Web News

କଳାହାଣ୍ଡି -ଜୁନାଗଡ଼ ସହର କୁ ସଂଯୋଗ କରୁଥିବା କୁରୁଗୁଡ଼ା ରାସ୍ତା ଉନ୍ନତି କାରଣ ଓ ଟ୍ରାଫିକ ସମସ୍ୟା ଦୂର ପାଇଁ ସାଧାରଣରେ ବହୁବାର ଦାବି ହେଉଛି କିନ୍ତୁ ପ୍ରଶାସନ କେବଳ ପ୍ରତାରଣା କରୁଥିବା ଚର୍ଚ୍ଚା ହେଉଛି। ଏହି ରାସ୍ତା ରେ ଆଦର୍ଶ ବିଦ୍ୟାଳୟ, ପ୍ରିୟଦର୍ଶନୀ ଇନ୍ଦିରା ମହାବିଦ୍ୟାଳୟ, ଇ ଲ୍ ମିଶନ ବିଦ୍ୟାଳୟ, ସରକାରୀ ବାଳିକା ବିଦ୍ୟାଳୟ, ଶିଳ୍ପ ତାଲିମ କେନ୍ଦ୍ର ସହିତ ରେଲୱେ ଷ୍ଟେସନ,ତହସିଲ ,କୃଷି କାର୍ଯ୍ୟାଳୟ, ରାଜ୍ୟ ପଣ୍ୟାଗାର, କେନ୍ଦ୍ରୀୟ ପଣ୍ୟାଗାର ନିଗମ ଥିବାରୁ ଶହ ଶହ ସଂଖ୍ୟାରେ ଛାତ୍ର ଛାତ୍ରୀ ତଥା ଅଫିସ କାର୍ଯ ପାଇଁ ରାସ୍ତା ଗହଳି ରହୁଅଛି। ଏଵଂ ଟ୍ରାଫିକ ସମସ୍ୟା କୁ ଅଧିକା ମାତ୍ରାରେ ଦୁଇଟି ଗୋଦାମ ର ଶହ ଶହ ଭାରିଯାନ ରାସ୍ତାକୁ ଅବରୋଧ କରୁଥିବା ଦେଖିବାକୁ ମିଳୁଛି। ବାରମ୍ବାର ଅଭିଯୋଗ ସତ୍ତ୍ୱେ ମଧ୍ୟ ଟ୍ରକ୍ ଡ୍ରାଇଭର ଙ୍କ ମନମୁଖୀ କାର୍ଯ୍ୟକଳାପ ଯୋଗୁଁ ରାସ୍ତାରେ ଦୁର୍ଘଟଣା ଓ ତିକ୍ତତା ବଢ଼ିବାରେ ଲାଗିଛି। ସମାଜ ସେବୀ ଦେବରାଜ ବାଣୁଆ ଏହି ରାସ୍ତା ର ଉନ୍ନତି କରଣ ଓ ଟ୍ରାଫିକ ସମସ୍ୟା ର ସମାଧାନ ପାଇଁ ମୁଖ୍ୟମନ୍ତ୍ରୀ ଙ୍କୁ ଏକ ଦାବିପତ୍ର ପ୍ରଦାନ କରିଥିବା ସୂଚନା ପ୍ରଦାନ କରିଛନ୍ତି। ସରକାର ରାସ୍ତା ଖୁବ୍ ଶୀଘ୍ର ଟେଣ୍ଡର ପ୍ରକ୍ରିୟା ଆରମ୍ଭ ହେବ ବୋଲି ଲିଖିତ ସୂଚନା ମଧ୍ୟ ହସ୍ତଗତ ହୋଇଛି ତ ସହିତ ଜୁନାଗଡ ପୋଲିସ ଅଧିକାରୀ ଉପସ୍ଥିତିରେ ଟ୍ରକ୍ ଡ୍ରାଇଭର ସଂଘ,ପଣ୍ୟାଗାର ଅଧିକାରୀ, ମିଲ ମାଲିକ ସଂଘ ଙ୍କ ସହିତ ଆଲୋଚନ ହୋଇଥିଲା କିନ୍ତୁ ବିଡ଼ମ୍ବନା ପୂର୍ବରୁ ଜେଉଁଭଳି ଭାବରେ ଟ୍ରକ୍ ଡ୍ରାଇଭର ମାନେ ଟ୍ରକ୍ କୁ ରାସ୍ତା ଉପରେ ରଖୁଛନ୍ତି ଏବେ ମଧ୍ୟ ରଖୁଥିବା ଦେଖିବାକୁ ମିଳୁଛି। ରାସ୍ତା ନିର୍ମାଣ ଶିଘ୍ର ଆରମ୍ଭ ସହିତ ଟ୍ରାଫିକ ସମସ୍ୟା କୁ ଦୂର କରିବାକୁ ସାଧାରଣରେ ଦାବି ହେଉଛି

ଜୁନାଗଡ଼ ବ୍ଲକ୍ ଅନ୍ତର୍ଗତ ଆଟି ଗାଁ ରାସ୍ତା ସଂପୂର୍ଣ୍ଣ ଭାବରେ ନଷ୍ଟ ହୋଇଥିବା ସମ୍ପର୍କରେ ସୃଷ୍ଠି ନିଉଜ ରେ ଗତ ଜୁଲାଇ ମାସରେ ସରକାର ଙ୍କ ଦୃଷ୍ଟି ଆକର୍ଷଣ କରିଥିଲୁ। ଜନସାଧାରଣ ଙ୍କ ସମସ୍ୟା ଆମେ ଠିକ୍ ଭାବରେ ଉପସ୍ଥାପନ କରୁଥିବା ସାଧାରଣ ରେ ଚର୍ଚ୍ଚା ର ବିଷୟ ହୋଇଛି । ଏହି ରାସ୍ତାକୁ ବ୍ୟକ୍ତି ଗତ ଭାବରେ ପରିଦର୍ଶନ କରି ସୃଷ୍ଠି ନିୟୁଜ୍ ଓ ପି ନିୟୁଜ୍ ଇଣ୍ଡିଆ ର ସ୍ୱତନ୍ତ୍ର ପ୍ରତିନିଧି ଦେବରାଜ ବାଣୁଆ ଖବର ପ୍ରସାରଣ କରିଥଲେ । ବର୍ତ୍ତମାନ ରାଜ୍ୟ ସରକାର ଉକ୍ତ ରାସ୍ତାକୁ ମଞ୍ଜୁରୀ କରିଥିବାରୁ ଅଞ୍ଚଳରେ ଜନସାଧାରଣ ଖୁସି ବ୍ୟକ୍ତ କରିଛନ୍ତି। ଶୀଘ୍ର ରାସ୍ତା କାମ ଆରମ୍ଭ କରିବା ପାଇଁ ସାଧାରଣରେ ଦାବି ହେଉଛି।

ସ୍ୱାସ୍ଥ୍ୟକେନ୍ଦ୍ରରେ ଜଣେ କିରାଣୀ ଦୀର୍ଘ ୧୯ ବର୍ଷ ଧରି ଜୁନିଅର କିରାଣୀ ପଦରେ ଲଗାତର ରହି ତମାମ ସ୍ୱାସ୍ଥ୍ୟ ବ୍ୟବସ୍ଥାକୁ ନିୟନ୍ତ୍ରଣ କରିବା ଆଶ୍ଚର୍ଯ୍ୟ କରିଛି। ରବି ନାରାୟଣ ମହାପାତ୍ର ନାମକ ଏହି ଜୁନିଅର କିରାଣୀ ୨୦୦୭ ମସିହାରୁ ନିୟମିତ ଭାବରେ ଗୋଟିଏ ଷ୍ଟେସନରେ ରହିବାର ଅଭିସନ୍ଧି ନେଇ ପ୍ରଶ୍ନ ଉଠିଛି। ଏ ବାବଦରେ ବାରମ୍ବାର ବିଭିନ୍ନ ସମୟରେ ଏହି କର୍ମଚାରୀଙ୍କ ବଦଳି କଣ ପାଇଁ କରା ଯାଉନାହିଁ ବୋଲି ଅଭିଯୋଗ ହେଲେ ମଧ୍ୟ କେଉଁ ଏକ ଅଜଣା କାରଣ ଓ ଅଭୟ ଆଶୀର୍ବାଦ ତାଙ୍କ ସପକ୍ଷରେ ଅଛି ତାହା ସନ୍ଦେହ ସୃଷ୍ଟି କରିଛି। ନିଜ ବାପାଙ୍କ ଦେହାନ୍ତ ପରେ ପାରିବାରିକ ଥଇଥାନ ବ୍ୟବସ୍ଥା ରେ ସ୍ୱାସ୍ଥ୍ୟ ବିଭାଗରେ ନିଯୁକ୍ତି ପାଇଥିବା ଏହି କର୍ମଚାରୀ ଜଣକ ବହୁବର୍ଷ ଧରି ରାଜକନିକା ସ୍ୱାସ୍ଥ୍ୟକେନ୍ଦ୍ରରେ ଚାକିରୀ କରିଵା ଜିଲ୍ଲା ପ୍ରଶାସନର ପ୍ରଶାସନିକ ସ୍ଵଛତା ନେଇ ସନ୍ଦେହ ଆଣିଛି। ସରକାରୀ ନିୟମ ମୁତାବକ ଜଣେ କର୍ମଚାରୀ ସର୍ବାଧିକ ଭାବରେ ୩ ବର୍ଷ ଗୋଟିଏ ଷ୍ଟେସନରେ ଚାକିରୀ କରିବାର ନିୟମକୁ କେଉଁ ଆଧାରରେ ଏବଂ କେଉଁ କାରଣ ପାଇଁ ଲାଗୁ କରାଯାଇ ନାହିଁ ତାହାର ତଦନ୍ତ ହେବା ସହ ତାଙ୍କୁ ତୁରନ୍ତ ରାଜକନିକାରୁ ଅନ୍ୟତ୍ର ବଦଳି କରିବାକୁ ଦାବୀ ହୋଇଛି। ଏ ସମ୍ପର୍କରେ ରାଜକନିକା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ଡାକ୍ତର ବାଦଲ ମହାନ୍ତିଙ୍କୁ ପଚାରିବାରୁ ସେ ଏହା ଜାଣିଥିଲେ ବି ଯେହେତୁ ଏହା ସିଡିଏମଓ ଙ୍କ ଅଧୀନ ର କାମ ତେଣୁ ଆମେ କିଛି କରି ପାରିବୁ ନାହିଁ ବୋଲି କହିଛନ୍ତି। ଦୀର୍ଘ ୧୯ ବର୍ଷ ଧରି ରାଜକନିକାରେ ଡେରା ପକାଇଥିବା କର୍ମଚାରୀଙ୍କ ଅନ୍ୟତ୍ର ବଦଳି କରି ସରକାର ପ୍ରଶାସନିକ ସ୍ୱଛତା ଆଣିବାକୁ ଦାବୀ ହୋଇଛି I

ରାଉରକେଲା: ସହରର ଅଗ୍ରଣୀ ସାହିତ୍ୟ ଅନୁଷ୍ଠାନ ପ୍ରଗତି ଉତ୍କଳ ସଂଘ ପକ୍ଷରୁ ମଧୁମଣ୍ଡପ ଠାରେ ପଣ୍ଡିତ ନୀଳକଣ୍ଠ ଦାସଙ୍କ ଜୟନ୍ତୀ ଓ ତାଙ୍କର ପ୍ରତିମା ଅନାବରଣ ତଥା ପୁସ୍ତକ ଲୋକାର୍ପଣ ଉତ୍ସବ ଅନୁଷ୍ଠିତ ହୋଇଯାଇଛି। ସଂଘର ସଭାପତି ପ୍ରତାପ କୁମାର ସ୍ବାଇଁଙ୍କ ସଭାପତିତ୍ବ, ସାଧାରଣ ସମ୍ପାଦକ ରାଧାମୋହନ ନାୟକଙ୍କ ଆବାହକତ୍ୱ ତଥା ଡ ନଗେନ କୁମାର ଦାସଙ୍କ ସଂଯୋଜନାରେ ଆୟୋଜିତ ଏହି କାର୍ଯ୍ୟକ୍ରମରେ ବିପିୟୁଟି ର କୁଳପତି ପ୍ରଫେସର ଅମିୟ କୁମାର ରଥ ମୁଖ୍ୟଅତିଥି , ବିଷୟ ବିଶେଷଜ୍ଞ ଭାବେ ବିଜେବି ସ୍ବୟଂ ଶାସିତ ମହାବିଦ୍ୟାଳୟର ଓଡ଼ିଆ ବିଭାଗର ମୁଖ୍ୟ ଡ କାହ୍ନୁଚରଣ ପାଢୀ ଓ ସମ୍ମାନିତ ବକ୍ତା ଭାବେ ସଂଘର ଉପସଭାପତି ଡ ପ୍ରଭାତ କୁମାର ମଲ୍ଲିକ ପ୍ରମୁଖ ଯୋଗଦେଇ ପଣ୍ଡିତଙ୍କ ଜୀବନାଦର୍ଶ, କୃତି ଓ ସେ କିପରି ସ୍ୱାଭିମାନୀ ବ୍ୟକ୍ତିତ୍ଵ ଥିଲେ ସେ ସମ୍ପର୍କରେ ଆଲୋଚନା କରିଥିଲେ। ମୁଖ୍ୟଅତିଥି ପ୍ରଫେସର ରଥ ତାଙ୍କ ବକ୍ତବ୍ୟରେ ପଦ୍ମଭୂଷଣ ପଣ୍ଡିତ ଦାସଙ୍କ ଓଡ଼ିଆକୁ ସ୍ବତନ୍ତ୍ର ଭାଷା ମର୍ଯ୍ୟାଦା ଦେବା ପାଇଁ ତାଙ୍କର ଅବଦାନ ତଥା ପ୍ରତ୍ୟେକ ପ୍ରବାଦ ପୁରୁଷଙ୍କ ଠାରୁ ଆମେ କିଛି ଶିଖିବାର ଅଛି ବୋଲି ମତ ରଖିଥିଲେ। ବିଷୟ ବିଶେଷଜ୍ଞ ଡ ପାଢ଼ୀ ତାଙ୍କ ବକ୍ତବ୍ୟରେ ସାମ୍ପ୍ରତିକ ସ୍ଥିତିରେ ଆମ ଉତ୍କଳୀୟତା ପୂର୍ବ ପୁରୁଷ କେବେ ଆଶା କରିନଥିବେ କାରଣ ଆମ ଭିତରେ ସ୍ବାଭିମାନ କ୍ଷୀଣ ହେବାରେ ଲାଗିଛି। ପଣ୍ଡିତ ସର୍ବଭାରତୀୟ ସ୍ତରରେ ଓଡ଼ିଆ କୁ ନ୍ୟୁନ କଲେନାହିଁ ବୋଲି ତାଙ୍କୁ ଦିଲ୍ଲୀରେ ସ୍ଥାନ ମିଳିଲା ନାହିଁ। ଏହା ସହ ସେ ସତ୍ୟବାଦୀର ଧାରା, ସାହିତ୍ୟ ସଂସ୍କୃତିର ଆଲୋଚନାରେ ଓଡ଼ିଆ ର ବୈଶିଷ୍ଟ୍ୟ ରହିବା,ଆମ ରାଷ୍ଟ୍ରୀୟ ଚେତନା କିପରି ସାଂସ୍କୃତିକବାଦ, ସର୍ବଭାରତୀୟ ନାମରେ ଆମକୁ କିପରି ତଳିତଳାନ୍ତ କରାଯାଉଛି ତଥା ପଣ୍ଡିତ ଙ୍କ ମୂଳଲକ୍ଷ୍ୟ ଓ ଓଡ଼ିଆ ଲୋକ ସଚେତନ ହେଲେ ଓଡ଼ିଆତ୍ୱ ବଢିବ ବୋଲି ମତ ରଖିଥିଲେ। ସମ୍ମାନିତ ବକ୍ତା ଡ ମଲ୍ଲିକ ନୀଳକଣ୍ଠଙ୍କ ସତ୍ୟବାଦୀ ବନବିଦ୍ୟାଳୟ ପରବର୍ତ୍ତୀ ସମୟରେ ସମାଜ ସଂସ୍କାର ଓ ରାଜନୈତିକ କାର୍ଯ୍ୟକଳାପ ର ପ୍ରାଣକେନ୍ଦ୍ର ପାଲଟିଥିଲା ତଥା ତାଙ୍କ ସୃଷ୍ଟି ସମ୍ପର୍କରେ ଆଲୋଚନା କରିଥିଲେ। ଏହି ଅବସରରେ ସଂଘ ତରଫରୁ ଅତିଥି ମାନଙ୍କ ଦ୍ଵାରା ପଣ୍ଡିତ ନୀଳକଣ୍ଠଙ୍କ ପ୍ରତିମା ଅନାବରଣ ଓ ନଗେନ କୁମାର ଦାସଙ୍କ ସମ୍ପାଦିତ ପଣ୍ଡିତ ନୀଳକଣ୍ଠ ଦୃଷ୍ଟି ଓ ଦିଗନ୍ତ ପୁସ୍ତକ କୁ ଲୋକାର୍ପଣ କରାଯାଇଥିଲା। ପ୍ରାରମ୍ଭରେ ସଭାପତି ଶ୍ରୀ ସ୍ବାଇଁ ସଭାପତିତ୍ବ ତଥା ସ୍ବାଗତ ଭାଷଣ ଓ ସମ୍ପାଦକ ଶ୍ରୀ ନାୟକ କାର୍ଯ୍ୟକ୍ରମର ଆଭିମୁଖ୍ୟ ସମ୍ପର୍କରେ ବକ୍ତବ୍ୟ ରଖିଥିଲେ। ଶେଷରେ ଅନ୍ୟତମ ଉପସଭାପତି ରଶ୍ମିରଞ୍ଜନ ବୋଇତାଇ ୨୦୩୬ ସୁଦ୍ଧା ସଂଘ ପକ୍ଷରୁ କିଛି ଉପାଦେୟ ପୁସ୍ତକ ପ୍ରକାଶ କରିବା ପାଇଁ ପରିକଳ୍ପନା ସମ୍ପର୍କରେ ସୂଚନା ଦେବା ସହ ଧନ୍ୟବାଦ ଅର୍ପଣ କରିଥିଲେ। ଅନ୍ୟମାନଙ୍କ ମଧ୍ୟରେ ପ୍ରାକ୍ତନ ସଭାପତି ଭାରତ ଭୂଷଣ ମହାନ୍ତି, ଅଶୋକ କୁମାର ପଟ୍ଟନାୟକ, ଅରବିନ୍ଦ ପାତ୍ର, ପ୍ରସନ୍ନ ମହାନ୍ତି, ଘନଶ୍ୟାମ ଧଳ, ଚିତ୍ତରଞ୍ଜନ ମିଶ୍ର, ରଶ୍ମି ସାହୁ, ବିଜୟିନୀ ଜେନା, ସ୍ମିତା ମିଶ୍ର, ପରିକ୍ଷିତ ଗୁରୁ,ବରୁଣ ନାହାକ, ଅର୍ଚ୍ଚନା ପାତ୍ର, ଚାରୁଲତା ପ୍ରଧାନ, ନାରାୟଣ ମହନ୍ତ,ଆଲୋକ ବୋଷ, ଅକ୍ଷୟ ସାମଲ, ପ୍ରଦୀପ ପଟ୍ଟନାୟକ ପ୍ରମୁଖଙ୍କ ସହ ଶତାଧିକ ସାହିତ୍ୟିକ,କବି ବୁଦ୍ଧିଜୀବୀ ଉପସ୍ଥିତ ଥିଲେ।

ରାଉରକେଲା : ରାଉରକେଲା ଇସ୍ପାତ କାରଖାନା ପରିଷରରେ ଥିବା ଏନ ଏସ ପି ସି ଏଲରୁ ନିର୍ଗତ ବର୍ଯ୍ୟ ବସ୍ତୁ, ଫ୍ଲାଇ ଆଶ୍ ଆଦିକୁ କାରଖାନାରୁ ଅନ୍ୟତ୍ର ସ୍ଥାନାନ୍ତର ପାଇଁ ଏନ ଏସ ପି ସି ଏଲ ପକ୍ଷରୁ ନିୟୋଜିତ ବଡ ବଡ ଟ୍ରକ ଗୁଡିକ ବିଶ୍ରା ଛକ-ବନ୍ଧମୁଣ୍ଡା ରାସ୍ତା ଉପରେ ଘଣ୍ଟା ଘଣ୍ଟା ଧରି ଠିଆ ହୋଇ ରହୁଥିବାରୁ ସର୍ବସାଧାରଣଙ୍କ ଜାତାୟତରେ ବାଧା ଉପୁଜିଥିବା ନେଇ ଅଞ୍ଚଳବାସୀଙ୍କ ଠାରୁ ଅଭିଯୋଗ ପାଇବା ପରେ ରଘୁନାଥପଲ୍ଲୀ ବିଧାୟକ ଦୁର୍ଗାଚରଣ ତନ୍ତୀ ଅନୁଧ୍ୟାନ କରି ଅଭିଯୋଗର ସତ୍ୟତା ପାଇବା ପରେ କାରଖାନା ରୁ ମାଲ ପରିବହନ ପାଇଁ ନିୟୋଜିତ ଥିବା ସମସ୍ତ ଛୋଟ ବଡ଼ ଟ୍ରକ ଏବଂ ଅନ୍ୟାନ୍ୟ ଭାରୀଯାନ ସବୁକୁ କାରଖାନା ପରିସର ଭିତରେ ପାର୍କିଂ ସ୍ଥଳରେ ରଖିବା ପାଇଁ ମାଲ ପରିବହନକାରୀ ସଂସ୍ଥା ମାନଙ୍କୁ ଆବଶ୍ୟକ ନିର୍ଦ୍ଦେଶନାମା ଜାରି କରିବା ପାଇଁ ରଘୁନାଥପଲ୍ଲୀ ବିଧାୟକ ଶ୍ରୀ ତନ୍ତୀ ଏନ ଏସ ପି ସି ଏଲର ମହାପ୍ରବନ୍ଧକଙ୍କୁ ଚିଠି ଲେଖିଛନ୍ତି ।

ରାଉରକେଲା: ଆଜି ଭାରତୀୟ କମ୍ୟୁନିଷ୍ଟ ପାର୍ଟି ଜାତୀୟ ପରିଷଦ ଆହ୍ୱାନ କ୍ରମେ ରାଉରକେଲା ଜୋନ୍ କମିଟି ପକ୍ଷରୁ ଏକଛତ୍ରବାଦୀ ବିଜେପି ଶାସନରେ ଶୋଷଣ,କଷଣ, ଜାତି- ଧର୍ମ ନାମରେ ଜନଗଣଙ୍କୁ ବିଭାଜନ, ଘୃଣା, ହିଂସା, ଅତ୍ୟାଚାର, ନାରୀ ନିର୍ଯ୍ୟାତନା, ଭୀଡ ହତ୍ୟା, ଜିଏସଟି ନାମରେ ଜନଗଣଙ୍କ ରକ୍ତ ଶୋଷଣ, ଦେଶର ସମସ୍ତ ସମ୍ବଳ ଆଦାନୀ ଓ ଟାଟା ସମେତ ହାତଗଣତି ରାହୁ ପୁଞ୍ଜିପତି ଙ୍କ ପାଦତଳେ ସମର୍ପଣ କରି ଦେଶକୁ କାଙ୍ଗାଳ କରିବ। ରାଜ୍ୟ ଓ ଦେଶରେ ଶିକ୍ଷ୍ୟା ବ୍ୟବସ୍ଥା ଭୁଶୁଡ଼ି ପଡ଼ିବା ବିରୁଦ୍ଧରେ, ରାଉରକେଲା ରେ ଇ.ଏସ. ଆଇ ମେଡିକାଲ କଲେଜ ପ୍ରତିଷ୍ଠା, ବ୍ରାହ୍ମଣୀ ନଦୀର ସୁରକ୍ଷା ଦାବିରେ ଜନସମ୍ପର୍କ ପଦଯାତ୍ରା ବିସ୍ରା ଛକରୁ ଆରମ୍ଭ ହୋଇ ଏଡିଏମ୍ ଅଫିସ୍ ପର୍ଯ୍ୟନ୍ତ ଆସିଥିଲା । ସିପିଆଇ ରାଜ୍ୟ କାର୍ଯ୍ୟକାରୀ କମିଟି ସଭ୍ୟ ମହେଶ୍ୱର ରାଉତ ଉଦଘାଟକ ଓ ସିପିଆଇ ଜିଲ୍ଲା ସମ୍ପାଦକ ପ୍ରଦୋଷ କୁମାର ମହାନ୍ତି ଅତିଥି ଭାବରେ ଯୋଗଦେଇ ଦେଶର ସର୍ବାଧିକ ସମୟ ଶାସନରେ ଥାଇ ପ୍ରଧାନମନ୍ତ୍ରୀ ମୋଦି ଦେଶର ଜନଗଣଙ୍କୁ - ବିଶେଷକରି ଶ୍ରମିକ, କୃଷକଙ୍କୁ ଶୋଷଣ, ଶିକ୍ଷା ବ୍ୟବସ୍ଥାକୁ ଧ୍ଵଂସ କରି ପରୀକ୍ଷାରେ ପ୍ରଶ୍ନପତ୍ର ବିକ୍ରୀ ପାଇଁ ଏନଟିଏ, ନୂତନ ଜାତୀୟ ଶିକ୍ଷାନୀତି -୨୦୨୦ ନାମରେ ଶିକ୍ଷାର ଘରୋଇକରଣ, ବ୍ୟବସାୟିକରଣ, ସାମ୍ପ୍ରଦାୟିକରଣ, ଅବୈଜ୍ଞାନିକ ପଦ୍ଧତିରେ ଶିକ୍ଷା ବ୍ୟବସ୍ଥା ଧ୍ଵଂସ, ନୂତନ ନିଯୁକ୍ତି ଦୂରେଥାଉ ବରଂ ଶ୍ରମିକ କର୍ମଚାରୀ ଛଟେଇ କରି ବେରୋଜଗାରୀ ବିଗ୍ରେଡ୍ ବଢ଼ାଇଛନ୍ତି ବୋଲି କହିଥିଲେ। ଜୋନାଲ ସମ୍ପାଦକ ସଦାନନ୍ଦ ସାହୁ ଙ୍କ ନେତୃତ୍ବରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଅନୁପମ ଦତ୍ତ,ରମେଶ ଚନ୍ଦ୍ର ସେଠୀ ବକ୍ତବ୍ୟ ଦେଇ କହିଲେ ସୁନ୍ଦରଗଡ ଜିଲ୍ଲାରେ ଖଣିଜ ସମ୍ପଦର ହରିଲୁଟ, ଦାଦନ ସମସ୍ୟା ବଢିବଢି ଚାଲିଛି ।