦାସଙ୍କ ପାଖରେ ଆଇଆଇଟି (IIT) ରୁ ଏମ.ଟେକ ଓ ପିଏଚଡି ସହ ଜର୍ମାନୀର ବର୍ଲିନସ୍ଥିତ ସୁନାମଧନ୍ୟ 'ମ୍ୟାକ୍ସ ବର୍ଣ୍ଣ ଇନଷ୍ଟିଚ୍ୟୁଟ'ରେ ୬ ବର୍ଷ କାମ କରିବାର ସୁଦୀର୍ଘ ଅନୁଭବ ରହିଛି। ସେ ଏହି ପ୍ରସ୍ତାବର ପ୍ରାୟ ୭୫-୮୦ ପ୍ରତିଶତ ଅଂଶ ନିଜେ ପ୍ରସ୍ତୁତ କରିଛନ୍ତି। ତାଙ୍କ ସହ ବିଶ୍ୱବିଦ୍ୟାଳୟର ପଦାର୍ଥ ବିଜ୍ଞାନ, ରସାୟନ ବିଜ୍ଞାନ ଏବଂ ବାୟୋଟେକ୍ନୋଲୋଜି ବିଭାଗର ୫ ଜଣ ଦକ୍ଷ ସହକାରୀ ପ୍ରଫେସର ମୁଖ୍ୟ ଗବେଷକ (Investigators) ଭାବେ ଏହି ପ୍ରକଳ୍ପରେ ସାମିଲ ଅଛନ୍ତି। ସେମାନେ ହେଲେ: *ଡ. ପ୍ରଣତୀ ପୁରୋହିତ* (ପଦାର୍ଥ ବିଜ୍ଞାନ) *ଡ. ଦେବାଶିଷ ବେହେରା* (ରସାୟନ ବିଜ୍ଞାନ) ଡ. ଅନନ୍ତ ପ୍ରସାଦ ଚକ୍ରବର୍ତ୍ତୀ*(ପଦାର୍ଥ ବିଜ୍ଞାନ) ଡ. ସନ୍ତୋଷ କୁମାର ସେଟ୍ଟୀ*(ବାୟୋଟେକ୍ନୋଲୋଜି) *ଡ. ଜସବନ୍ତ ଶେଖର ହାଂସଦା* (ପଦାର୍ଥ ବିଜ୍ଞାନ) କେଉଁ ସବୁ ବିଷୟରେ ହେବ ଗବେଷଣା?* ଏହି କେନ୍ଦ୍ର ମାଧ୍ୟମରେ ଅତ୍ୟାଧୁନିକ ପ୍ରଣାଳୀରେ ଗବେଷଣା କରାଯିବ, ଯେଉଁଥିରେ ମୁଖ୍ୟତଃ: ଗ୍ରୀନ ସିନ୍ଥେସିସ୍ (Green Synthesis) ଏବଂ ଲେଜର ପ୍ରୋସେସିଂ ପଦ୍ଧତି**ରେ ନ୍ୟାନୋମ୍ୟାଟେରିଆଲ୍ସର ବିକାଶ। କମ୍ ଖର୍ଚ୍ଚରେ ଉଚ୍ଚ କ୍ଷମତା ସମ୍ପନ୍ନ *ଗ୍ରୀନ ବ୍ୟାଟେରୀ ଏବଂ ସୁପରକାପାସିଟର**ର ନିର୍ମାଣ ଓ ବ୍ୟବହାର। ଗ୍ରୀନ ଫୁଏଲ୍ (ହରିତ ଇନ୍ଧନ) ଏବଂ ପିଜୋ-ଏନର୍ଜି (Piezoenergy)ର ଉତ୍ପାଦନ ଓ ସେଗୁଡ଼ିକର ସଂରକ୍ଷଣ। ତାଲିମ ଓ ନିଯୁକ୍ତି ସୁଯୋଗ: କେବଳ ଗବେଷଣା ନୁହେଁ, ବରଂ ଏହି ସେଣ୍ଟର ମାଧ୍ୟମରେ ଛାତ୍ରଛାତ୍ରୀମାନଙ୍କୁ କୌଶଳଭିତ୍ତିକ ବ୍ୟବହାରିକ ତାଲିମ (Skill-based hands-on training), ସ୍ୱଳ୍ପ ଓ ଦୀର୍ଘକାଳୀନ ପାଠ୍ୟକ୍ରମ ପ୍ରଦାନ କରାଯିବ। ଏହାସହ ଜାତୀୟ ଓ ଆନ୍ତର୍ଜାତୀୟ ସ୍ତରର ସେମିନାର ଏବଂ ଇଣ୍ଟର୍ନସିପ୍ କାର୍ଯ୍ୟକ୍ରମ ମଧ୍ୟ ଆୟୋଜନ କରାଯିବ। ଏହି ସଫଳତା ପାଇଁ ପ୍ରଫେସର ସୁଶାନ୍ତ କୁମାର ଦାସ ଉଚ୍ଚଶିକ୍ଷା ବିଭାଗକୁ ଧନ୍ୟବାଦ ଜଣାଇବା ସହ ସମସ୍ତ ଶୁଭେଚ୍ଛୁମାନଙ୍କୁ କୃତଜ୍ଞତା ଜ୍ଞାପନ କରିଛନ୍ତି। ସରକାରଙ୍କ ଆସ୍ଥା ଓ ଆଶାକୁ ପୂରଣ କରି ଜିଏମୟୁକୁ ଆଇଆଇଟି ସ୍ତରର ଏକ ବିଶ୍ୱସ୍ତରୀୟ ପ୍ରତିଷ୍ଠାନ ଭାବେ ଗଢ଼ିତୋଳିବା ପାଇଁ ସେ ଓ ତାଙ୍କ ଟିମ୍ ସମ୍ପୂର୍ଣ୍ଣ ଚେଷ୍ଟା କରିବେ ବୋଲି ପ୍ରକାଶ କରିଛନ୍ତି।

ଭବାନୀପାଟଣା - ତା. ୧୨.୦୬.୨୦୨୬ - ରାଜ୍ୟର ଗରିବ ଓ ନିଷ୍ପେଷିତ ଜନସାଧାରଣଙ୍କ ଖାଦ୍ୟ ସୁରକ୍ଷାକୁ ସୁନିଶ୍ଚିତ କରିବା ଦିଗରେ ଓଡ଼ିଶା ସରକାର ଐତିହାସିକ ପଦକ୍ଷେପ ସ୍ବରୂପ 'ମୁଖ୍ୟମନ୍ତ୍ରୀ ଅନ୍ନପୂର୍ଣା ଯୋଜନା' ଆରମ୍ଭ କରିଛନ୍ତି । ସ୍ଥାନୀୟ ଟାଉନହଲ୍‌ ଠାରେ ଜିଲ୍ଲାସ୍ତରୀୟ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । କାର୍ଯ୍ୟକ୍ରମରେ ଜଙ୍ଗଲ ଓ ପରିବେଶ ତଥା ଶ୍ରମ ବିଭାଗର ମାନ୍ୟବର ମନ୍ତ୍ରୀ ଶ୍ରୀଯୁକ୍ତ ଗଣେଶ ରାମ ସିଂ ଖୁଣ୍ଟିଆ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । କାର୍ଯ୍ୟକ୍ରମରେ ଭୁବନେଶ୍ବରର ଇଡ୍‌କୋ ପ୍ରଦର୍ଶନୀ ପଡ଼ିଆଠାରେ ଆୟୋଜିତ ରାଜ୍ୟସ୍ତରୀୟ ମେଗା କାର୍ଯ୍ୟକ୍ରମର ସିଧା ପ୍ରସାରଣ କରାଯାଇଥିଲା । ରାଜ୍ୟରେ କୌଣସି ବ୍ୟକ୍ତି ଯେପରି ଖାଦ୍ୟ ଅଭାବରୁ କଷ୍ଟ ନ ପାଆନ୍ତି, ସେଥ‌ିପାଇଁ ସରକାର ପ୍ରତିଶ୍ରୁତି ବଦ୍ଧ । ଏହି ଲକ୍ଷ୍ୟ ନେଇ ମୁଖ୍ୟମନ୍ତ୍ରୀ ଆଭାସି ମାଧ୍ୟମରେ ‘ମୁଖ୍ୟମନ୍ତ୍ରୀ ଅନ୍ନପୂର୍ଣ୍ଣା ଯୋଜନା' ର ଶୁଭାରମ୍ଭ କରିଥିଲେ । ଏହି ଯୋଜନା ମାଧ୍ୟମରେ ଗରିବ ପରିବାରଗୁଡ଼ିକୁ ଅତିରିକ୍ତ ୫ କିଲୋଗ୍ରାମ ଚାଉଳ ଯୋଗାଇ ଦିଆଯିବ । ଯାହା ସେମାନଙ୍କ ଆର୍ଥିକ ବୋଝକୁ ଲାଘବ କରିବ । ଚାଷୀମାନେ ଯେପରି ବିନା ଦ୍ବିଧାରେ ନିଜ ଧାନ ବିକ୍ରି କରିପାରିବେ ସେଥ‌ିପାଇଁ ସରକାର ସିଧାସଳଖ ଧାନ କିଣୁଛନ୍ତି ଓ ମଣ୍ଡିରୁ ମିଲ୍ ଦେଇ ସିଧାସଳଖ ହିତାଧିକାରୀଙ୍କ ପାଖରେ ଚାଉଳ ପହଞ୍ଚାଇବାକୁ ବ୍ୟବସ୍ଥା କରାଯାଇଛି । କୌଣସି ଶିଶୁ ଯେପରି ଅନ୍ନ ଅଭାବରୁ ଅପପୁଷ୍ଟିର ଶିକାର ନ ହୁଅନ୍ତି, ସେଥିପ୍ରତି ସରକାର ସମ୍ପୂର୍ଣ ସଜାଗ ବୋଲି ମୁଖ୍ୟମନ୍ତ୍ରୀ କହିଥିଲେ । ଯୋଜନା ସମ୍ପର୍କରେ ସୂଚନା ଦେଇ କୁହାଯାଇଛି ଯେ ପୂର୍ବରୁ କେନ୍ଦ୍ର ସରକାରଙ୍କ ପକ୍ଷରୁ ହିତାକାରୀଙ୍କୁ ମାସିକ ୫ କିଲୋ ଚାଉଳ ମିଳୁଥୁବା ବେଳେ, ଏବେ ରାଜ୍ୟ ସରକାର ଅତିରିକ୍ତ ୫ କିଲୋ ପ୍ରଦାନ କରିବେ। ଫଳରେ ପ୍ରତ୍ୟେକ ଯୋଗ୍ୟ ବିତାଧିକାରୀ ମାସିକ ମୋଟ ୧୦ କିଲୋ ଚାଉଳ ମାଗଣାରେ ପାଇବେ । ଏଥିରେ କଲାହାଣ୍ଡି ଜିଲ୍ଲାରେ ମୋଟ 4,32,448 ପରିବାରର 13,74,237 ହିତାଧିକାରୀ ଉପକୃତ ହେବେ । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଉଦବୋଧନ ଦେଇ ମାନ୍ୟବର ମନ୍ତ୍ରୀ ଶ୍ରୀଯୁକ୍ତ ଖୁଣ୍ଟିଆ କହିଥିଲେ ଯେ, ରାଜ୍ୟର ପ୍ରତ୍ୟେକ ଗରିବ ଲୋକଙ୍କ ଖାଦ୍ୟ ସୁରକ୍ଷାକୁ ସୁନିଶ୍ଚିତ କରିବା ସରକାରଙ୍କ ମୂଳ ଲକ୍ଷ୍ୟ। ପ୍ରଧାନମନ୍ତ୍ରୀ ଗରିବ କଲ୍ୟାଣ ଅନ୍ନ ଯୋଜନା ଏବଂ ରାଜ୍ଯ ସରକାରଙ୍କ ମୁଖ୍ୟମନ୍ତ୍ରୀ ଅନ୍ନପୂର୍ଣ୍ଣା ଯୋଜନାର ମିଳିତ ସମନ୍ଵୟରେ ଓଡ଼ିଶାର ପ୍ରାୟ ୩ କୋଟି ୨୮ ଲକ୍ଷ୍ୟ ୫୨ ହଜାର ହିତାଧକାରୀ ଏହି ଯୋଜନାରୁ ସିଧାସଳଖ ଉପକୃତ ହେବେ ବୋଲି ସେ ପ୍ରକାଶ କରିଛନ୍ତି। ଏହି ଜିଲ୍ଲାସ୍ତରୀୟ କାର୍ଯ୍ୟକ୍ରମରେ ସମ୍ମାନିତ ଅତିଥି ଭାବେ ମାନ୍ୟବର ବିଧାୟକ ଧର୍ମଗଡ ଶ୍ରୀଯୁକ୍ତ ସୁଧୀର ରଞ୍ଜନ ପଟ୍ଟଯୋଶୀ, କଳାହାଣ୍ଡି ଜିଲ୍ଲା ସ୍ୱତନ୍ତ୍ର ଉନ୍ନୟନ ପରିଷଦ ର ସଭାପତି, ବିଜୟ କୁମାର ଦିଶାରୀ, ଜିଲ୍ଲା ବିଜେପି ସଭାପତି, ଯୁଗଳ କିଶୋର ପୋଡ଼ ପ୍ରମୁଖ ଉପସ୍ଥିତ ରହି ସରକାରଙ୍କ ଏହି ଗରିବ କଲ୍ୟାଣକାରୀ ଯୋଜନାକୁ ଭୂପସୀ ପ୍ରଶଂସା କରିଥିଲେ। ପ୍ରଶାସନିକ ସ୍ତରରେ ଜିଲ୍ଲାପାଳ ପାୱାର ସଚିନ ପ୍ରକାଶ (ଭା.ପ୍ର.ସେ.), ଅତିରିକ୍ତ ଜିଲ୍ଲପାଳ ତନ୍ମୟ କୁମାର ଦରୱାନ, ସିଡିଓ ତଥା ନିର୍ବାହୀ ଅଧିକାରୀ ସୋମ୍ୟରଞ୍ଜନ ପ୍ରଧାନ(ଭା. ପ୍ର. ସେ.), ଜିଲ୍ଲା ବନଖଣ୍ଡ ଅଧିକାରୀ(ଦ), ଆର. କଲାଇ ଭାନ,ଜିଲ୍ଲା ବନଖଣ୍ଡ ଅଧିକାରୀ(ଉ), ପ୍ରଭାକର ବର୍ମା ଏବଂ ଅନ୍ୟାନ୍ୟ ବରିଷ୍ଠ ପଦାଧିକାରୀମାନେ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନା କରିଥିଲେ।

ଭବାନୀପାଟଣା - ତା. ୧୩.୦୬.୨୦୨୬ : ଆଜି କଳାହାଣ୍ଡି ଜିଲ୍ଲା ଭବାନୀପାଟଣା ସହର ସ୍ଥିତ ଟାଉନ୍ ହଲ୍‌ଠାରେ ‘ବିକାଶର ଧାରା, ଓଡ଼ିଶା ସାରା’ କାର୍ଯ୍ୟକ୍ରମ ଅବସରରେ ଆକାଂକ୍ଷୀ ଜିଲ୍ଲା ଓ ଆକାଂକ୍ଷୀ ବ୍ଲକ କାର୍ଯ୍ୟକ୍ରମ ଅଧୀନରେ “ବିକଶିତ ଓଡ଼ିଶା–୨୦୩୬” ଉପରେ ଏକ ଜିଲ୍ଲାସ୍ତରୀୟ ସମ୍ମିଳନୀ ଆୟୋଜିତ ହୋଇଯାଇଛି। ଏହି ସମ୍ମିଳନୀରେ ପ୍ରାୟ 350 ଜଣ ବୁଦ୍ଧିଜୀବୀ,ବିଭିନ୍ନ ବିଭାଗର କର୍ମଚାରୀ ମାନଙ୍କର ଜନ ସମାବେଶ ହୋଇଥିଲା I ୨୦୩୬ ସୁଦ୍ଧା ଏକ ସମୃଦ୍ଧ, ସଶକ୍ତ ଓ ବିକଶିତ ଓଡ଼ିଶା ଗଠନ ନିମନ୍ତେ ଦୀର୍ଘମିଆଦୀ ଦୃଷ୍ଟିକୋଣ, ପ୍ରାଥମିକତା ଓ ବିକାଶ ରୋଡମ୍ୟାପ ଉପରେ ଆଲୋଚନା କରିବା ଏହି ସମ୍ମିଳନୀର ମୂଳ ଉଦ୍ଦେଶ୍ୟ ଥିଲା । ଏହି କାର୍ଯ୍ୟକ୍ରମରେ ମାନନୀୟା ସାଂସଦ ଲୋକସଭା ଶ୍ରୀମତୀ ମାଳବିକା ଦେବୀ ମୁଖ୍ୟ ଅତିଥି ଭାବେ ଯୋଗଦେଇଥିବାବେଳେ, ସମ୍ମାନିତ ଅତିଥି ଭାବେ ମା’ ମାଣିକେଶ୍ୱରୀ ବିଶ୍ୱବିଦ୍ୟାଳୟର କୁଳପତି ପ୍ରଫେସର ପବନ କୁମାର ଅଗ୍ରୱାଲ, ରେଜିଷ୍ଟ୍ରାର ଡ. ଗୁଣନିଧି ନାଏକ, ଅତିରିକ୍ତ ଜିଲ୍ଲାପାଳ ଶ୍ରୀ ତନ୍ମୟ କୁମାର ଦରୱାନ, ଜିଲ୍ଲା ସଂସ୍କୃତି ଅଧିକାରୀ ଶ୍ରୀ କେଦାର ସିଂ ବରିହା, ଜିଲ୍ଲା ଯୋଜନା ଓ ପର୍ଯ୍ୟବେକ୍ଷଣ କାର୍ଯ୍ୟାଳୟର ଉପନିର୍ଦ୍ଦେଶକ ଶ୍ରୀକାନ୍ତ ଦଲେଇ, ଥୁଆମୂଳ ରାମପୁର ବିଡିଓ ଶ୍ରୀ ଧୃବ ଚରଣ ମୁଦୁଲି ଏବଂ ମଦନପୁର ରାମପୁର ବିଡିଓ ଶ୍ରୀ ସରତ କୁମାର ସେଠୀ ସମେତ ବିଭିନ୍ନ ବିଭାଗୀୟ ଜିଲ୍ଲାସ୍ତରୀୟ ଏବଂ ବ୍ଲକସ୍ତରୀୟ ଅଧିକାରୀ, କ୍ଷେତ୍ରସ୍ତରୀୟ କର୍ମଚାରୀମାନେ, ବିଭିନ୍ନ ଗଣମାଧ୍ୟମର ପ୍ରମୁଖ ଉପସ୍ଥିତ ଥିଲେ। ସମ୍ମିଳନୀରେ ଗତ ଦୁଇ ବର୍ଷ ମଧ୍ୟରେ ରାଜ୍ୟ ସରକାରଙ୍କ ବିଭିନ୍ନ ଜନକଲ୍ୟାଣମୂଳକ ପଦକ୍ଷେପ, ଆକାଂକ୍ଷୀ ଜିଲ୍ଲା ଓ ଆକାଂକ୍ଷୀ ବ୍ଲକ କାର୍ଯ୍ୟକ୍ରମ ମାଧ୍ୟମରେ କଳାହାଣ୍ଡି ଜିଲ୍ଲାରେ ହାସଲ ହୋଇଥିବା ସଫଳତା, ତୃଣମୂଳ ସ୍ତରରେ ସରକାରୀ ଯୋଜନାର ପ୍ରଭାବ ଏବଂ ଭବିଷ୍ୟତ ବିକାଶର ଦିଗ ଉପରେ ବିସ୍ତୃତ ଆଲୋଚନା ହୋଇଥିଲା । ଜିଲ୍ଲାର ବିକାଶମୂଳକ ଆକାଂକ୍ଷା, କ୍ଷେତ୍ରଭିତ୍ତିକ ପ୍ରାଥମିକତା, ବିଭିନ୍ନ ଚ୍ୟାଲେଞ୍ଜ, ସୁଯୋଗ ଏବଂ “ବିକଶିତ ଓଡ଼ିଶା–୨୦୩୬” ଲକ୍ଷ୍ୟ ହାସଲ ପାଇଁ ଆବଶ୍ୟକ ରଣନୀତି ଉପରେ ମତ ବିନିମୟ କରାଯାଇଥିଲା । ସମାବେଶୀ ବିକାଶ, ମାନବ ସମ୍ପଦ ବିକାଶ, ଭିତ୍ତିଭୂମି ସୁଦୃଢ଼ୀକରଣ, ଜୀବିକା ଉନ୍ନୟନ, ଶିକ୍ଷା, ସ୍ୱାସ୍ଥ୍ୟସେବା ଏବଂ ସରକାରୀ ଯୋଜନାଗୁଡ଼ିକର ପ୍ରଭାବଶାଳୀ କାର୍ଯ୍ୟକାରିତା ଉପରେ ବିଶେଷ ଗୁରୁତ୍ୱ ଦିଆଯାଇଥିଲା । ଏଥିସହ ଜନସାଧାରଣଙ୍କ ସହ ସିଧାସଳଖ ସମ୍ପର୍କ ସ୍ଥାପନ ଏବଂ ସରକାରୀ ଯୋଜନାର ସଫଳତାକୁ ଘରେ ଘରେ ପହଞ୍ଚାଇବା ପାଇଁ ଜିଲ୍ଲା ଓ ବ୍ଲକ ସ୍ତରରେ ଆୟୋଜିତ ହେଉଥିବା ଜନସମ୍ପର୍କ ଏବଂ ସିଟିଜେନ୍ ଏନ୍‌ଗେଜମେଣ୍ଟ କାର୍ଯ୍ୟକ୍ରମ ସମ୍ପର୍କରେ ମଧ୍ୟ ସୂଚନା ଦିଆଯାଇଥିଲା । ଅତିଥିମାନେ ଏକ ବିକଶିତ ଓଡ଼ିଶା ଗଠନରେ ସରକାରୀ ଅନୁଷ୍ଠାନ, ଶିକ୍ଷାନୁଷ୍ଠାନ, ସ୍ଥାନୀୟ ପ୍ରଶାସନ ଏବଂ ସମୁଦାୟର ସକ୍ରିୟ ସହଭାଗିତାର ଆବଶ୍ୟକତା ଉପରେ ମତ ପ୍ରକାଶ କରିଥିଲେ । ଶେଷରେ ସମସ୍ତଙ୍କୁ ଧନ୍ୟବାଦ ଅର୍ପଣ କରିବା ସହିତ କାର୍ଯ୍ୟକ୍ରମକୁ ସମାପ୍ତ କରାଯାଇଥିଲା ।

ଅନୁଗୋଳ: PMPGH ମେଡିକାଲ କଲେଜ ଓ ହସ୍ପିଟାଲରେ ନକଲି ପ୍ରମାଣପତ୍ର ଆଧାରରେ ନର୍ସ ନିଯୁକ୍ତି ଅଭିଯୋଗ ଘଟଣାରେ ଅନୁଗୁଳ ଜିଲ୍ଲାପାଳ ବଡ଼ କାର୍ଯ୍ୟାନୁଷ୍ଠାନ ନେଇଛନ୍ତି। ଏହି ମାମଲାରେ ସଂପୃକ୍ତ କମାଣ୍ଡୋ ଇଣ୍ଡଷ୍ଟ୍ରିଆଲ୍ ସିକ୍ୟୁରିଟି ଫୋର୍ସ ଲିମିଟେଡ୍କୁ କଳା ତାଲିକାଭୁକ୍ତ (Blacklisted) ଘୋଷଣା କରାଯାଇଛି। ନର୍ସ ନିଯୁକ୍ତିରେ ଅନିୟମିତତା ଏବଂ ଜାଲ୍ ପ୍ରମାଣପତ୍ର ବ୍ୟବହାର ନେଇ ଅଭିଯୋଗ ଆସିବା ପରେ ତଦନ୍ତ କରାଯାଇଥିଲା। ତଦନ୍ତରେ ପ୍ରାଥମିକ ସତ୍ୟତା ମିଳିବା ପରେ ଏଜେନ୍ସି ବିରୋଧରେ FIR ରୁଜୁ ହୋଇଥିଲା। ଏହାପରେ ଜିଲ୍ଲା ପ୍ରଶାସନ ପକ୍ଷରୁ ଏହି କଠୋର ପଦକ୍ଷେପ ଗ୍ରହଣ କରାଯାଇଛି। ସ୍ୱାସ୍ଥ୍ୟସେବା ଭଳି ସମ୍ବେଦନଶୀଳ କ୍ଷେତ୍ରରେ ଏପରି ଅନିୟମିତତାକୁ ପ୍ରଶାସନ ଗୁରୁତର ଭାବେ ନେଇଥିବା ବେଳେ, ମାମଲାର ତଦନ୍ତ ଜାରି ରହିଛି ଏବଂ ଦୋଷୀଙ୍କ ବିରୋଧରେ ଆହୁରି କାର୍ଯ୍ୟାନୁଷ୍ଠାନ ହେବ ବୋଲି ସୂଚନା ମିଳିଛି।

Boden, June 13,: In a significant step towards environmental protection, cleanliness, and the creation of a plastic-free society, the Nuapada district administration launched a large-scale enforcement drive against Single-Use Plastic (SUP) across the district on Saturday. Under the leadership of Collector Madhusudan Das, special raids were conducted in Boden Market and the famous Patalganga religious shrine. During the drive, inspections were carried out at various shops, hotels, and commercial establishments in the Boden area. Officials seized 19.5 kilograms of banned single-use plastic materials and collected a fine of ₹5,000 from violators. During the inspection, illegally stored