Web News

ନୂଆପଡ଼ା ଜିଲ୍ଲା ଖଡ଼ିଆଳ ବ୍ଲକ ଅନ୍ତର୍ଗତ ତିଖାଳି ଡ୍ୟାମ ପରିସରରେ ଆୟୋଜିତ ତିନି ଦିନିଆ ତିଖାଳି ଡ୍ୟାମ ଲୋକ ମହୋତ୍ସବ ର ତୃତୀୟ ତଥା ଶେଷ ସନ୍ଧ୍ୟା ରବିବାର ଆଡମ୍ବରପୂର୍ଣ୍ଣ ପରିବେଶରେ ଉଦଯାପିତ ହୋଇଥିଲା । ଅଞ୍ଚଳର କଳା, ସାହିତ୍ୟ, ସଂସ୍କୃତି, ଐତିହ୍ୟ ଓ ପରମ୍ପରାକୁ ଜୀବନ୍ତ ରଖିବା ସହ ଲୁପ୍ତପ୍ରାୟ ଲୋକକଳାକୁ ପୁନର୍ଜୀବନ ଦେବା ଲକ୍ଷ୍ୟରେ ଏହି ମହୋତ୍ସବ ଆୟୋଜିତ ହୋଇଥିଲା । ଶେଷ ସନ୍ଧ୍ୟାର ସଭାରେ ଖଡ଼ିଆଳ ପଞ୍ଚାୟତ ସମିତିର ଉପାଧ୍ୟକ୍ଷ ତଥା ମହୋତ୍ସବ ପାଳନ କମିଟିର ସଭାପତି ଶ୍ରୀ ଗୌତମ ତାଣ୍ଡି ସଭାପତିତ୍ୱ କରିଥିଲେ । ମୁଖ୍ୟ ଅତିଥି ଭାବେ କଳାହାଣ୍ଡିର ପୂର୍ବତନ ସାଂସଦ ଶ୍ରୀ ବସନ୍ତ ପଣ୍ଡା ଯୋଗଦେଇ ଏପରି ଲୋକମହୋତ୍ସବ ଅଞ୍ଚଳର ସାଂସ୍କୃତିକ ପରିଚୟକୁ ଜାଗ୍ରୁତ କରିବାରେ ଏବଂ ନୂତନ ପିଢ଼ୀକୁ ନିଜ ମୂଳ ସଂସ୍କୃତି ସହ ଜଡି ରଖିବାରେ ବଡ଼ ଭୂମିକା ନିଭାଏ ବୋଲି କହିଥିଲେ । ବିଶିଷ୍ଟ ଅତିଥି ଭାବେ ନୂଆପଡ଼ା ଜିଲ୍ଲାପାଳ ଶ୍ରୀ ମଧୁସୁଦନ ଦାସ ଓ ଖଡ଼ିଆଳ ବନଖଣ୍ଡ ଅଧିକାରୀ ଶ୍ରୀ ଅଜିଜ ଖାନ ଯୋଗଦେଇ ଅଞ୍ଚଳର ଲୋକକଳା ଓ ଲୋକସଂସ୍କୃତିକୁ ସୁରକ୍ଷିତ ରଖିବା ପାଇଁ ସମସ୍ତଙ୍କୁ ଏକତ୍ର ହେବାକୁ ଆହ୍ୱାନ କରିଥିଲେ । ମୁଖ୍ୟବକ୍ତା ଭାବେ ବିଶିଷ୍ଟ ଗବେଷକ ଡଃ ଫଣୀନ୍ଦମ ସିଂ ଦେଓ ଲୋକସାହିତ୍ୟ ଓ ଲୋକକଳା ଗ୍ରାମୀଣ ସମାଜର ଆତ୍ମା ବୋଲି କହି ଏହାର ସୁରକ୍ଷା ପାଇଁ ଏପରି ମଞ୍ଚର ଆବଶ୍ୟକତା ଉପରେ ଜୋର ଦେଇଥିଲେ । ସମ୍ମାନିତ ଅତିଥି ଭାବେ ପଞ୍ଚାୟତ ସମିତି ଅଧ୍ୟକ୍ଷା ଶ୍ରୀମତୀ ପୁଷ୍ପାଞ୍ଜଳି ନନ୍ଦ, ଖରିଆର ରୋଡ଼ ବିଜ୍ଞାପିତ ଅଞ୍ଚଳ ପରିଷଦ ଅଧ୍ୟକ୍ଷା ଡଃ ସୋନିଆ ଜୈନ ଓ ଜିଲ୍ଲା ପରିଷଦ ସଭ୍ୟ ଶ୍ରୀ ଚିତ୍ତରଞ୍ଜନ ବେହେରା ଉପସ୍ଥିତ ରହି ମହୋତ୍ସବର ସଫଳତାକୁ ସ୍ତୁତି କରିଥିଲେ । କାର୍ଯ୍ୟକ୍ରମର ଆରମ୍ଭରେ ବିଘ୍ନରାଜ ଉଚ୍ଚ ବିଦ୍ୟାଳୟ, ସାନମହେଶ୍ୱରର ଛାତ୍ରଛାତ୍ରୀମାନେ ପ୍ରାରମ୍ଭିକ ସଙ୍ଗୀତ ଗାନ କରି ପରିବେଶକୁ ସାଂସ୍କୃତିକ ମାହୋଲରେ ମହକାଇଥିଲେ । ବିଶିଷ୍ଟ ନାଟ୍ୟକାର ଓ ନିର୍ଦ୍ଦେଶକ ଶ୍ରୀ ମୋତିଲାଲ ବାଗ ଅତିଥି ପରିଚୟ ପ୍ରଦାନ ସହ ସ୍ୱାଗତ ସମ୍ଭାଷଣ କରିଥିଲେ । ଶେଷରେ ସାମ୍ବାଦିକ ଶ୍ରୀ କୁନୁ କରୁଆଁ ଧନ୍ୟବାଦ ଅର୍ପଣ କରିଥିଲେ । ଶେଷ ସନ୍ଧ୍ୟାରେ ଆୟୋଜିତ ସାଂସ୍କୃତିକ ଆସର ଦର୍ଶକମାନଙ୍କ ମନକୁ ବିମୋହିତ କରିଥିଲା । ପଶ୍ଚିମ ଓଡ଼ିଶାର ସୁପ୍ରଶିଦ୍ଧ କଣ୍ଠଶିଳ୍ପୀ ରକଷ୍ଟାର ରୁକୁ ସୁନା ଓ ଟ୍ରୁପ୍ସଙ୍କ ‘ଷ୍ଟାର ନାଇଟ୍ ଓର୍କେଷ୍ଟ୍ରା’ ଗୀତ-ସଙ୍ଗୀତର ଝଙ୍କାରରେ ସମଗ୍ର ତିଖାଳି ଡ୍ୟାମ ପରିସରକୁ ଉତ୍ସବମୟ କରିଦେଇଥିଲା । ଲୋକନୃତ୍ୟ, ଲୋକସଙ୍ଗୀତ ଓ ବିଭିନ୍ନ ସାଂସ୍କୃତିକ ପ୍ରଦର୍ଶନ ଦର୍ଶକମାନଙ୍କ ହୃଦୟକୁ ମୋହି ନେଇଥିଲା । ତିନି ଦିନ ଧରି ଚାଲିଥିବା ଏହି ମହୋତ୍ସବରେ ଅଞ୍ଚଳର ଲୋକକଳା, ପରମ୍ପରା ଓ ସଂସ୍କୃତିର ଅଦ୍ଭୁତ ସମନ୍ୱୟ ଦେଖିବାକୁ ମିଳିଥିଲା । ହଜାର ହଜାର ଦର୍ଶକଙ୍କ ଉପସ୍ଥିତିରେ ତିଖାଳି ଡ୍ୟାମ ଲୋକ ମହୋତ୍ସବ ଶେଷ ଦିନ ଭବ୍ୟ ଓ ସ୍ମରଣୀୟ ଭାବରେ ସମାପ୍ତ ହୋଇଥିଲା, ଯାହା ଅଞ୍ଚଳର ସାଂସ୍କୃତିକ ଚେତନାକୁ ଆଉ ଏକ ପଦକ୍ଷେପ ଆଗକୁ ନେଇଛି ।

