Web News

ଗୁଡରି ବ୍ଲକ ସଭାଗୃହରେ ଜିଲ୍ଲାସ୍ତରୀୟ ଯୁଗ୍ମ ଅଭିଯୋଗ ଶୁଣାଣୀ ଶିବିର ଅନୁଷ୍ଠିତ ହୋଇ ଯାଇଛି । ଜିଲ୍ଲାପାଳ ଆଶୁତୋଷ କୁଲକର୍ଣ୍ଣିଙ୍କ ନିର୍ଦ୍ଦେଶକ୍ରମେ ଅତିରିକ୍ତ ଜିଲ୍ଲାପାଳ ନବୀନ ଚନ୍ଦ୍ର ନାୟକଙ୍କ ଅଧ୍ୟକ୍ଷତା ରେ ଅନୁଷ୍ଠିତ ଏହି ଶିବିରରେ ଅତିରିକ୍ତ ଆରକ୍ଷୀ ଅଧିକ୍ଷକାରୀ ଗୋଷୁନର ବାର୍ଲା, ମୁଖ୍ୟ ଉନ୍ନୟନ ତଥା ନିର୍ବାହୀ ଅଧିକାରୀ ଜିଲ୍ଲା ପରିଷଦ, ରାୟଗଡ ଅକ୍ଷୟ କୁମାର ଖେମୁଣ୍ଡୁ, ଗୁଣପୁର ଉପ ଜିଲ୍ଲାପାଳ ଦୁଧାଲ ଅଭିଷେକ ଦିଲୀପ, ଅତିରିକ୍ତ ଜିଲ୍ଲା ମୁଖ୍ୟ ଚିକିତ୍ସା ତଥା ଜନ ସ୍ଵାସ୍ଥ୍ୟ ଅଧିକାରୀ ପ୍ରମୁଖ ଯୋଗଦେଇ ସମସ୍ତ ଅଭିଯୋଗର ଶୁଣାଣୀ କରିଥିଲେ। ଆଜି ମୋଟ ୩୧ଟି ଅଭିଯୋଗ ର ଶୁଣାଣୀ ହୋଇଥିବା ବେଳେ, ସେଥିରୁ ଟି ୨୬ ବ୍ୟକ୍ତିଗତ,୦୫ଟି ସାମୁହିକ ଦରଖାସ୍ତ ପଞ୍ଜିକରଣ ହୋଇଥିଲା । ଅତିରିକ୍ତ ଜିଲ୍ଲାପାଳ ସମସ୍ତ ଦରଖାସ୍ତ ଗ୍ରହଣ ପରେ ସେ ଗୁଡିକୁ ତଦନ୍ତ କରି ତୁରନ୍ତ ପଦକ୍ଷେପ ନେବା ନିମନ୍ତେ ସମ୍ପୃକ୍ତ ଅଧିକାରୀଙ୍କୁ ଦରଖାସ୍ତ ଗୁଡିକ ପ୍ରଦାନ କରିବା ସହ ଗ୍ରହଣ କରିଥିବା ପଦକ୍ଷେପର ବିବରଣୀ ଜିଲ୍ଲାପାଳଙ୍କ ଅବଗତି ନିମନ୍ତେ ଜିଲ୍ଲା କାର୍ଯ୍ୟାଳୟକୁ ଜଣାଇବା ନିମନ୍ତେ ନିର୍ଦ୍ଦେଶ ଦେଇଥିଲେ । ଏହି ଅଭିଯୋଗ ଶିବିରରେ ଗୁଣପୁର ଉପଖଣ୍ଡ ଆରକ୍ଷୀ ଅଧିକାରୀ ବାବୁଲି ନାୟକ, ଲିଡ଼ ବ୍ୟାଙ୍କ ଅଧିକାରୀ ଦେବେନ୍ଦ୍ର ବାଉରୀଙ୍କ ସମେତ ସମସ୍ତ ଜିଲ୍ଲା ସ୍ତରୀୟ ଅଧିକାରୀ ଯୋଗ ଦେଇଥିଲେ । ଗୁଡାରି ଗୋଷ୍ଠୀ ଉନ୍ନୟନ ଅଧିକାରୀ ସୁଚିସ୍ମିତା ବେହେରାଙ୍କ ତତ୍ୱାବଧାନରେ ଅନୁଷ୍ଠୀତ ଅଭିଯୋଗ ଶୁଣାଣି କାର୍ଯ୍ୟକ୍ରମରେ ତହସିଲଦାର ଆଡାଲା ସ୍ନେହଲତା ଗୁଡରି ଥାନା ଅଧିକାରୀ ବିଶ୍ୱବନ୍ଦିନୀ ବାଗ ପ୍ରମୁଖ ଯୋଗ ଦେଇଥିଲେ ।

ସମାଜ ପାଇଁ କାମ କରୁଥିବା ଅଜଣା ନାୟକ ମାନଙ୍କୁ ମିଳିବ ସମ୍ମାନ, ଆରମ୍ଭ ହେଲା ‘ଓଡିଶା ଆଇକନିକ୍ ଆୱାର୍ଡ’ ପାଇଁ ନୋମିନେସନ ଓଡ଼ିଶାରେ ସମାଜ ସେବା, ସାମ୍ବାଦିକତା, ଡିଜିଟାଲ ମିଡିଆ, ପରିବେଶ ସୁରକ୍ଷା, ମହିଳା ସଶକ୍ତିକରଣ ଭଳି ବିଭିନ୍ନ କ୍ଷେତ୍ରରେ ନିଷ୍ଠାର ସହ କାମ କରୁଥିବା ବ୍ୟକ୍ତିତ୍ୱମାନଙ୍କୁ ସମ୍ମାନିତ କରିବା ପାଇଁ ଓଡିଶା ଆଇକନିକ୍ ଆୱାର୍ଡ ପାଇଁ ନୋମିନେସନ ପ୍ରକ୍ରିୟା ଆରମ୍ଭ ହୋଇଛି। ଏହି ସମ୍ମାନକୁ ଓଡିଶା ଡିଜିଟାଲ ମିଡିଆ ମହାସଂଘ ତରଫରୁ ଆୟୋଜନ କରାଯାଉଛି ବୋଲି ଓଡିଶା ଆଇକନିକ୍ ଆୱାର୍ଡ ସଂଯୋଜନା କମିଟି ଅଧ୍ୟକ୍ଷ ଶ୍ରୀ ସରୋଜ କାନ୍ତ ଜେନା ଓ ମୁଖ୍ୟ ସଂଯୋକକ ଶ୍ରୀ ଗୌରାଙ୍ଗ ଚରଣ ମହି ଜଣାଇଛନ୍ତି l ସମାଜରେ ନିରବଛିନ୍ନ ଭାବେ ସେବା କରୁଥିବା ଅନେକ ବ୍ୟକ୍ତି ଆଜି ମଧ୍ୟ ସମାଜର ଆଲୋକରୁ ଦୂର ରେ ଅଛନ୍ତି। ସେମାନଙ୍କର କାର୍ଯ୍ୟକୁ ରାଜ୍ୟସ୍ତରରେ ପରିଚୟ ଦେବା ଏବଂ ଯୁବପିଢିଙ୍କୁ ପ୍ରେରଣା ଦେବା ଲକ୍ଷ୍ୟରେ ଏହି “ଓଡିଶା ଆଇକନିକ୍ ଆୱାର୍ଡ” କାର୍ଯ୍ୟକ୍ରମ ର ଆୟୋଜନ କରାଯାଉଛି। ଏହି ଆୱାର୍ଡ ମାଧ୍ୟମରେ ସମାଜ ସେବା, ସାମ୍ବାଦିକତା, ଡିଜିଟାଲ ମିଡିଆ କାର୍ଯ୍ୟକ୍ରମ, ପରିବେଶ, ମହିଳା ସଶକ୍ତିକରଣ, ଯୁବ ନେତୃତ୍ୱ, ସ୍ୱାସ୍ଥ୍ୟ ଏବଂ ଲିଗାଲ ଅୱେରନେସ୍ ଭଳି ଆଠଟି କ୍ଷେତ୍ରରେ ସମ୍ମାନ ପ୍ରଦାନ କରାଯିବ। ଆବେଦକମାନେ ନିଜର ବାୟୋଡାଟା, ସମାଜସେବା ସମ୍ପର୍କିତ ଫଟୋ ଓ ବିବରଣୀ ଏବଂ ସ୍ଥାନୀୟ ବିଧାୟକ କିମ୍ବା ସାଂସଦଙ୍କର ସୁପାରିଶ ପତ୍ର ସହିତ ନୋମିନେସନ ଇ-ମେଲ ବା ୱାଟ୍ସଅପ ମାଧ୍ୟମରେ ପଠାଇପାରିବେ। ପ୍ରତ୍ୟେକ ବିଭାଗରୁ ଜଣଙ୍କୁ ଆୱାର୍ଡ ପ୍ରଦାନ କରାଯିବା ସହିତ, ଜୁରି ପ୍ୟାନେଲ୍ ଦ୍ୱାରା ୫ଟି ବିଶେଷ ସମ୍ମାନ ମଧ୍ୟ ଦିଆଯିବ। ଆପଣଙ୍କ ଅଞ୍ଚଳରେ ଯଦି କେହି ସେମିତି ନିଷ୍ଠାର ସହ ସମାଜ ପାଇଁ କାମ କରୁଛନ୍ତି, ତେବେ ତାଙ୍କର ନାମ ନୋମିନେଟ୍ କରନ୍ତୁ। ଏହି ସନ୍ଦେଶକୁ ସେୟାର କରନ୍ତୁ ଓ ଓଡ଼ିଶାର ଅସଲି ହିରୋମାନଙ୍କୁ ଆଗକୁ ଆଣନ୍ତୁ। ନୋମିନେସନ ଇ-ମେଲ ବା ୱାଟ୍ସଅପ ମାଧ୍ୟମରେ ପଠାଯାଇ ପାରିବ l E-Mail: odmmdigital@gmail.com WhatsApp: 7852922654 ସବିଶେଷ ବିବରଣୀ ପାଇଁ ଓଡିଶା ଡିଜିଟାଲ ମିଡ଼ିଆ ମହାସଂଘ ସହିତ ଯୋଗାଯୋଗ କରିବା ପାଇଁ ସଂଯୋଜନା କମିଟି ଅଧ୍ୟକ୍ଷ ଶ୍ରୀ ସରୋଜ କାନ୍ତ ଜେନା ( 9937181210), ମୁଖ୍ୟ ସଂଯୋଜକ ଶ୍ରୀ ଗୌରାଙ୍ଗ ଚରଣ ମହି (7608938710) ଏବଂ ସଂଯୋଜନା କମିଟି ସଦସ୍ୟ ଶ୍ରୀ ପଦ୍ମନ ଭାତ୍ରା (8018186011), ଶ୍ରୀ ନିଗମାନନ୍ଦ ପଣ୍ଡା ( 9437887010), ଶ୍ରୀ ଜଦାବ ବାଗ (8249248140) ଓ ଶ୍ରୀ ସୁବ୍ରତ କୁମାର ମହାନ୍ତି (8280086585) ପ୍ରମୁଖ ନିବେଦନ କରିଛନ୍ତି l

କାର୍ଯ୍ୟ ରେ ଅବହେଳା ଓ ସୁନା ଦୋକାନୀଙ୍କ ସହ ବିବାଦ ଅଭିଯୋଗରେ ନିଲମ୍ବିତ ହେଲେ ଆସିକା SDPO ସନ୍ତୋଷ ଜେନା ଓଡ଼ିଶା ପୋଲିସ ବିଭାଗରେ ଏକ ବଡ଼ ଧରଣର କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। କାର୍ଯ୍ୟରେ ଅବହେଳା ଓ  ସୁନା  ଦୋକାନୀ ଙ୍କ ସହ ବିବାଦ ନେଇ ଆସିକାର ଉପଖଣ୍ଡ ପୋଲିସ ଅଧିକାରୀ (SDPO) ସନ୍ତୋଷ କୁମାର ଜେନା (OPS) ଙ୍କୁ ରାଜ୍ୟ ଗୃହ ବିଭାଗ ପକ୍ଷରୁ ତୁରନ୍ତ ପ୍ରଭାବରୁ ନିଲମ୍ବିତ କରାଯାଇଛି। ଓଡ଼ିଶା ସିଭିଲ ସର୍ଭିସ (Classification, Control & Appeal) Rules, 1962 ର Rule 12(1) ଅନୁଯାୟୀ ଏହି କାର୍ଯ୍ୟାନୁଷ୍ଠାନ ହୋଇଛି। ​ସୂଚନା ଅନୁଯାୟୀ, ଆସିକାର ଜଣେ ସୁନା ଗହଣା ଦୋକାନୀ SDPO ସନ୍ତୋଷ ଜେନାଙ୍କ ବିରୋଧରେ ଗମ୍ଭୀର ଅଭିଯୋଗ ଆଣିଥିଲେ। ଅଭିଯୋଗ ଅନୁସାରେ, SDPO ସେହି ଦୋକାନରୁ ସୁନା ଗହଣା ନେଇ ସେଥିପାଇଁ ଦେୟ ବା ଟଙ୍କା ପୈଠ କରିନଥିଲେ। ଏହି ବିଷୟକୁ ନେଇ ସୁନା ଦୋକାନୀ ଜଣକ ପୋଲିସ ମହାନିର୍ଦ୍ଦେଶକ (DGP) ଏବଂ ମୁଖ୍ୟମନ୍ତ୍ରୀଙ୍କ ଅଭିଯୋଗ ପ୍ରକୋଷ୍ଠରେ (CM Grievance Cell) ଲିଖିତ ଆପତ୍ତି କରିବା ସହ ସୋସିଆଲ ମିଡିଆରେ ମଧ୍ୟ ନିଜର ଦୁଃଖ ପ୍ରକାଶ କରି ଏକ ଭିଡିଓ ପୋଷ୍ଟ କରିଥିଲେ (ଯାହା ପରବର୍ତ୍ତୀ ସମୟରେ ଡିଲିଟ୍ ହୋଇଯାଇଥିଲା)। ​ଏହି ଅଭିଯୋଗକୁ ଭିତ୍ତି କରି ଗଞ୍ଜାମ ଏସପି ଶୁଭେନ୍ଦୁ କୁମାର ପାତ୍ରଙ୍କୁ ଘଟଣାର ତଦନ୍ତ କରି ଏକ ସବିଶେଷ ରିପୋର୍ଟ ପ୍ରଦାନ କରିବାକୁ କୁହାଯାଇଥିଲା। ଏସପିଙ୍କ ତଦନ୍ତ ରିପୋର୍ଟ ଆଧାରରେ ରାଜ୍ୟ ଗୃହ ବିଭାଗ ଏହି ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିଛି।