Web News

ରିପୋର୍ଟ :ଶିଶିର କୁମାର ସ୍ୱାଇଁ, ଆରଡ଼ି ଭଦ୍ରକ :ଆରଡି ବାବା ଆଖଣ୍ଡଳମଣିଙ୍କ ପ୍ରସିଦ୍ଧ ଶିବବିବାହ ପାଇଁ ଶୁକ୍ରବାର ଉତ୍ସବମୁଖର ହୋଇ ଉଠିଥିଲା ଆରଡିପୀଠ। ଏହି ଵିଵାହ ଉତ୍ସବରେ ରାଜ୍ୟର ବିଭିନ୍ନ ଜିଲାରାରୁ ପାରମ୍ପରିକ ବାଦ୍ୟ ସହ ନୃତ୍ୟଶିଳ୍ପୀ ଯୋଗଦେଇଛନ୍ତି। ସହିପରି ବାବାଙ୍କ ଵିଵାହରେ ଦେଵଦମ୍ପତିଙ୍କର ଯୁଗୋଳମୂର୍ତ୍ତୀ ଦର୍ଶନ ପାଇଁ ୩୦ହଜାରରୁ ଉର୍ଦ୍ଧ ଭକ୍ତଙ୍କ ଭିଡ଼ ଲାଗିଥିଲା ପୀଠରେ। ମଧ୍ଯରାତ୍ରରେ ଦେବଦମ୍ପତି ବିବାହ ବନ୍ଧନରେ ବାନ୍ଧି ହେବା ପରେ ଯୁଗୋଳମୂର୍ତ୍ତୀଙ୍କ ଦର୍ଶନ ପାଇବେ ଶ୍ରଦ୍ଧାଳୁ। ବୈଦିକ ରୀତିନୀତି ଓ ଲୋକାଚାରରେ ମାନବୀୟ ଲିଳା ଭାବେ କନ୍ଯାପିତା ଵିଚିତ୍ର ପାଢୀଙ୍କ ପକ୍ଷରୁ ମଣିବାବାଙ୍କୁ ବରଣ ନିମନ୍ତେ ପାର୍ବତୀଙ୍କ ଭାଇ ଭାବେ ପବନପୁତ୍ର ହନୁମାନ ବରଧରା ରୂପେ ଏକ ବଣ୍ଯାଢ ଶୋଭାଯାତ୍ରାରେ ବାହାରି ପୀଠ ଓ ମୁଖ୍ଯ ବଜାର ପରିକ୍ରମା କରିବା ପରେ ବରପିତା ଗଦାଧର ପାଢୀଙ୍କ ଘରେ ପହଁଚିବା ପରେ ବ୍ରାହ୍ମଣ ଓ ଜ୍ଯୋତିଷ୍ଯଙ୍କ ଦ୍ବାରା ବରଣ ନୀତି କରାଯାଇଥିଲା। ଏହି ଶୋଭାଯାତ୍ରରେ ଢେଙ୍କାନାଳର ଦୁଲୁଦୁଲି ବାଦ୍ଯ ସାଙ୍ଗକୁ ରାଜସ୍ଥାନ ଅଘୋରୀ ନୃତ୍ଯ, ବ୍ରହ୍ମପୁରର ଯୋଡିଶଙ୍ଖ, କଙ୍କାଳ ନୃତ୍ଯ, କଲିକତା ମେଦିନପୁରର ମୟୁରଚୂଳିଆ ବାଦ୍ଯ, କେନ୍ଦୁଝରର କଳସ ନୃତ୍ଯ, ଦେବଗଣଙ୍କ ସହ ବିଭିନ୍ନ ଜିଲାରୁ ଆସିଥିବା ସଂକିର୍ତ୍ତନ ମଣ୍ଡଳୀ, ଘଣ୍ଟବାଦ୍ଯକାର ମାନେ ଯୋଗ ଦେଇଥିଲେ। ଅପରାହ୍ଣ ୪ଟାରେ ମଣିବାବା ଓ ମାତା ପାର୍ବତୀଙ୍କୁ ରାଜରାଜେଶ୍ବର ବେଶରେ ସଜ୍ଜିତ କରାଯିବା ପରେ ବରପିତା ଓ କନ୍ଯାପିତାଙ୍କ ପକ୍ଷରୁ ଦିଅଁ ମଙ୍ଗୁଳା ଓ ହଳଦୀପାଣି ନୀତି କରାଯାଇଥିଲା। ସଂଧ୍ଯା ୭ଟାରେ ଦେବଦେବ ମହାଦେବ ବର ରୂପେ ବିମାନରେ ବିଜେ କରି ବରାନୁଗମନ ଶୋଭାଯାତ୍ରାରେ ବାହାରିଥିଲେ। ଏହି ଶୋଭାଯାତ୍ରରେ ଭକ୍ତ ଓ ଭଗବାନଙ୍କର ମହାମିଳନ ହୋଇଥିଲା। ରାତ୍ର ୧ଟା ଯାଏଁ ଶୋଭାଯାତ୍ରା ଚାଲିବା ପରେ ମନ୍ଦିର ସମୁଖରେ ନିର୍ମିତ ବିବାହ ମଣ୍ଡପରେ ଦେବଦମ୍ପତିଙ୍କର ବିବାହ କାର୍ଯ୍ଯ ଲୋକାଚାରରେ ଅନୁଷ୍ଠିତ ହୋଇଥିଲା। ହଜାରହଜାର ଭକ୍ତଙ୍କ ଭିଡକୁ ଦୃଷ୍ଟିରେ ରଖି ଜିଲା ଓ ମନ୍ଦିର ପ୍ରଶାସନ ପକ୍ଷରୁ ବ୍ଯାପକ ବ୍ଯବସ୍ଥା କରାଯାଇଥିବା ବେଳେ ପୁଲିସ ପ୍ରଶାସନ ପକ୍ଷରୁ ତ୍ରିସ୍ତରୀୟ ସୁରକ୍ଷା ବ୍ଯବସ୍ଥା କରାଯାଇଥିଲା। ଏଥିସହ ବାବାମଣି ଡିଗ୍ରୀ ମହାବିଦ୍ଯାଳୟର ଅଧ୍ଯାପକ ବିଜୟ କୁମାର ଦାଶଙ୍କ ତ୍ବତାବୋଧନରେ ୪୦ରୁ ଉର୍ଦ୍ଧ ଛାତ୍ରଛାତ୍ରୀ ସେବା ଯୋଗାଇଥିବା ବେଳେ ପିରାହାଟର ପ୍ରଦେଶ ସେବା ସଂଗଠନ, ସତ୍ଯସାଇ ସେବା ସଂଗଠନ, ଜିଲା ରକ୍ତ ସଂଗଠନ, ଜଗାଚାକର ସଂଘ ଆଦି ବିଭିନ୍ନ ସ୍ବେଛାସେବୀ ଅନୁଷ୍ଠାନ ପକ୍ଷରୁ ସେବା ଯୋଗାଇ ଦିଆଯାଇଥିଲା।

ରିପୋର୍ଟ: ଶିଶିର କୁମାର ସ୍ୱାଇଁ, ଧାମନଗର ଭଦ୍ରକ : ଭଦ୍ରକ ଜିଲ୍ଲା ଧାମନଗର ବ୍ଲକ ଅନ୍ତର୍ଗତ ଗୋବିନ୍ଦପୁର ପଞ୍ଚାୟତର କୋରୁଆ ଗ୍ରାମର ୮ ନମ୍ବର ୱାର୍ଡ ନାୟକ ସାହିରେ ଅଳ୍ପ ବର୍ଷାରେ ମଧ୍ୟ ରାସ୍ତା ଉପରେ ଆଣ୍ଠୁଏ ପାଣି ଜମି ରହୁଥିବାରୁ ସ୍ଥାନୀୟ ଲୋକମାନେ ଦୁର୍ଭୋଗର ସମ୍ମୁଖୀନ ହେଉଛନ୍ତି। ଗ୍ରାମବାସୀଙ୍କ କହିବାନୁସାରେ, ରାସ୍ତାର ଦୁଇ ପାର୍ଶ୍ୱରେ ଜବରଦଖଲ, ନିଷ୍କାସନ ବ୍ୟବସ୍ଥାର ଅଭାବ ଏବଂ ପ୍ରଶାସନିକ ସ୍ତରରେ ସଠିକ ଯୋଜନା ଓ ଦୂରଦୃଷ୍ଟିର ଅଭାବ ଯୋଗୁଁ ଦୀର୍ଘ ଦିନ ଧରି ଏହି ସମସ୍ୟା ଲାଗି ରହିଛି। ବର୍ଷା ହେଲେ ରାସ୍ତା ଉପରେ ପାଣି ଜମି ରହୁଥିବାରୁ ପାଦଚାରୀ ଓ ଯାନବାହନ ଚଳାଚଳରେ ବାଧା ସୃଷ୍ଟି ହେଉଛି। ବିଶେଷକରି ବୃଦ୍ଧ, ମହିଳା ଓ ସ୍କୁଲ ଛାତ୍ରଛାତ୍ରୀମାନେ ଦୈନନ୍ଦିନ ଯାତାୟାତରେ ଅଧିକ ସମସ୍ୟା ଭୋଗୁଛନ୍ତି। ସମସ୍ୟାର ସ୍ଥାୟୀ ସମାଧାନ ପାଇଁ ତୁରନ୍ତ ପଦକ୍ଷେପ ନେବାକୁ ଗ୍ରାମବାସୀମାନେ ଧାମନଗର ବ୍ଲକ ପ୍ରଶାସନ ଓ ଗୋବିନ୍ଦପୁର ପଞ୍ଚାୟତ କର୍ତ୍ତୃପକ୍ଷଙ୍କ ନିକଟରେ ଦାବି ଜଣାଇଛନ୍ତି। ସ୍ଥାନୀୟ ଲୋକଙ୍କ ମତରେ, ଜଳ ନିଷ୍କାସନ ବ୍ୟବସ୍ଥାର ସୁଧାର ଓ ଜବରଦଖଲ ଉଚ୍ଛେଦ କରାଗଲେ ଏହି ଦୀର୍ଘଦିନର ସମସ୍ୟାର ସମାଧାନ ସମ୍ଭବ ହୋଇପାରିବ।