ମାର୍ଚ୍ଚ ମାସ ଆରମ୍ଭ ହେବା ସହିତ ସିନାପାଲି ଅଞ୍ଚଳରେ ଖରାର ପ୍ରକୋପ ଦିନକୁ ଦିନ ବଢ଼ୁଛି । ଦିନ ବେଳେ ତୀବ୍ର ଗରମ ଓ ସୂର୍ଯ୍ୟ କିରଣ ଲୋକଙ୍କ ଜୀବନକୁ ଅସହ୍ୟ କରିଦେଇଛି । ଏହି ପରିସ୍ଥିତିରେ ସାଧାରଣ ଲୋକ ଓ ପଥଚାରୀଙ୍କ ସୁବିଧା ପାଇଁ ସିନାପାଲି ବ୍ଲକର ପ୍ରତ୍ୟେକ ଅଞ୍ଚଳରେ ଜଳଛତ୍ର ଖୋଲିବାକୁ ଦାବି ଜୋରଦାର ହେଉଛି । ବଜାର ଅଞ୍ଚଳ, ବସ୍‌ଷ୍ଟାଣ୍ଡ, କାପସୀ, ଯୁଗେନପଦର, ଗୋଡ଼ାଳଛକ, ବ୍ଲକ ଛକ ତଥା ରାସ୍ତାରେ ଯାତାୟତ କରୁଥିବା ଲୋକମାନେ ତୀବ୍ର ଗରମରେ ପାଣି ପାଇଁ ଅସୁବିଧା ଭୋଗୁଛନ୍ତି । ପୂର୍ବରୁ ପ୍ରତିବର୍ଷ ଗ୍ରୀଷ୍ମ ଆରମ୍ଭ ହେଲେ ବିଭିନ୍ନ ସ୍ଥାନରେ ସେବାମୂଳକ ସଂଗଠନ ଓ ସାମାଜିକ କର୍ମୀମାନଙ୍କ ପକ୍ଷରୁ ଜଳଛତ୍ର ଖୋଲାଯାଉଥିଲା । କିନ୍ତୁ ଏବର୍ଷ ଖରା ଆଗୁଆଁ ଆସିଥିଲେ ମଧ୍ୟ କୌଣସି ସ୍ଥାନରେ ଏପର୍ଯ୍ୟନ୍ତ ଜଳଛତ୍ର ଦେଖିବାକୁ ମିଳୁନାହିଁ । ସ୍ଥାନୀୟ ଲୋକଙ୍କ କହିବା ଅନୁସାରେ, ଦିନକୁ ଦିନ ତାପମାତ୍ରା ବଢ଼ୁଥିବାରୁ ଯାତ୍ରୀ, ଶ୍ରମିକ ଓ ଦୂରଦୂରାନ୍ତରୁ ବଜାରକୁ ଆସୁଥିବା ଲୋକମାନେ ବହୁତ ଅସୁବିଧାର ସମ୍ମୁଖୀନ ହେଉଛନ୍ତି । ଏହି ପରିସ୍ଥିତିରେ ସିନାପାଲି ଗ୍ରାମ ପଂଚାୟତ, ସାମାଜିକ ସଂଗଠନ ଓ ସ୍ଥାନୀୟ ସମାଜସେବୀ ମାନେ ଆଗକୁ ଆସି ମୁଖ୍ୟ ଚକ, ବସ୍‌ଷ୍ଟାଣ୍ଡ ଓ ଜନସାଧାରଣ ଯାତାୟାତ କରୁଥିବା ସ୍ଥାନରେ ଶୀଘ୍ର ଜଳଛତ୍ର ବ୍ୟବସ୍ଥା କରିବାକୁ ଦାବି କରାଯାଇଛି । ଯଦି ସମୟରେ ଜଳଛତ୍ର ବ୍ୟବସ୍ଥା କରାଯାଏ, ତେବେ ଗରମରେ ଅସୁବିଧା ଭୋଗୁଥିବା ପଥଚାରୀ ଓ ଗରିବ ଲୋକମାନଙ୍କ ପାଇଁ ଏହା ବଡ଼ ସହାୟତା ହେବ ବୋଲି ସ୍ଥାନୀୟ ମତ ପ୍ରକାଶ ପାଇଛି । ଏବେ ଦେଖିବାକୁ ବାକି ରହିଲା, ସିନାପାଲିର ପ୍ରତ୍ୟେକ ଅଞ୍ଚଳରେ ଜଳଛତ୍ର କେବେ ଆରମ୍ଭ ହେବ ।

ରାୟଗଡ଼ାରେ ସ୍କୁଲ ନିର୍ମାଣରେ ଅନିୟମିତତା ଅଭିଯୋଗ: ବିଲ ଟଙ୍କା ଜାରି ହେଲେ ମଧ୍ୟ ଠିକାଦାରଙ୍କୁ ମିଳୁନି ପାଇସା ରାୟଗଡ଼ା ଜିଲ୍ଲା ଚନ୍ଦ୍ରପୁର ବ୍ଲକ ଅନ୍ତର୍ଗତ ବିଜାପୁର ଗ୍ରାମ ପଞ୍ଚାୟତରେ ଥିବା ଏକ ପ୍ରାଥମିକ ସ୍କୁଲ ନିର୍ମାଣ କାମକୁ ନେଇ ଗଭୀର ଅନିୟମିତତାର ଅଭିଯୋଗ ଉଠିଛି। ଏହି ପୁରୁଣା ସ୍କୁଲର ଟିଣ ଛାଦ ପବନରେ ଉଡ଼ିଯାଇଥିବାକୁ ୧୮ ମାସ ହେଲାଣି, ଯାହାର ଫଳରେ ଛାତ୍ରଛାତ୍ରୀମାନେ ଅସୁବିଧାରେ ପଢ଼ୁଛନ୍ତି। ସୂଚନା ଅନୁସାରେ, ନୂତନ ସ୍କୁଲ ନିର୍ମାଣ କାମ ପ୍ରାୟ ଏକ ମାସ ପୂର୍ବରୁ ଆରମ୍ଭ ହୋଇଥିଲା ଓ ଛାତ ଲେବେଲ ପର୍ଯ୍ୟନ୍ତ କାମ ସମ୍ପୂର୍ଣ୍ଣ ହୋଇଥିଲା। ଏହି କାମକୁ ଠିକାଦାର ସୋମନାଥ ନନ୍ଦ କରିଥିବା ବେଳେ, ୨୧ ଅକ୍ଟୋବର ୨୦୨୪ ରେ ୫,୨୫,୪୮୧ ଟଙ୍କାର ବିଲ ହୋଇଥିଲା। କିନ୍ତୁ ଅଭିଯୋଗ ଅନୁଯାୟୀ, ଏହି ଟଙ୍କା ଜୁନିୟର ଇଞ୍ଜିନିୟର ବିକାଶ ଚନ୍ଦ୍ର ମହାପାତ୍ରଙ୍କ ଖାତାକୁ ଯାଇଥିଲେ ମଧ୍ୟ ଠିକାଦାରଙ୍କୁ ପୂରା ପରିମାଣ ମିଳିନାହିଁ। ଠିକାଦାରଙ୍କ କହିବା ଅନୁସାରେ, ପିସି (PC) ନାମରେ ଟଙ୍କା କଟାଯାଉଛି ଏବଂ ପ୍ରାୟ ୧୬,୦୦୦ ଟଙ୍କା ପ୍ରତି ଲକ୍ଷରେ କମିସନ ହେଉଥିବା ଅଭିଯୋଗ ରହିଛି। ଏହି ସମସ୍ୟା ନେଇ ସେ ଗ୍ରିଭେନ୍ସ ମାଧ୍ୟମରେ ଅଭିଯୋଗ କରିଥିଲେ ମଧ୍ୟ କୌଣସି ପଦକ୍ଷେପ ନିଆଯାଇନାହିଁ। ଏହାସହ ଏହି ଅଭିଯୋଗ ଡିପିସି (DPC) ଓ ପ୍ରକଳ୍ପ ନିର୍ଦ୍ଦେଶକ (PD)ଙ୍କୁ ଜଣାଯାଇଥିଲେ ମଧ୍ୟ ସମସ୍ୟାର ସମାଧାନ ହୋଇନଥିବା ଅଭିଯୋଗ ହୋଇଛି। ଚନ୍ଦ୍ରପୁର ବ୍ଲକ ବିଡିଓ (BDO)ଙ୍କ ସମ୍ମୁଖରେ ମଧ୍ୟ ଲିଖିତ ଅଭିଯୋଗ ଦିଆଯାଇଥିଲା ଓ ୧୦ ଦିନ ମଧ୍ୟରେ କାର୍ଯ୍ୟାନୁଷ୍ଠାନ ନେବାକୁ ଆଶ୍ୱାସନ ଦିଆଯାଇଥିଲା, କିନ୍ତୁ ସେଥିରେ କୌଣସି ଅଗ୍ରଗତି ହୋଇନାହିଁ। ପୁନଃ ୨୪ ଫେବୃଆରୀ ୨୦୨୬ ରେ ଗ୍ରିଭେନ୍ସ ଶୁଣାଣି ସମୟରେ ମଧ୍ୟ ସମସ୍ୟାର ସମାଧାନ ହୋଇନଥିବା ଓ ଟଙ୍କା ଦେବାକୁ ଅସ୍ବୀକାର କରାଯାଇଥିବା ଅଭିଯୋଗ ଆସିଛି। ଠିକାଦାରଙ୍କ ଅଭିଯୋଗ ଅନୁସାରେ, ଏପରି ଅନିୟମିତତା କେବଳ ଏହି ସ୍କୁଲରେ ନୁହେଁ, ବହୁତ ସ୍କୁଲ ନିର୍ମାଣ କାମରେ ମଧ୍ୟ ହେଉଛି ଓ ଅନେକ ଲୋକ ହଇରାଣ ହେଉଛନ୍ତି। କିଛି ଲୋକ ଭବିଷ୍ୟତରେ କାମ ନ ମିଳିବା ଭୟରେ ଅଭିଯୋଗ କରିବାକୁ ଭୟ କରୁଛନ୍ତି ବୋଲି ସେ କହିଛନ୍ତି। ଏପରି ପରିସ୍ଥିତିରେ ପ୍ରଶ୍ନ ଉଠୁଛି, ସରକାରୀ ଯୋଜନାର ଟଙ୍କା କେଉଁଠି ଯାଉଛି ଓ କେବେ ଏହାର ନିଷ୍ପକ୍ଷ ତଦନ୍ତ ହେବ। ଏହି ଘଟଣା ଉପରେ ତଦନ୍ତ କରି ଦୋଷୀଙ୍କୁ କଠୋର ଶାସ୍ତି ଦେବାକୁ ସ୍ଥାନୀୟ ଲୋକ ଦାବି କରିଛନ୍ତି।

ଗଞ୍ଜାମ ଜିଲ୍ଲା ଓଡ଼ିଶା ଡିଜିଟାଲ ମିଡ଼ିଆ ମହାସଂଘର ନୂତନ ଜିଲ୍ଲା କମିଟି ଗଠିତ ​ଗଞ୍ଜାମ ଜିଲ୍ଲାରେ କାର୍ଯ୍ୟରତ ଡିଜିଟାଲ ଗଣମାଧ୍ୟମ ପ୍ରତିନିଧିମାନଙ୍କୁ ସଂଗଠିତ କରିବା ଲକ୍ଷ୍ୟରେ ‘ଓଡ଼ିଶା ଡିଜିଟାଲ ମିଡ଼ିଆ ମହାସଂଘ’ ପକ୍ଷରୁ ଏକ ଜିଲ୍ଲା ସ୍ତରୀୟ କମିଟି ଗଠନ କରାଯାଇଛି। ଆଜି ଅନୁଷ୍ଠିତ ଏହି ପ୍ରାର୍ଥୀ ଚୟନ ପ୍ରକ୍ରିୟା ରେ ଅଭିଜ୍ଞ ସାମ୍ବାଦିକମାନଙ୍କୁ ବିଭିନ୍ନ ପଦପଦବୀ ପାଇଁ ଚୟନ କରାଯାଇଛି। ସଭାପତି: ଅମରେନ୍ଦ୍ର ପଟ୍ଟନାୟକ , ଉପସଭାପତି: ନିଗମାନନ୍ଦ ପଣ୍ଡା ଓ ସୁବ୍ରତ ଦାସ, ସମ୍ପାଦକ ଭାବେ ବିନୋଦ କୁମାର ପଣ୍ଡା, ସହ-ସମ୍ପାଦକ ଭାବେ ସାନ୍ତୁନୁ ପଣ୍ଡା ଓ ଜ୍ୟୋତିରଂଜନ ଗୌଡ଼ ଏବଂ ଜିଲ୍ଲା କାର୍ଯ୍ୟକାରିଣୀ ସଦସ୍ୟ ଭାବେ ବାପୁନି ସେଠୀ, ଜଗନ୍ନାଥ ପାଣିଗ୍ରାହୀ, ଶଙ୍କର ପାଣିଗ୍ରାହୀ ଏବଂ ବିଶ୍ୱମ୍ବର ଦାସ ନିର୍ବାଚିତ ହୋଇଥିବା ବେଳେ ରାଜ୍ୟ ପରିଷଦ ସଭ୍ୟ ଭାବେ ବିଜୟାନନ୍ଦ ତ୍ରିପାଠୀ ଏବଂ ଅଜିତ୍ ଦାସ ନିର୍ବାଚିତ ହୋଇଛନ୍ତି l ସୂଚନା ଅନୁଯାୟୀ, ଜିଲ୍ଲା ସ୍ତରୀୟ ସାଂଗଠନିକ କାର୍ଯ୍ୟକୁ ସୁଦୃଢ଼ କରିବା ପାଇଁ ମୋଟ ୧୩ଟି ପଦବୀ ମଧ୍ୟରୁ ଆଜି ୧୨ଟି ପଦବୀରେ ସଦସ୍ୟମାନଙ୍କୁ ସର୍ବସମ୍ମତି କ୍ରମେ ନିର୍ବାଚିତ କରାଯାଇଛି। ଏହି ସମଗ୍ର ନିର୍ବାଚନ ଓ ଚୟନ ପ୍ରକ୍ରିୟାକୁ ଗଞ୍ଜାମ ଜିଲ୍ଲା ନିର୍ବାଚନ ଅଧିକାରୀ ଶ୍ରୀ କବିରାଜ ପାତ୍ର ସୁଚାରୁ ରୂପେ ପରିଚାଳନା କରିଥିଲେ। ଅତି ଶାନ୍ତିପୂର୍ଣ୍ଣ ଓ ଶୃଙ୍ଖଳିତ ଭାବେ ଏହି କମିଟି ଗଠନ ପ୍ରକ୍ରିୟା ସମ୍ପୂର୍ଣ୍ଣ ହୋଇଥିବାରୁ ନିର୍ବାଚନ ଅଧିକାରୀ ଶ୍ରୀ ପାତ୍ର ଜିଲ୍ଲାର ସମସ୍ତ ସଦସ୍ୟ ଓ ସାମ୍ବାଦିକ ବନ୍ଧୁମାନଙ୍କୁ ସାଧୁବାଦ ଜଣାଇବା ସହ ସମସ୍ତଙ୍କ ସହଯୋଗ ପାଇଁ ଧନ୍ୟବାଦ ଅର୍ପଣ କରିଛନ୍ତି। ଆଗାମୀ ଦିନରେ ଏହି ନୂତନ କମିଟି ଡିଜିଟାଲ ସାମ୍ବାଦିକ ମାନଙ୍କ ସ୍ୱାର୍ଥରକ୍ଷା ଏବଂ ସାମାଜିକ ଉନ୍ନତି ପାଇଁ କାର୍ଯ୍ୟ କରିବ ବୋଲି ଆଶା ପ୍ରକଟ କରାଯାଇଛି। ଖୁବଶୀଘ୍ର ବାକି ରହିଥିବା ଗୋଟିଏ ପଦବୀ ପାଇଁ ଚୟନ ପ୍ରକ୍ରିୟା ମଧ୍ୟ ଖୁବ୍ ଶୀଘ୍ର ଶେଷ କରାଯିବ ବୋଲି ନିର୍ବାଚନ ଦାୟିତ୍ବ ରେ ଥିବା ଅଧିକାରୀ ପ୍ରକାଶ କରିଛନ୍ତି। ବ୍ୟୁରୋ ରିପୋର୍ଟ ପଲିଟିକାଲ ଖଟି।

