Web News

ଚୋରି ଓ ଛିନତାଇ ମାମଲାରେ ରାଉରକେଲା ପୋଲିସ୍ ଦ୍ବାରା ୨ ନାବାଳକଙ୍କ ସମେତ ୩ ଗିରଫ ଏବଂ ଚୋରି ସାମଗ୍ରୀ ଜବତ ରାଉରକେଲା ୧/୮, ସେକ୍ଟର-୧୯ ପୋଲିସ ଷ୍ଟେସନ୍ ସଫଳତାର ସହ ଛଅଟି ଛିନତାଇ ଏବଂ ତିନୋଟି ଚୋରି ମାମଲା ସମାଧାନ କରି ଜଣେ ଅଭିଯୁକ୍ତଙ୍କୁ ଗିରଫ କରିଛି ଏବଂ ଆଇନ ବିରୁଦ୍ଧାଚରଣ (CCL)ରେ ଦୁଇ ପିଲାଙ୍କୁ ଅଟକ ରଖିଛି। ଅଭିଯୁକ୍ତଙ୍କଠାରୁ ପୋଲିସ ଆଠଟି ଚୋରି ମୋବାଇଲ୍ ଫୋନ୍, ନଗଦ ୧୫,୯୦୦ (୧୫ ହଜାର ୯ ଶହ)ଟଙ୍କା ଏବଂ ଅନ୍ୟାନ୍ୟ ଚୋରି ଜିନିଷ ଜବତ କରିଛି। ଡିଏସପି ମନୋରଞ୍ଜନ ଦାସ ଏବଂ ସେକ୍ଟର-୧୯ ଥାନା ଅଧିକାରୀ ବୈଦ୍ୟନାଥ ସାହୁ ଏ ବିଷୟରେ ସୂଚନା ଦେଇଛନ୍ତି। ପୋଲିସର ସୂଚନା ଅନୁସାରେ ୨୦୨୬ ଜୁଲାଇ ୨୯ ତାରିଖରେ ସେକ୍ଟର-୧୯ ପୋଲିସ ଥାନା କେସ୍ ନମ୍ବର ୧୬୧ ଅନୁଯାୟୀ ପଞ୍ଜିକୃତ ଏକ ମାମଲାର ତଦନ୍ତ ସମୟରେ ଏହି ସଫଳତା ମିଳିଛି। ଅଭିଯୋଗକାରୀ ବିଶ୍ରା ଥାନା ଅନ୍ତର୍ଗତ ଖୁଣ୍ଟଗାଓଁ ସାରାଇଟୋଲି ନିବାସୀ ସୁକୋ ଓରାମ (୫୦) କହିଛନ୍ତି ଯେ, ଜୁଲାଇ ୨୯ ତାରିଖ ଦିନ ପ୍ରାୟ ୨ଟା ସମୟରେ, ସେ ସେକ୍ଟର-୧୯ ସ୍ଥିତ ବ୍ୟାଙ୍କ ଅଫ୍ ଇଣ୍ଡିଆର ଟାଉନସିପ୍ ଶାଖାରୁ ୪,୦୦୦ ଟଙ୍କା ଉଠାଇ ଫେରୁଥିଲା ବେଳେ ଏକ ମୋଟରସାଇକେଲରେ ତିନି ଜଣ ଯୁବକ ତାଙ୍କ ପଛରୁ ଆସି ତାଙ୍କ ଭ୍ୟାନିଟି ବ୍ୟାଗକୁ ଛଡ଼ାଇ ନେଇଥିଲେ। ଭ୍ଯାନିଟରେ ୪ ହଜାର ୧୦୦ ଟଙ୍କା, ଏକ ଆଧାର କାର୍ଡ, ଗୋଟିଏ ବ୍ୟାଙ୍କ ପାସବୁକ୍ ଏବଂ ଏକ ଫଟୋ ଥିଲା। ଭ୍ଯାନିଟ୍ ନେଇ ସେମାନେ ସେଠାରୁ ପଳାଇ ଯାଇଥିଲେ। ମମାମଲାର ତଦନ୍ତ କରି ପୋଲିସ ରାଉରକେଲା ସେକ୍ଟର-୩ ଥାନା ଅଧିନସ୍ଥ ସେକ୍ଟର-୧ର କଲ୍ୟାଣୀ ବସ୍ତି ନିବାସୀ କନ୍ହେୟା ଚୌଧୁରୀଙ୍କ ପୁଅ ସୁରଜ ଚୌଧୁରୀ ଓରଫ ଚିଣ୍ଟୁ (୨୬)କୁ ଗିରଫ କରିଥିଲା। ଏହି ମାମଲାରେ ସମ୍ପୃକ୍ତ ଦୁଇ ନାବାଳକଙ୍କୁ ମଧ୍ୟ ଅଟକ ରଖାଯାଇଥିଲା। ପୋଲିସ କହିଛି ଯେ ଗିରଫ ଅଭିଯୁକ୍ତଙ୍କୁ ପଚରାଉଚରା ଆଧାରରେ, ଛିନତାଇ ଏବଂ ଚୋରିର ମୋଟ ନଅଟି ଘଟଣାର ପର୍ଦ୍ଦାଫାସ ହୋଇଛି, ଏବଂ ଅଧିକ ତଦନ୍ତ ଜାରି ରହିଛି।

ଚୋରି ଓ ଛିନତାଇ ମାମଲାରେ ରାଉରକେଲା ପୋଲିସ୍ ଦ୍ବାରା ୨ ନାବାଳକଙ୍କ ସମେତ ୩ ଗିରଫ ଏବଂ ଚୋରି ସାମଗ୍ରୀ ଜବତ ରାଉରକେଲା ୧/୮, ସେକ୍ଟର-୧୯ ପୋଲିସ ଷ୍ଟେସନ୍ ସଫଳତାର ସହ ଛଅଟି ଛିନତାଇ ଏବଂ ତିନୋଟି ଚୋରି ମାମଲା ସମାଧାନ କରି ଜଣେ ଅଭିଯୁକ୍ତଙ୍କୁ ଗିରଫ କରିଛି ଏବଂ ଆଇନ ବିରୁଦ୍ଧାଚରଣ (CCL)ରେ ଦୁଇ ପିଲାଙ୍କୁ ଅଟକ ରଖିଛି। ଅଭିଯୁକ୍ତଙ୍କଠାରୁ ପୋଲିସ ଆଠଟି ଚୋରି ମୋବାଇଲ୍ ଫୋନ୍, ନଗଦ ୧୫,୯୦୦ (୧୫ ହଜାର ୯ ଶହ)ଟଙ୍କା ଏବଂ ଅନ୍ୟାନ୍ୟ ଚୋରି ଜିନିଷ ଜବତ କରିଛି। ଡିଏସପି ମନୋରଞ୍ଜନ ଦାସ ଏବଂ ସେକ୍ଟର-୧୯ ଥାନା