Web News

ଅନୁଗୁଳ: ବିଶ୍ୱ ଯୁବ କେନ୍ଦ୍ର, ବଣୀନାଳୀ, ଅନୁଗୁଳ ଦ୍ୱାରା ପରିଚାଳିତ “ଆକ୍ସେସ ଟୁ ଜଷ୍ଟିସ” କାର୍ଯ୍ୟକ୍ରମ ଅଧୀନରେ ଅନୁଗୁଳ ଜିଲ୍ଲାର ବଅଁରପାଳ ବ୍ଲକର ବିଭିନ୍ନ ପଞ୍ଚାୟତ ଓ ଗ୍ରାମରେ ଗ୍ରାମସ୍ତରୀୟ ଶିଶୁ ସୁରକ୍ଷା ଓ କଲ୍ୟାଣ ସଚେତନତା ବୈଠକ ସଫଳତାର ସହ ଆୟୋଜିତ ହୋଇଯାଇଛି। କଙ୍କିନାଳୀ, ସାନ୍ତରାପୁର, ଗଡ଼ସନ୍ତ୍ରୀ, ଭାଗବତପୁର, ଗାଙ୍ଗିଯୋଡ଼ି ଓ ବଉଳିଗଡ଼ ପଞ୍ଚାୟତ ଅନ୍ତର୍ଗତ ବଉଳିଗଡ଼, ଜୁହାରପୁର, ପୁରିକିଆ ଏବଂ ଅରାହଟ ଗ୍ରାମରେ ଏହି ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। କାର୍ଯ୍ୟକ୍ରମରେ ୱାର୍ଡ ସଦସ୍ୟ, ଅଙ୍ଗନୱାଡ଼ି କର୍ମୀ, ଆଶା କର୍ମୀ, କିଶୋରୀ ଓ କିଶୋରମାନଙ୍କ ସମେତ ସ୍ଥାନୀୟ ଲୋକଙ୍କ ସକ୍ରିୟ ଅଂଶଗ୍ରହଣ ଦେଖିବାକୁ ମିଳିଥିଲା। ବୈଠକରେ ଶିଶୁମାନଙ୍କୁ ସେମାନଙ୍କର ମୌଳିକ ଅଧିକାରରୁ ବଞ୍ଚିତ କରୁଥିବା ସମସ୍ୟାଗୁଡ଼ିକ ଯଥା ବାଲ୍ୟ ବିବାହ, ଶିଶୁ ଚାଲାଣ, ଶିଶୁ ଯୌନ ନିର୍ଯାତନା, ଶିଶୁ ଶ୍ରମ ଏବଂ ଅନ୍ୟାନ୍ୟ ବିପଦସଙ୍କୁଳ କାର୍ଯ୍ୟରେ ଶିଶୁମାନଙ୍କ ନିୟୋଜନ ଭଳି ଗୁରୁତର ବିଷୟ ଉପରେ ବିଶେଷ ଆଲୋଚନା କରାଯାଇଥିଲା। ଏହା ସହିତ ବାଲ୍ୟ ବିବାହ ଓ ଶିଶୁ ଶ୍ରମ ସମ୍ବନ୍ଧୀୟ ଭାରତୀୟ ଆଇନ, ଦଣ୍ଡବିଧାନ ଓ ନିୟମାବଳୀ ବିଷୟରେ ଉପସ୍ଥିତ ଲୋକଙ୍କୁ ସଚେତନ କରାଯାଇଥିଲା। ପ୍ରତ୍ୟେକ ଶିଶୁର ବଞ୍ଚିବାର ଅଧିକାର, ସୁରକ୍ଷାର ଅଧିକାର, ବିକାଶର ଅଧିକାର ଓ ଅଂଶଗ୍ରହଣର ଅଧିକାର ସମ୍ପର୍କରେ ବିସ୍ତୃତ ତଥ୍ୟ ପ୍ରଦାନ କରାଯାଇଥିଲା। ଏହି ସମସ୍ତ କାର୍ଯ୍ୟକ୍ରମ ବିଶ୍ୱ ଯୁବ କେନ୍ଦ୍ରର ନିର୍ଦ୍ଦେଶକ ମନୋଜ କୁମାର ମହାପାତ୍ର ଓ ପୂଜା ସ୍ୱାଇଁଙ୍କ ତତ୍ତ୍ୱାବଧାନରେ ଆୟୋଜିତ ହୋଇଥିବା ବେଳେ ପ୍ରକଳ୍ପ ସହଯୋଗୀ ଲକ୍ଷ୍ମୀ ବେହେରା ସଭାଗୁଡ଼ିକର ପରିଚାଳନା କରିଥିଲେ। ଏଭଳି ସଚେତନତାମୂଳକ କାର୍ଯ୍ୟକ୍ରମ ମାଧ୍ୟମରେ ଶିଶୁ ଅଧିକାର ସୁରକ୍ଷା ଏବଂ ଶିଶୁମାନଙ୍କ ପାଇଁ ଏକ ନିରାପଦ ଓ ସୁସ୍ଥ ସାମାଜିକ ପରିବେଶ ଗଠନ ଦିଗରେ ବିଶ୍ୱ ଯୁବ କେନ୍ଦ୍ରର ଏହି ପଦକ୍ଷେପ ପ୍ରଶଂସନୀୟ ବୋଲି ସ୍ଥାନୀୟ ଅଞ୍ଚଳରେ ମତ ପ୍ରକାଶ ପାଇଛି।

କଳାହାଣ୍ଡି ଜିଲ୍ଲା କୋକସରା ବ୍ଲକ ଆମପାଣି ଠାରେ ଆଦିବାସୀ ସଂଘ ପକ୍ଷରୁ ଭୁବେଶ୍ୱରରେ ସ୍ତିତ କିସ୍ ଶିକ୍ଷାନୁଷ୍ଠାନର ରୋମାନୀୟୋ ଫେରନ୍ତା ଛାତ୍ରଛାତ୍ରୀ ମାନଙ୍କୁ ସ୍ୱାଗତ ସମ୍ବର୍ଦ୍ଧନା କାର୍ଯ୍ୟକ୍ରମ ଅନୁଷ୍ଟିତ ହୋଇଥିଲା। ଛାତ୍ରଛତ୍ରୀମାନେ ଓଡ଼ିଶାରୁ ରୋମାନିୟା ଯାତ୍ରା କରି ସେଠାରେ ଅନୁଷ୍ଟିତ ଏକ ନାଟକ ସମ୍ବିଲାନିରେ ଯୋଗ ଦେଇ ଇଂରାଜୀ ସାହିତ୍ୟର ଲେଖକ ସେକ୍ସପିୟରଙ୍କ ନନାଟକ ର କଥାବସ୍ତୁ ଉପରେ ଆଧାରିତ ରୋମିୟୋ ଜୁଲିଅଟ ଓ ଅନ୍ୟ କାହାଣୀ ରେ ଅଭନୟ କରି ଓଡିଶାକୁ ଗର୍ବ ଓ ଗୌରବ ଆଣିଥିବାରୁ ଅନେକ ସଂଘଠନ ସ୍ଥାନେ ସ୍ଥାନେ ସ୍ୱାଗତ କରୁଥିବା ଦେଖିବାକୁ ମିଳିଛି। ଏହି ପରିପ୍ରେକ୍ଷରେ ଆମପାଣିରେ ଆଦିବାସୀ ସଂଘ ପକ୍ଷରୁ ବୁଢ଼ାରଜା ମନ୍ଦିରଠାରେ ଏକ ଭବ୍ୟ ସ୍ୱାଗତ ସମ୍ବର୍ଦ୍ଧନା କରିଥିବାବେଳେ ଜନସମାଗମରେ ଗାଁ ପୁରିଉଠିଥିବା ଦେଖିବାକୁ ମିଳୁଛି।

