Web News

ସମୁଦ୍ରକୂଳକୁ ସ୍ୱଚ୍ଛ ରଖିବାକୁ ଆହ୍ୱାନପୁରୀ:ଆମ ଉପକୂଳକୁ ସ୍ୱଚ୍ଛ ଓ ସୁନ୍ଦର ରଖିବା ପାଇଁ ଜନସାଧାରଣଙ୍କ ସହଭାଗିତା ଏକାନ୍ତ ଜରୁରୀ। ଏହି ଉଦ୍ଦେଶ୍ୟରେ ଆନ୍ତର୍ଜାତୀୟ ଉପକୂଳ ସ୍ୱଚ୍ଛତା ଦିବସ ଅବସରରେ ପୁରୀର ପ୍ରସିଦ୍ଧ ବ୍ଲୁ ଫ୍ଲାଗ୍ ବିଚ୍‌ଠାରେ ଏକ ସ୍ୱଚ୍ଛତା କାର୍ଯ୍ୟକ୍ରମ ଏବଂ ସଚେତନତା ସଭା ଅନୁଷ୍ଠିତ ହୋଇଯାଇଛି। "ସ୍ୱଚ୍ଛ ସାଗର, ସୁରକ୍ଷିତ ସାଗର" ବାର୍ତ୍ତାକୁ ନେଇ ଆୟୋଜିତ ଏହି କାର୍ଯ୍ୟକ୍ରମରେ ଉପକୂଳ ସୁରକ୍ଷା ଓ ଏହାର ପରିମଳ ବ୍ୟବସ୍ଥା ଉପରେ ବିଶେଷ ଆଲୋକପାତ କରାଯାଇଛି।ଏହି ସ୍ୱତନ୍ତ୍ର କାର୍ଯ୍ୟକ୍ରମରେ ମାନ୍ୟବର ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା ମୁଖ୍ୟ ଅତିଥି ଭାବେ ଯୋଗଦେଇ ଉପକୂଳ ସ୍ୱଚ୍ଛତାର ଆବଶ୍ୟକତା ସମ୍ପର୍କରେ ଗୁରୁତ୍ୱପୂର୍ଣ୍ଣ ଅଭିଭାଷଣ ରଖିଥିଲେ। ସମୁଦ୍ର ଏବଂ ଏହାର ଆଖପାଖ ପରିବେଶକୁ ପ୍ରଦୂଷଣମୁକ୍ତ ରଖିବା ପାଇଁ ସମସ୍ତ ନାଗରିକ ଓ ପର୍ଯ୍ୟଟକମାନେ ଆଗେଇ ଆସିବାକୁ ସେ ଆହ୍ୱାନ ଦେଇଛନ୍ତି। କାର୍ଯ୍ୟକ୍ରମ ପ୍ରାରମ୍ଭରେ ଅତିଥିମାନଙ୍କୁ ପୁଷ୍ପଗୁଚ୍ଛ ଦେଇ ସ୍ୱାଗତ କରାଯାଇଥିଲା। ଏହି ଅବସରରେ ବହୁ ବିଶିଷ୍ଟ ବ୍ୟକ୍ତି, ସ୍ଥାନୀୟ ପ୍ରଶାସନିକ ଅଧିକାରୀ ଏବଂ ସ୍ୱେଚ୍ଛାସେବୀମାନେ ଉପସ୍ଥିତ ରହି ସମୁଦ୍ରକୂଳ ସଫେଇ କାର୍ଯ୍ୟରେ ସାମିଲ ହୋଇଥିଲେ।

କଳାହାଣ୍ଡି -ଜୁନାଗଡ଼ ବ୍ଲକ୍ ସମାଜ ସେବୀ ତଥା ସାମ୍ବାଦିକ ଶ୍ରୀ ଦେବରାଜ ବାଣୁଆ ଜିଲ୍ଲାରେ ନିଜସ୍ୱ ପରିଚୟ ସୃଷ୍ଟି କରିପାରିଥିବା ଏକ ଭିନ୍ନ ବ୍ୟକ୍ତିତ୍ୱ । ସେ ଓଡ଼ିଶା ଡ଼ିଜିଟାଲ୍ ମିଡ଼ିଆ ମହାସଂଘ ଜିଲ୍ଲା ସଭାପତି ସହ ଜୁନାଗଡ ବ୍ଲକ ର ପି. ନିୟୁଜ୍ ଇଣ୍ଡିଆ ହିନ୍ଦୀ ଓ ସୃଷ୍ଠି ନିୟୁଜ୍ ଓଡ଼ିଆ ସ୍ୱତନ୍ତ୍ର ସାମ୍ୱାଦିକ ସହ ସର୍ବ ଭାରତୀୟ ମିଡିଆ ସଂଘ ର ସଭ୍ୟ ଅଟନ୍ତି । ସେ ବ୍ଲକ୍ ର କୃଷକ ଓ ସାଧାରଣ ଲୋକ ଙ୍କ ହକ୍ ପାଇଁ ମଧ୍ୟ ଲଢ଼େଇ କରୁଥିବା ମଧ୍ୟ ଦେଖିବାକୁ ମିଳୁଛି। ସେ ନୂଆଁଖାଇ ଅବସରରେ ଜିଲ୍ଲାର ସମସ୍ତଙ୍କୁ ଶୁଭେଚ୍ଛା ଓ ଶୁଭକାମନା ଜ୍ଞାପନ କରିଛନ୍ତି

ଟିଟିଲାଗଡ଼ :-୨୧/୯/୨୬ ଓଡିଶା ମୁଖ୍ୟ ନିର୍ବାଚନ କମିଶନରଙ୍କ ନିର୍ଦେଶକ୍ରମେ ସାରା ରାଜ୍ୟରେ ଚୂଡାନ୍ତ ଭୋଟର ତାଲିକା ପ୍ରକାଶନ ବିଏଲଓଙ୍କ ମାଧ୍ୟମରେ ପ୍ରକାଶ କରାଯାଇଥିବାବେଳେ ଆଜି ବିନେକେଲା ୧ର ବିଏଲଓ ପର୍ଶୁରାମ ସିନ୍ଧୁର ଏବଂ ବିନେକେଲା ୨ର ବିଏଲଓ ନିର୍ମଳ ପାତ୍ର ଚୂଡାନ୍ତ ଚିଠା ଭୋଟର ତାଲିକା ବିଜେପିଦଳ ର ବିଏଲଏ ଚୂଲେଶ୍ୱର ସାହୁ, ବିଜେଡିଦଳର ବିଏଲଏ ରାମଚନ୍ଦ୍ର ରତାଇ, ଗ୍ରାମର ସମାଜସେଵୀ କୃଷ୍ଣଚନ୍ଦ୍ର ମାଝୀଙ୍କ ଉପସ୍ଥିତିରେ ନିର୍ଭୁଲ ଭାବରେ ବିନେକେଲା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ଠାରେ ଉପସ୍ଥାପନା କରି ଭୋଟର ତାଲିକା ଦେଖେଇଥିଲେ l ସମସ୍ତ ବିଏଲଏ ମଧ୍ୟ ଭୋଟର ତାଲିକା ଠିକ ଥିବାର ସହମତ ଦେଇଥିଲେ l ବିନେକେଲା ବୁଥ ନମ୍ବର ୩୩୨ର ଭୋଟର ସଂଖ୍ୟା ପୁରୁଷ ୩୧୦ ଓ ମହିଳା ୨୭୧ ସର୍ବମୋଟ ୫୮୧ ସେହିପରି ବୁଥ ନମ୍ବର ୩୩୩ ର ପୁରୁଷ ସଂଖ୍ୟା ୩୦୬ ଓ ମହିଳା ସଂଖ୍ୟା ୨୯୯ ମୋଟ ସଂଖ୍ୟା ୬୦୫, ବିନେକେଲା ଗ୍ରାମର ଦୁଇଟି ବୁଥ ମିଶି ସର୍ବମୋଟ ୧୧୮୬ଭୋଟର ରହିଥିବାର ପ୍ରକାଶ କରାଯାଇଛି l

ସଇଁତଲା :-୨୧/୯/୨୬ ବଲାଙ୍ଗିର ଜିଲ୍ଲା ସଇଁତଳା ବ୍ଲକ ଅନ୍ତର୍ଗତ ବଡମାଲ ଗ୍ରାମରେ ତୃତୀୟ ବର୍ଷ ନୂଆଁଖାଇ ଭେଟଘାଟ ଧୁମଧାମରେ ଅନୁଷ୍ଠିତ ହୋଇଯାଇଛି ।ସକାଳ ସମୟରେ ଗ୍ରାମ ଦେବାଦେବୀ ଜାଡେନ୍ ପୀଠରୁ ଶୋଭାଯାତ୍ରାରେ ବାହାରି ପ୍ରହରି ମଣ୍ଡପ ନିକଟ ମଞ୍ଚରେ ସ୍ଥାପନ କରାଯାଇଥିଲା। ତାପରେ ପିଲାଠାରୁ ବୟସ୍କ ପର୍ଯ୍ୟନ୍ତ ଅନେକ କ୍ରୀଡା ଓ ପ୍ରତିଯୋଗିତା କରାଗଲା । ପରେ ସନ୍ଧ୍ୟା ସାତ ଟା ରେ କାର୍ଯକ୍ରମ ଆରମ୍ଭ କରାଗଲା । ନୂଆଖାଇ ଭେଟଘାଟ କାର୍ଯକ୍ରମ ର ସଭାପତି ମଧୁସୂଦନ ଭୋଇଙ୍କ ଅଧ୍ୟକ୍ଷତାରେ ଆୟୋଜିତ କାର୍ଯ୍ୟକ୍ରମ ରେ ଅତିଥି ଭାବରେ ଗ୍ରାମ ର ଭଦ୍ରବ୍ୟକ୍ତି ସୁଦେବ ଭୋଇ, ଅଙ୍ଗଦ ଭୋଇ,ଦେବେନ୍ଦ୍ର ମାଝୀ, ନାରଦ ଭୋଇ,ଶ୍ରୀକର ଭୋଇ,ସର୍ବେଶ୍ଵର ମହାପାତ୍ର, ଗୋବିନ୍ଦ ମାଝୀ,ବଂଶୀଧର ଭୋଇ ଗଣ୍ଡାରାମ ଭୋଇ ,ନନ୍ଦ ଭୋଇ, ପିଅନ ଭୋଇ,ରଚେ ଭୋଇ, ଟିକେଶ୍ୱର ଭୋଇ,ଗୋପାଳ ଜାନୀ, ଧବଳେଶ୍ୱର ଭୋଇ,ଦେବରାଜ ଭୋଇ,କାଳିନ୍ଦ୍ରି ବଗର୍ତ୍ତୀ,ରାଜୀବ ଲୋଚନ ଭୋଇ,ନିର୍ମଳ ଭୋଇ ପ୍ରମୁଖ ଯୋଗ ଦେଇଥିଲେ ।ସୁଶାନ୍ତ ଭୋଇ ସ୍ବାଗତ ଭାଷଣ ପ୍ରଦାନ କରିଥିବା ବେଳେ ଦିନେଶ ଭୋଇ ଅତିଥି ପରିଚୟ ପ୍ରଦାନ କରିଥିଲେ ।ଏହି ଅବସରରେ ସାମ୍ବାଦିକ ଗୋକୁଳାନନ୍ଦ ବଗର୍ତ୍ତୀ, ଶୁଭ ଛତ୍ରିଆ ଓ ବାଦ୍ୟଯନ୍ତ୍ର ର ବିକାଶ ମାଝୀ ଓ ରାଜେଶ ପ୍ରଧାନ ପ୍ରମୁଖ ଙ୍କୁ ସମର୍ଦ୍ଧନା କରାଯାଇଥିଲା। ଚାମଚ୍ ବାଟି ,ମହିଳା ମାନଙ୍କର ହାଣ୍ଡିଫଟା, ହୁଳହୁଳି ଏବଂ ଝିଅ ମାନଙ୍କର ରାମ୍ପ ସୋ କାର୍ଯକ୍ରମ ବେଶ୍ ରୋମାଞ୍ଚକର ହୋଇଥିଲା ।ରଙ୍ଗାରଙ୍ଗ ମନୋରଞ୍ଜନ କାର୍ଯ୍ୟକ୍ରମରେ ସମସ୍ତ କଳାକାର ତଥା ଜୟକୃଷ୍ଣ ଭୋଇ ଓ ସାଥୀ ଏବଂ ସମ୍ବଲପୁରୀ ଗୀତିକାର ଅଜିତ ମାଝୀ ଓ ନୀଳମଣି ଭୋଇଙ୍କ ଦ୍ଵାରା ଦୁଲଦୁଳି ସମସ୍ତଙ୍କୁ ମନମୁଗ୍ଧ କରି ପାରିଥିଲେ । ତୃତୀୟବର୍ଷ ଏପରି ନୂଆଖାଇ ଭେଠଘାଟ କାର୍ଯ୍ୟକ୍ରମ ଆୟୋଜନରେ ଗ୍ରାମବାସୀ ବହୁତ୍ ଆନନ୍ଦ ଅନୁଭବ କରିଥିଲେ । ସାଂସ୍କୃତିକ କାର୍ଯକ୍ରମ କୁ ସୁଶାନ୍ତ ଭୋଇ, ପୁଷ୍ପାଞ୍ଜଳି ମାଝୀ , ତପୋବନ୍ତି ମାଝୀ ଓ ମୋନାଲିସା ଜାନୀ ପରିଚାଳନା କରିଥିଲେ । ଧନ୍ୟବାଦ ଦେଇଥିଲେ ସମ୍ପାଦକ ଚୂଡ଼ାମଣି ଭୋଇ । ନାରାୟଣ ମାଝୀ, ସୁଦାମ ସାହୁ, ମନୋରଞ୍ଜନ ମାଝୀ,ଅର୍ଜୁନ ବଗର୍ତ୍ତୀ,ମଧୂମେଶି ଭୋଇ ,ଜଗା ମାଝୀ,ସ୍ଵାଧୀନ ଭୋଇ,ସଞ୍ଜୟ ଜାନୀ,ପ୍ରତାପ ମାଝୀ, ତିଳୋତ୍ତମା ଭୋଇ, ବୃନ୍ଦାବତି ଭୋଇ, ମହିମା ଭୋଇ, ବନିତା ଭୋଇ, ସଞ୍ଜୁକ୍ତା ମାଝୀ, ଜୁଲି ଭୋଇ, ଆନନ୍ଦିନି ଭୋଇ,ଲୀଳାମୟୀ ପ୍ରଧାନୀ,ଝିଲି ଭୋଇ,ଟିକି ଭୋଇ,ଲବଣୀ ଭୋଇ,କୃଷ୍ଣପ୍ରିୟା ଭୋଇ,ନୟନୀ ଭୋଇ,ରଶ୍ମିତା ମାଝୀ,ଉଦ୍ଧବ ମାଝୀ, ମୋହନ ଜିତ୍ ଭୋଇ,,ରମା ଭୋଇ, , ଚିନ୍ତା ପୋଢ଼, ମଧୁ ଭୋଇ, ଡୋଳାମନି ବଗର୍ତ୍ତୀ,ଚନ୍ଦ୍ର ଭୋଇ, ସରୋଜ ମାଝୀ, ନିମାଇ ଭୋଇ,ପ୍ରମୁଖ ତଥା ନୂଆଖାଇ ଭେଟଘାଟ କମିଟି ର ସମସ୍ତ ସଦସ୍ୟ ସହଯୋଗ କରିଥିଲେ ।

ଟିଟିଲାଗଡ଼ :-୨୧/୯/୨ 'ଗାଁ କୁ ପ୍ରଶାସନ 'ରାଜ୍ୟ ସରକାରଙ୍କ ନିର୍ଦେଶକ୍ରମେ ବଲାଙ୍ଗୀରଜିଲ୍ଲା ଟିଟିଲାଗଡ଼ବ୍ଲକ ଅଧିନସ୍ତ ବିନେକେଲା ଠାରେ ପଞ୍ଚାୟତ ସ୍ତରୀୟ ଅଭିଯୋଗ ଶୁଣାଣୀ ଓ ସଚେତନତା ଶିବିର ଅନୁଷ୍ଠିତ ହୋଇଯାଇଛି l ଏଥିରେ ବିଡ଼ିଓ ଶ୍ରୀ ଚନ୍ଦ୍ରମଣି ନାଗ ଉପସ୍ଥିତରହି ଜନସାଧାରଣଙ୍କ ଅଭିଯୋଗ ପତ୍ର ଗ୍ରହଣକରି ସମାଧାନ କରିବା ପାଇଁ ଅଧିକାରୀମାନଙ୍କୁ ନିର୍ଦ୍ଧେଶ ଦେଇଥିଲେ l ଏହି ପଞ୍ଚାୟତ ସ୍ତରୀୟ ଅଭିଯୋଗ ଶୁଣାଣୀ କାର୍ଯ୍ୟକ୍ରମରେ ବିନେକେଲା ଗ୍ରାମପଞ୍ଚାୟତର ଜନସାଧାରଣ ନିଜ ନିଜର ଅଭିଯୋଗ ପତ୍ର ଦାଖଲ କରିଥିଲେ l ଅଧିକାଂଶ ଭତ୍ତା ପାଇଁ ଯୋଗ୍ୟ ହିତାଧିକାରୀମାନେ ଆବେଦନପତ୍ର ଦେଇଥିଲେ l ଏହି କାର୍ଯ୍ୟକ୍ରମରେ ବ୍ଲକର ଜିପିଓ, ବିଏସଓ, ଗ୍ରାମ୍ୟ କୃଷି ଅଧିକାରୀ, ସ୍ୱାସ୍ଥ୍ୟ ବିଭାଗ ଅଧିକାରୀ, ସମନ୍ୱିତ ଶିଶୁ ବିକାଶ ବିଭାଗର ସମସ୍ତ ଅଙ୍ଗନୱାଡି କର୍ମୀ ଏବଂ ଗ୍ରାମପଞ୍ଚାୟତର ସରପଞ୍ଚ ଶ୍ରୀମତୀ ଯଜ୍ଞସେନି ସାହୁ, ପିଇଓ ଲକ୍ଷ୍ମଣ ନାଏକ ଓ ପ୍ରତ୍ୟେକ ବିଭାଗର ଅଧିକାରୀମାନେ ଉପସ୍ଥିତ ଥିଲେ l

ରାଉରକେଲା: ପ୍ରତି ବର୍ଷ ପରି ଚଳିତ ବର୍ଷ ମଧ୍ୟ ବଲଣ୍ଡା ମୁକ୍ତାକାଶ ରଙ୍ଗମଞ୍ଚରେ ରେ ବିଘ୍ନ ବିନାଶକ ଶ୍ରୀ ଗଣେଶଙ୍କ ପୂଜା ଓ ଗଣପର୍ବ ନୂଆଖାଇ ଉପଲକ୍ଷେ ଶ୍ରୀ ଜଗନ୍ନାଥଙ୍କ ଭକ୍ତି ରସାତ୍ମକ ନାଟକ ଭକ୍ତର ଭଗବାନ ଦି ବିଲିଭର୍ସ ନାଟ୍ଯାନୁଷ୍ଠାନ ଦ୍ବାରା ପରିବେଷିତ ହୋଇଅଛି ‌। ନାଟକର କଥାବସ୍ତୁଟି ଭକ୍ତର ଭାବରେ ଡୋରିରେ ବନ୍ଧା କଳା ଠାକୁର । ଭକ୍ତର ଭାବରେ ବନ୍ଧା ଜଗନ୍ନାଥ ନିଜର ଭକ୍ତମାନଙ୍କର ଗଭୀର ପରୀକ୍ଷା ନିଅନ୍ତି ପୁଣି ସେ ପରୀକ୍ଷାରେ ଉତ୍ତୀର୍ଣ୍ଣ ମଧ୍ୟ କରାଇବାରେ ସହାୟକ ହୋଇଥାନ୍ତି । ଷୋଡ଼ଶ ଶତାବ୍ଦୀର ଆରମ୍ଭରେ କଳାପାହାଡ଼ ଶ୍ରୀମନ୍ଦିରକୁ ଆକ୍ରମଣ କରିଛି , ମନରେ ତାହାର ରହିଛି ଗଭୀର ରୋଷ, ପଣ୍ଡା ପଡିହାରୀ ଆଉ ବିଶେଷ କରି ଶ୍ରୀଜଗନ୍ନାଥଙ୍କ ଉପରେ । ତାହାର ପ୍ରତିଜ୍ଞା ଉତ୍କଳ କଳା ସ୍ଥାପତ୍ୟର ଘୋର କ୍ଷତି ସାଧନ କରିବା, ସେତେବେଳକୁ ଜଗନ୍ନାଥଙ୍କ କୃପାରୁ ବିଶର ମହାନ୍ତି ବ୍ରହ୍ମ ପଦାର୍ଥକୁ ଉଦ୍ଧାର କରିଛନ୍ତି, ସେ ବ୍ରହ୍ମ ପଦାର୍ଥ ତୁଳା ପରି ନରମ ନା ପଥର ପରି ଟାଣ ଏହିଭଳି କାହାଣୀ କୁ ନେଇ ନାଟକଟି ଗତିଶୀଳ ହୋଇଛି। ଏହି ନାଟକରେ କାହାଣୀ ବଦ୍ରି ମିଶ୍ର, ନାଟ୍ୟ ରୂପ ଓ ନିର୍ଦ୍ଦେଶକ ଚିନ୍ମୟ ତ୍ରିପାଠୀ‌, ସଂଗୀତ ସଂଯୋଜକ ଭାବେ ଦୀପକ କୁମାର ରାଉତ, ସହଯୋଗୀ ଲକ୍ଷ୍ମୀ ନାରାୟଣ ଦୋରା, ଚିତ୍ରାଳୟ ପ୍ରତ୍ୟୁଷ ପାଢୀ (ମୀରା ଚିତ୍ରାଳୟ) ଓ ବିଭିନ୍ନ ଚରିତ୍ରରେ ଚିନ୍ମୟ ତ୍ରିପାଠୀ, ପ୍ରତ୍ୟୁଷ ପାଢୀ, ଅକ୍ଷୟ ମାଝୀ,ରାଜେଶ ପ୍ରସାଦ,ଜର୍ଜ ବିଲୁଙ୍ଗ,ସୁଜଲ ଟପ୍ପୋ, ଆଶୀଷ ଅନୁରାଗ ଯାଦବ,ସାଗର ରଣା , ସୁଲିପ୍ତା ଜେନା, ବର୍ଷା ପ୍ରିୟଦର୍ଶିନୀ ରାଉତ ପ୍ରମୁଖ ଅଭିନୟ ତଥା ମଞ୍ଚ ସଂଯୋଜନା କରିଥିଲେ ଜିତାମିତ୍ର ହୋତା, ଶଶାଙ୍କ ଶେଖର ଯାଦବ । ଏହି ଅବସରରେ ଅତିଥି ଭାବେ ଯୋଗଦେଇ ଥିବା ବିଜୟ ବିହାରୀ ହୋତା, ଦୋଳଗୋବିନ୍ଦ ରଥ, ଗଦାଧର କର, ସ୍ଥାନୀୟ ସରପଞ୍ଚ ଯୋଗେଶ୍ୱର ମିଞ୍ଜ ତଥା ନାଟ୍ୟରଥି ଡଃ ନିବେଦିତା ଜେନା, ପ୍ରଫୁଲ୍ଲ ଚନ୍ଦ୍ର ସେଠୀ , ଉମାକାନ୍ତ ବିଶୋଇ,ସୁରେନ୍ଦ୍ର ପାଢୀ, ଏବଂ ଯୁବ ସଙ୍ଗୀତ ସଂଯୋଜକ ପ୍ରମୋଦ ସାହୁ ଓ ଗୁଲାବ ଶର୍ମାଙ୍କୁ ସମ୍ବର୍ଦ୍ଧିତ ଓ ସମ୍ମାନିତ କରାଯାଇଥିଲା । ମଞ୍ଚରେ ଶଶାଙ୍କ ଶେଖର ଯାଦବ,ଜିତାମିତ୍ର ହୋତା,ସାଗର ରଣା, ଆୟୁଷ ଦାଶ,ଅଭିଳାଷ ଭଏଁସା ଆଦି କର୍ମକର୍ତ୍ତାଙ୍କ ସହଯୋଗ ରେ କାର୍ଯ୍ୟକ୍ରମଟି ଶତାଧିକ ଦର୍ଶକଙ୍କ ଆଗରେ ମଞ୍ଚସ୍ଥ କରାଯାଇଥିଲା।

ରାଉରକେଲା: ଅଗ୍ରଣୀ ସାହିତ୍ୟ ଅନୁଷ୍ଠାନ ଇସ୍ପାତ ସାହିତ୍ୟ ସଂସଦ ଆନୁକୂଲ୍ୟରେ ସେକ୍ଟର ସାତ ସ୍ଥିତ କାର୍ଯ୍ୟାଳୟ ଠାରେ ସଂସଦର ସଦସ୍ୟା ଅର୍ଚ୍ଚନା ପାତ୍ରଙ୍କ ଲିଖିତ ୨୦୨୫ ବର୍ଷର ଟାଇମ ପାସ ପ୍ରଥମା ପୁରସ୍କାର ପ୍ରାପ୍ତ ଗଳ୍ପ ସଙ୍କଳନ 'ଆଉ ଏକ ରଙ୍ଗ' , ସଭାପତି ନୃସିଂହ ଚରଣ ବିଶ୍ଵାଳଙ୍କ ପୌରୋହିତ୍ୟରେ ଲୋକାର୍ପିତ ହୋଇଯାଇଛି। I କବି ସୁସ୍ମିତା ମହାପାତ୍ରଙ୍କ ମଞ୍ଚ ପରିଚାଳନାରେ ଅନୁଷ୍ଠିତ ଏହି କାର୍ଯକ୍ରମରେ ମୂଖ୍ୟ ଅତିଥି ଭାବରେ ବିଶିଷ୍ଟ ସାହିତ୍ୟିକ ଭୂପେନ ମହାପାତ୍ର,ସମ୍ମାନିତ ଅତିଥି ଭାବରେ ବିଶିଷ୍ଟ କବି ରାଜୀବ ପାଣି, ପୁସ୍ତକ ସମୀକ୍ଷକ ଭାବରେ କବୀ ବିଜୟିନୀ ଜେନା ଓ ଗାଳ୍ପିକ ସଞ୍ଜିବ କୁମାର ଭୋଇ ଯୋଗଦାନ କରିଥିଲେ। ପୁସ୍ତକ ଲୋକାର୍ପିତ କରିବା ଅବସରରେ ମୁଖ୍ୟଅତିଥି ଶ୍ରୀ ମହାପାତ୍ର ଓ ସମ୍ମାନିତ ଅତିଥି ଶ୍ରୀ ପାଣି ସଫଳ ଗଳ୍ପ ଗୁଡ଼ିକ ସମାଜକୁ ସୁଧାରିବାରେ ଏବଂ ଦିଗଦର୍ଶନ ଦେବାରେ ସର୍ବଦା ପ୍ରମୁଖ ଭୂମିକା ଗ୍ରହଣ କରିଛନ୍ତି, ତଥା ଶବ୍ଦ କୁ ସଂଯମତା ସହ ବ୍ୟବହାର କଲେ ଭଲ ସାହିତ୍ୟ ସୃଷ୍ଟି ହୁଏ ବୋଲି ବିଭିନ୍ନ ଉଦାହରଣ ପୂର୍ବକ ମତ ପ୍ରକାଶ କରିଥିଲେ। ମଞ୍ଚାସୀନ ଅତିଥିଙ୍କ ସମେତ ସାଧାରଣ ସମ୍ପାଦକ ମନୋଜ କୁମାର ନନ୍ଦ, ଲେଖିକା ସୁନୀତା ସାହୁ, ପଙ୍କଜ କୁମାର ପାତ୍ର, ଦିବ୍ୟ ଦର୍ଶିକା ପାତ୍ର ପ୍ରମୁଖ ପୁସ୍ତକ ଅନାବରଣ ବେଳେ ମଞ୍ଚରେ ଉପସ୍ଥିତ ଥିଲେ। ଗାଳ୍ପିକା ଶ୍ରୀମତୀ ପାତ୍ର ତାଙ୍କର ସାହିତ୍ୟିକା ଜୀବନର କ୍ରମ ବିକାଶ ବାବଦରେ ବର୍ଣ୍ଣନା ପୂର୍ବକ ଲେଖକୀୟ ଅଭିବ୍ୟକ୍ତି ପ୍ରଦାନ କରିଥିଲେ। ଗାଳ୍ପିକ ଗୌତମ ଦାସ ଲୋକାର୍ପିତ ପୁସ୍ତକରୁ ଏକ ନିର୍ବାଚିତ ଗଳ୍ପ ପାଠ କରିଥିଲେ। ଦୁଇ ସମୀକ୍ଷକ ପୁସ୍ତକର ଗଳ୍ପ ଗୁଡ଼ିକ ଆମ ସମାଜରେ ଘଟୁଥିବା ଛୋଟ ଛୋଟ ଘଟଣା ଗୁଡ଼ିକ ଉପରେ ପର୍ଯ୍ୟବେସିତ ହୋଇଛି ଏବଂ ସମାଜକୁ ସୁଧାରିବାରେ ଏଗୁଡ଼ିକର ପ୍ରମୁଖ ଭୂମିକା ରହିଛି ବୋଲି ମତ ପ୍ରକାଶ କରି ପୁସ୍ତକଟି ପାଠକୀୟ ଆଦୃତି ଲାଭ କରିବ ବୋଲି ମତ ପ୍ରକାଶ କରିଥିଲେ।କାର୍ଯ୍ୟକ୍ରମରେ କାର୍ଯ୍ୟକାରୀ ସଭାପତି ପ୍ରତାପ କୁମାର ପଣ୍ଡା, ଉପେନ୍ଦ୍ର ବସ୍ତିଆ, ପ୍ରକାଶ ଚନ୍ଦ୍ର ସେଠୀ, ସୂର୍ଯ୍ୟ ନାରାୟଣ ପଣ୍ଡା ପ୍ରମୁଖ ସହଯୋଗ କରିଥିଲେ। କବି ଗୀତାରାଣୀ ବେହେରା ଧନ୍ୟବାଦ ଅର୍ପଣ କରିଥିଲେ। ଏହି ସଭାରେ ଅଭୟ କୁମାର ଦାସ, ଡାକ୍ତର କୃପାସିନ୍ଧୁ ନାୟକ, ଲକ୍ଷ୍ମଣ ନାଥ ଦାସ,ଡାକ୍ତର ଗୀତାଞ୍ଜଳୀ ପତ୍ରୀ, ରଶ୍ମିବାଳା ରାଉତରାୟ, କୁଞ୍ଜବିହାରୀ ରାଉତ,ଡ଼ ନଗେନ୍ ଦାସ,ମଞ୍ଜୁଳା କୁମାରୀ ରଥ, ବିଜୟ ରାୟ,ଶର୍ମିଷ୍ଠା କବି ଶତପଥୀ, ହରମୋହନ ମିଶ୍ର, ତ୍ରିଲୋଚନ ମଥାନ, ତାରିଣୀ ଚରଣ ସାହୁ,ରଶ୍ମି ସାହୁ, ତ୍ରିନାଥ ସିଂ, ଜୟଶ୍ରୀ ଦାସ, ବନଲତା ମିଶ୍ର, ସବିତା ବସ୍ତିଆ, ବ୍ରଜ ବିହାରୀ ଦାଶ, ପ୍ରବୀର କୁମାର ଦୁବେ, ରମେଶ ସିଂହ, ଅଶୋକ କୁମାର ପଟ୍ଟନାୟକ, ଜ୍ଞାନେନ୍ଦ୍ର ସାହୁ, ବିନତା ମହନ୍ତ, ବଳରାମ ରାଉଳ, ସୁକାନ୍ତ ଖୁଣ୍ଟିଆ, ଜଗନ୍ନାଥ୍ ରାଉତ, ଅକ୍ଷୟ ସାମଲ, ରାଧା ମୋହନ ନାୟକ,ଅରବିନ୍ଦ ପାତ୍ର, ନିରୁପମା ପତି,ସସ୍ମିତା ପ୍ରଧାନ, ରମେଶ ଚନ୍ଦ୍ର ପାତ୍ର, ହୃଦାନନ୍ଦ ପଟେଲ ପ୍ରମୁଖ ବହୁ ସାହିତ୍ୟିକ ଓ ବୁଦ୍ଧିଜୀବୀ ଯୋଗଦାନ କରିଥିଲେ।

ଅନୁଗୋଳ: SIR-2026 ପ୍ରକ୍ରିୟା ପରେ ଅନୁଗୋଳ ଜିଲ୍ଲାର ଚୂଡ଼ାନ୍ତ ଭୋଟର ତାଲିକା ପ୍ରକାଶ ପାଇଛି। ସେପ୍ଟେମ୍ବର ୨୧, ୨୦୨୬ର ତଥ୍ୟ ଅନୁଯାୟୀ, ଜିଲ୍ଲାର ୫ଟି ବିଧାନସଭା ନିର୍ବାଚନମଣ୍ଡଳୀରେ ମୋଟ ୯,୧୯,୬୭୦ ଜଣ ଭୋଟର ରହିଛନ୍ତି। ଏଥିରେ ୪,୭୫,୫୦୪ ଜଣ ପୁରୁଷ, ୪,୪୪,୦୧୮ ଜଣ ମହିଳା ଏବଂ ୧୪୮ ଜଣ ତୃତୀୟଲିଙ୍ଗୀ ଭୋଟର ଅଛନ୍ତି। SIR-2026 ଡ୍ରାଫ୍ଟ ତାଲିକାରେ ଜିଲ୍ଲାରେ ୯,୦୮,୮୭୫ ଜଣ ଭୋଟର ଥିବା ବେଳେ ଚୂଡ଼ାନ୍ତ ତାଲିକାରେ ଏହି ସଂଖ୍ୟା ୯,୧୯,୬୭୦କୁ ବୃଦ୍ଧି ପାଇଛି। ଅଦ୍ୟତନ ପ୍ରକ୍ରିୟାରେ ୧୧,୫୪୯ ନୂଆ ଭୋଟରଙ୍କ ନାମ ଯୋଡ଼ାଯାଇଥିବା ବେଳେ ୭୫୪ଟି ନାମ ବାଦ ଦିଆଯାଇଛି। ସେହିପରି ୪,୨୭୩ ଭୋଟରଙ୍କ ତଥ୍ୟରେ ସଂଶୋଧନ କରାଯାଇଛି। ନିର୍ବାଚନମଣ୍ଡଳୀ ଅନୁଯାୟୀ ପାଲଲହଡ଼ାରେ ୧,୬୫,୦୫୮, ତାଳଚେରରେ ୧,୫୬,୧୩୭, ଅନୁଗୋଳରେ ୧,୯୬,୨୪୭, ଛେଣ୍ଡିପଦାରେ ୧,୯୯,୩୦୩ ଏବଂ ଆଠମଲ୍ଲିକରେ ୨,୦୨,୯୨୫ ଜଣ ଭୋଟର ରହିଛନ୍ତି। ଚୂଡ଼ାନ୍ତ ତାଲିକା ଅନୁଯାୟୀ ଜିଲ୍ଲାର Gender Ratio ୯୩୪ ରହିଛି। ଏଥିରେ ୧୮ରୁ ୧୯ ବର୍ଷ ବୟସର ୯,୨୩୬ ଜଣ ଯୁବ ଭୋଟର, ୮୫ ବର୍ଷରୁ ଅଧିକ ବୟସର ୬,୩୫୧ ଜଣ ବରିଷ୍ଠ ଭୋଟର ଏବଂ ୧୦,୯୮୫ ଜଣ PwD ଭୋଟର ଅଛନ୍ତି। ଜିଲ୍ଲାରେ ମୋଟ ୧,୨୯୭ଟି ପୋଲିଂ ଷ୍ଟେସନ୍ ରହିଛି।

ବଅଁରପାଳ: ପ୍ରଧାନମନ୍ତ୍ରୀଙ୍କ ୭୬ତମ ଜନ୍ମଦିନ ଅବସରରେ ବଅଁରପାଳ ବ୍ଲକ୍‌ ତୁଳସୀପାଳ ଗ୍ରାମରେ ବୃକ୍ଷରୋପଣ ଅଭିଯାନ ଆୟୋଜିତ ହୋଇଛି। ପରିବେଶ ସୁରକ୍ଷା ଓ ସବୁଜିମା ବୃଦ୍ଧି ଲକ୍ଷ୍ୟରେ ଗ୍ରାମର ବିଭିନ୍ନ ସ୍ଥାନରେ ଚାରାରୋପଣ କରାଯାଇଥିଲା। କାର୍ଯ୍ୟକ୍ରମରେ ଯୋଗଦେଇଥିବା ଅତିଥି ଓ କର୍ମକର୍ତ୍ତାମାନେ ଚାରାର ଯତ୍ନ ଓ ସୁରକ୍ଷା ଉପରେ ଗୁରୁତ୍ୱ ଦେବା ସହ ଗଛଗୁଡ଼ିକୁ ବଡ଼ କରିବା ପାଇଁ ସାମୂହିକ ଦାୟିତ୍ୱ ନେବାକୁ ଆହ୍ୱାନ ଦେଇଥିଲେ। ଏଥିରେ ୨୮ ନମ୍ବର ଜିଲ୍ଲା ପରିଷଦ ସଦସ୍ୟା ମୀରା ଗଡ଼ନାୟକ, ଏସ୍‌ଟି ମୋର୍ଚ୍ଚା ଜିଲ୍ଲା ସଭାପତି ଅଜିତ କୁମାର ଭୋଇ, ମଣ୍ଡଳ ସଭାପତି ସୁବ୍ରତ କୁମାର ସାହୁଙ୍କ ସମେତ ବହୁ ସାମାଜିକ ଓ ସାଂଗଠନିକ କର୍ମକର୍ତ୍ତା ଏବଂ ଗ୍ରାମବାସୀ ଉପସ୍ଥିତ ଥିଲେ। ବୃକ୍ଷରୋପଣ ମାଧ୍ୟମରେ ଗ୍ରାମବାସୀଙ୍କ ମଧ୍ୟରେ ପରିବେଶ ସଚେତନତା ଓ ବୃକ୍ଷ ସୁରକ୍ଷାର ବାର୍ତ୍ତା ପହଞ୍ଚିଥିଲା।

ଢ଼େଙ୍କାନାଳ, ୨୧.୯ - ଭାରତ ନିର୍ବାଚନ ଆୟୋଗ ଙ୍କ ପକ୍ଷରୁ ୧୪-୦୫-୨୦୨୬ ତାରିଖରେ ଓଡ଼ିଶାରେ ଭୋଟର ତାଲିକାର ସ୍ୱତନ୍ତ୍ର ସଘନ ସଂଶୋଧନ ଘୋଷଣା କରାଯାଇଥିଲା। ଆଜି ନିର୍ଦ୍ଧାରିତ କାର୍ଯ୍ୟସୂଚୀ ଅନୁଯାୟୀ ପ୍ରାୟ ଚାରି ମାସ ଧରି ଚାଲିଥିବା ଏହି ପ୍ରକ୍ରିୟା ସଫଳତାର ସହ ସମାପ୍ତ ହୋଇ ଢେଙ୍କାନାଳ ଜିଲ୍ଲାର ସାର୍ -୨୦୨୬ର ଚୂଡ଼ାନ୍ତ ଭୋଟର ତାଲିକା ପ୍ରକାଶ ପାଇଛି। ଆଜି ପୂର୍ବାହ୍ନରେ ଜିଲ୍ଲା କାର୍ଯ୍ୟାଳୟ ସଦଭାବନ ସଭାଗୃହ ଠାରେ ଜିଲ୍ଲାପାଳ ଶ୍ରୀ ଆଶିଷ ଈଶ୍ଵର ପାଟିଲ ପ୍ରମୂଖ ରାଜନୈତିକ ଦଳର ପ୍ରତିନିଧି ମାନଙ୍କୁ ଚୁଡ଼ାନ୍ତ ଭୋଟର ତାଲିକା ପ୍ରଦାନ କରିଥିଲେ । ଅତିରିକ୍ତ ଜିଲ୍ଲାପାଳ ଶ୍ରୀ ରମେଶ ଚନ୍ଦ୍ର ସେଠି, ଉପ ଜିଲ୍ଲାପାଳ ଶ୍ରୀ ପଦ୍ମ ଚ଼ରଣ ସାହୁ ଉପସ୍ଥିତ ଥିଲେ । ଡ଼େପୁଟୀ କଲେକ୍ଟର (ନିର୍ବାଚ଼ନ) ନିବେଦିତା