ରିପୋର୍ଟ: କବିରାଜ ପାତ୍ର, ସ୍ଵତନ୍ତ୍ର ପ୍ରତିନିଧି, ଓଡିଶା ଗଞ୍ଜାମ-ବୁଗୁଡ଼ା: ବୁଗୁଡ଼ା ବ୍ଲକ ରାଜନୀତିରେ ପୁଣି ଏକ ବଡ଼ ଧରଣର ଅଦଳବଦଳ ଦେଖିବାକୁ ମିଳିଛି। ବୁଗୁଡ଼ା ବ୍ଲକ ଅଧ୍ୟକ୍ଷା କେ. ପ୍ରିୟଦର୍ଶିନୀ ଆଚାରୀ ପୂର୍ବରୁ ବିଜେଡିରେ କିନ୍ତୁ ସେ ୨୦୨୪ ରେ ବିଜେପିରେ ସାମିଲ୍ ହୋଇଥିଲେ।କିନ୍ତୁ ଆଜି ବିଜେପି ଛାଡ଼ି ପୁଣି ଥରେ ବିଜେଡିକୁ ପ୍ରତ୍ୟାବର୍ତ୍ତନ କରିଛନ୍ତି। ତେବେ ତାଙ୍କର ଏହି ଦଳ ବଦଳକୁ ନେଇ ବୁଗୁଡ଼ା ବିଜେପିରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି। ଏକ ସାମ୍ବାଦିକ ସମ୍ମିଳନୀ ଜରିଆରେ ବିଜେପି ନେତାମାନେ ଅଧ୍ୟକ୍ଷାଙ୍କୁ କଡ଼ା ସମାଲୋଚନା କରିଛନ୍ତି।ଘଟଣାକୁ ନେଇ ବୁଗୁଡ଼ା ବ୍ଲକ ଉପାଧ୍ୟକ୍ଷ ମାନସ ରଞ୍ଜନ ପ୍ରଧାନ ଏକ ସାମ୍ବାଦିକ ସମ୍ମିଳନୀରେ ନିଜର ପ୍ରତିକ୍ରିୟା ରଖି କହିଛନ୍ତି ଯେ, "ଆମେ ଦୁହେଁ ମିଶି ବିଜେପିକୁ ଆସିଥିଲୁ। କିନ୍ତୁ ଅଧ୍ୟକ୍ଷା କେ. ପ୍ରିୟଦର୍ଶିନୀ ଆଚାରୀ କେବଳ ନିଜର ସ୍ୱାର୍ଥ ହାସଲ ପାଇଁ ଦଳକୁ ଆସିଥିଲେ। ଏବେ ସ୍ୱାର୍ଥ ହାସଲ ନହେବାରୁ ସେ ପୁଣି ବିଜେଡିକୁ ଡିଆଁ ମାରିଛନ୍ତି। ଯାହାର ନିଜର କୌଣସି ସ୍ଥିରତା ନାହିଁ, ସେ ଆଗାମୀ ଦିନରେ କଂଗ୍ରେସ କିମ୍ବା ଆମ ଆଦମୀ ପାର୍ଟିକୁ ମଧ୍ୟ ଯାଇପାରନ୍ତି।ଏହା ସହିତ ବୁଗୁଡ଼ା ନଗର ବିଜେପି ସଭାପତି କେଦାରନାଥ ମହାରଣା ମଧ୍ୟ ସାମ୍ବାଦିକ ସମ୍ମିଳନୀ ମାଧ୍ୟମରେ ଅଧ୍ୟକ୍ଷାଙ୍କ ଉପରେ ବର୍ଷିଛନ୍ତି। ସେ କହିଛନ୍ତି ଯେ, କେ. ପ୍ରିୟଦର୍ଶିନୀ କେବଳ ବିଜେଡି କି ବିଜେପି ନୁହେଁ, ବରଂ କଂଗ୍ରେସ ଦଳକୁ ଯିବା ପାଇଁ ମଧ୍ୟ ଚେଷ୍ଟା ଚଳାଇଥିଲେ। କେବଳ ନିଜର ବ୍ୟକ୍ତିଗତ ଫାଇଦା ପାଇଁ ସେ ଏଭଳି ରାଜନୈତିକ ସ୍ଥିତି ବଦଳାଉଛନ୍ତି।ସାମ୍ବାଦିକ ସମ୍ମିଳନୀରେ ଉପସ୍ଥିତ ଥିବା ଆଇନଜୀବୀ ହରପ୍ରସାଦ ଦାସ ଅଧ୍ୟକ୍ଷାଙ୍କ ଉପରେ ଆହୁରି ଗୁରୁତର ଅଭିଯୋଗ ଆଣିଛନ୍ତି। ସେ କହିଛନ୍ତି:"ଯାହାର ନା ଅଛି ସ୍ଥିତି, ନା ଅଛି ଗତି, ସେ କେବଳ ନିଜ ସ୍ୱାର୍ଥ ସାଧନ ପାଇଁ ମନ୍ତ୍ରୀଙ୍କ ଉପରେ ଚାପ ପ୍ରୟୋଗ କରୁଥିଲେ। ମାତ୍ର ତାଙ୍କର ଏହି ଅଯଥା ସ୍ୱାର୍ଥ ହାସଲ ନହେବାରୁ ସେ ଶେଷରେ ବିଜେପି ଦଳ ଛାଡ଼ିବାକୁ ବାଧ୍ୟ ହେଲେ।"ବୁଗୁଡ଼ା ରାଜନୀତିରେ ଅଧ୍ୟକ୍ଷାଙ୍କ ଏହି ଦଳ ବଦଳ ଏବଂ ବିଜେପି ନେତାମାନଙ୍କର ଏହି ପ୍ରତିକ୍ରିୟା ଏବେ ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି।

ରିପୋର୍ଟ: ସୁଶାନ୍ତ କୁମାର ମହାକୁଡ଼, ସାଲିଆସାହି ଭୁବନେଶ୍ୱର: ସାଲିଆସାହି ଗାଁ ଦେଇ ଯାଇଥିବା ୨୦୦ ଫୁଟିଆ ରାସ୍ତାରେ ରାସ୍ତା ଶୁଭାରମ୍ଭ ହେବାର ମାତ୍ର ପାଞ୍ଚ ଦିନ ମଧ୍ୟରେ ତିନୋଟି ସଡ଼କ ଦୁର୍ଘଟଣା ଘଟିଥିବାରୁ ସ୍ଥାନୀୟ ଅଞ୍ଚଳରେ ଚିନ୍ତା ଓ ଅସନ୍ତୋଷ ପ୍ରକାଶ ପାଇଛି। ସ୍ଥାନୀୟ ଲୋକଙ୍କ କହିବାନୁସାରେ, ରାସ୍ତା ଚାଲୁ ହେବା ପରେ ଯାନବାହନର ଗତି ବୃଦ୍ଧି ପାଇଥିବା ବେଳେ ଯଥେଷ୍ଟ ସୁରକ୍ଷା ବ୍ୟବସ୍ଥା, ସତର୍କ ସୂଚନା ଫଳକ ଓ ଟ୍ରାଫିକ ନିୟନ୍ତ୍ରଣ ବ୍ୟବସ୍ଥାର ଅଭାବ ଦେଖାଦେଇଛି। ଫଳରେ ଅଳ୍ପ ସମୟ ମଧ୍ୟରେ ତିନୋଟି ଦୁର୍ଘଟଣା ଘଟିଛି। ଏହି ଘଟଣା ପରେ ସ୍ଥାନୀୟ ବାସିନ୍ଦା ମାନେ ରାସ୍ତାରେ ଗତି ନିୟନ୍ତ୍ରଣ ପାଇଁ ସ୍ପିଡ୍ ବ୍ରେକର, ଟ୍ରାଫିକ ସଙ୍କେତ ଓ ପୋଲିସ ପାଟ୍ରୋଲିଂ ବ୍ୟବସ୍ଥା କରିବାକୁ ଦାବି କରିଛନ୍ତି। ଆଗାମୀ ଦିନରେ ଆହୁରି ବଡ଼ ଦୁର୍ଘଟଣା ଏଡ଼ାଇବା ପାଇଁ ପ୍ରଶାସନ ତୁରନ୍ତ ପଦକ୍ଷେପ ନେବାକୁ ସାଧାରଣ ଲୋକ ଅନୁରୋଧ କରିଛନ୍ତି।

ରିପୋର୍ଟ: ଶିବରାମ ଜେନା, ସ୍ୱତନ୍ତ୍ର ପ୍ରତିନିଧି, ଖଲିକୋଟ ଗଞ୍ଜାମ-ଖଲ୍ଲିକୋଟ (ସ୍ରିଷ୍ଟି ନିୟୁଜ): ଖଲ୍ଲିକୋଟ ବ୍ଲକ୍ କାର୍ଯ୍ୟାଳୟ ପରିସରର ଦୟନୀୟ ଅବସ୍ଥାକୁ ନେଇ ସାଧାରଣ ଲୋକଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି। ବ୍ଲକ୍ ପରିସର ଚାରିପାଖରେ ଲଟାବୁଦା ଭରି ରହିଥିବା ବେଳେ ଅଧିକାଂଶ ସରକାରୀ କ୍ୱାର୍ଟର ଫାଙ୍କା ପଡ଼ିଥିବା ଦେଖାଯାଇଛି। ବିଡିଓଙ୍କ ସରକାରୀ ବାସଭବନରେ ମଧ୍ୟ କେହି ରହୁନଥିବା ସୂଚନା ମିଳିଛି। ସେହିପରି ବ୍ଲକ୍ ପରିସରର କମ୍ୟୁନିଟି ହଲ୍ ଭଗ୍ନାବସ୍ଥାରେ ଥିବା ବେଳେ ଶୌଚାଳୟ ଓ ପାନୀୟ ଜଳ ବ୍ୟବସ୍ଥାର ଅବସ୍ଥା ମଧ୍ୟ ଶୋଚନୀୟ ବୋଲି ଅଭିଯୋଗ ହୋଇଛି। ବ୍ଲକ୍‌କୁ କୋଟି କୋଟି ଟଙ୍କାର ବିକାଶ ଅନୁଦାନ ଆସୁଥିବା ସତ୍ତ୍ୱେ ଭିତ୍ତିଭୂମି ସୁବିଧାର ଏପରି ଅବସ୍ଥାକୁ ନେଇ ସ୍ଥାନୀୟ ଲୋକେ ପ୍ରଶ୍ନ ଉଠାଇଛନ୍ତି। ଅନ୍ୟପଟେ ବ୍ଲକ୍‌ର ବିଭିନ୍ନ କାର୍ଯ୍ୟ ଓ ଖର୍ଚ୍ଚ ସମ୍ପର୍କରେ ସ୍ୱଚ୍ଛତା ରହିଛି କି ନାହିଁ ସେନେଇ ମଧ୍ୟ ଚର୍ଚ୍ଚା ଆରମ୍ଭ ହୋଇଛି। କିଛି ଅଣନିର୍ବାଚିତ ବ୍ୟକ୍ତି ଅଧିକାରୀମାନଙ୍କ ଉପରେ ପ୍ରଭାବ ବିସ୍ତାର କରୁଥିବା ଅଭିଯୋଗ ମଧ୍ୟ ଉଠିଛି। ଫଳରେ ପ୍ରଶାସନିକ କାର୍ଯ୍ୟକଳାପ ଓ ଲୋକପ୍ରତିନିଧିଙ୍କ ଭୂମିକା ନେଇ ପ୍ରଶ୍ନବାଚୀ ସୃଷ୍ଟି ହୋଇଛି। ଏହି ସମସ୍ତ ବିଷୟରେ ଜିଲ୍ଲା ପ୍ରଶାସନ ଓ ସମ୍ପୃକ୍ତ ବିଭାଗ ଦୃଷ୍ଟି ଦେଇ ଆବଶ୍ୟକ ପଦକ୍ଷେପ ନେବାକୁ ସ୍ଥାନୀୟ ବୁଦ୍ଧିଜୀବୀ ଓ ଜନସାଧାରଣ ଦାବି କରିଛନ୍ତି।

ରିପୋର୍ଟ: ନିରୋଜ କୁମାର ସେଠୀ, ସିଂହପୁର ସିଂହପୁର: ସମାଜରେ ପୀଡିତ ଅସହାୟ ମଣିଷ ନ୍ୟାୟ ପାଇବା ପାଇଁ ଜଣେ ସାମ୍ବାଦିକଙ୍କ ସହାୟତା ଲୋଡିଥାଏ .। ବେସାହାରା ମଣିଷ ପାଇଁ ସାମ୍ବାଦିକଟିଏ ଆଶା ର କେନ୍ଦ୍ରବିନ୍ଦୁ ହୋଇଥାଏ ବୋଲି ଆଜି ପୂର୍ବାହ୍ନରେ ବିଞ୍ଝାରପୁର ବ୍ଲକର ସିଂହପୁର ଠାରେ ଖରସ୍ରୋତା ପ୍ରେସକ୍ଲବର ରଜତ ଜୟନ୍ତୀ ଉତ୍ସବ ଓ ଉତ୍କଳ ସାମ୍ବାଦିିକ ସଙ୍ଘର ଯାଜପୁର ଜିଲ୍ଲା ସମ୍ମିଳନୀ ଉପଲକ୍ଷେ ଆୟୋଜିତ ସମାବେଶରେ ଯୋଗ ଦେଇ ବିଶିଷ୍ଟ ବକ୍ତାମାନେ ମତବ୍ୟକ୍ତ କରିଥିଲେ ା ସିଂହପୁର ସ୍ଥିତ ସାଇ ମଣ୍ଡପ ପରିସରରେ ବିଞ୍ଝାରପୁର ବ୍ଲକର ଖରସ୍ରୋତା ପ୍ରେସକ୍ଲବର ୨୫ ତମ ବାର୍ଷିକ ଉତ୍ସବ ତଥା ରଜତ ଜୟନ୍ତୀ ଉତ୍ସବ ଓ ଉତ୍କଳ ସାମ୍ବାଦିିକ ସଙ୍ଘର ଜିଲ୍ଲା ସମ୍ମିଳନୀ ଅନୁଷ୍ଠିତ ହୋଇଯାଇଛି ା ଏହି ଉପଲକ୍ଷେ ଆୟୋଜିତ ଆଲୋଚନା.ଚକ୍ରରେ ଉତ୍କଳ ସାମ୍ବାଦିିକ ସଙ୍ଘର ଜିଲ୍ଲା ସଭାପତି ହରିହର ସ୍ବାଇଁ ସଭାପତିତ୍ବ କରିଥିଲେ ା ମୁଖ୍ୟ ଅତିଥି ଭାବରେ ଉତ୍କଳ ସାମ୍ବାଦିିକ ସଙ୍ଘର ରାଜ୍ୟ ସଭାପତି ବିଭୂତିଭୂଷଣ କର,ଯୋଗଦେଇ ଦେଶର କେତେକ ରାଜ୍ୟ ସାମ୍ବାଦିକ ମାନଙ୍କୁ ଅନୁଦାନର ବ୍ୟବସ୍ଥା କରିଥିବା ବେଳେ ଓଡିଶାରେ ଏହାକୁ କାର୍ଯ୍ୟକାରୀ କରିବା ପାଇଁ ସାମ୍ବାଦିିକ ସଙ୍ଘ ସରକାରଙ୍କ ନିକଟରେ ବାରମ୍ବାର ଦାବୀ ଉଠାଇ ଆସିଛି ବୋଲି କହିଥିଲେ ା ମୁଖ୍ୟବକ୍ତା ଭାବରେ ଦୈନିକ ଖବର କାଗଜ ପ୍ରଗତିବାଦୀର ସମ୍ପାଦକ ବିରୁପାକ୍ଷ ତ୍ରିପାଠୀ ସାମ୍ବାଦିକ ମାନେ ଯଥାର୍ଥରେ ଲୋକ ପ୍ରତିନିଧୀ ବୋଲି କହିବା ସହିତ ସାମ୍ବାଦିକତା କୁ ସାମ୍ବାଦିକତା ଭଳି କରି ପାରିବାରେ ଆଗ୍ରହ ରଖୁଥିବା ବ୍ୟକ୍ତି ବ୍ରୁତ୍ତି କୁ ଆସନ୍ତୁ ବୋଲି ଆହ୍ବାନ ଦେଇଥିଲେ ା ସମ୍ମୀନୀତ ଅତିଥି ଭାବରେ ଉତ୍କଳ ସାମ୍ବାଦିିକ ସଙ୍ଘର କାର୍ଯ୍ୟକାରୀ ସଭାପତି ହାରାଧନ ବାନାର୍ଜୀ, ବିଜେପି ନେତ୍ରୀ ବବିତା ମଲିକ, ସମାଜସେବୀ ବିଜୟ କୁମାର ଧଳ, ସାମ୍ବାଦିିକ ସଙ୍ଘର ରାଜ୍ୟ ସାଧାରଣ ସମ୍ପାଦକ ବେଣୁଧର ପଣ୍ଡା, ରାଜ୍ୟ ସମ୍ପାଦକ ବିଶ୍ବଜିତ୍ ନାୟକ, ଜିଲ୍ଲା ସମ୍ପାଦକ ପବିତ୍ରରଞ୍ଜନ ମହାନ୍ତି ଓ ଏଡିଆ ଭୀଷା ଆନ୍ଦୋଳନ ପ୍ରବକ୍ତା ପବିତ୍ର ମହାରଥାଖରସ୍ରୋତା ପ୍ରେସକ୍ଲବର ଉପଦେଷ୍ଟା ସୁଶାନ୍ତ କୁମାର ନାୟକ,ସଇଫୁର ରହେମାନ ପ୍ରମୁଖ ଯୋଗଦେଇଥିଲେ ା ଆବାହକ ରତନଲାଲ ଭୂୟାଁ ସ୍ବାଗତ ଭାଷଣ ପ୍ରଦାନ କରିଥିଲେ ା ଖରସ୍ରୋତା ପ୍ରେସକ୍ଲବର ସଭାପତି ରମାଲାଲ ଭୂୟାଁ ଅତିଥି ପରିଚୟ ପ୍ରଦାନ କରିଥିଲେ ା ଖରସ୍ରୋତା ପ୍ରେସକ୍ଲବ. ସମ୍ପାଦକ ବାର୍ଷିକ ବିବରଣୀ ପାଠ କରିଥିଲେ ାଏହି ଅବସରରେ ପ୍ରଫେସର ଅଜୟ ଓଝାଙ୍କ ରଚିତ ଖରସ୍ରୋତା ତୀରେ ତୀରେ ତୀର୍ଥ ନାମକ ଏକ ପୁସ୍ତକ ଅତିଥି ମାନଙ୍କ ଦ୍ବାରା ଉନ୍ମୋଚିତହୋଇଥିଲା ା ବିଭିନ୍ନ କ୍ଷେତ୍ରରେ ଉତ୍କର୍ଷତା ପ୍ରତିପାଦନ କରିଥିବା ସମାଜସେବୀ ବିଜୟ କୁମାର ଧଳ, ଅଞ୍ଜୁପ୍ରଭା ଧଳ,ଡା.