Web News

କୁଆଁରମୁଣ୍ଡା: କୁକୁଡ଼ା ନେଇ ଯାଉଥିବା ପିକଅପ୍ ଭ୍ଯାନ ଦୁର୍ଘଟଣା ଗ୍ରସ୍ତ l ବେଦବ୍ୟାସ ରୁ ରାଞ୍ଚି କୁ ଯାଉଥିବା କୁକୁଡ଼ା ପିକଅପ୍ ଭ୍ଯାନ ଭାରସାମ୍ୟ ହରାଇ ଦୁର୍ଘଟଣା ଗ୍ରସ୍ତ l ସିମେଣ୍ଟ ଡିଭାଇଡର କୁ ପିଟି ହୋଇ ଦୁର୍ଘଟଣା ହୋଇ ଥିବା ସୂଚନା l ସୁନ୍ଦରଗଡ଼ ଜିଲ୍ଲା କୁଆଁରମୁଣ୍ଡା ବାଇପାସ୍ 143 ନଂ ଜାତୀୟ ରାଜପଥରେ ଘଟିଛି ଏହି ମର୍ମନ୍ତୁଦ ସଡକ ଦୁର୍ଘଟଣାର l ଘଟଣା ସ୍ଥଳରେ କୁଆଁରମୁଣ୍ଡା ଫାଣ୍ଡି ପୁଲିସ ଓ କୁଆଁରମୁଣ୍ଡା ଅଗ୍ନିଶମ ବିଭାଗ ପହଁଚି ଗାଡି ରେ ଚାପି ହୋଇ ରହିଥିବା ଡ୍ରାଇଭର୍ କୁ ଗ୍ୟାସ୍ କଟର ରୁ କାଟି ଉଦ୍ଧାର କରିଥିଲେ l ତେବେ ଗାଡି ରେ ଡ୍ରାଇଭର୍ ସହ ତିନି ଜଣ ରହିଥିଲେ ତେବେ ଦୁର୍ଘଟଣା ହେବା ପରେ ଡ୍ରାଇଭର ସାଇଡ ରେ ବସି ଥିବା ଦୁଇ ଜଣ ଛିଟିକି ପଡିଥିଲେ ଓ ଡ୍ରାଇଭର ଗାଡି ରେ ଚାପି ହୋଇ ଯାଇଥିଲେ I ହେଲେ ଦୁର୍ଘଟଣା ଏତେ ଭୟଙ୍କର ଥିଲା ଯେ ପିକଅପ୍ ଭ୍ଯାନ ଟି ଚୂରମାର ହୋଇ ଯାଇଥିବା ଦେଖିବାକୁ ମିଳିଛି I

ଜିଲ୍ଲାରେ ଚାଷୀଙ୍କ ଦୁର୍ଦ୍ଦଶା ଚରମ ସୀମାରେ ପହଞ୍ଚିଛି। ମଣ୍ଡି ଖୋଲିଛି ସତ, ହେଲେ ଧାନ ଉଠୁନି। ମିଲର୍ସଙ୍କ ମନମାନି ଏବଂ ପ୍ରଶାସନିକ ଅବହେଳା ଯୋଗୁଁ ଏବେ ବଳିର ବୋଦା ସାଜିଛନ୍ତି ଅନ୍ନଦାତା। କୋକସରା, ଜୟପାଟଣା, କଳମପୁର ଏବଂ ଧର୍ମଗଡ଼ ଅଞ୍ଚଳର ଅନେକ ମଣ୍ଡିରେ ଏବେ ହଜାର ହଜାର କ୍ୱିଣ୍ଟାଲ ଧାନ ଖୋଲା ଆକାଶ ତଳେ ପଡ଼ି ରହିଛି। ଏପଟେ କାଳବୈଶାଖୀର ଭୟ, ସେପଟେ ମଣ୍ଡିରେ ପଡ଼ି ରହି ଧାନ ଗଜା ହେବାର ଦୁଃଖଦ ଚିତ୍ର ସାମ୍ନାକୁ ଆସିଛି।ଘର୍ମାକ୍ତ କ୍ଷେତରୁ ସୁନା ଫସଲ ଅମଳ କରି ମଣ୍ଡିକୁ ଆଣିଥିଲା ଚାଷୀ। ଭାବିଥିଲା ଦୁଇ ପଇସା ପାଇବ, ପରିବାର ପ୍ରତିପୋଷଣ କରିବ। ହେଲେ କଳାହାଣ୍ଡି ଜିଲ୍ଲାର ବିଭିନ୍ନ ମଣ୍ଡିରେ ଚାଷୀଙ୍କ ସେହି ଆଶା ଏବେ ମାଟିରେ ମିଶିବାକୁ ବସିଛି। ଜିଲ୍ଲାର କୋକସରା, ଜୟପାଟଣା, କଳମପୁର ଓ ଧର୍ମଗଡ଼ ବ୍ଲକର ପ୍ରମୁଖ ମଣ୍ଡିଗୁଡ଼ିକରେ ଧାନ ଉଠି ନପାରି ଅଚଳାବସ୍ଥା ସୃଷ୍ଟି ହୋଇଛି। ପ୍ରଶାସନର ଢିଲା ନୀତି ଏବଂ ମିଲର୍ସଙ୍କ ସ୍ୱେଚ୍ଛାଚାରିତା ଯୋଗୁଁ ଦିନ ଦିନ ଧରି ମଣ୍ଡିରେ ଜଗି ରହିଛନ୍ତି ଶହ ଶହ ଚାଷୀ। ଖାଲି ସେତିକି ନୁହେଁ, ପାଣିପାଗ ବିଭାଗର କାଳବୈଶାଖୀ ସତର୍କ ସୂଚନା ଏବେ ଚାଷୀଙ୍କ ନିଦ ହଜାଇ ଦେଇଛି। ଆକାଶରେ ମେଘ ଦେଖିଲେ ଚାଷୀଙ୍କ ଛାତି ଧଡ଼ଧଡ଼ ହେଉଛି। ମଣ୍ଡିରେ ସୁରକ୍ଷିତ ବ୍ୟବସ୍ଥା ନଥିବାରୁ, ବର୍ଷା ପାଣିରେ ଭିଜି ଅନେକ ସ୍ଥାନରେ ଧାନ ଗଜା ହେବା ଆରମ୍ଭ ହେଲାଣି। ବିକ୍ରି ନହେବା ପୂର୍ବରୁ କଷ୍ଟାର୍ଜିତ ଫସଲ ନଷ୍ଟ ହେଉଥିବା ଦେଖି ଚାଷୀଙ୍କ ଆଖିରୁ ଲୁହ ଶୁଖୁନାହିଁ। ପ୍ରଶାସନ ସବୁ ଜାଣି ସୁଦ୍ଧା କୁମ୍ଭକର୍ଣ୍ଣ ନିଦ୍ରାରେ ଶୋଇଥିବା ଅଭିଯୋଗ ହେଉଛି। ଧାନ କିଣାରେ ଏଭଳି ବ୍ୟବସ୍ଥା ଚାଷୀଙ୍କୁ ଆନ୍ଦୋଳନ ପାଇଁ ବାଧ୍ୟ କରୁଛି। ଏବେ ଦେଖିବାକୁ ବାକି ରହିଲା, ଜିଲ୍ଲା ପ୍ରଶାସନ ଓ ଯୋଗାଣ ବିଭାଗ କେବେ ଚେତୁଛି ଏବଂ ମିଲର୍ସଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରି ଚାଷୀଙ୍କ ଧାନ ଶୀଘ୍ର ଉଠାଉଛି।

ଚଳିତ ବର୍ଷ ପାଠ୍ୟପୁସ୍ତକରେ ଶତାଧିକ ନୁହେଁ, ହଜାରରୁ ଅଧିକ ତ୍ରୁଟି ଧରାପଡ଼ିବା ପରେ ଗଣମାଧ୍ୟମ ଆଗରେ ବାଇଟ ଦେଇ ଯେପରି ସାଧାରଣ ଘଟଣା ଭଳି କଥା କହୁଛନ୍ତି, ତାହା ଦେଖି ଆଶ୍ଚର୍ଯ୍ୟ ଲାଗୁଛି। ରାଜକୋଷରୁ ଲକ୍ଷାଧିକ ଟଙ୍କା ଦରମା, ସମସ୍ତ ସରକାରୀ ସୁବିଧା, ଗାଡ଼ି, କର୍ମଚାରୀ ଏବଂ ସମ୍ମାନ ନେବା ବେଳେ କୌଣସି ଅସୁବିଧା ନାହିଁ, କିନ୍ତୁ ଦାୟିତ୍ୱ ପାଳନ କରିବା ବେଳେ ଏତେ ଅବହେଳା ଓ ଖାମଖିଆଲି ମନୋଭାବ କାହିଁକି? ମଣିଷ ମାତ୍ରକେ ଭୁଲ କରେ, କିନ୍ତୁ ଯେଉଁ ଭୁଲ ସିଧାସଳଖ ଭାବେ ଲକ୍ଷ ଲକ୍ଷ ଗରିବ ପିଲାଙ୍କ ପାଠପଢ଼ା ଏବଂ ଭବିଷ୍ୟତକୁ ପ୍ରଭାବିତ କରେ, ସେହି ଭୁଲକୁ "ସାଧାରଣ ତ୍ରୁଟି" କହି ଏଡ଼ାଇ ଦେବା ଅକ୍ଷମଣୀୟ। ଏତେ ସ୍ତରର ଯାଞ୍ଚ, ଏତେ ଅଧିକାରୀ, ଏତେ ବିଶେଷଜ୍ଞ ଏବଂ କୋଟି କୋଟି ଟଙ୍କା ଖର୍ଚ୍ଚ ପରେ ମଧ୍ୟ ଯଦି ପାଠ୍ୟପୁସ୍ତକରେ ଏଭଳି ତ୍ରୁଟି ରହିଯାଏ, ତେବେ ଦାୟୀ କିଏ? ଯଦି ଜଣେ ଅଧିକାରୀ ନିଜ ପଦର ମର୍ଯ୍ୟାଦା, ଜବାବଦେହୀତା ଏବଂ ନୈତିକ ମୂଲ୍ୟବୋଧକୁ ଗୁରୁତ୍ୱ ନ ଦିଅନ୍ତି, ତେବେ କେବଳ ବାଇଟ ଦେଇ ଦାୟିତ୍ୱ ଶେଷ ହୋଇଯାଏ କି । ଓଡ଼ିଶାବାସୀଙ୍କ ଆଗରେ ସ୍ପଷ୍ଟ ଜବାବ ଦେବା, ଯେଉଁ ମାନେ ଏହି ଭୂଲ ପାଇଁ ଦୋଷୀ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବା ଏବଂ ନୈତିକତାର ଆଧାରରେ ନିଜ ପଦବୀ ରୁ ଇସ୍ତଫା ଦେବା ହିଁ ଉଚିତ ପଦକ୍ଷେପ ହେବ ନଚେତ ସରକାର ତାଙ୍କୁ ଚାକିରି ରୁ ବହିଷ୍କୃତ କରନ୍ତୁ । ଓଡ଼ିଶାର ପିଲାଙ୍କ ଭବିଷ୍ୟତ କୌଣସି ପରୀକ୍ଷାଗାର ନୁହେଁ। ଶିକ୍ଷା ବ୍ୟବସ୍ଥାରେ ଅବହେଳା ପାଇଁ "ଭୁଲ ହୋଇଗଲା" କହିଦେବା ଯଥେଷ୍ଟ ନୁହେଁ। ଦାଇତ୍ୱ ସହିତ ଜବାବଦେହୀତା ମଧ୍ୟ ଆସେ, ଏବଂ ଜବାବଦେହୀତା ନଥିଲେ ପଦ ଓ ପଦବୀର ଅର୍ଥ ମଧ୍ୟ ରହେ ନାହିଁ ଏହା ସତ୍ୟ । ଓଡ଼ିଶା ବାସୀ ବିଚାର କରନ୍ତୁ ଆମ ଛୋଟ ଛୋଟ ଛୁଆ ଙ୍କ ଶିକ୍ଷା ସହ ଖେଳଘର କାମ କରୁଛନ୍ତି ଏ IAS ମ୍ୟାଡମ ଜଣଙ୍କ ଆଙ୍କ ପାଇଁ କଣ ଆଇନରେ କିଛି ଦଣ୍ଡ ନାହିଁ ?