ରାଉତ ସ୍ୱତନ୍ତ୍ର ସଘନ ସଂଶୋଧନ ପ୍ରକ୍ରିୟା ସଂପର୍କରେ ସୂଚ଼ନା ପ୍ରଦାନ କରିଥିଲେ । ଏହି ପ୍ରକ୍ରିୟାର ଆରମ୍ଭ ୩୦ ମେ ରୁ ଆରମ୍ଭ ହୋଇ ୨୮ ଜୁନ୍ ପର୍ଯ୍ୟନ୍ତ ବୁଥ୍‌ସ୍ତରୀୟ ଅଧିକାରୀ ମାନଙ୍କ ଦ୍ୱାରା ଘରକୁ ଘର ଯାଇ ଗଣନା ଫର୍ମ ବଣ୍ଟନ ଓ ସଂଗ୍ରହ ହୋଇଥିଲା। ଏହାପରେ ଭୋଟଗ୍ରହଣ କେନ୍ଦ୍ରଗୁଡ଼ିକର ଯୁକ୍ତିସଙ୍ଗତୀ କରଣ ଏବଂ ୫ ଜୁଲାଇରେ ଚିଠା ଭୋଟର ତାଲିକା ପ୍ରକାଶ କରାଯାଇଥିଲା। ପରବର୍ତ୍ତୀ ପର୍ଯ୍ୟାୟରେ ୫ ଜୁଲାଇରୁ ୧୯ ଅଗଷ୍ଟ ପର୍ଯ୍ୟନ୍ତ ଦାବି ଓ ଆପତ୍ତି ଦାଖଲ ପାଇଁ ସମୟ ଦିଆଯାଇଥିଲା। ଏହା ସହିତ ୫ ଜୁଲାଇରୁ ୧୭ ସେପ୍ଟେମ୍ବର ପର୍ଯ୍ୟନ୍ତ ନୋଟିସ୍‌, ଶୁଣାଣି ଓ ମାମଲାଗୁଡ଼ିକର ଫଇସଲା ପ୍ରକ୍ରିୟା ମଧ୍ୟ ଜାରି ରହିଥିଲା। ସାର୍ ଆରମ୍ଭ ସମୟରେ ଢେଙ୍କାନାଳ ଜିଲ୍ଲାରେ ମୋଟ ୯,୬୨,୮୨୬ ଜଣ ଭୋଟର ଥିଲେ। ଗଣନା ପ୍ରକ୍ରିୟା ସମୟରେ ମୃତ୍ୟୁ, ସ୍ଥାୟୀ ସ୍ଥାନାନ୍ତରଣ ଏବଂ ଏକାଧିକ ଏଣ୍ଟ୍ରି ଭଳି ବିଭିନ୍ନ କାରଣରୁ ୫୮,୫୫୪ଟି ଫର୍ମ ସଂଗ୍ରହ ହୋଇପାରିନଥିଲା। ଫଳସ୍ୱରୂପ, ଚିଠା ଭୋଟର ତାଲିକାରେ ୯,୦୪,୨୭୨ ଜଣ ଭୋଟର ସ୍ଥାନ ପାଇଥିଲେ। ନୋଟିସ୍ ଓ ଶୁଣାଣି ପର୍ଯ୍ୟାୟରେ ମ୍ୟାପିଂ ହୋଇନଥିବା ଭୋଟର ଏବଂ ନାମ, ବୟସ, ବୟସର ଅସଙ୍ଗତି, ଲିଙ୍ଗ ଇତ୍ୟାଦି ବିଭିନ୍ନ ତ୍ରୁଟି ସଂକ୍ରାନ୍ତରେ ମୋଟ ୧,୬୨,୨୦୯ଟି ନୋଟିସ୍ ଜାରି କରାଯାଇଥିଲା। ଏହି ସମସ୍ତ ମାମଲାର ନିୟମାନୁସାରେ ଶୁଣାଣି କରାଯାଇ AERO ସ୍ତରରେ ଫଇସଲା କରାଯାଇଛି। ଏଥିସହିତ ଭୋଟଗ୍ରହଣ କେନ୍ଦ୍ରଗୁଡ଼ିକର ଯୁକ୍ତିସଙ୍ଗତୀକରଣ ମଧ୍ୟ କରାଯାଇଛି। ଏହାଦ୍ୱାରା ଜିଲ୍ଲାରେ ଭୋଟଗ୍ରହଣ କେନ୍ଦ୍ର ସଂଖ୍ୟା ୧୦୨୨ରୁ ବୃଦ୍ଧି ପାଇ ୧୨୪୪ରେ ପହଞ୍ଚିଛି। ଆଜି ଚୂଡ଼ାନ୍ତ ଭୋଟର ତାଲିକା ପ୍ରକାଶ ପାଇବା ପରେ ଢେଙ୍କାନାଳ ଜିଲ୍ଲାରେ ମୋଟ ୯,୧୦,୦୦୧ ଜଣ ଭୋଟର ରହିଛନ୍ତି। ସମଗ୍ର ସ୍ୱତନ୍ତ୍ର ସଘନ ସଂଶୋଧନ ପ୍ରକ୍ରିୟାକୁ ନିରପେକ୍ଷ ଓ ସ୍ୱଚ୍ଛ ଭାବେ ସମ୍ପାଦନ କରାଯାଇଛି। ପ୍ରତ୍ୟେକ ପର୍ଯ୍ୟାୟରେ ରାଜନୈତିକ ଦଳଗୁଡ଼ିକୁ ନିୟମିତ ଭାବେ ସାମିଲ କରାଯାଇ ସୂଚନା ପ୍ରଦାନ କରାଯାଇଛି। ଏହି ସମଗ୍ର ପ୍ରକ୍ରିୟାକୁ ନିର୍ବାଚନ ଭୋଟର ତାଲିକା ପର୍ଯ୍ୟବେକ୍ଷକ ଭାବେ ନିଯୁକ୍ତ ଅବସରପ୍ରାପ୍ତ ପ୍ରଶାସନିକ ଅଧିକାରୀମାନେ ମଧ୍ୟ ନିୟମିତ ଭାବେ ସମୀକ୍ଷା କରିଛନ୍ତି। ଏଥିସହିତ ସମଗ୍ର ପ୍ରକ୍ରିୟାରେ ରାଜନୈତିକ ଦଳ ସହଯୋଗ କରିଥିଲେ। ସମସ୍ତଙ୍କର ସାମୂହିକ ପ୍ରୟାସରେ ଢେଙ୍କାନାଳ ଜିଲ୍ଲାର ସ୍ୱତନ୍ତ୍ର ସଘନ ସଂଶୋଧନ-୨୦୨୬ ସଫଳତାର ସହ ସମାପ୍ତ ହୋଇଛି ଏବଂ ଜିଲ୍ଲା ପାଇଁ ତ୍ରୁଟିମୁକ୍ତ ଭୋଟର ତାଲିକା ପ୍ରସ୍ତୁତ ହୋଇଛି।