excise-related materials were also detected in a local hotel. The seized materials were handed over to the Excise Department for further legal action. Acting on the Collector’s instructions, eight Swachh Teams conducted simultaneous raids across all blocks and NAC areas of the district. In the district-wide operation, more than 100 kilograms of banned plastic materials were seized, while fines exceeding ₹50,000 were collected. The campaign has given fresh momentum to the district’s efforts against plastic pollution. A major highlight of the drive was witnessed at the Patalganga shrine, where Collector Madhusudan Das sat on the ground alongside devotees and consumed prasad using utensils provided under the district administration’s “Utensil Bank” initiative. His simple yet environmentally conscious gesture drew appreciation from devotees and local residents alike. The initiative promotes the use of reusable utensils as an alternative to plastic and serves as a strong message in favor of sustainable practices. The raid was attended by Boden BDO Chinmaya Sagar, members of the district Swachh Team including Shiva Prasad Swain, Partha Sarathi Dora, Harekrushna Hansda, District Coordinator Anil Lenka, Block Coordinator Heramba Biswal, and officials and staff from various departments. The district administration has warned that strict action will be taken against establishments found using banned plastic materials in the future. Measures such as disconnection of electricity and water supply and even sealing of establishments may be enforced against repeat violators. The administration’s firm stance and awareness-driven initiatives have been widely welcomed by the public. Many believe that the campaign marks an important milestone in the journey towards building a plastic-free Nuapada and promoting environmental responsibility across the district.