ରଞ୍ଜନ କୁମାର ମିଶ୍ର,ଡା.ଅରୁଣ କୁମାର ସାହୁ,ଡା.ଜିତେନ୍ଦ୍ର କୁମାର ମଲ୍ଲିକ,ଡ.ପଦ୍ମଚରଣ ଧଳ, ଶିକ୍ଷାବିତ୍ ଟିକିଲତା ବେହେରା,ସମାଜସେବୀ ପଦ୍ମାକର ଗୁରୁ, ସାମ୍ବାଦିିକ ଶରତ କୁମାର ପଥାଳ,ଶିକ୍ଷକ ନେତା ରବିନାରାୟଣ ମହାନ୍ତି, ସମାଜସେବୀ ପ୍ରତୀକ କୁମାର ମିଶ୍ର,ବରିଷ୍ଠ ନାଗରିକ ଶ୍ରୀବତ୍ସ ସାମଲ, ନାଟ୍ୟକାର ବାସୁଦେବ ଯେନା, କବି ସନ୍ତୋଷ କୁମାର ବେହୁରିଆ ପ୍ରମୁଖଙ୍କୁ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା ାକର୍ଯ୍ୟକ୍ରମରେ ଜିଲ୍ଲାର ବିଭିନ୍ନ ବ୍ଲକରୁ ଶତାଧିକ ସାମ୍ବାଦିକ ମାନେ ଯୋଗ ଦେଇଇଥିଲେ ା ରସୁଲପୁର ବ୍ଲକରୁ ସାମ୍ବାଦିକ କୈଳାସ ଚନ୍ଦ୍ର ରାଉତ, କଳ୍ପତରୁ ପଣ୍ଡା, ମନୋଜ କୁମାର ନାୟକ ଓ ଧର୍ମଶାଳା ବ୍ଲକରୁ କପିଳେନ୍ଦ୍ର ରାଉତ ଆଜିର ଉକ୍ତ ମିଟିଂ ରେ ଯୋଗଦେଇଥିଲେ ା ବରୀ ବ୍ଲକରୁ ବାଞ୍ଛାନିଧୂ ସାହୁ, ପ୍ରଭାତ ମହାନ୍ତି. ସୁକିନ୍ଦା ଦାନଗଦି ବ୍ଲକରୁ ସଂଜୟ ଚାନ୍ଦଙ୍କ ସମେତ ସାମ୍ବାଦିକ ମାନେ ସମାବେଶରେ ସାମିଲ ହୋଇଥିଲେ। । ସାମ୍ବାଦିକ ସରୋଜ କୁମାର ସାହୁ, ଶୁଭାଶିଷ ଦାଶ, ଶାନ୍ତନୁ ଦାସ, ସେକ୍ ଅମିନ ଅଲ୍ଲୀ, ସୈାର କର,ପ୍ରମୁଖ କାର୍ଯ୍ୟକ୍ରମ ସଞ୍ଚାଳନ କରିଥିଲେ ।

ରିପୋର୍ଟ: ନିରୋଜ କୁମାର ସେଠୀ, ମଙ୍ଗଳପୁର ଯାଜପୁର-ମଙ୍ଗଳପୁର: ମଙ୍ଗଳପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଅଧିନସ୍ଥ ଦଶରଥପୁର ଗ୍ରାମପଞ୍ଚାୟତ କାର୍ଯ୍ୟାଳୟରେ ଯାଜପୁର ଜିଲ୍ଲା ସ୍ତରୀୟ ଷ୍ଟପ୍ ଡାଇରିଆ ଅଭିଯାନ ଜିଲ୍ଲା ମୁଖ୍ୟ ଚିକିତ୍ସା ଓ ଜନସ୍ୱାସ୍ଥ୍ୟ ଅଧିକାରୀ ଡ଼ା. ବିଜୟ କୁମାର ମିଶ୍ରଙ୍କ ଦ୍ୱାରା ଶୁଭାରମ୍ଭ ହୋଇଯାଇଅଛି। ଏହି ଅଭିଯାନର ଉଦ୍ଦେଶ୍ୟ ଡାଇରିଆ ରୋଗ କାରଣରୁ ହେଉଥିବା ଶିଶୁ ମୃତ୍ୟୁହାରକୁ ଶୂନ୍ୟ କରିବା। ଏହି ଅଭିଯାନକୁ ସଫଳ କରିବା ପାଇଁ ଆଶା ଦିଦି ମାନେ ପ୍ରତ୍ୟେକ ଘରେ ୨ ପ୍ୟାକେଟ୍ ଲେଖାଏଁ ଓ.ଆର୍.ଏସ ଯୋଗାଇଦେବେ। ଏହି ଷ୍ଟପ୍ ଡାଇରିଆ ଅଭିଯାନ ଜୁନ୍ ୧୬ ତାରିଖରୁ ଆରମ୍ଭ ହୋଇ ଜୁଲାଇ ୩୧ ତାରିଖ ପର୍ଯ୍ୟନ୍ତ ଚାଲୁରହିବ। "ଡାଇରିଆକୁ କିପରି ରୋକିବା ଜାଣ, ସ୍ୱଚ୍ଛତା ସହ ଓ.ଆର୍.ଏସ ଉପରେ ରଖିବା ଧ୍ୟାନ" ବାର୍ତ୍ତା କୁ ନେଇ ଏହି ଅଭିଯାନର ଶୁଭାରମ୍ଭ ହୋଇଥିଲା। ଉକ୍ତ କାର୍ଯ୍ୟକ୍ରମରେ ଏ.ଡି.ପି.ଏଚ.ସି.ଓ . ସଂଯୁକ୍ତା ପଣ୍ଡା, ଡ଼ା. ରମେଶ ଚନ୍ଦ୍ର ମଲ୍ଲିକ, ଡ଼ା. ଅନୁସୟା ଜେନା, ସରପଞ୍ଚ ଦଶରଥପୁର ଶ୍ରୀ ଧର୍ମରାଜ ଧୀର, ବନିତା ଦାସ, ଏମ୍.ପି.ଏଚ୍.ଏସ. ଏମ୍ ଚନ୍ଦ୍ରଜିତ୍ ପତି, ବ୍ରହ୍ମାନନ୍ଦ ସାହୁ, ଅଶ୍ୱିନ ଖୁଣ୍ଟିଆ, ଜୟଜଗନ୍ନାଥ ଦତ୍ତ, ଲୋପାମୁଦ୍ରା ସାହୁ, ପ୍ରମୁଖ ଯୋଗ ଦେଇଥିଲେ। ଏହି ସଭାର ଆୟୋଜନ ପି.ଏଚ୍.ସି.ଓ ମଙ୍ଗଳପୁର ଡ଼ା. ବନିତା ଦାଶ ଏବଂ ଅଜୟ କର, ଏ.ଡି.ପି.ଏଚ୍.ସି.ଓ ସଂଯୁକ୍ତା ପଣ୍ଡାଙ୍କ ସହଯୋଗରେ ହୋଇଥିଲା। ଏହି ସଭାକୁ ଡ଼ା. ବନିତା ଦାଶ ପରିଚାଳନା କରିଥିବା ବେଳେ ଏ.ଡି.ପି.ଏଚ୍.ସି.ଓ . ସଂଯୁକ୍ତା ପଣ୍ଡା ଧନ୍ୟବାଦ ଅର୍ପଣ କରିଥିଲେ।

