Web News

♥️🌹 ସମ୍ଭାବନା 🌹♥️ ନିଜର ବୋଲି ସେ ଦାବି କରେନା କି ପର ବୋଲି ମୋତେ ଭାବେନା.... କେଉଁ ସମ୍ପକର ନା ଦେବି ତାକୁ ଯିଏ ପାଖକୁ ଡାକେନା କି ଦୂର କୁ ଠେଲେନା.....(୧) ମୋ ଆଖିରେ ଲୁହ ସେ ଦେଖି ପାରେନା ହେଲେ ନିଜ ହାତରେ ପୋଛି ଦିଏନା..... ବ୍ୟାକୁଳତା ମୋର ସବୁ ସେ ଜାଣି ହେଲେ ମନର ନିରବତା କେବେ ଭାଙ୍ଗେନା.....(୨) ସମୁଦ୍ରରେ ଭାସିଭାସି ନିଜେ ଦୁଃଖ ପାଏ ହେଲେ ମନର ନିରବତା ବୁଝିପାରେ ନା..... ମୋ ପାଇଁ ସେ ସାରା ଜଗତ ସାଜିଛି ହେଲେ ମୋତେ ନିଜ ସଂସାର କେବେ କରେନା....(୩) ଚାଲୁ ଚାଲୁ ବାଟେ ଅଟକି ସେ ଯାଏ ହେଲେ ସାଥିହୋଇ ପାଦ ମିଶାଏନା.... ପଛକୁ ଚାହିଁ ସେ ସ୍କିତହାସ୍ୟ ଦିଏ ହେଲେ ଅପେକ୍ଷା କରି ସେ ରହେନା....(୪) ମୋ ପ୍ରଶ୍ନର ସବୁ ଉତ୍ତର ସେ ଜଣେ ହେଲେ ଓଠ ଖୋଲି କିଛି କୁହେ ନା...... ଛାଇପରି ସଦା ସାଥିରେ ସେ ଯାଏ ହେଲେ ଅନ୍ଧାର ହେଲେ ସେ ଦେଖା ଦିଏନା....(୫) ମୋ କାନ୍ଧରେ ମଥା ରଖିବାକୁ ଚାହେଁ ହେଲେ ମୋତେ ନିଜ ଆଶ୍ରୟ ସେ ଭାବେ ନା... ମୋ ସ୍ବପ୍ନର ସେ ରାଜକୁମାର ଭାବେ ହେଲେ ମୋ ସ୍ବପ୍ନ କୁ ସେ ସତ କରେନା........ (୬) ସେ ମୋତେ ହରାଇବାକୁ ଭୟ କରେ ହେଲେ ମୋ ପାଖରେ ରହିବାକୁ ଜିଦ୍ କରେନା.... ମୋ ଅଭିମନ ସବୁ ସେ ସହିଯାଏ ହେଲେ ନିଜେ କେବେ ଅଭିମାନ କରେନା... (୭) ମୋ କଥାରେ ହଜି ଯାଏ ସତ ହେଲେ ନିଜ ମନ କଥା କେବେ ଖୋଲି କୁହେନା.... ମୋତେ ଚାହିଁଲା ପରେ ସେ ନିଃଶ୍ବାସ ନିଏ ହେଲେ ମୋ ପାଇଁ କେବେ ସେ ଯିଏନା...... (୮) ସେ ମୋ ଆକାଶରେ ପୂର୍ଣ୍ଣମୀ ଜହ୍ନ ମୋ ଅଗଣାରେ କେବେ ଜ୍ୟୋସ୍ନା ବିଛାଏନା..... ମୋ ପୃଥିବୀର ସେ ସୁନ୍ଦର ରୂତୁ ହେଲେ ମୋ ବଗିଚାରେ କେବେ ଫୁଲ ଫୁଟାଏନା.......(୯) ଶେଷରେ ସେ ଏମିତି ବହି ସାଜିଛି ଯାହାର ପ୍ରତି ପୃଷ୍ଠାରେ କେବଳ ମୁଁ ଅଛି...... ହେଲେ ସେ ବହିର ଶେଷ ସଂପୂର୍ଣ୍ଣ କରିବାକୁ ସେ କେବେ କଲମ ଉଠାଏନା.....(୧୦) 🌹 ଲିଲିପ୍ତା ପରିଡ଼ା 🌹

ଦାନଗଦି ବ୍ଲକ ଯଖପୁରା ଅଞ୍ଚଳରେ ଜେଏସଡବ୍ଲୁ ପାଇପଲାଇନ୍ ପ୍ରକଳ୍ପର କାମକୁ ନେଇ ପରିବେଶ ସୁରକ୍ଷା ଏବଂ ଚାଷୀଙ୍କ ସ୍ୱାର୍ଥ ଉପରେ ଗୁରୁତର ପ୍ରଶ୍ନ ଉଠିଛି। ପାଇପଲାଇନ୍ ବିଛାଇବା ନାଁରେ ରାସ୍ତାକଡ଼ର ଗଛଲତା ନଷ୍ଟ, କୃଷିଜମିର ମାଟି ଖୋଳିବା ଏବଂ ଦୀର୍ଘଦିନର ଜଳପଥର ପ୍ରାକୃତିକ ପରିବେଶକୁ କ୍ଷତି ପହଞ୍ଚାଯାଉଥିବା ନେଇ ସ୍ଥାନୀୟ ବୁଦ୍ଧିଜୀବୀ, ଚାଷୀ ଓ ସାଧାରଣ ଲୋକଙ୍କ ମଧ୍ୟରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି।ସୂଚନାନୁସାରେ, ଜେଏସଡବ୍ଲୁ ପକ୍ଷରୁ ବଡ଼ବିଲ ଅଞ୍ଚଳରୁ ପାରାଦୀପ ଅଭିମୁଖେ ଲୁହାପଥର ପରିବହନ ପାଇଁ ପାଇପଲାଇନ୍ ବିଛାଯାଉଥିବାବେଳେ କେଇସି କଣ୍ଟ୍ରାକ୍ଟର ଦ୍ୱାରା ଯଖପୁରା ଅଞ୍ଚଳରେ ନିର୍ମାଣ କାମ ଚାଲିଛି। ତେବେ କାମ ସମୟରେ ପରିବେଶ ଓ କୃଷିଜମିର ସୁରକ୍ଷା ପାଇଁ ଆବଶ୍ୟକ ସତର୍କତା ନିଆଯାଉନଥିବା ଅଭିଯୋଗ ହୋଇଛି। ସ୍ଥାନୀୟଙ୍କ କହିବା ଅନୁଯାୟୀ, ପାଇପଲାଇନ୍ କାମ ପାଇଁ ଭାରୀ ମେସିନ ବ୍ୟବହାର କରାଯାଇ ରାସ୍ତାକଡ଼ର ଛୋଟବଡ଼ ଗଛ ଓ ବନସ୍ପତି କ୍ଷତିଗ୍ରସ୍ତ କରାଯାଉଛି। ଏପରିକି କେତେକ ସ୍ଥାନରେ ଗଛ କାଟିବା କିମ୍ବା ହଟାଇବା ପାଇଁ ଆବଶ୍ୟକ ଅନୁମତି ନିଆଯାଇଛି କି ନାହିଁ, ତାହା ନେଇ ମଧ୍ୟ ବଡ଼ ପ୍ରଶ୍ନ ଉଠିଛି। ପାଇପ୍ ବିଛାଇବା ପାଇଁ ମାଟି ଖୋଳାଯିବାରୁ କୃଷିଜମିର ଉପରିଭାଗର ଉର୍ବର ମାଟି ନଷ୍ଟ ହେବା ସହ ଚାଷଜମିର ସ୍ୱାଭାବିକ ଗଠନ ପ୍ରଭାବିତ ହେଉଥିବା ଚାଷୀମାନେ କ୍ଷୋଭ ପ୍ରକାଶ କରିଛନ୍ତି। କାମ ଶେଷ ପରେ ଜମିକୁ ପୂର୍ବାବସ୍ଥାକୁ ଫେରାଇଦେବା ଏବଂ ଜଳ ନିଷ୍କାସନ ବ୍ୟବସ୍ଥା ସ୍ୱାଭାବିକ କରିବା ନେଇ ମଧ୍ୟ ସ୍ପଷ୍ଟ ବ୍ୟବସ୍ଥା ଆବଶ୍ୟକ ବୋଲି ଦାବି ହୋଇଛି।ଯଖପୁରା ଗାଁର ଉତ୍ତର ପାର୍ଶ୍ୱରେ ଥିବା ବହୁ ପୁରାତନ କୁସୁମ ଖାଲ ଏହି ଅଞ୍ଚଳର ପ୍ରାକୃତିକ ଜଳପଥ ସହ ଗାଁର ଇତିହାସ ଓ ଜୀବନଧାରାର ଏକ ଅଭିଚ୍ଛେଦ୍ୟ ଅଂଶ। ଏହି ଖାଲ ଦେଇ ପ୍ରବାହିତ ଜଳ ଉପରେ ଅନେକ ଚାଷୀଙ୍କ କୃଷିକାର୍ଯ୍ୟ ସିଧାସଳଖ ନିର୍ଭର କରିଥାଏ। କିନ୍ତୁ ପାଇପଲାଇନ୍ କାମ ଯୋଗୁଁ ଖାଲର ପାର୍ଶ୍ୱବର୍ତ୍ତୀ ଅଞ୍ଚଳରେ ବ୍ୟାପକ ମାଟି ଖୋଳାଯାଇଥିବା ଏବଂ ଗଛଲତା ଓ ପ୍ରାକୃତିକ ଆବରଣ ନଷ୍ଟ ହୋଇଥିବା ଅଭିଯୋଗ ହୋଇଛି। ଏହା ଫଳରେ ଖାଲର ସ୍ୱାଭାବିକ ଜଳପ୍ରବାହ ବାଧାପ୍ରାପ୍ତ ହେଲେ ଆଗାମୀ ଦିନରେ ଚାଷୀମାନେ ଭୟଙ୍କର ଜଳ ସଙ୍କଟର ସମ୍ମୁଖୀନ ହେବାର ଆଶଙ୍କା ରହିଛି। କୁସୁମ ଖାଲ କେବଳ ଚାଷୀଙ୍କ ଜଳ ଆବଶ୍ୟକତା ପୂରଣ କରେନାହିଁ, ଏହା ସ୍ଥାନୀୟ ଜଳଚର ଓ ବିଭିନ୍ନ ଜୀବଜନ୍ତୁଙ୍କ ପ୍ରାକୃତିକ ଆବାସ ମଧ୍ୟ ଅଟେ। ଖାଲର ପାର୍ଶ୍ୱରେ ଥିବା ଗଛଲତା ଓ ଜଳାଶୟ ଅଞ୍ଚଳ ନଷ୍ଟ ହେବାରୁ ଏହି ଜୈବବିବିଧତା ପ୍ରଭାବିତ ହେଉଥିବା ନେଇ ପରିବେଶପ୍ରେମୀମାନେ ଗଭୀର ଚିନ୍ତା ପ୍ରକାଶ କରିଛନ୍ତି।ପାଇପଲାଇନ୍ ପାଇଁ ଗଛ କାଟିବା, କୃଷିଜମି ଖୋଳିବା ଏବଂ ଜଳପଥ ଅତିକ୍ରମ କରିବା ସମ୍ପର୍କରେ ସମ୍ପୃକ୍ତ କର୍ତ୍ତୃପକ୍ଷ କେଉଁ କେଉଁ ଅନୁମତି ନିଆଯାଇଛି ତାହା ସାର୍ବଜନୀନ କରାଯାଉ, ପ୍ରକଳ୍ପ କାର୍ଯ୍ୟରେ ଯେତେ ଗଛ କଟାଯାଇଛି କିମ୍ବା ନଷ୍ଟ ହୋଇଛି ତାହାର ଗଣନା କରାଯାଇ ପ୍ରତ୍ୟେକ ଗଛ ବଦଳରେ ଅତିକମରେ ୧୦ଟି ଚାରା ରୋପଣ କରାଯାଉ ଏବଂ ସେଗୁଡ଼ିକର ରକ୍ଷଣାବେକ୍ଷଣ ଦାୟିତ୍ୱ ସଂସ୍ଥା ନେଉ, କୁସୁମ ଖାଲର ପୂର୍ବତନ ଜଳପ୍ରବାହ ପୁନଃସ୍ଥାପନ, ନଷ୍ଟ ଜଳାଶୟ ପାର୍ଶ୍ୱର ସୁରକ୍ଷା ଏବଂ ଚାଷଜମିକୁ ପୂର୍ବାବସ୍ଥାକୁ ଫେରାଇବା ପାଇଁ ତୁରନ୍ତ ପଦକ୍ଷେପ ନିଆଯାଉ ବୋଲି ଜନସାଧାରଣରେ ଦାବି ହେଉଛି।ଶିଳ୍ପ ଆବଶ୍ୟକ, ବିକାଶ ମଧ୍ୟ ଅପରିହାର୍ଯ୍ୟ; କିନ୍ତୁ ବିକାଶର ମୂଲ୍ୟ ଯଦି ପ୍ରକୃତି, ଚାଷଜମି ଓ ଗାଁର ପାରମ୍ପରିକ ଜଳପଥ ଧ୍ୱଂସ କରି ଆସେ, ତେବେ ତାହାକୁ କଦାପି ସୁସ୍ଥାୟୀ ବିକାଶ କୁହାଯାଇପାରିବ ନାହିଁ ବୋଲି ବୁଦ୍ଧିଜୀବୀ ମହଲରେ ମତ ପ୍ରକାଶ ପାଇଛି। ପ୍ରଶାସନ ତୁରନ୍ତ ଘଟଣାସ୍ଥଳ ପରିଦର୍ଶନ କରି ନିରପେକ୍ଷ ତଦନ୍ତ କରୁ ଏବଂ ନିୟମ ଉଲ୍ଲଂଘନ ପ୍ରମାଣିତ ହେଲେ ଦାୟୀ ସଂସ୍ଥା ବିରୋଧରେ ଦୃଢ଼ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରୁ। ଯଦି ଏ ଦିଗରେ ଦୃଢ଼ ପଦକ୍ଷେପ ନ ନିଆଯାଏ, ତେବେ ଆଗାମୀ ଦିନରେ ଜନଆନ୍ଦୋଳନ ତୀବ୍ରତର ହେବ ବୋଲି ସ୍ଥାନୀୟ ମହଲରୁ ଚେତାବନୀ ଦିଆଯାଇଛି।ଯଖପୁରାର ମାଟି, ଜଳ ଓ ସବୁଜିମା ବିକାଶର ବଳି ନ ହେଉ, ଏହା ଉପରେ ପ୍ରଶାସନ କେତେ ତତ୍ପର ତାହା ସମୟ କହିବ।

ଖୋର୍ଦ୍ଧା: ବେଗୁନିଆ ବ୍ଲକ ଅନ୍ତର୍ଗତ ଶୀମୋରଠାରେ ‘ପ୍ରଜାପିତା ବ୍ରହ୍ମାକୁମାରୀ ଇଶ୍ୱରୀୟ ବିଶ୍ୱବିଦ୍ୟାଳୟ’ର ନୂତନ ସେବାକେନ୍ଦ୍ର ଉଦଘାଟିତ ହୋଇଛି। ଏହି ନୂତନ ସେବାକେନ୍ଦ୍ର ଉଦଘାଟନ କାର୍ଯ୍ୟକ୍ରମରେ ଯୋଗଦେଇ ଉଦଘାଟନ କରିବାର ସୌଭାଗ୍ୟ ମିଳିଥିବା ନେଇ ଆୟୋଜକମାନେ ଖୁସି ପ୍ରକାଶ କରିଛନ୍ତି।