Web News

ଭୁବନେଶ୍ୱର: ୨୩/୦୯: ରାଜ୍ୟରେ ବିଜେପି ସରକାର ଦାୟିତ୍ୱ ନେବା ପରେ ଭତ୍ତା ଯୋଜନାରେ ହିତାଧିକାରୀଙ୍କ ସଂଖ୍ୟା ବୃଦ୍ଧି ହୋଇନଥିବା ନେଇ ପ୍ରଶ୍ନ ଉଠିଛି। ଭତ୍ତା ପାଇଁ ପ୍ରାୟ ୫ ଲକ୍ଷ ବୃଦ୍ଧବୃଦ୍ଧା ଓ ଭିନ୍ନକ୍ଷମ ବ୍ୟକ୍ତିଙ୍କ ଆବେଦନ ଦୀର୍ଘ ଦୁଇ ବର୍ଷ ଧରି ସରକାରୀ ଦପ୍ତରରେ ପଡ଼ିରହିଥିବା ଦାବି କରାଯାଇଛି। ଏହି ସଂଖ୍ୟା ଆଗକୁ ଆହୁରି ବଢ଼ିପାରେ ବୋଲି ମଧ୍ୟ କୁହାଯାଇଛି। ଏହା ଫଳରେ ଆବଶ୍ୟକତା ଥିବା ଗରିବ ବୃଦ୍ଧବୃଦ୍ଧା ଓ ଭିନ୍ନକ୍ଷମଙ୍କ ସାମାଜିକ ନିରାପତ୍ତା ପ୍ରଭାବିତ ହେଉଥିବା ଅଭିଯୋଗ ହୋଇଛି। ସୂଚନା ଅଧିକାର ଆଇନ ମାଧ୍ୟମରେ ମିଳିଥିବା ତଥ୍ୟ ଅନୁଯାୟୀ, ରାଜ୍ୟରେ ପ୍ରାୟ ୫୭ ଲକ୍ଷ ହିତାଧିକାରୀ ବିଭିନ୍ନ ଭତ୍ତା ଯୋଜନା ଓ ମଧୁବାବୁ ପେନସନ ଯୋଜନାରେ ଅନ୍ତର୍ଭୁକ୍ତ ଅଛନ୍ତି। ସେହିପରି, ୮୦ ବର୍ଷରୁ ଅଧିକ ବୟସର ପ୍ରାୟ ୩.୮୪ ଲକ୍ଷ ବୃଦ୍ଧବୃଦ୍ଧା ମାସିକ ୩,୦୦୦ ଟଙ୍କା ଭତ୍ତା ପାଉଥିବା କୁହାଯାଇଛି। ତେବେ ଏହି ଭତ୍ତା ମଧ୍ୟ ନିୟମିତ ଭାବେ ମିଳୁନଥିବା ଅଭିଯୋଗ ରହିଛି। ଭତ୍ତା ପାଇଁ ଦୀର୍ଘ ସମୟ ଧରି ଅପେକ୍ଷା କରୁଥିବା ଯୋଗ୍ୟ ହିତାଧିକାରୀଙ୍କ ଆବେଦନର ଶୀଘ୍ର ଯାଞ୍ଚ ଓ ଭତ୍ତା ପ୍ରଦାନ ପାଇଁ ପଦକ୍ଷେପ ନେବା ଦାବି ହୋଇଛି।

କେନ୍ଦ୍ରାପଡ଼ା ଜିଲ୍ଲା ପଟ୍ଟାମୁଣ୍ଡାଇ ବ୍ଲକ ଅର୍ନ୍ତଗତ ଖଡିଅଣ୍ଟା ପଞ୍ଚାୟତ ରେ ପୂର୍ବତନ ସରପଞ୍ଚ କ୍ରୀତିଚନ୍ଦ୍ର ଜେନା ଙ୍କୁ ପୂର୍ବତନ ବିଧାୟକ ତଥା ସାଂସଦ ପ୍ରାର୍ଥୀ ଅଂଶୁମାନ ମହାନ୍ତି ଭେଟି ସ୍ଵାସ୍ଥ୍ୟ ସମସ୍ୟା ଉପରେ ପଚାରିଛନ୍ତି , ଅଂଶୁମାନ ମହାନ୍ତି ହେଉଛନ୍ତି ଜଣେ ଦକ୍ଷ ରାଜ ନେତା ତଥା ୩୦ ବର୍ଷ ରାଜ ନୀତି କରି ୬ ଥର ବିଧାୟକ ଏବଂ,ପୂର୍ବତନ ମନ୍ତ୍ରୀ ନଳିନୀକାନ୍ତ ମହାନ୍ତି ଙ୍କ ସୁଯୋଗ୍ୟ ସନ୍ତାନ ଭାବେ ରାଜ ନୀତି ଜାରି ରଖିଛନ୍ତି,ଲୋକ ମାନଙ୍କ ପାଖରେ ବିପଦ ସମୟରେ ବନ୍ୟା ହେଉ ଅବା ବିଭିନ୍ନ ପ୍ରକାର ପ୍ରାକୃତିକ ବିପର୍ଯ୍ୟୟ ସମୟରେ ଛିଡ଼ା ହୋଇଛନ୍ତି , ଏବଂ ଗାଁ ଗହଳିରେ ଯୁବକ ପିଲା ମାନେ ଯେଉଁ ପୋଗ୍ରମ୍ କରନ୍ତି,କିମ୍ବା ଘର ପୋଡ଼ି ଠାରୁ ଆରମ୍ଭ କରି ରାସ୍ତାରେ ସଡ଼କ ଦୁର୍ଘଟଣା ରେ ମେଡିକାଲ କୁ ନିଜ ଗାଡିରେ ନେଇ ପହଞ୍ଚେଇବା ଏବଂ ରୋଗୀ କେମିତି ଭଲରେ ଚିକିତ୍ସା ହୋଇପାରିବ ତାହା ମଧ୍ୟପୂର୍ବରୁ ନଜିର ଅଛି, ରାଜନୈତିକ ଭାବରେ ସାମାଜିକ ଆଖି ଦୂର୍ଶିଆ ଉନ୍ନତି ମୂଳକ କାର୍ଯ୍ୟ କରି ଆସୁଛନ୍ତି, ତେଣୁ ରାଜନଗର ନିର୍ବାଚନରେ ଏ ଭଳି ନେତା ଙ୍କୁ ସାମାଜିକ କ୍ଷେତ୍ରରେ ବହୁ ପ୍ରଶଂସାର ସୁଅ ଛୁଟିଛି