ରାଜକନିକା ଭାଷା ସାହିତ୍ୟ ହିଁ ଗୋଟେ ଜାତିର ବିକାଶର ବାର୍ତ୍ତା ଦେଇଥାଏ, ମା ମାଟି ମନସ୍କ ହୋଇ ନିଜ ଅଞ୍ଚଳର ପ୍ରଗତି ଓ ସ୍ୱାଭିମାନକୁ ବଞ୍ଚାଇ ଆଜି ୫୭ ବର୍ଷରେ ନିଜର କାୟାକୁ ମଣିଷ ତିଆରିରେ ମଗ୍ନ ରଖିଥିବାରୁ ଏ ମାଟି ମହାନ ବୋଲି ତରାସ ନୋଡାଲ ହାଇସ୍କୁଲର ସୁବର୍ଣ୍ଣ ଜୟନ୍ତୀର ୩ ଦିନିଆ ସମାରୋହର ଉଦଘାଟନୀ ଦିବସରେ ମତପ୍ରକାଶ ପାଇଛି। ସୁବର୍ଣ୍ଣ ଜୟନ୍ତୀ ସମାରୋହର ଉଦଘାଟନୀ ଉତ୍ସବରେ ମୁଖ୍ୟଅତିଥି ଭାବେ ସମାଜସେବୀ ଜଗଦାନନ୍ଦ, ମୁଖ୍ୟଵକ୍ତା ଭାବେ ବରିଷ୍ଠ ସାମ୍ବାଦିକ ପ୍ରଦ୍ୟୁମ୍ନ ଶତପଥି,ବିଶିଷ୍ଟ ଅତିଥି ଭାବେ ଡ଼ଃ ଦେବୀପ୍ରସନ୍ନ ପଟ୍ଟନାୟକ, ସମ୍ନାନୀତ ଅତିଥି ଭାବେ ଶିକ୍ଷାବିତ କାଳୀପ୍ରସାଦ ନାୟକ ପ୍ରମୁଖ ଯୋଗ ଦେଇ ଗ୍ରାମାଞ୍ଚଳର ଏଭଳି ଶିକ୍ଷାନୁଷ୍ଠାନର ଗାରିମାମୟ ଜୟଯାତ୍ରା ଏ ମାଟିକୁ ଧନ୍ୟ କରିଛି ବୋଲି ମତ ପ୍ରକାଶ କରିଥିଲେ। ଆଜି ପୂର୍ବାହ୍ନ ୮ ଟା କଳସ ଶୋଭାଯାତ୍ରା, ମଶାଲ ଯାତ୍ରା ପରେ ସୁବର୍ଣ୍ଣ ଜୟନ୍ତୀ ସମାରୋହର ପତାକା ଉତ୍ତୋଳନ କରିବା ପରେ ବିଦ୍ୟାଳୟ ପରିସରରେ ବିଦ୍ୟାଳୟର ସ୍ଥପତି ରବି ନାରାୟଣ ଜେନାଙ୍କ ପୂର୍ଣ୍ଣାବୟବ ପ୍ରତିମୂର୍ତ୍ତି, ରଘୁନାଥ ଓ ସୀତାଦେବୀଙ୍କର ଆବକ୍ଷ ପ୍ରତିକୃତିକୁ କେନ୍ଦ୍ରାପଡ଼ା ସାଂସଦ ଉନ୍ମୋଚନ କରିବା ସହ ବୃକ୍ଷରୋପଣ ଓ ସୁବର୍ଣ୍ଣ ଜୟନ୍ତୀ ମୁଖପତ୍ର `କୃତିକା ` ଉନ୍ମୋଚନ କରାଯାଇଥିଲା। ସେହିପରି ଅପରାହ୍ନ ୪ ଘଟିକାର ଦ୍ଵିତୀୟ ଅଧିବେଶନରେ ସନ୍ଧ୍ୟାରାଣୀ ମଲ୍ଲିକଙ୍କ ସଭାପତିତ୍ୱ ଓ ସତ୍ୟନାରାୟଣ ଜେନାଙ୍କ ସଂଯୋଜନାରେ ଆୟୋଜିତ ସଭାରେ ଓଡିଶା ହାଇକୋର୍ଟର ବିଚାରପତି ଜଷ୍ଟିସ ସି ଆର ଦାସ, ମୁଖ୍ୟଵକ୍ତା ଭାବରେ ଉତ୍କଳ ବିଶ୍ଵବିଦ୍ୟାଳୟର କୁଳପତି ପ୍ରଫେସର ଚଣ୍ଡୀ ପ୍ରସାଦ ନନ୍ଦ,ସମ୍ମାନିତ ଅତିଥି ଭାବରେ ଶିକ୍ଷାବିତ ଡ଼ଃ ପ୍ରଶାନ୍ତ କୁମାର ରାଉତ, ପ୍ରଧାନ ଶିକ୍ଷୟତ୍ରୀ ରଞ୍ଜିତା ସାମଲ ପ୍ରମୁଖ ତରାସ ହାଇସ୍କୁଲ ଓ ୫୭ ବର୍ଷର ଶିକ୍ଷାଦାନ ଭିତ୍ତିରେ ବଦଳୁଥିବା ମାନବୀୟ ଆକର୍ଷଣ ବିକାଶ ପାଇଁ ଆହ୍ୱାନ ଦେଇଥିଲେ। ପୁରାତନ ଛାତ୍ର ସଂସଦ ତରଫରୁ ଆୟୋଜିତ ଏହି ତିନିଦିନିଆ ଉତ୍ସବରେ ପୂର୍ବତନ ଶିକ୍ଷକ ନନ୍ଦକିଶୋର ପରିଜା, ଶଙ୍କର୍ଷଣ ସାମଲ, କାଳୀ ପ୍ରସାଦ ନାୟକ, ସ୍ୱର୍ଗତ ବନମାଳୀ ପଣ୍ଡା, କର୍ମଚାରୀ ସ୍ୱର୍ଗତ ଜଗନ୍ନାଥ ଦଳାଇ, ଭାଗିରଥୀ ରାଉତ ଙ୍କୁ ସମ୍ବର୍ଦ୍ଧିତ କରାଯାଇଥିଲା। ପୁରାତନ ଛାତ୍ର ସଂସଦ ସଭାପତି ବିଜୟ କୁମାର ନାୟକ, ସମ୍ପାଦକ ସର୍ବେଶ୍ୱର ସାମଲଙ୍କ ନେତୃତ୍ୱରେ ୫୬ ବର୍ଷର ପୁରାତନ ଛାତ୍ର ଛାତ୍ରୀଙ୍କ ଗହଣରେ ସନ୍ଧ୍ୟାରେ ଛାତ୍ର ଛାତ୍ରୀ ମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମରେ ସଙ୍ଗୀତ ଓ ନାଟକ ପରିବେଷଣ କରାଯାଇଥିଲା

ରାଜକନିକା,୧୨/୬(ସପ୍ର):ଶୁକ୍ରବାର ଦିନ ରାଜକନିକା ବ୍ଲକ ଗସ୍ତରେ ବିଜେପି ରାଷ୍ଟ୍ରୀୟ ଉପାଧ୍ୟକ୍ଷ ତଥା କେନ୍ଦ୍ରାପଡା ସାଂସଦ ବୈଜୟନ୍ତ ପଣ୍ଡା।ପ୍ରଥମେ ସାଂସଦ ରାଜକନିକାରେ ପହଁଚିବା ପରେ ବିଜେପି କର୍ମୀମାନେ ତାଙ୍କୁ ପୁଷ୍ପଗୁଛ ଓ ଉତ୍ତରୀୟ ଦେଇ ସ୍ୱାଗତ କରିଥଲେ।ପରେ କାଟଣା ବଣିଆ ପଞ୍ଚାୟତ ସ୍ଥିତ ବାବା କପିଳେଶ୍ୱର ମହାଦେବ ମନ୍ଦିର ପରିସରରେ ଅନୁଷ୍ଠିତ ସ୍ଵଛତା କାର୍ଯ୍ୟକ୍ରମ ରେ ଯୋଗଦେଇ ଦଳୀୟ କର୍ମୀଙ୍କ ସହ ମିଶି ମନ୍ଦିର ଚତୃପାର୍ଶ୍ୱ ସଫେଇ କରିଥିଲେ ସାଂସଦ ବୈଜୟନ୍ତ ପଣ୍ଡା।