ଯାଜପୁର ଜିଲ୍ଲା ରସୁଲପୁର ବ୍ଲକ ଅନ୍ତର୍ଗତ ମଧୁବନ ର ଅଗ୍ରଣୀ ସ୍ବେଚ୍ଛାସେବୀ ସଂଗଠନ ବିପଦର ବନ୍ଧୁ ପରିବାର ଚାରିଟେବୁଲ ଟ୍ରଷ୍ଟ ତରଫରୁ ରସୁଲପୁର ବ୍ଲକ କୋଳଥଳ ସ୍ଥିତ ସଂସ୍କାର ଗୋଶାଳା ରେ କର୍ମକର୍ତ୍ତା ମାନେ ଗୋମାତା ଙ୍କୁ ପୂଜାର୍ଚ୍ଚନା କରିବା ସହିତ ଗୋମାତା ଙ୍କୁ ଗୋଖାଦ୍ୟ ସହିତ କଦଳୀ ପ୍ରଦାନ କରିଥିଲେ |ଏହି କାର୍ଯ୍ୟକ୍ରମ ରେ ଅଧ୍ୟକ୍ଷା ମିନତୀ ସାହୁ, ଉପାଧ୍ୟକ୍ଷ ଜନ୍ମେଜୟ ସାହୁ, ସଭାପତି ନିମାଇଁ ଚରଣ ପଣ୍ଡା, ସମ୍ପାଦକ ଗୋପାଳ ପାତ୍ର,କୋଷାଧ୍ୟକ୍ଷ ଭଗବାନ ଦାଶ, ପ୍ରତିଷ୍ଠାତା ନିହାର ରଞ୍ଜନ ଆଚାର୍ଯ୍ୟ,ଉପସଭାପତି ସଙ୍ଗୀତା ଆଚାର୍ଯ୍ୟ, ଉପଦେଷ୍ଟା ବିଷ୍ଣୁପ୍ରିୟା ପାଣି, ପୂର୍ବତନ ସଭାପତି ବସନ୍ତ କୁମାର ଶତପଥୀ, କୁଳମଣୀ ନାୟକ, ବିଦ୍ୟାଧର ସାହୁ, ପ୍ରଦୀପ ସାମଲ, ବୈକୁଣ୍ଠ ସାହୁ ପ୍ରମୁଖ ଉପସ୍ଥିତ ରହି ଗୋମାତା ଙ୍କ ସେବା ରେ ନିଜକୁ ନିୟୋଜିତ କରିଥିଲେ।

ଟିଟିଲାଗଡ଼: ଟିଟିଲାଗଡ଼ ବ୍ଲକ ବିନେକେଲା ଗ୍ରାମପଞ୍ଚାୟତ ବିନେକେଲା ଠାରେ ତୃତୀୟ ଦିବସ ଜନକଲ୍ୟାଣ ଶିବିରରେ ଆଜି ସୁଭଦ୍ରା ଶକ୍ତି ସମାବେଶ ଓ ସ୍ୱଚ୍ଛତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ଏଥିରେ ମୁଖ୍ୟ ଅତିଥି ଶ୍ରୀମତୀ ଯଜ୍ଞସେନି ସାହୁ ଏବଂ ସମ୍ମାନିତ ଅତିଥି ରୂପେ ବିଧାୟକ ପଞ୍ଚାୟତ ପ୍ରତିନିଧି ଶ୍ରୀ ଗୌରଚନ୍ଦ୍ର ହେର୍ଣ୍ଣା ଯୋଗଦାନଦେଇଥିଲେ l ଆଜିର କାର୍ଯ୍ୟକ୍ରମରେ ରାଜ୍ୟ ସରକାରଙ୍କ ତରଫରୁ ସୁଭଦ୍ରା ଯୋଜନାରେ ୧୧୦୯ଜଣ ବିନେକେଲା ଗ୍ରାମପଞ୍ଚାୟତର ନୂତନ ହିତାଧିକାରୀ ଯୋଡି ହୋଇଥିବାର ଅତିଥିମାନେ ସୂଚନା ଦେଇଥିଲେ l ଏହି କାର୍ଯ୍ୟକ୍ରମରେ ରାଜ୍ୟ ସରକାରଙ୍କ ତରଫରୁ ଦିଆଯାଇଥିବା ସ୍ମାର୍ଟ ଫୋନ ଅଙ୍ଗନୱାଡି କର୍ମୀମାନଙ୍କୁ ପ୍ରଦାନ କରାଯାଇଥିଲା l ଏହି ଜନକଲ୍ୟାଣ ଶିବିର ସୁଭଦ୍ରାଶକ୍ତି ସମାବେଶ କାର୍ଯ୍ୟକ୍ରମଟିକୁ ଗ୍ରାମପଞ୍ଚାୟତ ନିର୍ବାହୀ ଅଧିକାରୀ ଶ୍ରୀ ଲକ୍ଷ୍ମଣ ନାଏକ ପରିଚାଳନା କରିଥିବାବେଲେ ଜିଆରଏସ ମହେନ୍ଦ୍ର ଧରୁଆ ସହଯୋଗ କରିଥିଲେ l ଏହି କାର୍ଯ୍ୟକ୍ରମରେ ଗ୍ରାମପଞ୍ଚାୟତ ଅଧିନସ୍ତ ସମସ୍ତ ଅଙ୍ଗନୱାଡି କର୍ମୀ, ସିଆରପି, ୱାର୍ଡମେମ୍ବର, ନାଏବ ସରପଞ୍ଚ ମାୟାଧର ପୋଢ଼ ଏବଂ ଜନସାଧାରଣ ଉପସ୍ଥିତ ଥିଲେ l

ଭଞ୍ଜନଗର: ଭବାନୀଙ୍କ ଏକମାତ୍ର ପୁଅର ସଡ଼କ ଦୁର୍ଘଟଣାରେ ମୃତ୍ୟୁ ପରେ ଶ୍ରାଦ୍ଧରେ ଯୋଗ ଦେବାକୁ ହାଇକୋର୍ଟରୁ ମିଳିଥିଲା ଜାମିନ, ମେ ୮ତାରିଖରେ ପୁଅର ପ୍ରଥମ ଶ୍ରାଦ୍ଧ ବାର୍ଷିକୀରେ ଯୋଗଦେବା ପାଇଁ ଆବେଦନ କରି ହାଇକୋର୍ଟରୁ ୧୦ଦିନ ପାଇଁ ଗତ ମେ ୭ ତାରିଖରେ ତାଙ୍କୁ ସର୍ବମୂଳକ ଜାମିନ ମିଳିଥିଲା। ଭବାନୀଙ୍କୁ କୋର୍ଟରେ ଆତ୍ମସମର୍ପଣ କରିବାକୁ ନିର୍ଦ୍ଦେଶ ଥିଲା I କିନ୍ତୁ ଭବାନୀ ଜେଲରୁ ମୁକୁଳିବା ପରେ ଆଜି ପର୍ଯ୍ୟନ୍ତ ଆତ୍ମସମର୍ପଣ ନକରି ଫେରାର ଥିବା ଜଣାପଡିଛି।ଏହାକୁ ନେଇ କୋର୍ଟ ପକ୍ଷରୁ ଭବାନୀଙ୍କ ବିରୋଧରେ ଜାମିନ ବିହୀନ ଗିରଫ ପରୱାନା ଜାରି କରାଯାଇଛି । କେବଳ ଫେରାର ଭବାନୀଙ୍କୁ ନୁହେଁ ବରଂ ତାଙ୍କୁ ଜାମିନରେ ନେଇଥିବା ଦୁଇ ଜାମିନଦାର ନିରାକାର ସାହୁ ଓ ସନ୍ୟାସୀ ମହାନ୍ତିଙ୍କ ସମେତ ବୈଦ୍ୟନାଥପୁର ଥାନା ପୁଲିସକୁ ଆସନ୍ତା ୨୫ତାରିଖରେ ଫେରାର ଭବନୀଙ୍କୁ କୋର୍ଟରେ ହାଜର ପାଇଁ କୋର୍ଟ ନିର୍ଦେଶ ଦେଇଥିବା ସୂଚନା ମିଳିଛି।ନାବାଳିକାଙ୍କୁ ଦୁଷ୍କର୍ମ ଅଭିଯୋଗର ତଦନ୍ତ ବେଳେ ଭବାନୀଙ୍କ ହୋମିଓପାଥ୍‌କ ଡାକ୍ତରୀ ସାର୍ଟିଫିକେଟ ମଧ୍ୟ ନକଲି ବୋଲି ଜଣାପଡ଼ିବା ପରେ ପୁଲିସ ତଦନ୍ତ ଜାରି ରଖୁଛି। ଜଣେ ନାବାଳିକା ମାଗଣାରେ ରହିବା ସହ ଅଧ୍ୟୟନର ସୁବିଧା ଦେବାର ପ୍ରତିଶ୍ରୁତି ଦେଇଥିଲେ ଭବାନୀ। ଭବାନୀ ତାଙ୍କ କମାପଲ୍ଲୀସ୍ଥିତ ବାଜପେୟୀ ଆରୋଗ୍ୟମ କ୍ଲିନିକରେ ନାବାଳିକାଙ୍କୁ ମୃଦୁ ପାନୀୟରେ ନିଶା ଦେଇ ଦୁଷ୍କର୍ମ କରିଥିବା ଅଭିଯୋଗ ହୋଇଥିଲା । ପୀଡ଼ିତା ନାବାଳିକା ବୈଦ୍ୟନାଥପୁର ଥାନାରେ ଲିଖିତ ଅଭିଯୋଗ କରିଥିଲେ | ଘଟଣାର ତଦନ୍ତ କରି ପୁଲିସ ଭବାନୀ ଦାଶଙ୍କ ସମେତ ଜନୈକା ଅଙ୍ଗନୱାଡି କର୍ମୀ ଓ କ୍ଲିନିକର ସହାୟିକାଙ୍କ ସମେତ ମୋଟ ୩ଜଣଙ୍କୁ ଗିରଫ କରି କୋର୍ଟଚାଲାଣ କରିଥିଲା l

ସିନାପାଲିର ପିଏମ୍ ଶ୍ରୀ ଉଚ୍ଚ ବିଦ୍ୟାଳୟ ଖେଳ ପଡ଼ିଆରେ ଆୟୋଜିତ ସିନାପାଲି କ୍ରିକେଟ୍ କପ୍ (ନାଇଟ୍ ସର୍କଲ ଟୁର୍ଣ୍ଣାମେଣ୍ଟ) ଅଞ୍ଚଳର କ୍ରିକେଟ୍ ପ୍ରେମୀଙ୍କ ମଧ୍ୟରେ ବେଶ ଉତ୍ସାହ ସୃଷ୍ଟି କରିଛି । ଏହି ଟୁର୍ଣ୍ଣାମେଣ୍ଟର ବିଶେଷତ୍ୱ ହେଉଛି ସମସ୍ତ ମ୍ୟାଚ୍ ଲଟେରୀ ପଦ୍ଧତିରେ ଆୟୋଜିତ ହେବା, ଯାହା ଏହି ଅଞ୍ଚଳରେ ପ୍ରଥମ ଥର ପାଇଁ ଦେଖିବାକୁ ମିଳିଛି । ଗତ ୨୧ ତାରିଖରେ ଟୁର୍ଣ୍ଣାମେଣ୍ଟ ଆରମ୍ଭ ହେବାର କାର୍ଯ୍ୟସୂଚୀ ଥିଲେ ମଧ୍ୟ ଲଗାତାର ବର୍ଷା ଯୋଗୁଁ ଖେଳ ବାଧାପ୍ରାପ୍ତ ହୋଇଥିଲା । ପରେ ପାଗ ଅନୁକୂଳ ହେବା ପରେ ୨୩ ଜୁନ୍ ଠାରୁ ଖେଳ ଆରମ୍ଭ ହୋଇଥିଲା । ଟୁର୍ଣ୍ଣାମେଣ୍ଟରେ ଅନେକ ଶକ୍ତିଶାଳୀ ଦଳ ଭାଗ ନେଇଥିବାବେଳେ କରଙ୍ଗମାଳ, କରଲାପଡା ଓ କାସିବାହାଲ ଦଳ ନିଜର ଚମତ୍କାର ପ୍ରଦର୍ଶନ ଯୋଗୁଁ ତିନିଟି ଦଳ ବିଜୟୀ ହୋଇ ଉଭା ହୋଇଛନ୍ତି । ଆସନ୍ତାକାଲି ଏହି ତିନି ଦଳ ମଧ୍ୟରେ ରୋମାଞ୍ଚକର ପ୍ରତିଦ୍ୱନ୍ଦ୍ୱିତା ଦେଖିବାକୁ ମିଳିବ । ଶ୍ରେଷ୍ଠ ଦୁଇ ଦଳ ମଧ୍ୟରେ ହେବାକୁ ଥିବା ଫାଇନାଲ ମୁକାବିଲାରେ ବିଜେତା ଓ ଉପବିଜେତା ନିର୍ଦ୍ଧାରିତ ହେବେ । ଏହି ନିର୍ଣ୍ଣାୟକ ମ୍ୟାଚ୍ ଟୁର୍ଣ୍ଣାମେଣ୍ଟର ମୁଖ୍ୟ ଆକର୍ଷଣ ପାଲଟିବ ବୋଲି ଦର୍ଶକମାନେ ଆଶା ପ୍ରକାଶ କରିଛନ୍ତି । ଟୁର୍ଣ୍ଣାମେଣ୍ଟ ଉଦ୍ଘାଟନ ଓ ପରିଚାଳନା ଅବସରରେ ସିନାପାଲି ଅଞ୍ଚଳର ଅନେକ ମାନ୍ୟଗଣ୍ୟ ବ୍ୟକ୍ତି, କ୍ରୀଡ଼ାପ୍ରେମୀ ଓ ସମାଜସେବୀ ମଞ୍ଚାସୀନ ଥିଲେ । ଖେଳ ଦେଖିବା ପାଇଁ ଶହ ଶହ ସଂଖ୍ୟାରେ ଦର୍ଶକଙ୍କ ସମାଗମ ଘଟିଥିଲା ଏବଂ ରାତ୍ରିକାଳୀନ ମ୍ୟାଚ୍‌ଗୁଡ଼ିକୁ ସେମାନେ ଭରପୁର ଉପଭୋଗ କରିଥିଲେ । ଲଟେରୀ ଭିତ୍ତିକ ଅଭିନବ ପ୍ରତିଯୋଗିତା ପଦ୍ଧତି ଓ ରୋମାଞ୍ଚକର ମ୍ୟାଚ୍‌ଗୁଡ଼ିକ ଯୋଗୁଁ ସିନାପାଲି କ୍ରିକେଟ୍ କପ୍ ବର୍ତ୍ତମାନ ସମଗ୍ର ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି ।