ଅଧିକାରୀ ବୈଦ୍ୟନାଥ ସାହୁ ଏ ବିଷୟରେ ସୂଚନା ଦେଇଛନ୍ତି। ପୋଲିସର ସୂଚନା ଅନୁସାରେ ୨୦୨୬ ଜୁଲାଇ ୨୯ ତାରିଖରେ ସେକ୍ଟର-୧୯ ପୋଲିସ ଥାନା କେସ୍ ନମ୍ବର ୧୬୧ ଅନୁଯାୟୀ ପଞ୍ଜିକୃତ ଏକ ମାମଲାର ତଦନ୍ତ ସମୟରେ ଏହି ସଫଳତା ମିଳିଛି। ଅଭିଯୋଗକାରୀ ବିଶ୍ରା ଥାନା ଅନ୍ତର୍ଗତ ଖୁଣ୍ଟଗାଓଁ ସାରାଇଟୋଲି ନିବାସୀ ସୁକୋ ଓରାମ (୫୦) କହିଛନ୍ତି ଯେ, ଜୁଲାଇ ୨୯ ତାରିଖ ଦିନ ପ୍ରାୟ ୨ଟା ସମୟରେ, ସେ ସେକ୍ଟର-୧୯ ସ୍ଥିତ ବ୍ୟାଙ୍କ ଅଫ୍ ଇଣ୍ଡିଆର ଟାଉନସିପ୍ ଶାଖାରୁ ୪,୦୦୦ ଟଙ୍କା ଉଠାଇ ଫେରୁଥିଲା ବେଳେ ଏକ ମୋଟରସାଇକେଲରେ ତିନି ଜଣ ଯୁବକ ତାଙ୍କ ପଛରୁ ଆସି ତାଙ୍କ ଭ୍ୟାନିଟି ବ୍ୟାଗକୁ ଛଡ଼ାଇ ନେଇଥିଲେ। ଭ୍ଯାନିଟରେ ୪ ହଜାର ୧୦୦ ଟଙ୍କା, ଏକ ଆଧାର କାର୍ଡ, ଗୋଟିଏ ବ୍ୟାଙ୍କ ପାସବୁକ୍ ଏବଂ ଏକ ଫଟୋ ଥିଲା। ଭ୍ଯାନିଟ୍ ନେଇ ସେମାନେ ସେଠାରୁ ପଳାଇ ଯାଇଥିଲେ। ମମାମଲାର ତଦନ୍ତ କରି ପୋଲିସ ରାଉରକେଲା ସେକ୍ଟର-୩ ଥାନା ଅଧିନସ୍ଥ ସେକ୍ଟର-୧ର କଲ୍ୟାଣୀ ବସ୍ତି ନିବାସୀ କନ୍ହେୟା ଚୌଧୁରୀଙ୍କ ପୁଅ ସୁରଜ ଚୌଧୁରୀ ଓରଫ ଚିଣ୍ଟୁ (୨୬)କୁ ଗିରଫ କରିଥିଲା। ଏହି ମାମଲାରେ ସମ୍ପୃକ୍ତ ଦୁଇ ନାବାଳକଙ୍କୁ ମଧ୍ୟ ଅଟକ ରଖାଯାଇଥିଲା। ପୋଲିସ କହିଛି ଯେ ଗିରଫ ଅଭିଯୁକ୍ତଙ୍କୁ ପଚରାଉଚରା ଆଧାରରେ, ଛିନତାଇ ଏବଂ ଚୋରିର ମୋଟ ନଅଟି ଘଟଣାର ପର୍ଦ୍ଦାଫାସ ହୋଇଛି, ଏବଂ ଅଧିକ ତଦନ୍ତ ଜାରି ରହିଛି।

ରାଉରକେଲା: ସିନିୟର୍ ସୋସିଆଲ ସୋସାଇଟି ରାଉରକେଲା ଓ ଏହାର ଅନ୍ୟତମ ସହଯୋଗୀ ଗୃହଲକ୍ଷ୍ମୀ ସହ ତୁମକେଲା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ର ମିଳିତ ଆନୁକୂଲ୍ୟରେ ଏକ ମେଗା ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ପ୍ରଥମ କରି ୧୦ ଯୋଡା ଦମ୍ପତି ବୃକ୍ଷରୋପଣ କରି ଏହି କାର୍ଯ୍ୟକ୍ରମ କୁ ଶୁଭାରମ୍ଭ କରିଥିଲେ। ଅନୁଷ୍ଠାନର ଆବାହକ ଗୈ।ରାଙ୍ଗ ସେଠୀଙ୍କ ଆବାହକତ୍ୱ ତଥା ଉପଦେଷ୍ଟା ଜର୍ଣ୍ଣାଲିଷ୍ଟ ଆସୋସିଏସନର ଉପସଭାପତି ତଥା କବି କୁଞ୍ଜବିହାରୀ ରାଉତ ଙ୍କ ସଂଯୋଜନାରେ ଆୟୋଜିତ ଏହି କାର୍ଯ୍ୟକ୍ରମରେ ପାନପୋଷ ରେଞ୍ଜର ସୁଶ୍ରୀ ସୁଚିସ୍ମିତା ଦାସ ମୁଖ୍ୟଅତିଥି ତଥା ସମ୍ମାନିତ ଅତିଥି ଭାବେ ଶିକ୍ଷାବିତ୍ ଗ୍ରେସୀ ଡେଭିଡ, ସମାଜସେବୀ ଶ୍ରଦ୍ଧା ଷଡ଼ଙ୍ଗୀ, ପ୍ରକୃତିପ୍ରେମୀ ମନୋଜ କୁମାର ମାଝୀ, ବିଦ୍ୟାଳୟର ଭାରପ୍ରାପ୍ତ ପ୍ରଧାନ ଶିକ୍ଷୟିତ୍ରୀ ରାଜଶ୍ରୀ ପରିଜା, ବିଦ୍ୟାଳୟ ପରିଚାଳନା କମିଟି ର ଅଧ୍ୟକ୍ଷ ସୀତାରାମ ସୁନା,ସମାଜସେବୀ ନିରୋଜ ମିଶ୍ର,ସତ୍ୟ ସାହୁ,ଅଲ ଇଣ୍ଡିଆ ରେଡିଓ ର ଉଦଘୋଷକ ଅଶୋକ ରାଉତ ପ୍ରମୁଖ ଅତିଥି ଭାବେ ଯୋଗଦେଇ ବୃକ୍ଷ ରୋପଣ ର ଉପକାରିତା ଓ ପ୍ରାସଙ୍ଗିକତା ସମ୍ପର୍କରେ ବକ୍ତବ୍ୟ ରଖିଥିଲେ। ମୁଖ୍ୟଅତିଥି ସୁଶ୍ରୀ ଦାଶ ଓ ଅନ୍ୟଅତିଥି ମାନେ ସେମାନଙ୍କ ବକ୍ତବ୍ୟରେ ବୃକ୍ଷରୋପଣର ଉପକାରିତା,ପ୍ରଦ୍ୟୁଷଣ ରୁ ରକ୍ଷା, ବୃକ୍ଷ ର ଯତ୍ନ, ରକ୍ଷଣାବେକ୍ଷଣ,ତାର ସୁରକ୍ଷା, ବୃକ୍ଷର ପୁନ୍ନରୋପଣ ଓ ଅନ୍ୟାନ୍ୟ ପ୍ରସଙ୍ଗରେ ଆଲୋଚନା କରିଥିଲେ। ଅନ୍ୟମାନଙ୍କ ମଧ୍ୟରେ ଉର୍ମିଳା ଡାଳୁଆ, ଜ୍ୟୋସ୍ନାରାଣୀ ରାଉତ, ଲକ୍ଷ୍ମୀ ନାୟକ, ରାଧିକା ସେଠୀ,ପ୍ରଶ୍ମିତା ସାହୁ,ଛନ୍ଦା ମାଝୀ, ଶୁକୁମତୀ ସୋରେନ, ନରେନ୍ଦ୍ର ସିଂ କାହ୍ଲା, ମୀନାକ୍ଷୀ ଓଝା, ସୁଲୋଚନା ଓଝା,ସୁବାସୀନି ବିଶ୍ବାଳ, ସବିତା ରାଉଳ,ପ୍ରକାଶ ନାୟକ, ଶିବଶଙ୍କର ବିଶ୍ବାଳ,ଗଦାଧର ସାହୁ,ଜଗଦିଶ ପଶାୟତ, ଯୋଗେଶ ପଶାୟତ ଓ ବିଦ୍ୟାଳୟର ସୁସ୍ମିତା ସାହୁ, ମମତାମୟୀ ପଟେଲ,ରୀନୁ ପ୍ରଧାନ ଓ ଅନ୍ୟମାନେ ଯୋଗଦେଇ ବିଦ୍ୟାଳୟ ପରିସରରେ ବୃକ୍ଷ ରୋପଣ ସହ ତାହାର ସୁରକ୍ଷା ପାଇଁ ପ୍ରତିବଦ୍ଧତା ରଖିଥିଲେ। ଅନ୍ୟମାନଙ୍କ ମଧ୍ୟରେ ସୁଚିସ୍ମିତା ରାଉତ,ଶ୍ରୀତମ ସେଠୀ,ରାଜେଶ ପ୍ରସାଦ,ସହାୟିକା ସୁମିତ୍ରା ପଶାୟତ, ସୁମିତ୍ରା ସିଂ,ସୁଗୀ ସମାସୀ,ବାସୁଦେବ ନାଗ,ଶାର୍ଦୁ ଖାଡିଆ ଙ୍କ ସମେତ ସିଟିଜେନ ସୋସାଇଟି ର ବହୁ ସଦସ୍ୟ ଯୋଗଦେଇ ବିଦ୍ୟାଳୟ ପରିସରରେ ଶତାଧିକ ବୃକ୍ଷ ରୋପଣ କରିଥିଲେ। ଅନୁଷ୍ଠାନ ତରଫରୁ ବିଦ୍ୟାଳୟ ଛାତ୍ରଛାତ୍ରୀଙ୍କୁ ବିସ୍କୁଟ ଓ ଜଳ ବଣ୍ଟନ କରାଯାଇଥିଲା। କାର୍ଯ୍ୟକ୍ରମ ଶେଷରେ ଆବାହକ ଶ୍ରୀ ସେଠୀ ଧନ୍ୟବାଦ ଅର୍ପଣ କରିଥିଲେ।

ରାଉରକେଲା: ସହରର ୨୭ ଟି ନାଟ୍ୟାନୁଷ୍ଠାନ କୁ ନେଇ ଗଠିତ ହେଇଥିବା ଏକତ୍ର ତରଫରୁ ଆସନ୍ତା ୨ ଓ ୩ ତାରିଖ ଅପରାହ୍ନ ୩ ଟା ସମୟରେ ଏକକ ନାଟକ ଉତ୍ସବ ପାଳନ କରାଯିବ ବୋଲି ଅନୁଷ୍ଠାନ ର ସଭାପତି ରାଜୀବ ପାଣି ସୂଚନା ଦେଇଛନ୍ତି। ସୂଚନା ଅନୁସାରେ ସହରର ବିଭିନ୍ନ ନାଟ୍ୟାନୁଷ୍ଠାନର ୮୬ ଜଣ ବରିଷ୍ଠ ଓ କନିଷ୍ଠ ଅଭିନେତା ଅଭିନେତ୍ରୀ ମାନେ ୩ ଭାଗରେ ଯଥା ଶଂଖ ,କୋଏଲ, ସରସ୍ଵତୀ ଭାବେ ବିଭକ୍ତ ହୋଇ ଏକକ ନାଟକ ଅଭିନୟ ପ୍ରଦର୍ଶନ କରିବେ। ଏହି କାର୍ଯ୍ୟକ୍ରମରେ ୨ ତାରିଖ ଦିନ ଅତିଥି ଭାବେ ରଘୁନାଥପାଲି ବିଧାୟକ ତଥା ସୁନ୍ଦରଗଡ ଜିଲ୍ଲା ଯୋଜନା ବୋର୍ଡ କମିଟିର ଅଧ୍ୟକ୍ଷ ଦୁର୍ଗାଚରଣ ତନ୍ତୀ ଓ ଓଡିଶା ନାଟ୍ୟ ସଂଘର ସମ୍ପାଦକ ସୁଧାଂଶୁ ମୋହନ ଦ୍ବିବେଦୀ, ୩ ତାରିଖ ଦିନ ଦୀପିକା ମହିଳା ସଂହତିର ଅଧ୍ୟକ୍ଷା ନମ୍ରତା ବର୍ମା, ଚିନ୍ମୟ ଇଂରାଜୀ ମାଧ୍ୟମ ବିଦ୍ୟାଳୟର ଅଧ୍ୟକ୍ଷା ଶର୍ମିଷ୍ଠା କବିଶତପଥୀ ଅତିଥି ଭାବେ ଯୋଗଦେଇ କଳାକାର ମାନଙ୍କୁ ଉତ୍ସାହିତ କରିବେ। ସେହିପରି ୩ ତାରିଖ ଦିନ ରାତି ୮ ଟା ବେଳେ ରାଉରକେଲା ବିଧାୟକ ସାରଦା ପ୍ରସାଦ ନାୟକ ଓ ରାଉରକେଲା ଇସ୍ପାତ କାରଖାନା ର ଲୋକସମ୍ପର୍କ ବିଭାଗର ମହାପ୍ରବନ୍ଧକ ଅର୍ଚ୍ଚନା