ଢ଼େଙ୍କାନାଳ, ଜିଲ୍ଲା କାର୍ଯ୍ୟାଳୟର ସଦଭାବନା ସଭାଗୃହ ଠାରେ ଜିଲ୍ଲାପାଳ ଶ୍ରୀ ଆଶିଷ ଇଶ୍ଵର ପାଟିଲଙ୍କ ଅଧ୍ୟକ୍ଷତାରେ ଜିଲ୍ଲା ସଡ଼କ ସୁରକ୍ଷା କମିଟି ବୈଠକ ଅନୁଷ୍ଠିତ ହୋଇଯାଇଛି । ଅଧିକ ଦୁର୍ଘଟଣା ପ୍ରବଣ ସ୍ଥାନ ଓ କଲେଜ ସମ୍ମୁଖ ରାସ୍ତାରେ ସାଇନେଜ ଓ ବାରିକେଡିଂର ବ୍ୟବସ୍ଥା କରିବା ସହିତ ନିୟମିତ ଚ଼େକିଂ କରିବାକୁ ଜିଲ୍ଲାପାଳ ନିର୍ଦ୍ଦେଶ ଦେଇଥିଲେ । ଜାତୀୟ ରାଜପଥ ପାର୍ଶ୍ବସ୍ଥ ନବ କମ୍ପାନୀ ଠାରେ ବର୍ଷାପାଣି ଜମୁଥିବାରୁ ଏହାର ନିଷ୍କାସନ ପାଇଁ ଜିଲ୍ଲାପାଳ ଜାତୀୟ ରାଜପଥ କର୍ତ୍ତୃପକ୍ଷଙ୍କୁ କହିଥିଲେ । ଜଳ ନିଷ୍କାସନ କାର୍ଯ୍ୟ ଆରମ୍ଭ ହୋଇଯାଇଛି ଏବଂ ଶୀଘ୍ର ଶେଷ ହେବ ବୋଲି କର୍ତ୍ତୃପକ୍ଷ ଅବଗତ କରାଇଥିଲେ । କଲେଜ ବାଇପାସ ଠାରୁ କୋରିଆଁ ଛକ ପର୍ଯ୍ୟନ୍ତ ଆଲୋକିକରଣ କାର୍ଯ୍ୟ ଶୀଘ୍ର ସାରିବାକୁ ଜିଲ୍ଲାପାଳ ଜାତୀୟ ରାଜପଥର କର୍ତ୍ତୃପକ୍ଷଙ୍କୁ ପରାମର୍ଶ ଦେଇଥିଲେ । ନୂତନ ମଞ୍ଜୁର ପ୍ରାପ୍ତ ହେଲେ ଆଲୋକିକରଣ କାର୍ଯ୍ୟ ଯଥା ଶୀଘ୍ର ସମ୍ପୂର୍ଣ୍ଣ ହେବ ବୋଲି କର୍ତ୍ତୃପକ୍ଷ ପ୍ରକାଶ କରିଥିଲେ । କ୍ରେନ୍, ଆମ୍ବୁଲାନ୍ସ ଆଦି ସଂପର୍କରେ ସୂଚ଼ନା ପ୍ରାପ୍ତି ପାଇଁ ଜାତୀୟ ରାଜପଥରେ ଆସନ୍ତା ସୋମବାର ସୁଦ୍ଧା କ୍ୟୁ.ଆର୍. (QR) କୋଡ୍ କାର୍ଯ୍ୟକ୍ଷମ ହେବ ବୋଲି କର୍ତ୍ତୃପକ୍ଷ ସୂଚ଼ନା ଦେଇଥିଲେ । ଅବୈଧ ଭାବେ ନିର୍ମିତ ସମସ୍ତ ହମ୍ପସ ଗୁଡ଼ିକୁ ରାସ୍ତାରୁ ହଟାଇବାକୁ ଜିଲାପାଳ ପରାମର୍ଶ ଦେଇଥିଲେ । ଗତ ମଇ ମାସରେ ୩୨ଟି ଦୁର୍ଘଟଣା ଘଟି ମୋଟ ୩୩ ଜଣ ଆହତ ହୋଇଥିବା ବେଳେ ୧୪ ଜଣ ମୃତ୍ୟୁ ବରଣ କରିଛନ୍ତି । ମଇ ମାସରେ ଯାଞ୍ଚ କରାଯାଇ, ୧୦୬ ଜଣ ମଦ୍ୟପ ଗାଡ଼ି ଚାଳକ, ୨ ଚ଼କିଆ ଯାନରେ ୩ ଜଣିଆ ଯାତ୍ରୀବାହୀ ୧୨୧ ଟି ଯାନ, ୩୮୭ ଜଣ ମୋବାଇଲ ବ୍ୟବହାରକାରୀ, ୨୫୪ ବିନା ସିଟବେଲଟ୍ ପିନ୍ଧା ଗାଡ଼ି ଚାଳକ ଏବଂ ୧୨୫୨ ଜଣ ବିନା ହେଲମେଟ ଗାଡ଼ି ଚାଳକଙ୍କୁ ଚ଼ିହ୍ନଟ କରାଯାଇ ଜୋରିମାନ କରାଯାଇଥିଲା ବେଳେ ୧୯୪୬ ମଜଣଙ୍କର ଡ୍ରାଇଭିଂ ଲାଇସେନ୍ସ ରଦ୍ଧ କରାଯାଇଛି ବୋଲି ଆଞ୍ଚଳିକ ପରିବହନ ଅଧିକାରୀ ଶ୍ରୀ ଶିବାଶିଷ ସାହୁ ପ୍ରକାଶ କରିଛନ୍ତି । ଏହି ଅବସରରେ, ଦୁର୍ଦ୍ଧଟଣା ଗ୍ରସ୍ତ ମାନଙ୍କୁ ଉଦ୍ଧାର କରିଥିବା ୪ ଜଣ ଗୁଡ୍ ସମରିଟାନଙ୍କ ଜିଲ୍ଲାପାଳ ପୁରସ୍କୃତ କରିଥିଲେ । ପ୍ରାରମ୍ଭରେ ରାସ୍ତା ଓ ପୂର୍ତ୍ତ ବିଭାଗର ଅଧିକ୍ଷଣ ଯନ୍ତ୍ରୀ ଶ୍ରୀ ଜୟନ୍ତ ପ୍ରସାଦ ନାୟକ ଜାତୀୟ ରାଜପଥରେ ହେଇଥିବା ବିଭିନ୍ନ କାର୍ଯ୍ୟ ସଂପର୍କରେ ଅବଗତ କରାଇଥିଲେ । ଏହି ବୈଠକରେ ଆଇ.ଏ.ଏସ୍. (ପ୍ରୋବେସନ୍ ) ସୁଧା ଚୈହାନ, ଏମ୍ .ଭି.ଆଇ. ପଦ୍ମଜା ମହାନ୍ତି, ଜୁନିୟର ଏମ୍.ଭି.ଆଇ. ସୁନିତା ପଣ୍ଡା, ଏ. ଆର୍. ଟି. ଓ. ସାର୍ଥକ ଦତ୍ତ, କମିଟିର ସମସ୍ତ ସଦସ୍ୟ, ସଂପୃକ୍ତ ବିଭାଗୀୟ ଅଧିକାରୀଗଣ ଉପସ୍ଥିତ ଥିଲେ ।ସଡ଼କ ସୁରକ୍ଷା କମିଟି ବୈଠକରେ ଗୁଡ଼ ସମରିଟାନ ଭାବେ ଢ଼େଙ୍କାନାଳର ଜଗବନ୍ଧୁ ସାହୁ, ମେରାମଣ୍ଡଳୀର ମହେଶ ଚ଼ନ୍ଦ୍ର ନାୟକ ଏବଂ ମୋଟଙ୍ଗାର ସୌମ୍ୟ ରଞ୍ଜନଧୀର ଓ ବାପି ରାଉତଙ୍କୁ ଜିଲ୍ଲାପାଳ ପୁରସ୍କୃତ କରିଥିଲେ ।

Sinapali, June 19 The distance between life and death is often measured in just a few moments. In those critical moments, a single unit of blood can make all the difference. It can help a mother return safely to her children, give a road accident victim a second chance at life, or offer renewed hope to a patient battling sickle cell disease. Yet, despite being one of the major healthcare centres in Nuapada district, the Sinapali Community Health Centre still does not have a blood bank. For thousands of people living in Sinapali and its surrounding areas, this hospital serves as a vital healthcare lifeline. Not only residents of Nuapada district but also