କଲାହାଣ୍ଡି :ଜୁନାଗଡ଼ ସହର ଠାରୁ କୁରୁଗୁଡ଼ା ରାସ୍ତା ସଂକୀର୍ଣ୍ଣ ଥିବାରୁ ଆନେକ ସମୟରେ ଦୁର୍ଘଟଣା ହେଉଅଛି ।ଉକ୍ତ ରାସ୍ତା ସଦାବେଳେ ଜନଗହଳି ପୂର୍ଣ୍ଣ ତଥା ଭାରିଯାନ ଚଳାଚଳ ଅତିମାତ୍ରାରେ ହେଉଥିବାରୁ ରାସ୍ତାର ଉଭୟ ପାର୍ଶ୍ବ ସମ୍ପୂର୍ଣ୍ଣ ଖରାପ ହୋଇଗଲାଣି । ଏହା ଜୁନାଗଡ ସହରର ଏକ ମୁଖ୍ୟ ରାସ୍ତା , ଏହି ରାସ୍ତା ଦେଇ ରାଜ୍ୟ ଓ କେନ୍ଦ୍ର ଙ୍କ ଗୋଦାମ ଗୃହ , ଜୁନାଗଡ ରୋଡ ରେଲୱେ ଷ୍ଟେସନ ,ବାଳିକା ଉଚ୍ଚ ବିଦ୍ୟାଳୟ,ତହସିଲ ଅଫିସ, ପ୍ରିୟଦର୍ଶିନୀ ଇନ୍ଦିରା ଯୁକ୍ତ ଦୁଇ ଓ ଯୁକ୍ତ ତିନି ମହାବିଦ୍ୟାଳୟ,ଆଦର୍ଶ ବିଦ୍ୟାଳୟ, ଚକ୍ଷୁ ଚିକିତ୍ସାଳୟ , କୃଷି ବିଭାଗ କାର୍ଯ୍ୟାଳୟ ,ଶିଳ୍ପ ତାଲିମ କେନ୍ଦ୍ର ପରି ଅନେକ ସରକାରୀ ଅନୁଷ୍ଠାନ ଅଛି।ଶହଶହ ଛାତ୍ର ଛାତ୍ରୀ ଓ ଦଶ ରୁ ପନ୍ଦର ପଞ୍ଚାୟତ ର ଜନସାଧାରଣ ଏହି ରାସ୍ତା ଉପରେ ନିର୍ଭର ହେତୁ ଟ୍ରାଫିକ ସମସ୍ୟା ହେବା ସଙ୍ଗେ ଦୁର୍ଘଟଣା ଆଶଙ୍କା ବଢ଼ିଯାଇଛି । ଏହି ସମସ୍ୟା ବିଷୟରେ ସମାଜ ସେବୀ ଦେବରାଜ ବାଣୁଆ ,ମାନ୍ୟବର ମୁଖ୍ୟମନ୍ତ୍ରୀ ,ଓଡ଼ିଶା ସରକାରଙ୍କ ଙ୍କୁ ଦୃଷ୍ଟି ଆକର୍ଷଣ କରିଥିଲେ ଓ ରାଜ୍ୟ ସରକାର ତରଫରୁ ଶ୍ରୀ ବାଣୁଆ ଙ୍କୁ ଦେଇଥିବା ସୂଚନା ମୁତାବକ ଏହି ରାସ୍ତା କୁ ମୁଖ୍ୟମନ୍ତ୍ରୀ ସଡ଼କ ଯୋଜନାରେ ଅନ୍ତର୍ଭୁକ୍ତ କରିଛନ୍ତି ଓ ଟେଣ୍ଡର ପ୍ରକ୍ରିୟା ପରେ ଖୁବ୍ ଶୀଘ୍ର କାର୍ଯ୍ୟ ଆରମ୍ଭ ହେବ ବୋଲି ତାଙ୍କର ପତ୍ର ରେ ଉଲ୍ଲେଖ କରିଛନ୍ତି। ଏହାପୂର୍ବରୁ ଅନେକ ଥର ଟ୍ରଫିକ ସମସ୍ୟା ପାଇଁ ସ୍ଥାନୀୟ ପ୍ରଶାସନ, ପୋଲିସ ପ୍ରଶାସନ,ମିଲର୍ସ ସଂଘ,ଡ୍ରାଇଭର ସଂଘ, ରହିତ ଏକ ବୈଠକ ମଧ୍ୟ ଅନୁଷ୍ଠିତ ହୋଇଥିଲା। ରାସ୍ତା କାର୍ଯ୍ୟ ବିଳମ୍ବ ହେବାରୁ ଶୀଘ୍ର ଜଣ ଅସନ୍ତୋଷ ବଢ଼ିବାରେ ଲାଗିଛି । ଏଣୁ ଶୀଘ୍ର ସରକାରୀ ପ୍ରକିୟା ସମାପ୍ତ କରି ରାସ୍ତା ନିର୍ମାଣ କାର୍ଯ୍ୟ ଆରମ୍ଭ ହେବାକୁ ଦାବୀ ହେଉଛି।

ଭଦ୍ରକ, ୨୪/୦୬/୨୦୨୬: ଭଦ୍ରକ ଜିଲ୍ଲା ଧାମନଗର ବ୍ଲକ ଅନ୍ତର୍ଗତ ଫତେପୁର ପଞ୍ଚାୟତର ଶ୍ରୀରାମପୁର ଗ୍ରାମରେ ମା' ମଙ୍ଗଳାଙ୍କ ନୂତନ ମନ୍ଦିର ପ୍ରତିଷ୍ଠା ଉପଲକ୍ଷେ ଏକ ଭବ୍ୟ ଧାର୍ମିକ ମହୋତ୍ସବ ଆୟୋଜିତ ହୋଇଥିଲା। ଏହି ଅବସରରେ ଶତାଧିକ ଭକ୍ତଙ୍କ ସମାଗମ ହେବା ସହ ସମଗ୍ର ଅଞ୍ଚଳ ଭକ୍ତିମୟ ପରିବେଶରେ ଉତ୍ସବମୁଖର ହୋଇଉଠିଥିଲା। ମନ୍ଦିର ପ୍ରତିଷ୍ଠାକୁ ନେଇ ଗ୍ରାମରେ ଭବ୍ୟ କଳସ ଶୋଭାଯାତ୍ରା ଆୟୋଜିତ ହୋଇଥିଲା। ଗ୍ରାମ ସମେତ ଆଖପାଖ ଅଞ୍ଚଳରୁ ଶହ ଶହ ମହିଳା ମୁଣ୍ଡରେ ପବିତ୍ର କଳସ ଧାରଣ କରି ଏହି ଶୋଭାଯାତ୍ରାରେ ସାମିଲ ହୋଇଥିଲେ। କପାଳି ନଦୀରୁ ପବିତ୍ର ଜଳ ସଂଗ୍ରହ କରାଯାଇ ବାଦ୍ୟବାଜନା, ସଂକୀର୍ତ୍ତନ ଓ ବେଦମନ୍ତ୍ର ଉଚ୍ଚାରଣ ମଧ୍ୟରେ କଳସ ଶୋଭାଯାତ୍ରା ଗ୍ରାମ ପରିକ୍ରମା କରି ମନ୍ଦିର ପ୍ରାଙ୍ଗଣରେ ପହଞ୍ଚିଥିଲା। “ଜୟ ମା' ମଙ୍ଗଳା” ଓ “ହରିବୋଲ” ଧ୍ୱନିରେ ସମଗ୍ର ଅଞ୍ଚଳ ପ୍ରକମ୍ପିତ ହୋଇଉଠିଥିବା ବେଳେ ଭକ୍ତମାନଙ୍କ ମଧ୍ୟରେ ଅପାର ଉତ୍ସାହ ଓ ଆଧ୍ୟାତ୍ମିକ ଉଦ୍ଦୀପନା ଦେଖିବାକୁ ମିଳିଥିଲା। ପାରମ୍ପରିକ ରୀତିନୀତି ଅନୁସାରେ ବିଭିନ୍ନ ପୂଜାର୍ଚ୍ଚନା ଓ ଯଜ୍ଞ କାର୍ଯ୍ୟ ସମ୍ପନ୍ନ ହୋଇଥିଲା। ଏହି ମହୋତ୍ସବରେ ବହୁ ବିଶିଷ୍ଟ ବ୍ୟକ୍ତି, ଗ୍ରାମର ବୟୋଜ୍ୟେଷ୍ଠ ନାଗରିକ ଓ ଶ୍ରଦ୍ଧାଳୁମାନେ ଯୋଗଦେଇ ମା' ମଙ୍ଗଳାଙ୍କ ଆଶୀର୍ବାଦ ଲାଭ କରିଥିଲେ। ବିଶେଷ ଭାବେ ଉଲ୍ଲେଖଯୋଗ୍ୟ ଯେ, ଏହି ମନ୍ଦିର ନିର୍ମାଣ କାର୍ଯ୍ୟରେ ଗ୍ରାମର ଆଲୋକ ସ୍ୱାଇଁଙ୍କ ବୋହୂ ନିଜସ୍ୱ ଅର୍ଥ ବ୍ୟୟ କରି ଅକ୍ଳାନ୍ତ ପରିଶ୍ରମ କରିଥିଲେ। ତାଙ୍କର ଏହି ମହତ୍ ପ୍ରୟାସ ପାଇଁ ଗ୍ରାମବାସୀମାନେ ଭୁରିଭୁରି ପ୍ରଶଂସା କରିଛନ୍ତି। ମା' ମଙ୍ଗଳାଙ୍କ କୃପାରେ ଗ୍ରାମରେ ସୁଖ, ଶାନ୍ତି ଓ ସମୃଦ୍ଧି ବଜାୟ ରହୁ ବୋଲି ପ୍ରାର୍ଥନା କରି ସମସ୍ତେ ଏହି ପବିତ୍ର ମନ୍ଦିର ପ୍ରତିଷ୍ଠା ଉତ୍ସବକୁ ଆନନ୍ଦ ଓ ଶ୍ରଦ୍ଧାର ସହ ପାଳନ କରିଥିଲେ।