ଶତପଥୀ ଅତିଥି ଭାବେ ଯୋଗଦେଇ କଳାକାର ମାନଙ୍କୁ ପୁରସ୍କୃତ କରିବେ। ଏହି କାର୍ଯ୍ୟକ୍ରମରେ ସହରର କଳାପ୍ରେମୀ ଓ ଜନସାଧାରଣ ଙ୍କୁ ଅନୁରୋଧ କରି ଏକତ୍ର ର ସଭାପତି ରାଜୀବ ପାଣି ଓ ସାଧାରଣ ସମ୍ପାଦକ ବିଜୟ କୁମାର ପାତ୍ର କହିଛନ୍ତି ଯେ ବହୁ ସଂଖ୍ୟାରେ ଯୋଗଦେଇ ଏହି କାର୍ଯ୍ୟକ୍ରମକୁ ସଫଳ କରିବା ସହ କଳାକାରଙ୍କୁ ଉତ୍ସାହିତ କରିବା ହେବେ।

ବନ୍ୟା ବିପର୍ଯ୍ୟୟରେ ପ୍ରଭାବିତ ଲୋକଙ୍କ ସମସ୍ୟାକୁ ନିକଟରୁ ବୁଝିବା ଏବଂ ସରକାରୀ ସହାୟତାର ବାସ୍ତବ ଚିତ୍ର ଅନୁଧ୍ୟାନ କରିବା ପାଇଁ ରାଜ୍ୟର ମନ୍ତ୍ରୀ ସୂର୍ଯ୍ୟବଂଶୀ ସୂରଜ ରାତ୍ରି ସମୟରେ ଜଳବନ୍ଦୀ ଅଞ୍ଚଳ ପରିଦର୍ଶନ କରିଛନ୍ତି। ହାତରେ ଟର୍ଚ୍ଚ ଧରି ଅନ୍ଧାର ରାତିରେ ବନ୍ୟା ପାଣି ଘେରା ଅଞ୍ଚଳକୁ ଯାଇ ସେ ପ୍ରଭାବିତ ପରିବାରଙ୍କ ସହ ସିଧାସଳଖ ଆଲୋଚନା କରି ସେମାନଙ୍କ ଦୁଃଖଦୁର୍ଦ୍ଦଶା ଓ ଆବଶ୍ୟକତା ସମ୍ପର୍କରେ ଅବଗତ ହୋଇଥିଲେ। ପରିଦର୍ଶନ ସମୟରେ ମନ୍ତ୍ରୀ ପ୍ରତ୍ୟେକ ପରିବାର ପାଖରେ ସରକାରୀ ରିଲିଫ ଓ ସହାୟତା ସଠିକ୍ ଭାବେ ପହଞ୍ଚୁଛି କି ନାହିଁ, ତାହାର ସମୀକ୍ଷା କରିଥିଲେ। ବିଶେଷକରି ରନ୍ଧା ଖାଦ୍ୟ, ଶୁଖିଲା ଖାଦ୍ୟ, ବିଶୁଦ୍ଧ ପାନୀୟ ଜଳ ଓ ଅନ୍ୟାନ୍ୟ ଜରୁରୀ ସାମଗ୍ରୀର ବଣ୍ଟନ ବ୍ୟବସ୍ଥାକୁ ସେ ନିଜେ ଯାଞ୍ଚ କରିଥିଲେ। ଯେଉଁଠାରେ ଅଭାବ କିମ୍ବା ତ୍ରୁଟି ପରିଲକ୍ଷିତ ହୋଇଥିଲା, ସେଠାରେ ସମ୍ପୃକ୍ତ ଅଧିକାରୀଙ୍କୁ ତୁରନ୍ତ ସମାଧାନମୂଳକ ପଦକ୍ଷେପ ଗ୍ରହଣ କରିବାକୁ ସେ ନିର୍ଦ୍ଦେଶ ଦେଇଥିଲେ। ମନ୍ତ୍ରୀ ସୂର୍ଯ୍ୟବଂଶୀ ସୂରଜ କହିଥିଲେ ଯେ, ବିପଦ ସମୟରେ ସରକାରଙ୍କ ପ୍ରାଥମିକତା ହେଉଛି ପ୍ରଭାବିତ ଲୋକଙ୍କ ପାଖରେ ପହଞ୍ଚି ସେମାନଙ୍କୁ ଆବଶ୍ୟକ ସହାୟତା ଯୋଗାଇବା। କୌଣସି ପରିବାର ଯେପରି ରିଲିଫ ଓ ଜରୁରୀ ସେବାରୁ ବଞ୍ଚିତ ନ ହୁଅନ୍ତି, ସେଥିପାଇଁ ପ୍ରଶାସନ ସତର୍କତାର ସହ କାର୍ଯ୍ୟ କରୁଥିବା ସେ ପ୍ରକାଶ କରିଥିଲେ। ମନ୍ତ୍ରୀଙ୍କ ଏହି ରାତ୍ରିକାଳୀନ ଗ୍ରାଉଣ୍ଡ ଭିଜିଟ୍‌କୁ ସ୍ଥାନୀୟ ଅଞ୍ଚଳବାସୀ ସ୍ୱାଗତ କରିଥିବା ବେଳେ ବିପଦ ସମୟରେ ଜନପ୍ରତିନିଧିଙ୍କ ଏଭଳି ସକ୍ରିୟ ଉପସ୍ଥିତି ପ୍ରଭାବିତ ଲୋକଙ୍କ ମନରେ ଆଶ୍ୱାସନ ଓ ବିଶ୍ୱାସ ସୃଷ୍ଟି କରିଥିବା ସେମାନେ ପ୍ରକାଶ କରିଛନ୍ତି।

ବନ୍ୟା ବିପର୍ଯ୍ୟୟରେ ପ୍ରଭାବିତ ଲୋକଙ୍କ ସମସ୍ୟାକୁ ନିକଟରୁ ବୁଝିବା ଏବଂ ସରକାରୀ ସହାୟତାର ବାସ୍ତବ ଚିତ୍ର ଅନୁଧ୍ୟାନ କରିବା ପାଇଁ ରାଜ୍ୟର ମନ୍ତ୍ରୀ ସୂର୍ଯ୍ୟବଂଶୀ ସୂରଜ ରାତ୍ରି ସମୟରେ ଜଳବନ୍ଦୀ ଅଞ୍ଚଳ ପରିଦର୍ଶନ କରିଛନ୍ତି। ହାତରେ ଟର୍ଚ୍ଚ ଧରି ଅନ୍ଧାର ରାତିରେ ବନ୍ୟା ପାଣି ଘେରା ଅଞ୍ଚଳକୁ ଯାଇ ସେ ପ୍ରଭାବିତ ପରିବାରଙ୍କ ସହ ସିଧାସଳଖ ଆଲୋଚନା କରି ସେମାନଙ୍କ ଦୁଃଖଦୁର୍ଦ୍ଦଶା