ଓଡିଶା ଡିଜିଟାଲ ମିଡ଼ିଆ ମହାସଙ୍ଘ ର ଅନୁଗୁଳ ଜିଲ୍ଲା କମିଟି ଘୋଷଣା, ସନାତନ ସଭାପତି - ସୁଶୀଲ ସମ୍ପାଦକ ନିର୍ବାଚିତ ଭୁବନେଶ୍ୱର: ଓଡିଶା ଡିଜିଟାଲ ମିଡ଼ିଆ ମହାସଙ୍ଘର ଅନୁଗୁଳ ଜିଲ୍ଲା କମିଟି ଜିଲ୍ଲା ନିର୍ବାଚନ ଅଧିକାରୀ ଶ୍ରୀ ସରୋଜ କାନ୍ତ ଜେନା ଘୋଷଣା କରିଛନ୍ତି l ୨୦୨୬-୨୭ ବର୍ଷ ପାଇଁ ରାଜ୍ୟ ପରିଷଦ ସଭ୍ୟ ଭାବେ ଶ୍ରୀ ରୁଦ୍ର ମୋହନ ସାହୁ ନିର୍ବାଚିତ ହୋଇଥିବା ବେଳେ ଜିଲ୍ଲା ସଭାପତି ଭାବେ ସନାତନ କର, ଉପସଭାପତି ଭାବେ ସୁମନ୍ତ କୁମାର ସାହୁ, ଜିଲ୍ଲା ସମ୍ପାଦକ ଭାବେ ସୁଶୀଲ କୁମାର ଆଇଚ, ସହ-ସମ୍ପାଦକ ପ୍ରିୟବ୍ରତ ସାମଲ, ଜିଲ୍ଲା କାର୍ଯ୍ୟକାରିଣୀ ସଦସ୍ୟ ଭାବେ କୃତିବାସ ନାୟକ, ପ୍ରିୟ ମାଧବ ଦାସ ଓ ସୌଭାଗ୍ୟ ନାୟକ ନିର୍ବାଚିତ ହୋଇଥିବା ନିର୍ବାଚନ ଅଧିକାରୀ ଶ୍ରୀ ସରୋଜ କାନ୍ତ ଜେନା ଜଣାଇଛନ୍ତି l ନବ ନିର୍ବାଚିତ ସମସ୍ତ ପଦାଧିକାରୀଙ୍କୁ ଓଡିଶା ଡିଜିଟାଲ ମିଡ଼ିଆ ମହାସଙ୍ଘ ତରଫରୁ ଶ୍ରୀ ମନୋଜ ଶତପଥୀ, ରାଜୁ ତିୱାରୀ, ସୁବାସ ଗୁପ୍ତା, ଇନ୍ଦ୍ରାବଳି ମିସ୍ତ୍ରୀ, ହର ହର ଶମ୍ଭୁ କୁମାର ଚୌଧୁରୀ, ଗଣପତି ଦାସ, ତପନ ଦାସ, ଭରତ ଦତ୍ତ ବିଶ୍ୱକର୍ମା, ସନ୍ଦୀପ ଅଗ୍ରୱାଲ, କବିରାଜ ପାତ୍ର, ଜ୍ଞାନ ରଞ୍ଜନ ପାଣିଗ୍ରାହୀ ପ୍ରମୁଖ ଅଭିନନ୍ଦନ ଜଣାଇଛନ୍ତି l

ଭଞ୍ଜନଗର ଆରଟିଓ ଅଫିସର ଅଦ୍ଭୁତ ଓ ବେପରୁଆ କାର୍ଯ୍ୟଶୈଳୀ ପୁଣିଥରେ ଅଧିକାରୀଙ୍କ ପାରିବାପଣିଆ ଉପରେ ପ୍ରଶ୍ନବାଚୀ ଲଗାଇଛି। ଗୋଟିଏ ଗାଡିକୁ ଯାଞ୍ଚ କରି ଅନ୍ୟ ଜଣେ ନିର୍ଦୋଷ ଗାଡି ମାଲିକଙ୍କୁ ଭାରି ମାତ୍ର ର ଚାଲାଣ ପଠାଇବା ଘଟଣା ସାମ୍ନାକୁ ଆସିଛି। ସୂଚନା ଅନୁଯାୟୀ, ଗତ ୧୦ ତାରିଖ ସନ୍ଧ୍ୟା ସମୟରେ ଭଞ୍ଜନଗର ଅଞ୍ଚଳରେ ଆରଟିଓ କର୍ମଚାରୀମାନେ ଯାଞ୍ଚ କରୁଥିବା ବେଳେ ଜଣେ ବାଇକ ଚାଳକଙ୍କୁ ଅଟକାଇଥିଲେ। ଯାଞ୍ଚ ସମୟରେ ସେ ହେଲମେଟ ପିନ୍ଧିନଥିବା, ଡ୍ରାଇଭିଂ ଲାଇସେନ୍ସ ନଥିବା ସହିତ ମଦ୍ୟପାନ କରି ଗାଡି ଚଳାଉଥିବାର ଅଭିଯୋଗ ଥିଲା । ଏହାପରେ କର୍ମଚାରୀମାନେ ସେହି ଗାଡି ଓ ଚାଳକଙ୍କ ଫଟୋ ନେଇ, ତାଙ୍କର ଚାଲାଣ କାଟିଥିଲେ। କିନ୍ତୁ ଚମତ୍କାର କଥା ହେଉଛି, ଉକ୍ତ ଚାଲାଣଟି ସେହି ଗାଡି ଚାଳକ ବା ମାଲିକ ଙ୍କୁ ନ ପଠାଇ ଅନ୍ୟ ଜଣେ ଗାଡି ମାଲିକଙ୍କୁ ପଠାଯାଇଥିଲା l ସିଧାସଳଖ ₹୧୬,୦୦୦ ଟଙ୍କାର ଚାଲାଣ। ଫଳରେ ନିର୍ଦୋଷ ଗାଡି ମାଲିକ ଅକାରଣରେ ହଇରାଣ ହେବା ସହ ଆରଟିଓ ଙ୍କ କାର୍ଯ୍ୟପ୍ରଣାଳୀ ଉପରେ ଗଭୀର ପ୍ରଶ୍ନ ଉଠିଛି। ଏପରି ଅବ୍ୟବସ୍ଥା ଓ ଅବହେଳାପୂର୍ଣ୍ଣ କାର୍ଯ୍ୟ ଦ୍ୱାରା ସାଧାରଣ ଲୋକ ହଇରାଣ ହେଉଥିବାରୁ ଜନସାଧାରଣଙ୍କ ମଧ୍ୟରେ ଭୟଙ୍କର ଅସନ୍ତୋଷ ପ୍ରକାଶ ପାଉଛି। ଏହି ଘଟଣାର ସତ୍ୟତା ତୁରନ୍ତ ଯାଞ୍ଚ କରି ଦୋଷୀ କର୍ମଚାରୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ନେବାକୁ ସାଧାରଣରେ ଦାବି ହେଉଛି l