ଓଡିଶା ମାଧମିକ ସ୍କୁଲ ଶିକ୍ଷକ ସଂଘ(ଓଷ୍ଟା) କେନ୍ଦ୍ରାପଡା ଜିଲ୍ଲା ଦୁହୁରିଆ ସ୍ଥିତ ଶିକ୍ଷକ ଭବନ ନବନିର୍ମିତ ଗୃହର ଶୁଭ ଉଦ୍ଘାଟନ ବିଧାୟକ ଗଣେଶ୍ୱର ବେହେରାଙ୍କ କରମଣ୍ଡଳରେ ହୋଇଅଛି । ଏହି ଅବସରରେ ଚଳିତ ବର୍ଷ ପଦନ୍ନୋତି ପାଇଥିବା ଜିଲ୍ଲାର ୪୨ଜଣ ପ୍ରଧାନ ଶିକ୍ଷକ ଓ ପ୍ରଧାନ ଶିକ୍ଷିକାମାନଙ୍କୁ ସମ୍ବର୍ଦ୍ଧିତ କରାଯାଇଥିଲା । ଜିଲ୍ଲା ଓଷ୍ଟା ସଭାପତି ଅଶୋକ କୁମାର ପରିଡାଙ୍କ ଅଧ୍ୟକ୍ଷତାରେ ଆୟୋଜିତ ସମ୍ବର୍ଦ୍ଧନା ସମାରୋହରେ ଜିଲ୍ଲା ସମ୍ପାଦକ ଭଗବାନ ସାହୁ ପ୍ରାରମ୍ଭିକ ସୂଚନା ସହ ସ୍ୱାଗତ ଭାଷଣ ପ୍ରଦାନ କରିଥିଲେ । ମଞ୍ଚାସିନ ଅତିଥି ଭାବେ ଉଦ୍ଘାଟକ ବିଧାୟକ ଗଣେଶ୍ୱର ବେହେରା ମୁଖ୍ୟ ଅତିଥି, ଜିଲ୍ଲା ଶିକ୍ଷା ଅଧିକାରୀ ପବିତ୍ର ମୋହନ ବାରିକ, ମୁଖ୍ୟ ବକ୍ତା ରାଜ୍ୟ ଓଷ୍ଟା ସଭାପତି ଅକ୍ଷୟ କୁମାର ମିଶ୍ର, ବିଶିଷ୍ଟ ଅତିଥି ଭାବେ ଓଷ୍ଟା ସାଧାରଣ ସମ୍ପାଦକ ରଞ୍ଜନ କୁମାର ଦାସ, ଓଷ୍ଟା କୋଷାଧ୍ୟକ୍ଷ ଅଶୋକ କୁମାର ମହାପାତ୍ର, ସମ୍ମାନୀତ ଅତିଥି ଭାବେ ରାଜ୍ୟ ସମ୍ପାଦକ ଶିକ୍ଷକ ନେତା ପ୍ରଣବ କୁମାର ଜେନା, ନିର୍ମଳ କୁମାର ଜେନା, ପ୍ରାକ୍ତନ ସମ୍ପାଦକ ତ୍ରୈଲୋକ୍ୟ ଚରଣ ସ୍ୱାଇଁ, ଶିକ୍ଷା ପ୍ରଦୀପ ସମ୍ପାଦକ କାଳି ପ୍ରସାଦ ନାୟକ, ପ୍ରାକ୍ତନ ଜିଲ୍ଲା ସମ୍ପାଦକ ତପନ କୁମାର ସିଂହ, ନିର୍ମଳ କୁମାର ନାୟକ, ରାଜ୍ୟ କାରିଣୀ ସଦସ୍ୟ ଅଶୋକ କୁମାର ମହାପାତ୍ର, ପ୍ରାକ୍ତନ ଉପସଭାପତି ଅଧିକାରୀ ରାଧାକାନ୍ତ ଦାସ ଯୋଗଦେଇ ଶିକ୍ଷା, ଶିକ୍ଷକ ଓ ଶିକ୍ଷାୟତନର ସାମଗ୍ରିକ ବିକାଶ ପାଇଁ ଦୀର୍ଘ ୮୦ବର୍ଷରୁ ଉର୍ଦ୍ଧ ସମୟ ଧରି ଓଡିଶାରେ ଓଷ୍ଟା ସଂଗଠନ ନିରବ ଚ୍ଛିନ୍ନ ରୁପେ କାର୍ଯ୍ୟକାରୀ ଆସୁଅଛି । ପ୍ରଧାନ ଶିକ୍ଷକ ଓ ପ୍ରଧାନ ଶିକ୍ଷିକାମାନେ ବିଦ୍ୟାଳୟର ମେରୁଦଣ୍ଡ । ସେମାନଙ୍କର ତ୍ୟାଗ, ନିଷ୍ଠା, କର୍ତ୍ତବ୍ୟ ପରାୟଣ, ସମୟାନୁ ବର୍ତ୍ତକା, ସଂହତି ଓ ସମନ୍ୱୟ ଦ୍ୱାରା ଛାତ୍ରଛାତ୍ରୀମାନଙ୍କର ବୌଦ୍ଧିକ ବିକାଶ ସହ ବିଦ୍ୟାଳୟର ସର୍ବାଙ୍ଗୀନ ଉନ୍ନତ୍ତି ହୋଇପାରିବ ବୋଲି ମତବ୍ୟକ୍ତ କରିଥିଲେ । ଜିଲ୍ଲା ଯୁଗ୍ମ ସମ୍ପାଦକ ଅଲେଖ ଚନ୍ଦ୍ର ମହାନ୍ତି ଅତିଥିମାନଙ୍କୁ ମଞ୍ଚକୁ ଆମନ୍ତ୍ରଣ କରିଥିବା ବେଳେ ଯୁଗ୍ମ ସମ୍ପାଦକ ଟିଟିକାନ୍ତ ନାୟକ ଅତିଥି ପରିଚୟ ପ୍ରଦାନ କରିଥିଲେ । ଜୟଶ୍ରୀ ପତି ଓ ତାଙ୍କ ଗ୍ରୁପ ସ୍ୱାଗତ ସଙ୍ଗିତ ଗାନ କରିଥିବା ବେଳେ ସମ୍ବର୍ଦ୍ଧନା ସମାରୋହକୁ ଜିଲ୍ଲା ଉପସଭାପତି ରିନା ରାଉତ, ଯୁଗ୍ମ ସମ୍ପାଦିକା ସରୋଜିନି ସ୍ୱାଇଁ, ଜିଲ୍ଲା କାର୍ଯ୍ୟକାରିଣୀ ସଦସ୍ୟା ମଧୁଛନ୍ଦା ଶର୍ମା, ଜିଲ୍ଲା ଉପସଭାପତି ସଞ୍ଜୟ କୁମାର ସାମଲ, ବିଚିତ୍ର କୁମାର ସାହୁ, ଜିଲ୍ଲା କାର୍ଯ୍ୟାକାରିଣୀ ସଦସ୍ୟ ମହେଶ୍ୱର ସାହୁ, ବିଶ୍ୱଜିତ ଦାସ, ସନ୍ତୋଷ କୁମାର ବରାଳ, ରବିନ୍ଦ୍ର କୁମାର ଦାସ, ବ୍ଲକ ସମ୍ପାଦକ ନାରାୟଣ ପଣ୍ଡା, ଅକ୍ଷୟ କୁମାର, ଦେବରାଜ ନାୟକ, ଅରବିନ୍ଦ ନାୟକ, ମଳୟ କୁମାର ପାଣି, ରଘୁନାଥ ଦାସ, ପ୍ରଶନ୍ନ କୁମାର ପରିଡା, ଅତୁଲ୍ୟ କୁମାର ରଥ, ବ୍ଲକ ସଭାପତି ତପନ କୁମାର ଦାସ, ଅଜୟ କୁମାର ବଳାଳ, ପ୍ରଭାଷ କୁମାର ପ୍ରଧାନ, ମାନସ ରଞ୍ଜନ ମିଶ୍ର, ସୁଶାନ୍ତ କୁମାର କର, ସୁରେନ୍ଦ୍ର କୁମାର ସ୍ୱାଇଁ ପ୍ରମୁଖ ପରିଚାଳନା କରିଥିଲେ । ଯୁଗ୍ମ ସମ୍ପାଦିକା ସରୋଜିନି ସ୍ୱାଇଂ ଧନ୍ୟବାଦ ଅର୍ପଣ କରିଥିଲେ । ଉକ୍ତ ସମାରୋହରେ ଶତାଧିକ ଶିକ୍ଷକ, ଶିକ୍ଷିକା, କର୍ମଚାରୀମାନଙ୍କ ସହ ବ୍ଲକ ଓ ଜିଲ୍ଲା ପ୍ରାକ୍ତନ ନେତୃତ୍ୱ, ଶିକ୍ଷାପ୍ରେମୀମାନେ ଯୋଗ ଦେଇଥିଲେ ।

ଅର୍ବାନ କୋପରେଟିଭ ବ୍ୟାଙ୍କ ପକ୍ଷରୁ ଅସହାୟ ଉମେଶ କୁମାରଙ୍କୁ ୫ହଜାର ଟଙ୍କା ଆର୍ଥିକ ସହାୟତା ପ୍ରଦାନ କରାଯାଇଛି । କେନ୍ଦ୍ରାପଡା ଜିଲ୍ଲାର ଡେରାବିଶ ବ୍ଲକ ଅନ୍ତର୍ଗତ ଘନଶ୍ୟାମପୁର ଗ୍ରାମର ଉମେଶ କୁମାର ପାତ୍ରଙ୍କ ଏକମାତ୍ର ପୁଅ ରାଜେଶ କୁମାର ପାତ୍ର(୨୧) ଭୁବନେଶ୍ୱରର ଜଟଣୀରେ ଥିବା ଏକ ଷ୍ଟିଲ କାରଖାନାରେ କାମ କରୁଥିଲେ । ସେହି କାରଖାନାରେ କାର୍ଯ୍ୟରତ ଥିବା ସମୟରେ ବିଦୁ୍ୟତ କରେଣ୍ଟ ଲାଗି ରାଜେଶଙ୍କ ମୃତୁ୍ୟ ହୋଇଯାଇଛି । ରାଜେଶଙ୍କ ମୃତୁ୍ୟ ପରେ ତାଙ୍କ ପରିବାର ଏକମାତ୍ର ରୋଜଗାରିଆ ପୁଅକୁ ହରାଇ ଅତ୍ୟନ୍ତ ଅସହାୟ ହୋଇପଡିଛି । ଏସମ୍ପର୍କରେ ଜାଣିବା ପରେ ଅର୍ବାନ ବ୍ୟାଙ୍କ ସଭାପତି ଗୁରୁ ପ୍ରସାଦ ମହାନ୍ତି ସେହି ଗରିବ ଅସହାୟ ପରିବାରକୁ ପୁଅର ସୁଧିକ୍ରୀୟା କରିବା ନିମନ୍ତେ ତୁରନ୍ତ ଆର୍ଥିକ ସହାୟତା ପ୍ରଦାନ କରିବାକୁ ବ୍ୟାଙ୍କ ସିଇଓଙ୍କୁ ନିଦେ୍ର୍ଦଶ ଦେଇଥିଲେ । ବ୍ୟାଙ୍କର ସିଇଓ ଭାଗ୍ୟଲକ୍ଷ୍ମୀ ପଣ୍ଡା ଘନଶ୍ୟାମପୁରସ୍ଥିତ ବାସଭବନରେ ପହଞ୍ଚି ଉମେଶ କୁମାରଙ୍କୁ ୫ହଜାର ଟଙ୍କାର ଆର୍ଥôକ ସହାୟତା ପ୍ରଦାନ କରିଛନ୍ତି । ଏହି ସହାୟତା ପ୍ରଦାନ ସମୟରେ ବ୍ୟାଙ୍କର ଆଇ.ଟି. ମ୍ୟାନେଜର ଆଦିତ୍ୟ କୁମାର ଶତପଥୀ ଓ ସହକାରୀ ପରିଚାଳକ ଭଞ୍ଜକିଶୋର ଜେନା ଉପସ୍ଥିତ ଥିଲେ ।

ରାଜ୍ୟ ସରକାର ଆଇପିଏସ୍ (IPS) ସ୍ତରରେ ଏକ ଛୋଟ ଧରଣର ଅଦଳବଦଳ କରି ୨୦୧୫ ବ୍ୟାଚ୍‌ର ଆଇପିଏସ୍ ଅଫିସର ଡ. ସର୍ବଣା ବିବେକ ଏମ୍‌ (Dr. Saravana Vivek M)ଙ୍କୁ ଭୁବନେଶ୍ୱରର ନୂଆ ଡେପୁଟି କମିଶନର ଅଫ୍ ପୋଲିସ୍ (DCP) ଭାବେ ନିଯୁକ୍ତି ଦେଇଛନ୍ତି। ଏହା ପୂର୍ବରୁ ସେ ବ୍ରହ୍ମପୁରର ଏସ୍‌ପି (SP) ଭାବରେ କାର୍ଯ୍ୟରତ ଥିଲେ। ​ପୂର୍ବତନ ଡିସିପି ଜଗମୋହନ ମୀନା ନିଜ ପଦବୀରୁ ଇସ୍ତଫା ଦେବା ପରେ ଗୃହ ବିଭାଗ ପକ୍ଷରୁ ଏହି ନୂତନ ନିଯୁକ୍ତି ସମ୍ପର୍କିତ ବିଜ୍ଞପ୍ତି ପ୍ରକାଶ ପାଇଛି। ​ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ରଦବଦଲ: ​ବ୍ରହ୍ମପୁର SP: ଢେଙ୍କାନାଳ SP ଅଭିନବ ସୋନକରଙ୍କୁ ବ୍ରହ୍ମପୁରର ନୂଆ SP ଭାବେ ଅବସ୍ଥାପିତ କରାଯାଇଛି। ​ଢେଙ୍କାନାଳ SP: ପାରାଦୀପର ଅତିରିକ୍ତ SP ମାନେ ଅଜିଙ୍କ୍ୟ ବାବୁରାଓଙ୍କୁ ଢେଙ୍କାନାଳ SP ଦାୟିତ୍ୱ ଦିଆଯାଇଛି। ​ବରଗଡ଼ SDPO: ରାଜ୍ୟ ପୋଲିସ ମୁଖ୍ୟାଳୟର ସହକାରୀ SP ଏ.ବି. ଶିଳ୍ପାଙ୍କୁ ବରଗଡ଼ SDPO ଭାବେ ନିଯୁକ୍ତି ଦିଆଯାଇଛି।

ଗ୍ରାମାଞ୍ଚଳ ଓ ଆଦିବାସୀ ବହୁଳ ଅଞ୍ଚଳରୁ ଅନେକ ଫୁଟବଲ ଖେଳାଳି ନିଜ ପ୍ରତିଭା ବଳରେ ଜାତୀୟ ଓ ଆନ୍ତର୍ଜାତୀୟ ସ୍ତରରେ ଦେଶ ଓ ରାଜ୍ୟର ନାମ ରଖିଛନ୍ତି | ମାତ୍ର ଯେଉଁ ମାଟି ଓ ପଡ଼ିଆରୁ ସେମାନଙ୍କର ଖେଳ ଜୀବନ ଆରମ୍ଭ ହୋଇଥିଲା, ସେହି ଆଦିବାସୀ ଗାଁର ଫୁଟବଲ ପଡ଼ିଆ ଆଜି ଚରମ ଅବହେଳାର ଶିକାର ହୋଇଛି | ​ସମସ୍ୟାର ମୁଖ୍ୟ ବିନ୍ଦୁ: ​ପ୍ରତିଭାର ବିକାଶ: ବିନା କୌଣସି ଆଧୁନିକ ସୁବିଧାରେ, କେବଳ ନିଜର ନିଷ୍ଠା ଓ ପରିଶ୍ରମ ବଳରେ ଗାଁର ଯୁବକ-ଯୁବତୀମାନେ ରାଜ୍ୟ, ଜାତୀୟ ଏବଂ ବିଦେଶୀ ମାଟିରେ ଫୁଟବଲ ଖେଳି ସୁନାମ ଅର୍ଜନ କରିଛନ୍ତି | ​ପଡ଼ିଆର ଦୁରବସ୍ଥା: ଉପଯୁକ୍ତ ରକ୍ଷଣାବେକ୍ଷଣ ଅଭାବରୁ ପଡ଼ିଆରେ ଘାସ ନାହିଁ, ଚାରିପାଖରେ ଖାଲଖମା, ଏବଂ ବର୍ଷା ଦିନେ କାଦୁଅ ହୋଇ ଖେଳିବା ଅସମ୍ଭବ ହୋଇପଡ଼ୁଛି | ​ସୁବିଧା ସୁଯୋଗର ଅଭାବ: ପଡ଼ିଆରେ ନା ଅଛି ଚାରିକାନ୍ଥ (ବାଉଣ୍ଡ୍ରୀ), ନା ଅଛି ଚେଞ୍ଜିଂ ରୁମ୍ କିମ୍ବା ପାନୀୟ ଜଳର ସୁବିଧା | ​ଭବିଷ୍ୟତ ପ୍ରତି ଆଶଙ୍କା: ପଡ଼ିଆର ଶୋଚନୀୟ ଅବସ୍ଥା ଯୋଗୁଁ ନୂଆ ପିଢ଼ିର ଅଭ୍ୟାସରେ ବାଧା ସୃଷ୍ଟି ହେଉଛି ଏବଂ ଆହତ ହେବାର ଭୟ ରହୁଛି | ​ଗ୍ରାମବାସୀ ଓ ଖେଳାଳିଙ୍କ ଦାବି: ସ୍ଥାନୀୟ ଖେଳାଳି ଓ ଗ୍ରାମବାସୀଙ୍କ କହିବା କଥା - "ଆମ ଗାଁରୁ ଅନେକ ଖେଳାଳି ବାହାରକୁ ଯାଇ ପ୍ରତିନିଧିତ୍ବ କରିଛନ୍ତି, କିନ୍ତୁ ଆମର ମୂଳ ପଡ଼ିଆ ପ୍ରଶାସନର ନଜରକୁ ଆସୁନାହିଁ | ଯଦି ଏହି ପଡ଼ିଆର ସୁଧାର କରାଯାଏ, ତେବେ ଗାଁରୁ ଆହୁରି ଅନେକ ଆନ୍ତର୍ଜାତୀୟ ଖେଳାଳି ବାହାରିପାରିବେ |" ​ନିବେଦନ: ଖେଳ ବିଭାଗ ଓ ପ୍ରଶାସନ ତୁରନ୍ତ ଏହି ଆଦିବାସୀ ଗାଁ ପଡ଼ିଆର ଭିତ୍ତିଭୂମି ବିକାଶ ପାଇଁ ପଦକ୍ଷେପ ନିଅନ୍ତୁ—ଯେପରିକି ସମତଳ ପଡ଼ିଆ, ଗ୍ୟାଲେରୀ, ଆଲୋକ ଓ ପ୍ରଶିକ୍ଷଣର ସୁବିଧା ଯୋଗାଇ ଦିଆଯାଉ, ଯାହା ଦ୍ୱାରା ନୂତନ ପ୍ରତିଭାମାନେ ଆଗକୁ ବଢ଼ିପାରିବେ |

ନୟାଗଡ଼ ଜିଲ୍ଲା ନୂଆଗାଁ ବ୍ଲକ ଅନ୍ତର୍ଗତ ଅଙ୍ଗିସିଙ୍ଗି ଗାଁ ଦାଣ୍ଡରେ ଗଛଲତା ମାଡ଼ିଯିବାରୁ ରାସ୍ତାର ଅବସ୍ଥା ଦିନକୁ ଦିନ ଖରାପ ହେବାରେ ଲାଗିଛି। ରାସ୍ତାର ଉଭୟ ପାର୍ଶ୍ୱରେ ଅନାବନା ଗଛଲତା ବଢ଼ି ରାସ୍ତାକୁ ଆଚ୍ଛାଦିତ କରିବାକୁ ବସିଲାଣି। ଫଳରେ ଗ୍ରାମବାସୀଙ୍କ ଯାତାୟାତରେ ଅସୁବିଧା ହେଉଛି। ବିଶେଷକରି ବର୍ଷା ଦିନେ ଏହି ସମସ୍ୟା ଅଧିକ ଦେଖାଦେଉଛି। ରାସ୍ତାରେ ଗଛଲତା ସଫା ନହେବାରୁ ଗ୍ରାମବାସୀଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଉଛି। ତେଣୁ ସମ୍ପୃକ୍ତ ପ୍ରଶାସନ ତୁରନ୍ତ ଦୃଷ୍ଟି ଦେଇ ଗାଁ ଦାଣ୍ଡରୁ ଗଛଲତା ସଫା କରିବାକୁ ଗ୍ରାମବାସୀ ଦାବି କରିଛନ୍ତି।

ଦେବଗଡ଼: ଦେବଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟରେ ଜଣେ କିନ୍ନରଙ୍କ ମୃତ୍ୟୁକୁ ନେଇ ଉତ୍ତେଜନା ପ୍ରକାଶ ପାଇଛି। ଚିକିତ୍ସାରେ ଅବହେଳା ଯୋଗୁଁ ମୃତ୍ୟୁ ଘଟିଥିବା ଅଭିଯୋଗ କରି କିନ୍ନର ସଂଘ ପକ୍ଷରୁ ମେଡିକାଲ ପରିସରରେ ପ୍ରତିବାଦ କରାଯାଇଛି। ମୃତକ ହେଉଛନ୍ତି ଦେବଗଡ଼ ପୌରାଞ୍ଚଳ ବାସୁଦେବପୁରର ନଗେନ ବାଗ (୨୬)। ସୂଚନା ଅନୁସାରେ, ଜ୍ୱରରେ ପୀଡ଼ିତ ହେବା ପରେ ଆଜି ସକାଳେ ନଗେନଙ୍କୁ ଦେବଗଡ଼ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା। କିନ୍ତୁ ସନ୍ଧ୍ୟା ସମୟରେ ଏକ ଇଞ୍ଜେକ୍ସନ୍ ଦିଆଯିବା ପରେ ତାଙ୍କର ମୃତ୍ୟୁ ଘଟିଥିବା କିନ୍ନର ସଂଘ ପକ୍ଷରୁ ଅଭିଯୋଗ ହୋଇଛି। ଘଟଣା ପରେ କିନ୍ନର ସମାଜର ସଦସ୍ୟମାନେ ମେଡିକାଲ ପରିସରରେ ପହଞ୍ଚି ପ୍ରତିବାଦ କରିଥିଲେ। ସମ୍ପୃକ୍ତ ଚିକିତ୍ସକଙ୍କ ବିରୋଧରେ ନିରପେକ୍ଷ ତଦନ୍ତ କରି