Web News

ଭଦ୍ରକ ଜିଲ୍ଲା ଧାମନଗର ବ୍ଲକ ଅଧୀନ ଅର୍ଜୁନପୁର ପଞ୍ଚାୟତର ବାଲିପାଟଣା ଗ୍ରାମରେ ଘଟିଛି ଏକ ଉଦ୍ଧାର ଘଟଣା। ଗତ ଦୁଇ ଦିନ ଧରି ନିଖୋଜ ଥିବା ଜଣେ ଯୁବକଙ୍କୁ ସଙ୍କଟଜନକ ପରିସ୍ଥିତିରୁ ଉଦ୍ଧାର କରିଛନ୍ତି ବାଲିପାଟଣା ମେଡିକାଲ ଷ୍ଟାଫ୍ ଓ ଓଡ୍ରାଫ୍ ଟିମ୍। ସୂଚନା ଅନୁସାରେ, ଯୁବକ ଜଣକ ଗତ ଦୁଇ ଦିନ ଧରି ନିଖୋଜ ଥିବାରୁ ପରିବାର ଲୋକେ ଚିନ୍ତାରେ ଥିଲେ। ତାଙ୍କୁ ଖୋଜିବା ପାଇଁ ବିଭିନ୍ନ ସ୍ଥାନରେ ଖୋଜାଖୋଜି ଚାଲିଥିଲା। ଏହି ସମୟରେ ଯୁବକଙ୍କ ସନ୍ଧାନ ମିଳିବା ପରେ ତାଙ୍କୁ ସୁରକ୍ଷିତ ଭାବେ ଉଦ୍ଧାର କରିବା ପାଇଁ ଓଡ୍ରାଫ୍ ଟିମ୍ ଓ ବାଲିପାଟଣା ମେଡିକାଲ ଷ୍ଟାଫ୍ ତତ୍ପରତା ଦେଖାଇଥିଲେ। ଅତ୍ୟନ୍ତ ସତର୍କତାର ସହ ଉଦ୍ଧାର କାର୍ଯ୍ୟ କରି ଯୁବକଙ୍କୁ ନିରାପଦ ସ୍ଥାନକୁ ଅଣାଯାଇଥିଲା। ପରେ ତାଙ୍କୁ ଆବଶ୍ୟକ ଚିକିତ୍ସା ଓ ସହାୟତା ପାଇଁ ମେଡିକାଲ ଟିମ୍ ହସ୍ତାନ୍ତର କରିଥିଲା। ଦୁଇ ଦିନ ଧରି ନିଖୋଜ ଥିବା ଯୁବକଙ୍କୁ ଏଭଳି ସଙ୍କଟପୂର୍ଣ୍ଣ ସମୟରେ ଉଦ୍ଧାର କରି ବାଲିପାଟଣା ମେଡିକାଲ ଷ୍ଟାଫ୍ ଓ ଓଡ୍ରାଫ୍ ଟିମ୍ ମାନବିକତାର ଏକ ଉଦାହରଣ ସୃଷ୍ଟି କରିଛନ୍ତି। ସେମାନଙ୍କର ତତ୍ପରତା ଓ ସାହସିକ ପଦକ୍ଷେପ ପାଇଁ ସ୍ଥାନୀୟ ଅଞ୍ଚଳରେ ପ୍ରଶଂସା କରାଯାଉଛି। ସଙ୍କଟ ସମୟରେ ସେବା ଓ ସାହସର ପରିଚୟ ଦେଇ ଦୁଇ ଦିନ ଧରି ନିଖୋଜ ଯୁବକଙ୍କୁ ନୂଆ ଜୀବନର ଆଶା ଦେଇଛନ୍ତି ବାଲିପାଟଣା ମେଡିକାଲ ଷ୍ଟାଫ୍ ଓ ଓଡ୍ରାଫ୍ ଟିମ୍।

ଭଦ୍ରକ ଆରଡି–ତିନିତର ରାସ୍ତାରେ ବନ୍ୟାଜଳର ପ୍ରଖର ସ୍ରୋତ ଭୟଙ୍କର ପରିସ୍ଥିତି ସୃଷ୍ଟି କରିଛି। ରାସ୍ତା ଉପରେ ବହୁଥିବା ଉଗ୍ର ବନ୍ୟାସ୍ରୋତରେ ଜଣେ ବ୍ୟକ୍ତି ଭାସିଯାଉଥିବା ଦୃଶ୍ୟ ଏବେ ସାମ୍ନାକୁ ଆସିଛି। ଘଟଣାର ଚିତ୍ର ଦେଖିଲେ ବନ୍ୟାଜଳର ଭୟାବହତା ସ୍ପଷ୍ଟ ବାରି ହେଉଛି। ପ୍ରଖର ସ୍ରୋତ ଥିବା ସମୟରେ ରାସ୍ତା ପାର ହେବା ଅତ୍ୟନ୍ତ ବିପଦଜନକ। ତେଣୁ ସମସ୍ତଙ୍କୁ ଅନୁରୋଧ—ଜୀବନକୁ ବିପଦରେ ପକାଇ ବନ୍ୟାଜଳ ମଧ୍ୟରେ ରାସ୍ତା ପାର ହୁଅନ୍ତୁ ନାହିଁ। ଆରଡି–ତିନିତର ରାସ୍ତାରେ ବନ୍ୟାର ଭୟଙ୍କର ରୂପ। ସତର୍କ ରୁହନ୍ତୁ, ସୁରକ୍ଷିତ ରୁହନ୍ତୁ।

ଭବାନୀପାଟଣା, କଳାହାଣ୍ଡି: ସମତା, ସାମାଜିକ ସମରସତା, ଭାଇଚାରା ଓ ମାନବିକତାର ମହାନ ବାର୍ତ୍ତା ପ୍ରଚାର କରିଥିବା ସନ୍ଥ ଶିରୋମଣି ଶ୍ରୀ ଗୁରୁ ରବୀଦାସ ମହାରାଜଙ୍କ ୬୫୦ତମ ଜନ୍ମଜୟନ୍ତୀକୁ ଅବିସ୍ମରଣୀୟ କରିବା ଉଦ୍ଦେଶ୍ୟରେ ଭାରତୀୟ ଜନତା ପାର୍ଟି, କଳାହାଣ୍ଡି ଜିଲ୍ଲା ପକ୍ଷରୁ ଏକ ଭବ୍ୟ କଳସ ଶୋଭାଯାତ୍ରା ଓ ସମସ୍ତ ମଣ୍ଡଳକୁ ପବିତ୍ର କଳସ ବିତରଣ କାର୍ଯ୍ୟକ୍ରମ ଭବାନୀପାଟଣାରେ ଭକ୍ତି, ଶ୍ରଦ୍ଧା ଓ ଉତ୍ସାହର ସହ ଅନୁଷ୍ଠିତ ହୋଇଯାଇଛି। ଜିଲ୍ଲା ସଭାପତି ଶ୍ରୀ ଯୁଗଳ କିଶୋର ପୋଡ଼ଙ୍କ ନେତୃତ୍ୱରେ ଏବଂ ଜିଲ୍ଲା ସାଧାରଣ ସମ୍ପାଦକ ଶ୍ରୀ ଲୋକନାଥ ଦୁର୍ଗାଙ୍କ ତତ୍ତ୍ୱାବଧାନରେ ପୁରୁଣାପଡ଼ାସ୍ଥିତ ରାଧାକୃଷ୍ଣ ମନ୍ଦିରଠାରୁ ଏହି ଭବ୍ୟ କଳସ ଶୋଭାଯାତ୍ରା ଆରମ୍ଭ ହୋଇ ଟାଉନ ହଲ୍ ପର୍ଯ୍ୟନ୍ତ ପହଞ୍ଚିଥିଲା। ଶୋଭାଯାତ୍ରାରେ ସନ୍ଥ ରବୀଦାସ ମହାରାଜଙ୍କ ପବିତ୍ର ବାଣୀ ଓ ଆଦର୍ଶର ଜୟଗାନ ସହିତ ଭକ୍ତି ଓ ସମରସତାର ଏକ ଅପୂର୍ବ ପରିବେଶ ସୃଷ୍ଟି ହୋଇଥିଲା। ଟାଉନ ହଲ୍ ପରିସରରେ ଆୟୋଜିତ ସଭାରେ ରାଜ୍ୟ ଅନୁସୂଚିତ ଜାତି ମୋର୍ଚ୍ଚା ସଭାପତି ଶ୍ରୀ ବାଇଧର ମଲ୍ଲିକ ଯୋଗଦେଇ ସନ୍ଥ ଶିରୋମଣି ଶ୍ରୀ ରବୀଦାସ ମହାରାଜଙ୍କ ମହାନ ଜୀବନ, ସମାଜ ପ୍ରତି ତାଙ୍କର ଅବଦାନ ଏବଂ ସମତା ଓ ସାମାଜିକ ସମରସତାର ବିଚାରଧାରା ଉପରେ ଆଲୋକପାତ କରିଥିଲେ। ସେ କହିଥିଲେ ଯେ, ସନ୍ଥ ରବୀଦାସଙ୍କ ବାଣୀ କେବଳ ଏକ ନିର୍ଦ୍ଦିଷ୍ଟ ସମାଜ ପାଇଁ ନୁହେଁ; ଏହା ସମଗ୍ର ମାନବ ସମାଜ ପାଇଁ ଏକ ମହାନ ଜୀବନଦର୍ଶନ। ଜାତି, ବର୍ଣ୍ଣ ଓ ଭେଦଭାବର ଊର୍ଦ୍ଧ୍ୱରେ ଉଠି ପ୍ରେମ, ସମାନତା ଓ ଭାଇଚାରାରେ ଏକ ସୁନ୍ଦର ସମାଜ ଗଠନ କରିବା ହିଁ ତାଙ୍କର ମହାନ ସନ୍ଦେଶ ଥିଲା। ଏହି ସଭାରେ ରାଜ୍ୟ ଉପସଭାପତି ଶ୍ରୀ ଭବେନ୍ଦ୍ର ପଣ୍ଡା, ରାଜ୍ୟ କାର୍ଯ୍ୟକାରିଣୀ ସଦସ୍ୟା ଶ୍ରୀମତୀ ନମିତା ରାଣୀ ସାହୁ, ଜିଲ୍ଲା ସାଧାରଣ ସମ୍ପାଦକ ଶ୍ରୀ ହିମାଂଶୁ ପଣ୍ଡା, ଜିଲ୍ଲା ଅନୁସୂଚିତ ଜାତି ମୋର୍ଚ୍ଚା ସଭାପତି ଶ୍ରୀ ବିଷ୍ଣୁ ନାଏକ, ରାଜ୍ୟ ଅନୁସୂଚିତ ଜାତି ମୋର୍ଚ୍ଚା ସାଧାରଣ ସମ୍ପାଦକ ଶ୍ରୀ ମନୀନଜର ଆର୍ଯ୍ୟ, ରାଜ୍ୟ ସମ୍ପାଦକ ଶ୍ରୀ ହରିହର ମହାନଦ, ଶ୍ରୀ ଅର୍ପ୍ରେସ ସ୍ୱାଇଁ, ଜିଲ୍ଲା ସଭାନେତ୍ରୀ ଶ୍ରୀମତୀ କାଞ୍ଚନ ବାଗ, ପୂର୍ବତନ ବିଧାୟକ ଶ୍ରୀ ଅନାମ ନାଏକଙ୍କ ସମେତ ବହୁ ବରିଷ୍ଠ ନେତୃବୃନ୍ଦ ଯୋଗଦେଇ ସନ୍ଥ ରବୀଦାସ ମହାରାଜଙ୍କ ମହାନ ବିଚାରଧାରା ଉପରେ ନିଜ ନିଜର ଅଭିଭାଷଣ ରଖିଥିଲେ। କାର୍ଯ୍ୟକ୍ରମରେ ଜିଲ୍ଲାର ପ୍ରତ୍ୟେକ ମଣ୍ଡଳର ସଭାପତି ଓ ପ୍ରଭାରୀ, ଜିଲ୍ଲା ପଦାଧିକାରୀ ଏବଂ ସମସ୍ତ ମୋର୍ଚ୍ଚାର ଜିଲ୍ଲାସ୍ତରୀୟ ନେତୃତ୍ୱ ଉପସ୍ଥିତ ରହିଥିଲେ। ପରେ ସନ୍ଥ ରବୀଦାସ ମହାରାଜଙ୍କ ଜନ୍ମଭୂମିରୁ ଆସିଥିବା ପବିତ୍ର କଳସଗୁଡ଼ିକୁ ଜିଲ୍ଲାର ବିଭିନ୍ନ ମଣ୍ଡଳକୁ ଶ୍ରଦ୍ଧା ଓ ଭକ୍ତିର ସହିତ ବିତରଣ କରାଯାଇଥିଲା। ଏହି ପବିତ୍ର କଳସକୁ ସ୍ୱାଗତ କରିବା ପାଇଁ ମାର୍ଗର ବିଭିନ୍ନ ସ୍ଥାନରେ ସାଧାରଣ ଜନତାଙ୍କ ମଧ୍ୟରେ ଅଭୂତପୂର୍ବ ଉତ୍ସାହ ଓ ଆନନ୍ଦ ପରିଲକ୍ଷିତ ହୋଇଥିଲା। ଜନସାଧାରଣ ଶ୍ରଦ୍ଧାର ସହ କଳସକୁ ସ୍ୱାଗତ କରିବା ସହ ସନ୍ଥଙ୍କ ମହାନ ବାଣୀ ଓ ବିଚାରଧାରା ପ୍ରତି ନିଜର ସମ୍ମାନ ପ୍ରକାଶ କରିଥିଲେ। ସନ୍ଥଙ୍କ ଜନ୍ମଜୟନ୍ତୀ ଅବସରରେ ତାଙ୍କର ମହାନ ବାଣୀ ଓ ମାନବତାବାଦୀ ବିଚାରକୁ ଜନଜନଙ୍କ ନିକଟରେ ପହଞ୍ଚାଇବାର ଏହି ପ୍ରୟାସକୁ ସାଧାରଣ ଜନତା ବ୍ୟାପକ ଭାବେ ପ୍ରଶଂସା କରିଛନ୍ତି। ଏହି ଆୟୋଜନ କେବଳ ଏକ ଉତ୍ସବ ନୁହେଁ, ବରଂ ସମତା, ସମରସତା ଓ ମାନବିକତାର ମହାନ ସନ୍ଦେଶକୁ ଘରେ ଘରେ ପହଞ୍ଚାଇବାର ଏକ ପବିତ୍ର ସଙ୍କଳ୍ପ ବୋଲି ମତ ପ୍ରକାଶ ପାଇଛି।

One Gate Opened to Discharge 90 Cusecs; Reservoir Water Level Stands at 263.50 Metres Nuapada, August 18: Floodwater is being released from the Tikhaly Lower Indra Irrigation Project in Khariar block of Nuapada district for the second time this season, following a rise in the reservoir’s water level amid continued rainfall. Keeping in view the possibility of another spell of low-pressure-induced rainfall on August 19, the authorities have opened one gate of the dam as a precautionary measure to regulate the reservoir level and maintain adequate storage capacity. At present, around 90 cusecs of water is being discharged through the open gate, while an estimated 150–160 cusecs of rainwater is flowing into the reservoir. The maximum water-holding level of Tikhaly Dam is 265.50 metres, while the current water level stands at approximately 263.50 metres. Officials are closely monitoring the inflow and the reservoir level to prevent excessive accumulation of water and minimise the possibility of a flood situation in downstream areas. Additional gates may be opened if required, depending on the inflow and prevailing weather conditions. The dam witnessed its first floodwater discharge of the season on July 27. As the water level increased further, five gates were opened on July 29 to release excess water. Superintending Engineer Saumya Ranjan Jaypuria said that the department is keeping a continuous watch on the water level and inflow and is taking all necessary precautionary measures to prevent any flood-like situation. The authorities have assured that the situation is being closely monitored and water will be released through additional gates whenever necessary to maintain the reservoir at a safe level.

Komna, Nuapada: A serious road accident took place on Tuesday near Haripur under Komna block of Nuapada district, on National Highway-353. A Swift Dzire car and a Tata Ace (“Chhota Hathi”) collided head-on, leaving both drivers seriously injured. According to information, the Swift Dzire reportedly belongs to a medicine shop owner from Khariar. The Tata Ace, on the other hand, is said to be from the Kantabanji area. The impact of the collision left the Tata Ace driver with a fractured leg. He was rescued and immediately shifted to the Komna Community Health Centre for treatment. The driver of the Swift Dzire also sustained serious injuries and was subsequently taken to Mission Hospital in Khariar for medical treatment. Following the accident, Komna Police reached the spot and inspected both vehicles. Police have initiated an investigation to ascertain the exact circumstances that led to the head-on collision. The precise cause of the accident is yet to be established, and further investigation by the police is underway.

ବରଗଡ -ଶ୍ରାବଣ ମାସର ତୃତୀୟ ସୋମବାର ତା ୧୭/୦୮/୨୬ ରିଖ ଦିନ ବରଗଡ ଜିଲ୍ଲା ର ପ୍ରମୁଖ ଅଷ୍ଟଶମ୍ଭୁ ପୀଠ ସୋର୍ଣ୍ଣା ସ୍ଥିତ ଶ୍ରୀ ଶ୍ରୀ ସ୍ଵପ୍ନେଶ୍ଵର ବାବାଙ୍କ ମନ୍ଦିରରେ ମା ମାହେଶ୍ୱରୀ ସେନା ତରଫରୁ ମନ୍ଦିରକୁ ଦର୍ଶନ ପାଇଁ ଆସୁଥିବା ଭକ୍ତ ତଥା ମାନସିକ ପାଇଁ ପାଣି ଢ଼ାଳିବା ପାଇଁ ଆସୁଥିବା ବୋଲବମ ଭକ୍ତ ମାନଂକୁ ଅନ୍ନ ପ୍ରସାଦ ବଣ୍ଟନ କରାଯାଇଥିଲା l ପ୍ରାୟ ୫ ହଜାର ଭକ୍ତମାନଂକୁ ପ୍ରସାଦ ବଣ୍ଟନ କରାଯାଇଥିଲା l ଏହି ବଣ୍ଟନ କାର୍ଯ୍ୟକ୍ରମରେ ଅତାବିରା ପୋଲିସ ଷ୍ଟେସନର ଆଇ ଆଇଆଇସି ଶ୍ରୀଯୁକ୍ତ ପ୍ରକାଶ କର୍ଣ୍ଣ,ଜିଲ୍ଲା ଡୁମାଲ ପରିଷଦ, ବରଗଡ଼ ର ସଭାପତି ଶ୍ରୀଯୁକ୍ତ ଗଣେଶ ପ୍ରଧାନ, ସମ୍ବଲପୁର ଜିଲ୍ଲା କେନ୍ଦ୍ରୀୟ ସମବାୟ ବ୍ୟାଙ୍କର ସଭାପତି ଶ୍ରୀଯୁକ୍ତ ନରେନ୍ଦ୍ର ପ୍ରଧାନ, ସରଳା କେନ୍ଦ୍ର ଡୁମାଲ ସମାଜର ସଭାପତି ଶ୍ରୀଯୁକ୍ତ କରମଚାନ୍ଦ ପ୍ରଧାନଓ ମା ମାହେଶ୍ୱରୀ ସେନାର ସମସ୍ତ ସଦସ୍ୟମାନେ ଉପସ୍ଥିତ ରହି ପ୍ରସାଦ ବଣ୍ଟନରେ ସାହାଯ୍ୟ ସହଯୋଗ କରିଥିଲେ l ଅନ୍ନପ୍ରସାଦ ବଣ୍ଟନ କାର୍ଯ୍ୟକ୍ରମରେ ଆର୍ଥିକ ଓ ଶାରୀରିକ ଭାବେ ସାହାଯ୍ୟ ସହଯୋଗ କରିଥିବା ଜାତିଭାଇ ତଥା ବ୍ୟକ୍ତିବିଶେଷଙ୍କୁ ମାଁ ମାହେଶ୍ୱରୀ ସେନା ତରଫରୁ ଧନ୍ୟବାଦ ଅର୍ପଣ କରାଯାଇଥିଲା l

ବରଗଡ -ନିଶାମୁକ୍ତ ଭାରତ ଅଭିଯାନର ଷଷ୍ଠ ବାର୍ଷିକୀ ପାଳନର ଅଂଶ ଭାବେ ଆଜି ସାରା ଦେଶରେ ନିଶା ବିରୋଧୀ ଜାତୀୟ ଶପଥ ଗ୍ରହଣ କାର୍ଯ୍ୟକ୍ରମ ଆୟୋଜିତ ହେଉଛି। ନିଶା ବିରୋଧରେ ସାମୂହିକ ସଂକଳ୍ପ ମାଧ୍ୟମରେ ନାଗରିକଙ୍କୁ ସଚେତନ କରିବା ଏବଂ ନିଶାମୁକ୍ତ ଭାରତର ପରିକଳ୍ପନାକୁ ସୁଦୃଢ଼ କରିବା ଏହି ଅଭିଯାନର ମୁଖ୍ୟ ଉଦ୍ଦେଶ୍ୟ। ସୁସ୍ଥ ଓ ପ୍ରଗତିଶୀଳ ସମାଜ ଗଠନରେ ଯୁବପିଢ଼ିର ଗୁରୁତ୍ୱପୂର୍ଣ୍ଣ ଭୂମିକା ଥିବାରୁ ଅଭିଯାନରେ ବିଶେଷ ଭାବେ ଯୁବବର୍ଗଙ୍କୁ ଏହି ଅଭିଯାନରେ ସାମିଲ କରାଯାଉଛି। ନିଶାଦ୍ରବ୍ୟର କୁପ୍ରଭାବ ସମ୍ପର୍କରେ ଛାତ୍ରଛାତ୍ରୀ, ଯୁବକଯୁବତୀ, ମହିଳା, ସରକାରୀ କର୍ମଚାରୀ ଓ ସାଧାରଣ ଜନତାଙ୍କ ମଧ୍ୟରେ ସଚେତନତା ସୃଷ୍ଟି