ନୂତନ ସେବାକେନ୍ଦ୍ର ମାଧ୍ୟମରେ ଅଞ୍ଚଳରେ ଆଧ୍ୟାତ୍ମିକତା, ଶାନ୍ତି, ସଦ୍‌ଭାବନା ଓ ସକାରାତ୍ମକ ଚିନ୍ତାଧାରାର ପ୍ରସାର ହୋଇପାରିବ ବୋଲି ଆଶା ପ୍ରକାଶ କରାଯାଇଛି। ମାନସିକ ଶାନ୍ତି ଓ ଆଧ୍ୟାତ୍ମିକ ଚେତନା ବିକାଶରେ ଏହି କେନ୍ଦ୍ର ଏକ ଗୁରୁତ୍ୱପୂର୍ଣ୍ଣ ମାଧ୍ୟମ ହେବ ବୋଲି ଉପସ୍ଥିତ ବ୍ୟକ୍ତିମାନେ କହିଥିଲେ। ଏହି ଶୁଭ ଅବସରରେ ବ୍ରହ୍ମାକୁମାରୀ ଭାଇ-ଭଉଣୀଙ୍କ ସମେତ ସ୍ଥାନୀୟ ଜନସାଧାରଣ ବହୁ ସଂଖ୍ୟାରେ ଯୋଗଦେଇଥିଲେ। ସେମାନଙ୍କର ଉପସ୍ଥିତି ଓ ସହଯୋଗ ପାଇଁ ଆୟୋଜକଙ୍କ ପକ୍ଷରୁ କୃତଜ୍ଞତା ଜଣାଯାଇଥିଲା।

ବଅଁରପାଳ: ବଅଁରପାଳ ପାଞ୍ଚଗଡ଼ ବିଜୟ କୁମାର ଉଚ୍ଚ ବିଦ୍ୟାଳୟ ପରିସରରେ ଜିଲ୍ଲା ପ୍ରଶାସନ ପକ୍ଷରୁ ‘ଭିନ୍ନକ୍ଷମ ସାମର୍ଥ୍ୟ ଅଭିଯାନ–୨୦୨୭’ର ପ୍ରଥମ ପର୍ଯ୍ୟାୟ ଚିହ୍ନଟ ଶିବିର ଅନୁଷ୍ଠିତ ହୋଇଛି। ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ବିଭାଗ ଏବଂ ବଅଁରପାଳ ପଞ୍ଚାୟତ ସମିତିର ମିଳିତ ଆୟୋଜନରେ ହୋଇଥିବା ଏହି ଶିବିରରେ ବିଭିନ୍ନ ପଞ୍ଚାୟତରୁ ଆସିଥିବା ଭିନ୍ନକ୍ଷମଙ୍କର ସ୍ୱାସ୍ଥ୍ୟ ଓ ଭିନ୍ନକ୍ଷମତା ଯାଞ୍ଚ କରାଯାଇଥିଲା। ଭିନ୍ନକ୍ଷମ ପ୍ରମାଣପତ୍ର ପାଇଁ ଆବେଦନ ସହ ହୁଇଲ୍‌ଚେୟାର, ତ୍ରିଚକ୍ର ଯାନ, ଶ୍ରବଣ ଯନ୍ତ୍ର ଓ ଅନ୍ୟାନ୍ୟ ସହାୟକ ଉପକରଣ ପାଇଁ ଆବଶ୍ୟକ ଯାଞ୍ଚ ମଧ୍ୟ କରାଯାଇଥିଲା। ଶିବିରରେ ବହୁ ସଂଖ୍ୟକ ଭିନ୍ନକ୍ଷମ ଉପକୃତ ହୋଇଥିବାବେଳେ, ଏଭଳି ଅଭିଯାନ ସେମାନଙ୍କୁ ସରକାରୀ ଯୋଜନାର ସୁଫଳ ପହଞ୍ଚାଇବା ସହ ସମାଜର ମୁଖ୍ୟସ୍ରୋତରେ ସାମିଲ କରିବାରେ ସହାୟକ ହେବ ବୋଲି ଉପସ୍ଥିତ ଅତିଥିମାନେ କହିଛନ୍ତି।

ଅନୁଗୋଳ: ଅନୁଗୋଳ ବିଧାନସଭା ଅନ୍ତର୍ଗତ ଖଲାରୀ ପଞ୍ଚାୟତର ଖମାରଠାରେ ୨ କୋଟି ୪୩ ଲକ୍ଷ ଟଙ୍କା ବ୍ୟୟରେ ନିର୍ମିତ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟର ନୂତନ ଗୃହ ଉଦ୍‌ଘାଟିତ ହୋଇଛି। ଅନୁଗୋଳ ବିଧାୟକ ପ୍ରତାପ ଚନ୍ଦ୍ର ପ୍ରଧାନ ମୁଖ୍ୟଅତିଥି ଭାବେ ଯୋଗଦେଇ ନୂତନ ଗୃହର ଉଦ୍‌ଘାଟନ କରିଥିଲେ। ନୂଆ ଭିତ୍ତିଭୂମି ଦ୍ୱାରା ଛାତ୍ରଛାତ୍ରୀଙ୍କ ପାଠପଢ଼ା ପାଇଁ ଉନ୍ନତ ଓ ସୁବିଧାଜନକ ପରିବେଶ ସୃଷ୍ଟି ହେବ ବୋଲି ଆଶା ପ୍ରକାଶ ପାଇଛି। କାର୍ଯ୍ୟକ୍ରମରେ ଶିକ୍ଷା ବିଭାଗର ଅଧିକାରୀ, ଖଲାରୀ ସରପଞ୍ଚ, ସମିତି ସଭ୍ୟ, ଜନପ୍ରତିନିଧି, ଶିକ୍ଷକ-ଶିକ୍ଷୟିତ୍ରୀ ଓ ଛାତ୍ରଛାତ୍ରୀଙ୍କ ସମେତ ବହୁ ଅତିଥି ଉପସ୍ଥିତ ଥିଲେ।

ତାଳଚେର: ପୂଜ୍ୟ ସ୍ୱାମୀ ବେଦାନ୍ତ କେଶରୀ ଲକ୍ଷ୍ମଣାନନ୍ଦ ସରସ୍ୱତୀଙ୍କ ପବିତ୍ର ଜନ୍ମସ୍ଥାନ ଗୁରୁଜାଙ୍ଗ ଗ୍ରାମରେ ଓଡ଼ିଶାର ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀଙ୍କୁ ଭବ୍ୟ ସ୍ୱାଗତ ଜଣାଯାଇଛି। ମୁଖ୍ୟମନ୍ତ୍ରୀଙ୍କ ଗୁରୁଜାଙ୍ଗ ଗସ୍ତ ଅବସରରେ ବିଧାୟକ ଶ୍ରୀ ଅଶୋକ ମହାନ୍ତିଙ୍କ ସମେତ ସ୍ଥାନୀୟ ଜନପ୍ରତିନିଧି, ଦଳୀୟ କର୍ମକର୍ତ୍ତା ଓ ବହୁ ସଂଖ୍ୟକ ଅଞ୍ଚଳବାସୀ ଉପସ୍ଥିତ ରହି ତାଙ୍କୁ ସ୍ୱାଗତ କରିଥିଲେ। ଏହାକୁ ନେଇ ଗ୍ରାମରେ ଉତ୍ସାହ ଓ ଆନନ୍ଦର ପରିବେଶ ସୃଷ୍ଟି ହୋଇଥିଲା। ସ୍ୱାମୀ ଲକ୍ଷ୍ମଣାନନ୍ଦ ସରସ୍ୱତୀଙ୍କ ପବିତ୍ର ଜନ୍ମମାଟିରେ ମୁଖ୍ୟମନ୍ତ୍ରୀଙ୍କ ଆଗମନକୁ ନେଇ ଅଞ୍ଚଳବାସୀଙ୍କ ମଧ୍ୟରେ ବିଶେଷ ଉତ୍ସାହ ପରିଲକ୍ଷିତ ହୋଇଥିଲା। ଏହି ଅବସରରେ ଅଞ୍ଚଳର ବିକାଶ, ଜନସାଧାରଣଙ୍କ ସମସ୍ୟା ଓ ବିଭିନ୍ନ ଜନକଲ୍ୟାଣମୂଳକ ଆଶା-ଆକାଂକ୍ଷା ସମ୍ପର୍କରେ ମୁଖ୍ୟମନ୍ତ୍ରୀଙ୍କ ନିକଟରେ ଅବଗତ କରାଯାଇଥିଲା।

ଭଦ୍ରକ ଜିଲ୍ଲା ଧାମନଗର ବ୍ଲକ ବାୟାଙ୍ଗଡିହ ପଞ୍ଚାୟତ ଅଞ୍ଚଳରେ ବନ୍ୟା ପରିସ୍ଥିତିରେ ଜଣେ ଯବାନଙ୍କ ମାନବିକତା ଏବେ ଚର୍ଚ୍ଚାର ବିଷୟ ପାଲଟିଛି। ଦେଶର ସୁରକ୍ଷା ଦାୟିତ୍ୱ ତୁଲାଉଥିବା ଏହି ଯବାନ ନିଜ ଅଞ୍ଚଳର ବନ୍ୟାପୀଡ଼ିତ ଲୋକଙ୍କ ସହାୟତା ପାଇଁ ପାଣି ଭିତରକୁ ପଶି ଆଗେଇ ଆସିଛନ୍ତି। ବନ୍ୟାଜଳ ମଧ୍ୟରେ ପହଞ୍ଚି ଗରିବ ଓ ଅସହାୟ ପରିବାରଗୁଡ଼ିକୁ ଚୁଡ଼ା, ମୁଢ଼ି, ଗୁଡ଼, ପାଲ ସମେତ ବିଭିନ୍ନ ଆବଶ୍ୟକୀୟ ସାମଗ୍ରୀ ବଣ୍ଟନ କରିଛନ୍ତି। ତାଙ୍କ ଏହି ମାନବିକ ପ୍ରୟାସ ବିପଦ ସମୟରେ ଲୋକଙ୍କ ମନରେ ଆଶା ଓ ସାହସ ଭରିଦେଇଛି। ଦେଶ ସେବା ସହ ନିଜ ମାଟିର ଲୋକଙ୍କ ପ୍ରତି ଏଭଳି ସେବା ଓ ସମର୍ପଣ ପାଇଁ ଅଞ୍ଚଳବାସୀଙ୍କ ପକ୍ଷରୁ ଯବାନଙ୍କୁ ଅନେକ ଅନେକ ସାଧୁବାଦ। 🇮🇳🙏 “ବର୍ଦ୍ଦିରେ ଦେଶସେବା, ବନ୍ୟାରେ ମାନବସେବା—ଏହି ହେଉଛି ପ୍ରକୃତ ଯବାନଙ୍କ ପରିଚୟ।”

