Web News

ଓଡ଼ିଶାର ଏକାମ୍ର କ୍ଷେତ୍ର (ପୁରୁଣା ଭୁବନେଶ୍ୱର)ରେ ଅବସ୍ଥିତ ପ୍ରସିଦ୍ଧ ବିନ୍ଦୁ ସାଗର ଏବଂ ଲିଙ୍ଗରାଜ ମନ୍ଦିର ସମଗ୍ର ଭାରତର ପବିତ୍ର ତୀର୍ଥସ୍ଥଳୀଗୁଡ଼ିକ ମଧ୍ୟରେ ଅନ୍ୟତମ। ​ବିନ୍ଦୁ ସାଗର କାହିଁକି ପ୍ରସିଦ୍ଧ? ​୧. ପବିତ୍ର ଜଳର ସଙ୍ଗମ: ପୌରାଣିକ ମାନ୍ୟତା ଅନୁସାରେ, ଭଗବାନ ଶିବ ଏବଂ ମାତା ପାର୍ବତୀଙ୍କ ତୃଷା ନିବାରଣ ପାଇଁ ସମସ୍ତ ପବିତ୍ର ନଦୀ, ସରୋବର ଓ କୁଣ୍ଡରୁ ଏକ ଏକ ବିନ୍ଦୁ (ଟୋପା) ଜଳ ଆଣି ଏହି ଦୀଘି ସୃଷ୍ଟି କରାଯାଇଥିଲା। ଏହି କାରଣରୁ ଏହାର ନାମ 'ବିନ୍ଦୁ ସାଗର' ରଖାଯାଇଛି। ​୨. ଧାର୍ମିକ ଏବଂ ପବିତ୍ର ସ୍ନାନ: ଭକ୍ତମାନଙ୍କ ବିଶ୍ୱାସ ରହିଛି ଯେ ବିନ୍ଦୁ ସାଗରରେ ସ୍ନାନ କରିବା ଦ୍ୱାରା ଭାରତର ସମସ୍ତ ପବିତ୍ର ନଦୀରେ ସ୍ନାନ କରିବାର ପୁଣ୍ୟ ପ୍ରାପ୍ତି ହୋଇଥାଏ। ଲିଙ୍ଗରାଜ ମନ୍ଦିରରେ ପ୍ରଭୁ ଶ୍ରୀ ଲିଙ୍ଗରାଜଙ୍କ ଦର୍ଶନ କରିବା ପୂର୍ବରୁ ଭକ୍ତମାନେ ଏଠାରେ ସ୍ନାନ କରିଥାନ୍ତି। ​୩. ପ୍ରସିଦ୍ଧ ଚନ୍ଦନ ଯାତ୍ରା ଓ ସ୍ନାନ ଯାତ୍ରା: ବିନ୍ଦୁ ସାଗର ମଧ୍ୟରେ ଏକ ଚନ୍ଦନ ମଣ୍ଡପ ରହିଛି। ପ୍ରତିବର୍ଷ ବାର୍ଷିକ 'ଚନ୍ଦନ ଯାତ୍ରା' ସମୟରେ ପ୍ରଭୁ ଶ୍ରୀ ଲିଙ୍ଗରାଜଙ୍କ ଚଳନ୍ତି ପ୍ରତିମା (ଚନ୍ଦ୍ରଶେଖର)ଙ୍କୁ ଏହି ସରୋବରରେ ନୌକା ବିହାର କରାଯାଇଥାଏ। ​୪. ପାରମ୍ପରିକ ଓ ସଂସ୍କୃତିକ କେନ୍ଦ୍ର: ବିନ୍ଦୁ ସାଗରର ଚାରିପାଖରେ ଅନେକ ପ୍ରାଚୀନ ମନ୍ଦିର ଯଥା- ଅନନ୍ତ ବାସୁଦେବ ମନ୍ଦିର, ମୋହିନୀ ମନ୍ଦିର, ଓ ମାର୍କଣ୍ଡେଶ୍ୱର ମନ୍ଦିର ଅବସ୍ଥିତ, ଯାହା ଏହି ସ୍ଥାନର ଆଧ୍ୟାତ୍ମିକ ମାହାତ୍ମ୍ୟକୁ ଆହୁରି ବଢ଼ାଇଥାଏ।

ମହାନ ବିପ୍ଳବୀ ହେଉଛନ୍ତି ସିଦୋ ମୁର୍ମୁ (Sido Murmu) ଏବଂ କାନ୍ହୁ ମୁର୍ମୁ (Kanhu Murmu), ଯେଉଁମାନେ 'ସିଦୋ-କାହ୍ନୁ ନାମରେ ଜଣାଶୁଣା। ୧୮୫୫ ମସିହାରେ ବ୍ରିଟିଶ ଇଷ୍ଟ ଇଣ୍ଡିଆ କମ୍ପାନୀ, ଜମିଦାର ଓ ସାହୁକାରମାନଙ୍କ ଶୋଷଣ ବିରୋଧରେ ହୋଇଥିବା ଐତିହାସିକ **'ସାନ୍ତାଳ ହୁଲ୍' (ସାନ୍ତାଳ ବିଦ୍ରୋହ)**ର ନେତୃତ୍ୱ ନେଇ ସେମାନେ ଇତିହାସ ରଚନା କରିଥିଲେ। ​ଓଡ଼ିଶା ଏବଂ ସମଗ୍ର ଭାରତର ସ୍ୱାଧୀନତା ସଂଗ୍ରାମ ଓ ଆଦିବାସୀ ସ୍ୱାଭିମାନ ରକ୍ଷାରେ ଏହି ଦୁଇ ଭାଇଙ୍କର ଅବଦାନ ଓ ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ୍ଣ: ​୧. ଓଡ଼ିଶାର ସାନ୍ତାଳ ଓ ଆଦିବାସୀ ସମାଜରେ ସ୍ୱାଭିମାନ ଜାଗରଣ ​ସିଦୋ-କାହ୍ନୁ ଙ୍କ ନେତୃତ୍ୱରେ ଆରମ୍ଭ ହୋଇଥିବା ବିଦ୍ରୋହର ପ୍ରଭାବ ବିଶେଷ କରି ଓଡ଼ିଶାର ମୟୂରଭଞ୍ଜ, କେନ୍ଦୁଝର, ସୁନ୍ଦରଗଡ଼ ଏବଂ ବାଲେଶ୍ୱର ଅଞ୍ଚଳରେ ରହୁଥିବା ସାନ୍ତାଳ ଓ ଅନ୍ୟାନ୍ୟ ଜନଜାତିଙ୍କ ଉପରେ ଗଭୀର ପଡ଼ିଥିଲା। ଶୋଷଣ ଓ ଅତ୍ୟାଚାର ବିରୋଧରେ ସ୍ୱର ଉତ୍ତୋଳନ କରିବା ପାଇଁ ଏହି ସଂଗ୍ରାମ ଓଡ଼ିଶାର ଆଦିବାସୀମାନଙ୍କୁ ସାହସ ଓ ପ୍ରେରଣା ଯୋଗାଇଥିଲା। ​୨. ଜମି ଓ ଜଙ୍ଗଲ ଅଧିକାରର ସୁରକ୍ଷା ​ଆଦିବାସୀମାନଙ୍କର "ଜଲ, ଜଙ୍ଗଲ, ଜମି" ରକ୍ଷା ପାଇଁ ଆହ୍ୱାନ ଦେଇଥିଲେ। ତାଙ୍କ ସଂଗ୍ରାମ ଫଳରେ ବ୍ରିଟିଶ ସରକାର ବାଧ୍ୟ ହୋଇ ଜମି ହଡ଼ପ ରୋକିବା ପାଇଁ ନୂତନ ନିୟମ ଆଣିଥିଲେ, ଯାହାର ସିଧାସଳଖ ଲାଭ ଓଡ଼ିଶାର ସୀମାନ୍ତବର୍ତ୍ତୀ ଆଦିବାସୀ ଅଞ୍ଚଳଗୁଡ଼ିକୁ ମଧ୍ୟ ମିଳିଥିଲା। ​୩. ବ୍ରିଟିଶ ବିରୋଧୀ ସଂଗ୍ରାମର ଆଦ୍ୟ ସ୍ଫୁଲିଙ୍ଗ (୧୮୫୭ ପୂର୍ବରୁ) ​୧୮୫୭ର ପ୍ରଥମ ସ୍ୱାଧୀନତା ସଂଗ୍ରାମର ଦୁଇ ବର୍ଷ ପୂର୍ବରୁ (୧୮୫୫ରେ) ସିଦୋ-କାନ୍ହୁ ପ୍ରାୟ ୧୦,୦୦୦ରୁ ଅଧିକ ଆଦିବାସୀଙ୍କୁ ଏକତ୍ରିତ କରି ବ୍ରିଟିଶ ସାମ୍ରାଜ୍ୟର ଭିତ୍ତିହୀନ ନୀତିକୁ ଚ୍ୟାଲେଞ୍ଜ କରିଥିଲେ। ଓଡ଼ିଶାର ସ୍ୱାଧୀନତା ସଂଗ୍ରାମୀ ଏବଂ ଜନଜାତି ନେତାମାନଙ୍କ ପାଇଁ ଏହା ଅଗ୍ନିସ୍କୁଲିଙ୍ଗ ସଦୃଶ କାର୍ଯ୍ୟ କରିଥିଲା। ​