ସହ ନିଶା ନିବାରଣ ଦିଗରେ ସାମୂହିକ ପ୍ରୟାସକୁ ଏହି ଅଭିଯାନ ଗୁରୁତ୍ୱ ଦେଉଛି। ଓଡ଼ିଶା ସରକାରଙ୍କ ନିର୍ଦ୍ଦେଶାନୁସାରେ ଜିଲ୍ଲା, ବ୍ଲକ ଓ ସହରାଞ୍ଚଳ ସ୍ତରରେ ଏହି ଶପଥ ଗ୍ରହଣ କାର୍ଯ୍ୟକ୍ରମ ଆୟୋଜନ କରାଯାଉଛି। ବିଦ୍ୟାଳୟ, ମହାବିଦ୍ୟାଳୟ, ବିଶ୍ୱବିଦ୍ୟାଳୟ, ବେସରକାରୀ ଓ ସରକାରୀ ଅନୁଷ୍ଠାନ ସମେତ ବିଭିନ୍ନ ସରକାରୀ କାର୍ଯ୍ୟାଳୟରେ ଅଧିକରୁ ଅଧିକ ଲୋକଙ୍କୁ ଏହି ଅଭିଯାନରେ ସାମିଲ କରାଯାଉଛି। ଏଥିସହ ଜନସାଧାରଣଙ୍କୁ ନିଶାମୁକ୍ତ ଭାରତ ଅଭିଯାନର ଇ-ଶପଥ (e-Pledge) ଗ୍ରହଣ କରି ଅଂଶଗ୍ରହଣ ପ୍ରମାଣପତ୍ର ଡାଉନଲୋଡ୍ କରିବାକୁ ମଧ୍ୟ ଉତ୍ସାହିତ କରାଯାଉଛି। ଏହି ଅବସରରେ ଆଜି ବରଗଡ଼ ଜିଲ୍ଲାର ସମସ୍ତ ଶିକ୍ଷାନୁଷ୍ଠାନ ଏବଂ ସରକାରୀ କାର୍ଯ୍ୟଳୟରେ ଛାତ୍ରଛାତ୍ରୀ ଏବଂ କର୍ମଚାରୀଙ୍କ ସାମୁହିକ ଶପଥପାଠ କରିଛନ୍ତି। ଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରେ ନିଶା ବିରୋଧୀ ଜାତୀୟ ଶପଥ ଗ୍ରହଣ କାର୍ଯ୍ୟକ୍ରମ ଆୟୋଜିତ ହୋଇଥିଲା। ଏହି ଅବସରରେ ବରଗଡ଼ ଜିଲ୍ଲାପାଳ ଶ୍ରୀ ଆଦିତ୍ୟ ଗୋୟଲ ସମସ୍ତ କର୍ମଚାରୀଙ୍କୁ ଶପଥ ପାଠ କରାଇଥିଲେ। ଅତିରିକ୍ତ ଜିଲ୍ଲାପାଳ ଶ୍ରୀ ମହେନ୍ଦ୍ର ମହାପାତ୍ରଙ୍କ ସମେତ ଜିଲ୍ଲାପାଳ କାର୍ଯ୍ୟାଳୟର ବିଭିନ୍ନ ଅଧିକାରୀ ଓ କର୍ମଚାରୀ ଏଥିରେ ଉପସ୍ଥିତ ରହି ଶପଥ ଗ୍ରହଣ କରିଥିଲେ। ଏହି ଅବସରରେ ଅଧିକାରୀ ଓ କର୍ମଚାରୀମାନେ ନିଜେ ନିଶାମୁକ୍ତ ରହିବା ସହ ନିଜ ପରିବାର, ବନ୍ଧୁବର୍ଗ ଓ ସମାଜକୁ ନିଶା ସେବନରୁ ଦୂରେଇ ରଖିବା ପାଇଁ ଶପଥ ନେଇଥିଲେ। ଏଥିସହ ନିଜ ଜିଲ୍ଲା, ରାଜ୍ୟ ଓ ଦେଶକୁ ନିଶାମୁକ୍ତ ରଖିବା ଦିଗରେ ନିଜ ସାମର୍ଥ୍ୟ ଅନୁଯାୟୀ ସମସ୍ତ ପ୍ରକାର ସମ୍ଭବ ପ୍ରୟାସ କରିବାକୁ ସେମାନେ ପ୍ରତିଜ୍ଞା କରିଥିଲେ। ନିଶାମୁକ୍ତ ଓ ସୁସ୍ଥ ସମାଜ ଗଠନ ପାଇଁ ଜିଲ୍ଲାର ସମସ୍ତ ବର୍ଗର ଜନସାଧାରଣ, ବିଶେଷକରି ଯୁବପିଢ଼ି, ଏହି ଅଭିଯାନରେ ସକ୍ରିୟ ଭାବେ ସାମିଲ ହୋଇ ନିଶାମୁକ୍ତ ବରଗଡ଼ ଗଠନରେ ସହଯୋଗ କରିବାକୁ ଜିଲ୍ଲା ପ୍ରଶାସନ ପକ୍ଷରୁ ଆହ୍ୱାନ କରାଯାଇଛି।

ଭୁବନ ୧୮.୮- ନଗର ବିକାଶ ଆଧାରରେ ପ୍ରତ୍ୟେକ ଛକ ଓ ରାସ୍ତା ଉନ୍ନତିକରଣ କରିବାକୁ ୧ ନମ୍ବର ୱାର୍ଡ କାଉନସିଲର ଗିରିଧାରୀ ସାହୁ ଦାବି କରିଛନ୍ତି। ଢ଼େଙ୍କାନାଳ ଜିଲ୍ଲା ଭୁବନ ବିଜ୍ଞାପିତ ଅଞ୍ଚଳ ପରିଷଦର କାର୍ଯ୍ୟ ନିର୍ବାହୀ ଅଧିକାରୀଙ୍କୁ ଦେଇଥିବା ଦାବି ପତ୍ରରେ କାଉନସିଲର ଶ୍ରୀଯୁକ୍ତ ସାହୁ ଉଲ୍ଲେଖ କରିଛନ୍ତି ଯେ,ଭୁବନ ବିଜ୍ଞାପିତ ଅଞ୍ଚଳ ପରିଷଦର ସବୁଠାରୁ ଶିକ୍ଷିତ ଓ ସଚେତନ ୱାର୍ଡ ଭାବେ ପରିଚିତ ୱାର୍ଡ ନଂ ୧ ଗୋଟିଏ ରାଜସ୍ୱ ଗ୍ରାମ ଟୋଲକବେରେଣୀ , ୟୁନିଟ୍ ନଂ ୫ ଓ ଜନସଂଖ୍ୟା ପ୍ରାୟ ୪ ହଜାର ଅଟେ । ଭୁବନ ସହରରେ ପରିବାର ବୃଦ୍ଧି ପାଇବା ଓ ଜନ ସଂଖ୍ୟା ଅଧିକ ହେବା କାରଣରୁ ସେମାନଙ୍କ ମଧ୍ୟରୁ କିଛି ପରିବାର ଏହି ମୌଜାରେ ଘର କରି ରହିଲେ । ମାଷ୍ଟର ପ୍ଲାନ ଆଧାରରେ ରାସ୍ତା ଓ ଘର ନିର୍ମାଣ ହୋଇଅଛି । ଏହି ୱାର୍ଡରେ ପଞ୍ଚାୟତ ସମିତି କାର୍ଯ୍ୟାଳୟ ,ପୂର୍ତ୍ତ ବିଭାଗ କାର୍ଯ୍ୟାଳୟ,ଡାକ ବଙ୍ଗଳା,ଜନସ୍ୱାସ୍ଥ୍ୟ ବିଭାଗ କାର୍ଯ୍ୟାଳୟ,ରାଜସ୍ୱ ନିରୀକ୍ଷକ ଙ୍କ କାର୍ଯ୍ୟଳୟ , ଗୋଷ୍ଠୀ ଶିକ୍ଷାଧିକାରୀ ଙ୍କ କାର୍ଯ୍ୟାଳୟ,ଦୁଇଟି ଉଚ୍ଚ ବିଦ୍ୟାଳୟ ଓ ଗୋଟିଏ ପ୍ରାଥମିକ ବିଦ୍ୟାଳୟ , ୪ ଟି ଅଙ୍ଗନୱାଡି କେନ୍ଦ୍ର ,ବଡ ବଡ ବାଣିଜ୍ୟ ସ୍ଥଳି (ସପିଙ୍ଗ ମଲ୍) , ୪ଗୋଟି ଜାତୀୟ କରଣ ବ୍ୟାଙ୍କ ଇତ୍ୟାଦି ରହିଅଛି । ଅନ୍ୟ ୱାର୍ଡର ରାସ୍ତା ଠାରୁ ଏହି ୱାର୍ଡର ରାସ୍ତା ଚଉଡା ଅଟେ । ସରକାରଙ୍କ ଯୋଜନା ଅନୁଯାୟୀ ମୁଖ୍ୟ ରାସ୍ତା ପାର୍ଶ୍ୱରେ ପାଦଚଲା ରାସ୍ତା, ରାସ୍ତାପାର୍ଶ୍ବ ବୃକ୍ଷ ରୋପଣ , ବିଶ୍ରାମ ଚେୟାର ଆଦି ରହିବାର ଏକମାତ୍ର ଯୋଗ୍ୟ ୱାର୍ଡ ଅଟେ । ବର୍ତ୍ତମାନ ଏହି ୱାର୍ଡର ମୁଖ୍ୟରାସ୍ତା ଟି ଅତ୍ୟନ୍ତ ଶୋଚନୀୟ ହୋଇପଡ଼ିଛି। ଏହାକୁ ଯୁଦ୍ଧକାଳୀନ ଭିତ୍ତିରେ ନିର୍ମାଣ କରିବା ସହ ଜନସଂଖ୍ୟା ବୃଦ୍ଧି, ଗାଡ଼ି ମୋଟର ବୃଦ୍ଧି କାରଣରୁ ସରକାରଙ୍କ ବିଭିନ୍ନ ଉନ୍ନତି ମୂଳକ ଯୋଜନା ଅନୁଯାୟୀ ଏହି ୱାର୍ଡ କୁ ଉନ୍ନତି କରିବା ପାଇଁ କାଉନସିଲର ଶ୍ରୀଯୁକ୍ତ ଗିରିଧାରୀ ସାହୁ ଦାବି କରିବା ସହ ଏହାର ଏକ କପି ନଗରପାଳ ଶୁଭେନ୍ଦୁ କୁମାର ସାହୁ ଙ୍କୁ ମଧ୍ୟ ପ୍ରଦାନ କରିଛନ୍ତି ।

ଢେ଼ଙ୍କାନାଳ ଜିଲ୍ଲାପାଳ ଙ୍କ ସଦଭାବନା ସଭାଗୃହ ଠାରେ ଜିଲ୍ଲା ସମାଜ ମଙ୍ଗଳ ବିଭାଗ ପକ୍ଷରୁ ଯୌତୁକ ଅଧିନିୟମ-୧୯୬୧ ସଂପର୍କିତ ଏକ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଯାଇଛି । ଜିଲ୍ଲା ସମାଜ ମଙ୍ଗଳ ଅଧିକାରୀ ଶ୍ରୀମତୀ ସଙ୍ଗୀତା କୁମାରୀ ପାତ୍ର ସମସ୍ତଙ୍କୁ ସ୍ଵାଗତ ଜଣାଇ ଏହି ଶିବିର ଆୟୋଜନ ସଂପର୍କରେ ପ୍ରାରମ୍ଭିକ ସୂଚ଼ନା ପ୍ରଦାନ କରିଥିଲେ । ଏହି ଶିବିରରେ ଡ଼ି.ଏସ.ପି. ଶ୍ରୀମତୀ ସୁଷମା ପ୍ରଧାନ, ମେଡ଼ିକାଲ ଅଫିସର୍ ଡାକ୍ତର ଶାନ୍ତନୁ କୁମାର ଟୁଡୁ , ଆଇନଜିବୀ ଶ୍ରୀ ହରିହର ପଣ୍ଡା, ସମାଜ ମଙ୍ଗଳ ଅଧିକାରୀ ଶ୍ରୀମତୀ ରୁକ୍ମୁଣୀ ସାହୁ, ସୁରକ୍ଷା ଅଧିକାରୀ ଶ୍ରୀମତୀ ପଙ୍କଜିନୀ କର, ୟୁନିସେଫ୍ ର ଯୁଗ୍ମ ଜିଲ୍ଲା ସଂଯୋଜିକା ଶ୍ରୀମତୀ ସଂଧ୍ୟାରାଣୀ ନାୟକଙ୍କ ସମେତ ବିଭିନ୍ନ ବିଭାଗୀୟ ଅଧିକାରୀ, ସମସ୍ତ ସି.ଡ଼ି.ପି.ଓ., ସୁପରଭାଇଜର, ଅଙ୍ଗନୱାଡ଼ି କର୍ମୀ, ଏନ.ଜି.ଓ. ର କର୍ମକର୍ତ୍ତା ଓ କିଶୋରୀ ବାଳିକାମାନେ ଯୋଗ ଦେଇଥିଲେ । ଯୌତୁକ ଜନିତ ନିର୍ଯ୍ୟାତନା ଓ ହିଂସା ପ୍ରମାଣିତ ହେଲେ ଭରଣ ପୋଷଣ ଦେବା, ଜେଲ୍ , ଜୋରିମାନା ଏପରିକି ଆଜୀବନ କାରାଦଣ୍ଡର ନିୟମ ରହିଛି । ଯୌତୁକ ମାଗିବା ଓ ଯୌତୁକ ଦେବା ଉଭୟ ଦୋଷାବହ, ଏହାକୁ ସମସ୍ତେ ବିରୋଧ କରିବା ଉଚ଼ିତ୍ । ଯୌତୁକ ଜନିତ ଶାରିରୀକ ଓ ମାନସିକ ନିର୍ଯାତନା ଓ ହିଂସା ସାମାଜିକ ସ୍ତରରେ କାର୍ଯ୍ୟକାରୀ ନ ହୋଇପାରିଲେ ଏହା ଫଳଶୂନ୍ୟ, କିଶୋର-କିଶୋରୀମାନେ ଶିକ୍ଷିତ ହୋଇ ଆତ୍ମନିର୍ଭରଶୀଳ ହେବା ଜରୁରୀ ବୋଲି ଶିବିରରେ ଆଲୋଚ଼ନା ହୋଇଥିଲା । କିଶୋର- କିଶୋରୀ କ୍ଲବ୍ ଗଠନ କରାଯାଇ, ସୋସିଆଲ ମିଡିଆରେ ପ୍ରଚାର ପ୍ରସାର କରି, ସେମାନଙ୍କୁ ସଚ଼େତନ କରାଇବା ସହିତ ତୃଣମୂଳ ସ୍ତରୀୟ କର୍ମୀମାନଙ୍କ ପ୍ରତ୍ୟକ୍ଷ ଭୂମିକା ଗୁରୁତ୍ୱପୂର୍ଣ୍ଣ ବୋଲି ଆଲୋଚନା ହୋଇଥିଲା । ବାଲ୍ଯ ବିବାହ ଓ କନ୍ୟା ଚାଲାଣ ରୋକିବା, ସ୍ୱଳ୍ପ ବୟସରେ ଗର୍ଭ ଧାରଣ ନ କରିବା, ଶିଶୁ ଶ୍ରମିକ ଉଚ୍ଛେଦ ,ଘରୋଇ ହିଂସା ଆଦି ସଂପର୍କରେ ଅଧିକାରୀ ମାନେ ଆଲୋଚନା କରିଥିଲେ । କିଶୋର- କିଶୋରୀମାନେ ସରକାରୀ ଯୋଜନାରେ ଥିବା ସମସ୍ତ ସୁବିଧା ସୁଯୋଗ ସଂପର୍କରେ ଅବଗତ ହୋଇ ନିଜେ ନିଜର ଭବିଷ୍ୟତ ଗଠନ କରିବାକୁ ପରାମର୍ଶ ଦେଇଥିଲେ । କୌଣସି ପ୍ରକାରର ନିର୍ଯ୍ୟାତନାର ଶିକାର ହେଲେ ହେଲପ୍ ଲାଇନ୍ ନମ୍ବର ୧୧୨ ରେ ପୋଲିସ ବିଭାଗକୁ, ନିର୍ଯ୍ୟାତିତା ମହିଳାମାନେ ହେଲପ୍ ଲାଇନ୍ ୧୮୧ ରେ ଏବଂ ଶିଶୁ ନିର୍ଯ୍ୟାତନା ରୋକିବାକୁ ହେଲ୍ପଲାଇନ ନମ୍ବର ୧୦୯୮ ରେ ଯୋଗାଯୋଗ କରି ନିଜର ସୁରକ୍ଷା ବ୍ୟବସ୍ଥା କରିବାକୁ ପରାମର୍ଶ ଦିଆଯାଇଥିଲା ।

ଭୁବନେଶ୍ୱର, ୧୮ ଅଗଷ୍ଟ: କେନ୍ଦ୍ର ସରକାରଙ୍କ ଖଣିଜ ସମ୍ପଦ ବିକାଶ ଓ ନିୟମ ସଂଶୋଧନ ଆଇନକୁ ନେଇ ତୀବ୍ର ବିରୋଧ ପ୍ରକାଶ କରିଛନ୍ତି ଜନ ଆନ୍ଦୋଳନ ନେତା ତଥା ଲୋକଶକ୍ତି ଅଭିଯାନର ରାଷ୍ଟ୍ରୀୟ ଆବାହକ ପ୍ରଫୁଲ୍ଲ ସାମନ୍ତରା। ମଙ୍ଗଳବାର ଭୁବନେଶ୍ୱର ଲୋହିଆ ଏକାଡେମୀରେ ଆୟୋଜିତ ସାମ୍ବାଦିକ ସମ୍ମିଳନୀରେ ସେ ଏହି ଆଇନ ଓଡ଼ିଶାର ଖଣିଜ ସମ୍ପଦ ଲୁଟ୍‌କୁ ତ୍ୱରାନ୍ୱିତ କରିବା ସହ ରାଜ୍ୟର ଅଧିକାରକୁ ଦୁର୍ବଳ କରିବ ବୋଲି ଅଭିଯୋଗ କରିଛନ୍ତି। ସାମନ୍ତରାଙ୍କ ଅଭିଯୋଗ ଅନୁଯାୟୀ, ଯଥେଷ୍ଟ ଆଲୋଚନା ଓ ରାଜ୍ୟମାନଙ୍କ ମତାମତକୁ ଗୁରୁତ୍ୱ ନଦେଇ ସଂସଦରେ ସଂଖ୍ୟାବଳ ଆଧାରରେ ଆଇନ ପାରିତ କରାଯିବା ଦେଶର ସଂଘୀୟ ବ୍ୟବସ୍ଥା ପାଇଁ ଚିନ୍ତାଜନକ। ଓଡ଼ିଶାର ସାଂସଦମାନେ ରାଜ୍ୟର ଦୀର୍ଘମିଆଦୀ ସ୍ୱାର୍ଥକୁ ବିଚାର ନକରି ଏହାକୁ ସମର୍ଥନ କରିଥିବା ନେଇ ମଧ୍ୟ ସେ ପ୍ରଶ୍ନ ଉଠାଇଛନ୍ତି। ସେ କହିଛନ୍ତି ଯେ, ସଂଶୋଧନ ଆଇନ ଯୋଗୁଁ ରାଜ୍ୟର ଅତିରିକ୍ତ ଟିକସ ଆଦାୟ ଅଧିକାର ଓ ପୂର୍ବ ବକେୟା ଆଦାୟ ଅଧିକାର ପ୍ରଭାବିତ ହୋଇପାରେ। ଏହା ଫଳରେ ଓଡ଼ିଶା ପ୍ରତିବର୍ଷ ଅତି କମରେ ୧୫ ହଜାର କୋଟି ଟଙ୍କାର ରାଜସ୍ୱ ହରାଇପାରେ ବୋଲି ସେ ଆଶଙ୍କା ପ୍ରକାଶ କରିଛନ୍ତି। ଏହା ସୁପ୍ରିମକୋର୍ଟର ୯ ଜଣିଆ ଖଣ୍ଡପୀଠଙ୍କ ରାୟର ମୂଳ ଆତ୍ମାକୁ ମଧ୍ୟ ଦୁର୍ବଳ କରୁଛି ବୋଲି ସେ ଦାବି କରିଛନ୍ତି। ଅନ୍ୟପକ୍ଷରେ, ଶିଳ୍ପ ପାଇଁ ଦିଆଯାଇଥିବା ଖଣିଜର ଶତପ୍ରତିଶତ ଖୋଲା ବଜାରରେ ବିକ୍ରି ସୁଯୋଗ ମିଳିଲେ ଖଣିଜ ଉତ୍ତୋଳନ ବଢ଼ିବ ଏବଂ ଲୁହାପଥର, ବକ୍ସାଇଟ୍ ଓ କ୍ରୋମାଇଟ୍ ଭଳି ଖଣିଜ ସମ୍ପଦ ଦ୍ରୁତଗତିରେ ଶେଷ ହେବାର ଆଶଙ୍କା ରହିଛି ବୋଲି ସେ କହିଛନ୍ତି। ଖଣି ସମ୍ପ୍ରସାରଣରେ ପୁନଃ ନିଲାମ ଓ ଆବଶ୍ୟକ ପ୍ରକ୍ରିୟାକୁ ଏଡ଼ାଇବାର ସୁଯୋଗ ମିଳିଲେ ବଡ଼ କମ୍ପାନୀଙ୍କ ହାତରେ ଖଣିଜ ସମ୍ପଦ ଅଧିକ କେନ୍ଦ୍ରୀଭୂତ ହେବା ସହ ପରିବେଶ ଆଇନ, ଜଙ୍ଗଲ ଅଧିକାର ଆଇନ ଓ ସ୍ଥାନୀୟ ସମୁଦାୟର ଅଧିକାର ପ୍ରଭାବିତ ହେବ ବୋଲି ସେ ଆଶଙ୍କା ପ୍ରକାଶ କରିଛନ୍ତି। ସାମନ୍ତରାଙ୍କ ଦାବି ଅନୁଯାୟୀ, ଏହାର ପ୍ରଭାବରେ ଓଡ଼ିଶାର ୧୭,୮୩୨ଟି ଆଦିବାସୀ ଗ୍ରାମ ଓ ପ୍ରାୟ ୧୪,୯୧,୩୯୯ ହେକ୍ଟର ଜମିର ଅଧିକାର ପ୍ରଭାବିତ ହେବାର ଆଶଙ୍କା ରହିଛି। ଅନିୟନ୍ତ୍ରିତ ଖଣିଜ ଉତ୍ତୋଳନ ଯୋଗୁଁ ଜଳ, ଜଙ୍ଗଲ, ଜମି, ନଦୀ, ଜୀବବିବିଧତା ଓ ଆଦିବାସୀ ସମୁଦାୟର ଜୀବିକା ଉପରେ ଗୁରୁତର ପ୍ରଭାବ ପଡ଼ିବ ବୋଲି ସେ କହିଛନ୍ତି। ଓଡ଼ିଶା ପାଇଁ ସଂରକ୍ଷଣ, ସଂଘୀୟ ବ୍ୟବସ୍ଥା, ସ୍ୱଚ୍ଛତା, ସମୁଦାୟର ଅଧିକାର, ପରିବେଶୀୟ ସୀମା ଓ ପିଢ଼ିଗତ ନ୍ୟାୟ ଉପରେ ଆଧାରିତ ଏକ ନୂତନ ଖଣିଜ ନୀତିର ଆବଶ୍ୟକତା ରହିଛି ବୋଲି ସାମନ୍ତରା କହିଛନ୍ତି। ଖଣିଜ ସମ୍ପଦ ଉପରେ ରାଜ୍ୟର ଅଧିକାର ଦୁର୍ବଳ ନକରିବା, ନିଲାମ ପ୍ରକ୍ରିୟାକୁ ଏଡ଼ାଇବାର ସୁଯୋଗ ନଦେବା ଏବଂ ଜଙ୍ଗଲ, ନଦୀ ଓ ଆଦିବାସୀ ସମୁଦାୟଙ୍କ ସ୍ୱାର୍ଥକୁ ସୁରକ୍ଷା ଦେବାକୁ ସେ ଦାବି କରିଛନ୍ତି। ଏହି ପ୍ରସଙ୍ଗରେ ବିରୋଧୀ ଦଳ, ସାମାଜିକ ସଂଗଠନ, ଆଦିବାସୀ ସମୁଦାୟ ଓ ସଚେତନ ନାଗରିକଙ୍କୁ ଏକଜୁଟ ହୋଇ ଜନ ଆନ୍ଦୋଳନ ଗଢ଼ିବାକୁ ସେ ଆହ୍ୱାନ ଦେଇଛନ୍ତି।

ଯାଜପୁର: ଲଗାଣ ବର୍ଷା ଯୋଗୁଁ ଯାଜପୁର ଜିଲ୍ଲା ବିଂଝାରପୁର ବ୍ଲକ ଅନ୍ତର୍ଗତ ରଣପୁର ପଞ୍ଚାୟତର କଣ୍ଟିପୁର ଗ୍ରାମ ଏବେ ବନ୍ୟାଜଳ ଘେରରେ। ନଦୀର ଜଳସ୍ତର ବୃଦ୍ଧି ପାଇବା ସହ ଗ୍ରାମର ବିଭିନ୍ନ ଅଞ୍ଚଳରେ ବନ୍ୟାଜଳ ପ୍ରବେଶ କରିଥିବାରୁ ଲୋକେ ଦୁର୍ଦ୍ଦଶାରେ ଦିନ କାଟୁଛନ୍ତି। ଲଗାଣ ବର୍ଷା ଥମିବାର ନାଁ ନେଉନଥିବା ବେଳେ ନଦୀର ଜଳସ୍ତର ମଧ୍ୟ କମିବାର ନାଁ ନେଉନାହିଁ। ଫଳରେ ଗ୍ରାମବାସୀଙ୍କ ମଧ୍ୟରେ ବନ୍ୟା ଆଶଙ୍କା ଆହୁରି ବଢ଼ିଛି। ଜଳଘେରରେ ରହିଥିବା ପରିବାରଗୁଡ଼ିକ ଯାତାୟାତ, ପାନୀୟଜଳ ଓ ଦୈନନ୍ଦିନ ଆବଶ୍ୟକତାକୁ ନେଇ ଚିନ୍ତାରେ ରହିଛନ୍ତି। ବନ୍ୟା ପରିସ୍ଥିତି ଯଦି ଆହୁରି ବିଗିଡ଼େ, ତେବେ ଲୋକଙ୍କ ସୁରକ୍ଷା ନେଇ ଗୁରୁତର ସମସ୍ୟା ଉପୁଜିପାରେ। ତେଣୁ ପ୍ରଶାସନ ପକ୍ଷରୁ ତୁରନ୍ତ ପରିସ୍ଥିତିର ଆକଳନ କରି ଆବଶ୍ୟକ ରିଲିଫ୍‌, ଉଦ୍ଧାର ଓ ସୁରକ୍ଷା ବ୍ୟବସ୍ଥା କରିବାକୁ ଗ୍ରାମବାସୀ ଦାବି କରିଛନ୍ତି।

ଅନୁଗୋଳ: ଅନୁଗୋଳ ଡିପିଓ ସମ୍ମିଳନୀ ହଲ୍‌ରେ ଏକ କର୍ମଚାରୀ ବୈଠକ ଓ ଆଲୋଚନା ସଭା ଅନୁଷ୍ଠିତ ହୋଇଛି। ଅନୁଗୋଳ ଆରକ୍ଷୀ ଅଧିକ୍ଷକଙ୍କ ଅଧ୍ୟକ୍ଷତାରେ ଆୟୋଜିତ ଏହି ବୈଠକରେ ଅତିରିକ୍ତ ଏସ୍‌ପି, ବରିଷ୍ଠ ପୋଲିସ ଅଧିକାରୀ, ବିଭିନ୍ନ ଥାନାର ପ୍ରତିନିଧି, ପୋଲିସ ସଂଘର ସଦସ୍ୟ ଏବଂ ଡିପିଓର ମନ୍ତ୍ରୀସ୍ତରୀୟ କର୍ମଚାରୀମାନେ ଉପସ୍ଥିତ ଥିଲେ। ବୈଠକରେ ପୋଲିସ ବିଭାଗ ମଧ୍ୟରେ ସମନ୍ୱୟକୁ ଆହୁରି ସୁଦୃଢ଼ କରିବା, କର୍ମଚାରୀମାନଙ୍କ ବିଭିନ୍ନ ସମସ୍ୟାର ସମାଧାନ କରିବା ସହ ପୋଲିସ ପ୍ରତିଷ୍ଠାନର କାର୍ଯ୍ୟକୁ ଅଧିକ ସୁଚାରୁ ଓ ପ୍ରଭାବଶାଳୀ କରିବା ଉପରେ ଗୁରୁତ୍ୱ ଦିଆଯାଇଥିଲା। ଏଥିସହ ପ୍ରଶାସନିକ, କାର୍ଯ୍ୟକ୍ଷମ ଓ କର୍ମଚାରୀ ସମ୍ବନ୍ଧୀୟ ବିଭିନ୍ନ ବିଷୟ ନେଇ ଉପସ୍ଥିତ ଅଧିକାରୀ ଓ କର୍ମଚାରୀମାନଙ୍କ ସହ ଆଲୋଚନା କରାଯାଇଥିଲା। ପୋଲିସ ବିଭାଗର କାର୍ଯ୍ୟକୁ ଆହୁରି ସୁସଂଗଠିତ କରିବା ସହ କର୍ମଚାରୀଙ୍କ ସମସ୍ୟାର ସମାଧାନ କରିବା ଉପରେ ବୈଠକରେ ମତ ପ୍ରକାଶ ପାଇଥିଲା।