ପରେ ପରେ ତରାସ ନୋଡାଲ ହାଇସ୍କୁଲର ସୁବର୍ଣ୍ଣ ଜୟନ୍ତୀ କାର୍ଯ୍ୟକ୍ରମରେ ଯୋଗଦେଇ ସ୍କୁଲର ପ୍ରତିଷ୍ଠାତା ସ୍ୱର୍ଗତ ରବିନାରାୟଣ ଜେନା, ସୀତା ଦେବୀ ଓ ରଘୁ ନାଥଙ୍କ ପ୍ରତିମୂର୍ତ୍ତି ଉନ୍ମେଚନ କରିଥିଲେ।ଏଥି ସହିତ କୋଇଲିପୁର ଠାରେ ଏକ ପାର୍ଟି କାର୍ଯ୍ୟଳୟ ମଧ୍ୟ ଉଦଘାଟନ କରିଥିଲେ।ଏହି ଅବସରରେ ରାଜକନିକା ଅଞ୍ଚଳର ପ୍ରତିଭାବାନ ବ୍ୟକ୍ତିଵିଶେଷ,ଡାକ୍ତର, ବୁଣାକାର, ସଫଳଚାଷୀ,ଶିକ୍ଷାବିତ, ଶିଳ୍ପୀ, ଓ କୁଟୁର ଶିଳ୍ପ ଆଦି କ୍ଷେତ୍ରରେ ଉଲ୍ଲେଖନୀୟ କାର୍ଯ୍ୟକରିଥିବା ବ୍ୟକ୍ତିମାନଙ୍କ ଘରକୁ ଯାଇ ସାଂସାଦ ସମ୍ବର୍ଦ୍ଧିତ କରିଥିଲେ।ଏହାପରେ କୋଠସାହି ଠାରେ ଥିବା ଏକ ଘରେଇ ମଣ୍ଡପରେ ଅନୁସୂଚିତ ଜାତି ଓ ଜନଜାତି ବର୍ଗର ଲୋକମାନଙ୍କ ସହ କେନ୍ଦ୍ରୀୟ ଯୋଜନା ସମ୍ପର୍କରେ ଆଲୋଚନା କରିଥିଲେ।ଏହି କାର୍ଯ୍ୟକ୍ରମରେ କେନ୍ଦ୍ରାପଡ଼ା ବିଜେପି ଜିଲ୍ଲା ସଭାପତି ଶଶାଙ୍କ ଶେଖର ସେଠି,ଆଳି ନିର୍ବାଚନ ମଣ୍ଡଳୀର ବିଜେପି ନେତା କୃଷ୍ଣ ଚନ୍ଦ୍ର ପଣ୍ଡାଙ୍କ ସମେତ ବହୁ ବିଜେପି ନେତା ଓ କର୍ମୀ ମାନେ ଉପସ୍ଥିତ ଥିବା ଦେଖିବାକୁ ମିଳିଥିଲା।

ବରଗଡ଼: ବରଗଡ଼ ଜିଲ୍ଲା ବିଜେପୁର ଥାନା ଅନ୍ତର୍ଗତ ସମଲେଇପଦର ନିକଟସ୍ଥ ଜଙ୍ଗଲରେ ଥିବା ଏକ ପରିତ୍ୟକ୍ତ କୂଅରୁ ଯୁବକଙ୍କୁ ୪ ଦିନ ପରେ ଜୀବିତ ଉଦ୍ଧାର କରାଯିବା ଘଟଣାର ପର୍ଦ୍ଦାଫାଶ କରିଛି ପୋଲିସ। ଏହି ଘଟଣାରେ ସଂପୃକ୍ତ ୪ ଜଣ ଅଭିଯୁକ୍ତଙ୍କୁ ପୋଲିସ ଗିରଫ କରି ଶନିବାର କୋର୍ଟ ଚାଲାଣ କରିଛି। ଗିରଫ ଅଭିଯୁକ୍ତମାନେ ହେଲେ ପଦ୍ମପୁର ଶକ୍ତିନଗରର ବାବୁଲୁ ମନହୀରା, ବିଜେପୁର ଭୋଇପଡାର ଶକ୍ତି ବେହେରା, ମଧ୍ୟପଡାର ତ୍ରିନାଥ ମହାପାତ୍ର ଏବଂ ବିଜେପୁରର ମହମ୍ମଦ ଆକମଲ୍ ରଜାକ୍। ସୂଚନା ଅନୁସାରେ, ପଦ୍ମପୁର ଉପଖଣ୍ଡ ପୁରେନା ଗ୍ରାମର ତୁଳସୀରାମ ଭୁଏ ନିଖୋଜ ଥିବାବେଳେ ଗୁରୁବାର ସମଲେଇପଦର ନିକଟ ଏକ ପରିତ୍ୟକ୍ତ କୂଅ ଭିତରୁ ତାଙ୍କୁ ଉଦ୍ଧାର କରା ଯାଇଥିଲା। ତଦନ୍ତରୁ ଜଣାପଡ଼ିଛି ଯେ, ଅଭିଯୁକ୍ତମାନେ ତୁଳସୀରାମଙ୍କୁ ନିସ୍ତୁକ ମାଡ଼ ମାରିବା ପରେ ସେ ମୃତ ବୋଲି ଭାବି କୂଅ ଭିତରକୁ ଫିଙ୍ଗି ଦେଇଥିଲେ। ତେବେ ଚମତ୍କାର ଭାବେ ତୁଳସୀରାମ ୪ ଦିନ ଧରି କୂଅ ଭିତରେ ଜୀବନ ସହ ସଂଘର୍ଷ କରି ଜୀବିତ ରହିଥିଲେ। ଉଦ୍ଧାର ପରେ ତାଙ୍କ ବୟାନ ଓ ପୋଲିସର ତଦନ୍ତ ଆଧାରରେ ଘଟଣାର ସତ୍ୟାସତ୍ୟ ସାମ୍ନାକୁ ଆସିଥିଲା। ପୋଲିସ ମାମଲାର ଅଧିକ ତଦନ୍ତ ଜାରି ରଖିଛି।

ଏପରି ଦୃଶ୍ୟ ଦେଖିବାକୁ ମିଳିଛି ଓଡ଼ିଶା ଝାଡଖଣ୍ଡ ସୀମାନ୍ତ ବର୍ତ୍ତି ସୁନ୍ଦରଗଡ ଜିଲ୍ଲାର ବିଶ୍ରା ବ୍ଲକ୍ ଅନ୍ତର୍ଗତ ବିଶ୍ରା ଗ୍ରାମପଞ୍ଚାୟତ ଅଧୀନରେ ଥିବା ଦୁଇଟି ନଳକୂପ ଯାହାର ଭିଜୁଆଲ ଆପଣ ମାନଙ୍କୁ ଦେଖାଉଛୁ ଯାହାର ଚଳନ୍ତା ଉଦାହରଣ ହେଉଛି ବିଶ୍ରା ସାପ୍ତାହିକ ବଜାର ନିକଟରେ ଥିବା ଅଙ୍ଗନୱାଡି କେନ୍ଦ୍ର ଆଗରେ କୁନି କୁନି ଛୋଟ ପିଲାଙ୍କ ପାଇଁ ପିଇବା ର ବ୍ୟବସ୍ଥା ଥିବା ବେଳେ ଉକ୍ତ ନଳକୂପରୁ ଅଙ୍ଗନୱାଡି ଆଗରେ ଥିବା ଜୈନିକ ବ୍ୟକ୍ତି ନିଜ ଇଛାରେ ବିନା ଅନୁମତିରେ ନିଜ ଘରକୁ ଉକ୍ତ ନଳକୂପରେ ମୋଟର ଲଗାଇ ପାଣି ନେଉଥିବାରୁ ଛୋଟ ଛୋଟ କୁନି ପିଲା ମାନେ ପାଣି ପିଇବା ପାଇଁ ବଞ୍ଚିତ ହେଉଛନ୍ତି, ସେହିପରି ବିଶ୍ରା ଜାତୀୟ ରାଜପଥ ମୁଖ୍ୟ ରାସ୍ତା ବସ ଷ୍ଟାଣ୍ଡ ନିକଟରେ ଥିବା ନଳକୂପରୁ ଯାତ୍ରୀ ମାନେ ପାଣି ପିଉଥିବା ବେଳେ ଉକ୍ତ ନଳକୂପରେ ଜୈନିକ ବ୍ୟକ୍ତି ମୋଟର ଲଗାଇ ନିଜ ଘରକୁ ପାଣି ଶୋସୁଥିବା ବେଳେ ପିଇବା ପାଇଁ ରାସ୍ତାରେ ଯାଉଥିବା ଲୋକ ଓ ଯାତ୍ରୀ ମାନେ ନାହିଁ ନଥିବାର ଅସୁବିଧାର ସମ୍ମୁଖିନ ହେଉଛନ୍ତି। ସେହିପରି ଏନ୍ ଏଚ୍ ମୁଖ୍ୟ ରାସ୍ତାରେ ରତାଖଣ୍ଡି ଆମ୍ବଗଛ ଛକରେ ଥିବା ନଳକୂପକୁ ବିଭାଗୀୟ ଅଧିକାରୀ ମାନେ ରାଷ୍ଟ୍ରୀୟ ରାଜପଥ କଡରେ ଖନନ ନ କରି ଉକ୍ତ ବସ୍ତିରେ ଜୈନିକ ବ୍ୟକ୍ତିଙ୍କ ଘରେ ନଳକୂପ ଖନନ କରିଥିବାରୁ ଉକ୍ତ ବ୍ୟକ୍ତି ନଳକୂପରେ ମୋଟର ଲଗାଇ ନିଜ ଘରକୁ ପାଣି ନେଉଥିବା ବେଳେ ରାସ୍ତା କଡରେ ନଳକୂପ ନଥିବାରୁ ବାଟୋଇ ମାନେ ପାଣି ପିଇବା ପାଇଁ ହଇରାଣ ହରକତ ହେଉଛନ୍ତି, ଏ ବିଷୟରେ ସ୍ଥାନୀୟ ସରପଞ୍ଚ ମାନଙ୍କୁ ବାରମ୍ବାର ଅଭିଯୋଗ କରିବା ସତ୍ତ୍ବେ ସରପଞ୍ଚ ମାନେ କାର୍ଯ୍ୟନୁଷ୍ଠାନ ଗ୍ରହଣ ନ କରି ନୀରବ ରହୁଥିବାରୁ ସାଧାରଣରେ ସରପଞ୍ଚ ଙ୍କ ଭୂମିକା କୁ ନେଇ ସନ୍ଦେହ ସୃଷ୍ଟି ହେଉଛି। ପ୍ରସାଶନ ଏ ବିଷୟରେ ଜାଣି ସୁଦ୍ଧା କାର୍ଯ୍ୟନୁଷ୍ଠାନ ଗ୍ରହଣ କରିବା ପରିବର୍ତ୍ତେ ନୀରବ ରହୁଥିବା କେତେ ଦୂର୍ ଯଥାର୍ଥ, ସାଧାରଣ ରେ ଅଭିଯୋଗ ହେଉଛି। ଗତକାଲି ବିଶ୍ରା ସରପଞ୍ଚ ଶ୍ରୀ ସୂରଜ ନାୟକ ଥାନାରେ ହେଉଥିବା ଆଇନ୍ ଶୃଙ୍ଖଳା ସମୀକ୍ଷା ବୈଠକରେ ଉପସ୍ଥିତ ଏସପି, ଡିଆଇଜି, କୁ କୋଏଲ ନଦୀ ରୁ ପାଇପ୍ ଯୋଗେ ବିଶ୍ରା ସହରକୁ ଆସୁଥିବା ପାଣି ଚୋରି ହେଉଥିବା ଦୃଷ୍ଟି ଆକର୍ଷଣ କରିଥିବା ବେଳେ ସରକାରୀ ନଳକୂପ ରୁ ମୋଟର ଲଗାଇ ପାଣି ଚୋରି କରୁଥିବା ବିଷୟ ଦୃଷ୍ଟି ଆକର୍ଷଣ କରିଥିଲେ। ଏହାକୁ ନେଇ ଉପସ୍ଥିତ ବରିଷ୍ଠ ଅଧିକାରୀ ମାନେ କାର୍ଯ୍ୟନୁଷ୍ଠାନ ଗ୍ରହଣ କରିବେ ବୋଲି ପ୍ରତିଶୃତି ଦେଇଥିବା ଜଣା ପଡିଛି।ଦେଖାଯାଉ ସରପଞ୍ଚ ଙ୍କ ଅଭିଯୋଗ ଓ ବରିଷ୍ଠ ଅଧିକାରୀ ଙ୍କ ପ୍ରତିଶ୍ରୁତି କେବେ କାମ କରୁଛି ତାହା ହିଁ ସମୟ କହିବ।

ନୂଆଗାଁ: ସୁନ୍ଦରଗଡ଼ ଜିଲ୍ଲାର ନୂଆଗାଁ ବ୍ଲକରେ ବେଆଇନ ମଦ କାରବାରକୁ ନେଇ ପୁଣିଥରେ ଚର୍ଚ୍ଚା ଜୋର ଧରିଛି। ଗତ କିଛି ମାସ ଧରି ରାଉରକେଲା ଅବକାରୀ ବିଭାଗ ପକ୍ଷରୁ ମଦବିରୋଧୀ ଅଭିଯାନ ଜୋରଦାର କରାଯାଉଥିବା ଦେଖାଯାଉଥିବା ବେଳେ, ଏହି ଅଭିଯାନ କେବଳ ଛୋଟ ବ୍ୟବସାୟୀ ଓ ଦେଶୀ ମଦ ପ୍ରସ୍ତୁତକାରୀଙ୍କ ମଧ୍ୟରେ ସୀମିତ ରହିଥିବା ଅଭିଯୋଗ ଉଠୁଛି। ସ୍ଥାନୀୟ ଲୋକଙ୍କ ମତାନୁସାରେ, ନୂଆଗାଁ ବ୍ଲକର ଚିତାପେଡ଼ି, ତେତେରକେଲା, ବାଗଡେଗା, ବାରିଲେପଟା, ଉର୍ମେଇ, କୁଲାଗଜ, ସୋରଡ଼ା, ଖୁଟଗାଁ, ଲିଣ୍ଡ୍ରା, କୋଏଲସୂତା, ନୂଆଗାଁ, ଗୋଲଦାରୁ ଛକ, ଯୋଜଦା, ଗୋପୁର, ଅଙ୍କୁରପାଲି, କୋକେରମା, କରଡେଗା ଓ ପୁରୁଣାପାଣି ସମେତ ପ୍ରାୟ ୨୦ଟି ପଞ୍ଚାୟତର ଶତାଧିକ ଗାଁରେ ଦେଶୀ ଓ ବିଦେଶୀ ମଦର ଖୋଲା ବେପାର ଚାଲିଥିବା ଚର୍ଚ୍ଚା ହେଉଛି। ଏହାଠାରୁ ଅଧିକ ଚିନ୍ତାଜନକ ବିଷୟ ହେଉଛି, କିଛି ଅସାଧୁ ବ୍ୟବସାୟୀ ଝାରଖଣ୍ଡ, ପଶ୍ଚିମବଙ୍ଗ ଓ ବିହାର ଅଞ୍ଚଳରୁ ନକଲି ବିଦେଶୀ ମଦ ଆଣି ସ୍ଥାନୀୟ ବଜାରରେ ବିକ୍ରି କରୁଥିବା ଅଭିଯୋଗ ହେଉଛି। ଏହି ନକଲି ମଦ ବୋତଲରେ ଅସଲି ବ୍ରାଣ୍ଡ ଭଳି ଲେବୁଲ ଲଗାଯାଉଥିବାରୁ ସାଧାରଣ ଗ୍ରାହକଙ୍କ ପାଇଁ ଅସଲି ଓ ନକଲି ମଦ ଚିହ୍ନଟ କରିବା କଷ୍ଟକର ହୋଇପଡ଼ୁଛି। ସ୍ଥାନୀୟ ସୂତ୍ରରୁ ମିଳୁଥିବା ସୂଚନା ଅନୁଯାୟୀ, ବ୍ଲକର କିଛି ଅଞ୍ଚଳରେ ଗୁପ୍ତ ଡିପୋରେ ଏହି ନକଲି ମଦ ପ୍ରସ୍ତୁତ କରାଯାଇ ପରେ ବିଭିନ୍ନ ଗାଁକୁ ଯୋଗାଣ କରାଯାଉଛି। ତଥାପି ଏଭଳି ବଡ଼ ରାକେଟ ବିରୋଧରେ ଦୃଶ୍ୟମାନ କାର୍ଯ୍ୟାନୁଷ୍ଠାନ ହୋଇନଥିବାରୁ ଅବକାରୀ ବିଭାଗର ଭୂମିକାକୁ ନେଇ ପ୍ରଶ୍ନ ଉଠୁଛି। ଅଭିଯୋଗ ଅନୁସାରେ, ଗତ ୬ରୁ ୭ ମାସ ମଧ୍ୟରେ ଅବକାରୀ ବିଭାଗ କେବଳ କିଛି ଛୋଟ ଦେଶୀ ମଦ ପ୍ରସ୍ତୁତକାରୀଙ୍କୁ ଗିରଫ କରି ମାମଲା ରୁଜୁ କରିଥିବା ବେଳେ, ବଡ଼ ମଦ ବ୍ୟବସାୟୀ କିମ୍ବା ମଦ ମାଫିଆଙ୍କ ବିରୋଧରେ ସେହି ଅନୁପାତରେ କାର୍ଯ୍ୟାନୁଷ୍ଠାନ ହୋଇନାହିଁ। ଏହି ପରିପ୍ରେକ୍ଷୀରେ ନୂଆଗାଁ ଅଞ୍ଚଳରେ ବେଆଇନ ମଦ କାରବାର, ନକଲି ମଦ ପ୍ରସ୍ତୁତି ଏବଂ ଏହା ପଛରେ ଥିବା କଥିତ ମାଫିଆ ଚକ୍ର ବିରୋଧରେ ହୋଇଥିବା କାର୍ଯ୍ୟାନୁଷ୍ଠାନର ଏକ ନିରପେକ୍ଷ ତଦନ୍ତ ହେବା ଆବଶ୍ୟକ ବୋଲି ସାଧାରଣରେ ଦାବି ହେଉଛି। (ଉପରୋକ୍ତ ବିବରଣୀ ସ୍ଥାନୀୟ ଅଭିଯୋଗ ଓ ଆଲୋଚନା ଉପରେ ଆଧାରିତ, ସମ୍ପୃକ୍ତ ବିଭାଗର ପ୍ରତିକ୍ରିୟା ମିଳିଲେ ତାହାକୁ ମଧ୍ୟ ପ୍ରକାଶ କରାଯିବ)

ଖୋରଧା -୧୨/୬- ବୋଲଗଡ଼ ତହସିଲ ଅନ୍ତର୍ଗତ ଗେଡିଆପଲ୍ଲୀ ରାଜସ୍ଵ ନୀରିକ୍ଷକଙ୍କ କାର୍ଯୟାଳୟ ପରିସରରେ ମେସର୍ସ ଶ୍ରୀ ବଜରଙ୍ଗ ପାୱାର ଏବଂ ମେଟାଲିକ୍ ଲିମିଟେଡ଼ ପକ୍ଷରୁ ଏକ ଜନଶୁଣାଣୀ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଅଂଚଳ ରେ ପ୍ରଚାର ପ୍ରସାର ନକରି ହାତଗଣତି ଦୁଇଟି ସମ୍ବାଦ ପତ୍ର ରେ ବିଜ୍ଞାପନ ଦେଇ କାମ ସାରିଦେଲେ କମ୍ପାନୀ କର୍ତ୍ତ୍ତୃପକ୍ଷ। ସର୍ବସାଧାରଣ ଜନଶୁଣାଣୀ ପାଲଟିଲା ପ୍ରହସନ। କମ୍ପାନୀର କିଛି ଦଲାଲ ବିଭିନ୍ନ ପ୍ରଲୋଭନ ଦେଖେଇ ଆଣିଲେ ଶୁଣାଣି ସ୍ଥଳ କୁ ଲୋକ ମାନଙ୍କୁ, ସୁଚନା ଅନୁଯାୟୀ ବୋଲଗଡ଼ ତହସିଲ ଅନ୍ତର୍ଗତ ସାହାସପୁର ଗ୍ରାମଠାରେ ୪୦,୦୦୦ ଟିପିଏ ଟାଇଟାନିୟମ ଡାଇଅକ୍ସାଇଡ୍ ପିଗ୍ମେଣ୍ଟ ପ୍ଲାଣ୍ଟ ସହିତ ସଲଫ୍ୟୁରିକ ଏସିଡ ପ୍ଲାଣ୍ଟ (୧,୨୦,୦୦୦ ଟି ପି ଏ), ପ୍ରଡ୍ୟୁସର ଗ୍ୟାସ ପ୍ଲାଣ୍ଟ (୧୬,୦୦୦ ଏନ. ଏମ/ଘଣ୍ଟା), ବ୍ରିକ୍ସ ପ୍ଲାଣ୍ଟ (୪୦,୦୦୦ ବ୍ରିକ୍ସ୍/ଦିନ) ଏବଂ କୋ - ଜେନେରେସନ ପାୱାର ପ୍ଲାଣ୍ଟ (୧୨,୭୫ ମେଗାୱାଟ୍) ସ୍ଥାପନ ପାଇଁ ଉପଜିଲ୍ଲାପାଳ, ଖୋରଧା, ତହସିଲଦାର, ବୋଲଗଡ଼ ଏବଂ ସ୍ଥାନୀୟ ସରପଞ୍ଚଙ୍କ ଉପସ୍ଥିତିରେ ସ୍ଥାନୀୟ ଅଞ୍ଚଳର ଜନସାଧାରଣ ଙ୍କୁ ନେଇ ଆବଶ୍ୟକୀୟ ପରିବେଶ ମଞ୍ଜୁରୀ ନିମନ୍ତେ ହୋଇଥିବା ଜନଶୁଣାଣୀ କାର୍ଯ୍ୟକ୍ରମ ପାଲଟିଥିଲା ପ୍ରହସନ। ଲୋକଙ୍କର କମ୍ପାନୀକୁ ବିରୋଧ ହେତୁ କମ୍ପାନୀ ତରଫରୁ ବିଭିନ୍ନ ଗ୍ରାମର କୁଜି ନେତା ଓ ଦଲାଲଙ୍କୁ ମୋଟାଅଙ୍କର ଟଙ୍କା ଦେଇ ଲୋକମାନଙ୍କୁ ବିଭିନ୍ନ ପ୍ରକାରର ପ୍ରଲୋଭନ ଓ ମିଛ କହି କମ୍ପାନୀ ଗାଡ଼ିରେ ସଭା ସ୍ଥଳକୁ ଅଣାଯାଇଥିଲା। ଏମିତିକି ଲୋକମାନଙ୍କର ବ୍ୟକ୍ତିଗତ କାମ ଯଥା ଘରବାଡ଼ି ପଟ୍ଟା, ଭତ୍ତା, ରାସନ କାର୍ଡ ଆଦି ପାଇଁ ଅଭିଯୋଗ କରାଯିବ ବୋଲି ବିଭିନ୍ନ ଲୋକଙ୍କୁ କୁହାଯାଇଥିଲା। କାର୍ଯ୍ୟକ୍ରମ ଆରମ୍ଭରୁ କେବଳ କମ୍ପାନୀର ଦଲାଲ ମାନଙ୍କ ଛାଡ଼ି ଅନ୍ୟ ମାନଙ୍କୁ ନିଜସ୍ଵ ମତ ପ୍ରକାଶ କରିବାକୁ ସୁଯୋଗ ନମିଳିବାରୁ ଲୋକଙ୍କ ମନରେ ଅସନ୍ତୋଷ ଦେଖା ଦେଇଥିଲା। ଆଞ୍ଚଳିକ ବିକାଶ ମଞ୍ଚ ତରଫରୁ ପାଞ୍ଚ ଦଫା ଦାବି ସମ୍ବଳିତ ଯଥା, ଅଞ୍ଚଳର ଯୁବକମାନଙ୍କୁ ଯୋଗ୍ୟତା ଅନୁଯାୟୀ ନିଯୁକ୍ତି, ଅଞ୍ଚଳର ବ୍ୟବସାୟ ପ୍ରତିଷ୍ଠାନ ତଥା ପରିବହନ କ୍ଷେତ୍ରରେ ଅଞ୍ଚଳ ବାସୀଙ୍କୁ ପ୍ରାଧାନ୍ୟ, ଅଞ୍ଚଳର ଉନ୍ନତି ପାଇଁ କମ୍ପାନୀ ତରଫରୁ ପ୍ରତି ଗ୍ରାମରେ ଗ୍ରାମ୍ୟ କମିଟି ଗଠନ କରାଯାଇ ପ୍ରସ୍ତାବ ଗ୍ରହଣ ଓ କାର୍ଯ୍ୟକାରୀ କରିବା ଉପରେ ଗୁରୁତ୍ୱ ପ୍ରଦାନ, ଜନଶୁଣାଣି ପୂର୍ବରୁ କମ୍ପାନୀ ଲୋକଙ୍କୁ ପ୍ରଭାବିତ କରିବା ପାଇଁ ମନଇଛା ଅଞ୍ଚଳର ବିଭିନ୍ନ ସ୍ଥାନରେ କରିଥିବା ଜନବିରୋଧୀ କାର୍ଯ୍ୟ ଏବଂ ମିଛ ପ୍ରତିଶ୍ରୁତି ଦେଇ ଜନଶୁଣାଣୀକୁ ନିଜ ସପକ୍ଷ ରେ ଆଣିବା ପାଇଁ କରିଥିବା କାର୍ଯ୍ୟ ଯଥା ଗ୍ରୀଷ୍ମ ଦିନରେ ହୁଡ଼ାହାଣି ପୋଖରି ସୁଖେଇବା, ରାସ୍ତା,ମନ୍ଦିର ଆଦି କରିବା ପାଇଁ ୪ମାସଧରି ଗାଁ ଦାଣ୍ଡକୁ ଖୋଳି ଜନସାଧାରଣଙ୍କୁ ପ୍ରଲୋଭନ ବୁମେରାଂ ହୋଇଛି ଏହାର ଉପଯୁକ୍ତ ତଦନ୍ତ କରି ପଦକ୍ଷେପ ଗ୍ରହଣ କରିବା, କମ୍ପାନୀ କିଛି ଅସାମାଜିକ ଯୁବକଙ୍କୁ ନେଇ ଅଞ୍ଚଳରେ ଭୟ ସୃଷ୍ଟି କରିବା ଆଦିକୁ ବନ୍ଦ କରିବା ପାଇଁ ଉପଜିଲ୍ଲାପାଳଙ୍କ ମଧ୍ୟମରେ ଦାବିପତ୍ର ପ୍ରଦାନ କରାଯାଇଥିଲା ଯଦି ଏହି ଦାବିଗୁଡିକ ବିଚାରକୁ ନିଆଯାଇ ଶୀଘ୍ର ଉପଯୁକ୍ତ ପଦକ୍ଷେପ ନିଆନଯାଏ ତାହେଲେ ଆଗାମୀ ଦିନରେ ଅଂଚଳ ବାସୀଙ୍କ ସ୍ୱାର୍ଥ ଦୃଷ୍ଟିରୁ ଆନ୍ଦୋଳନକୁ ଆହୁରି ବ୍ୟାପକ କରାଯିବ ବୋଲି ବିକାଶ ମଞ୍ଚ ର ଆବାହକ ବିରଞ୍ଚି ନାରାୟଣ ସାମଲ ସୂଚନା ଦେଇଛନ୍ତି ।

ବଣାଇ ବ୍ଲକ୍ ଅନ୍ତର୍ଗତ ରୁଗୁଡ଼ା ପଞ୍ଚାୟତ ଶିହିଡିଆ ଗ୍ରାମ ରେ ଥିବା ପ୍ରସିଦ୍ଧ ଶୈବ ପୀଠ ବାବା ପଶୁପତି ନାଥ ମନ୍ଦିର ରାସ୍ତା ରେ ଏକ ଜାତୀୟ ଗ୍ରାମୀଣ ଉଦ୍ୟାନ ରହିଅଛି । ଏହି ଉଦ୍ୟାନ ଟି ଗ୍ରାମବାସୀ ଙ୍କ ଦ୍ଵାରା ଆରମ୍ଭ କରାଯାଇଥିବା ବେଳେ ଏହି ଉଦ୍ୟାନ ନିକଟରେ ରହିଛି ଏକ ବିରାଟ ଜଳାଶୟ, ଘଞ୍ଚ ଜଙ୍ଗଲ,ଓ ଚ୍ୟାକଡେମ୍ ପ୍ରତ୍ୟେକ ବର୍ଷ ଶୀତ ଦିନ ରେ ଅନେକ ପର୍ଯ୍ୟଟକ ଓ ଭକ୍ତ ମାନେ ଏହି ଠାକୁ ଆସି ପଶୂପତି ନାଥ ମନ୍ଦିର ରେ ଦର୍ଶନ କରି ଏହି ଉଦ୍ୟାନ ରେ ବଣ ଭୋଜି କରି ପ୍ରାକୃତିକ ପରିବେଶ କୁ ଉପଭୋଗ କରନ୍ତି। ଏଠାରେ ସୁବିଧାରେ ଭୋଜି କରିବା ପାଇଁ ଗ୍ରାମବାସୀ ଙ୍କ ଦ୍ଵାରା ଭୂତଳ ପାନୀୟ ଜଳ , ପିଣ୍ଡି ଓ ଜାଳେଣି କାଠ ର ବ୍ୟବସ୍ଥା ମଧ୍ୟ କରାଯାଇଛି। ଏହି ଅଞ୍ଚଳ ବସି ଦାବି କରି ଆସୁଛନ୍ତି ଯେ ଏହାର ଉନ୍ନତି ପାଇଁ ସରକାର ପଦକ୍ଷେପ ନେଲେ ଜିଲ୍ଲା ବାହାରୁ ଅନେକ ପର୍ଯ୍ୟଟକ ଆସି ପ୍ରାକୃତିକ ପରିବେଶ କୁ ଉପଭୋଗ କରିପାରବେ।