ଏହା ବିରୁଦ୍ଧରେ ପରିବର୍ତ୍ତନର ଉତ୍ତାଳ ଜୁଆର ଉଠିଲାଣି। ତେଣୁ ସିପିଆଇ ପକ୍ଷରୁ ଆରମ୍ଭ ହୋଇଥିବା ଏହି ପରିବର୍ତ୍ତନ ଜରୁରୀ ଅଭିଯାନରେ ବହୁ ସଂଖ୍ୟାରେ ଯୋଗ ଦେବାକୁ ଆହ୍ୱାନ କରିଥିଲେ। ଅଗଷ୍ଟ ୬ରୁ ୧୫ ଘରକୁ ଘର ପଦଯାତ୍ରା, ୧ ସେପ୍ଟେମ୍ବର ଦିଲ୍ଲୀ ଚାଲ, ପରିବର୍ତ୍ତନ ଜରୁରୀ ମହାସମାବେଶ ରାମଲୀଳା ମଇଦାନ ରେ ସଫଳତା ପାଇଁ ସିପିଆଇ ପକ୍ଷରୁ ଆହ୍ଵାନ ଦିଆଯାଇଛି। ଦାବି ଗୁଡିକ ମଧ୍ୟରେ ଦରଦାମ ବୃଦ୍ଧି ବନ୍ଦ କରିବା , ପ୍ରତ୍ୟେକ ଯୁବକ ଯୁବତୀଙ୍କୁ କର୍ମନିଯୁକ୍ତି ଦେବା,ଶ୍ରମିକଙ୍କୁ ବୈଜ୍ଞାନିକ ସର୍ବଜନୀନ ସ୍ୱାସ୍ଥ୍ୟସେବା, ସୁନିଶ୍ଚିତ କରିବା,ମହିଳା ସଂରକ୍ଷଣ ବିଲକୁ କାର୍ଯ୍ୟକାରୀ କରିବା,ଏମଏସପି ପାଇଁ ଆଇନଗତ ଗ୍ୟାରେଣ୍ଟି ଦେବା,ଶ୍ରମିକଙ୍କ ଅଧିକାର ସୁରକ୍ଷା ଦେବା, ଶ୍ରମ ସଂହିତା ରଦ୍ଦ କରିବା, ନିର୍ବାଚନରେ ବାଲଟ୍ ପେପର ବ୍ୟବସ୍ଥା କରିବା, ଗଣତନ୍ତ୍ର ବଞ୍ଚାଅ, NTA ବାତିଲ, ରାଜ୍ୟ ଗଣଶିକ୍ଷା ମନ୍ତ୍ରୀ ନିତ୍ୟାନନ୍ଦ ଗଣ୍ଡଙ୍କ ଇସ୍ତଫା,ସଂଖ୍ୟାଲଘୁ, ଆଦିବାସୀ, ଦଳିତ, ପଛୁଆ ବର୍ଗ ଓ ମହିଳାଙ୍କୁ ନ୍ୟାୟ ଦିଅ, ଅତ୍ୟାଚାର ବନ୍ଦ କରିବ।, ଆର. ଏମ୍. ସି ରେ ହୋଇଥିବା ଦୁର୍ନୀତିରେ ତଦନ୍ତ, ବିସ୍ଥାପିତ ମାନଙ୍କୁ ଉପଯୁକ୍ତ କ୍ଷତି ପୂରଣ, ବ୍ରାହ୍ମଣୀ ନଦୀର ସୁରକ୍ଷା, ଆଦିବାସୀ, କୃଷକ ଓ ଅସଙ୍ଗଠିତ ଶ୍ରମିକଙ୍କୁ ଋଣ ବିମୁକ୍ତ କର ଇତ୍ୟାଦି ଦାବି ନେଇ ଅଗଷ୍ଟ ୬ ରୁ ଆରମ୍ଭ ହୋଇଥିବା ଅଭିଯାନ ୧୫ ତାରିଖ ପର୍ଯ୍ୟନ୍ତ ଜିଲ୍ଲା ବ୍ୟାପି ଚାଲିବ ବୋଲି କୁହାଯାଇଛି । ଏହି କାର୍ଯ୍ୟ କ୍ରମରେ ଅନ୍ୟ ମାନଙ୍କ ମଧ୍ୟରେ ଭାଗ୍ୟଧର ରାଉତ, କାର୍ତ୍ତିକ ନାୟକ, ଅଜୟ ବାର।, ପଞ୍ଚାନନ ସୁନା , ସନ୍ତୋଷ ଲେହେରି, ଅଶୋକ ଏକ୍କା, ପ୍ରକାଶ ପଟ୍ଟନାୟକ ପ୍ରମୁଖ ପଦଯାତ୍ରାର ନେତୃତ୍ବ ନେଇଥିଲେ ।

ରାଉରକେଲା: ଓଡ଼ିଆ ଭାଷା ବିକାଶ ମଞ୍ଚ ଓ ଓଏସଏପି ସରକାରୀ ଉଚ୍ଚ ବିଦ୍ୟାଳୟ ର ମିଳିତ ଆନୁକୂଲ୍ୟରେ ପଣ୍ଡିତ ନୀଳକଣ୍ଠ ଦାସଙ୍କ ୧୪୩ ତମ ଜୟନ୍ତୀ ବିଦ୍ୟାଳୟ ପରିସରରେ ପାଳିତ ହୋଇଯାଇଛି। ମଞ୍ଚର ସାଧାରଣ ସମ୍ପାଦକ ତଥା କାର୍ଯ୍ୟକ୍ରମର ଆବାହକ ଆର୍ତ୍ତତ୍ରାଣ ମହାପାତ୍ରଙ୍କ ସଂଯୋଜନାରେ ଆୟୋଜିତ ଏହି କାର୍ଯ୍ୟକ୍ରମରେ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ସୁଜାତା ଚୈ।ଧୁରୀ ସଭାପତିତ୍ବ କରିଥିଲାବେଳେ ଜର୍ଣ୍ଣାଲିଷ୍ଟ ଆସୋସିଏସନର ଉପସଭାପତି ତଥା କବି କୁଞ୍ଜବିହାରୀ ରାଉତ ମୁଖ୍ୟଅତିଥି, କବି ଗୈ।ତମ ଦାସ ସମ୍ମାନିତ ଅତିଥି ଭାବେ ଯୋଗଦେଇ ପଣ୍ଡିତ ନୀଳକଣ୍ଠ ଙ୍କ ଜୀବନାଦର୍ଶ, ସାହିତ୍ୟ କୃତି ସମ୍ପର୍କରେ ଆଲୋଚନା କରିଥିଲେ। ଆବାହକ ଶ୍ରୀ ମହାପାତ୍ର, ମୁଖ୍ୟଅତିଥି ଶ୍ରୀ ରାଉତ, ସମ୍ମାନିତ ଅତିଥି ଶ୍ରୀ ଦାସ ନୀଳକଣ୍ଠଙ୍କ ସମ୍ପର୍କରେ ବକ୍ତବ୍ୟରେ କହିଲେ ଯେ ସେ ଥିଲେ ସଂସ୍କାର ଆନ୍ଦୋଳନର ଜନକ, ପଣ୍ଡିତ ଏକାଧାରାରେ ବାଗ୍ମୀ, ଶିକ୍ଷାବିତ,କବି, ସମୀକ୍ଷକ, ପ୍ରାବନ୍ଧିକ, ସ୍ବାଧୀନତା ସଂଗ୍ରାମୀ,ଶିଶୁ ସାହିତ୍ୟିକ, ବ୍ୟବସ୍ଥାପକ, ରାଜନେତା,ଆଜନ୍ମ ବିପ୍ଳବୀ ଓ ସଂସ୍କାରବାଦୀ ଥିଲେ। ଅଛୁଆଁ ଭେଦଭାବକୁ ସେ ଆଜନ୍ମ ବିରୋଧ କରୁଥିଲେ। ଓଡ଼ିଆ ଭାଷା କୁ ସ୍ବତନ୍ତ୍ର ମର୍ଯ୍ୟାଦା ପାଇଁ ତାଙ୍କର ଭୂମିକା ଗୁରୁତ୍ଵପୂର୍ଣ୍ଣ ଥଲା। ସମାଜ,ନବଭାରତ ପତ୍ରିକା ର ସମ୍ପାଦକ ସହ କାବ୍ୟ କବିତା, ଖାରବେଳ, କୋଣାର୍କେ, ରାମଚଣ୍ଡୀ ରେ ରାତି, ରାମଚଣ୍ଡୀ ରେ ସକାଳ,ମାୟାଦେବୀ ଆଦି ଭାଷା ସାହିତ୍ୟ କୁ ରୁଦ୍ଧିମନ୍ତ କରିଛି ବୋଲି ଅତିଥି ମାନେ ମତ ରଖିଥିଲେ। ଏହି ଅବସରରେ ଛାତ୍ରୀ ଖୁସି ଓରାମ ପଣ୍ଡିତଙ୍କ ସମ୍ପର୍କରେ ବକ୍ତବ୍ୟ ରଖିଥିଲେ। ସେହିପରି ପ୍ରଶ୍ନୋତ୍ତରୀ କାର୍ଯ୍ୟକ୍ରମ କରାଯାଇ ସଠିକ ଉତ୍ତର ଦେଇଥିବା ଛାତ୍ରଛାତ୍ରୀଙ୍କୁ ଅତିଥି ମାନେ ପୁରସ୍କୃତ କରିଥିଲେ। ବିଦ୍ୟାଳୟର ପୂର୍ଣ୍ଣଚନ୍ଦ୍ର ବେହେରା କାର୍ଯ୍ୟକ୍ରମର ଆଭିମୁଖ୍ୟ ଓ ସଂଗୀତାରାଣୀ ବିଶ୍ବାଳ, ମୈ।ସୁମୀ ମିତ୍ର, ରବିନାରାୟଣ ପାତ୍ର,ମାନସ ସାହୁ,ପ୍ରତାପ କୁମାର ପ୍ରଧାନ ଓ ବିକାଶ ଚନ୍ଦ୍ର ମହାନ୍ତି ପ୍ରମୁଖ ଶିକ୍ଷକ ଶିକ୍ଷୟିତ୍ରୀ ମାନେ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନା ରେ ସହଯୋଗ କରିଥିଲେ। ଶେଷରେ ପ୍ରଧାନ ଶିକ୍ଷୟିତ୍ରୀ ଶ୍ରୀମତୀ ଚୈ।ଧୁରୀ ଧନ୍ୟବାଦ ଅର୍ପଣ କରିଥିଲେ।

ରାଜଧାନୀ ଭୁବନେଶ୍ୱରର ସାଲିଆସାହିସ୍ଥିତ ହାତୀଆଶୁଣି ପଡ଼ିଆଠାରେ ଆସନ୍ତା ଅଗଷ୍ଟ ୯ ତାରିଖରେ ଏକ ବିଶାଳ 'ତ୍ରିରଙ୍ଗା ଯାତ୍ରା' ଏବଂ ବିଭିନ୍ନ ଜନମଙ୍ଗଳକାରୀ କାର୍ଯ୍ୟକ୍ରମ ଆୟୋଜିତ ହେବାକୁ ଯାଉଛି। ଏହି କାର୍ଯ୍ୟକ୍ରମରେ କ୍ରୀଡ଼ା ମନ୍ତ୍ରୀ/କେନ୍ଦ୍ରୀୟ ନେତୃବୃନ୍ଦ ମୁଖ୍ୟ ଅତିଥି ଭାବେ ଯୋଗଦେବାର କାର୍ଯ୍ୟକ୍ରମ ରହିଛି। ​କାର୍ଯ୍ୟକ୍ରମର ମୁଖ୍ୟ ଆକର୍ଷଣ: ​ବିଶାଳ ତ୍ରିରଙ୍ଗା ଯାତ୍ରା: ଅଗଷ୍ଟ ୯ (ଅଗଷ୍ଟ କ୍ରାନ୍ତି ଦିବସ) ଅବସରରେ ଦେଶପ୍ରେମର ବାର୍ତ୍ତା ନେଇ ସାଲିଆସାହି ଅଞ୍ଚଳରେ ଏକ ବିଶାଳ ତ୍ରିରଙ୍ଗା ଶୋଭାଯାତ୍ରା ବାହାରିବ। ​ଜନମଙ୍ଗଳ କାର୍ଯ୍ୟ: ସ୍ଥାନୀୟ ବାସିନ୍ଦାଙ୍କ କଲ୍ୟାଣ ପାଇଁ ବିଭିନ୍ନ ସାମାଜିକ ଓ ସେବାମୂଳକ କାର୍ଯ୍ୟକ୍ରମର ଆୟୋଜନ କରାଯିବ। ​ମନ୍ତ୍ରୀଙ୍କ ଗସ୍ତ: କାର୍ଯ୍ୟକ୍ରମରେ ମାନ୍ୟବର ମନ୍ତ୍ରୀ ଯୋଗଦେଇ ସ୍ଥାନୀୟ ଜନସାଧାରଣଙ୍କ ସହ ଆଲୋଚନା କରିବେ ଏବଂ ବିଭିନ୍ନ କଲ୍ୟାଣକାରୀ ବାର୍ତ୍ତା ଦେବେ। ​ପ୍ରସ୍ତୁତି ସମୀକ୍ଷା: ​କାର୍ଯ୍ୟକ୍ରମକୁ ସୁଚାରୁ ଓ ଶୃଙ୍ଖଳିତ ଭାବେ ପରିଚାଳନା କରିବା ପାଇଁ ଆୟୋଜକ, ପୋଲିସ ପ୍ରଶାସନ ଓ ବିଭାଗୀୟ ଅଧିକାରୀମାନେ ହାତୀଶୁଣି ପଡ଼ିଆ ଗସ୍ତ କରି ମଣ୍ଡପ ନିର୍ମାଣ, ସୁରକ୍ଷା ବ୍ୟବସ୍ଥା ଏବଂ ପ୍ରସ୍ତୁତିର ସମୀକ୍ଷା କରିଛନ୍ତି। ​ଏହି କାର୍ଯ୍ୟକ୍ରମରେ ସାଲିଆସାହି ଓ ଆଖପାଖ ଅଞ୍ଚଳର ବହୁ ସଂଖ୍ୟାରେ ବୁଦ୍ଧିଜୀବୀ, ଯୁବବର୍ଗ ଓ ସାଧାରଣ ଜନତା ଯୋଗଦେବାକୁ ଆହ୍ୱାନ ଦିଆଯାଇଛି।