ନୂଆପଡା, ଖଡ଼ିଆଳ : ନୂଆପଡା ଜିଲ୍ଲାର ଖଡ଼ିଆଳ ବ୍ଲକ୍ ଅନ୍ତର୍ଗତ ତିଖାଲି ଡ୍ୟାମ୍ ଠାରେ ଆସନ୍ତା ୧୩ ତାରିଖରୁ ୧୫ ପର୍ଯ୍ୟନ୍ତ ତିନିଦିନ ବ୍ୟାପୀ ଭବ୍ୟ ତିଖାଲି ଡ୍ୟାମ୍ ଲୋକ ମହୋତ୍ସବ ଅନୁଷ୍ଠିତ ହେବ । ଏହି ମହୋତ୍ସବ ମାଧ୍ୟମରେ ଅଞ୍ଚଳର ଲୋକକଳା, ସାହିତ୍ୟ, ଏଇତିହ୍ୟ ଓ ପୁରାତନ ପରମ୍ପରାକୁ ଆଗକୁ ଆଣିବା ସହ ଲୁଚିଯାଉଥିବା ଲୋକ କଳାକୁ ସୁରକ୍ଷିତ ରଖିବା ଉଦ୍ଦେଶ୍ୟ ରହିଛି । ମହୋତ୍ସବ ପାଇଁ ମଞ୍ଚ ସଜା, ପରିସର ସୁନ୍ଦରୀକରଣ ଓ ଅନ୍ୟାନ୍ୟ ବ୍ୟବସ୍ଥା ସହ ପ୍ରସ୍ତୁତି ପ୍ରାୟ ଶେଷ ପର୍ଯ୍ୟୟକୁ ପହଁଚି ସାରିଛି । ଏହାକୁ ନେଇ ଆଜି ସନ୍ଧ୍ୟାରେ ତିଖାଲି ଡ୍ୟାମ୍ ମହୋତ୍ସବ ମଞ୍ଚ ପରିସରରେ ଶେଷ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା । ବ୍ଲକ୍ ଉପାଧ୍ୟକ୍ଷ ଓ ମହୋତ୍ସବ କମିଟି ସଭାପତି ଗୌତମ ତାଣ୍ଡି ବୈଠକରେ ଅଧ୍ୟକ୍ଷତା କରି ସମସ୍ତ ବ୍ୟବସ୍ଥା ସମ୍ପର୍କରେ ସଦସ୍ୟମାନଙ୍କୁ ଅବଗତ କରାଇଥିଲେ । ସାଧାରଣ ସମ୍ପାଦକ ପରମେଶ୍ବର ବାରିକ, ଉପସଭାପତି ରମେଶ ଠାକୁର, ଦଶମୁ ବେହେରା, ଶ୍ୟାମସୁନ୍ଦର କୁଲଦୀପ ଓ କୋଷାଧ୍ୟକ୍ଷ ବାପିନା ସାହୁ ସହ ଅନ୍ୟାନ୍ୟ ସଦସ୍ୟମାନେ ଉପସ୍ଥିତ ରହି ମହୋତ୍ସବକୁ ସଫଳ କରିବା ପାଇଁ ମତାମତ ପ୍ରଦାନ କରିଥିଲେ । ଏଥିସହ ସହ-ସମ୍ପାଦକ ହେରାମ୍ବ ଶବର, କୁନାଲ ଚରଣ ବେହେରା, ନରେଶ ମହାରଥା, ସରପଞ୍ଚ ଜିତୁ କୁମାର, ସରପଞ୍ଚ କୁନୁ ଚରଣ ବେହେରା ଓ ଅନେକ ସଦସ୍ୟ ଓ ସ୍ବେଚ୍ଛାସେବୀ ବୈଠକରେ ଯୋଗଦେଇଥିଲେ । ଏହି ଲୋକ ମହୋତ୍ସବରେ ବିଭିନ୍ନ ଲୋକନୃତ୍ୟ, ଲୋକସଙ୍ଗୀତ, ସାହିତ୍ୟ ସଭା ସହ ମିନାବଜାର ଓ ସ୍ଥାନୀୟ ହସ୍ତଶିଳ୍ପ ପ୍ରଦର୍ଶନୀ ଆୟୋଜିତ ହେବ । ଏହା ମାଧ୍ୟମରେ ଅଞ୍ଚଳର ପ୍ରତିଭାଶାଳୀ କଳାକାରମାନେ ନିଜ କଳା ପ୍ରଦର୍ଶନ କରିବାର ସୁଯୋଗ ପାଇବେ ଓ ଲୋକପରମ୍ପରାକୁ ନୂତନ ପିଢ଼ି ପର୍ଯ୍ୟନ୍ତ ପହଁଚାଇବାର ଏକ ସୁନ୍ଦର ପ୍ରୟାସ ହେବ ।ମହୋତ୍ସବକୁ ସୁରୁଖୁରୁରେ ଓ ଆକର୍ଷଣୀୟ ଭାବରେ ସମ୍ପନ୍ନ କରିବା ପାଇଁ ସମସ୍ତ ସଦସ୍ୟ ଓ ସ୍ବେଚ୍ଛାସେବୀମାନେ ଏକତ୍ରିତ ଭାବରେ ପ୍ରୟାସ ଜାରି ରଖିଛନ୍ତି । ତିଖାଲି ଡ୍ୟାମ୍ ପରିସରରେ ମଞ୍ଚ ମରାମତି ଓ ସଜା କାମ ମଧ୍ୟ ଶେଷ ପର୍ଯ୍ୟୟକୁ ପହଁଚି ସାରିଥିବାରୁ ଅଞ୍ଚଳରେ ମହୋତ୍ସବ ପାଇଁ ଉତ୍ସାହ ଓ ଆନନ୍ଦର ମହଳ ଦେଖାଯାଉଛି । ଏହି ମହୋତ୍ସବ ଅଞ୍ଚଳର କଳା, ସାହିତ୍ୟ ଓ ସଂସ୍କୃତିକୁ ନୂତନ ମଞ୍ଚ ଦେବା ସହ ଲୁଚିଯାଉଥିବା ଲୋକ କଳାକୁ ବଞ୍ଚାଇ ରଖିବାରେ ଏକ ପ୍ରେରଣାଦାୟକ ପଦକ୍ଷେପ ଭାବେ ପରିଗଣିତ ହେବ ।

ଲମତାପୁଟ, ୧୧।୩, ଲମତାପୁଟ ଅଞ୍ଚଳରେ ପେଟ୍ରୋଲ ଓ ଡିଜେଲ ଅଭାବ ଦେଖାଦେଇଛି । ଦୁଇଦିନ ହେବ ଅଞ୍ଚଳରେ ଥ‌ିବା ପେଟ୍ରୋଲ ପମ୍ପଗୁଡ଼ିକରେ ତେଲ ମିଳୁ ନ ଥ‌ିବା ଅଭିଯୋଗ ହୋଇଛି । ବାଇକ୍ ଚାଳକଙ୍କଠାରୁ ଆରମ୍ଭ କରି ବଡ଼ ଗାଡ଼ି ମାଲିକ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି ଲମତାପୁଟ ଅଞ୍ଚଳର ପେଟ୍ରୋଲ ପମ୍ପ୍ ଖାଁ ଖାଁ ହୋଇପଡିଛି । ଗତ ଦୁଇଦିନ ହେବ ଅଞ୍ଚଳରେ ଥିବା ଫିଲିଂ ଷ୍ଟେସନଗୁଡିକରେ ତେଲ ସରି ଯାଇଛି । ଲୋକେ ଗାଡ଼ି ଧରି ପକେ.ଇବ।