Web News

ଅନୁଗୋଳ: ଜାତୀୟ ରାଜପଥ ନଂ–୧୪୯ର ବଅଁରପାଳ ରୁ ତାଳବେଡା ପର୍ଯ୍ୟନ୍ତ ରାସ୍ତାର ନିର୍ମାଣ କାର୍ଯ୍ୟ ଚାଲିଥିବା ବେଳେ ଯାତାୟାତ କରୁଥିବା ସାଧାରଣ ଲୋକ ନାନା ସମସ୍ୟାର ସମ୍ମୁଖୀନ ହେଉଛନ୍ତି। ଅଭିଯୋଗ ଅନୁସାରେ, ଜାତୀୟ ରାଜପଥ ବିଭାଗ ଓ ରାସ୍ତା ନିର୍ମାଣ କାର୍ଯ୍ୟ କରୁଥିବା AIPL କମ୍ପାନୀ ପକ୍ଷରୁ ଯାତ୍ରୀମାନଙ୍କ ସୁରକ୍ଷିତ ଯାତାୟାତ ପାଇଁ ଆବଶ୍ୟକ ସର୍ବନିମ୍ନ ସୁବିଧା ମଧ୍ୟ କରାଯାଇନାହିଁ। ରାସ୍ତାର ଅନେକ ସ୍ଥାନରେ ଖାଲଖମା, କାଦୁଅ ଓ ଉଡୁଥିବା ଧୂଳି ଯୋଗୁଁ ପରିସ୍ଥିତି ଅତ୍ୟନ୍ତ ବିପଦପୂର୍ଣ୍ଣ ହୋଇପଡ଼ିଛି। ଟିକେ ଅସାବଧାନତା ହେଲେ ଯେକୌଣସି ସମୟରେ ବଡ଼ଧରଣର ଦୁର୍ଘଟଣା ଘଟିବାର ଆଶଙ୍କା ରହିଛି। ଏପରି ପରିସ୍ଥିତିରେ ସମ୍ପୃକ୍ତ ବିଭାଗ ଓ ନିର୍ମାଣକାରୀ ସଂସ୍ଥା ତୁରନ୍ତ ରାସ୍ତାର ସୁରକ୍ଷା ବ୍ୟବସ୍ଥା ସୁଦୃଢ଼ କରିବା ସହ ଯାତ୍ରୀଙ୍କ ପାଇଁ ଆବଶ୍ୟକ ସୁବିଧା ଯୋଗାଇବାକୁ ସ୍ଥାନୀୟ ଲୋକ ଦାବି କରିଛନ୍ତି।

କେନ୍ଦ୍ରାପଡ଼ା ଜିଲ୍ଲା ପଟାମୁଣ୍ଡାଇ ବ୍ଲକ ଅନ୍ତର୍ଗତ ଅଳପୁଆ ପଞ୍ଚାୟତର ଦାମୋଦର ପାଟଣା ଗ୍ରାମର ସୁଚିତ୍ରା ଦାସ ବୟସ ୪୬ ସ୍ୱାମୀ ଖଗେଶ୍ଵର ଦାସଙ୍କୁ ଘର ପଛପଟ ନଦୀ କୂଳରେ କୁମ୍ଭିର ଟାଣି ନେଇଯିବା ଫଳରେ ଧୋୟଁ ଅଞ୍ଚଳ ସମେତ ସମଗ୍ର ପଟାମୁଣ୍ଡାଇ ବ୍ଳକରେ ଆତଙ୍କ ଖେଳିଯାଇଛି ଦୀର୍ଘଦିନ ବର୍ଷା ଲାଗି ରହିବା ଓ ବନ୍ୟା ପାଣି ବଢିବା ଫଳରେ ବ୍ରାହ୍ମଣି ନଦୀରେ ଜଳ ସ୍ଥଳ ବୃଦ୍ଧି ପାଇଁ ଗାଁ ପାଖକୁ ପାଣି ମାଡ଼ି ଆସିଛି ଯାହା ଫଳରେ କୁମ୍ଭିର ମାନେ ଗାଁ ମୁହାଁ ହୋଇ ଯାଇଛନ୍ତି ଏଭଳି ଘଟଣା ପାଇଁ ଆନ୍ତର୍ଜାତିକ ମାନବଧିକାର ପରିଷଦ କେଦ୍ରାପଡ଼ା ଜିଲ୍ଲା କମିଟର ସଭାପତି ଏସ୍ କେ ମଦାନି କାର୍ଯ୍ୟକାରୀ ସଭାପତି ପ୍ରମୋନ ଜେନା ବ୍ଲକ ସଭାପତି ରଞ୍ଜନ ରାଉତ ଜୋନାଲ ସଭାପତି ତଥା ଅଗ୍ରଣି ସ୍ଵେଚ୍ଛାସେବି ଅନୁଷ୍ଠାନ ଧୁବ ଅନ୍ନପୂର୍ଣ୍ଣ। ସେବା ପରିଷଦର ସଭାପତି ନଳିନୀକାନ୍ତ ସ୍ୱାଇଁ ସହ ସଂପାଦକ ହିମାଂଶୁ ମହାନ୍ତି ନାରୀନେତ୍ରୀ ଗୌରୀ ସୂତାର ନିରୁପମା ପ୍ରଧାନରେଣୁକା ପ୍ରଧାନ ବ୍ଲକ ଓ ଜିଲ୍ଲା ପ୍ରଶାସନ କୁ ତାର ଉଧାର କରିବା ସହିତ ପରିବାରକୁ ସହଯୋଗ କରିବାକୁ ଦାବି କରିଛନ୍ତି

ନୟାଗଡ ଜିଲ୍ଲା ରଣପୁର ବ୍ଲକ ରାଜସୁନାଖଳା ନୃସିଂହ ପୁର ଟାଙ୍ଗୀ ସାହିର ତପନ କୁମାର ପ୍ରଧାନ ଛାତ୍ର ଜୀବନରୁ କ୍ରିକେଟ ଓ ଫୁଟବଲ ଖେଳରେ ସକ୍ରିୟ ରହି ସମଗ୍ର ଅଞ୍ଚଳରେ ପରିଚିତି ଲାଭ କରିଛନ୍ତି । ଖେଳ ପ୍ରତି ତାଙ୍କର ଆଗ୍ରହ ଓ ମିଶୁକ ସ୍ୱଭାବ ଯୋଗୁଁ ପିଲାଠାରୁ ଆରମ୍ଭ କରି ବୟସ୍କ ପର୍ଯ୍ୟନ୍ତ ଅନେକ ଲୋକ ତାଙ୍କୁ ଭଲ ଭାବେ ଜାଣନ୍ତି। ଖେଳ ସହିତ ରୋଜଗାର ପାଇଁ ସେ ଏକ ନାମୀ ଦାମୀ କମ୍ପାନୀରେ ଚାକିରି ମଧ୍ୟ କରିଛନ୍ତି । ପରବର୍ତ୍ତୀ ସମୟରେ ସାମାଜିକ କାର୍ଯ୍ୟ, ଗରିବ ଓ ଅସହାୟ ଲୋକଙ୍କୁ ସହାୟତା କରିବାର ମନୋଭାବ ଦେଖି ଅଞ୍ଚଳର କିଛି ବୁଦ୍ଧିଜୀବୀ ତାଙ୍କୁ ରାଜନୀତିରେ ଯୋଗଦେବାକୁ ପ୍ରେରିତ କରିଥିଲେ। ପରବର୍ତ୍ତୀ ସମୟରେ ରାଜନୀତି ରେ ଯୋଗଦେଲେ l ବର୍ତ୍ତମାନ ସେ ରାଜସୁନାଖଳା ଗ୍ରାମ ପଞ୍ଚାୟତର ସମିତି ସଭ୍ୟ ଭାବେ କାର୍ଯ୍ୟରତ ଅଛନ୍ତି। ସ୍ଥାନୀୟ ଲୋକଙ୍କ କହିବା ଅନୁସାରେ, ସେ ଜନସାଧାରଣଙ୍କ ସୁବିଧା–ଅସୁବିଧାରେ ସବୁବେଳେ ପାଖରେ ରହିବା ସହ ସଭା, ସମିତି ଓ ବିଭିନ୍ନ ସାମାଜିକ କାର୍ଯ୍ୟରେ ସକ୍ରିୟ ଭାବେ ଅଂଶଗ୍ରହଣ କରିଆସୁଛନ୍ତି। ଅଞ୍ଚଳର କିଛି ଲୋକଙ୍କ ମତରେ, ତପନ କୁମାର ପ୍ରଧାନଙ୍କ ଜନସମ୍ପର୍କ ଓ ଜନସେବା ପ୍ରତି ଆଗ୍ରହ ତାଙ୍କୁ ଏକ ଲୋକପ୍ରିୟ ଜନପ୍ରତିନିଧି ଭାବେ ପରିଚିତ କରାଇଛି। ପାନ ଦୋକାନ ଠାରୁ ଚା' ଖଟିରେ ମଧ୍ୟ ଏଭଳି ଆଲୋଚନା ହେଉଛି ଯେ, ଭବିଷ୍ୟତରେ ସେ ଯଦି ଅଧିକ ଦାୟିତ୍ୱପୂର୍ଣ୍ଣ ପଦବୀ ପାଆନ୍ତି, ତେବେ ଅଞ୍ଚଳର ବିକାଶ ପାଇଁ ଆହୁରି କାର୍ଯ୍ୟ କରିପାରିବେ। ଜଣେ ଖେଳପ୍ରେମୀ ଭାବେ ଆରମ୍ଭ ହୋଇଥିବା ତାଙ୍କ ଯାତ୍ରା ଆଜି ଜନସେବା ଓ ରାଜନୀତି କ୍ଷେତ୍ରରେ ପହଞ୍ଚିଥିବାରୁ ଅଞ୍ଚଳର ଅନେକ ଲୋକ ଏହାକୁ ଏକ ପ୍ରେରଣାଦାୟକ ଉଦାହରଣ ବୋଲି ମନେ କରୁଛନ୍ତି।

Fresh allegations of irregularities in a government-funded rural development project have surfaced in Nuapada district, with local residents demanding a thorough investigation into the construction of the Badibahal–Tileimal Murum and Metalling Road under Karanbahali Gram Panchayat in Sinapali Block. The project, aimed at improving rural connectivity, carries an estimated cost of ₹11,05,255, according to the information displayed on the official project board installed at the site. The board mentions details such as the name of the work, scheme, sanctioned amount, and the commencement and completion dates, in accordance with government norms intended to ensure transparency in public expenditure. However, local residents have alleged that the quality and extent of the work do not appear to match the sanctioned amount. They have questioned whether the road has been executed as per the approved estimate