ଭୁବନେଶ୍ୱର ଯୋଗାଣ ବିଭାଗ କାର୍ଯ୍ୟାଳୟ ସମ୍ମୁଖରେ ରାସନ କାର୍ଡ ଇ-କେୱାଇସି (e-KYC) ପ୍ରକ୍ରିୟା ପାଇଁ ଲୋକଙ୍କର ପ୍ରବଳ ଭିଡ଼ ଜମୁଥିବା ଦେଖିବାକୁ ମିଳିଛି। ପ୍ରବଳ ବର୍ଷା ସତ୍ତ୍ୱେ ଛୋଟ ଛୋଟ ପିଲାମାନଙ୍କୁ କୋଳରେ ଧରି ମହିଳା ଓ ପୁରୁଷମାନେ ଘଣ୍ଟା ଘଣ୍ଟା ଧରି ବାହାରେ ଛିଡ଼ା ହେବାକୁ ବାଧ୍ୟ ହେଉଛନ୍ତି। ​ପ୍ରମୁଖ ସମସ୍ୟା ଓ ଅଭିଯୋଗ: ​ସୁରକ୍ଷା ଓ ଛାତର ଅଭାବ: କାର୍ଯ୍ୟାଳୟ ପରିସରରେ ଲୋକଙ୍କ ପାଇଁ କୌଣସି ଶେଡ୍‌ (ଛାପର) କିମ୍ବା ବର୍ଷାରୁ ବର୍ତ୍ତିବା ପାଇଁ ଅସ୍ଥାୟୀ ସୁରକ୍ଷା ବ୍ୟବସ୍ଥା କରାଯାଇ ନାହିଁ। ​ଛୋଟ ପିଲା ଓ ବୃଦ୍ଧବୃଦ୍ଧା ଅସୁବିଧାରେ: ପ୍ରତିକୂଳ ପାଗରେ କୋଳରେ ପିଲାଙ୍କୁ ଧରି ବର୍ଷାରେ ଓଦା ହୋଇ ଧାଡ଼ିରେ ଛିଡ଼ା ହେଉଥିବାରୁ ପିଲାମାନେ ରୋଗାକ୍ରାନ୍ତ ହେବାର ଆଶଙ୍କା ଦେଖାଦେଇଛି। ​ପ୍ରଶାସନିକ ଅବହେଳା: ପ୍ରଶାସନ କିମ୍ବା ବିଭାଗୀୟ ଅଧିକାରୀଙ୍କ ପକ୍ଷରୁ ଭିଡ଼ ନିୟନ୍ତ୍ରଣ କିମ୍ବା ପାନୀୟ ଜଳ, ବସିବା ବ୍ୟବସ୍ଥା ଭଳି ମୌଳିକ ସୁବିଧା ଯୋଗାଇ ଦିଆଯାଇ ନାହିଁ। ​ସାଧାରଣ ଜନତାଙ୍କ ଦାବି ଅନୁଯାୟୀ, କେୱାଇସି ପ୍ରକ୍ରିୟାକୁ ସହଜ କରିବା ପାଇଁ ୱାର୍ଡ ସ୍ତରରେ କାଉଣ୍ଟର ସଂଖ୍ୟା ବୃଦ୍ଧି କରାଯାଉ କିମ୍ବା ଅଧିକ ସମୟ ଦିଆଯାଇ କାର୍ଯ୍ୟାଳୟ ପରିସରରେ ବର୍ଷା ଓ ଖରାରୁ ରକ୍ଷା ପାଇବା ପାଇଁ ତୁରନ୍ତ ସେଡ୍‌ ବ୍ୟବସ୍ଥା କରାଯାଉ।

​ IRC ଭିଲେଜ୍ ହାଇସ୍କୁଲ ସମ୍ମୁଖରେ ସ୍କୁଲ ଛୁଟି ସମୟରେ ଏକ ସଂଗୀନ ପରିସ୍ଥିତି ସୃଷ୍ଟି ହେଉଛି। ପ୍ରବଳ ବର୍ଷା ଓ ଜଳବନ୍ଦୀ ସମସ୍ୟା ମଧ୍ୟରେ ତିନି ପଟୁ ଦ୍ରୁତଗତିରେ ଗାଡ଼ିମୋଟର ମାଡ଼ି ଆସୁଥିବାରୁ ଛୋଟ ଛୋଟ ଛାତ୍ରଛାତ୍ରୀମାନେ ଘରକୁ ଫେରିବା ବେଳେ ପ୍ରାଣଭୟରେ ଆତଙ୍କିତ ହେଉଛନ୍ତି। ​ସ୍କୁଲ ଛୁଟି ହେବା ମାତ୍ରେ ରାସ୍ତାରେ ଅଟୋ, ବାଇକ୍, କାର୍‌ ଓ ଅନ୍ୟାନ୍ୟ ଯାନବାହାନର ପ୍ରବଳ ଭିଡ଼ ଜମୁଛି। ରାସ୍ତାରେ ଜଳନିଷ୍କାସନର ସଠିକ୍ ବ୍ୟବସ୍ଥା ନଥିବାରୁ ଆଣ୍ଠୁଏ ଉଚ୍ଚର ବର୍ଷା ପାଣି ଜମି ରହୁଛି, ଯାହାଫଳରେ ପିଲାମାନେ ଚାଲି ଚାଲି ଯିବାକୁ ବାଧ୍ୟ ହେଉଛନ୍ତି। ଏହି ସମୟରେ ତିନି ପାର୍ଶ୍ୱରୁ ଆସୁଥିବା ବେପରୁଆ ଗାଡ଼ିଗୁଡ଼ିକ ପିଲାଙ୍କ ଉପରକୁ ମାଡ଼ିଯିବାର ଆଶଙ୍କା ପ୍ରକାଶ ପାଉଛି। ​ସୁରକ୍ଷା ବ୍ୟବସ୍ଥା ଶୂନ୍ୟ: ସବୁଠାରୁ ଚିନ୍ତାର ବିଷୟ ହେଉଛି, ଏହି ସମ୍ବେଦନଶୀଳ ସମୟରେ ସ୍ଥାନୀୟ ଅଞ୍ଚଳରେ କୌଣସି ଟ୍ରାଫିକ୍ ପୋଲିସ୍ କିମ୍ବା ସୁରକ୍ଷା ବ୍ୟବସ୍ଥା ଦେଖିବାକୁ ମିଳୁନାହିଁ। ନା ଏଠାରେ ସ୍ପିଡ୍ ବ୍ରେକର ଅଛି, ନା ଟ୍ରାଫିକ୍ ନିୟନ୍ତ୍ରଣ ପାଇଁ କୌଣସି ନିୟୋଜିତ କର୍ମଚାରୀ ଅଛନ୍ତି। ​ଅଭିଭାବକମାନେ କ୍ଷୋଭ ପ୍ରକାଶ କରି କହିଛନ୍ତି ଯେ, "ପ୍ରତିଦିନ ସ୍କୁଲ ଛୁଟି ସମୟରେ ପିଲାଙ୍କୁ ନେବାକୁ ଆସିବା ବେଳେ ଛାତି ଧଡ଼ଧଡ଼ ହେଉଛି। କେତେବେଳେ କେଉଁ ପଟୁ ଗାଡ଼ି ଆସି ଧକ୍କା ଦେବ, ସେ ନେଇ ଭୟ ଲାଗିରହୁଛି।" ​ପ୍ରଶାସନର ଦୃଷ୍ଟି ଆକର୍ଷଣ: କୌଣସି ବଡ଼ ଧରଣର ଦୁର୍ଘଟଣା ଘଟିବା ପୂର୍ବରୁ ସ୍ଥାନୀୟ ପ୍ରଶାସନ, କମିଶନରେଟ୍ ପୋଲିସ ଓ ସ୍କୁଲ କର୍ତ୍ତୃପକ୍ଷ ତୁରନ୍ତ ଏଥିପ୍ରତି ଧ୍ୟାନ ଦେବାକୁ ଦାବି ହୋଇଛି। ସ୍କୁଲ ଛୁଟି ସମୟରେ ଟ୍ରାଫିକ୍ ପୋଲିସ୍ ନିୟୋଜନ କରିବା, ରାସ୍ତାରେ ସ୍ପିଡ୍ ବ୍ରେକର ବସାଇବା ଏବଂ ବର୍ଷା ପାଣି ନିଷ୍କାସନର ସ୍ଥାୟୀ ସମାଧାନ କରିବାକୁ ସ୍ଥାନୀୟ ବାସିନ୍ଦା ଓ ଅଭିଭାବକ ମହଲରୁ ଜୋରଦାର ଦାବି କରାଯାଇଛି।