ଓ ଆବଶ୍ୟକତା ସମ୍ପର୍କରେ ଅବଗତ ହୋଇଥିଲେ। ପରିଦର୍ଶନ ସମୟରେ ମନ୍ତ୍ରୀ ପ୍ରତ୍ୟେକ ପରିବାର ପାଖରେ ସରକାରୀ ରିଲିଫ ଓ ସହାୟତା ସଠିକ୍ ଭାବେ ପହଞ୍ଚୁଛି କି ନାହିଁ, ତାହାର ସମୀକ୍ଷା କରିଥିଲେ। ବିଶେଷକରି ରନ୍ଧା ଖାଦ୍ୟ, ଶୁଖିଲା ଖାଦ୍ୟ, ବିଶୁଦ୍ଧ ପାନୀୟ ଜଳ ଓ ଅନ୍ୟାନ୍ୟ ଜରୁରୀ ସାମଗ୍ରୀର ବଣ୍ଟନ ବ୍ୟବସ୍ଥାକୁ ସେ ନିଜେ ଯାଞ୍ଚ କରିଥିଲେ। ଯେଉଁଠାରେ ଅଭାବ କିମ୍ବା ତ୍ରୁଟି ପରିଲକ୍ଷିତ ହୋଇଥିଲା, ସେଠାରେ ସମ୍ପୃକ୍ତ ଅଧିକାରୀଙ୍କୁ ତୁରନ୍ତ ସମାଧାନମୂଳକ ପଦକ୍ଷେପ ଗ୍ରହଣ କରିବାକୁ ସେ ନିର୍ଦ୍ଦେଶ ଦେଇଥିଲେ। ମନ୍ତ୍ରୀ ସୂର୍ଯ୍ୟବଂଶୀ ସୂରଜ କହିଥିଲେ ଯେ, ବିପଦ ସମୟରେ ସରକାରଙ୍କ ପ୍ରାଥମିକତା ହେଉଛି ପ୍ରଭାବିତ ଲୋକଙ୍କ ପାଖରେ ପହଞ୍ଚି ସେମାନଙ୍କୁ ଆବଶ୍ୟକ ସହାୟତା ଯୋଗାଇବା। କୌଣସି ପରିବାର ଯେପରି ରିଲିଫ ଓ ଜରୁରୀ ସେବାରୁ ବଞ୍ଚିତ ନ ହୁଅନ୍ତି, ସେଥିପାଇଁ ପ୍ରଶାସନ ସତର୍କତାର ସହ କାର୍ଯ୍ୟ କରୁଥିବା ସେ ପ୍ରକାଶ କରିଥିଲେ। ମନ୍ତ୍ରୀଙ୍କ ଏହି ରାତ୍ରିକାଳୀନ ଗ୍ରାଉଣ୍ଡ ଭିଜିଟ୍‌କୁ ସ୍ଥାନୀୟ ଅଞ୍ଚଳବାସୀ ସ୍ୱାଗତ କରିଥିବା ବେଳେ ବିପଦ ସମୟରେ ଜନପ୍ରତିନିଧିଙ୍କ ଏଭଳି ସକ୍ରିୟ ଉପସ୍ଥିତି ପ୍ରଭାବିତ ଲୋକଙ୍କ ମନରେ ଆଶ୍ୱାସନ ଓ ବିଶ୍ୱାସ ସୃଷ୍ଟି କରିଥିବା ସେମାନେ ପ୍ରକାଶ କରିଛନ୍ତି।

ଭଦ୍ରକ ସଂସଦୀୟ କ୍ଷେତ୍ର ଅନ୍ତର୍ଗତ ଭଣ୍ଡାରିପୋଖରୀ ବିଧାନସଭା ଅଞ୍ଚଳରେ ସୃଷ୍ଟି ହୋଇଥିବା ବନ୍ୟା ପରିସ୍ଥିତିର ସ୍ଥିତି ଅନୁଧ୍ୟାନ ପାଇଁ ଶନିବାର ଭଦ୍ରକ ସାଂସଦ ଅଭିମନ୍ୟୁ ସେଠୀ ଗ୍ରାଉଣ୍ଡ ଜିରୋରେ ପହଞ୍ଚି ପ୍ରଭାବିତ ଅଞ୍ଚଳର ସମୀକ୍ଷା କରିଛନ୍ତି। ବନ୍ୟାରେ କ୍ଷତିଗ୍ରସ୍ତ ଗ୍ରାମଗୁଡ଼ିକ ବୁଲି ଦେଖିବା ସହ ସେ ସ୍ଥାନୀୟ ଲୋକଙ୍କ ସହ ସିଧାସଳଖ ଆଲୋଚନା କରି ସେମାନଙ୍କ ସମସ୍ୟା ଓ ଆବଶ୍ୟକତା ସମ୍ପର୍କରେ ଅବଗତ ହୋଇଥିଲେ। ପରିଦର୍ଶନ ସମୟରେ ସାଂସଦ ନେରଡ଼ା ଗ୍ରାମ ପଞ୍ଚାୟତର ବନସ୍ତା ଅଞ୍ଚଳରେ ସୃଷ୍ଟି ହୋଇଥିବା ବନ୍ଧ ଘାଇ ସ୍ଥଳକୁ ଯାଇ କ୍ଷୟକ୍ଷତିର ସବିଶେଷ ସମୀକ୍ଷା କରିଥିଲେ। ବନ୍ଧ ଭାଙ୍ଗିଯିବା ଫଳରେ ବ୍ୟାପକ ଅଞ୍ଚଳ ଜଳମଗ୍ନ ହୋଇଥିବା ସହ ଯାତାୟାତ ବ୍ୟବସ୍ଥା ବାଧାପ୍ରାପ୍ତ ହେବା, ଚାଷଜମିର କ୍ଷତି ଏବଂ ଦୈନନ୍ଦିନ ଜୀବନ ବ୍ୟାହତ ହୋଇଥିବା ନେଇ ସ୍ଥାନୀୟ ବାସିନ୍ଦାମାନେ ସାଂସଦଙ୍କ ନିକଟରେ ଅଭିଯୋଗ କରିଥିଲେ। ପରିସ୍ଥିତିର ଗୁରୁତ୍ୱକୁ ଅନୁଭବ କରି ସାଂସଦ ଅଭିମନ୍ୟୁ ସେଠୀ ସମ୍ପୃକ୍ତ ବିଭାଗୀୟ ଅଧିକାରୀମାନଙ୍କୁ ବନ୍ଧ ମରାମତି କାର୍ଯ୍ୟ ତୁରନ୍ତ ଆରମ୍ଭ କରିବା, ଆବଶ୍ୟକ ଯନ୍ତ୍ରପାତି ଓ ମାନବ ସମ୍ବଳ ନିୟୋଜିତ କରିବା ସହ ଭବିଷ୍ୟତରେ ଏଭଳି ଘଟଣାର ପୁନରାବୃତ୍ତି ରୋକିବା ପାଇଁ ସ୍ଥାୟୀ ସମାଧାନ ଦିଗରେ ପଦକ୍ଷେପ ନେବାକୁ ନିର୍ଦ୍ଦେଶ ଦେଇଥିଲେ। ସେହିପରି ବନ୍ୟା ପ୍ରଭାବିତ ପରିବାରମାନଙ୍କୁ ସରକାରୀ ସହାୟତା, ରିଲିଫ ସାମଗ୍ରୀ, ବିଶୁଦ୍ଧ ପାନୀୟ ଜଳ, ସ୍ୱାସ୍ଥ୍ୟସେବା ଓ ଅନ୍ୟାନ୍ୟ ଜରୁରୀ ସୁବିଧା ଶୀଘ୍ର ପହଞ୍ଚାଇବାକୁ ପ୍ରଶାସନକୁ ସେ ତତ୍ପର ରହିବାକୁ କହିଥିଲେ। ସାଂସଦଙ୍କ ଏହି ଗ୍ରାଉଣ୍ଡ ଜିରୋ ପରିଦର୍ଶନ ଓ ତ୍ୱରିତ ପଦକ୍ଷେପକୁ ସ୍ଥାନୀୟ ଲୋକମାନେ ସ୍ୱାଗତ କରିଥିବା ବେଳେ ବନ୍ୟା ସମସ୍ୟାର ସ୍ଥାୟୀ ସମାଧାନ ପାଇଁ ସରକାର ଆହୁରି ଦୃଢ଼ ଓ ଦୀର୍ଘମିଆଦି ପଦକ୍ଷେପ ଗ୍ରହଣ କରିବେ ବୋଲି ଆଶା ପ୍ରକାଶ କରିଛନ୍ତି।

ଭଦ୍ରକ: ଭଦ୍ରକ ଜିଲ୍ଲା ଧାମନଗର ବ୍ଲକ ଅନ୍ତର୍ଗତ ଖଡ଼ିପଦା ପଞ୍ଚାୟତରେ ସମ୍ପ୍ରତି ବନ୍ୟା ପରିସ୍ଥିତି ଯୋଗୁଁ ଅନେକ ଅସହାୟ ଓ ଅଭାବଗ୍ରସ୍ତ ପରିବାର ନାନା ସମସ୍ୟାର ସମ୍ମୁଖୀନ ହୋଇ ଦୁର୍ଦ୍ଦିନ କାଟୁଛନ୍ତି। ଏଭଳି ପରିସ୍ଥିତିରେ ସେମାନଙ୍କ ସହାୟତା ପାଇଁ ସାମାଜିକ ପରିବାର ପକ୍ଷରୁ ଏକ ପ୍ରଶଂସନୀୟ ମାନବିକ ପଦକ୍ଷେପ ଗ୍ରହଣ କରାଯାଇଛି। ସାମାଜିକ ପରିବାରର ଅରୂପ ନନ୍ଦଙ୍କ ନେତୃତ୍ୱରେ ବନ୍ୟା ପୀଡ଼ିତ ଓ ଅଭାବଗ୍ରସ୍ତ କିଛି ପରିବାରଙ୍କୁ ଚାଉଳ, ଡାଲି, ତେଲ ସମେତ ବିଭିନ୍ନ ନିତ୍ୟାବଶ୍ୟକ ଖାଦ୍ୟ ସାମଗ୍ରୀ ବଣ୍ଟନ କରାଯାଇଥିଲା। ସ୍ୱଳ୍ପ ସାମର୍ଥ୍ୟ ଥିଲେ ମଧ୍ୟ ଅସହାୟ ଲୋକଙ୍କ ମୁହଁରେ ହସ ଫୁଟାଇବାର ଏହି ପ୍ରୟାସ ସମସ୍ତଙ୍କ ହୃଦୟକୁ ସ୍ପର୍ଶ କରିଥିଲା। ଏହି ସେବା କାର୍ଯ୍ୟକ୍ରମରେ ଯୁବ ସମାଜସେବୀ ବିରଞ୍ଚି ନାରାୟଣ ମହାଳିକ, ଯୁବ ସମାଜସେବୀ ରଜନୀକାନ୍ତ ମିଶ୍ର, ରାକେଶ ପଲାଇ, ପ୍ରଶାନ୍ତ ସୁତାର, ପିଙ୍କୁ ଓ ଜଗା ପ୍ରମୁଖ ସକ୍ରିୟ ଭାବେ ସହଯୋଗ କରିଥିଲେ। ସେମାନେ ଘରେ ଘରେ ପହଞ୍ଚି ପ୍ରକୃତ ଆବଶ୍ୟକତା ଥିବା ପରିବାରଙ୍କୁ ଖାଦ୍ୟ ସାମଗ୍ରୀ ବଣ୍ଟନ କରିଥିଲେ। ଏହି ମାନବିକ ପ୍ରୟାସକୁ ସ୍ଥାନୀୟ ଅଞ୍ଚଳବାସୀ ଉଚ୍ଚ ପ୍ରଶଂସା କରିଥିବା ବେଳେ, ବିପଦ ସମୟରେ ସମାଜର ସମସ୍ତ ସକ୍ଷମ ବ୍ୟକ୍ତି ଅସହାୟ ଲୋକଙ୍କ ପାଖରେ ଛିଡ଼ା ହେବାକୁ ଆହ୍ୱାନ ଜଣାଇଥିଲେ। "ମାନବ ସେବା ହିଁ ମାଧବ ସେବା"—ଏହି ଆଦର୍ଶକୁ ସାକାର କରି ସାମାଜିକ ପରିବାରର ଏହି ସେବା କାର୍ଯ୍ୟ କେବଳ ବନ୍ୟା ପୀଡ଼ିତଙ୍କୁ ସହାୟତା କରିନାହିଁ, ବରଂ ସମାଜରେ ମାନବିକତା ଓ ସେବାଭାବର ଏକ ଉତ୍କୃଷ୍ଟ ଉଦାହରଣ ସୃଷ୍ଟି କରିଛି।