and whether the public funds have been utilised in accordance with the prescribed technical specifications. Residents have demanded that the concerned authorities verify the Measurement Book (MB), approved estimate, work order, bills and vouchers, along with the information displayed on the project board. They have also sought an independent assessment of the quantity of work executed, the quality of materials used, and whether the payments were made strictly on the basis of actual measurements. According to the villagers, transparency and accountability are essential in every public development project, particularly those funded through taxpayers' money. They have urged the authorities to conduct a fair and impartial technical inspection to ascertain whether the project conforms to the approved standards and financial provisions. The residents further stated that if the inquiry establishes any financial irregularity, substandard construction, or violation of government norms, appropriate legal and departmental action should be initiated against those found responsible. Government-funded infrastructure projects are expected to improve the quality of life in rural areas. Ensuring that every rupee sanctioned for public welfare is utilised effectively is crucial to maintaining public trust and achieving the intended objectives of rural development. In view of the allegations, the local people have appealed to the concerned departmental authorities to inspect the site at the earliest and carry out an impartial verification of both the quality of the work and the expenditure incurred

ଲଗାଣ ବର୍ଷା ଯୋଗୁଁ ନୂଆପଡ଼ା ଜିଲ୍ଲାର ବିଭିନ୍ନ ଅଞ୍ଚଳରେ ବନ୍ୟା ପରିସ୍ଥିତି ସୃଷ୍ଟି ହୋଇଥିବା ବେଳେ ବୋଡ଼େନ ବ୍ଲକ ମଧ୍ୟ ଏହାର ପ୍ରଭାବରୁ ବାଦ ପଡ଼ିନାହିଁ। ପ୍ରବଳ ବର୍ଷା ଓ ବନ୍ୟାଜଳର ପ୍ରଖର ସ୍ରୋତ ଯୋଗୁଁ ବ୍ଲକର ବିଭିନ୍ନ ସ୍ଥାନରେ ରାସ୍ତା, ନାଲା, ପୋଲ ଓ କଲଭର୍ଟ କ୍ଷତିଗ୍ରସ୍ତ ହୋଇଥିବାରୁ ଜନଜୀବନ ବ୍ୟାପକ ଭାବେ ପ୍ରଭାବିତ ହୋଇଛି। ବିଶେଷକରି ଭାଇସାଦାନି ଗ୍ରାମପଞ୍ଚାୟତ ଅଧୀନ ଶିଆଳଲଟି ନାଲାରେ ବନ୍ୟାଜଳର ପ୍ରଚଣ୍ଡ ସ୍ରୋତ ପ୍ରାୟ ୧୦୦ ମିଟର ରାସ୍ତାକୁ ଧୋଇ ନେଇଥିବାରୁ ଉଭୟ ପାର୍ଶ୍ୱର ଗ୍ରାମଗୁଡ଼ିକର ଯୋଗାଯୋଗ ସମ୍ପୂର୍ଣ୍ଣ ବିଚ୍ଛିନ୍ନ ହୋଇଯାଇଥିଲା। ଦୈନନ୍ଦିନ ଯାତାୟାତ, ଛାତ୍ରଛାତ୍ରୀଙ୍କ ପାଠପଢ଼ା, ଚିକିତ୍ସା ସେବା ଓ ଜରୁରୀ କାର୍ଯ୍ୟ ପାଇଁ ଗ୍ରାମବାସୀଙ୍କୁ ନାହିଁନଥିବା ଅସୁବିଧାର ସମ୍ମୁଖୀନ ହେବାକୁ ପଡ଼ିଥିଲା। ବନ୍ୟା ପରେ ପ୍ରଶାସନିକ ଅଧିକାରୀମାନେ କ୍ଷତିଗ୍ରସ୍ତ ଅଞ୍ଚଳ ପରିଦର୍ଶନ କରି ଶିଆଳଲଟି ନାଲାର ସ୍ଥିତିର ଅନୁଧ୍ୟାନ କରିଥିଲେ। ରାସ୍ତାର ତୁରନ୍ତ ମରାମତି ସହ ଯାତାୟାତ ସ୍ୱାଭାବିକ କରିବାକୁ ସ୍ଥାନୀୟ ଲୋକଙ୍କ ପକ୍ଷରୁ ଦାବି ଉଠିଥିଲା। ତେବେ ସରକାରୀ ସହାୟତାକୁ ଅପେକ୍ଷା ନକରି ନିଜ ସମସ୍ୟାର ସମାଧାନ ପାଇଁ ଗ୍ରାମବାସୀମାନେ ନିଜେ ଆଗେଇ ଆସିଥିଲେ। ଏକତା ଓ ସାମୂହିକ ଶ୍ରମର ନିଆରା ପରିଚୟ ଦେଇ ଜଙ୍ଗଲରୁ କାଠ ସଂଗ୍ରହ କରି ଶିଆଳଲଟି ନାଲା ଉପରେ ଏକ ଅସ୍ଥାୟୀ କାଠ ପୋଲ ନିର୍ମାଣ କରିଥିଲେ। ଏହା ଫଳରେ ପୁଣିଥରେ ଏହି ରାସ୍ତାରେ ଯାତାୟାତ ସ୍ୱାଭାବିକ ହୋଇପାରିଛି ଓ ହଜାର ହଜାର ଲୋକ ଉପକୃତ ହେଉଛନ୍ତି। ଗ୍ରାମବାସୀଙ୍କ ଏହି ସାମୂହିକ ପଦକ୍ଷେପ ଏବେ ସମଗ୍ର ଅଞ୍ଚଳରେ ପ୍ରଶଂସାର ବିଷୟ ପାଲଟିଛି। ବିପଦ ସମୟରେ ସରକାରୀ ସହାୟତାକୁ ଅପେକ୍ଷା ନକରି ନିଜ ଶ୍ରମ, ଏକତା ଓ ସହଯୋଗ ବଳରେ ସମସ୍ୟାର ସମାଧାନ କରିବା ସାମାଜିକ ସଚେତନତା ଓ ଆତ୍ମନିର୍ଭରଶୀଳତାର ଏକ ଉଜ୍ଜ୍ୱଳ ଉଦାହରଣ ସୃଷ୍ଟି କରିଛି। ତେବେ ନିର୍ମିତ କାଠ ପୋଲଟି ସମ୍ପୂର୍ଣ୍ଣ ଅସ୍ଥାୟୀ ହୋଇଥିବାରୁ ଆଗାମୀ ବର୍ଷା ଋତୁରେ ପୁଣି ସମାନ ପରିସ୍ଥିତି ସୃଷ୍ଟି ହେବାର ଆଶଙ୍କା ରହିଛି। ଏହାକୁ ଦୃଷ୍ଟିରେ ରଖି ଶିଆଳଲଟି ନାଲା ଉପରେ ଏକ ସ୍ଥାୟୀ ପକ୍କା ପୋଲ ନିର୍ମାଣ, କ୍ଷତିଗ୍ରସ୍ତ ରାସ୍ତାର ତୁରନ୍ତ ମରାମତି ଓ ବୋଡ଼େନ ବ୍ଲକର ବନ୍ୟା ପ୍ରଭାବିତ ଅଞ୍ଚଳଗୁଡ଼ିକରେ ସ୍ଥାୟୀ ଭିତ୍ତିଭୂମି ବିକାଶ ପାଇଁ ପ୍ରଶାସନ ଶୀଘ୍ର ପଦକ୍ଷେପ ନେବାକୁ ଅଞ୍ଚଳବାସୀ ଦୃଢ଼ ଦାବି କରିଛନ୍ତି।

ତାଳଚେର ବ୍ଲକ ଅନ୍ତର୍ଗତ କର୍ଣପୁର ରାସ୍ତାରେ ପ୍ରଧାନମନ୍ତ୍ରୀ ଗ୍ରାମୀଣ ସଡ଼କ ଯୋଜନା (PMGSY) ଅଧୀନରେ ହୋଇଥିବା ରାସ୍ତା କାମରେ ଅନିୟମିତତା ହୋଇଥିବା ନେଇ ସ୍ଥାନୀୟ ବାସିନ୍ଦା ଅଭିଯୋଗ ଉଠାଇଛନ୍ତି। ରାସ୍ତାର ପ୍ରାୟ ୨୦ ମିଟର ଅଂଶରେ ବିରାଟକାୟ ଭୂସ୍ଖଳନ ଘଟି ରାସ୍ତା ଦବି ଯାଇଥିବାରୁ ଯାତାୟାତ ବ୍ୟାହତ ହୋଇଛି। ଏହାଫଳରେ ସ୍ଥାନୀୟ ଲୋକେ ପ୍ରତିଦିନ ଯିବାଆସିବାରେ ନାନା ସମସ୍ୟାର ସମ୍ମୁଖୀନ ହେଉଛନ୍ତି। ସ୍ଥାନୀୟ ବାସିନ୍ଦାଙ୍କ ଅଭିଯୋଗ ଅନୁସାରେ, ରାସ୍ତା ନିର୍ମାଣରେ ନିମ୍ନମାନର କାମ କରାଯାଇଥିବାରୁ ଏପରି ପରିସ୍ଥିତି ସୃଷ୍ଟି ହୋଇଛି। କେତେକ ବାସିନ୍ଦା ଆହୁରି ଅଭିଯୋଗ କରିଛନ୍ତି ଯେ, କାମରେ ଅନିୟମିତତା ସହ "ପିସି" କାରବାର ହୋଇଥିଲା। ସେମାନଙ୍କ ଅଭିଯୋଗରେ ସ୍ଥାନୀୟ ସରପଞ୍ଚ, ସମିତି ସଭ୍ୟ ଓ ଜିଲ୍ଲା ପରିଷଦ ସଦସ୍ୟଙ୍କ ନାମ ମଧ୍ୟ ଉଲ୍ଲେଖ କରାଯାଇଛି। ଏହି ସମସ୍ୟାର ତୁରନ୍ତ ସମାଧାନ ଓ ଉଚ୍ଚସ୍ତରୀୟ ତଦନ୍ତ ଦାବି କରି ସ୍ଥାନୀୟ ଲୋକେ ଶୀଘ୍ର ପଦକ୍ଷେପ ନିଆନଗଲେ ଆନ୍ଦୋଳନକୁ ଓହ୍ଲାଇବେ ବୋଲି ଚେତାବନୀ ଦେଇଛନ୍ତି। ବର୍ତ୍ତମାନ ପ୍ରଶାସନ ଏହି ଘଟଣା ପ୍ରତି କିପରି ପଦକ୍ଷେପ ନେଉଛି, ତାହା ଉପରେ ସ୍ଥାନୀୟ ଅଞ୍ଚଳବାସୀଙ୍କ ନଜର ରହିଛି।

ତାଳଚେର: ତାଳଚେର ବ୍ଲକ ଅନ୍ତର୍ଗତ ଗୋବରା ଗ୍ରାମପଞ୍ଚାୟତରେ ଅବସ୍ଥିତ ଆର୍‌ଆଇ ଅଫିସ୍‌ର କାର୍ଯ୍ୟପ୍ରଣାଳୀକୁ ନେଇ ସ୍ଥାନୀୟ ଜନସାଧାରଣଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଛି। ସ୍ଥାନୀୟ ଲୋକଙ୍କ ଅଭିଯୋଗ ଅନୁଯାୟୀ, ମାସକର ପ୍ରାୟ ୧୫ ଦିନ ଆର୍‌ଆଇ ଅଫିସ୍‌ରେ ତାଲା ପଡ଼ି ରହୁଥିବା ବେଳେ ଅବଶିଷ୍ଟ ଦିନଗୁଡ଼ିକରେ ମଧ୍ୟ ଦିନ ପ୍ରାୟ ୧୨ଟାରୁ ୧ଟା ମଧ୍ୟରେ ସୀମିତ ସମୟ ପାଇଁ କାର୍ଯ୍ୟାଳୟ ଖୋଲାଯାଉଛି। ଫଳରେ ଜମିଜମା ସମ୍ବନ୍ଧୀୟ ବିଭିନ୍ନ ସରକାରୀ କାର୍ଯ୍ୟ ପାଇଁ ଆସୁଥିବା ସାଧାରଣ ଲୋକେ ବାରମ୍ବାର ହଇରାଣ ହେଉଛନ୍ତି। ଏନେଇ ସମ୍ପୃକ୍ତ ବିଭାଗ ଓ ପ୍ରଶାସନଙ୍କ ନିକଟରେ ଏକାଧିକ ଥର ଅଭିଯୋଗ କରାଯାଇଥିଲେ ମଧ୍ୟ ଏପର୍ଯ୍ୟନ୍ତ କୌଣସି ସ୍ଥାୟୀ ସମାଧାନ ହୋଇନଥିବା ଅଭିଯୋଗ ହୋଇଛି। ଏହି ସମସ୍ୟାର ତୁରନ୍ତ ସମାଧାନ କରିବାକୁ ସ୍ଥାନୀୟ ଲୋକେ ପ୍ରଶାସନଙ୍କୁ ଦାବି କରିଛନ୍ତି। ଖୁବ୍‌ଶୀଘ୍ର ଆବଶ୍ୟକ ପଦକ୍ଷେପ ଗ୍ରହଣ ନ କରାଗଲେ, ଆନ୍ଦୋଳନକୁ ତୀବ୍ର କରାଯିବା ସହ ଉପଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାରଣା ଦିଆଯିବ ବୋଲି ସ୍ଥାନୀୟ ବାସିନ୍ଦାମାନେ ଚେତାବନୀ ଦେଇଛନ୍ତି।

ତାଳଚେର ବ୍ଲକ ଅନ୍ତର୍ଗତ କର୍ଣପୁର ଗ୍ରାମରେ ଅବସ୍ଥିତ ପ୍ରସିଦ୍ଧ ପାତାଳଫୁଟି କନେକେଶ୍ୱର ମହାଦେବ ପୀଠର ମହିମାକୁ ନେଇ ଭକ୍ତମାନଙ୍କ ମଧ୍ୟରେ ଅଗାଧ ବିଶ୍ୱାସ ରହିଛି। ଭକ୍ତମାନଙ୍କ କହିବା ଅନୁଯାୟୀ, ଏଠାରେ ଯିଏ ଯେଉଁ ମନସ୍କାମନା ନେଇ ପ୍ରଭୁଙ୍କୁ ପ୍ରାର୍ଥନା କରନ୍ତି, ତାହା ପୂରଣ ହୁଏ। ସ୍ଥାନୀୟ ଲୋକଙ୍କ ମଧ୍ୟରେ ଏହି ବିଶ୍ୱାସ ମଧ୍ୟ ପ୍ରଚଳିତ ଯେ, ସର୍ପଦଂଶନରେ ପୀଡ଼ିତ ବ୍ୟକ୍ତିମାନେ ପ୍ରଭୁଙ୍କ କୃପାରେ ସୁସ୍ଥ ହୋଇଥାନ୍ତି। ଏହିପରି ଏକ ମନସ୍କାମନା ପୂରଣ ହେବା ପରେ ଘଣ୍ଟପଢା ଗ୍ରାମର ସୁଶାନ୍ତ କୁମାର ସାହୁ ଓ ତାଙ୍କ ଧର୍ମପତ୍ନୀ ରୋଜାଲିନ୍ ସାହୁ ସୋମବାର ସକାଳେ କନେକେଶ୍ୱର ମହାଦେବଙ୍କ ପୀଠରେ ପ୍ରାୟ ୩ ହଜାର ଭକ୍ତଙ୍କ ପାଇଁ ମହାପ୍ରସାଦ ବଣ୍ଟନର ବ୍ୟବସ୍ଥା କରିଥିଲେ। ସୁଶାନ୍ତ ସାହୁ କହିଛନ୍ତି, "ଆଜି ଯେତେ ଭକ୍ତ ମନ୍ଦିରକୁ ଆସିବେ, ସମସ୍ତଙ୍କ ପାଇଁ ପ୍ରସାଦର ବ୍ୟବସ୍ଥା ରହିଛି। ଏହା ମୋର କୌଣସି ବଡ଼ କାମ ନୁହେଁ, ପ୍ରଭୁ ଶ୍ରୀ କନେକେଶ୍ୱରଙ୍କ ଅପାର କୃପା। ମୁଁ ତ କେବଳ ନିମିତ୍ତ ମାତ୍ର।" ଭକ୍ତଙ୍କ ଏଭଳି ସେବା ଓ ପ୍ରଭୁଙ୍କ ପ୍ରତି ଅଟୁଟ ବିଶ୍ୱାସକୁ ଦେଖି ମନ୍ଦିର ପରିସରରେ ଭକ୍ତିମୟ ପରିବେଶ ସୃଷ୍ଟି ହୋଇଥିଲା।

ଲାଞ୍ଜିଗଡ଼ ବ୍ଲକ ଏକ ଆଦିବାସୀ ବହୁଳ ବ୍ଲକ୍ ଅଟେ ।ଘଞ୍ଚ ଜଙ୍ଗଲରେ ଥିବା ସହିତ ସାକ୍ଷରତା ହାର ବହୁତ୍ କମ୍ ଅଟେ। ଅନେକ ବିଦ୍ୟାଳୟ ରେ ଛାତ୍ର ଛାତ୍ରୀ କମ୍ ଥିବା ସ୍ଥଳେ ମଧ୍ୟ ରାଜ୍ୟ ସରକାର ତରଫରୁ ବିଦ୍ୟାଳୟ ଗୁଡିକର ବିକାଶ ସହ ଛାତ୍ର ଛାତ୍ରୀ ପାଠ ପଢ଼ିବା ସ୍ୟବସ୍ଥା କରିଛନ୍ତି। ସୂଚନା ଅନୁଯାୟୀ ବ୍ଲକ୍ ଶିକ୍ଷାଧିକାରୀ ରୁଷିଆ ମେହେର ଙ୍କ ମନ ମୁଖୀ ଶିକ୍ଷକ ବଦଳି କରିଥିବାରୁ ପ୍ରାୟ ଅନେକ ବିଦ୍ୟାଳୟରେ ଜଣେ ଶିକ୍ଷକ କାର୍ଯ୍ୟ କରୁଛନ୍ତି। ଜଣେ ଶିକ୍ଷକ ଥିବା ଦିଦ୍ୟାଳୟରେ କିପରି ପାଠ ପଢ଼ା ହେଉଥିବା ସହଜରେ ଅନୁମେୟ କରିହେବ। ଶିକ୍ଷକ ମଧ୍ୟାହ୍ନ ଭୋଜନ, ଭୋଟର କାର୍ଯ୍ୟ କରିବେ ନ ପାଠ ପଢ଼ାଇବେ ? ପତ୍ରାପଡା,ଲେପଟା ଗୁଡ଼ା, ପଟାଙ୍ଗପଦର୍ ,ବଡ ଜାମ୍ କନା ଏକକ ଶିକ୍ଷକ ର ଉଦାହରଣ। ଏକ ଖୋଲା ଖୋଲି ଭାବରେ ଶିକ୍ଷା ଆଇନ ଉଲ୍ଲଘଂନ ନୁହଁ କଣ। ଏବଂ ଏହି ବ୍ଲକ୍ ରେ ଶିକ୍ଷା ବିଭାଗ ରେ ବ୍ୟାପକ ଦୁର୍ନୀତି ହେଉଥିବା ମଧ୍ୟ ଅଭିଯୋଗ ଆସୁଛି। ବ୍ଲକ ର ଶହଶହ ଜନସାଧାରଣ ବ୍ଲକ୍ ଅଧିକାରୀ ଙ୍କ ମନମୁଖୀ କାର୍ଯ୍ୟ ର ଉଚିତ୍ ତଦନ୍ତ କରିବା ପାଇଁ ରାଜ୍ୟ ସରକାର ଙ୍କ ଦୃଷ୍ଟି ଆକର୍ଷଣ କରିଥିବା ପ୍ରକାଶ କରିଛନ୍ତି।

ପଦ୍ମପୁର : (ସ୍ୱପ୍ର) ବରଗଡ ଜିଲ୍ଲା ପଦ୍ମପୁର ଉପଖଣ୍ଡ ଖଲିଆପାଳି ପଞ୍ଚାୟତ ଅନ୍ତର୍ଗତ ଦିୱାନଡ଼ିହି ସ୍ଥିତ ଉଭା ଶିବ ମନ୍ଦିର ଠାରେ ଆସନ୍ତା 30 ଜୁଲାଇ ରୁ 28ଅଗଷ୍ଟ ପର୍ଯନ୍ତ ଏକ ମାସ ଯାଏ ହେବାକୁ ଥୁବା ଶ୍ରାବଣୀ ମହୋତ୍ସବ ପ୍ରାରମ୍ଭ ହୋଇଛି l ଉକ୍ତ ଶ୍ରାବଣୀ ମହୋତ୍ସବ ରେ ପ୍ରତେକ ଦିନ ନୂତନ କର୍ତା ବସିବା ପାଇଁ ବ୍ୟବସ୍ଥା ହୋଇଛି l ସମସ୍ତ ଶ୍ରଦ୍ଧାକୁ ଭକ୍ତମାନେ ଶ୍ରାବଣୀ ମହୋତ୍ସବ ରେ ଯୋଗଦେଇ ଶିବକୃପା ଲାଭ ପାଇ ପାରିବେ l ଯେଉଁ ଶ୍ରଦ୍ଧାଳୁ ଭକ୍ତ ଏକ ଦିନ ନିଜ ଓ ପରିବାର ର ରିଷ୍ଟ ଶାନ୍ତି ପାଇଁ ଯଜମାନ ହେବା ପାଇଁ ଇଛୁକ ବ୍ୟକ୍ତି ଯୋଗାଯୋଗ କରନ୍ତୁ l ପଣ୍ଡିତ - ପୂର୍ଣ୍ଣ ଚନ୍ଦ୍ର ଷଡ଼ଙ୍ଗୀ, ହେମନ୍ତ ଷଡ଼ଙ୍ଗୀ, ଦେବେନ୍ଦ୍ର ତ୍ରିପାଠୀ, ଆଶୁତୋଷ ରଥ l 6371328245,7735071386.9178522941,9938048300

ଭାରତ ସରକାରଙ୍କ ଯୁବ ବ୍ୟାପାର ଓ କ୍ରୀଡ଼ା ମନ୍ତ୍ରଣାଳୟ ଅଧୀନସ୍ଥ ମାଇ ଭାରତ, କଳାହାଣ୍ଡି, ରାଷ୍ଟ୍ରୀୟ ସେବା ଯୋଜନା (ଏନ୍‌ଏସ୍‌ଏସ୍) ବ୍ୟୁରୋ, ରାଷ୍ଟ୍ରୀୟ କ୍ୟାଡେଟ୍ କୋର୍ (ଏନ୍‌ସିସି) ଏବଂ ମା' ମାଣିକେଶ୍ୱରୀ ବିଶ୍ୱବିଦ୍ୟାଳୟ, ଭବାନୀପାଟଣାର ମିଳିତ ଆନୁକୂଳ୍ୟରେ ‘ନଶା ମୁକ୍ତ ଯୁବା ବିକଶିତ ଭାରତ ସଙ୍କଳ୍ପ ଅଭିଯାନ’ ସଫଳତାର ସହ ଅନୁଷ୍ଠିତ ହୋଇଥିଲା। କାର୍ଯ୍ୟକ୍ରମରେ ବହୁ ସଂଖ୍ୟକ ଛାତ୍ରଛାତ୍ରୀ, ସ୍ୱେଚ୍ଛାସେବୀ ଓ ଯୁବ ପ୍ରତିନିଧିମାନେ ଯୋଗଦେଇ ନଶାମୁକ୍ତ ସମାଜ ଗଠନ ପାଇଁ ସଙ୍କଳ୍ପ ଗ୍ରହଣ କରିଥିଲେ। ଏହି ଅବସରରେ ଭାରତର ମାନ୍ୟବର ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଭର୍ଚୁଆଲ୍ ମାଧ୍ୟମରେ ଦେଶବ୍ୟାପୀ ଯୁବମାନଙ୍କୁ ସମ୍ବୋଧିତ କରି ନଶାମୁକ୍ତ ଭାରତ ଗଠନରେ ଯୁବପିଢ଼ିର ସକ୍ରିୟ ଭୂମିକା ଉପରେ ପ୍ରେରଣାଦାୟକ ବାର୍ତ୍ତା ପ୍ରଦାନ କରିଥିଲେ। କାର୍ଯ୍ୟକ୍ରମରେ ମା' ମାଣିକେଶ୍ୱରୀ ବିଶ୍ୱବିଦ୍ୟାଳୟର ଉପ-ପଞ୍ଜିକାର ମେଜର ଜୟଦେବ ସାହୁ ମୁଖ୍ୟ ଅତିଥି ଭାବେ ଯୋଗଦେଇଥିଲେ। ସମ୍ମାନିତ ଅତିଥି ଭାବେ ସ୍ନାତକୋତ୍ତର ପରିଷଦର ଅଧ୍ୟକ୍ଷା ଡ଼. ନିବେଦିତା ନାଥ, ରାଷ୍ଟ୍ରୀୟ ସେବା ଯୋଜନାର କାର୍ଯ୍ୟକ୍ରମ ଅଧିକାରୀ ଜୟନ୍ତ କୁମାର ଦାନସେନା, ମାଇ ଭାରତ, କଳାହାଣ୍ଡିର ଯୁବ ନେତା ସମ୍ଭୁ ବିଶି ଏବଂ ଜିଲ୍ଲା ଯୁବ ଅଧିକାରୀ ବଂଶ ଶର୍ମା ଉପସ୍ଥିତ ଥିଲେ। ବକ୍ତାମାନେ ଯୁବ ସମାଜକୁ ନଶାରୁ ଦୂରେଇ ରହିବା, ସୁସ୍ଥ ଜୀବନଶୈଳୀ ଅବଲମ୍ବନ କରିବା ଏବଂ ବିକଶିତ ଭାରତ ଗଠନରେ ସକ୍ରିୟ ଭାଗୀଦାର ହେବା ପାଇଁ ଆହ୍ୱାନ ଜଣାଇଥିଲେ। କାର୍ଯ୍ୟକ୍ରମକୁ ସଫଳ କରିବାରେ ମାଇ ଭାରତ, କଳାହାଣ୍ଡିର ସ୍ୱେଚ୍ଛାସେବୀ ଦୁର କୈବର୍ତ୍ତ, ମନୋଜ ବାଗ, ଦୀପକ ରଂଜନ ବେହେରା, ନଉକା ବାଗ, ପପୁ ଡୁଙ୍ଗୁରି, ଚୂଳମଣି ମାଝୀ ଏବଂ ଦୁଲ୍ଲଭ ନାଏକ ସକ୍ରିୟ ସହଯୋଗ କରିଥିଲେ। ସେମାନଙ୍କର ନିଷ୍ଠା, ସମନ୍ୱୟ ଓ ପରିଶ୍ରମ ଯୋଗୁଁ କାର୍ଯ୍ୟକ୍ରମଟି ସୁଚାରୁରୂପେ ସମ୍ପନ୍ନ ହୋଇଥିଲା। ଶେଷରେ ସମସ୍ତ ଅତିଥି, ସ୍ୱେଚ୍ଛାସେବୀ ଓ ଅଂଶଗ୍ରହଣକାରୀଙ୍କୁ କୃତଜ୍ଞତା ଜଣାଇବା ସହ ନଶାମୁକ୍ତ ଓ ବିକଶିତ ଭାରତ ଗଠନରେ ସମସ୍ତଙ୍କ ସହଯୋଗ କାମନା କରାଯାଇଥିଲା।