ରିପୋର୍ଟ: ଯଦୁମଣି ବେହେରା, ଚିଲିକା ଚିଲିକା/ଖୋର୍ଦ୍ଧା: ଖୋର୍ଦ୍ଧା ଜିଲ୍ଲାର ଜରିପଡ଼ା ଗ୍ରାମପଞ୍ଚାୟତ ଅନ୍ତର୍ଗତ ପ୍ରାଚୀନ ଓ ପ୍ରସିଦ୍ଧ ପ୍ରଭୁ ଶ୍ରୀ କେଦାରଶ୍ୱର ଦେବଙ୍କ ପୀଠରେ ସଂକଳ୍ପିତ ବୃଷଭ ବିଗ୍ରହ ପ୍ରତିଷ୍ଠା ନିମନ୍ତେ ପାରମ୍ପରିକ ବୈଦିକ ରୀତିନୀତି ଅନୁସାରେ ଶିଳାନ୍ୟାସ କାର୍ଯ୍ୟ ସମ୍ପନ୍ନ ହୋଇଛି। ଏହି ପବିତ୍ର ଅବସରରେ ଚଉଦ ପାଟଣା ଅଞ୍ଚଳର ବହୁ ସଂଖ୍ୟକ ଶ୍ରଦ୍ଧାଳୁ, ଗ୍ରାମବାସୀ ଓ ଭକ୍ତମାନେ ଯୋଗଦେଇ ଧାର୍ମିକ ପରିବେଶ ମଧ୍ୟରେ ପୂଜାର୍ଚ୍ଚନା ଓ ଶିଳାନ୍ୟାସ କାର୍ଯ୍ୟକ୍ରମକୁ ସଫଳ କରିଥିଲେ। ଦୀର୍ଘ ବର୍ଷ ଧରି ସ୍ଥାନୀୟ ବୁଦ୍ଧିଜୀବୀ, ବରିଷ୍ଠ ବ୍ୟକ୍ତିବିଶେଷ ଓ ଭକ୍ତମାନଙ୍କ ମନରେ ବୃଷଭ ବିଗ୍ରହ ପ୍ରତିଷ୍ଠା କରିବାର ଆକାଂକ୍ଷା ରହିଥିଲା। ଶେଷରେ ସମସ୍ତଙ୍କ ସହଯୋଗ ଓ ଆନ୍ତରିକ ପ୍ରୟାସରେ ଏହି ଶୁଭ କାର୍ଯ୍ୟର ଶୁଭାରମ୍ଭ ହୋଇଥିବାରୁ ଅଞ୍ଚଳବାସୀଙ୍କ ମଧ୍ୟରେ ଖୁସିର ମାହୋଲ ଦେଖିବାକୁ ମିଳିଛି। ବେଦମନ୍ତ୍ର ଉଚ୍ଚାରଣ, ପୂଜାର୍ଚ୍ଚନା ଓ ଧାର୍ମିକ ଆଚାର-ବିଚାର ମଧ୍ୟରେ ଶିଳାନ୍ୟାସ କାର୍ଯ୍ୟ ସମ୍ପନ୍ନ ହୋଇଥିବା ବେଳେ ଭକ୍ତମାନେ ପ୍ରଭୁ ଶ୍ରୀ କେଦାରଶ୍ୱର ଦେବଙ୍କ ନିକଟରେ ସମସ୍ତଙ୍କ ସୁଖ, ଶାନ୍ତି ଓ କଲ୍ୟାଣ କାମନା କରିଥିଲେ। ଏହି ବୃଷଭ ବିଗ୍ରହ ପ୍ରତିଷ୍ଠା ପରେ ମନ୍ଦିରର ଧାର୍ମିକ ମହତ୍ତ୍ୱ ଓ ଆକର୍ଷଣ ଆହୁରି ବୃଦ୍ଧି ପାଇବ ବୋଲି ସ୍ଥାନୀୟ ଭକ୍ତମାନେ ଆଶା ପ୍ରକାଶ କରିଛନ୍ତି।

NH-353 Blocked for Five Hours at Jadamunda; Farmers Demand Compensation and Immediate Paddy Procurement Nuapada: Komna, June 24 A farmer who had received a procurement token for selling his paddy but was unable to get his produce lifted from the mandi for weeks allegedly ended his life under mounting financial pressure, triggering widespread public outrage in Nuapada district. The tragic incident led to a five-hour blockade of National Highway-353 at Jadamunda village under Komna block on Tuesday. Hundreds of villagers and farmers staged a protest by placing the deceased farmer’s body on the highway, bringing vehicular movement to a complete standstill and demanding justice for the bereaved family. The deceased was identified as Nepal Majhi (45) of Jadamunda village. According to family members, he had cultivated paddy on three acres and