ସରକାରଙ୍କ ନିର୍ଦ୍ଦେଶନାମା ଅନୁଯାୟୀ, ନିଲମ୍ବନ ଅବଧି ମଧ୍ୟରେ ସନ୍ତୋଷ ଜେନାଙ୍କ ମୁଖ୍ୟ ଦପ୍ତର (Headquarters) ବ୍ରହ୍ମପୁରସ୍ଥିତ ଦକ୍ଷିଣାଞ୍ଚଳ ଆଇଜି (IGP, Southern Range) ଙ୍କ କାର୍ଯ୍ୟାଳୟରେ ନିର୍ଦ୍ଧାରଣ କରାଯାଇଛି। ସେ ସେହି କାର୍ଯ୍ୟାଳୟର ପ୍ରଶାସନିକ ନିୟନ୍ତ୍ରଣରେ ରହିବେ ଏବଂ ବିନା ଅନୁମତିରେ ସେହି ମୁଖ୍ୟ ଦପ୍ତର ଛାଡ଼ି ବାହାରକୁ ଯାଇପାରିବେ ନାହିଁ। ନିଲମ୍ବନ ସମୟରେ ଓଡ଼ିଶା ସର୍ଭିସ କୋଡ୍ ର ନିୟମ ୯୦ ଅନୁଯାୟୀ ସେ ନିର୍ବାହ ଭତ୍ତା (Subsistence Allowance) ପାଇବାକୁ ଯୋଗ୍ୟ ହେବେ। ​ଉଲ୍ଲେଖଯୋଗ୍ୟ ଯେ, ସନ୍ତୋଷ ଜେନା ପୂର୍ବରୁ ବଡ଼ଗଡ଼ ଥାନା ଅଧିକାରୀ ଭାବେ କାର୍ଯ୍ୟ କରି ସେହି ଥାନାକୁ ଦେଶର ଶ୍ରେଷ୍ଠ ଥାନା ସମ୍ମାନ ଆଣିବାରେ ପ୍ରମୁଖ ଭୂମିକା ଗ୍ରହଣ କରିଥିଲେ। କିନ୍ତୁ ସାମ୍ପ୍ରତିକ ସମୟରେ ଗଞ୍ଜାମ ଜିଲ୍ଲାରେ ଘଟିଥିବା ଏକ ଗର୍ଭବତୀ ମହିଳା ହତ୍ୟାକାଣ୍ଡ ମାମଲାର ଚାଲୁଥିବା ତଦନ୍ତ ମଧ୍ୟରେ ତାଙ୍କର ଏହି ହଠାତ୍ ନିଲମ୍ବନ ସ୍ଥାନୀୟ ଅଞ୍ଚଳ ଏବଂ ପୋଲିସ ମହଲରେ ବେଶ୍ ଚର୍ଚ୍ଚାର ବିଷୟ ପାଲଟିଛି।

ବନ୍ଧମୁଣ୍ଡା ଅଞ୍ଚଳର ବିଭିନ୍ନ ଜନସମସ୍ୟା ଏବଂ ମୌଳିକ ସୁବିଧାକୁ ନେଇ ବନ୍ଧମୁଣ୍ଡା ଭାଜପା ମଣ୍ଡଳ ସଭାପତି ଶ୍ରୀ ଲଖନ ଲୋହାର ଆର.ଏମ.ସି କମିଶନର Ms Dheenah Dastageer ଙ୍କୁ ଏକ ସ୍ମାରକପତ୍ର ପ୍ରଦାନ କରିଥିଲେ। ସ୍ମାରକପତ୍ର ମାଧ୍ୟମରେ ସେ ବଣ୍ଡାମୁଣ୍ଡା ଫିଟନେସ୍ ପାର୍କରେ ବୃଦ୍ଧବୃଦ୍ଧା ଓ ସ୍ଥାନୀୟ ଲୋକଙ୍କ ସୁବିଧା ପାଇଁ ଆବଶ୍ୟକ ଉନ୍ନୟନମୂଳକ କାର୍ଯ୍ୟ କରିବାକୁ ଦାବି କରିଥିଲେ। ସ୍ମାରକପତ୍ରରେ ଉଲ୍ଲେଖ କରାଯାଇଛି ଯେ, ପ୍ରତିଦିନ ବହୁ ସଂଖ୍ୟକ ଯୁବକ, ମହିଳା ଓ ବୃଦ୍ଧବୃଦ୍ଧାମାନେ ମର୍ଣ୍ଣିଙ୍ଗ ୱାକ୍ ଓ ବ୍ୟାୟାମ ପାଇଁ ଫିଟନେସ୍ ପାର୍କକୁ ଆସୁଛନ୍ତି। ସନ୍ଧ୍ୟା ସମୟରେ ପାର୍କରେ ପର୍ଯ୍ୟାପ୍ତ ଆଲୋକ ବ୍ୟବସ୍ଥା ନଥିବାରୁ ଲୋକମାନେ ଅସୁବିଧାର ସମ୍ମୁଖୀନ ହେଉଛନ୍ତି। ଏହାକୁ ଦୃଷ୍ଟିରେ ରଖି ପାର୍କ ପରିସରରେ ଷ୍ଟ୍ରିଟ୍ ଲାଇଟ୍ ଲଗାଇବା, ପଦଯାତ୍ରା ପାଇଁ ପାଭର ବ୍ଲକ୍ ବିଛାଇବା ଏବଂ ବୃଦ୍ଧବୃଦ୍ଧାଙ୍କ ବସିବା ପାଇଁ ଚେୟାର ଓ ବେଞ୍ଚ ବ୍ୟବସ୍ଥା କରିବାକୁ ଦାବି କରାଯାଇଛି। ଏହାସହ ବନ୍ଧମୁଣ୍ଡା ଅଞ୍ଚଳର ବିଭିନ୍ନ ବସ୍ତି ଅଞ୍ଚଳରେ ଷ୍ଟ୍ରିଟ୍ ଲାଇଟ୍, ରାସ୍ତା ଓ ନାଳା ନିର୍ମାଣ ଦାବି ମଧ୍ୟ ଜୋରଦାର ଭାବେ ଉଠାଯାଇଛି। ସ୍ମାରକପତ୍ରରେ ଉଲ୍ଲେଖ ରହିଛି ଯେ, ଅନେକ ବସ୍ତି ଅଞ୍ଚଳରେ ରାସ୍ତା ଓ ନାଳାର ଯଥୋଚିତ ବ୍ୟବସ୍ଥା ନଥିବାରୁ ବର୍ଷା ଦିନରେ ଲୋକମାନେ ଭାରି ସମସ୍ୟାର ସମ୍ମୁଖୀନ ହେଉଛନ୍ତି। ଏହାସହ ରାତି ସମୟରେ ପର୍ଯ୍ୟାପ୍ତ ଷ୍ଟ୍ରିଟ୍ ଲାଇଟ୍ ନଥିବାରୁ ଦୁର୍ଘଟଣା ଓ ଅସୁରକ୍ଷାର ଆଶଙ୍କା ବଢ଼ୁଛି। ଭାଜପା ବନ୍ଧମୁଣ୍ଡା ମଣ୍ଡଳ ସଭାପତି ଶ୍ରୀ ଲଖନ ଲୋହାର ନଗର ନିଗମ ପ୍ରଶାସନକୁ ଜନହିତକୁ ଦୃଷ୍ଟିରେ ରଖି ଶୀଘ୍ର ଆବଶ୍ୟକ ପଦକ୍ଷେପ ନେବା ସହ ଉଭୟ ଦାବି ଉପରେ ସକାରାତ୍ମକ ପଦକ୍ଷେପ ନେବାକୁ ଅନୁରୋଧ କରିଥିଲେ। ଏହି ଅବସରରେ ଭାଜପା ବନ୍ଧମୁଣ୍ଡା ମଣ୍ଡଳର ମହାସଚିବ ଏଲ୍. ହରି ଡୋରା, ଶକ୍ତି କେନ୍ଦ୍ର ପ୍ରମୁଖ ସତ୍ୟଜିତ ପ୍ରଧାନ, ମୁକଲେଶ ସିଂହ ଏବଂ ଦେବେନ୍ଦ୍ର ଦାସ ଉପସ୍ଥିତ ଥିଲେ।