ବିଜେପୁର :ପଦ୍ମପୁର ରାସ୍ତାର ପହଣ୍ଡି ଗ୍ରାମ ନିକଟରେ ଗୁରୁବାର ସନ୍ଧ୍ୟାରେ ଏକ ଲୁଟ୍‌ ଓ ଆକ୍ରମଣ ଘଟଣାକୁ ନେଇ ଚାଞ୍ଚଲ୍ୟ ସୃଷ୍ଟି ହୋଇଛି। ତିନିଜଣ ଦୁର୍ବୃତ୍ତ ବାଇକ୍‌ରେ ଆସି ରାସ୍ତା ପଚାରିବା ବାହାନାରେ ମହିଳାଙ୍କଠାରୁ ସୁନା ଗହଣା ଲୁଟ୍‌ କରିବା ସହ ଭୁଜାଲି ଦେଖାଇ ଆକ୍ରମଣ କରିଥିବା ଅଭିଯୋଗ ହୋଇଛି।ଅଭିଯୋଗ ଅନୁସାରେ, ଦୁର୍ବୃତ୍ତମାନେ ପଦ୍ମପୁର ଯିବା ରାସ୍ତା ପଚାରିବା ପରେ ଜଣେ ମହିଳାଙ୍କ ଶାଢ଼ୀ ଟାଣିଥିଲେ। ପରେ ଭୁଜାଲି ଦେଖାଇ ସୁନା ଗହଣା ଲୁଟି ନେଇଥିବା ଅଭିଯୋଗ ହୋଇଛି।ଲୁଟ୍‌କୁ ପ୍ରତିବାଦ କରିବାରୁ ଦୁର୍ବୃତ୍ତମାନେ ଭୁଜାଲିରେ ଆକ୍ରମଣ କରିଥିବା ଜଣାପଡ଼ିଛି।ଘଟଣାରେ ୩ ଜଣ ଆହତ ହୋଇଥିବାବେଳେ, ସେମାନଙ୍କ ମଧ୍ୟରେ ୨ ଜଣ ମହିଳା ଅଛନ୍ତି।ଆହତମାନେ ଝିର୍ଲି ଗ୍ରାମର ବୋଲି ପ୍ରାଥମିକ ସୂଚନା ମିଳିଛି। ସ୍ଥାନୀୟ ଲୋକଙ୍କ ସହାୟତାରେ ଆହତମାନଙ୍କୁ ବିଜେପୁର ହସ୍ପିଟାଲକୁ ନିଆଯାଇଥିବାବେଳେ ସେଠାରେ ଚିକିତ୍ସା ଚାଲିଛି।ଏ ସମ୍ପର୍କରେ ବିଜେପୁର ଥାନା ଅଧିକାରୀ ସୁଶାନ୍ତ ମଣି ମହାନ୍ତିଙ୍କ ସହ ଯୋଗାଯୋଗ କରିବାରୁ, ଘଟଣାର ଛାନ୍‌ଭିନ୍‌ ଚାଲିଥିବା ସେ ସୂଚନା ଦେଇଛନ୍ତି। ପ୍ରାଥମିକ ସୂଚନା ଅନୁସାରେ, ସନ୍ଧ୍ୟା ପ୍ରାୟ ୭ଟାରୁ ୮ଟା ମଧ୍ୟରେ ଏହି ଘଟଣା ଘଟିଥିବା ଥାନା ଅଧିକାରୀ କହିଛନ୍ତି।ତେବେ କେତେ ପରିମାଣର ସୁନା ଲୁଟ୍‌ ହୋଇଛି ଏବଂ ଘଟଣାରେ ସମ୍ପୃକ୍ତ ଦୁର୍ବୃତ୍ତମାନେ କିଏ, ସେନେଇ ପୋଲିସ ପକ୍ଷରୁ ତଦନ୍ତ ଜାରି ରହିଛି। ଘଟଣା ପରେ ପହଣ୍ଡି ଓ ଏହାର ଆଖପାଖ ଅଞ୍ଚଳରେ ଭୟର ବାତାବରଣ ସୃଷ୍ଟି ହୋଇଛି।

Sinapali, August 21: The rural children’s park at Bhuaruamunda village under Sinapali Block in Nuapada district is now lying in a state of neglect. Located in front of the Gram Panchayat office, the park has gradually lost its charm and has turned almost into a jungle due to the lack of regular maintenance. The park was developed to provide children with a safe and enjoyable place for playing and recreation. However, the absence of regular cleaning has allowed