Nuapada, In a major push towards making Nuapada a cleaner, greener and plastic-free district, the district administration intensified its inspection and enforcement activities at Tarbod Market on Saturday. The special drive was carried out under the direction of Collector Madhusudan Dash and led by Lambodar Dharua, Chief Development Officer-cum-Executive Officer of the Zilla Parishad. The enforcement drive focused on checking illegal liquor trade, indiscriminate dumping of waste and the use and sale of banned Single-Use Plastic (SUP) items. During the operation, violations of various rules were detected and a total fine of ₹66,000 was collected. At the same time, illegal liquor worth more than ₹2 lakh was seized by the enforcement team. The administration also took stringent action against improper disposal of waste. A fine of around ₹10,000 was collected from violators found dumping garbage in an unauthorised manner. In addition, approximately 52 kg of banned Single-Use Plastic was seized during the inspection. Officials used the opportunity to sensitise traders and members of the public about the importance of maintaining cleanliness in the marketplace. They were urged to strictly refrain from using banned plastic items, dispose of waste only at designated places and contribute actively towards keeping public spaces clean. The administration made it clear that violations of environmental and cleanliness norms would not be tolerated and that enforcement measures would continue against those found flouting the rules. The drive was conducted in the presence of General Manager, District Industries Centre, Sameer Kumar Muduli; District Education Officer Prashant Mahanti; District Fisheries Officer Tushar Deep; BDO Pabitra Samal; DRC Anil Kumar Lenka; BRC Kamal Sahu, along with the Tarbod Panchayat Executive Officer, Sarpanch and other panchayat-level officials. The district administration has reiterated that such enforcement drives will continue across different areas in the coming days. The initiative aims not only to penalise violations but also to create greater public awareness and community participation in maintaining cleanliness, protecting the environment and ensuring strict compliance with regulations. With sustained enforcement and public cooperation, the administration is working towards transforming Nuapada into a cleaner, healthier and plastic-free district.

ନୂଆପଡ଼ା, ନୂଆପଡ଼ା ଜିଲ୍ଲାକୁ ସ୍ୱଚ୍ଛ, ପ୍ଲାଷ୍ଟିକ୍‌ମୁକ୍ତ ଜିଲ୍ଲା ଭାବେ ଗଢ଼ିତୋଳିବା ଲକ୍ଷ୍ୟରେ ଜିଲ୍ଲା ପ୍ରଶାସନ ପକ୍ଷରୁ ଯାଞ୍ଚ ଓ କାର୍ଯ୍ୟାନୁଷ୍ଠାନ ଜୋରଦାର କରାଯାଇଛି। ଜିଲ୍ଲାପାଳ ମଧୁସୂଦନ ଦାଶଙ୍କ ନିର୍ଦ୍ଦେଶକ୍ରମେ ଜିଲ୍ଲା ପରିଷଦର ମୁଖ୍ୟ ଉନ୍ନୟନ ଅଧିକାରୀ ଲମ୍ବୋଦର ଧରୁଆଙ୍କ ନେତୃତ୍ୱରେ ତରବୋଡ଼ ବଜାରରେ ଆଜି ବ୍ୟାପକ ଯାଞ୍ଚ ଓ ଏନ୍‌ଫୋର୍ସମେଣ୍ଟ କରାଯାଇଥିଲା। ଏହି ଅଭିଯାନରେ ଅବୈଧ ମଦ କାରବାର, ବେଆଇନ ଭାବେ ଆବର୍ଜନା ଫିଙ୍ଗିବା ଏବଂ ନିଷିଦ୍ଧ ଏକକ-ବ୍ୟବହାର ପ୍ଲାଷ୍ଟିକ୍‌ (SUP)ର ବ୍ୟବହାର ଓ ବିକ୍ରି ଉପରେ କଡ଼ା ଯାଞ୍ଚ କରାଯାଇଥିଲା। ବିଭିନ୍ନ ନିୟମ ଉଲ୍ଲଂଘନ ପାଇଁ ମୋଟ ୬୬ ହଜାର ଟଙ୍କା ଜରିମାନା ଆଦାୟ କରାଯାଇଥିବା ବେଳେ ୨ ଲକ୍ଷ ଟଙ୍କାରୁ ଊର୍ଦ୍ଧ୍ୱ ମୂଲ୍ୟର ଅବୈଧ ମଦ ଜବତ କରାଯାଇଥିଲା। ବେଆଇନ ଭାବେ ଆବର୍ଜନା ଫିଙ୍ଗିବା ଅଭିଯୋଗରେ ପ୍ରାୟ ୧୦ ହଜାର ଟଙ୍କା ଜରିମାନା ଆଦାୟ କରାଯାଇଥିଲା। ଏହାସହ ଅଭିଯାନ ସମୟରେ ପ୍ରାୟ ୫୨ କିଲୋଗ୍ରାମ ନିଷିଦ୍ଧ ଏକକ-ବ୍ୟବହାର ପ୍ଲାଷ୍ଟିକ୍‌ ଜବତ କରାଯାଇଥିଲା। ଜିଲ୍ଲା ପ୍ରଶାସନ ପକ୍ଷରୁ ବ୍ୟବସାୟୀ ଓ ସାଧାରଣ ଲୋକଙ୍କୁ ନିଷିଦ୍ଧ ପ୍ଲାଷ୍ଟିକ୍‌ ବ୍ୟବହାରରୁ ବିରତ ରହିବା, ଆବର୍ଜନାକୁ ନିର୍ଦ୍ଧାରିତ ସ୍ଥାନରେ ପକାଇବା ଏବଂ ବଜାରରେ ସ୍ୱଚ୍ଛତା ବଜାୟ ରଖିବାକୁ ସଚେତନ କରାଯାଇଥିଲା। ନିୟମ ଉଲ୍ଲଂଘନକୁ କୌଣସି ପରିସ୍ଥିତିରେ ପ୍ରଶ୍ରୟ ଦିଆଯିବ ନାହିଁ ବୋଲି ପ୍ରଶାସନ ପକ୍ଷରୁ ସ୍ପଷ୍ଟ ବାର୍ତ୍ତା ଦିଆଯାଇଛି। ଏହି ଅଭିଯାନରେ ମହାପ୍ରବନ୍ଧକ, ଜିଲ୍ଲା ଶିଳ୍ପ କେନ୍ଦ୍ର ସମୀର କୁମାର ମୁଦୁଲି, ଜିଲ୍ଲା ଶିକ୍ଷା ଅଧିକାରୀ ପ୍ରଶାନ୍ତ ମହାନ୍ତି, ଜିଲ୍ଲା ମତ୍ସ୍ୟ ଅଧିକାରୀ ତୁଷାର ଦୀପ, ବିଡିଓ ପବିତ୍ର ସାମଲ, ଡିଆରସି ଅନିଲ କୁମାର ଲେଙ୍କା, ବିଆରସି କମଳ ସାହୁଙ୍କ ସମେତ ତରବୋଡ଼ର ପିଇଓ, ସରପଞ୍ଚ ଓ ଅନ୍ୟାନ୍ୟ ପଞ୍ଚାୟତସ୍ତରୀୟ କର୍ମଚାରୀ ଉପସ୍ଥିତ ଥିଲେ। ସ୍ୱଚ୍ଛତା, ପରିବେଶ ସୁରକ୍ଷା ଓ ଆଇନ ଅନୁପାଳନ ସୁନିଶ୍ଚିତ କରିବା ଦିଗରେ ଜିଲ୍ଲା ପ୍ରଶାସନର ଏହି ଏନ୍‌ଫୋର୍ସମେଣ୍ଟ ଅଭିଯାନ ଆଗାମୀ ଦିନରେ ମଧ୍ୟ ଜାରି ରହିବ।

ତରବୋଡ଼, ନୂଆପଡ଼ା ଜିଲ୍ଲାର ତରବୋଡ଼ସ୍ଥିତ ଜବାହର ନବୋଦୟ ବିଦ୍ୟାଳୟ (ଜେଏନଭି) ପରିସରରେ ସ୍ୱଚ୍ଛତା, ପରିବେଶ ସୁରକ୍ଷା ଏବଂ ଏକକ-ବ୍ୟବହାର ପ୍ଲାଷ୍ଟିକ୍‌ (ଏସୟୁପି) ବିରୋଧୀ ସଚେତନତା ଅଭିଯାନ ଅନୁଷ୍ଠିତ ହୋଇଯାଇଛି। ଜିଲ୍ଲାପାଳ ମଧୁସୂଦନ ଦାଶଙ୍କ ନେତୃତ୍ୱରେ ଆୟୋଜିତ ଏହି ଅଭିଯାନରେ ଛାତ୍ରଛାତ୍ରୀ, ଅଭିଭାବକ, ଶିକ୍ଷକ ଓ କର୍ମଚାରୀମାନେ ସାମିଲ ହୋଇଥିଲେ। ଏହି ଅବସରରେ ଜିଲ୍ଲାପାଳ ଶ୍ରୀ ଦାଶ ସ୍ୱଚ୍ଛତା, ପରିବେଶ ସୁରକ୍ଷା, ପ୍ଲାଷ୍ଟିକ୍‌ର କୁପ୍ରଭାବ ଏବଂ ବର୍ଜ୍ୟବସ୍ତୁର ସଠିକ୍‌ ପରିଚାଳନା ସମ୍ପର୍କରେ ଛାତ୍ରଛାତ୍ରୀ ଓ ଅଭିଭାବକଙ୍କୁ ସଚେତନ କରିଥିଲେ। ସ୍ୱଚ୍ଛ ଓ ସୁସ୍ଥ ପରିବେଶ ଗଠନରେ ଛାତ୍ରଛାତ୍ରୀମାନେ ‘ପରିବର୍ତ୍ତନର ଦୂତ’ ଭାବେ ନିଜ ପରିବାର ଓ ସମାଜକୁ ସଚେତନ କରିବାକୁ ସେ ଆହ୍ୱାନ ଦେଇଥିଲେ। ବିଦ୍ୟାଳୟ ପରିସରରେ ସ୍ୱଚ୍ଛତା ଓ ପରିବେଶ ସୁରକ୍ଷା ମାନଦଣ୍ଡର କଡ଼ା ଅନୁପାଳନ ସୁନିଶ୍ଚିତ କରିବାକୁ ଜିଲ୍ଲାପାଳ ବିଦ୍ୟାଳୟ କର୍ତ୍ତୃପକ୍ଷ ଓ କର୍ମଚାରୀଙ୍କୁ ନିର୍ଦ୍ଦେଶ ଦେଇଥିଲେ। ନିଷିଦ୍ଧ ଏକକ-ବ୍ୟବହାର ପ୍ଲାଷ୍ଟିକ୍‌ର ବ୍ୟବହାର ଓ ପ୍ରବେଶ ରୋକିବା ସହ ଉତ୍ସସ୍ଥଳରୁ ବର୍ଜ୍ୟବସ୍ତୁ ପୃଥକୀକରଣ, ଏହାର ଉପଯୁକ୍ତ ପରିଚାଳନା ଓ ନିଷ୍କାସନ ବ୍ୟବସ୍ଥାକୁ ସୁଦୃଢ଼ କରିବାକୁ ସେ କହିଥିଲେ। ବିଦ୍ୟାଳୟ ପରିସରକୁ ଏକ ଆଦର୍ଶ ‘ଏସୟୁପି ଫ୍ରି ଓ ସ୍ୱଚ୍ଛ ପରିସର’ ଭାବେ ବିକଶିତ କରିବା ପାଇଁ ସମସ୍ତଙ୍କ ସକ୍ରିୟ ସହଯୋଗ ଆବଶ୍ୟକ ବୋଲି ଜିଲ୍ଲାପାଳ କହିଥିଲେ। କାର୍ଯ୍ୟକ୍ରମରେ ଜିଲ୍ଲା ପରିଷଦର ମୁଖ୍ୟ ନିର୍ବାହୀ ଅଧିକାରୀ ଲମ୍ବୋଦର ଧରୁଆ, ଜିଲ୍ଲା ଶିକ୍ଷା ଅଧିକାରୀ ପ୍ରଶାନ୍ତ କୁମାର ମହାନ୍ତି, ଜିଲ୍ଲା ସ୍ୱଚ୍ଛ ସଂଯୋଜକ ଅନିଲ କୁମାର ଲେଙ୍କାଙ୍କ ସମେତ ବିଦ୍ୟାଳୟର ଶିକ୍ଷକ, କର୍ମଚାରୀ, ଛାତ୍ରଛାତ୍ରୀ ଓ ଅଭିଭାବକ ଉପସ୍ଥିତ ଥିଲେ।

ଜୁନାଗଡ଼ ବ୍ଲକ୍ ଅନ୍ତର୍ଗତ ଭଇଁରୀଗୁଡ଼ା ପଞ୍ଚାୟତ ର ଏକ ଜଣାଶୁଣା ସମାଜସେବୀ,ପୂର୍ବତନ ସରପଞ୍ଚ ଟଙ୍କଧର ଧଙ୍ଗଡା ମାଝୀ ଙ୍କ ଗତ ୦୭.୦୮.୨୦୨୬ ରିଖ ଦିନ ପରଲୋକ ହୋଇଥିଲା । ସେ ଗରିବ ଙ୍କ ସାଥି, ସରପଞ୍ଚ ଥିବା ସମୟରେ ବିଭିନ୍ନ ଉନ୍ନୟନ କାମରେ ତାଙ୍କର ପ୍ରମୁଖ ଭୂମିକା ଥିଲା। ତାଙ୍କର ପରଲୋକ ଖବର ପ୍ରଚାର ହେବା ପରେ ଅଞ୍ଚଳରେ ଶୋକର ଛାୟା ଖେଳିଯାଇଛି। ତାଙ୍କର ମୃତ୍ୟୁ ସମୟରେ ତାଙ୍କର ପୁଅ , ଝିଅ ଓ ସମ୍ପର୍କୀୟ ବନ୍ଧୁ ବାନ୍ଧବ ଉପସ୍ଥିତ ଥିଲେ। ପରିଶେଷରେ ଗାଁ ର ଶ୍ମଶାନ ରେ ଅନ୍ତିମ ସତ୍କାର କରାଯାଇଥିଲା।ପଞ୍ଚାୟତ ର ଜନସାଧାରଣ ଶୋକ ପ୍ରକାଶ କରିବା ସହ ପରିବାର କୁ ସମବେଦନା ଜଣାଇଛନ୍ତି।