ଘଟଗାଁ/କେନ୍ଦୁଝର: ପବିତ୍ର ଘଟଗାଁ ସ୍ଥିତ ମା' ତାରିଣୀ ପୀଠରେ ଏରସମା-ବାଲିକୁଦା ନିର୍ବାଚନ ମଣ୍ଡଳୀର ବିଜେପି ନେତା ସତ୍ୟ ସାରଥୀ ମହାନ୍ତି ମା'ଙ୍କ ଦର୍ଶନ କରି ଆଶୀର୍ବାଦ ଭିକ୍ଷା କରିଛନ୍ତି। ଏହି ଅବସରରେ ତାଙ୍କ ସହ ରାଜ୍ୟ ବିଜେପି ସଭାପତି ତଥା ରାଜ୍ୟସଭା ସାଂସଦ Manmohan Samal ଏବଂ ରାଜ୍ୟର ଶିଳ୍ପ, ଦକ୍ଷତା ବିକାଶ ଓ ବୈଷୟିକ ଶିକ୍ଷା ମନ୍ତ୍ରୀ Sampad Chandra Swain ଉପସ୍ଥିତ ଥିଲେ। ମା' ତାରିଣୀଙ୍କ ଅପାର କୃପା ଓ ଆଶୀର୍ବାଦ ଜନସେବାର ପଥରେ ସବୁଠାରୁ ବଡ଼ ପ୍ରେରଣା ବୋଲି କହି ସତ୍ୟ ସାରଥୀ ମହାନ୍ତି ଅଞ୍ଚଳବାସୀଙ୍କ ସେବା ଓ ବିକାଶ ପାଇଁ ନିଜର ପ୍ରତିବଦ୍ଧତାକୁ ପୁନର୍ବ୍ୟକ୍ତ କରିଥିଲେ। ଘଟଗାଁର ଅଧିଷ୍ଠାତ୍ରୀ ଦେବୀ ମା' ତାରିଣୀଙ୍କ ଦର୍ଶନ ପରେ ସମସ୍ତଙ୍କ ସୁଖ, ଶାନ୍ତି ଓ ସମୃଦ୍ଧି ପାଇଁ ପ୍ରାର୍ଥନା କରାଯାଇଥିଲା। ଏହି ଅବସରରେ ବିଜେପି ନେତାମାନେ କହିଥିଲେ ଯେ, ଭାରତୀୟ ଜନତା ପାର୍ଟି ସଦା ଓଡ଼ିଶାର ସଂସ୍କୃତି, ଐତିହ୍ୟ ଓ ଆଧ୍ୟାତ୍ମିକ ପରମ୍ପରାକୁ ସମ୍ମାନ ଦେଇ ଗରିବ କଲ୍ୟାଣ ଏବଂ ଜନସେବା ଭିତ୍ତିକ କାର୍ଯ୍ୟକ୍ରମକୁ ପ୍ରାଥମିକତା ଦେଇ ଆସୁଛି। ଦେଶର ବିକାଶ ଏବଂ ଓଡ଼ିଶାର ସର୍ବାଙ୍ଗୀଣ ପ୍ରଗତି ପାଇଁ ସମସ୍ତଙ୍କ ସହଯୋଗ ଓ ଆଶୀର୍ବାଦ କାମନା କରାଯାଇଥିଲା। ଶେଷରେ ମା' ତାରିଣୀଙ୍କ କୃପା ସମସ୍ତ ଓଡ଼ିଶାବାସୀଙ୍କ ଜୀବନରେ ସୁଖ, ଶାନ୍ତି, ସମୃଦ୍ଧି ଓ ଶକ୍ତି ଆଣୁ ବୋଲି ପ୍ରାର୍ଥନା କରାଯାଇଥିଲା।

Khariar, June 13,: In a major crackdown on illegal narcotics trade, the Excise Department conducted a raid at Sahu Pada in Khariar town of Nuapada district and seized a huge quantity of ganja and intoxicating cough syrup. One person was arrested and later forwarded to court. According to official sources, acting on reliable intelligence regarding illegal drug trafficking in the area, a special Excise team carried out a raid on Friday between 6:30 AM and 8:00 AM. During the operation, the team apprehended Nitesh Sahu (19), a resident of Ward No. 5, Sahu Pada, Khariar, while he was allegedly storing and selling contraband substances from his shop. During the search, officials seized: 12,100 grams (12.1 kg) of ganja & 700 bottles of intoxicating cough syrup, each containing 100 ml, amounting to a total of 70 litres. The accused was taken into custody and subsequently produced before the court under the relevant provisions of law. The successful operation was conducted under the supervision of Nuapada District Excise Superintendent Sanghamitra Pradhan. The raiding team was led by Excise Inspector Hirabati Acharya and included Khariar ASI Alekh Putel, Brundabati Bhua, Mobile Squad SI Debashish Sridhar, along with other Excise personnel. The Excise Department has reiterated its commitment to taking stringent action against illegal narcotics and intoxicant trafficking in the district and appealed to the public to provide information about such activities to help maintain law and order.