weeds, wild grass and unwanted plants to grow extensively across the premises. As a result, children are finding it difficult to enter the park, let alone use it for playing. According to local residents, the park is an important recreational space for children in the village. If properly maintained, it could also serve as a pleasant place for adults to spend time during the morning and evening. However, due to prolonged neglect, the condition of the park has been deteriorating day by day. Residents have urged the authorities to immediately clear the overgrown vegetation and garbage, inspect the play equipment and carry out necessary repairs. They have also demanded a system for regular cleaning and maintenance of the park. As the neglected children’s park is located right in front of the Gram Panchayat office, locals have expressed concern over the lack of attention to its condition. They have appealed to the concerned department and Gram Panchayat to take immediate steps to clean, beautify and restore the park so that children and residents can once again make proper use of the facility.

କଳାହାଣ୍ଡି, କୋକସରା ୨୦/୦୮: କଳାହାଣ୍ଡି ଜିଲ୍ଲା, କୋକସରା ବ୍ଲକ, ଖୁଣ୍ଟିଆ ଓ ମିର୍ଜାପୁର ରାସ୍ତାରେ ପଡ଼ୁଥିବା ଦୁର୍ବଳ ପୋଲ ସମସ୍ୟାକୁ ନେଇ କଳିଙ୍ଗ ୨୪ ନିଉଜ୍ ରେ ଖବର ପ୍ରସାରଣ କଲା ପରେ ତତ୍ପରତା ଦେଖାଇ ବାଇପାସ୍ ରାସ୍ତା ନିର୍ମାଣ କାର୍ଯ୍ୟ ଆରମ୍ଭ କରିଛି କେନାଲ ବିଭାଗ। ସୂଚନା ଅନୁସାରେ ଉକ୍ତ ଦୁର୍ବଳ ପୋଲ ଯୋଗୁଁ କେନାଲ ବିଭାଗ ପକ୍ଷରୁ ରାସ୍ତାକୁ ବନ୍ଦ କରାଯିବା ଫଳରେ ଗାଁ ତଥା ଅଞ୍ଚଳର ଲୋକେ,ଛାତ୍ରଛାତ୍ରୀ ଯିବା ଆସିବାରେ ଘୋର୍ ସମସ୍ୟାର