ସୁକିନ୍ଦା, ଖଣି ଓ ଶିଳ୍ପ ସମୃଦ୍ଧ ସୁକିନ୍ଦା ନିର୍ବାଚନମଣ୍ଡଳୀର ଅନ୍ୟତମ ପ୍ରମୁଖ ରାସ୍ତା ଏବେ ଦୁର୍ଘଟଣାର ହଟ୍‌ସ୍ପଟ୍‌ ପାଲଟିଛି। ୫୩ ନମ୍ବର ଜାତୀୟ ରାଜପଥ ଅନ୍ତର୍ଗତ ଚଣ୍ଡିଖୋଲ-ଡୁବୁରି-ତାଳଚେର ରାସ୍ତାର ସୁକିନ୍ଦା ହନୁମାନ ଛକରେ ବଡ଼ ବଡ଼ ଖାଲଖମା ଯୋଗୁଁ ଆଜି ପୁଣି ଜଣେ ମହିଳା ସ୍କୁଟି ଚାଳକ ଦୁର୍ଘଟଣାର ଶିକାର ହୋଇଛନ୍ତି। ରାସ୍ତାର ଖାଲରେ ସ୍କୁଟି ଭାରସାମ୍ୟ ହରାଇବାରୁ ସେ ରାସ୍ତାକୁ ପଡ଼ିଯାଇଥିଲେ। ତେବେ ଅଳ୍ପକେ ଏକ ବଡ଼ ଦୁର୍ଘଟଣାରୁ ବର୍ତ୍ତିଯାଇଥିବା ଜଣାପଡ଼ିଛି। ସୁକିନ୍ଦା ହନୁମାନ ଛକ ଏକ ବ୍ୟସ୍ତତମ ଅଞ୍ଚଳ। ଏହି ରାସ୍ତା ଦେଇ ପ୍ରତିଦିନ ହଜାର ହଜାର ଛୋଟବଡ଼ ଯାନବାହନ ଚଳାଚଳ କରୁଛି। କଳିଙ୍ଗନଗରର ବିଭିନ୍ନ ଶିଳ୍ପାଞ୍ଚଳକୁ ଯାଉଥିବା ଭାରୀଯାନ, ଟ୍ରଲର, ଟ୍ରକ୍‌ ସମେତ ତାଳଚେର ଓ ଅନୁଗୁଳ ପଟୁ ଆସୁଥିବା ବାଣିଜ୍ୟିକ ଯାନଗୁଡ଼ିକ ଏହି ରାସ୍ତା ଦେଇ ଯାତାୟାତ କରୁଛି। ଫଳରେ ରାସ୍ତା ଉପରେ ଯାନବାହନର ଚାପ ଦିନକୁ ଦିନ ବଢ଼ୁଛି। ଅନ୍ୟପକ୍ଷରେ, ଦୀର୍ଘଦିନ ଧରି ରାସ୍ତାର ବିଭିନ୍ନ ସ୍ଥାନରେ ବଡ଼ ବଡ଼ ଖାଲଖମା ସୃଷ୍ଟି ହୋଇଥିବାରୁ ବର୍ଷା ହେଲେ ସେଥିରେ ପାଣି ଜମି ଯାଉଛି। ଖାଲର ଗଭୀରତା ଜଣାପଡ଼ୁ ନଥିବାରୁ ଦୁଇଚକିଆ ଯାନ ଚାଳକମାନେ ବିଶେଷ ଭାବେ ବିପଦରେ ପଡ଼ୁଛନ୍ତି। ସ୍ଥାନୀୟ ଲୋକଙ୍କ ଅଭିଯୋଗ ଅନୁସାରେ, ଏହି ରାସ୍ତାରେ ପ୍ରାୟ ପ୍ରତିଦିନ କିଛି ନା କିଛି ଛୋଟବଡ଼ ଦୁର୍ଘଟଣା ଘଟୁଛି। ସମ୍ପଦରେ ସମୃଦ୍ଧ, ରାସ୍ତାରେ ଅବ୍ୟବସ୍ଥା! ଖଣିଜ ସମ୍ପଦ ଓ ଶିଳ୍ପ ପାଇଁ ସୁକିନ୍ଦାର ନାଁ ସାରା ରାଜ୍ୟରେ ଚର୍ଚ୍ଚିତ। କଳିଙ୍ଗନଗର ଶିଳ୍ପାଞ୍ଚଳର ବିକାଶରେ ଏହି ଅଞ୍ଚଳର ଗୁରୁତ୍ୱ ମଧ୍ୟ ଅନସ୍ୱୀକାର୍ଯ୍ୟ। କିନ୍ତୁ ‘ଦୀପ ତଳ ଅନ୍ଧାର’ ଭଳି ଶିଳ୍ପ ଓ ଖଣି ସମ୍ପଦରେ ସମୃଦ୍ଧ ଅଞ୍ଚଳର ଏକ ପ୍ରମୁଖ ଛକର ଏଭଳି ଦୟନୀୟ ଅବସ୍ଥାକୁ ନେଇ ପ୍ରଶ୍ନ ଉଠିଛି। ଏହି ରାସ୍ତା ଦେଇ ସ୍ଥାନୀୟ ବ୍ୟବସାୟୀ, କର୍ମଜୀବୀ, ସ୍କୁଲ-କଲେଜ ଛାତ୍ରଛାତ୍ରୀ ଓ ସାଧାରଣ ଲୋକ ପ୍ରତିଦିନ ଯାତାୟାତ କରୁଛନ୍ତି। ରାସ୍ତାର ଖାଲଖମା ଯୋଗୁଁ ଯାତାୟାତ ବାଧାପ୍ରାପ୍ତ ହେବା ସହ ବ୍ୟବସାୟ ମଧ୍ୟ ପ୍ରଭାବିତ ହେଉଛି। ସ୍ଥାନୀୟ ବାସିନ୍ଦାଙ୍କ କହିବା କଥା, ସୁକିନ୍ଦା ହନୁମାନ ଛକ ଅତ୍ୟନ୍ତ ବ୍ୟସ୍ତ ଓ ଗୁରୁତ୍ୱପୂର୍ଣ୍ଣ ସ୍ଥାନ। ଏଠାରେ ଦୁର୍ଘଟଣା ରୋକିବା ପାଇଁ ତୁରନ୍ତ ରାସ୍ତା ମରାମତି, ଖାଲଖମା ପୂରଣ ଓ ଆବଶ୍ୟକ ସୁରକ୍ଷା ବ୍ୟବସ୍ଥା କରାଯିବା ଦରକାର। ସୁକିନ୍ଦା ନିର୍ବାଚନମଣ୍ଡଳୀର ବିଧାୟକ ତଥା ରାଜ୍ୟ ସରକାରଙ୍କ ମନ୍ତ୍ରୀ ଡ. ପ୍ରଦୀପ ବଳ ସାମନ୍ତ ଏହି ସମସ୍ୟା ପ୍ରତି ଦୃଷ୍ଟି ଦେଇ ତୁରନ୍ତ ରାସ୍ତା ମରାମତି ପାଇଁ ପଦକ୍ଷେପ ନେବାକୁ ସ୍ଥାନୀୟ ଲୋକେ ନିବେଦନ କରିଛନ୍ତି। ଜନସାଧାରଣଙ୍କ ସୁରକ୍ଷା ସହ ବ୍ୟବସାୟୀ ଓ ଦୈନନ୍ଦିନ ଯାତାୟାତକାରୀଙ୍କ ସମସ୍ୟାର ସମାଧାନ ପାଇଁ ହନୁମାନ ଛକର ରାସ୍ତାକୁ ଶୀଘ୍ର ସୁଧାରିବା ଜରୁରୀ ବୋଲି ଦାବି ହୋଇଛି।

ଖଲ୍ଲିକୋଟ ସହର ର ସମସ୍ୟା ମଧ୍ୟରେ ମର୍ଦ୍ଦରାଜ କଲ୍ୟାଣ ମଣ୍ଡପ ର ସମସ୍ୟା ଅନ୍ୟତମ। କର୍ପୁର ଉଡିଯାଇଛି କନା ପଡିଛି । ଖବର ନେବାରୁ ଜଣାପଡିଛି ଯେ ଉକ୍ତ ଅନୁଷ୍ଠାନଟି ଟ୧୫୦୦୦୦୦/- (ପନ୍ଦର ଲକ୍ଷ ଟଙ୍କା) ବ୍ୟୟ ରେ ନିର୍ମିତ ହୋଇଥିଲା। ସେତେବେଳେ ସାଂସଦ ଶ୍ରୀଯୁକ୍ତ ବୈଜୟନ୍ତ ପଣ୍ଡା ଆଞ୍ଚଳିକ ପାଣ୍ଠି ରୁ ପାଞ୍ଚଲକ୍ଷ ଦେଇ ଥିବା ବେଳେ, ସାଂସଦ ଶ୍ରୀ ଯୁକ୍ତ ଦିଲ୍ଲୀପ ରାୟ ତିନି ଲକ୍ଷ ଟଙ୍କା ଆଞ୍ଚଳିକ ପାଣ୍ଠି ରୁ ମଞ୍ଜୁର କରିଥିଲେ ଓ ଖଲ୍ଲିକୋଟ ବିଧାୟିକା ସ୍ବର୍ଗତା ଶ୍ରୀମତୀ ଭି. ସୁଜ୍ଞାନୀ କୁମାରୀ ଦେଓ ବିଧାୟକ ଆଞ୍ଚଳିକ ପାଣ୍ଠି ରୁ ସାତ ଲକ୍ଷ ଦେଇ ଥିବା ଜଣାପଡିଛି। ଜନସାଧାରଣ ଙ୍କ ହିତ ଉଦ୍ଦେଶ୍ୟରେ ସ୍ବର୍ଗତା ରାଣୀ ସାହେବ କରିଥିଲେ। ବିବାହ,ବ୍ରତ ଠାରୁ ଆରମ୍ଭ କରି ସରକାରୀସ୍ତରରେ ରେ ବିଭିନ୍ନ ପ୍ରକାର କାର୍ଯ୍ୟ କ୍ରମ କରାଯିବାର ପରିଲକ୍ଷିତ ହେଉଛି। ଯେଉଁ ମାନେ ଉକ୍ତ ଅନୁଷ୍ଠାନ ରେ କାର୍ଯ୍ୟ କ୍ରମ କରିଥାନ୍ତି ସେମାନେ ବ୍ଲକ୍ ଅଫିସ ରେ ଟଙ୍କା ଜମା କରି ରସିଦ କାଟିଥାନ୍ତି । କିନ୍ତୁ ଦୁଃଖର ବିଷୟ ପାଲଟିଛି ମର୍ଦ୍ଦରାଜ କଲ୍ୟାଣ ମଣ୍ଡପ ର ଚତୁଃପାର୍ଶ୍ଵରେ ଗଛଲତା ମାଡ଼ିଗଲାଣି ଏପରିକି, କୋଠାଘର ର କଲର୍ ମଉଳି ଗଲାଣି, ବର୍ତ୍ତମାନ ଦେଖିବାକୁ ମିଳିଛି ପରିତ୍ୟକ୍ତ ପରିବେଶ ରେ କଲ୍ୟାଣ ମଣ୍ଡପ। ନଜର ପଡୁନାହିଁ ଉଚ୍ଚ କତ୍ତୃପକ୍ଷ ଙ୍କର, କିମ୍ବା ଶାସକ ପ୍ରଶାସକ ମାନଙ୍କ ର ବୋଲି କହିଲେ ଅତ୍ୟୁକ୍ତି ହେବ ନାହିଁ। ଏହାରି ଉପରେ ଖଲ୍ଲିକୋଟ ର ଶିବରାମ ଜେନା ଯେ କି ଜଣେ ଅବସରପ୍ରାପ୍ତ ପ୍ରଧାନ ଶିକ୍ଷକ , ସିଆରସିସି ତଥା ସମାଜସେବୀ ବର୍ତ୍ତମାନ ସ୍ରିଷ୍ଠି ନିୟୁଜ ର ସ୍ବତନ୍ତ୍ର ପ୍ରତିନିଧି ରୂପେ କାର୍ଯ୍ୟ କରୁଛନ୍ତି, ବହୁବାର ଖବର ମାଧ୍ୟମରେ ସରକାରଙ୍କୁ ତଥା କାର୍ଯ୍ୟ ରତ ନିର୍ବାହୀ ଅଧିକାରୀ ମାନଙ୍କୁ ଜଣାଇଛନ୍ତି,ତଥାପି ଫଳପ୍ରଦ ହୋଇନାହିଁ। ତେଣୁ ଏକ୍ଷେତ୍ରରେ ଡବଲ୍ ଇଞ୍ଜିନ୍ ସରକାରଙ୍କୁ ତଥା ଗୋଷ୍ଠୀ ଉନ୍ନୟନ ଅଧିକାରୀଙ୍କୁନିବେଦନ କରିଛନ୍ତି ଖଲ୍ଲିକୋଟ ର ଜନଧାରଣ,ତଦନ୍ତ କରି ଉପଯୁକ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ। ଯାହା ଫଳରେ କି ଜନସାଧାରଣ ବିଶେଷ ଉପକୃତ ହେବେ।