ଆବଶ୍ୟକ କାର୍ଯ୍ୟାନୁଷ୍ଠାନ ନେବାକୁ ସେମାନେ ଦାବି କରିଛନ୍ତି। ଖବର ପାଇ ଦେବଗଡ଼ ଆଦର୍ଶ ଥାନା ପୋଲିସ ମେଡିକାଲ ପରିସରରେ ପହଞ୍ଚି ପରିସ୍ଥିତି ନିୟନ୍ତ୍ରଣ କରିବା ସହ ଉତ୍ତେଜିତ ଲୋକଙ୍କୁ ବୁଝାସୁଝା କରିଥିଲା। ସୂଚନା ଅନୁସାରେ, ନଗେନ ବାଗ ଜଣେ ପ୍ରତିଭାସମ୍ପନ୍ନ ଦଣ୍ଡ କଳାକାର ଭାବେ ଦେବଗଡ଼ ଓ ଅନୁଗୋଳ ଅଞ୍ଚଳରେ ପରିଚିତ ଥିଲେ। ତାଙ୍କ ଅକାଳ ମୃତ୍ୟୁରେ କିନ୍ନର ସମାଜ ସମେତ ପରିଚିତ ମହଲରେ ଶୋକର ଛାୟା ଖେଳିଯାଇଛି। ତେବେ ନଗେନଙ୍କ ମୃତ୍ୟୁର ପ୍ରକୃତ କାରଣ କ’ଣ, ଚିକିତ୍ସା ସମୟରେ କୌଣସି ଅବହେଳା ହୋଇଥିଲା କି ନାହିଁ ଏବଂ ଇଞ୍ଜେକ୍ସନ୍ ଦିଆଯିବା ସହ ମୃତ୍ୟୁର କୌଣସି ସମ୍ପର୍କ ରହିଛି କି ନାହିଁ—ତାହା ତଦନ୍ତ ଓ ଚିକିତ୍ସାସମ୍ବନ୍ଧୀୟ ରିପୋର୍ଟ ପରେ ସ୍ପଷ୍ଟ ହେବ।

୨୦ରୁ ଅଧିକ ଯାତ୍ରୀ ଆହତ, ୧୪ ଜଣଙ୍କ ଅବସ୍ଥା ଗୁରୁତର ଭଦ୍ରକ: ଭଦ୍ରକ ଜିଲ୍ଲାରେ ଦୁଇ ତୀର୍ଥଯାତ୍ରୀ ବସ୍‌ ମଧ୍ୟରେ ଘଟିଛି ଭୟାବହ ସଡ଼କ ଦୁର୍ଘଟଣା। ଏହି ଦୁର୍ଘଟଣାରେ ୨୦ରୁ ଅଧିକ ଯାତ୍ରୀ ଆହତ ହୋଇଥିବାବେଳେ ସେମାନଙ୍କ ମଧ୍ୟରୁ ୧୪ ଜଣଙ୍କ ଅବସ୍ଥା ଗୁରୁତର ଥିବା ସୂଚନା ମିଳିଛି। ସୂଚନା ଅନୁସାରେ, ୧୬ ନମ୍ବର ଜାତୀୟ ରାଜପଥର ଧାମରା ରେଲୱେ ଓଭରବ୍ରିଜ୍‌ ନିକଟରେ ଗତ ବିଳମ୍ବିତ ରାତିରେ ଏହି ଦୁର୍ଘଟଣା ଘଟିଥିଲା। ରାତି ପ୍ରାୟ ୨ଟା ୨୫ ମିନିଟ୍‌ ସମୟରେ ପଶ୍ଚିମବଙ୍ଗରୁ ପୁରୀ ଅଭିମୁଖେ ଯାଉଥିବା ଏକ ତୀର୍ଥଯାତ୍ରୀ ବସ୍‌ ଆଗରେ ଯାଉଥିବା ଅନ୍ୟ ଏକ ତୀର୍ଥଯାତ୍ରୀ ବସ୍‌କୁ ପଛପଟୁ ଧକ୍କା ଦେଇଥିଲା। ଦୁର୍ଘଟଣାର ତୀବ୍ରତା ଏତେ ଅଧିକ ଥିଲା ଯେ ଉଭୟ ବସ୍‌ରେ ଥିବା ଅନେକ ଯାତ୍ରୀ ଆହତ ହୋଇଥିଲେ। ରାତି ଅଧରେ ଜାତୀୟ ରାଜପଥ ଉପରେ ହଠାତ୍‌ ଦୁର୍ଘଟଣା ଘଟିବା ପରେ ଘଟଣାସ୍ଥଳରେ ଚାଞ୍ଚଲ୍ୟ ସୃଷ୍ଟି ହୋଇଥିଲା। ଦୁର୍ଘଟଣା ସମ୍ପର୍କରେ ଖବର ପାଇ ଗ୍ରାମାଞ୍ଚଳ ପୁଲିସ ଓ ଦମକଳ ବାହିନୀ ତୁରନ୍ତ ଘଟଣାସ୍ଥଳରେ ପହଞ୍ଚିଥିଲେ। ଉଦ୍ଧାରକାରୀ ଦଳ ଆହତ ଯାତ୍ରୀମାନଙ୍କୁ ବସ୍‌ରୁ ବାହାର କରି ଚିକିତ୍ସା ପାଇଁ ନିକଟସ୍ଥ ହସ୍ପିଟାଲକୁ ପଠାଇଥିଲେ। ଗୁରୁତର ଆହତ ଯାତ୍ରୀମାନଙ୍କୁ ଆବଶ୍ୟକ ଚିକିତ୍ସା ଯୋଗାଇ ଦିଆଯାଉଥିବା ବେଳେ ଦୁର୍ଘଟଣାର ପ୍ରକୃତ କାରଣ ନେଇ ପୁଲିସ ପକ୍ଷରୁ ତଦନ୍ତ ଜାରି ରହିଛି। ତୀର୍ଥଯାତ୍ରୀମାନେ ପଶ୍ଚିମବଙ୍ଗରୁ ପୁରୀ ଅଭିମୁଖେ ଯାଉଥିବା ବେଳେ ଏହି ଅଘଟଣ ଘଟିଥିବା ଜଣାପଡ଼ିଛି। ଦୁର୍ଘଟଣା ପରେ ଜାତୀୟ ରାଜପଥରେ କିଛି ସମୟ ପାଇଁ ଯାତାୟାତ ପ୍ରଭାବିତ ହୋଇଥିବା ବେଳେ ପୁଲିସ ପକ୍ଷରୁ ଘଟଣାସ୍ଥଳରେ ଆବଶ୍ୟକ ବ୍ୟବସ୍ଥା କରାଯାଇଥିଲା।