ଅନୁଗୋଳ: ଅନୁଗୋଳ ଜିଲ୍ଲା ଯୋଜନା କମିଟି ନିର୍ବାଚନରେ ବିଜୁ ଜନତା ଦଳ (ବିଜେଡି) ୧୪ଟି ଆସନ ମଧ୍ୟରୁ ୧୦ଟି ଆସନରେ ବିପୁଳ ବିଜୟ ହାସଲ କରିଛି। ବିଜୟୀ ପ୍ରାର୍ଥୀମାନେ ହେଲେ ଶ୍ରୀମତୀ ବବିତା ପ୍ରଧାନ, ଶ୍ରୀମତୀ ରଶ୍ମିତା ସେଠୀ, ଶ୍ରୀ ପ୍ରଦୀପ କୁମାର ସାହୁ, ସୁଶ୍ରୀ ରୀତା ରାଣୀ ଦାସ, ଶ୍ରୀ ରଞ୍ଜନ କୁମାର ସାହୁ, ଶ୍ରୀମତୀ ସତ୍ୟଭାମା ସାହୁ, ଶ୍ରୀ ନଗେନ୍ଦ୍ର କୁମାର ପ୍ରଧାନ, ଶ୍ରୀମତୀ ସୁଶୀଳା ନାୟକ, ଶ୍ରୀମତୀ ଅନୁପମା ସାହୁ ଏବଂ ଶ୍ରୀମତୀ ସାବିତ୍ରୀ ମାଝୀ। ଏହି ଅବସରରେ ଅନୁଗୋଳ ଜିଲ୍ଲା ବିଜୁ ଜନତା ଦଳର ସଭାପତି ତଥା ତାଳଚେର ବିଧାୟକ ଶ୍ରୀ ବ୍ରଜକିଶୋର ପ୍ରଧାନ ବିଜୟୀ ସମସ୍ତ ପ୍ରାର୍ଥୀଙ୍କୁ ଆନ୍ତରିକ ଶୁଭେଚ୍ଛା ଓ ଅଭିନନ୍ଦନ ଜଣାଇବା ସହ ନିର୍ବାଚନ ପ୍ରକ୍ରିୟାରେ ଭାଗ ନେଇଥିବା ସମସ୍ତ ଜିଲ୍ଲା ପରିଷଦ ସଭ୍ୟ ଓ ସଭ୍ୟାମାନଙ୍କୁ ଧନ୍ୟବାଦ ଜଣାଇଥିଲେ। ଶ୍ରୀ ପ୍ରଧାନ କହିଥିଲେ ଯେ, ଏହି ବୃହତ୍ ବିଜୟ ବିଜୁ ଜନତା ଦଳର ସୁପ୍ରିମୋ ଶ୍ରୀ ନବୀନ ପଟ୍ଟନାୟକଙ୍କ ନେତୃତ୍ୱ ପ୍ରତି ଜନସାଧାରଣଙ୍କ ଆସ୍ଥା ଓ ବିଶ୍ୱାସର ପ୍ରତିଫଳନ। ସେ ଏହି ବିଜୟ ପାଇଁ ଶ୍ରୀ ପଟ୍ଟନାୟକଙ୍କ ପ୍ରତି ଗଭୀର କୃତଜ୍ଞତା ଜ୍ଞାପନ କରିଥିଲେ। ସେହିପରି ଏହି ନିର୍ବାଚନରେ ମାର୍ଗଦର୍ଶନ ଓ ସହଯୋଗ କରିଥିବା ଆଠମଲ୍ଲିକ ବିଧାୟକ ନଳିନୀକାନ୍ତ ପ୍ରଧାନ, ପୂର୍ବତନ ବିଧାୟକ ତଥା ପୂର୍ବତନ ଉପବାଚସ୍ପତି ରଜନୀକାନ୍ତ ସିଂହ, ପୂର୍ବତନ ଛେଣ୍ଡିପଦା ବିଧାୟକ ସୁଶାନ୍ତ କୁମାର ବେହେରା, ପୂର୍ବତନ ପାଳଲହଡ଼ା ବିଧାୟକ ମୁକେଶ ପାଲ ଏବଂ ବିଜେଡିର ବରିଷ୍ଠ ନେତା ବିପ୍ଳବ ଜେନାଙ୍କୁ ମଧ୍ୟ ସେ ଅଶେଷ ଧନ୍ୟବାଦ ଜଣାଇଥିଲେ।

ଅନୁଗୋଳ: ଅନୁଗୋଳ ପୋଲିସ ପକ୍ଷରୁ ସେବାଜୀବନରେ ଉତ୍ସର୍ଗୀକୃତ କାର୍ଯ୍ୟ ପାଇଁ ୭ ଜଣ ଅବସରପ୍ରାପ୍ତ ପୋଲିସ କର୍ମଚାରୀଙ୍କୁ ଏକ ସ୍ୱତନ୍ତ୍ର ବିଦାୟ ସମାରୋହରେ ସମ୍ମାନିତ କରାଯାଇଛି। ସମ୍ମାନିତ ଅବସରପ୍ରାପ୍ତ କର୍ମଚାରୀମାନେ ହେଲେ— ଇନ୍ସପେକ୍ଟର ନଟବର ନନ୍ଦ, ଏସ୍‌ଆଇ କାର୍ତ୍ତିକେଶ୍ୱର ବେହେରା, ଏସ୍‌ଆଇ ମାନସ କୁମାର ମିଶ୍ର, ଏସ୍‌ଆଇ ଅଜୟ କୁମାର ସାହୁ, ହାବିଲଦାର (ହା/୪୭୭) ଫିରୋଜ କୁମାର ମହାନ୍ତି, ରୋଷେୟା ସୁଶୀଲ କୁମାର ଭୁକ୍ତା ଓ ଝାଡ଼ୁଦାର ହେମା ଦେଇ। ବରିଷ୍ଠ ପୋଲିସ ଅଧିକାରୀ, ପୋଲିସ କର୍ମଚାରୀ ଏବଂ ଅବସରପ୍ରାପ୍ତ କର୍ମଚାରୀଙ୍କ ପରିବାର ସଦସ୍ୟଙ୍କ ଉପସ୍ଥିତିରେ ଆୟୋଜିତ ଏହି ବିଦାୟ ସମାରୋହରେ ଅନୁଗୋଳ ଏସ୍‌ପି ମୁଖ୍ୟ ଅତିଥି ଭାବେ ଯୋଗଦେଇ ଅବସରପ୍ରାପ୍ତ କର୍ମଚାରୀଙ୍କ ଦୀର୍ଘ ସେବାକୁ ପ୍ରଶଂସା କରିଥିଲେ। ସେମାନଙ୍କୁ ସମ୍ମାନ ସ୍ୱରୂପ ସ୍ମାରକୀ ପ୍ରଦାନ କରାଯାଇଥିଲା। ଶେଷରେ ଅନୁଗୋଳ ପୋଲିସ ପକ୍ଷରୁ ସମସ୍ତ ଅବସରପ୍ରାପ୍ତ କର୍ମଚାରୀଙ୍କ ସୁସ୍ଥ, ସୁଖମୟ ଓ ପରିପୂର୍ଣ୍ଣ ଅବସରପ୍ରାପ୍ତ ଜୀବନ କାମନା କରାଯାଇଥିଲା।