ତାଳଚେର: MCLରେ କାର୍ଯ୍ୟରତ ସ୍ଥାୟୀ କର୍ମଚାରୀ ଓ ଠିକା ଶ୍ରମିକଙ୍କ ନ୍ୟାଯ୍ୟ ସ୍ୱାର୍ଥ ରକ୍ଷା ସହ ଆଞ୍ଚଳିକ ସମସ୍ୟାର ସ୍ଥାୟୀ ସମାଧାନ ଦାବିରେ ଆସନ୍ତା ୧୨ ଅଗଷ୍ଟରେ ବୁର୍ଲାସ୍ଥିତ MCL ମୁଖ୍ୟାଳୟ ଘେରାଓ କରାଯିବ। ଏହି ବିଶାଳ ଆନ୍ଦୋଳନକୁ ସଫଳ କରିବା ପାଇଁ ଭୁବନେଶ୍ୱରରେ ଓଡ଼ିଶା HMS ପକ୍ଷରୁ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଛି। ଏହି ବୈଠକରେ ତାଳଚେର ବିଧାୟକ ବ୍ରଜକିଶୋର ପ୍ରଧାନ ଉପସ୍ଥିତ ରହି ଆଗାମୀ ଘେରାଓ କାର୍ଯ୍ୟକ୍ରମର ରଣନୀତି ଓ ପ୍ରସ୍ତୁତି ସମ୍ପର୍କରେ ନେତୃବୃନ୍ଦଙ୍କ ସହ ବିସ୍ତୃତ ଆଲୋଚନା କରିଥିଲେ। ଶ୍ରମିକମାନଙ୍କ ହକ୍ ଓ ନ୍ୟାଯ୍ୟ ଦାବି ପୂରଣ ପାଇଁ MCL କର୍ତ୍ତୃପକ୍ଷଙ୍କ ନିକଟରେ ୧୬ ଦଫା ଦାବିପତ୍ର ପ୍ରଦାନ କରାଯିବ। ଏହି ଦାବିଗୁଡ଼ିକ ମଧ୍ୟରେ ସ୍ଥାୟୀ କର୍ମଚାରୀ ଓ ଠିକା ଶ୍ରମିକଙ୍କ ସ୍ୱାର୍ଥ ସୁରକ୍ଷା ସହ ଅଞ୍ଚଳର ବିଭିନ୍ନ ସମସ୍ୟାର ସମାଧାନ ଉପରେ ଗୁରୁତ୍ୱ ଦିଆଯିବ। ୧୨ ଅଗଷ୍ଟର ଏହି ଘେରାଓ କାର୍ଯ୍ୟକ୍ରମରେ HMS ଓଡ଼ିଶାର ସମସ୍ତ ରାଜ୍ୟ କର୍ମକର୍ତ୍ତା, ନେତୃବୃନ୍ଦ ଓ ବିଭିନ୍ନ ଅଞ୍ଚଳର ଶ୍ରମିକ ସାଥୀମାନେ ବିପୁଳ ସଂଖ୍ୟାରେ ସାମିଲ ହେବେ ବୋଲି ବୈଠକରେ କୁହାଯାଇଛି। ବୈଠକରେ HMSର ପ୍ରମୁଖ ନେତୃବୃନ୍ଦ ସଂଜିତ ମହାନ୍ତି, ଯୁଗୋଲ ନାୟକ, ମହମ୍ମଦ ମୃତୁଯା, ବି.ଏନ୍. ମହାପାତ୍ର, ଭୁବନାନନ୍ଦ ମହାପାତ୍ର, ସଂଜିତ ପଳେଇ, ଅକ୍ଷୟ ନାୟକ, ବାବୁଲାଲ ଖଣ୍ଡୁଆଲ, ପ୍ରକାଶ କୁଣ୍ଡୁ, ଦେବଜ୍ୟୋତି ପଟ୍ଟନାୟକ, କୁଳମଣି ଦାସ, ସୁମିତ୍ ପଟେଲ, ତ୍ରିନାଥ ପ୍ରଧାନ ଓ ଆଶିଷ ପ୍ରଧାନ ପ୍ରମୁଖ ଉପସ୍ଥିତ ଥିଲେ।

ଅନୁଗୋଳ: ଅନୁଗୋଳ ବନ ବିଭାଗ ପକ୍ଷରୁ ଛେଣ୍ଡିପଦା ରେଞ୍ଜ ଅନ୍ତର୍ଗତ ବାଗଡିଆ ଗ୍ରାମରେ ସଫଳ ଚଢ଼ାଉ କରାଯାଇଛି। ଶନିବାର ପ୍ରାୟ ୧୦ଟା ୫୦ରେ ବିଶ୍ୱସ୍ତ ସୂଚନା ଆଧାରରେ ମୋବାଇଲ୍ ଟିମ୍ ଓ ଛେଣ୍ଡିପଦା ରେଞ୍ଜ କର୍ମଚାରୀମାନେ ତାରିଣୀ ମନ୍ଦିର ପଛପଟେ ଚଢ଼ାଉ କରିଥିଲେ। ଚଢ଼ାଉ ସମୟରେ ୧୭ କ୍ୟୁବିକ୍ ଫୁଟ୍ ଶାଗୁଆନ କାଠ ପଟା, ୭ଟି ଅର୍ଦ୍ଧନିର୍ମିତ ଶାଗୁଆନ କବାଟ ସହ ବେଆଇନ କାଠ କାରବାରରେ ବ୍ୟବହୃତ କିଛି ମେସିନ୍ ଓ ସରଞ୍ଜାମ ଜବତ କରାଯାଇଛି। ଏନେଇ ୟୁ.ଡି. କେସ୍ ନମ୍ବର ୦୩/୬ (୨୦୨୬-୨୭)ରେ ମାମଲା ରୁଜୁ ହୋଇଛି। ଜବତ ସାମଗ୍ରୀକୁ ଛେଣ୍ଡିପଦା ରେଞ୍ଜ କାର୍ଯ୍ୟାଳୟକୁ ଅଣାଯାଇ ଆଇନଗତ ପ୍ରକ୍ରିୟା ଅନୁସାରେ ତଦନ୍ତ ଜାରି ରହିଛି। ରେଞ୍ଜ ଅଧିକାରୀ ପ୍ରଶାନ୍ତ କୁମାର ହନୁମାନଙ୍କ ନେତୃତ୍ୱରେ ବନ ବିଭାଗର କର୍ମଚାରୀ ଓ ହାତୀ ସ୍କ୍ୱାଡ୍‌ର ସଦସ୍ୟମାନେ ଏହି ଚଢ଼ାଉରେ ସାମିଲ ଥିଲେ।