ଯାଜପୁର ରୋଡ ଅଞ୍ଚଳର ବିଏସଏଫ (BSF) ଯବାନ ଦିଲ୍ଲୀପ କୁମାର ମହାନ୍ତିଙ୍କ ପରଲୋକ ଘଟିଛି। ସେ ଯାଜପୁର ରୋଡ ନିକଟସ୍ଥ ରମ୍ପାସ ଗ୍ରାମର ବାସିନ୍ଦା ଏବଂ ଘନଶ୍ୟାମ ମହାନ୍ତିଙ୍କ ପୁତ୍ର ଥିଲେ। ଦେଶସେବା ପ୍ରତି ତାଙ୍କର ଅଦମ୍ୟ ଇଚ୍ଛା ତାଙ୍କୁ ଭାରତୀୟ ସୀମା ସୁରକ୍ଷା ବଳ (BSF)ରେ କନେଷ୍ଟବଳ ଭାବେ ଯୋଗଦେବାକୁ ପ୍ରେରିତ କରିଥିଲା। ସେ ବର୍ତ୍ତମାନ ପଶ୍ଚିମବଙ୍ଗର ମାଲଦା ଜିଲ୍ଲାର ବାଂଲାଦେଶ ସୀମାରେ କାର୍ଯ୍ୟରତ ଥିଲେ। ହଠାତ୍ ଅସୁସ୍ଥ ହୋଇପଡ଼ିବା ପରେ ତାଙ୍କୁ ଚିକିତ୍ସା କରାଯାଉଥିଲା। ଚିକିତ୍ସାଧୀନ ଅବସ୍ଥାରେ ହୃଦଘାତରେ ତାଙ୍କର ଦେହାନ୍ତ ଘଟିଥିବା ସୂଚନା ମିଳିଛି। ତାଙ୍କର ପାର୍ଥିବ ଶରୀରକୁ ରାଷ୍ଟ୍ରୀୟ ସମ୍ମାନର ସହ ନିଜ ବାସଭବନକୁ ଅଣାଯାଇଥିଲା। ପରେ ଗ୍ରାମ ଶ୍ମଶାନରେ ପୂର୍ଣ୍ଣ ରାଷ୍ଟ୍ରୀୟ ମର୍ଯ୍ୟାଦାର ସହ ଶେଷକୃତ୍ୟ ସମ୍ପନ୍ନ ହୋଇଥିଲା। ତାଙ୍କର ବିୟୋଗରେ ସମଗ୍ର ଅଞ୍ଚଳରେ ଶୋକର ଛାୟା ଖେଳିଯାଇଛି। ଶେଷ ବିଦାୟ ସମୟରେ ଉପସ୍ଥିତ ଲୋକମାନେ "ଭାରତ ମାତା କି ଜୟ" ଏବଂ "ଦିଲ୍ଲୀପ ଭାଇ ଅମର ରହେ" ସ୍ଲୋଗାନରେ ପରିବେଶକୁ ପ୍ରକମ୍ପିତ କରିଥିଲେ

ଭଦ୍ରକ: ବନ୍ୟା ବିପନ୍ନ ଲୋକଙ୍କ ଦୁଃଖ ଓ ଦୁର୍ଦ୍ଦଶାରେ ସହାୟତାର ହାତ ବଢ଼ାଇଛି ଭଦ୍ରକ ଜିଲ୍ଲା ଦଳିତ ମହାସଂଘ। ଧାମନଗର ନିର୍ବାଚନ ମଣ୍ଡଳୀ ଅନ୍ତର୍ଗତ ଫତେପୁର ପଞ୍ଚାୟତର ବନ୍ୟା ପ୍ରଭାବିତ ଅଞ୍ଚଳରେ ସଂଘର ସଦସ୍ୟମାନେ ପହଞ୍ଚି ବନ୍ୟା ବିପନ୍ନ ପରିବାରଙ୍କୁ ରିଲିଫ ସାମଗ୍ରୀ ବଣ୍ଟନ କରିଥିଲେ। ବନ୍ୟା ପାଣିରେ ଘେରି ରହିଥିବା ବିଭିନ୍ନ ଗ୍ରାମରେ ସଂଘର ସଦସ୍ୟମାନେ ଘର ଘର ବୁଲି ଲୋକଙ୍କ ସହ ଆଲୋଚନା କରିଥିଲେ। ସେମାନଙ୍କ ଦୈନନ୍ଦିନ ସମସ୍ୟା, ଖାଦ୍ୟ, ପାନୀୟ ଜଳ, ଔଷଧ ଓ ଅନ୍ୟାନ୍ୟ ଆବଶ୍ୟକତା ବିଷୟରେ ପଚାରି ବୁଝିବା ସହ ଯଥାସମ୍ଭବ ସହଯୋଗ କରିଥିଲେ। ବନ୍ୟା ସମୟରେ ଏଭଳି ମାନବିକ ସେବା ପାଇଁ ସ୍ଥାନୀୟ ଲୋକେ ସଂଘର ପ୍ରୟାସକୁ ପ୍ରଶଂସା କରିଛନ୍ତି। ଭଦ୍ରକ ଜିଲ୍ଲାରେ ଅନେକ ସାମାଜିକ ସଂଗଠନ କାର୍ଯ୍ୟ କରୁଥିଲେ ମଧ୍ୟ, ବିପଦ ସମୟରେ ସିଧାସଳଖ ଲୋକଙ୍କ ଘରେ ପହଞ୍ଚି ସେମାନଙ୍କ ସୁଖଦୁଃଖ ବୁଝିବା ଏବଂ ଆବଶ୍ୟକ ସହାୟତା ଯୋଗାଇବାରେ ଭଦ୍ରକ ଜିଲ୍ଲା ଦଳିତ ମହାସଂଘର ଏହି ପଦକ୍ଷେପ ଅନେକଙ୍କ ଦୃଷ୍ଟି ଆକର୍ଷଣ କରିଛି। ସଂଘ ପକ୍ଷରୁ ଆଗାମୀ ଦିନରେ ମଧ୍ୟ ବନ୍ୟା ବିପନ୍ନ ପରିବାରଙ୍କୁ ସମ୍ଭବ ସହାୟତା ଯୋଗାଇବା ସହ ସେମାନଙ୍କ ପାଖରେ ସବୁବେଳେ ଛିଡ଼ା ହୋଇ ରହିବାକୁ ପ୍ରତିଶ୍ରୁତି ଦିଆଯାଇଛି।