ତାଳଚେର: ତାଳଚେର ବ୍ଲକ ଅନ୍ତର୍ଗତ ହାଟତୋଟାସ୍ଥିତ ଯୁବରାଜ ହାଇସ୍କୁଲ ପରିସରରେ ଭୀମଭୋଇ ଭିନ୍ନକ୍ଷମ ସାମର୍ଥ୍ୟ ଶିବିର ଅନୁଷ୍ଠିତ ହୋଇଯାଇଛି। ଏହି ଶିବିରରେ ଗୋଷ୍ଠୀ ଉନ୍ନୟନ ଅଧିକାରୀ ସୁଶାନ୍ତ ବରାଳ, ଏଇଇ ସୁବାଷ ଚନ୍ଦ୍ର ରଥ ଏବଂ ଜିପିଡିଓ ଶ୍ରୀଧର ସାହୁ ଉପସ୍ଥିତ ରହି କାର୍ଯ୍ୟକ୍ରମର ତଦାରଖ କରିଥିଲେ। ଶିବିରରେ ସମୁଦାୟ ୩୭୧ ଜଣ ଦିବ୍ୟାଙ୍ଗ ଓ ହିତାଧିକାରୀ ପଞ୍ଜିକରଣ କରିଥିଲେ। ସେମାନଙ୍କ ମଧ୍ୟରୁ ଶାରୀରିକ ବିଭାଗରେ ୭୪, ଚକ୍ଷୁ ବିଭାଗରେ ୪୧, ଶିଶୁ ବିଭାଗରେ ୨୭, ଭେଷଜ ବିଭାଗରେ ୨୨, ଏମ୍‌ଆଇ ବିଭାଗରେ ୪୩ ଏବଂ ଚକ୍ଷୁ-କର୍ଣ୍ଣ-ନାସା ବିଭାଗରେ ୪୧ ଜଣଙ୍କର ସ୍ୱାସ୍ଥ୍ୟ ପରୀକ୍ଷା କରାଯାଇଥିଲା। ସେହିପରି ବିଭିନ୍ନ ସରକାରୀ ସହାୟତା ପାଇଁ ତାଳଚେର ପୌରପାଳିକା ଅଞ୍ଚଳର ୩୪ ଜଣ, କୃତ୍ରିମ ଅଙ୍ଗପ୍ରତ୍ୟଙ୍ଗ ପାଇଁ ୩୪ ଜଣ, ଭତ୍ତା ପାଇଁ ୧୭ ଜଣ, ବସ୍ ପାସ୍ ପାଇଁ ୩୧ ଜଣ ଏବଂ ଏଡ୍ସ ଆଣ୍ଡ ଆପ୍ଲାଏନ୍ସେସ୍ ପାଇଁ ୨୬ ଜଣ ପଞ୍ଜିକରଣ କରିଥିଲେ। ଶିବିରରେ ଜଣେ ଦିବ୍ୟାଙ୍ଗଙ୍କୁ ଟ୍ରାଇସାଇକେଲ ଏବଂ ଅନ୍ୟ ଜଣଙ୍କୁ ହ୍ୱିଲ୍‌ଚେୟାର ପ୍ରଦାନ କରାଯାଇଥିଲା। କାର୍ଯ୍ୟକ୍ରମର ସଫଳ ପରିଚାଳନାରେ ବ୍ଲକ ସାମାଜିକ ସୁରକ୍ଷା ଅଧିକାରୀ ପପୁ ବେହେରା, ସଙ୍ଗୀତା ସାମଲ, ସମସ୍ତ ପଞ୍ଚାୟତର ନିର୍ବାହୀ ଅଧିକାରୀ, ଏଇଡିଓ, ସରପଞ୍ଚ ଓ ସମିତି ସଭ୍ୟମାନେ ସକ୍ରିୟ ସହଯୋଗ କରିଥିଲେ।

ଅନୁଗୋଳ: ଓଡ଼ିଶା ସରକାରଙ୍କ ବାଣିଜ୍ୟ ଓ ପରିବହନ ବିଭାଗର ପ୍ରମୁଖ ଶାସନ ସଚିବ ଶ୍ରୀ ଏନ୍.ବି.ଏସ୍. ରାଜପୁତ ଅନୁଗୋଳ ଜିଲ୍ଲା ଗସ୍ତ କରି ବିଭିନ୍ନ ଉନ୍ନୟନମୂଳକ ପ୍ରକଳ୍ପ ଓ ସରକାରୀ ବ୍ୟବସ୍ଥାର ସମୀକ୍ଷା କରିଛନ୍ତି। ଗସ୍ତ ଅବସରରେ ସେ ପ୍ରଥମେ ଅନୁଗୋଳ ନୂତନ ବସ୍‌ଷ୍ଟାଣ୍ଡ ପରିଦର୍ଶନ କରି ସେଠାକାର ଯାତ୍ରୀସେବା, ଗମନାଗମନ ବ୍ୟବସ୍ଥା ଓ ଭିତ୍ତିଭୂମିର ଅନୁଧ୍ୟାନ କରିଥିଲେ। ପରେ ବଡ଼କେରାସ୍ଥିତ ପିଏମ୍ ଶ୍ରୀ ଶ୍ରୀଜଗନ୍ନାଥ ହାଇସ୍କୁଲ ଗସ୍ତ କରି ବିଦ୍ୟାଳୟର ଭିତ୍ତିଭୂମି ଓ ଶିକ୍ଷା ପରିବେଶର ସମୀକ୍ଷା କରିଥିଲେ। ଏହାପରେ ତୁବେ ଗ୍ରାମରେ ପାରମ୍ପରିକ ଡୋକ୍ରା ଆର୍ଟ କାରିଗରମାନଙ୍କ ସହ ଆଲୋଚନା କରି ସେମାନଙ୍କ ସମସ୍ୟା ଓ ସମ୍ଭାବନା ସମ୍ପର୍କରେ ଅବଗତ ହୋଇଥିଲେ। ସେହିପରି ଅନ୍ତ୍ୟୋଦୟ ଗୃହ ଯୋଜନାର ହିତାଧିକାରୀଙ୍କ ସହ ମଧ୍ୟ ମତବିନିମୟ କରି ଯୋଜନାର କାର୍ଯ୍ୟକାରିତା ସମ୍ପର୍କରେ ତଥ୍ୟ ନେଇଥିଲେ। ପରବର୍ତ୍ତୀ ସମୟରେ ସେ ଅନୁଗୋଳ ଆର୍‌ଟିଓ ଅଧୀନ ରନ୍ତଲେଇସ୍ଥିତ ସ୍ୱୟଂଚାଳିତ ଯାନ ପରୀକ୍ଷଣ କେନ୍ଦ୍ର (ATS) ପରିଦର୍ଶନ କରି ସେଠାର କାର୍ଯ୍ୟପ୍ରଣାଳୀ ସମୀକ୍ଷା କରିଥିଲେ। ଅପରାହ୍ନରେ ସ୍ଥାନୀୟ ସର୍କିଟ ହାଉସ୍ ସମ୍ମିଳନୀ କକ୍ଷରେ ଆୟୋଜିତ ସମୀକ୍ଷା ବୈଠକରେ ଯୋଗଦେଇ ବିଭିନ୍ନ ବିଭାଗର ଚାଲିଥିବା ଉନ୍ନୟନମୂଳକ କାର୍ଯ୍ୟର ଅଗ୍ରଗତି ସମୀକ୍ଷା କରିବା ସହ ସମ୍ପୃକ୍ତ ଅଧିକାରୀମାନଙ୍କୁ ଆବଶ୍ୟକ ପରାମର୍ଶ ଓ ନିର୍ଦ୍ଦେଶ ପ୍ରଦାନ କରିଥିଲେ।