ବରଗଡ଼, ୨୨ ସେପ୍ଟେମ୍ବର ୨୦୨୬: ବରଗଡ଼ ଉପଖଣ୍ଡ ପୋଲିସ ବିଭାଗରେ ନୂଆ SDPO ଭାବେ ୨୦୨୧ ବ୍ୟାଚ୍‌ର IPS ଅଧିକାରୀ ଏ.ବି. ଶିଳ୍ପାଙ୍କୁ ନିଯୁକ୍ତି ଦିଆଯାଇଛି। ଓଡ଼ିଶା ସରକାରଙ୍କ ଗୃହ ବିଭାଗ ପକ୍ଷରୁ IPS ଅଧିକାରୀମାନଙ୍କ ବଦଳି ଓ ନିଯୁକ୍ତି ସମ୍ପର୍କିତ ନିର୍ଦ୍ଦେଶନାମାରେ ଏହି ନିଯୁକ୍ତି ସୂଚନା ରହିଛି। ଉପଲବ୍ଧ ସରକାରୀ ଅଧିକାରୀ ତାଲିକାରେ ଏ.ବି. ଶିଳ୍ପାଙ୍କୁ ୨୦୨୧ ରେ ନିଯୁକ୍ତି ପାଇଥିବା IPS ଅଧିକାରୀ ଭାବେ ଦର୍ଶାଯାଇଛି। Odisha Government ନୂଆ ଦାୟିତ୍ୱ ଅନୁସାରେ ଶିଳ୍ପା ବରଗଡ଼ SDPO ଭାବେ କାର୍ଯ୍ୟ କରିବେ। ଏହି ନିଯୁକ୍ତି ପରେ ବରଗଡ଼ ଉପଖଣ୍ଡର ଆଇନଶୃଙ୍ଖଳା, ଅପରାଧ ନିୟନ୍ତ୍ରଣ ଓ ପୋଲିସ ପ୍ରଶାସନ ସମ୍ବନ୍ଧୀୟ କାର୍ଯ୍ୟରେ ତାଙ୍କ ଉପରେ ଦାୟିତ୍ୱ ରହିବ। ଏ.ବି. ଶିଳ୍ପା ପୂର୍ବରୁ ପୋଲିସ ବିଭାଗର ବିଭିନ୍ନ ଦାୟିତ୍ୱରେ କାର୍ଯ୍ୟ କରିଥିବା ଅଧିକାରୀ ତାଲିକାରୁ ଜଣାପଡ଼େ। Odisha Government ନୂଆ SDPOଙ୍କ ଯୋଗଦାନକୁ ନେଇ ବରଗଡ଼ ପୋଲିସ ପ୍ରଶାସନରେ ଏବେ ଚର୍ଚ୍ଚା ଆରମ୍ଭ ହୋଇଛି।

​ବ୍ରହ୍ମପୁର, ରାଜସ୍ଥାନ ଜୟପୁର ସ୍ଥିତ ‘ଶ୍ରୀ ଭାଗବାନ ମହାବୀର ବିକଳାଙ୍ଗ ସହାୟତା ସମିତି’ର ସହଯୋଗ, ରୋଟାରୀ କ୍ଲବ ଅଫ୍ ବ୍ରହ୍ମପୁର ଇଷ୍ଟ ଏବଂ ରୋଟାରୀ କ୍ଲବ ଅଫ୍ ଜଗନ୍ନାଥ ଧାମର ମିଳିତ ଆନୁକୂଲ୍ୟରେ ପୁରୀଠାରେ ଦିବ୍ୟାଙ୍ଗମାନଙ୍କ ପାଇଁ ଏକ ମାଗଣା କୃତ୍ରିମ ଅଙ୍ଗ ପ୍ରଦାନ ଶିବିର ସଫଳତାର ସହ ଆୟୋଜିତ ହୋଇଯାଇଛି। ​ଏହି ସେବାମୂଳକ କାର୍ଯ୍ୟକ୍ରମକୁ ରୋଟାରୀ ଜିଲ୍ଲା-୩୨୬୨ର ଗଭର୍ଣ୍ଣର ଅନିଲ କୁମାର ସାମଲ ଆନୁଷ୍ଠାନିକ ଭାବେ ଉଦ୍‌ଘାଟନ କରିଥିଲେ। ସଭାରେ ଉଦ୍‌ବୋଧନ ଦେଇ ସେ କହିଥିଲେ ଯେ, "ଦିବ୍ୟାଙ୍ଗମାନଙ୍କ କଲ୍ୟାଣ ପାଇଁ ସରକାରୀ ସ୍ତରରେ ବିଭିନ୍ନ ଯୋଜନା କାର୍ଯ୍ୟକାରୀ ହେଉଥିଲେ ହେଁ, ରୋଟାରୀ ତରଫରୁ ନିରବଚ୍ଛିନ୍ନ ଭାବେ ଚାଲିଥିବା ଏହିଭଳି ସେବାମୂଳକ କାର୍ଯ୍ୟକ୍ରମ ବାସ୍ତବରେ ଅତ୍ୟନ୍ତ ପ୍ରଶଂସନୀୟ।" ​ଏହି କାର୍ଯ୍ୟକ୍ରମରେ ଅନ୍ୟତମ ଅତିଥି ଭାବେ ପ୍ରାକ୍ତନ ପ୍ରାନ୍ତପାଳ ମନୋଜ କୁମାର ତ୍ରିପାଠୀ ଓ ପ୍ରଭୁଦତ୍ତ ସୁବୁଦ୍ଧି, କାର୍ଯ୍ୟକ୍ରମର ଚେୟାରମ୍ୟାନ ଅଜିତ କୁମାର ପୃଷ୍ଟି (ରୋଟାରୀ ଇଷ୍ଟ), ଜଗନ୍ନାଥ ଧାମର ସଭାପତି ସନମୋହନ ପ୍ରଧାନ ଏବଂ ରୋଟାରୀ ଇଷ୍ଟର ସଭାପତି ହୃଷୀକେଶ ପ୍ରଧାନ ଯୋଗଦେଇ ନିଜ ନିଜର ବକ୍ତବ୍ୟ ରଖିଥିଲେ। ​କାର୍ଯ୍ୟକ୍ରମକୁ ଶୃଙ୍ଖଳିତ ଭାବେ ପରିଚାଳନା କରିବାରେ ଜଗନ୍ନାଥ ଧାମର ସମ୍ପାଦକ ରବିନାରାୟଣ ସାହୁଙ୍କ ସମେତ ରୋଟାରୀ ଇଷ୍ଟର ଡଃ ସମ୍ବିତ ବେଗ୍ରାୟ, ରାଜେଶ୍ୱର ରାଓ, କାମରାଜୁ ମହାରଣା, ପ୍ରଦୀପ କୁମାର ପଣ୍ଡା, ଅସିତ ଦତ୍ତ, ଜୟନ୍ତ କିଶୋର ପାତ୍ର ଓ ଶାନ୍ତନୁ କୁମାର ପାତ୍ର ପ୍ରମୁଖ ସକ୍ରିୟ ସହଯୋଗ କରିଥିଲେ। ଏହି ଶିବିର ମାଧ୍ୟମରେ ଅନେକ ଦିବ୍ୟାଙ୍ଗ ଉପକୃତ ହୋଇପାରିଛନ୍ତି।

୨୨ ୟୁନିଟ୍ ରକ୍ତ ସଂଗ୍ରହ, ଯୁବପିଢ଼ିଙ୍କ ସ୍ୱେଚ୍ଛାକୃତ ରକ୍ତଦାନ ଭଦ୍ରକ ଜିଲ୍ଲା ଭଣ୍ଡାରିପୋଖରୀ ପ୍ରଖଣ୍ଡରେ ବଜରଙ୍ଗ ଦଳ ପକ୍ଷରୁ ଯୁବପିଢ଼ିଙ୍କୁ ନେଇ ୪ର୍ଥ ବର୍ଷର କୁରଙ୍ଗେଶ୍ୱର ଶିବିର ଅନୁଷ୍ଠିତ ହୋଇଯାଇଛି। କୋରିଗାଁ ଖଣ୍ଡସ୍ଥିତ S.V.S.K. ଶିଶୁ ମନ୍ଦିର ପରିସରରେ ଆୟୋଜିତ ଏହି ବ୍ଲକସ୍ତରୀୟ କାର୍ଯ୍ୟକ୍ରମରେ ସ୍ୱେଚ୍ଛାକୃତ ରକ୍ତଦାନ ଶିବିର ମଧ୍ୟ ଆୟୋଜନ କରାଯାଇଥିଲା। ଶିବିରରେ ଯୁବପିଢ଼ିଙ୍କ ଉତ୍ସାହଜନକ ଅଂଶଗ୍ରହଣ ମଧ୍ୟରେ ମୋଟ ୨୨ ୟୁନିଟ୍ ରକ୍ତ ସଂଗ୍ରହ କରାଯାଇଥିଲା। ଭଦ୍ରକ ରେଡ୍ କ୍ରସ୍ ପକ୍ଷରୁ ରକ୍ତ ସଂଗ୍ରହ କାର୍ଯ୍ୟ ସମ୍ପାଦନ କରାଯାଇଥିଲା। ଏହି ଅବସରରେ ସାଧୁ ବାବା ସନ୍ତୋଷ ଦାସ, ବିଶ୍ୱ ହିନ୍ଦୁ ପରିଷଦର ଜିଲ୍ଲା କର୍ମକର୍ତ୍ତା ରଥକିଶୋର ସାମଲ, ଚନ୍ଦ୍ରଶେଖର ସାମଲ, ରାଷ୍ଟ୍ରୀୟ ସ୍ୱୟଂସେବକ ସଂଘର ରବି ସାହୁ, ଗରୁଜୀ ଗୁରୁମା, ସମାଜସେବୀ ସନ୍ଦୀପ ସାମଲ, ଇଞ୍ଜିନିୟର ଦେବ ସେଠୀ, ଆଶିଷ ସାମଲ, ସିଦ୍ଧାର୍ଥ ମାଝୀ ପ୍ରମୁଖ ଉପସ୍ଥିତ ଥିଲେ। ସେହିପରି ଗ୍ରାମ କର୍ମକର୍ତ୍ତା, ଶିଶୁ ମନ୍ଦିର କାର୍ଯ୍ୟକର୍ତ୍ତା ମହେଶ୍ୱର ନାୟକଙ୍କ ସମେତ ବଜରଙ୍ଗ ଦଳର ହିମାଂଶୁ ଶେଖର ବେହେରା, ପ୍ରକାଶ ଚନ୍ଦ୍ର ନାୟକ, ସିଲୁ ଦାସ, ଗୌରା ବାରିକ, କହ୍ନେଇ ସୂତାର, ଦୀନା ସାହୁ, ବୁବୁ ଆଇଚ, ସିତୁନୁ ଦାଶ, ମିଲନ ଦାସଙ୍କ ସମେତ ବହୁ କର୍ମକର୍ତ୍ତା ଓ ଯୁବକ ଉପସ୍ଥିତ ରହି ଶିବିରକୁ ସଫଳ କରିଥିଲେ। ଯୁବପିଢ଼ିଙ୍କ ମଧ୍ୟରେ ରକ୍ତଦାନ ଭଳି ମହତ୍ କାର୍ଯ୍ୟ ପ୍ରତି ଆଗ୍ରହ ସୃଷ୍ଟି କରିବା ସହ ଆବଶ୍ୟକ ସମୟରେ ରକ୍ତ ଯୋଗାଣରେ ସହାୟତା କରିବା ଏହି ଶିବିରର ମୁଖ୍ୟ ଉଦ୍ଦେଶ୍ୟ ଥିଲା। ଆୟୋଜକଙ୍କ ଏହି ପ୍ରୟାସକୁ ସ୍ଥାନୀୟ ଅଞ୍ଚଳରେ ପ୍ରଶଂସା କରାଯାଇଛି।