କୁ ଆସୁଛନ୍ତି ସତ ହେଲେ ନିରାଶ ହୋଇ ଫେରୁଛନ୍ତି । ପେଟ୍ରୋଲ ଅଭାବରୁ ଅନେକ ଗାଡ଼ି ମଝି ରାସ୍ତାରେ ଅଟକି ରହିଛି । ଜରୁରୀ କାର୍ଯ୍ୟରେ ଯାଉଥିବା ଲୋକେ ଅଧିକ ହଇରାଣ ହେଉଛନ୍ତି । ଲମତାପୁଟରେ ଦୁଇଟି ପେଟ୍ରୋଲ ପମ୍ପରେ ତେଲ ନ ଥିବାରୁ କଳାବଜାର ମଧ୍ୟ ବୃଦ୍ଧି ପାଉଥିବା ଗ୍ରାହକ ଅଭିଯୋଗ କରିଛନ୍ତି । ବାଇକ୍ ଠେଲି ଠେଲି ଲୋକେ ପେଟ୍ରୋଲ ପମ୍ପକୁ ଆସି ବନ୍ଦ ଥିବା ଦେଖ୍ ନିରାଶ ହୋଇପଡୁଛନ୍ତି । ପେଟ୍ରୋଲ ପମ୍ପ୍ ମାଲିକ ମୁହଁ ଖୋଲୁ ନାହାନ୍ତି । ଜିଲ୍ଲାର ବିଭିନ୍ନ ସ୍ଥାନରେ ପେଟ୍ରୋଲ ମିଳୁଥିବା ବେଳେ ଲମତାପୁଟ ଅଞ୍ଚଳରେ ଏଭଳି ସ୍ଥିତି କେମିତି ସୃଷ୍ଟି ହୋଇଛି । ଏହାକୁ ନେଇ ସାଧାରଣରେ ପ୍ରଶ୍ନ ଉଠୁଛି ଲମତାପୁଟ ବ୍ଲକରେ ଥିବା ୩ ପେଟ୍ରୋଲ ପମ୍ପରେ ପେଟ୍ରୋଲ ସରି ଯାଇଛି । ଅନ୍ୟପଟେ ବ୍ଲକର ବିଭିନ୍ନ ଅଞ୍ଚଳରେ କଳାବଜାର ଦେଖିବାକୁ ମିଳିଛି। ବିଭିନ୍ନ ପେଟ୍ରୋଲ ପମ୍ପରୁ ତେଲ ଆଣି ରାସ୍ତା କଡରେ ବିକ୍ରି କରାଯାଉଥ‌ିବା ଗ୍ରାହକ ଅଭିଯୋଗ କରିଛନ୍ତି । କିଛି ସ୍ଥାନରେ ଡିଜେଲ ମିଳୁଥିବା ଦେଖ‌ିବାକୁ ମିଳିଛି । ଲମତାପୁଟ ଅଞ୍ଚଳରେ ପ୍ରଥମ ଥର ପାଇଁ ପେଟ୍ରୋଲ ସମସ୍ୟା ଦେଖାଯାଇଥିବା ଅଭିଯୋଗ ହେଉଛି ।

ରାଇଘର, ୧୧/୩: ନବରଙ୍ଗପୁର ଜିଲ୍ଲା ଭଳି ଏକ ଆଦିବାସୀ ଅଧୁଷିତ ଅଞ୍ଚଳ ରେ ଏଠାକାର ପିଲାମାନଙ୍କ ଉଜ୍ଜଳ ଭବିଷ୍ୟତ ତିଆରି କରିବା ଓ ଏ ଦୁର୍ଗମ ଅଞ୍ଚଳରେ ଶିକ୍ଷା କ୍ଷେତ୍ରରେ ଏକ ବିପ୍ଲବ ଆଣିବା ପାଇଁ, ପ୍ରବାଦ ପୁରୁଷ ବିଜୁ ବାବୁଙ୍କ ସ୍ଵପ୍ନକୁ ସାକାର କରିବା ପାଇଁ ୧୯୯୦ ମସିହାରେ ଉମରକୋଟ ଠାରେ ଏ ଅଞ୍ଚଳର ବିଶିଷ୍ଟ ସମାଜ ସେବକ ଶ୍ରୀଯୁକ୍ତ ଜୟଦେବ ପରିଡ଼ା ଏକ ଇଂରାଜୀ ମାଧ୍ୟମ ବିଦ୍ୟାଳୟ ତଥା ସହିଦ ଲକ୍ଷ୍ମଣ ନାୟକ ପବ୍ଲିକ ସ୍କୁଲ୍ ପ୍ର ତିଷ୍ଠା କରିଥିଲେ । ଯାହା ଆଜି ଏ ଅଞ୍ଚଳ ପାଇଁ ଏକ ବରଦାନ ସଦୃଶ। ଇଂରାଜୀ ଇଂରାଜୀ ମାଧ୍ୟମରେ ଶିକ୍ଷା ଦାନ ଦେବା ସହ, ସହ, ଛାତ୍ର ଛାତ୍ରୀ ମାନଙ୍କ ଉଜ୍ଜଳ ଭବିଷ୍ୟତ ଗଠନ କରିବାରେ, ସହିଦ ଲକ୍ଷ୍ମନ ନାୟକ ପବ୍ଲିକ ସ୍କୁଲ ଉମରକୋଟ ଓ ରାଇଘର ଯେଉଁ ପ୍ରଚେଷ୍ଟା ଜାରି ରଖୁଛି, ତାହା ନିହାତି ପ୍ରଶଂସନୀୟ। ଏ ଅଞ୍ଚଳରେ ଏହା ଏକ ମାତ୍ର ଆଇ.ସି.ଆଇ.ସି ବୋର୍ଡ ଦ୍ଵାରା ପରିଚ।ଳିତ ବିଦ୍ୟାଳୟ। ଏହି ବିଦ୍ୟାଳୟରେ ନର୍ସରୀ ଠାରୁ +୨ ପର୍ଯ୍ୟନ୍ତ ଶିକ୍ଷା ଦାନ ଦିଅଯାଉଅଛି। ଏହା ବ୍ୟକ୍ତିଗତ ଓ ବୌଦ୍ଧିକ ବିକାଶର କେନ୍ଦ୍ର ଅଟେ। ବିଦ୍ୟାଳୟର ପ୍ରତିଷ୍ଠାତା ଶ୍ରୀ ଜୟଦେବ ପରିଡ଼ା, ସେକ୍ରେଟାରୀ ଓମପ୍ରଭା ସାହୁ, କୋଷାଧକ୍ଷା ଶ୍ରୀମତି ସୁଜାତା ମହାନ୍ତି, ନିର୍ଦେଶକ ରଶ୍ମିରଞ୍ଜନ ପରିଡା, ରାଇଘର ପବ୍ଲିକ ସ୍କୁଲ ଅଧ୍ୟକ୍ଷା ଶ୍ରୀମତୀ ଜୟତି ବର୍ମା, ତ‌ଥା ଶିକ୍ଷକ ଶିକ୍ଷୟତ୍ରୀ ନିୟମିତ ଛାତ୍ର ଛାତ୍ରୀ ଗୁଣାତ୍ମକ ଶିକ୍ଷା ସହ ଶୃଙ୍ଖଳା ଓ ନୈତିକତା ଶିକ୍ଷା ଦେବା ପାଇଁ ସର୍ବଦା ପ୍ରତିଶ୍ରୁତି ବଦ୍ଧ । ଆଜି ଏ ଅଞ୍ଚଳ ପାଇଁ ଏ ଅନୁଷ୍ଠାନ ଏକ ମଣିଷ ତିଆରି ଏ କାରଖାନା ସଦୃଶ ଅଟେ। ଏଠାକାର ବହୁ ଛାତ୍ର ଛାତ୍ରୀ ଆଜି ରାଜ୍ୟ, ଦେଶ ତଥା ବିଦେଶରେ ମଧ୍ୟ ବେଶ୍ ପ୍ରତିଷ୍ଠିତ । ଚଳିତବର୍ଷ ପାଠ୍ୟକ୍ରମ ପାଇଁ ବର୍ତ୍ତମାନ ପିଲାଙ୍କ ନାମଲେଖା ଆରମ୍ଭହୋଇଯାଇଛି।