many people from neighbouring villages of Chhattisgarh depend on this facility for medical treatment. However, whenever blood is urgently required, patients’ families are forced to rush to Nuapada, Balangir, Raipur, or other distant locations in search of blood. Behind these desperate journeys lie countless stories of anxiety, helplessness, and tears—stories that only affected families truly understand. What makes the situation even more unfortunate is that Sinapali has a large number of voluntary blood donors willing to help save lives. Through a WhatsApp group named “Donate Blood, Save Life,” several dedicated volunteers work tirelessly day and night to connect patients with blood donors. Their efforts have already helped save many lives. However, relying solely on voluntary arrangements during medical emergencies is neither practical nor sufficient. The absence of a well-equipped blood bank has emerged as one of the region’s most pressing healthcare challenges. The need becomes even more critical in cases involving excessive bleeding during childbirth, road accidents, sickle cell disease patients, and other serious medical conditions where immediate blood transfusion is often the difference between survival and tragedy. Every minute lost in arranging blood increases the risk to a patient’s life. The helpless expressions on the faces of family members as critically ill patients are transferred to distant cities in ambulances are enough to move any compassionate observer. For years, local intellectuals, social activists, blood donor groups, and public representatives have repeatedly raised the demand for a blood bank in Sinapali. Yet, despite growing public support and the evident need, the demand remains unfulfilled. Residents believe that establishing a blood bank at the Sinapali Community Health Centre would not only strengthen emergency healthcare services but also save countless precious lives across the region. Today, a simple question echoes across the area: when blood donors are available, the need is undeniable, and public support is overwhelming, why is there still a delay in establishing a blood bank? The people now look towards the government and the health department with hope, expecting swift and meaningful action on this long-pending and justified demand. After all, a blood bank is not merely a healthcare facility, it is a promise of safety, hope, and life for thousands of families.