ଗଞ୍ଜାମ ଜିଲ୍ଲା ଭଞ୍ଜନଗର ଠାରେ ଥିବା ଶ୍ରୀ ଜଗନ୍ନାଥ ବେଙ୍କ୍ୱେଟ ହଲ୍ ଏବଂ ରିସର୍ଟ ଠାରେ ଓଡ଼ିଶା ଡିଜିଟାଲ ମିଡିଆ ମହାସଂଘ ଗଞ୍ଜାମ ଜିଲ୍ଲା ଶାଖାର ଦ୍ଵିତୀୟ ବନ୍ଧୁ ମିଳନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଗଞ୍ଜାମ ଜିଲ୍ଲା ସଭାପତି ଅମରେନ୍ଦ୍ର କୁମାର ପଟ୍ଟନାୟକଙ୍କ ସଭାପତିତ୍ୱରେ ଆୟୋଜିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ଭଞ୍ଜନଗର ପୌର ପରିଷଦର ଅଧ୍ୟକ୍ଷ ଗୋପବନ୍ଧୁ ମହାପାତ୍ର, ଓଡ଼ିଶା ଡିଜିଟାଲ ମିଡ଼ିଆ ମହାସଂଘ ରାଜ୍ୟ ସାଂଗଠନିକ ସମ୍ପାଦକ ଗୌରାଙ୍ଗ ଚରଣ ମହି, ସମ୍ମାନିତ ଅତିଥି ଭାବରେ ପ୍ରାକ୍ତନ ବନ ବିଭାଗ କର୍ମଚାରୀ ତଥା ବିଶିଷ୍ଟ ପରିବେଶବିତ୍ ଶୂଳପାଣି ଶତପଥୀ ପ୍ରମୁଖ ଯୋଗ ଦେଇଥିଲେ । ଅନ୍ୟ ମାନଙ୍କ ମଧ୍ୟରେ ସଂଗଠନର ଗଞ୍ଜାମ ଜିଲ୍ଲା ଉପସଭାପତି ସୁବ୍ରତ କୁମାର ଦାଶ, ନିଗମାନନ୍ଦ ପଣ୍ଡା, ସହସମ୍ପାଦକ ଜ୍ୟୋତିରଞ୍ଜନ ଗୌଡ଼ ମଞ୍ଚାସୀନ ଥିଲେ । ମଞ୍ଚାସୀନ ଅତିଥି ମାନଙ୍କୁ ପୁଷ୍ପଗୁଚ୍ଛ, ଉପଢୌକନ ଏବଂ ଶ୍ରୀଜଗନ୍ନାଥଙ୍କ ଫଟୋ ଚିତ୍ର ପ୍ରଦାନ କରାଯାଇ ସମ୍ବର୍ଦ୍ଧିତ କରାଯାଇଥିଲା। ଭଞ୍ଜନଗର ପୌରାଧ୍ୟକ୍ଷ ଶ୍ରୀ ମହାପାତ୍ର ସାମ୍ବାଦିକତା କ୍ଷେତ୍ରରେ ଡିଜିଟାଲ ମିଡ଼ିଆ ହେଉଛି ଆଗାମୀ ଭବିଷ୍ୟତ ବୋଲି କହିବା ସହ ବିକାଶଶୀଳ ରାଜ୍ୟ ତଥା ଦେଶକୁ ବିକଶିତ ରାଜ୍ୟ ତଥା ଦେଶରେ ପରିଣତ କରିବାରେ ଗଣମାଧ୍ୟମର ଭୂମିକା ସର୍ବାଗ୍ରେ ରହିବ ବୋଲି କହିଥିଲେ । ସମ୍ମାନିତ ଅତିଥି ଶ୍ରୀ ଶତପଥୀ ମଧ୍ୟ ସାମ୍ବାଦିକଙ୍କୁ ସବୁ କ୍ଷେତ୍ରରେ ଅଗ୍ରସର ହୋଇ କାର୍ଯ୍ୟ କରିବାକୁ ପ୍ରେରଣା ଦେଇଥିଲେ । ରାଜ୍ୟ ସମ୍ପାଦକ ଶ୍ରୀ ମହି ଓଡ଼ିଶା ଡିଜିଟାଲ ମିଡ଼ିଆ ମହାସଂଘର ଗୁରୁତ୍ୱ ସମ୍ପର୍କରେ ସୂଚନା ଦେବା ସହ ସମସ୍ତେ ମିଳିମିଶି କାର୍ଯ୍ୟ କରି ଜିଲ୍ଲା ସଭାପତି ଅମରେନ୍ଦ୍ର ପଟ୍ଟନାୟକ ଏବଂ ରାଜ୍ୟ ସଭାପତି ମନୋଜ ଶତପଥୀଙ୍କ ହାତମୁଠାକୁ ସଶକ୍ତ କରିବାକୁ ଆହ୍ୱାନ ଦେଇଥିଲେ । ଅନ୍ୟ ପକ୍ଷରେ ଜିଲ୍ଲା ସଭାପତି ଅମରେନ୍ଦ୍ର କୁମାର ପଟ୍ଟନାୟକ ସାମ୍ବାଦିକ ମାନଙ୍କୁ ସଠିକ୍ ଖବର ପରିବେଷଣ କରିବା ଉପରେ ଗୁରୁତ୍ୱ ଦେଇଥିବା ବେଳେ ଉପସଭାପତି ସୁବ୍ରତ କୁମାର ଦାଶ ଏବଂ ନିଗମାନନ୍ଦ ପଣ୍ଡା ମଧ୍ୟ ସାମ୍ବାଦିକ ମାନଙ୍କୁ ଗୋଟିଏ ଫୁଲର ମାଳ ପରି ଏକଜୁଟ ରହିବାକୁ ପରାମର୍ଶ ଦେଇଥିଲେ । ରାଜ୍ୟ ସାଂଗଠନିକ ସମ୍ପାଦକ ଶ୍ରୀ ମହି, ଭଞ୍ଜନଗର ପୌରାଧ୍ୟକ୍ଷଙ୍କୁ ଓଡ଼ିଶା ଡିଜିଟାଲ ମିଡ଼ିଆ ମହାସଂଘର ଗଞ୍ଜାମ ଶାଖାର ଉପଦେଷ୍ଟା ଭାବରେ ରହିବାକୁ ପ୍ରସ୍ତାବ ଦେଇଥିବା ସ୍ଥଳେ ଶ୍ରୀ ମହାପାତ୍ର ତାହାକୁ ସ୍ବୀକାର କରିଥିଲେ । ଆଜିର କାର୍ଯ୍ୟକ୍ରମକୁ ସଦସ୍ୟ ଅରକ୍ଷିତ ପରିଛା ସଂଯୋଜନା