groundnut on two acres during the current Rabi season. Although he received a procurement token on May 30 to sell 36.96 quintals of paddy, his produce remained unsold even after 24 days. Family members alleged that Nepal Majhi had been under severe mental stress due to pending payments for tractor and threshing machine rentals, household expenses, and the educational needs of his three children. On Monday, he had participated in a farmers’ protest outside the Civil Supplies Office, demanding procurement of paddy from local mandis. After returning home, he reportedly became distressed over his worsening financial situation and allegedly consumed poison. He was rushed to the Nuapada District Headquarters Hospital (DHH) but succumbed while undergoing treatment. News of his death spread rapidly, sparking anger among farmers and villagers. Protesters demanded ₹20 lakh compensation for the family, full educational support for the deceased farmer’s children, and immediate lifting of paddy stocks lying unsold in mandis. The agitators alleged that despite the commencement of paddy procurement on May 25, thousands of bags of paddy are still lying in various mandis across the district, causing immense hardship to farmers. The road blockade was eventually withdrawn after administrative officials reached the spot and assured the protesters that their demands would be placed before the government. Sub-Collector Surmi Soren stated that an immediate assistance of ₹50,000 had been provided to the bereaved family from the Red Cross Fund. She further informed that three vehicles had been deployed to lift paddy from the Jadamunda mandi and that additional compensation would be considered after completion of the necessary procedures. The death of Nepal Majhi is not merely a personal tragedy for one family; it raises serious questions about the efficiency of the agricultural procurement system. The incident at Jadamunda has once again highlighted the hardships, uncertainty, and neglect faced by farmers despite assurances of support and timely procurement.