ରିପୋର୍ଟ: ଦେବରାଜ ବାଣୁଆ, ଜୁନାଗଡ଼ ଜୁନାଗଡ଼: ଧାନ ମଣ୍ଡିରୁ ଧାନ ଉଠାଣରେ ଅବ୍ୟବସ୍ଥା ଓ ବିଳମ୍ବକୁ ନେଇ ଜୁନାଗଡ଼ ବ୍ଲକର ଭୈରିଗୁଡ଼ା ପଞ୍ଚାୟତର ଶତାଧିକ କୃଷକ ଗୁରୁବାର ବ୍ଲକ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଥିଲେ। ଧାନ ବଜାରରୁ ଶୀଘ୍ର ଧାନ ଉଠାଣ ଓ କୃଷକଙ୍କ ସମସ୍ୟାର ସମାଧାନ ଦାବିରେ ସେମାନେ ଧାରଣାରେ ବସିଥିଲେ। କୃଷକମାନଙ୍କ ଅଭିଯୋଗ ଅନୁସାରେ, ରାଜ୍ୟ ସରକାର ଗତ ମେ ୨୦ ତାରିଖରୁ ରବି ଧାନ କ୍ରୟ ପ୍ରକ୍ରିୟା ଆରମ୍ଭ କରିଥିଲେ ମଧ୍ୟ ବଜାରରୁ ଧାନ ଉଠାଣ ଅତ୍ୟନ୍ତ ମନ୍ଥର ଗତିରେ ଚାଲିଛି। ବଜାର ଆରମ୍ଭ ହେବାର ପ୍ରାୟ ୨୮ ଦିନ ବିତିଯାଇଥିଲେ ମଧ୍ୟ ଏପର୍ଯ୍ୟନ୍ତ କେବଳ ୨୫ରୁ ୩୦ ପ୍ରତିଶତ ଧାନ କ୍ରୟ ହୋଇଥିବାରୁ ଚାଷୀମାନେ ଅସନ୍ତୋଷ ପ୍ରକାଶ କରିଛନ୍ତି। ପ୍ରତିବାଦ ସ୍ୱରୂପ କୃଷକମାନେ ଟ୍ରାକ୍ଟରରେ ଧାନ ବସ୍ତା ଭର୍ତ୍ତି କରି ବ୍ଲକ କାର୍ଯ୍ୟାଳୟ ସମ୍ମୁଖକୁ ଆଣି ଅଭିନବ ଢଙ୍ଗରେ ଧାରଣା ଦେଇଥିଲେ। ସେମାନଙ୍କ କହିବା ଅନୁଯାୟୀ, ଟୋକନ ପାଇବା ପରେ ଧାନ ମଣ୍ଡିକୁ ଆଣିଥିଲେ, କିନ୍ତୁ ପ୍ରାୟ ୩,୫୫୫ କ୍ୱିଣ୍ଟାଲରୁ ଅଧିକ ଧାନ ଏବେ ଖୋଲା ଆକାଶ ତଳେ ପଡ଼ି ରହିଛି। ବର୍ଷା ହେଲେ ସମଗ୍ର ଫସଲ ନଷ୍ଟ ହେବାର ଆଶଙ୍କା ଥିବାରୁ କୃଷକମାନେ ଚିନ୍ତାରେ ଅଛନ୍ତି। ଧାନ ଉଠାଣ ପ୍ରକ୍ରିୟାରେ ତୁରନ୍ତ ସୁଧାର ଆଣିବା ଏବଂ ମଣ୍ଡି ବ୍ୟବସ୍ଥାକୁ ସୁଚାରୁ କରିବା ପାଇଁ କୃଷକମାନେ ଦାବି କରିଥିଲେ। ଦାବି ପୂରଣ ନହେଲେ ଆଗାମୀ ଦିନରେ ଆନ୍ଦୋଳନକୁ ଆହୁରି ତୀବ୍ର କରାଯିବ ବୋଲି ସେମାନେ ଚେତାବନୀ ଦେଇଥିଲେ। ପରେ ପ୍ରଶାସନ ପକ୍ଷରୁ ଲିଖିତ ଭାବେ ସମସ୍ୟାର ସମାଧାନ ପାଇଁ ପ୍ରତିଶ୍ରୁତି ଦିଆଯାଇଥିବାରୁ କୃଷକମାନେ ଆନ୍ଦୋଳନ ପ୍ରତ୍ୟାହାର କରିଥିଲେ। ଏହି ବିକ୍ଷୋଭରେ ଭୈରିଗୁଡ଼ା ପଞ୍ଚାୟତ ସହ ଆଖପାଖ ଅଞ୍ଚଳର ଶତାଧିକ କୃଷକ ଅଂଶଗ୍ରହଣ କରିଥିଲେ।

ରିପୋର୍ଟ: ରୁଦ୍ର ମୋହନ ସାହୁ ଓ ସରୋଜ କାନ୍ତ ଜେନା ତାଳଚେର: ତମ୍ବା କେବୁଲ ଚୋରି ଘଟଣାରେ ବିକ୍ରମପୁର ପୋଲିସ ବଡ଼ ସଫଳତା ହାସଲ କରିଛି। ପୋଲିସ ତିନିଜଣ ଅଭିଯୁକ୍ତଙ୍କୁ ଗିରଫ କରିବା ସହିତ ଚୋରି ହୋଇଥିବା ପ୍ରାୟ ୨୦୦ କିଲୋଗ୍ରାମ (୨ କ୍ୱିଣ୍ଟାଲ) ଓଜନର ୫ ବଣ୍ଡଲ ଶିଳ୍ପ ତମ୍ବା କେବୁଲ ତାର ଜବତ କରିଛି। ଜବତ କେବୁଲର ଆନୁମାନିକ ମୂଲ୍ୟ ପ୍ରାୟ ୧.୩୦ ଲକ୍ଷ ଟଙ୍କା ବୋଲି ଜଣାପଡ଼ିଛି। ସୂଚନା ଅନୁଯାୟୀ, ତାଳଚେର ଏଫସିଆଇ ଅଞ୍ଚଳରୁ ଏହି ତମ୍ବା କେବୁଲ ଚୋରି ହୋଇଥିଲା। ଘଟଣାର ତଦନ୍ତ କରି ବିକ୍ରମପୁର ପୋଲିସ ଅଭିଯୁକ୍ତମାନଙ୍କୁ ଠାବ କରି ଗିରଫ କରିବାରେ ସଫଳ ହୋଇଛି। ଗିରଫ ଅଭିଯୁକ୍ତମାନେ ହେଲେ ସୁମନ୍ତ ଦଳେଇ (୨୩), ରାଜା ଜେନା (୨୧) ଓ କୁଶ ବେହେରା (୧୯)। ସମସ୍ତେ ଅନୁଗୁଳ ଜିଲ୍ଲା ବିକ୍ରମପୁର ଥାନା ଅନ୍ତର୍ଗତ ଭଞ୍ଜ କଲୋନୀ ଅଞ୍ଚଳର ବାସିନ୍ଦା। ପୋଲିସ ଜବତ କେବୁଲକୁ ଜବତ କରିବା ସହ ଅଭିଯୁକ୍ତମାନଙ୍କୁ ଅଦାଲତ ଚାଲାଣ କରିଥିବା ଜଣାପଡ଼ିଛି। ଘଟଣାରେ ଆହୁରି କେହି ସମ୍ପୃକ୍ତ ଅଛନ୍ତି କି ନାହିଁ, ସେ ନେଇ ପୋଲିସ ତଦନ୍ତ ଜାରି ରଖିଛି ।

ରିପୋର୍ଟ- ପ୍ରିୟଙ୍କା ମହାପାତ୍ର, ଖୋର୍ଦ୍ଧା ଖୋରଧା -୧୯/୬-ଖୋରଧା ପୌରପରିଷଦ ଅଧିନସ୍ଥ ୱାର୍ଡ଼ ନଂ -୨୦ (ତଳସାହି)ଅଞ୍ଚଳରେ ପ୍ରସ୍ତାବିତ ଦେଶୀ ମଦ ଦୋକାନ ସ୍ଥାପନକୁ ନେଇ ଏବେ ତୀବ୍ର ଜନଅସନ୍ତୋଷ ଦେଖାଦେଇଛି। ସହର ର ଶାନ୍ତ ପରିବେଶ, ଶିକ୍ଷାନୁଷ୍ଠାନ, ଧାର୍ମିକ ସ୍ଥଳ ଏବଂ ଜନବସତି ମଧ୍ୟରେ ମଦ ଦୋକାନ ସ୍ଥାପନ ପାଇଁ ଉଦ୍ୟମ ଚାଲିଥିବା ଖବର ପ୍ରକାଶ ପାଇବା ପରେ ସ୍ଥାନୀୟ ଲୋକଙ୍କ ମଧ୍ୟରେ ଚିନ୍ତା ଓ ଅସନ୍ତୋଷ ବୃଦ୍ଧି ପାଇଛି। ଏହାର ପ୍ରତିବାଦ ସ୍ୱରୂପ ଅଞ୍ଚଳବାସୀ ଏକତ୍ରିତ ହୋଇ ଖୋରଧା ଜିଲ୍ଲାପାଳଙ୍କୁ ଏକ ଦାବିପତ୍ର ପ୍ରଦାନ କରିବା ସହିତ ଉକ୍ତ ପ୍ରସ୍ତାବକୁ ତୁରନ୍ତ ବାତିଲ କରିବାକୁ ଦାବି ଅନୁରୋଧ କରିଛନ୍ତି l ପ୍ଲଟ ନଂ ୪୫୭/୫୮୩୧/୬୧୭୫,୪୫୭/୫୮୩୧ ଏବଂ ଖାତା ନଂ -୬୪୮/୩୦୦୫, ୬୪୮/୨୦୬୩ ପ୍ଲଟ ନଂ - ୪୫୭/୫୦୭୯,୪୫୭/୫୩୧୬ ରେ ଏକ ଦେଶୀ ମଦ ଦୋକାନ ସ୍ଥାପନ ପାଇଁ ପ୍ରଶାସନିକ ସ୍ତରରେ ପ୍ରକ୍ରିୟା ଆରମ୍ଭ ହୋଇଥିବା ଜଣାପଡ଼ିଛି। କିନ୍ତୁ ଏହି ସ୍ଥାନର ଚାରିପାଖରେ ଶତାଧିକ ପରିବାର ବସବାସ କରୁଥିବା ବେଳେ ନିକଟରେ ବିଦ୍ୟାଳୟ, ଅଙ୍ଗନୱାଡି କେନ୍ଦ୍ର, ମନ୍ଦିର ଓ ଅନ୍ୟାନ୍ୟ ସାର୍ବଜନୀନ ପ୍ରତିଷ୍ଠାନ ରହିଥିବାରୁ ଏଠାରେ ମଦ ଦୋକାନ ଖୋଲିବା ଜନସ୍ୱାର୍ଥ ବିରୋଧୀ ବୋଲି ସ୍ଥାନୀୟ ଲୋକ ଅଭିଯୋଗ କରିଛନ୍ତି। ଗ୍ରାମବାସୀଙ୍କ କହିବା ଅନୁସାରେ, ଏହି ଅଞ୍ଚଳ ଦୀର୍ଘ ଦିନ ଧରି ଏକ ଶାନ୍ତିପୂର୍ଣ୍ଣ ପରିବେଶ ପାଇଁ ପରିଚିତ। ସକାଳୁ ସନ୍ଧ୍ୟା ପର୍ଯ୍ୟନ୍ତ ଛାତ୍ରଛାତ୍ରୀ, ମହିଳା ଓ ବୃଦ୍ଧବୃଦ୍ଧାମାନେ ନିଜ ଦୈନନ୍ଦିନ କାର୍ଯ୍ୟରେ ଏହି ଅଞ୍ଚଳର ରାସ୍ତା ରେ ଯିବା ଆସିବା କରନ୍ତି। ଯଦି ଏଠାରେ ମଦ ଦୋକାନ ଖୋଲାଯାଏ, ତେବେ ମଦ୍ୟପାନକାରୀଙ୍କ ଭିଡ଼ ବୃଦ୍ଧି ପାଇବା ସହିତ ସାମାଜିକ ଅସୁରକ୍ଷା, ଝଗଡ଼ା, ଅଶାନ୍ତି ଓ ଅସାମାଜିକ କାର୍ଯ୍ୟକଳାପ ବଢ଼ିବାର ଆଶଙ୍କା ରହିଛି। ଦାବିପତ୍ରରେ ଉଲ୍ଲେଖ କରାଯାଇଛି ଯେ, ଓଡ଼ିଶା ଅବକାରୀ ଆଇନ -୨୦୦୮ ମଦ ବିକ୍ରୟ କେନ୍ଦ୍ର ସ୍ଥାପନ ସମୟ ରେ ସାର୍ବଜନୀନ ସ୍ବାର୍ଥ, ଧାର୍ମିକ ସ୍ଥାନ, ଶିକ୍ଷାନୁଷ୍ଠାନ ଏବଂ ବାସପୋଯୋଗୀ ଅଞ୍ଚଳ ର ସୁରକ୍ଷା ଓ ଶାନ୍ତି କୁ ବିଚାର କରାଯିବା ଆବଶ୍ୟକ l ମାତ୍ର ରାଜସ୍ୱ ସଂଗ୍ରହ ପାଇଁ ଲୋକଙ୍କ ସାମାଜିକ ସୁରକ୍ଷାକୁ ବିପଦରେ ପକାଇବା ଉଚିତ ନୁହେଁ ବୋଲି ସ୍ଥାନୀୟ ଅଞ୍ଚଳ ର ଅଧିବାସୀ ମାନେ କହିଛନ୍ତି।ବିଶେଷ କରି ମହିଳାମାନେ ଏହି ପ୍ରସ୍ତାବକୁ ନେଇ ଅଧିକ ଚିନ୍ତା ପ୍ରକଟ କରିଛନ୍ତି। ସେମାନଙ୍କ କହିବା ଅନୁଯାୟୀ, ମଦ ଦୋକାନ ଖୋଲିବା ପରେ ଘରୋଇ ହିଂସା, ପାରିବାରିକ କଳହ ଏବଂ ସାମାଜିକ ସମସ୍ୟା ବୃଦ୍ଧି ପାଇବାର ଅନେକ ଉଦାହରଣ ରାଜ୍ୟର ଅନ୍ୟାନ୍ୟ ଅଞ୍ଚଳରେ ଦେଖାଯାଇଛି। ଅନ୍ୟପଟେ, ଅଞ୍ଚଳର ଅଭିଭାବକମାନେ ମଧ୍ୟ ନିଜ ଚିନ୍ତା ପ୍ରକାଶ କରିଛନ୍ତି। ସେମାନଙ୍କ ମତରେ, ବିଦ୍ୟାଳୟ ଓ ଶିକ୍ଷାନୁଷ୍ଠାନ ନିକଟରେ ମଦ ଦୋକାନ ରହିଲେ ଛାତ୍ରଛାତ୍ରୀଙ୍କ ମାନସିକ ବିକାଶ ଓ ଶିକ୍ଷା ପରିବେଶ ଉପରେ ଖରାପ ପ୍ରଭାବ ପଡ଼ିପାରେ। ଏହା ସହିତ ମଦ୍ୟପ ଅବସ୍ଥାରେ ଲୋକଙ୍କ ଯାତାୟାତ ଫଳରେ ରାସ୍ତା ସୁରକ୍ଷା ମଧ୍ୟ ପ୍ରଭାବିତ ହେବ। ଦାବିପତ୍ରରେ ଆହୁରି କୁହାଯାଇଛି ଯେ, ମଦ ଦୋକାନ ସ୍ଥାପନ ସମ୍ପର୍କରେ ସ୍ଥାନୀୟ ଲୋକଙ୍କ ମତାମତକୁ ଯଥେଷ୍ଟ ଗୁରୁତ୍ୱ ଦିଆଯାଇନାହିଁ। ଅଞ୍ଚଳବାସୀ ଙ୍କ ଅଭିଯୋଗ ଯେ, ଏହି ପ୍ରସ୍ତାବ ସମ୍ପର୍କରେ ସାଧାରଣ ଲୋକଙ୍କ ସହ କୌଣସି ବ୍ୟାପକ ଆଲୋଚନା କରାଯାଇନଥିଲା। ତେଣୁ ଲୋକତାନ୍ତ୍ରିକ ମୂଲ୍ୟବୋଧକୁ ସମ୍ମାନ ଜଣାଇ ପ୍ରଶାସନ ଲୋକଙ୍କ ଆପତ୍ତିକୁ ଗୁରୁତ୍ୱ ସହ ବିଚାର କରିବା ଆବଶ୍ୟକ।ଏହି ଘଟଣା ବର୍ତ୍ତମାନ ସମଗ୍ର ଅଞ୍ଚଳରେ ଆଲୋଚନାର ବିଷୟ ପାଲଟିଛି। ଗ୍ରାମବାସୀମାନେ ସ୍ପଷ୍ଟ କରିଛନ୍ତି ଯେ, ଯଦି ପ୍ରଶାସନ ସେମାନଙ୍କ ଦାବିକୁ ଅଣଦେଖା କରେ, ତେବେ ସେମାନେ ଆଇନସମ୍ମତ ଏବଂ ଗଣତାନ୍ତ୍ରିକ ଉପାୟରେ ବୃହତ୍ତର ଜନଆନ୍ଦୋଳନ ଆରମ୍ଭ କରିବେ। ଏଥିପାଇଁ ଆବଶ୍ୟକ ପଡ଼ିଲେ ଗଣଧାରଣା, ବିକ୍ଷୋଭ ଏବଂ ଉଚ୍ଚସ୍ତରୀୟ କର୍ତ୍ତୃପକ୍ଷଙ୍କ ହସ୍ତକ୍ଷେପ ଲୋଡ଼ାଯିବ ବୋଲି ଚେତାବନୀ ଦେଇଛନ୍ତି। ବର୍ତ୍ତମାନ ସମସ୍ତଙ୍କ ନଜର ଜିଲ୍ଲା ପ୍ରଶାସନର ନିଷ୍ପତ୍ତି ଉପରେ ରହିଛି। ଜନସ୍ୱାର୍ଥ, ସାମାଜିକ ସୁରକ୍ଷା ଓ ଆଇନ-ଶୃଙ୍ଖଳାକୁ ପ୍ରାଥମିକତା ଦେଇ ପ୍ରଶାସନ କି ପଦକ୍ଷେପ ନେବ, ତାହା ଆଗାମୀ ଦିନରେ ସ୍ପଷ୍ଟ ହେବ। ତେବେ ଅଞ୍ଚଳବାସୀ ଙ୍କ ଏକମାତ୍ର ଦାବି ହେଉଛି—“ ଅଞ୍ଚଳ ର ଶାନ୍ତି ଓ ଭବିଷ୍ୟତକୁ ସୁରକ୍ଷିତ ରଖିବା ପାଇଁ ଦେଶୀ ମଦ ଦୋକାନ ସ୍ଥାପନ ପ୍ରସ୍ତାବକୁ ତୁରନ୍ତ ବାତିଲ କରାଯାଉ।”