ସିନାପାଲି: ଗ୍ରାମୀଣ ବିକାଶର ସ୍ୱପ୍ନକୁ ସାକାର କରିବା ପାଇଁ ସରକାରଙ୍କ ପକ୍ଷରୁ ମନରେଗା ଓ ସିଏଫସି ଭଳି ଯୋଜନାରେ କୋଟି କୋଟି ଟଙ୍କା ବ୍ୟୟ ହେଉଥିବାବେଳେ, ନୂଆପଡ଼ା ଜିଲ୍ଲା ସିନାପାଲି ବ୍ଲକ ଅନ୍ତର୍ଗତ ମଖାପଦର ଗ୍ରାମ ପଞ୍ଚାୟତର ଲିଆଡ଼ ଗ୍ରାମରେ ଚାଲିଥିବା କେତେକ ବିକାଶମୂଳକ କାର୍ଯ୍ୟକୁ ନେଇ ଗୁରୁତର ଅନିୟମିତତାର ଅଭିଯୋଗ ସାମ୍ନାକୁ ଆସିଛି । ସୂଚନା ଫଳକ ବିନା କାର୍ଯ୍ୟ ପରିଚାଳନା, ଗୋଟିଏ ପ୍ରକଳ୍ପର ମାଟିକୁ ଅନ୍ୟ ପ୍ରକଳ୍ପରେ ବ୍ୟବହାର ଏବଂ ଶ୍ରମିକଙ୍କ ପରିବର୍ତ୍ତେ ଯନ୍ତ୍ର ଓ ଟ୍ରାକ୍ଟର ବ୍ୟବହାର ଭଳି ଅଭିଯୋଗ ଅଞ୍ଚଳରେ ଚର୍ଚ୍ଚାର ଝଡ଼ ସୃଷ୍ଟି କରିଛି । ଗ୍ରାମବାସୀଙ୍କ ସୂଚନା ଅନୁସାରେ, କପରମାଲ ଛକରୁ ଡୋଙ୍ଗରମୁଣ୍ଡା ପର୍ଯ୍ୟନ୍ତ ମନରେଗା ଯୋଜନାରେ ପ୍ରାୟ ୧୦ ଲକ୍ଷ ଟଙ୍କା ବ୍ୟୟରେ ରାସ୍ତା ନିର୍ମାଣ କାର୍ଯ୍ୟ ଚାଲିଛି । ସେହିପରି ଲିଆଡ଼ ବଡ଼ ବନ୍ଧର ଖନନ ଓ ଉନ୍ନତିକରଣ ପାଇଁ ପ୍ରାୟ ୨୫ ଲକ୍ଷ ଟଙ୍କାର କାର୍ଯ୍ୟ ଏବଂ ଗାଡୁଆଲ ଓ ଗାଧୁଆ ଟୁଥ ବନ୍ଧରେ ସିଏଫସି ପାଣ୍ଠିରୁ ପ୍ରାୟ ୪ ଲକ୍ଷ ଟଙ୍କାର କାମ ଚାଲିଥିବା ଜଣାପଡ଼ିଛି । କିନ୍ତୁ ଏତେ ବଡ଼ ଧରଣର କାର୍ଯ୍ୟ ହେଉଥିବା ସତ୍ତ୍ୱେ କୌଣସି ସ୍ଥାନରେ ସରକାରୀ ନିୟମ ଅନୁଯାୟୀ ସୂଚନା ଫଳକ ଲଗାଯାଇନଥିବା ଅଭିଯୋଗ ହୋଇଛି । ନିୟମ ଅନୁଯାୟୀ ପ୍ରକଳ୍ପର ନାମ, ବ୍ୟୟ ଅଟକଳ, କାର୍ଯ୍ୟ ଅବଧି, ଶ୍ରମଦିବସ ସଂଖ୍ୟା ଓ ଦାୟିତ୍ୱପ୍ରାପ୍ତ ଅଧିକାରୀଙ୍କ ବିବରଣୀ ସାର୍ବଜନୀନ ଭାବେ ପ୍ରଦର୍ଶିତ ହେବା ଆବଶ୍ୟକ । ମାତ୍ର ଲିଆଡ଼ରେ ଏହି ବ୍ୟବସ୍ଥାର ଅନୁପସ୍ଥିତି ସ୍ୱଚ୍ଛତା ଓ ଜବାବଦେହିତା ଉପରେ ପ୍ରଶ୍ନବାଚୀ ସୃଷ୍ଟି କରିଛି । ଅନ୍ୟପକ୍ଷରେ, ଲିଆଡ଼ ବଡ଼ ବନ୍ଧର ଖନନ କାର୍ଯ୍ୟ ସମୟରେ ବାହାରୁଥିବା ମାଟିକୁ ବନ୍ଧର ହୁଡ଼ା ସୁଦୃଢ଼ୀକରଣରେ ବ୍ୟବହାର କରିବା ପରିବର୍ତ୍ତେ ଟ୍ରାକ୍ଟର ଯୋଗେ ପରିବହନ କରାଯାଇ କପରମାଲ-ଡୋଙ୍ଗରମୁଣ୍ଡା ରାସ୍ତା କାମରେ ପକାଯାଉଥିବା ଅଭିଯୋଗ ଗ୍ରାମବାସୀ ଉଠାଇଛନ୍ତି । ଏହା ଫଳରେ ବନ୍ଧ କାର୍ଯ୍ୟର ଗୁଣବତ୍ତା ଓ ରାସ୍ତା କାମର ପ୍ରକୃତ ବ୍ୟୟକୁ ନେଇ ସନ୍ଦେହ ଘନୀଭୂତ ହୋଇଛି । ସ୍ଥାନୀୟ ଲୋକଙ୍କ ମତରେ, ମନରେଗାର ମୂଳ ଲକ୍ଷ୍ୟ ହେଉଛି ଗ୍ରାମୀଣ ଶ୍ରମିକଙ୍କୁ ରୋଜଗାର ସୁଯୋଗ ଯୋଗାଇବ । ମାତ୍ର ଏଠାରେ ଶ୍ରମିକଙ୍କ ବଦଳରେ ଟ୍ରାକ୍ଟର ଓ ଯନ୍ତ୍ରପାତିର ବ୍ୟବହାର ହେଉଥିବା ଅଭିଯୋଗ ଉଠିଥିବାରୁ ଯୋଜନାର ଉଦ୍ଦେଶ୍ୟ ହିଁ ପ୍ରଶ୍ନର ସମ୍ମୁଖୀନ ହୋଇଛି । ଯଦି ଏହି ଅଭିଯୋଗ ସତ୍ୟ ପ୍ରମାଣିତ ହୁଏ, ତେବେ ଏହା ମନରେଗା ନିୟମାବଳୀର ସିଧାସଳଖ ଉଲ୍ଲଂଘନ ବୋଲି ବିବେଚିତ ହେବ । ଏହା ସହ କାର୍ଯ୍ୟସ୍ଥଳରେ ଗାଁ ସାଥୀଙ୍କ ସ୍ୱାମୀଙ୍କ ସକ୍ରିୟ ଉପସ୍ଥିତିକୁ ନେଇ ମଧ୍ୟ ବିଭିନ୍ନ ପ୍ରଶ୍ନ ଉଠିଛି । ଗ୍ରାମବାସୀଙ୍କ ଦାବି ଅନୁଯାୟୀ, ସେ ନିୟମିତ ଭାବେ କାର୍ଯ୍ୟସ୍ଥଳରେ ରହି କାମର ତଦାରଖ କରୁଥିବା ଦେଖାଯାଉଛନ୍ତି । ଏ ସମ୍ପର୍କିତ ଫଟୋ ଓ ଭିଡିଓ ଥିବା ଦାବି ମଧ୍ୟ କରାଯାଇଛି । ତେବେ ସେ କେଉଁ ଆଧାରରେ କିମ୍ବା କେଉଁ ଅଧିକାର ବଳରେ କାର୍ଯ୍ୟରେ ସମ୍ପୃକ୍ତ ଅଛନ୍ତି, ତାହା ସ୍ପଷ୍ଟ ହୋଇନାହିଁ । ସ୍ଥାନୀୟ ଲୋକଙ୍କ ଅଭିଯୋଗ ଅନୁଯାୟୀ, ଉକ୍ତ କାର୍ଯ୍ୟଗୁଡ଼ିକର ତଦାରଖ ଦାୟିତ୍ୱରେ ପିଇଓ କ୍ଷେମ ସାଗର ସାହୁ ଏବଂ ବୈଷୟିକ ଦାୟିତ୍ୱରେ ଜେଇ ସଂଗ୍ରାମ କେଶରୀ ପରିଡା ରହିଛନ୍ତି । ତେଣୁ ଏତେ ବଡ଼ ଧରଣର କାର୍ଯ୍ୟରେ ଉଠୁଥିବା ଅଭିଯୋଗ ଉପରେ ପ୍ରଶାସନ ସ୍ପଷ୍ଟୀକରଣ ଦେବା ଆବଶ୍ୟକ ବୋଲି ଗ୍ରାମବାସୀ ମତ ପ୍ରକାଶ କରିଛନ୍ତି । ଗ୍ରାମର ସଚେତନ ନାଗରିକମାନଙ୍କ ମତରେ, ଜନସାଧାରଣଙ୍କ ଟଙ୍କାରେ ଚାଲୁଥିବା ବିକାଶମୂଳକ ଯୋଜନାରେ ସ୍ୱଚ୍ଛତା ଓ ଜବାବଦେହିତା ରହିବା ଅତ୍ୟାବଶ୍ୟକ। ତେଣୁ ଜିଲ୍ଲାପାଳ, ପିଡି-ଡିଆରଡିଏ, ସିନାପାଲି ବିଡିଓ ଏବଂ ମନରେଗା ବିଭାଗର ଉଚ୍ଚ ପଦାଧିକାରୀମାନେ ଘଟଣାର ନିରପେକ୍ଷ ତଦନ୍ତ କରି ପ୍ରକୃତ ସତ୍ୟକୁ ଲୋକଲୋଚନକୁ ଆଣିବା ସହ ଯଦି କୌଣସି ଅନିୟମିତତା ପ୍ରମାଣିତ ହୁଏ, ତେବେ ସମ୍ପୃକ୍ତ ଦାୟୀ ବ୍ୟକ୍ତି ଓ ଅଧିକାରୀଙ୍କ ବିରୋଧରେ କଠୋର ଆଇନଗତ ପଦକ୍ଷେପ ନେବାକୁ ଦାବି କରିଛନ୍ତି ।

ଭୁବନେଶ୍ୱର: ଓଡ଼ିଶା ଯୁବ ଉଦ୍ୟୋଗୀ ସଂଘ (OYEA), ଖୋର୍ଦ୍ଧା ଚାପ୍ଟର ର ପ୍ରତିଷ୍ଠା ଦିବସ ଆଜି ଭୁବନେଶ୍ୱର ସ୍ଥିତ ଗୀତା ଗୋବିନ୍ଦ ସଦନରେ ମହାଆଡମ୍ବର ରେ ପାଳିତ ହୋଇଯାଇଛି l ଏହି ଅବସରରେ ରାଜ୍ୟ ଓ କେନ୍ଦ୍ର ସରକାରଙ୍କ ବିଭିନ୍ନ ବିଭାଗ ର ବରିଷ୍ଠ ଅଧିକାରୀ, ଉଦ୍ୟୋଗୀ, ଶିଳ୍ପପତି, MSME ପ୍ରତିନିଧି ଏବଂ ଅନ୍ୟ ବିଭିନ୍ନ କ୍ଷେତ୍ରର ଅତିଥି ମାନେ ଉପସ୍ଥିତ ଥିବା ଦେଖିବାକୁ ମିଳିଥିଲା l ମୁଖ୍ୟଅତିଥି ଭାବେ ରାଜ୍ୟମନ୍ତ୍ରୀ ଗୋକୁଳା ନନ୍ଦ ମଲ୍ଲିକ ଯୋଗ ଦେଇଥିବା ବେଳେ ଅନ୍ୟତମ ଅତିଥି ଭାବେ MSME Development & Facilitation Office (MSME-DFO), ଭାରତ ସରକାରଙ୍କ ନିର୍ଦେଶକ ଓ Head of Office ପି. କେ. ଗୁପ୍ତା, KVIC ର ରାଜ୍ୟ ନିର୍ଦେଶକ ସୁବାଷ ଛେତ୍ରୀ, NSIC ଭୁବନେଶ୍ୱର ର Chief General Manager ମନୋଜ ମୋହନ ସିନ୍ହା ଏବଂ DIC ଭୁବନେଶ୍ୱର ର General Manager ସମୁଚିତା ମଲ୍ଲିକ ଯୋଗଦେଇ MSME କ୍ଷେତ୍ରରେ ଅଭିବୃଦ୍ଧି ପାଇଁ ସରକାରୀ ଯୋଜନା ଏବଂ ସହାୟତା ସମ୍ପର୍କରେ ଆଲୋଚନା କରିଥିଲେ l କାର୍ଯ୍ୟକ୍ରମରେ MSME-DFO ପକ୍ଷରୁ କ୍ଲଷ୍ଟର ଡେଭେଲପମେଣ୍ଟ ବିଷୟରେ ଏକ ସ୍ୱତନ୍ତ୍ର ସେମିନାର ର ଆୟୋଜନ କରାଯାଇ ଥିଲା l ଏହି ଅବସରରେ ସଂକଳ୍ପ ଓଡିଶା-୨୦୨୬ ର ଘୋଷଣା କରାଯାଇ ଥିଲା l ଏହି ଅବସରରେ ଜାତୀୟ ସ୍ତରୀୟ ବାଣିଜ୍ୟ ମେଳା ଏବଂ ଶିଳ୍ପ ପ୍ରଦର୍ଶନୀ କରାଯିବାର କାର୍ଯ୍ୟକ୍ରମ ଥିବା କୁହାଯାଇ ଥିଲା l ଆସନ୍ତା ୨୬ ଅଗଷ୍ଟ ରୁ ୩୦ ଅଗଷ୍ଟ ପର୍ଯ୍ୟନ୍ତ ଭୁବନେଶ୍ୱର IDCO Exhibition Ground ରେ ଏକ ପାଞ୍ଚ ଦିନିଆ ଜାତୀୟ ବାଣିଜ୍ୟ ମେଳା ଆୟୋଜନ କରିବାର ପ୍ରସ୍ତାବ ରହିଛି l ମେଳରେ Buyer-Seller Meet, B2B Networking Session, Vendor Development Programme, Startup Pavilion, Women Entrepreneur Pavilion, One District One Product ପ୍ରଦର୍ଶନୀ, GI Tagged Products ପ୍ରଦର୍ଶନୀ, Export Promotion Workshop ଏବଂ Digital Marketing Session ଓ MSME ସଚେତନତା କାର୍ଯ୍ୟକ୍ରମ ଆୟୋଜିତ ହେବ।

During enforcement against illegal sand transportation, Chhend Police Station intercepted and seized a tractor loaded with sand. Appropriate legal action has been initiated as per law. Rourkela Police remains committed to strict enforcement against illegal mining and transportation activities to protect natural resources and uphold the rule of law.