କରିଥିବା ବେଳେ ବରିଷ୍ଠ ସାମ୍ବାଦିକ ଜୟକୃଷ୍ଣ ପଟ୍ଟନାୟକ ସ୍ୱାଗତ ଭାଷଣ ଦେଇଥିଲେ । ଆଜିର କାର୍ଯ୍ୟକ୍ରମରେ ଗଞ୍ଜାମ ଜିଲ୍ଲାର ବିଭିନ୍ନ ବ୍ଲକ୍ ରୁ ଓଡ଼ିଶା ଡିଜିଟାଲ ମିଡ଼ିଆ ମହାସଂଘର ଅନ୍ୟାନ୍ୟ ସଦସ୍ୟଙ୍କ ମଧ୍ୟରେ ଦୀପକ କୁମାର ଚୌଧୁରୀ, ମନୋଜ କୁମାର କୁଣ୍ଡ, ଶ୍ରୀବତ୍ସ ଲାଞ୍ଚନ ସାହୁ, ଶେଫାଳୀ ପଟ୍ଟନାୟକ, ଶଙ୍କର ପାଣିଗ୍ରାହୀ, ଦୁର୍ଗା ମାଧବ ମହାରଣା, ଅରୁଣ କୁମାର ପ୍ରଧାନ, ବିନାୟକ ଗୌଡ଼, ଦିଲ୍ଲୀପ କୁମାର ପଗଡ, ଲୋକନାଥ ମହାନ୍ତି, ପି. କେଦାରନାଥ ପାତ୍ର ଯୋଗ ଦେଇଥିଲେ । କାର୍ଯ୍ୟକ୍ରମ ରେ ବିନାୟକ ଗୌଡ଼, ଲୋକନାଥ ମହାନ୍ତି, ପି. କେଦାରନାଥ ପାତ୍ରଙ୍କ ସହ ଅନ୍ୟମାନେ ସହଯୋଗ କରିଥିଲେ । କାର୍ଯ୍ୟକ୍ରମରେ ଉପସ୍ଥିତ ସମସ୍ତ ସାମ୍ବାଦିକଙ୍କୁ ପୁଷ୍ପଗୁଚ୍ଛ, ଉପଢୌକନ ସହ ଶ୍ରୀ ଜଗନ୍ନାଥଙ୍କ ଫଟୋ ଚିତ୍ର ପ୍ରଦାନ କରି ସମ୍ବର୍ଦ୍ଧିତ କରାଯାଇଥିଲା । କାର୍ଯ୍ୟକ୍ରମରେ ଯାଜପୁର ଜିଲ୍ଲା ସମ୍ପାଦକ ବସନ୍ତ କୁମାର ମଲ୍ଲିକ, କାର୍ଯ୍ୟକାରିଣୀ ସଦସ୍ୟ ଜିତୁ ବେହେରା ଏବଂ ରାଜ୍ୟ ପରିଚାଳନା ପରିଷଦ ସଦସ୍ୟ ସରୋଜ କୁମାର ଧଳ ପ୍ରମୁଖ ଉପସ୍ଥିତ ରହିଥିଲେ, ସେମାନଙ୍କୁ ମଧ୍ୟ ପୁଷ୍ପଗୁଚ୍ଛ, ଉପଢୌକନ ଏବଂ ଫଟୋ ଚିତ୍ର ପ୍ରଦାନ କରାଯାଇ ସମ୍ବର୍ଦ୍ଧିତ କରାଯାଇଥିଲା । କାର୍ଯ୍ୟକ୍ରମରେ ଉପସ୍ଥିତ ସ୍ଥାନୀୟ ବିଭିନ୍ନ ବରିଷ୍ଠ ସାମ୍ବାଦିକଙ୍କୁ ମଧ୍ୟ କାର୍ଯ୍ୟକ୍ରମରେ ସମ୍ବର୍ଦ୍ଧିତ କରାଯାଇଥିଲା। କାର୍ଯ୍ୟକ୍ରମ ଶେଷରେ ଅରକ୍ଷିତ ପରିଛା ଧନ୍ୟବାଦ ଅର୍ପଣ କରିଥିଲେ।

ଓଡିଶା ତଥା ରାଉରକେଲା ହରାଇଲା ଜଣେ ମହାନ ଜନନେତା ଓ ଶ୍ରମିକଙ୍କ ସ୍ୱର। ବିଶିଷ୍ଟ ଶ୍ରମିକ ନେତା, CITU ର କେନ୍ଦ୍ରୀୟ ଉପସଭାପତି ଏବଂ ରାଜ୍ୟ ସାଧାରଣ ସମ୍ପାଦକ ବିଷ୍ଣୁ ମହାନ୍ତିଙ୍କ ଦେହାନ୍ତ ସମ୍ବାଦ ସମଗ୍ର ଓଡିଶା ତଥା ରାଉରକେଲା ପାଇଁ ଏକ ଅପୂରଣୀୟ କ୍ଷତି। ତାଙ୍କର ଶ୍ରମିକ ଅଧିକାର ପାଇଁ ଦୀର୍ଘ ସଂଗ୍ରାମ, ସମର୍ପଣ ଓ ସାମାଜିକ ଅବଦାନ ସଦା ସ୍ମରଣୀୟ ହୋଇ ରହିବ। ଏହି ଦୁଃଖଦ ଘଟଣାରେ “ସ୍ରିଷ୍ଟି ନ୍ୟୁଜ” ଓ “ପଲିଟିକାଲ ଖଟି” ପରିବାର ପକ୍ଷରୁ ଗଭୀର ଶୋକ ପ୍ରକାଶ କରାଯାଇଥିବା ସହ ଶୋକସନ୍ତପ୍ତ ପରିବାରବର୍ଗଙ୍କ ପ୍ରତି ସହାନୁଭୂତି ଜଣାଯାଇଛି। ଭଗବାନ ଦିବଙ୍ଗତ ଆତ୍ମାଙ୍କୁ ଶାନ୍ତି ପ୍ରଦାନ କରୁନ୍ତୁ।

କୋରାପୁଟ ଜିଲ୍ଲା ନନ୍ଦପୁର ବ୍ଲକ ଦେଇ ଯାଇଥିବା ଜୟପୁର-ବିଶାଖାପାଟଣା ସଂଯୋଗୀ ରାଜପଥର ବିଭିନ୍ନ ଅଞ୍ଚଳରେ ବର୍ଷାପାଣି ନିଷ୍କାସନ ପାଇଁ ଡ୍ରେନ୍ ନିର୍ମାଣ ହୋଇଛି। ଏହା ଅଳିଆ ଆବର୍ଜନାରେ ପରିପୂର୍ଣ ହୋଇ ରହିଥ‌ିବା ବେଳେ ରାସ୍ତାରେ ଛକ, ପାଡୁଆ ବଜାର, ବାଲଡ଼ା ବଜାର ଡ୍ରେନରେ ଅକ୍ତିଆ ଭତ୍ତ ରାସ୍ନାରେ ଭାସୁଛି ।