ବୁର୍ଲା ଆନନ୍ଦ ବିହାର ସ୍ଥିତ ମହାନଦୀ କୋଲଫିଲ୍ଡସ ଲିମିଟେଡ(ଏମସିଏଲ)ର ଜଣେ ମହିଳା କର୍ମଚାରୀ ଆତ୍ମହତ୍ୟା କରିଥିବା ସୂଚନା ମିଳିଛି। ମୃତ ମହିଳା ଜଣକ ହେଉଛନ୍ତି ଅନୁଗୁଳ ଜିଲା ତାଳଚେର ସହରର ଆୟୁସ୍ମିତା ସାମତ(୨୩)। ସେ ବୁର୍ଲା ଏମସିଏଲର ଫାଇନାନ୍ସ ଡିପାର୍ଟମେଣ୍ଟ (ଆକାଉଣ୍ଟସ ସେକ୍ସନ)ରେ କ୍ଲର୍କ ଭାବେ କାର୍ଯ୍ୟରତ ଥିଲେ। ତାଙ୍କ ପିତା ସ୍ବର୍ଗତ ସୁଦେଶ କୁମାର ସାମତ ମଧ୍ୟ ଏମସିଏଲର ଜଣେ କର୍ମଚାରୀ ଥିଲେ ଏବଂ ତାଙ୍କ ଦେହାନ୍ତ ପରେ ଆୟୁସ୍ମିତାଙ୍କୁ ଏହି ଚାକିରି ମିଳିଥିଲା। ଏଠାରେ ଏମସିଏଲ ଜାଗୃତି ବିହାର ସରକାରୀ କ୍ୱାର୍ଟର ନମ୍ବର ୩୬ (ବି-ଟାଇପ, ବ୍ଲକ ନମ୍ବର ୫)ରେ ଏକୁଟିଆ ରହୁଥିଲେ। ଆଜି ଡ୍ୟୁଟି ସମୟରେ ସେ ଅଫିସ ନ ପହଞ୍ଚିବାରୁ ସହକର୍ମୀ ଓ ସାଙ୍ଗମାନେ ତାଙ୍କୁ ଫୋନ କରିଥିଲେ। ମାତ୍ର ବାରମ୍ବାର ଫୋନ କରିବା ସତ୍ତ୍ୱେ ସେ କଲ ଗ୍ରହଣ କରି ନ ଥିଲେ। ତେଣୁ ସନ୍ଦେହ ହେବାରୁ ସାଙ୍ଗମାନେ ତାଙ୍କ କ୍ୱାର୍ଟରକୁ ଯାଇ କବାଟ ବାଡେଇଥିଲେ। କବାଟ ନ ଖୋଲିବାରୁ ସେମାନେ ଏମସିଏଲ ସିକ୍ୟୁରିଟି ଇନଚାର୍ଜଙ୍କୁ ଜଣାଇଥିଲେ। ପରେ ସିକ୍ୟୁରିଟି କର୍ମଚାରୀ ଓ ପୋଲିସ ଘଟଣାସ୍ଥଳରେ ପହଞ୍ଚି ଝରକା ଦେଇ ଦେଖିବା ବେଳକୁ ଆୟୁସ୍ମିତା ଏକ ଦଉଡି ସାହାଯ୍ୟରେ ଝୁଲୁଥିବା ଦେଖିବାକୁ ମିଳିଥିଲା। ଘଟଣାସ୍ଥଳରେ ବୁର୍ଲା ପୋଲିସ ପହଞ୍ଚି ଶବ ଉଦ୍ଧାର ପାଇଁ ମାଜିଷ୍ଟ୍ରେଟଙ୍କ ଅପେକ୍ଷାରେ ରହିଛି। ମୃତଦେହକୁ ଏପର୍ଯ୍ୟନ୍ତ କ୍ୱାର୍ଟରରୁ ବାହାର କରାଯାଇ ନାହିଁ। ଅପରପକ୍ଷରେ ଆୟୁସ୍ମିତାଙ୍କ ମା’ ଓ ପରିବାର ଲୋକଙ୍କୁ ଘଟଣା ସମ୍ପର୍କରେ ଖବର ଦିଆଯାଇଛି। ପରିବାର ଲୋକ ଓ ମାଜିଷ୍ଟ୍ରେଟଙ୍କ ଉପସ୍ଥିତିରେ କବାଟ ଭଙ୍ଗାଯାଇ ମୃତଦେହ ଜବତ କରାଯିବ ଏବଂ ପଞ୍ଚନାମା ପରେ ଶବ ବ୍ୟବଚ୍ଛେଦ ପାଇଁ ପଠାଯିବ ବୋଲି ପୋଲିସ ସୂଚନା ଦେଇଛି। ତେବେ ଆତ୍ମହତ୍ୟାର ପ୍ରକୃତ କାରଣ ଏପର୍ଯ୍ୟନ୍ତ ଅସ୍ପଷ୍ଟ ରହିଛି।

ବାରକୋଟ: ଦେବଗଡ଼ ଜିଲ୍ଲା ବାରକୋଟ ବ୍ଲକ ର ବାରକୋଟ ଗୋଷ୍ଠୀ ଶିକ୍ଷା ଅଧିକାରୀ ଭାବେ ଶ୍ରୀଯୁକ୍ତ ହାଡ଼ିବନ୍ଧୁ ବେହେରାଙ୍କ ଯୋଗଦାନ ରେ ଗୋଷ୍ଠୀ ଶିକ୍ଷା କାର୍ଯ୍ୟାଳୟ ର ସମସ୍ତ କର୍ମଚାରୀ ତଥା ସମସ୍ତ ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ଉଲ୍ଲସିତ ହୋଇ ପୁଷ୍ପ ଗୁଚ୍ଛ ପ୍ରଦାନ କରି ସ୍ୱାଗତ ଜଣାଇଥିଲେ। ଏହା ପରେ ବାରକୋଟ ବି.ଆର୍.ସି.ସି କମ୍ ଏ.ବି.ଇ.ଓ କ୍ଷୀରୋଦ ବିହାରୀ ସାହୁ, ଏ.ବି.ଇ.ଓ ବିଜୟ କୁମାର ସାହୁ ଫୁଲତୋଡା ଦେଇ ସ୍ୱାଗତ ସମ୍ଭାଷଣ ଜଣାଇଥିଲେ। ବାରକୋଟ ଗୋଷ୍ଠୀ ଶିକ୍ଷା ଅଧିକାରୀଙ୍କ କାର୍ଯ୍ୟାଳୟରେ ଶ୍ରୀଯୁକ୍ତ ହାଡ଼ିବନ୍ଧୁ ବେହେରା ସ୍ଥାୟୀ ଅଧିକାରୀ ଭାବେ ନିଯୁକ୍ତ ହୋଇଥିବାରୁ ଶିକ୍ଷକ ଓ ଶିକ୍ଷୟିତ୍ରୀ ମହଲରେ ଆନନ୍ଦର ଲହରୀ ଖେଳିଯାଇଛି।

ଧର୍ମଗଡ: ବର୍ତ୍ତମାନ ସମୟ ରେ ଚାଲିଥିବା ରାଜ୍ୟ ର sir କାର୍ଯ୍ୟକୁ ସମୀକ୍ଷା ନିମନ୍ତେ ବିଭାଗୀୟ ଅଧିକାରୀଙ୍କ ପଞ୍ଚାୟତ ଗସ୍ତ। ଧର୍ମଗଡ ବ୍ଲକର ବିଡିଓ ସଦାଶିବ ନାୟକ ତହସିଲଦାର କୀର୍ତ୍ତିଚନ୍ଦ୍ର ପଧାନଙ୍କ ସମେତ ଏନଏସି ସୁପରଭାଇଯର ରମଣୀ ରଞ୍ଜନ ଦୁର୍ଗା ବ୍ଲକ ନୋଡାଲ ଅଫିସର୍ ନରେନ୍ଦ୍ର ଜଗତ ଗ୍ରାମପଞ୍ଚାୟତମାନଙ୍କୁ ଯାଇ ରାଜ୍ୟରେ ଚାଲିଥିବା ସ୍ୱତନ୍ତ୍ର ସଧନ ସଂଶୋଧନ କାର୍ଯ୍ୟର ସମୀକ୍ଷା କରିଛନ୍ତି । ବ୍ଲକ ଅନ୍ତର୍ଗତ ଗଡିଆଜୋର, ଚିଲିପା,ତିପିଗୁଡ଼, କଙ୍କେରି ସମେତ ଅନେକ ପଞ୍ଚାୟତକୁ ଯାଇ ତଦାରଖ କରୁଥିବା ଦେଖିବାକୁ ମିଳୁଛି।

ଅନୁଗୋଳ: ଅନୁଗୋଳ ଜିଲ୍ଲା ଜରପଡ଼ା ଥାନାର ଏଏସଆଇ ସୀତା ନାୟକ ଲାଞ୍ଚ ନେଉଥିବା ବେଳେ ଭିଜିଲାନ୍ସ ହାତରେ ରଙ୍ଗେହାତ ଧରାପଡ଼ିଛନ୍ତି। ଜଣେ ଅଭିଯୋଗକାରୀଙ୍କଠାରୁ ୮ ହଜାର ଟଙ୍କା ଲାଞ୍ଚ ଗ୍ରହଣ କରୁଥିବା ସମୟରେ ଅନୁଗୋଳ ଭିଜିଲାନ୍ସ ଟିମ୍ ଚଢ଼ାଉ କରି ତାଙ୍କୁ କାବୁ କରିଥିଲା। ଭିଜିଲାନ୍ସ ସୂଚନା ଅନୁଯାୟୀ, ୨୪୯/୨୦୨୫ ନମ୍ବର ଏକ ମାମଲାର ଫାଇନାଲ ରିପୋର୍ଟ ଦାଖଲ କରିବା ପାଇଁ ଏଏସଆଇ ସୀତା ନାୟକ ଅଭିଯୋଗକାରୀଙ୍କଠାରୁ ୮ ହଜାର ଟଙ୍କା ଲାଞ୍ଚ ଦାବି କରିଥିଲେ। ଏନେଇ ଅଭିଯୋଗକାରୀ ଭିଜିଲାନ୍ସ ବିଭାଗରେ ଅଭିଯୋଗ କରିବା ପରେ ତାହାର ସତ୍ୟତା ଯାଞ୍ଚ କରାଯାଇଥିଲା। ଅଭିଯୋଗ ସତ୍ୟ ବୋଲି ଜଣାପଡ଼ିବା ପରେ ଭିଜିଲାନ୍ସ ପକ୍ଷରୁ ଏକ ଯୋଜନାବଦ୍ଧ ଚଢ଼ାଉର ବ୍ୟବସ୍ଥା କରାଯାଇଥିଲା। ଯୋଜନା ମୁତାବକ ଶୁକ୍ରବାର ଅଭିଯୋଗକାରୀଙ୍କଠାରୁ ଲାଞ୍ଚ ଟଙ୍କା ଗ୍ରହଣ କରୁଥିବା ସମୟରେ ଭିଜିଲାନ୍ସ ଅଧିକାରୀମାନେ ଚଢ଼ାଉ କରି ସୀତା ନାୟକଙ୍କୁ ରଙ୍ଗେହାତ ଧରିଥିଲେ। ତାଙ୍କ ନିକଟରୁ ଲାଞ୍ଚ ବାବଦର ୮ ହଜାର ଟଙ୍କା ଜବତ କରାଯାଇଛି। ଏହାପରେ ଭିଜିଲାନ୍ସ ପକ୍ଷରୁ ଏକ ମାମଲା ରୁଜୁ କରାଯାଇ ତଦନ୍ତକୁ ଆଗକୁ ବଢ଼ାଯାଇଛି। ସେହିପରି ଜରପଡ଼ାସ୍ଥିତ ତାଙ୍କ କାର୍ଯ୍ୟାଳୟ, ସ୍ଥାନୀୟ ଅଞ୍ଚଳରେ ଥିବା ଭଡ଼ା ଘର ଏବଂ ଢେଙ୍କାନାଳ ଜିଲ୍ଲା ଭୁବନ ଥାନା ଅନ୍ତର୍ଗତ ଅଁଳାପାଳ ଗ୍ରାମରେ ଥିବା ଶ୍ୱଶୁର ଘରେ ଏକକାଳୀନ ଚଢ଼ାଉ ଜାରି ରହିଛି। ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗକୁ ନେଇ ମଧ୍ୟ ଅଧିକ ତଦନ୍ତ ଚାଲିଥିବା ବେଳେ, ଏହି ଅପରେସନରେ ଭିଜିଲାନ୍ସର ତିନୋଟି ସ୍ୱତନ୍ତ୍ର ଟିମ୍ ସାମିଲ ଥିବା ସୂଚନା ମିଳିଛି। ଘଟଣାଟି ସମଗ୍ର ଜିଲ୍ଲାରେ ଚର୍ଚ୍ଚାର ବିଷୟ ପାଲଟିଛି।