ଗୋପାଳପୁର : ଆନ୍ତର୍ଜାତୀୟ ଉପକୂଳ ସଫେଇ ଦିବସ ଅବସରରେ ଗଞ୍ଜାମ ଜିଲ୍ଲାର ପ୍ରସିଦ୍ଧ ପର୍ଯ୍ୟଟନ ସ୍ଥଳୀ ଗୋପାଳପୁର ବେଳାଭୂମିରେ ଏକ ଅଭାବନୀୟ ତଥା ଐତିହାସିକ ଦୃଶ୍ୟ ଦେଖିବାକୁ ମିଳିଛି। ‘ସ୍ଥିର ସମାଜ ପାଇଁ ସ୍ୱଚ୍ଛ ସମୁଦ୍ର’ ବିଶ୍ୱସ୍ତରୀୟ ନାରାକୁ ସାକାର କରି ଓଡ଼ିଶାର ଗୌରବ ବଢ଼ାଇଛନ୍ତି ରାଜ୍ୟ କ୍ୟାବିନେଟ୍‌ର ମାନ୍ୟବର ମନ୍ତ୍ରୀ। ସଫେଇ ମହାଯଜ୍ଞରେ ନିଜେ ସାମିଲ ହୋଇ ମନ୍ତ୍ରୀ ମହୋଦୟ ନିଜ ହାତରେ ବେଳାଭୂମିରୁ ଆବର୍ଜନା, ପ୍ଲାଷ୍ଟିକ୍ ଏବଂ ପଲିଥିନ ଗୋଟାଇ ସଫା କରିଛନ୍ତି। କେବଳ ଭାଷଣ ନଦେଇ ନିଜେ କାର୍ଯ୍ୟ କରି ସେ ସମସ୍ତଙ୍କ ପାଇଁ ଏକ ପ୍ରେରଣା ସାଜିଛନ୍ତି। ଏହି କାର୍ଯ୍ୟକ୍ରମ ‘ଲୋକଙ୍କ ସରକାର’ର ବାର୍ତ୍ତାକୁ ପ୍ରମାଣିତ କରିବା ସହ ରାଜ୍ୟ ତଥା ଦେଶରେ ଚର୍ଚ୍ଚାର ଶୀର୍ଷରେ ରହିଛି। ଏହି ସଫେଇ ଅଭିଯାନରେ ମନ୍ତ୍ରୀଙ୍କ ସହ ସ୍ଥାନୀୟ ବିଧାୟକ, ଗଞ୍ଜାମ ଜିଲ୍ଲାପାଳ, ବ୍ରହ୍ମପୁର ବିଶ୍ୱବିଦ୍ୟାଳୟର କୁଳପତି, ପ୍ରଶାସନିକ ଅଧିକାରୀ, ବ୍ୟବସାୟୀ, ପର୍ଯ୍ୟଟକ ଏବଂ ବିପୁଳ ସଂଖ୍ୟାରେ ଛାତ୍ର ସମାଜ ସାମିଲ ହୋଇଥିଲେ। ସମସ୍ତଙ୍କ ମିଳିତ ସହଯୋଗରେ ଗୋପାଳପୁର ବେଳାଭୂମିକୁ ଏକ ସ୍ୱଚ୍ଛ ଓ ନୂତନ ରୂପ ପ୍ରଦାନ କରାଯାଇଛି। ଗୋପାଳପୁରକୁ ଦେଶର ଶ୍ରେଷ୍ଠ ଓ ସ୍ୱଚ୍ଛ ପର୍ଯ୍ୟଟନସ୍ଥଳୀ ଭାବେ ଗଢ଼ିତୋଳିବା ପାଇଁ ଏହି ସଂକଳ୍ପ ନିଆଯାଇଛି। ବେଳାଭୂମିକୁ ସ୍ୱଚ୍ଛ ଓ ପବିତ୍ର ରଖିବା ପ୍ରତ୍ୟେକ ବ୍ୟବସାୟୀ ଏବଂ ପର୍ଯ୍ୟଟକଙ୍କ ନୈତିକ ଦାୟିତ୍ୱ ବୋଲି ଏହି ଅବସରରେ ମତପ୍ରକାଶ ପାଇଛି।

ଜଗତପୁର,୨୧/୦୯:ଗତ ୧୪ ତାରିଖ ଠାରୁ ଆୟୋଜିତ ହୋଇଥିବା ବିଘ୍ନବିନାଶନ ପ୍ରଭୂ ଗଜାନନଙ୍କ ଭସାଣୀ ଉତ୍ସବ ମହାଆଡମ୍ବର ସହାକାରେ ଅନୁଷ୍ଠିତ ହୋଇଯାଇଛି । ଏହି ଅବସରରେ ଜଗତପୁରର ତ୍ରୀନାଥସାହି ଠାରେ ଗୌରୀନନ୍ଦନ ବିଘ୍ନବିନାଶନ ପ୍ରଭୂ ଗଜାନନଙ୍କ ଭସାଣୀ ଉତ୍ସ ଅନୁଷ୍ଠିତ ହୋଇଥିଲା | ମଣ୍ଡପରୁ ପ୍ରଭୂ ଗଣପତିଙ୍କୁ ସୁସଜ୍ଜିତ ମେଢ଼ରେ ବସାଇ ସାହି ବଜାର ପରିକ୍ରମା କରିବା ପରେ ପାଣିରେ ବିସର୍ଜନ କରାଯାଇଥିଲା । ଏଥିପାଇଁ ଜଗତପୁର ଥାନା ପକ୍ଷରୁ କଡାକଡି ସୁରକ୍ଷା ବ୍ୟବସ୍ଥା କରାଯାଇଥିଲା | ଚଳିତ ବର୍ଷ ଭସାଣୀ ଉତ୍ସବ ଥିଲା ନିଆରା | ଏକ ସୁସଜ୍ଜିତ ଗାଡିରେ ମହାପ୍ରଭୂ ଜଗନ୍ନାଥଙ୍କ ପ୍ରତିମୂର୍ତ୍ତି ସହିତ ଭଜନ ଜଣାଣର ତାଳେତାଳେ ନୃତ୍ୟ ପରିବେଷଣ ସମସ୍ତଙ୍କୁ ବିମୋହିତ କରିଥିଲା | ଏହି ଭଷାଣୀ ଉତ୍ସବରେ ସାହି କମିଟି ପକ୍ଷରୁ ଅଲେଖ ଖୁଣ୍ଟିଆ, ଗଣେଶ୍ୱର ସାହୁ, ଅକ୍ଷୟ କୁମାର ରଣା, ବିଜୟ ପ୍ରଧାନ, ବିଜୟ ବିଶ୍ୱାଳ, ସନ୍ତୋଷ କାଲଟା, ପୂର୍ଣ୍ଣଚନ୍ଦ୍ର ଦାସ, ରବିନ୍ଦ୍ର ମହାନ୍ତି ଓ ଉମାକାନ୍ତ ଖୁଣ୍ଟିଆଙ୍କ ସମେତ ସାହିର ସମସ୍ତ ସାହିବାସୀ ଯୋଗଦାନ କରିଥିଲେ |