ରିପୋର୍ଟ: ସୂର୍ଯ୍ୟ ନାରାୟଣ ପଣ୍ଡା, ଜଗନ୍ନାଥପ୍ରସାଦ ଜଗନ୍ନାଥପ୍ରସାଦ: କେନ୍ଦ୍ର ସରକାରଙ୍କ ୧୨ ବର୍ଷ ଏବଂ ଓଡ଼ିଶା ସରକାରଙ୍କ ୨ ବର୍ଷ ପୂର୍ତ୍ତି ଅବସରରେ ଜଗନ୍ନାଥପ୍ରସାଦ ବ୍ଲକ କାର୍ଯ୍ୟାଳୟ ପରିସରରେ ଏକ ଭବ୍ୟ କାର୍ଯ୍ୟକ୍ରମ ଆୟୋଜିତ ହୋଇଥିଲା। ଏହି ଅବସରରେ ସ୍ଥାନୀୟ ବିଧାୟକ ପ୍ରଦ୍ୟୁମ୍ନ କୁମାର ନାୟକ ମୁଖ୍ୟ ଅତିଥି ଭାବେ ଯୋଗଦେଇ ସରକାରଙ୍କ ବିକାଶମୂଳକ କାର୍ଯ୍ୟର ବିବରଣୀ ଉପସ୍ଥାପନ କରିଥିଲେ। ବିଧାୟକ ଶ୍ରୀ ନାୟକ କହିଥିଲେ ଯେ, ବିଗତ ଦୁଇ ବର୍ଷ ମଧ୍ୟରେ ଜଗନ୍ନାଥପ୍ରସାଦ ବ୍ଲକରେ ରାସ୍ତା, ସେତୁ, ମନ୍ଦିର ଉନ୍ନୟନ, ମିନି ଷ୍ଟାଡିୟମ, ସ୍ୱାସ୍ଥ୍ୟସେବା, ପାନୀୟ ଜଳ, ମିଶନ ଶକ୍ତି, ରାସନ କାର୍ଡ, ଭତ୍ତା ଓ ଶ୍ରମିକ କାର୍ଡ ଭଳି ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ କାର୍ଯ୍ୟ ହୋଇଛି। କାର୍ଯ୍ୟକ୍ରମରେ ହିତାଧିକାରୀମାନଙ୍କୁ ଭତ୍ତା, ରାସନ କାର୍ଡ, ଅନ୍ତ୍ୟୋଦୟ ପଟ୍ଟା ଓ ଶ୍ରମିକ କାର୍ଡ ବଣ୍ଟନ କରାଯାଇଥିଲା। ଏହା ସହ ଅଙ୍ଗନବାଡ଼ି କର୍ମୀମାନଙ୍କୁ ସ୍ମାର୍ଟ ମୋବାଇଲ ଫୋନ ପ୍ରଦାନ କରାଯାଇଥିଲା। ମିଶନ ଶକ୍ତି ମହିଳା ଗୋଷ୍ଠୀମାନଙ୍କ ସ୍ୱାବଲମ୍ବନ ଓ ଆର୍ଥିକ ସଶକ୍ତିକରଣ ପାଇଁ ସରକାରଙ୍କ ପକ୍ଷରୁ ୩୦ ଲକ୍ଷ ଟଙ୍କାର ଚେକ ମଧ୍ୟ ବଣ୍ଟନ କରାଯାଇଥିଲା। ଏହି ଅବସରରେ ବ୍ଲକ ଉପାଧ୍ୟକ୍ଷ ନୀଳାଞ୍ଚଳ ଖିଲାର, ବିଡିଓ, ସିଡିପିଓ, ଗୋଷ୍ଠୀ ଶିକ୍ଷା ଅଧିକାରୀ, ଖାଦ୍ୟ ସୁରକ୍ଷା ଅଧିକାରୀ, କନ୍ଧମାଳ ସାଂସଦଙ୍କ ଏନଏସି ପ୍ରତିନିଧି ମହେନ୍ଦ୍ର କୁମାର ପଣ୍ଡା, ତାପସ ପ୍ରଧାନ, ଲେବର ଅଫିସର ଓ ଅନ୍ୟାନ୍ୟ ପ୍ରଶାସନିକ ଅଧିକାରୀ ଉପସ୍ଥିତ ଥିଲେ। ସେହିପରି, ଭାରତୀୟ ଜନତା ପାର୍ଟି ର ବିଭିନ୍ନ ମଣ୍ଡଳର ସଭାପତି, ଉପସଭାପତି ସୂର୍ଯ୍ୟ ନାୟକ ଏବଂ ହଜାର ହଜାର କର୍ମୀ ଏହି କାର୍ଯ୍ୟକ୍ରମରେ ସାମିଲ ହୋଇଥିଲେ। କାର୍ଯ୍ୟକ୍ରମ ଶେଷରେ ସରକାରଙ୍କ ଜନକଲ୍ୟାଣ ଓ ବିକାଶମୂଳକ ଯୋଜନାକୁ ଆହୁରି ଲୋକଙ୍କ ନିକଟରେ ପହଞ୍ଚାଇବା ପାଇଁ ଆହ୍ୱାନ ଦିଆଯାଇଥିଲା।