ଅନ୍ତର୍ଜାତୀୟ ମହିଳା ଦିବସ, ଯାହାକୁ ନେଇ ରାଜ୍ୟ ହେଉ କିମ୍ବା କେନ୍ଦ୍ର ସରକାରଙ୍କ ତରଫରୁ ମହିଳାମାନଙ୍କୁ ସ୍ଵାବଲମ୍ବୀ କରିବା, ମହିଳାମାନଙ୍କୁ ସଶକ୍ତ କରିବା ପାଇଁ ଅନେକ ଯୋଜନା ଘୋଷଣା କରୁଥିବା ବେଳେ ବଦରନଗରୀ ପାରାଦୀପରେ ଜଣେ ମହିଳା ଓ ତାଙ୍କର ଭିନ୍ନକ୍ଷମ, ଦୁରାରୋଗ୍ୟ ପୀଡିତ ଝିଅର ଦୁଖ୍ୟଭରା କାହାଣୀ ସାମ୍ନାକୁ ଆସିଛି । ଆଖର ଦୁଇଟୋପ ଲୁହ ନିଗଡ଼ି ଆଷ୍ଟ୍ ମିଟମିଟି କରି ମା' ମୁହଁକୁ ଦେଖୁଥୁବା ଝିଅକୁ ଚାହିଁ ମା' ଜଡ଼ୁଛି ତାର ଦୁଃଖରରା କାହାଣୀ। ଆଜି ସରକାର ମହିଳି ମାନଙ୍କ ପାଇଁ ସୁଭଦ୍ରା ଠାରୁ ଆରମ୍ଭ କରି ଅନେକ ଯୋଜନା ଦ୍ଵାରା କୋଟି କୋଟି ଟଙ୍କା ଖର୍ଚ କରୁଛନ୍ତି। ହେଲେ ଏହି ଦୁଃଖନୀ ମା'- ଝିଅଙ୍କ ପାଇଁ ସରକାରୀ ଯୋଜନା ଯେପରି ସ।ତସପନ ପାଲଟିଛି । ଦୀର୍ଘବର୍ଷ ତଳେ ରଞ୍ଜନ ଦାସ ନିଜର ପତ୍ନୀ ଓ ଝିଅକୁ ଧରି କାମ ଅନ୍ଵେଷଣରେ ପାରାଦୀପ ଆସିବା ପରେ ଗାଁ ସହିତ ସମସ୍ତ ସମ୍ପର୍କ ତୁଟାଇ ଦେଇଛନ୍ତି। ନିଜ ଗାଁ ତିର୍ତ୍ତୋଲ ବ୍ଲକ୍‌ର ନାରୀଜଙ୍ଗରୁ ପାରାଦୀପ ଆସି ମୁଲ ମଜୁରୀ ଲାଗି ପତ୍ନୀ ଓ ଝିଅକୁ ଆହାର ଯୋଗାଉଥିବା ବେଳେ ନିରକ୍ଷର ହେତୁ ସରକାରୀ ପ୍ରମଣପାତ୍ର ଆଧାର ହେଉ କିମ୍ବା ଭୋଟର କାର୍ଡ ନ କରି ଗତ ଦୁଇବର୍ଷ ତଳେ ଆରପାରିକୁ ଚାଲିଯାଇଛନ୍ତି । ସ୍ୱମୀଙ୍କ ଦେହାନ୍ତ ପରେ ପତ୍ନୀ ପ୍ରଣତି ଦାସ ନିଜର ଝିଅ ମଞ୍ଜରୀ ଦାସର ମୁହଁକୁ ଚାହିଁ ପର ଘରେ ବାସନ ମାଜୀ ଦୁଇଓଳି ପେଟକୁ ଆହାର ଯୋଗାଇଥିବା ବେଳେ ହଠାତ ଝିଅର ସ୍ତନ କର୍କଟ ସଙ୍ଗକୁ ମାନସିକ ଭିନ୍ନକ୍ଷମ ପାଲଟିଯିବ ଯେପରି ମା' ପ୍ରଣତି ପାଇଁ ଅଭିଶାପ ପାଲଟିଯାଇଛି। ଦୁଇଓଳି ପେଟକୁ ଦାନା ଯୋଗଇବା କଷ୍ଟକର ହେଉଥିବା ବେଳେ ପର ଘରେ ବାସନ ମାଜି ଯାହା ରୋଜଗାର କରନ୍ତି ସେଥ‌ିରେ ଝିଅ ପାଇଁ ଔଷଧ କିଣିବାରେ ଖର୍ଚ୍ଚ ହୋଇଯାଏ। ଯାହା ଫଳରେ ସ।ହି ପଡ଼ିଶ ଯାହା ମୁଠାଏ ଖାଇବାକୁ ଦିଅନ୍ତି ସେଥ‌ିରେ ମା'- ଝିଅ ଦୁଇଜଣ ପେଟ ପୁରି ନ ଥିଲେ ମଧ୍ୟ କଷ୍ଟେ ମଷ୍ଟେ ଚଳି ଯାଉଛନ୍ତି। ଯାହାକୁ ସହି ପାରି ନାହାନି ପଡ଼ୋଶୀ। ସରକାରୀ ବାବୁମାନଙ୍କୁ ଗୁହାରି କରିବା ସହିତ ଏହି ମ।'- ଝିଅଙ୍କ ଦୁଃଖଭରା କାହାଣୀକୁ ଲୋକଲୋଚନକୁ ଅଣିବା ସହିତ ସରକାରଙ୍କ ଦୃଷ୍ଟି ଆକର୍ଷଣ କରିଛନ୍ତି । ଅ।ଜି ବିଶ୍ୱ ମହିଳା ଦିବସ ଅବସରରେ ଅତି ଦୁଃଖରେ ଜୀବନ ବିତାଉଥିବା ଏହି ମା'-ଝିଅ ଦୁଇଜଣଙ୍କୁ ସରକାରୀ ଯୋଜନା ଅନୁଯାୟୀ ସାହାଯ୍ୟ ସହଯୋଗର ହାତ ବଢ଼ାଇବାକୁ ଜିଲ୍ଲା ପ୍ରଶାସନ ଓ ପୌର ପ୍ରଶାସନକୁ ନିବେଦନ କରିଛନ୍ତି ପାରଦୀପ ମୁନିସିପାଲିଟିର ୩ ନମ୍ବର ୱାର୍ଡ ବାସିନ୍ଦା।

ନବରଙ୍ଗପୁର ମିଶନ ଶକ୍ତି ସମ୍ମିଳନୀ କକ୍ଷରେ ଜିଳ୍ଲାପାଳ ଡ. ମହେଶ୍ୱର ସ୍ବାଇଁଙ୍କ ଅଧ୍ୟକ୍ଷତାରେ ଗ୍ରୀଷ୍ମ ପ୍ରବାହ ସମ୍ବନ୍ଧୀୟ ଜିଲ୍ଲାସ୍ତରୀୟ ପ୍ରାକୃତିକ ବିପର୍ଯ୍ୟୟ ପରିଚାଳନା ନେଇ ଏକ ବୈଠକ ମଙ୍ଗଳବାର ଅନୁଷ୍ଠିତ ହୋଇଯାଇଛି। ଖରାଦିନରେ ପିଇବା ପାଣି, ଅଂଶୁଘାତର - ସଫଳ ମୁକାବିଲା ନେଇ ଆଲୋଚନା ହୋଇଥିଲା। ଅଚଳ ନଳକୂପଗୁଡିକୁ ଯୁଦ୍ଧକାଳୀନ ଗିରିରେ ମରାମତି କରିବା ଉପରେ ଗୁରୁତ୍ବ ଦିଆଯାଇଛି। ପ୍ରତ୍ୟେକ ଅଙ୍ଗନଓ୍ବାଡି କେନ୍ଦ୍ର ଏବଂ ବିଦ୍ୟାଳୟରେ ପର୍ଯ୍ୟାପ୍ତ ପରିମାଣର ଓଆର୍‌ଏସ୍ ମହଜୁଦ ରଖିବା ପାଇଁ ସିଡିଏମ୍‌ଓ ଏବଂ ଜିଲ୍ଲା ସମାଜ କଲ୍ୟାଣ ଅଧିକାରୀଙ୍କୁ ଜିଲ୍ଲାପାଳ ନିର୍ଦ୍ଦେଶ ଦେଇଛନ୍ତି। ସ୍କୁଲଗୁଡ଼ିକରେ ଛାତ୍ରୀଛାତ୍ରଙ୍କୁ ପାନୀୟ ଜଳ ନିୟମିତ ବ୍ୟବଧାନରେ ଯୋଗାଇବା ବାଧ୍ୟତାମୂଳକ କରାଯାଇଛି। ଶ୍ରମିକଙ୍କ କାର୍ଯ୍ୟ ସ୍ଥଳରେ ପାଣି ବ୍ୟବସ୍ଥା, ପୂର୍ବାହ୍ନ ୧୧ଟାରୁ ଅପରାହ୍ନ ୩ଟା ୩୦ ପର୍ଯ୍ୟନ୍ତ ସେମାନଙ୍କୁ କାର୍ଯ୍ୟରେ ନ ଲଗାଲ ବିଶ୍ରାମ ନିମନ୍ତେ ଅସ୍ଥାୟୀ ଛାୟା ବ୍ୟବସ୍ଥା କରିବାକୁ ଡିଏଓଙ୍କୁ ଜିଲ୍ଲାପାଳ ନିର୍ଦ୍ଦେଶ ଦେଇଥିଲେ। ରାଜ୍ୟ ସରକାରଙ୍କ ମାର୍ଗଦର୍ଶକ ଅନୁଯାୟୀ ନିର୍ଦ୍ଧାରୀତ ସମୟସୀମା ମଧ୍ୟରେ ସ୍କୁଲ ଏବଂ କଲେଜରେ ପାଠପଢ଼ା ପାଇଁ ବୈଠକରେ ସ୍ଥିର ହୋଇଛି । ବସ୍‌ରେ ଯାତ୍ରୀମାନଙ୍କ ପାଇଁ ବହୁଳ ପରିମାଣରେ ବିଶୁଦ୍ଧ ପାନୀୟ ଜଳ ଏବଂ ପର୍ଯ୍ୟାସ୍ତ ପରିମାଣରେ ଓଆର୍‌ଏସ୍ ପ୍ୟାକେଟ ମଜଜୁଦ ରଖିବା ପାଇଁ ଆର୍‌ଟିଓଙ୍କୁ ନିର୍ଦ୍ଦେଶ ଦିଆଯାଇଛି। ଆବଶ୍ୟକସ୍ଥଳେ ଗ୍ରାମ୍ୟମାଣ ଟ୍ୟାଙ୍କର ସାହାଯ୍ୟରେ ପିଇବା ପାଣି, ସୁବ୍ୟବସ୍ଥା ପାଇଁ ପୌର ନିର୍ବାହୀ ଅଧିକାରୀଙ୍କୁ ଜିଲାପାଳ ନିର୍ଦ୍ଦେଶ ଦେଇଥିଲେ। ଅଂଶୁଘାତର ମୁକାବିଲା ପାଇଁ ପ୍ରାଥମିକ ସ୍ବାସ୍ଥ୍ୟକେନ୍ଦ୍ର, ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ଏବଂ ଜିଲ୍ଲା ମୁଖ୍ୟ ଡିଜିପାଳୟରେ ଶଯ୍ୟା, ଆବଶ୍ୟକ ଶୀତତାପ ନିୟନ୍ତ୍ରିତ କୋଠରି, ନିୟନ୍ତ୍ରଣ କକ୍ଷ ତୁରନ୍ତ ଖୋଲିବା ସହ ଆବଶ୍ୟକ ସେବା ଯୋଗାଇଦେବା ପାଇଁ ଆଲୋଚନା ହୋଇଛି। ଜିଲ୍ଲା ମୁଖ୍ୟ ଚିକିତ୍ସାଳୟ ସହ ସମସ୍ତ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ନିରବଚ୍ଛିନ୍ନ ବିଦ୍ୟୁତ୍ ସେବା ଯୋଗାଇବାକୁ ଟିପିଏଓଡିଏଲ୍ ଯନ୍ତ୍ରୀଙ୍କୁ ନିର୍ଦ୍ଦେଶ ଦିଆଯାଇଛି। ଆବଶ୍ୟକସ୍ଥଳେ ଜିଲ୍ଲାର ଜନଗହଳିପୂର୍ଣ ସ୍ଥାନରେ ଜଳଛତ୍ର ଆୟୋଜନ ନେଇ କୁହାଯାଇଛି। ଅତିରିକ୍ତ ଜିଲ୍ଲାପାଳ (ରାଜସ୍ବ) ବିଶ୍ବଳିତ ଚନ୍ଦ୍ର ବର୍ମନ ପ୍ରତ୍ୟେକ ବ୍ଲକରେ ଅନୁରୂପ ଭାବରେ ବ୍ଲକପୁରୀୟ ପଦାଧିକାରୀଙ୍କୁ ନେଇ ଏକ ପ୍ରସ୍ତୁତି ବୈଠକ କରିବାକୁ ବିଜିଓମାନଙ୍କୁ ପରାମର୍ଶ ଦେଇଥୁଲେ । ବୈଠକକୁ ଜିଲ୍ଲାର ଜରୁରିକାଳୀନ ଅଧିକାରୀ ଗୀତାଞ୍ଜଳି ବେହେରା ପରିଚାଳନା କରିଥିଲେ। ଅନ୍ୟମାନଙ୍କ ମଧ୍ୟରେ ଜିଲ୍ଲା ପରିଷଦ ନିର୍ବାହୀ ଅଧିକାରୀ ଯଦୁମଣି ନାୟକ, ଜିଲ୍ଲା ଜଳ ସ୍ବାସ୍ଥ୍ୟ ଅଧିକାରୀ ମଳୟ ତ୍ରିପାଠୀ, ଗ୍ରାମ୍ୟ ଜଳଯୋଗାଣ ଓ ପରିମଳ ବିଭାଗ ଅଧୀକ୍ଷଣ ଯନ୍ତ୍ରୀ ପ୍ରତୀକ ରାଗିବ, ତ୍ରିପତି ବାଲାଜୀ ସାବୁ, ତିଆଇପିଆର୍‌ଓ ମନୋଜ ବେହେରା, ଆଇଟିଡିଏ ଯିଏ ରାଜୀବ ସାହୁ, ଆରଟିଏ ଜିତେନ୍ଦ୍ର ଭୋଇ, ଜିଲ୍ଲା ପଞ୍ଚାୟତ ଅଧିକାରୀ ପଦ୍ମନାଭ ତ୍ରିପାଠୀ, ଜିଲା ସମାଜ କଲ୍ୟାଣ ଅଧିକାରୀ ଦ୍ରୌପଦୀ କହଁର ଉପସ୍ଥିତ ଥିଲେ । ଜିଲା ପ୍ରକଳ୍ପ ଅଧିକାରୀ ହିମାଂଶୁ ଶେଖର ପଟ୍ଟନାୟକ ଧନ୍ୟବାଦ ଅର୍ପଣ କରିଥିଲେ ।

ନବରଙ୍ଗପୁର: ଆଜି ଜିଲ୍ଲା ମୁଖ୍ୟ ଚିକିତ୍ସାଳୟରେ ମୁଖ୍ୟମନ୍ତ୍ରୀ ବାୟୁ ସ୍ଵାସ୍ଥ୍ୟ ସେବା କ୍ୟାମ୍ପ ଅନୁଷ୍ଠିତ ହୋଇଛି ଯାହା ୨୦/୩/୨୬ ରୁ ୧୩/୩/୨୬ ପର୍ଯ୍ୟନ୍ତ ଚାଲୁ ରହିବ।ଏହି କ୍ୟାମ୍ପରେ dr malaya ku pradhan, CDMO, dr sukanta Chandra satapathy, DMO, Sri Sankar Acharya, DPM,NHM ଏବଂ ଅନ୍ୟ ସ୍ଵାସ୍ଥ୍ୟ କର୍ମଚାରୀମାନେ ଯୋଗ ଦେଇଥିଲେ ।ଏହି କ୍ୟାମ୍ପରେ ମେଡିକାଲ କଲେଜର ବିଭିନ୍ନ ବିଭାଗର ସୁପର ସ୍ଫିସିଆଲିଟୀ ଡାକ୍ତରମାନେ ସ୍ଵାସ୍ଥ୍ୟ ସେବା ଯୋଗାଇ ଦେବା ସହ ଅନ୍ୟାନ୍ୟ ସ୍ୱାସ୍ଥ୍ୟ ପରୀକ୍ଷା ଯାଞ୍ଚ କରିଥିଲେ। ଏହି କ୍ୟାମ୍ପର ପ୍ରଥମ ଦିନରେ ୨୩୦ ଜଣ patient ପଞ୍ଜିକରଣ କରିବା ସହ ବିଭିନ୍ନ ପ୍ରକାର ସ୍ୱାସ୍ଥ୍ୟ ପରୀକ୍ଷଣ କରାଇଛନ୍ତି |