ଭାରତ ସରକାରଙ୍କ ଯୁବ ବ୍ୟାପାର ଓ କ୍ରୀଡ଼ା ମନ୍ତ୍ରଣାଳୟ ଅଧୀନସ୍ଥ ମାଇ ଭାରତ କଳାହାଣ୍ଡି ପକ୍ଷରୁ ଏବଂ ମା' ମାଣିକେଶ୍ୱରୀ ବିଶ୍ୱବିଦ୍ୟାଳୟ, ଭବାନୀପାଟଣାର ସହଯୋଗରେ ‘ନିଶା ମୁକ୍ତ ଯୁବା–ବିକଶିତ ଭାରତ’ ଅଭିଯାନ ଅନ୍ତର୍ଗତ ଜିଲ୍ଲାସ୍ତରୀୟ ପ୍ରତିଯୋଗିତା ଶନିବାର ବିଶ୍ୱବିଦ୍ୟାଳୟର ଯୁବ ସଂସ୍କାର ସଭାଗୃହରେ ଉତ୍ସାହ ଓ ଉଦ୍ଦୀପନାର ସହ ଅନୁଷ୍ଠିତ ହୋଇଯାଇଛି। କାର୍ଯ୍ୟକ୍ରମକୁ ବିନୟ କୁମାର ସାହୁ ସୁନ୍ଦର ଭାବେ ସଂଚାଳନ କରିଥିଲେ। ବିଶ୍ୱବିଦ୍ୟାଳୟର କୁଳପତି ପ୍ରଫେସର ପବନ କୁମାର ଅଗ୍ରୱାଲ ମୁଖ୍ୟ ଅତିଥି ଭାବେ ଯୋଗଦେଇ ନିଶାମୁକ୍ତ ସମାଜ ଗଠନରେ ଯୁବପିଢ଼ିଙ୍କ ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ମତବ୍ୟକ୍ତ କରିଥିଲେ। ସମ୍ମାନିତ ଅତିଥି ଭାବେ ପିଜି କାଉନ୍ସିଲର ଅଧ୍ୟକ୍ଷା ତଥା ଆଇକ୍ୟୁଏସି ନିର୍ଦ୍ଦେଶିକା ଡ଼. ନିବେଦିତା ନାଥ, ରେଜିଷ୍ଟ୍ରାର ଡ଼. ଗୁଣନିଧି ନାଏକ, ଉପ-ରେଜିଷ୍ଟ୍ରାର ମେଜର ଡ଼. ଜୟଦେବ ସାହୁ ଏବଂ କଳାହାଣ୍ଡି ଅବକାରୀ ବିଭାଗର ଉପ-ଅଧୀକ୍ଷିକା ଶ୍ରୀମତୀ ସାଗରିକା ପ୍ରଧାନ ଯୋଗଦେଇ ନିଶା ବିରୋଧୀ ସଚେତନତାର ବାର୍ତ୍ତା ପ୍ରଦାନ କରିଥିଲେ। ମାଇ ଭାରତର ଜିଲ୍ଲା ଯୁବ ଅଧିକାରୀ ବଂଶ ଶର୍ମା ଏବଂ ମାଇ ଭାରତର ଜିଲ୍ଲା ନୋଡାଲ ଅଧିକାରୀ ଜୟନ୍ତ ଦାନସେନାଙ୍କ ତତ୍ତ୍ୱାବଧାନରେ କାର୍ଯ୍ୟକ୍ରମ ସୁଚାରୁ ଭାବେ ସମ୍ପନ୍ନ ହୋଇଥିଲା। ଏହି ଅବସରରେ ଲୋକଗୀତ, ନୃତ୍ୟ, ନୁକ୍କଡ଼ ନାଟକ, ମୂକାଭିନୟ, ଚିତ୍ରାଙ୍କନ, ବକ୍ତୃତା, ସ୍ଲୋଗାନ ଲେଖନ, କବିତା ପରିବେଷଣ ଓ ସ୍ୱଳ୍ପଦୈର୍ଘ୍ୟ ଭିଡିଓ ନିର୍ମାଣ ଭଳି ବିଭିନ୍ନ ପ୍ରତିଯୋଗିତାରେ ଜିଲ୍ଲାର ବିଭିନ୍ନ ମହାବିଦ୍ୟାଳୟର ପ୍ରତିଯୋଗୀମାନେ ଉତ୍ସାହର ସହ ଅଂଶଗ୍ରହଣ କରିଥିଲେ। ପ୍ରତିଯୋଗିତାର ବିଚାରକ ଭାବେ ଡ଼. ଚିତ୍ରସେନ ଭୁଏଁ, ଡ଼. ଝରଣାରାଣୀ ଧର ମାଝୀ, ଡ଼. ସୁମନା ରାୟ, ଡ଼. ରୋଜ୍ ମେରୀ ଏକ୍କା, ଡ଼. ପଲ୍ଲୀଶ୍ରୀ ପଟ୍ଟନାୟକ, ଡ଼. କୈଳାଶ ଚନ୍ଦ୍ର ଦାସ, ଡ଼. ପ୍ରିୟରଞ୍ଜନ ବେହେରା, ଶ୍ରୀ ସୁଶିଲ ପଧାନ,ଏବଂ ଶ୍ରୀ ପ୍ରତାପ ଚନ୍ଦ୍ର ଦାଶ ଦାୟିତ୍ୱ ସମ୍ଭାଳିଥିଲେ। ମାଇ ଭାରତ କଳାହାଣ୍ଡିର ଯୁବ ନେତା ସମ୍ଭୁ ବିଶି କାର୍ଯ୍ୟକ୍ରମର ସମନ୍ୱୟ ଓ ସଫଳ ଆୟୋଜନରେ ସକ୍ରିୟ ଭୂମିକା ଗ୍ରହଣ କରିଥିଲେ। ସ୍ୱେଚ୍ଛାସେବୀ ଦୀପକ ବେହେରା, ବନ୍ଦିନୀ ମାଝୀ, ଦୁରା କୈବର୍ତ୍ତ, ଚୂଲମଣି ମାଝୀ ଏବଂ ଦୁଲ୍ଲଭ ନାଏକ କାର୍ଯ୍ୟକ୍ରମର ସୁପରିଚାଳନାରେ ଉଲ୍ଲେଖନୀୟ ସହଯୋଗ କରିଥିଲେ। କାର୍ଯ୍ୟକ୍ରମରେ ଉପସ୍ଥିତ ସମସ୍ତ ଅତିଥି, ଶିକ୍ଷକ, ଛାତ୍ରଛାତ୍ରୀ ଓ ଯୁବ ସ୍ୱେଚ୍ଛାସେବୀମାନେ ନିଶାମୁକ୍ତ ଭାରତ ଗଠନ ପାଇଁ ସମୂହ ଶପଥ ଗ୍ରହଣ କରିଥିଲେ। ପରେ ବିଭିନ୍ନ ପ୍ରତିଯୋଗିତାର ବିଜେତାମାନଙ୍କୁ ପ୍ରମାଣପତ୍ର ପ୍ରଦାନ କରାଯାଇଥିଲା। କାର୍ଯ୍ୟକ୍ରମର ମୂଳ ଉଦ୍ଦେଶ୍ୟ ଯୁବପିଢ଼ିଙ୍କ ମଧ୍ୟରେ ନିଶା ବିରୋଧୀ ସଚେତନତା ସୃଷ୍ଟି କରି ସେମାନଙ୍କୁ ଏକ ସୁସ୍ଥ, ଦାୟିତ୍ୱବାନ ଏବଂ ବିକଶିତ ଭାରତ ଗଠନରେ ସକ୍ରିୟ ଭାଗୀଦାର କରିବା ଥିଲା।