କଣିହାଁ: ଅନୁଗୋଳ ଜିଲ୍ଲା କଣିହାଁ ଥାନା ଅଞ୍ଚଳରେ ଦାମୀ BMW କାର୍‌ରେ ଚାଲିଥିଲା ବ୍ରାଉନ୍‌ସୁଗାର କାରବାର। ଗୁପ୍ତ ସୂଚନା ଆଧାରରେ ଅନୁଗୋଳ ସ୍ପେସାଲ୍‌ ସ୍କ୍ୱାଡ୍‌ ଓ କଣିହାଁ ପୁଲିସର ମିଳିତ ଚଢ଼ାଉରେ ୧୦ ଗ୍ରାମ ବ୍ରାଉନ୍‌ସୁଗାର ଜବତ ହୋଇଛି। ଏହି ଘଟଣାରେ ୩ ଜଣଙ୍କୁ ପୁଲିସ ଗିରଫ କରିଛି। ପୁଲିସ ସୂଚନା ଅନୁସାରେ, କଣିହାଁ ଥାନାଠାରୁ ପ୍ରାୟ ୩ କିଲୋମିଟର ଦୂର ଛେଳିଆ ଗ୍ରାମର ଖେଳପଡ଼ିଆ ନିକଟରେ ଏକ ଦାମୀ କାର୍‌ ଭିତରେ ଡ୍ରଗ୍ସ କାରବାର ଚାଲିଥିବା ନେଇ ପୁଲିସକୁ ଗୁପ୍ତ ସୂଚନା ମିଳିଥିଲା। ଏହାପରେ ସ୍ପେସାଲ୍‌ ସ୍କ୍ୱାଡ୍‌ ଓ କଣିହାଁ ପୁଲିସ ମିଳିତ ଭାବେ ଚଢ଼ାଉ କରିଥିଲେ। ଚଢ଼ାଉ ସମୟରେ ୧୦ ଗ୍ରାମ ବ୍ରାଉନ୍‌ସୁଗାର ସହ ଗୋଟିଏ BMW କାର୍‌ ଓ ଗୋଟିଏ ବାଇକ୍‌ ଜବତ କରାଯାଇଛି। ଏହି ଘଟଣାରେ ଛେଳିଆ ଗ୍ରାମର ପପୁନ ସେଠୀ, ତେଲିସିଂହା ଗ୍ରାମର ଅନୁପ ଦେହୁରୀ ଓ ବଡ଼ଗୁଣ୍ଡୁରୀ ଗ୍ରାମର ସିଲୁ ସେଠୀଙ୍କୁ ଗିରଫ କରାଯାଇଛି। ଘଟଣାର ମୁଖ୍ୟ ଅଭିଯୁକ୍ତ ଫେରାର ଥିବା ପୁଲିସ ସୂଚନା ଦେଇଛି। ଏନେଇ କଣିହାଁ ଥାନାରେ ମାମଲା ନମ୍ବର ୨୨୧/୨୬ ରୁଜୁ ହୋଇଛି। ଗିରଫ ୩ ଅଭିଯୁକ୍ତଙ୍କୁ ପୁଲିସ କୋର୍ଟ ଚାଲାଣ କରିଛି। ଫେରାର ମୁଖ୍ୟ ଅଭିଯୁକ୍ତଙ୍କୁ ଧରିବା ସହ ଏହି ଡ୍ରଗ୍ସ କାରବାରର ଚେର ଖୋଜିବା ପାଇଁ ପୁଲିସ ତଦନ୍ତ ଜାରି ରଖିଛି।

ଚିକିଟି ବ୍ଲକ୍‌ରେ ବିଦ୍ୟାଳୟ ସ୍ତରୀୟ କୃମିନାଶକ ଦିବସ ପାଳନ ନିମନ୍ତେ ଏକ ବ୍ୟାପକ ସଚେତନତା ଶିବିର ରାଜକବି ରାଧାମୋହନ ବିଦ୍ୟାପୀଠ ଓ ଚିକିଟି ପେଣ୍ଠ ନୋଡାଲ ଉଚ୍ଚ ବିଦ୍ୟାଳୟଠାରେ ଦୁଇଟି ଭିନ୍ନ ଭିନ୍ନ ଯାଗାରେ ଅନୁଷ୍ଠିତ ହୋଇଯାଇଛି।ଶିବିରରେ ମୁଖ୍ୟ ଅତିଥି ଭାବେ ଏବିଇଓ ତ୍ରିନାଥ ମଲ୍ଲିକ ଓ ମେଘନାଥ ବେହେରା ଯୋଗଦେଇ କୃମି ସଂକ୍ରମଣରୁ ଛାତ୍ରଛାତ୍ରୀଙ୍କୁ ମୁକ୍ତ ରଖିବା ପାଇଁ କୃମିନାଶକ ଔଷଧ ସେବନ ସହିତ ସ୍ୱଚ୍ଛତା ଓ ସ୍ୱାସ୍ଥ୍ୟକର ଅଭ୍ୟାସର ଗୁରୁତ୍ୱ ସମ୍ପର୍କରେ ଆଲୋକପାତ କରିଥିଲେ।ଚିକିଟି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରର ଡାକ୍ତର ପୁରଂଜିତ ପାତ୍ର କୃମି ସଂକ୍ରମଣର କାରଣ, ଏହାର ପ୍ରତିରୋଧ ଏବଂ କୃମିନାଶକ ଔଷଧର ଉପକାରିତା ସମ୍ପର୍କରେ ଉପସ୍ଥିତ ଶିକ୍ଷକମାନଙ୍କୁ ସଚେତନ କରିଥିଲେ।କାର୍ଯ୍ୟକ୍ରମକୁ ବିପିଏମ୍ ବନ ବିହାରୀ ନାୟକ ଓ ରାମଚନ୍ଦ୍ର ସାହୁ ପରିଚାଳନା କରିଥିବାବେଳେ ଗିରିସୋଲା ସିଆରସିସି ବି. ଭେଙ୍କେଟ ରାଓ ସହଯୋଗ କରିଥିଲେ। ଶିବିରରେ ଚିକିଟି ବ୍ଲକ୍‌ର ୧୨ଟି କ୍ଲଷ୍ଟରର ସିଆରସିସିଙ୍କ ସମେତ ୧୧୨ଟି ସରକାରୀ ଓ ବେସରକାରୀ ବିଦ୍ୟାଳୟର ପ୍ରଧାନ ଶିକ୍ଷକ/ଶିକ୍ଷୟିତ୍ରୀ ଯୋଗଦେଇଥିଲେ।ଛାତ୍ରଛାତ୍ରୀଙ୍କୁ କୃମିମୁକ୍ତ କରିବା ସହ ସେମାନଙ୍କ ମଧ୍ୟରେ ସ୍ୱଚ୍ଛତା, ସ୍ୱାସ୍ଥ୍ୟ ଓ ପୋଷଣ ସମ୍ପର୍କରେ ସଚେତନତା ବୃଦ୍ଧି କରିବା ଦିଗରେ ଏହି ଶିବିର ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ବୋଲି ମତ ପ୍ରକାଶ ପାଇଥିଲା।