ରାସ୍ତାର ନନ୍ଦପୁର ଚାଟପଦା, ବସ୍‌ଷ୍ଟାଣ୍ଡ, ତହସିଲ,ଅବକାରୀ କାର୍ଯ୍ୟାଳୟ, ଉଚ୍ଚ ବିଦ୍ୟାଳୟ, ଆଇଟିଆଇ ଆଦି ଶିକ୍ଷାନୁଷ୍ଠାନ ସମ୍ମୁଖ ଡ୍ରେନ୍ ଓ ରାସ୍ତାରେ ଦେଖ‌ିବାକୁ ମିଳୁଛି। ଡ୍ରେନ୍ ଓ ରାସ୍ତା ନିର୍ମାଣ କରିଥିବା ପୂର୍ବ ବିଭାଗ, ନିଜ ଅଞ୍ଚଳରେ ସ୍ବଚ୍ଛତା ଅଭିଯାନ କରୁଥିବା ପଞ୍ଚାୟତ, ବ୍ଲକ ପ୍ରଶାସନ, ରାସ୍ତା ପାର୍ଶ୍ଵରେ ଗୃହ ଓ ବ୍ୟବସାୟିକ ପ୍ରତିଷ୍ଠାନ ଆଦି ନିର୍ମାଣ କରି ବ୍ୟବହାର କରୁଥିବା ମାଲିକ ଡ୍ରେନ୍ ଓ ରାସ୍ତାର ଦୂରବସ୍ଥା ଦେଖ୍ ନୀରବଦ୍ରଷ୍ଟା ସାଜୁଛନ୍ତି। ରାସ୍ତା ଓ ଡ୍ରେନ ନିର୍ମାଣକାରୀ ସଂସ୍ଥା ପୂର୍ବ ବିଭାଗ, ପଞ୍ଚାୟତ ଓ ବ୍ଲକ ପ୍ରଶାସନ ପାଣ୍ଡିତ । ସଫା କରିବା ସହ ଲୋକଙ୍କୁ ସଚେତନ କରିବାକୁ ବୁଦ୍ଧିଜୀବୀ ଅନୁରୋଧ କରିଛନ୍ତି।

ରାୟଗଡା: ରାୟଗଡା ଜିଲ୍ଲାର ଗୁଡାରି ବ୍ଲକରୁ ଆସିଥିବା ଯୁବ କ୍ରିକେଟର ଆୟୁଷା ମିଶ୍ର OCA ଆନ୍ତଃଜିଲ୍ଲା ମହିଳା କ୍ରିକେଟ ଟୁର୍ନାମେଣ୍ଟ ୨୦୨୬ ପାଇଁ ଚୟନିତ ହୋଇଛନ୍ତି। ଏହି ଟୁର୍ନାମେଣ୍ଟ କଟକରେ ଅନୁଷ୍ଠିତ ହେବାକୁ ଯାଉଛି। ଓଡ଼ିଶା କ୍ରିକେଟ ଆସୋସିଏସନ (OCA)ର ଚୟନ କମିଟି ଦ୍ୱାରା ୧୫ ଜଣିଆ ଦଳରେ ଆୟୁଷାଙ୍କୁ ସ୍ଥାନ ମିଳିଛି। ସେ ଗଞ୍ଜାମ ଜିଲ୍ଲା ଟିମ ପକ୍ଷରୁ ଏହି ପ୍ରତିଯୋଗିତାରେ ଅଂଶଗ୍ରହଣ କରିବେ। ଆୟୁଷା ମିଶ୍ର, ମିନତ ମିଶ୍ର (ମିନୁ)ଙ୍କ ଝିଅ, ତାଙ୍କର ଏହି ସଫଳତା ଦ୍ୱାରା ଗୁଡାରି ଅଞ୍ଚଳ ପାଇଁ ଗୌରବ ଆଣିଛନ୍ତି। ସ୍ଥାନୀୟ ଅଞ୍ଚଳରେ ଏହାକୁ ନେଇ ଖୁସିର ଲହରି ଦେଖାଦେଇଛି। ଆୟୁଷାଙ୍କ ଉଜ୍ଜ୍ୱଳ ଭବିଷ୍ୟତ ପାଇଁ ସମସ୍ତେ ଶୁଭେଚ୍ଛା ଜଣାଇଥିବା ବେଳେ, ମା ମାଣିକେଶ୍ବରୀଙ୍କ ନିକଟରେ ପ୍ରାର୍ଥନା କରାଯାଇଛି ଯେ ସେ ଆଗାମୀ ଦିନରେ ଜାତୀୟ ଦଳରେ ସ୍ଥାନ ଲଭି ଗୁଡାରିର ନାମକୁ ଦେଶ ଓ ବିଶ୍ୱ ସ୍ତରରେ ଉଜ୍ଜ୍ୱଳ କରନ୍ତୁ।

ବିଜୁ ପଟ୍ଟନାୟକଙ୍କ ତିରୋଧାନ ଦିବସ ପାଳିତ : ଅନୁଗୋଳରେ ମାଲ୍ୟାର୍ପଣ ସହ ସ୍ମୃତିଚାରଣ ସଭା ମହାନ୍ ଜନନାୟକ, ବିଶିଷ୍ଟ ସ୍ୱାଧୀନତା ସଂଗ୍ରାମୀ ଓ ଓଡ଼ିଶାର ବରପୁତ୍ର, ପୂର୍ବତନ ମୁଖ୍ୟମନ୍ତ୍ରୀ ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ତିରୋଧାନ ଦିବସ ଅବସରରେ ଅନୁଗୋଳ ନିର୍ବାଚନ ମଣ୍ଡଳୀରେ ଗଭୀର ଶ୍ରଦ୍ଧା ସହ ପାଳନ କରାଯାଇଛି। ପ୍ରଥମେ ଅନୁଗୋଳ ସହରର ବିଜୁ ମଇଦାନ ସ୍ଥିତ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରାଯାଇଥିଲା। ପରେ ଚଣ୍ଡୀଖମଣ ଠାରେ ଏକ ସାଧାରଣ ସଭା ଓ ସ୍ମୃତିଚାରଣ ସଭା ଅନୁଷ୍ଠିତ ହୋଇଥିଲା। ସଭାରେ ବିଜୁ ବାବୁଙ୍କ ଅସାଧାରଣ ଦେଶପ୍ରେମ ଓ ଓଡ଼ିଶାର ସମଗ୍ର ବିକାଶରେ ତାଙ୍କର ଅମୂଲ୍ୟ ଅବଦାନ ବିଷୟରେ ଅତିଥିମାନେ ମତପ୍ରକାଶ କରିଥିଲେ। ଏହି ଅବସରରେ ପୂର୍ବତନ ବିଧାୟକ, ପୂର୍ବତନ ମନ୍ତ୍ରୀ ଓ ପୂର୍ବତନ ଉପ ବାଚସ୍ପତି ଶ୍ରୀଯୁକ୍ତ ରଜନୀକାନ୍ତ ସିଂହ ମୁଖ୍ୟ ଅତିଥି ଭାବେ ଯୋଗଦେଇଥିଲେ। ସେହିପରି ରାଜ୍ୟ ବିଜେଡି ପରିଷଦ ସଭ୍ୟ ମହେନ୍ଦ୍ର ବସ୍ତିଆ, ଅନୁଗୋଳ ନଗରପାଳ ଅକ୍ଷୟ କୁମାର ସାମନ୍ତ, ଅନୁଗୋଳ ବ୍ଲକ ଅଧ୍ୟକ୍ଷା ରାଜଶ୍ରୀ ସାହୁ, ବଅଁରପାଳ ବ୍ଲକ ଅଧ୍ୟକ୍ଷ ବିଜୟ କୁମାର ନାଥ, ଜିଲ୍ଲା ବିଜେଡି ଉପ ସଭାପତି ବାଉରୀ ବନ୍ଧୁ ସାହୁ ସହ ଅନ୍ୟାନ୍ୟ ଜିଲ୍ଲା ଓ ନଗର ନେତୃତ୍ୱ ଉପସ୍ଥିତ ଥିଲେ। ସେହିପରି କାଉନସିଲର ସଦାନନ୍ଦ ପଣ୍ଡା, ସୁଶୀଲ ମୁଖୀ, ଶଙ୍କର ସେଠୀ, ରଞ୍ଜିତ୍ ମଣ୍ଡୋଠିଆ, ବଳରାମ ଜେନା, ଜିଲ୍ଲା ବିଜେଡି ସମ୍ପାଦକ ନକୁଳ ସାହୁ, ଅଜିତ୍ ଦ୍ୱିବେଦୀ, ଉଚ୍ଚବ ଦେହୁରୀ, ନଗର ବିଜେଡି ସଭାନେତ୍ରୀ ମାଳିନୀ ସର, ନଗର ସଭାପତି ବୃନ୍ଦାବନ ସ୍ୱାଇଁ ଓ ପୂର୍ବତନ ବ୍ଲକ ଅଧ୍ୟକ୍ଷ ନିର୍ମଳ ଗଡ଼ନାୟକ ପ୍ରମୁଖ ଯୋଗଦେଇଥିଲେ। ବରିଷ୍ଠ ନେତା ତଥା ଜିଲ୍ଲା ପରିଷଦ ସଦସ୍ୟ ପ୍ରିୟଦର୍ଶୀ ପଟ୍ଟନାୟକ ସଭା ପରିଚାଳନା କରିଥିଲେ। ଯୁବ ବିଜେଡି ନେତା ଅରୁଣାଭ ସିଂହଙ୍କ ନେତୃତ୍ୱରେ ସମସ୍ତ କାର୍ଯ୍ୟକ୍ରମ ସୁଚାରୁ ଭାବେ ଅନୁଷ୍ଠିତ ହୋଇଥିଲା। ଏହି ଅବସର ମାଧ୍ୟମରେ ବିଜୁ ବାବୁଙ୍କ ଆଦର୍ଶ ଓ ନୀତିକୁ ଅନୁସରଣ କରି ସମାଜ ସେବା ଓ ରାଜ୍ୟର ଉନ୍ନତି ପାଇଁ ସମସ୍ତେ ସଙ୍କଳ୍ପବଦ୍ଧ ହେବାର ଆହ୍ୱାନ ଜଣାଇଥିଲେ।

ଡିଏଭି ପବ୍ଲିକ ସ୍କୁଲ,ଏମ୍. ସି.ଏଲ୍, କଳିଙ୍ଗ କ୍ଷେତ୍ରର ସି.ବି.ଏସ୍.ଇ ଦଶମ ପରୀକ୍ଷାରେ ଉଲ୍ଲେଖନୀୟ ସଫଳତା ଅନୁଗୁଳ: ତାଳଚେର ଡିଏଭି ପବ୍ଲିକ ସ୍କୁଲ ଏମ୍. ସି.ଏଲ୍, କଳିଙ୍ଗ କ୍ଷେତ୍ରର ଦଶମ ପରୀକ୍ଷା ଫଳ ପ୍ରକାଶିତ ହୋଇଛି । ଏହି ପରୀକ୍ଷାରେ ବିଦ୍ୟାଳୟର ଦଶମ ଶ୍ରେଣୀର ୨୩ ଜଣ ଛାତ୍ରଛାତ୍ରୀ ୯୫ ପ୍ରତିଶତରୁ ଊର୍ଦ୍ଧ୍ଵ ଏବଂ ୬୦ ଜଣ ଛାତ୍ରଛାତ୍ରୀ ୯୦ ପ୍ରତିଶତରୁ ଊର୍ଦ୍ଧ୍ଵ ଅଙ୍କ ରଖି ବିଦ୍ୟାଳୟ ପାଇଁ ଗୌରବ ଆଣିଦେଇଛନ୍ତି । ବିଦ୍ୟାଳୟର ଛାତ୍ର ପାର୍ଥ ପ୍ରତିମ ସାହୁ ୯୯ ପ୍ରତିଶତ ଅଙ୍କ ରଖି ପ୍ରଥମ ସ୍ଥାନ , ସୋହାମ ସ୍ୱାଇଁ ୯୮.୨ ପ୍ରତିଶତ ରଖି ଦ୍ଵିତୀୟ ସ୍ଥାନ ଓ ତୃତୀୟ ସ୍ଥାନରେ ସୋଲିନ ଶ୍ରୀନିକେତ ଏବଂ ଅଭିପ୍ସା ପ୍ରଧାନ ଉଭୟ ୯୮ ପ୍ରତିଶତ ଅଙ୍କ ରଖି କୃତିତ୍ୱ ହାସଲ କରି ସମସ୍ତଙ୍କ ମନରେ ଆନନ୍ଦର ଲହରୀ ଖେଳାଇ ଦେଇଛନ୍ତି । ବିଦ୍ୟାଳୟର ୨୩୪ ଜଣ ଛାତ୍ରଛାତ୍ରୀ ପରୀକ୍ଷା ଦେଇଥିଲେ ଶତ ପ୍ରତିଶତ କୃତକାର୍ଯ୍ୟ ହାସଲ କରିଛନ୍ତି । ୨୦୩ ଛାତ୍ରଛାତ୍ରୀ ୬୦ ପ୍ରତିଶତରୁ ଊର୍ଦ୍ଧ୍ଵ ଅଙ୍କ ରଖି ପରୀକ୍ଷାରେ ଉତ୍ତୀର୍ଣ୍ଣ ହୋଇଛନ୍ତି । ଛାତ୍ରଛାତ୍ରୀମାନେ ଉଲ୍ଲେଖନୀୟ ସଫଳତା ହାସଲ କରି ବିଦ୍ୟାଳୟକୁ ଗୌରବାନ୍ଵିତ କରିଛନ୍ତି । ବିଦ୍ୟାଳୟର ଅଧ୍ୟକ୍ଷ ତଥା ଆଞ୍ଚଳିକ ଅଧିକାରୀ ଶ୍ରୀଯୁକ୍ତ ପ୍ରଶାନ୍ତ କୁମାର ପଣ୍ଡା ମହୋଦୟ ଛାତ୍ରଛାତ୍ରୀମାନଙ୍କର ଏହି ଉଲ୍ଲେଖନୀୟ ସଫଳତାରେ ସନ୍ତୋଷ ପ୍ରକାଶ କରି ଛାତ୍ରଛାତ୍ରୀ, ଅଭିଭାବକ ଏବଂ ଶିକ୍ଷକ ଶିକ୍ଷୟିତ୍ରୀଙ୍କୁ ଧନ୍ୟବାଦ ଅର୍ପଣ କରିଛନ୍ତି ଓ ଅଭିନନ୍ଦନ ଜଣାଇଛନ୍ତି ।

​ସକାଳ ୭ଟାରୁ ଦିପହର ୧ଟା ପର୍ଯ୍ୟନ୍ତ (ବିନା ମଧ୍ୟାହ୍ନ ଭୋଜନ ବିରତିରେ) ଅଫିସ୍ କାର୍ଯ୍ୟ ସମୟ ଧାର୍ଯ୍ୟ କରାଯାଇଛି। ଏହା ଏପ୍ରିଲ ୧୦ ତାରିଖରୁ ଆରମ୍ଭ ହୋଇ ପରବର୍ତ୍ତୀ ନିର୍ଦ୍ଦେଶନାମା ପର୍ଯ୍ୟନ୍ତ ବଳବତ୍ତର ରହିବ। ପ୍ରଖର ଖରାରୁ ରକ୍ଷା ପାଇବା ପାଇଁ ନାଗରିକମାନଙ୍କୁ ସକାଳ ସମୟରେ ନିଜର ସରକାରୀ କାର୍ଯ୍ୟ ସମ୍ପାଦନ କରିବାକୁ ଅଧିକାରୀମାନେ ପରାମର୍ଶ ଦେଇଛନ୍ତି। ​କଳାହାଣ୍ଡି ଭଳି ଅନ୍ୟାନ୍ୟ ଜିଲ୍ଲାଗୁଡ଼ିକରେ ମଧ୍ୟ ଜୁନ୍ ମଧ୍ୟଭାଗ ପର୍ଯ୍ୟନ୍ତ ସମାନ ଧରଣର ସକାଳୁଆ ଅଫିସ୍ ସୂଚୀ ଲାଗୁ କରାଯାଇଛି। କାରଣ ବୌଦ୍ଧ, ବଲାଙ୍ଗୀର ଏବଂ ଝାରସୁଗୁଡ଼ା ଭଳି ପଶ୍ଚିମ ଓ ଆଭ୍ୟନ୍ତରୀଣ ଓଡ଼ିଶାର ଅଞ୍ଚଳଗୁଡ଼ିକରେ ତାପମାତ୍ରା ୪୦°C ରୁ ଅଧିକ ହେବାର ପୂର୍ବାନୁମାନ କରାଯାଇଛି। ​ ମାର୍ଚ୍ଚ ଶେଷ ସପ୍ତାହରେ ଓଡ଼ିଶା ଶ୍ରମ ଓ ସମାଜ ମଙ୍ଗଳ ବିଭାଗ ପକ୍ଷରୁ ଜାରି ପରାମର୍ଶ ଅନୁଯାୟୀ, ଅଂଶୁଘାତ ରୋକିବା ପାଇଁ ଏପ୍ରିଲ ୧ ରୁ ଜୁନ୍ ୧୫ ପର୍ଯ୍ୟନ୍ତ ସମସ୍ତ ସରକାରୀ, ବେସରକାରୀ, ଶିଳ୍ପ ଏବଂ ନିର୍ମାଣ କ୍ଷେତ୍ରରେ ଦିନ ୧୧ଟାରୁ ଅପରାହ୍ନ ୩ଟା ପର୍ଯ୍ୟନ୍ତ ବାହାରେ କାମ କରିବା ଉପରେ କଟକଣା ଲଗାଯାଇଛି। ସ୍ଥାନୀୟ ସ୍ଥିତିକୁ ପରଖି ଜିଲ୍ଲାପାଳମାନଙ୍କୁ ଅଧିକ କଠୋର ପଦକ୍ଷେପ ନେବା ପାଇଁ କ୍ଷମତା ପ୍ରଦାନ କରାଯାଇଛି। ଗ୍ରୀଷ୍ମ ପ୍ରବାହର ପ୍ରଭାବ କମାଇବା ପାଇଁ ସମସ୍ତ ସରକାରୀ, ସରକାରୀ ଅନୁଦାନ ପ୍ରାପ୍ତ ଏବଂ ବେସରକାରୀ ସ୍କୁଲଗୁଡ଼ିକର ସମୟ ସକାଳ ୬:୩୦ ରୁ ୧୦:୩୦ ପର୍ଯ୍ୟନ୍ତ ପରିବର୍ତ୍ତନ କରାଯାଇଛି। ଗ୍ରୀଷ୍ମକାଳୀନ ଛୁଟି ଆରମ୍ଭ ହେବା ପର୍ଯ୍ୟନ୍ତ ଏହି ନିୟମ ଲାଗୁ ରହିବ।

ଖୋର୍ଦ୍ଧା: ଅବକାରୀ ବିଭାଗ ପକ୍ଷରୁ ଆଜି ଦୁଇଟି ସ୍ଥାନରେ ଚଢଉ କରାଯାଇ ୧କୁଇଁଟାଲ ୬୯ କେଜି ଗଞ୍ଜେଇ ଜବତ କରାଯାଇଛି । ଏହି ଘଟଣାରେ ୩ଜଣଙ୍କୁ ଅବକାରୀ ବିଭାଗ ଗିରଫ କରିଛି । ଗିରଫମାନେ ହେଲେ ଜଟଣୀ ଥାନା ଅନ୍ତର୍ଗତ ଗଜପତିନଗର ର କାଳୁଚରଣ ଦାସ (୪୫), କନ୍ଧମାଳ ଜିଲ୍ଲା ଲହବାଡି ର ମହେଶ ମଲ୍ଲିକ (୨୧) ଓ ବଇଡା ର ପ୍ରକାଶ ପ୍ରଧାନ (୩୮) । ଏମାନଙ୍କ ଠାରୁ ଗଞ୍ଜେଇ ସମେତ ଏକ କାର ଓ ଟାଟାଏସିଇ ଗାଡିକୁ ଜବତ କରାଯାଇଛି ।ପ୍ରକାଶଥାଉକି, ଟାଙ୍ଗୀ ଅବକାରୀ ବିଭାଗ ଛଣଗିରି ରାସ୍ତାର ଫୁଟବଲ ଖେଳପଡିଆ ସମ୍ମୁଖରୁ ନୟାଗଡ ରୁ ଜଙ୍କିଆ ଅଭିମୁଖେ ଆସୁଥିବା ଓଡି.୦୨ସିକେ-୮୭୪୩ ନଂ ବିଶିଷ୍ଟ ଗଞ୍ଜେଇ ବୋଝେଇ ଟାଟାଏସିଇ ଗାଡିକୁ ଅଟକାଇ ଯାଂଚ କରିଥିଲେ । ସେଥିରୁ ୯୬୦କେଜି ଗଞ୍ଜେଇ ଜବତ କରିବା ସହ କାଳୁଚରଣ କୁ ଗିରଫ କରିଥିଲା । ସେହିପରି ଖୋର୍ଦ୍ଧା ଅବକାରୀ ବିଭାଗ ପକ୍ଷରୁ ଖୋର୍ଦ୍ଧା ମେଡିକାଲ ଛକ ନିକଟରେ ଥିବା ପେଟ୍ରୋଲପମ୍ପ ସମ୍ମୁଖରେ ଚଢଉ କରି ଏକ କାର ଭିତରୁ ୧କୁୂଇଁଟାଲ ଗଞ୍ଜେଇ ଜବତ କରିଥିଲେ । ଗାଡିରୁ ମହେଶ ଓ ପ୍ରକାଶ କୁ ଅବକାରୀ ବିଭାଗ କରିଛି । ୨ଟି ଜବତ ଘଟଣାରେ ଜବତ ଗଞ୍ଜେଇ ଓ ଗାଡିର ମୂଲ୍ୟ ୧କୋଟି ୨୧ଲକ୍ଷ ହେବ ବୋଲି ଅବକାରୀ ସୁପରିଟେଣ୍ଡ ସୁମତୀ ତ୍ରୀପାଠୀ କାର୍ଯ୍ୟାଳୟରେ ଆୟୋଜିତ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି । ଟାଙ୍ଗୀ ଅବକାରୀ ଚଢଉରେ ଇନ୍ସପେକ୍ଟର ଅଜିତ ପାତ୍ର, ଓଆଇସି ରମେଶ ଚନ୍ଦ୍ର ବାରିକ, ଏଏସ୍ଆଇ ସମ୍ଭୁନାଥ ପାତ୍ର, ବାଲୁଗାଁ ଅବକାରୀ ବିଭାଗ ଏଏସ୍ଆଇ ରାମଚନ୍ଦ୍ର ଜେନା, କନେଷ୍ଟବଳ ଅଶେଷ ପ୍ରଧାନ, ମନୋଜ କୁମାର ଜୟସିଂ, ସସ୍ମିତା ସେଠୀ ପ୍ରମୁୂଖ ସାମିଲଥିଲେ । ସେହିପରି ଖୋର୍ଦ୍ଧା ଅବକାରୀ ଚଢଉରେ ଇନ୍ସପେକ୍ଟର ରାଧାକାନ୍ତ ଭୋଇ, ଓଆଇସି ସୁଜିତ କୁମାର ମୁଦୁଲି, ଏଏସ୍ଆଇ ସମରେନ୍ଦ୍ର ସାମନ୍ତସିଂହାର, କନେଷ୍ଟବଳ ଟିଟୁ ସାହୁ, ଚିନ୍ମୟୀ ସେଠୀ, ସନାନନ୍ଦ କୁଅଁର ଓ ପ୍ରଣବ କୁମାର କଅଁର ପ୍ରମୁଖ ସାମିଲ ହୋଇଥିଲେ ।