ସମ୍ମୁଖୀନ ହେଉଥିଲେ। କେନାଲ ରାସ୍ତାରେ ସମସ୍ତଙ୍କୁ ଦୁଇ କିମି ବୁଲି ବିଜୁ ଏକ୍ସପ୍ରେସ ୱେ ଦେଇ ସମସ୍ତଙ୍କୁ ଯିବାକୁ ପଡୁଥିଲା। ଉକ୍ତ କେନାଲ ରାସ୍ତା ମଧ୍ଯ ବର୍ଷା ପାଣି କାଦୁଅରେ ପଚ୍ ପଚ୍ କରୁ ଥିବାରୁ ସମସ୍ତେ ଅନେକ ସମସ୍ୟା ଭୋଗୁଥିବା ବେଳେ ଗାଡ଼ି ମଟର ମଧ୍ଯ ରାସ୍ତାରେ ଫସିକି ରହି ଯାଉଥିଲା। ଏହି ସମସ୍ୟାକୁ ନେଇ ସ୍ଥାନୀୟ ସାମ୍ବାଦିକ ରୁପେନ୍ଦ୍ର ସୁନାନୀ ଦୁଇ ଦିନ ତଳେ କଳିଙ୍ଗ ୨୪ ନିଉଜ୍ ରେ ଖବର ପ୍ରସାରଣ କରିଥିଲେ। ଖବର ପ୍ରସାରଣ ହେବାର ଦିନକ ପରେ ଅପର ଇନ୍ଦ୍ରାବତୀ ବାମ କେନାଲ ବିଭାଗ ପକ୍ଷରୁ ତତ୍ପରତା ପ୍ରକାଶ କରି ବାଇ ପାସ୍ ରାସ୍ତା ନିର୍ମାଣ କାର୍ଯ୍ୟ ଆରମ୍ଭ କରିଛନ୍ତି। ଫଳରେ ବାଇ ପାସ୍ ରାସ୍ତା ନିର୍ମାଣ ହେଲେ ଯାହା ହେଲେ ବି ଗାଁ ତଥା ଅଞ୍ଚଳର ଲୋକ, ଛାତ୍ରଛାତ୍ରୀମାନଙ୍କ ପାଇଁ କିଛି ଟା ସମସ୍ୟାର ସମାଧାନ ହେବ ବୋଲି ଆଶା ପ୍ରକାଶ କରିବା ସହ କେନାଲ ବିଭାଗକୁ ମଧ୍ୟ ଧନ୍ୟବାଦ୍ ଜଣାଇଛନ୍ତି। ତତ୍ ସହିତ ପୁନର୍ବାର ଟେଣ୍ଡର ପ୍ରକ୍ରିୟା ଆରମ୍ଭ କରି ଦୁର୍ବଳ ପୋଲକୁ ଭାଙ୍ଗି ନୂତନ ପୋଲ ନିର୍ମାଣ କରିବାକୁ ମଧ୍ୟ ସମସ୍ତଙ୍କ ଦାବୀ ହେଉଛି।

ଗୋଷ୍ଠୀ ଉନ୍ନୟନ ଅଧିକାରୀଙ୍କ ଅଧ୍ୟକ୍ଷତାରେ ସମନ୍ୱିତ ଶିଶୁ ବିକାଶ ଯୋଜନା ମାଧ୍ୟମରେ ଶିଶୁ ବିକାଶ ଯୋଜନା ଅଧିକାରୀ ମଞ୍ଜୁଲତା ନାୟକଙ୍କ ତତ୍ତ୍ୱାବଧାନରେ ଜଟଣୀ ବ୍ଲକସ୍ଥ ମିଶନ ଶକ୍ତି ପରିସରରେ "ବେଟି ବଚାଓ ଓ ବେଟି ପଢ଼ାଓ " କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଉକ୍ତ କାର୍ଯୟକ୍ରମରେ ସମସ୍ତ ବିଭାଗ ତଥ ଶିକ୍ଷା ,ସ୍ୱାସ୍ଥ୍ୟ ,ପଞ୍ଚାୟତ ସମିତି,ପୋଲିସ ସୁରକ୍ଷା ବିଭାଗ ତରଫରୁ ଗ୍ରହଣ ଗୋଷ୍ଠୀ ଉନ୍ନୟନ ଅଧିକାରୀ ସଲିଳ କୁମାର ଦାସ,ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ପୂର୍ଣ୍ଣ ଚନ୍ଦ୍ର ବେହେରା,ପି. ଏଚ.ଓ ଶାନ୍ତିଲତା ଦେଇ,ଜିଲ୍ଲା ସଂଯୋଜକ ସୁମିତା ମହାନ୍ତି ଓ ଶଶି ଭୂଷଣ ନାୟକ ଉପସ୍ଥିତ ରହି ଏହି କାର୍ଯୟକ୍ରମକୁ ତ୍ୱରାନ୍ୱିତ କରିଥିଲେ।ଏହି କାର୍ଯୟକ୍ରମରେ ସମସ୍ତପରିଦରଶୀକା,ଅଙ୍ଗନବାଡି କର୍ମୀ,ସ୍ୱୟଂ ସହାୟିକା ଗୋଷ୍ଠୀ,ସି.ଆର.ସି.ସି ଓ କିଶୋରୀ ବାଳିକା ମାନେ ଉପସ୍ଥିତ ଥିଲେ।ଏହି ପରିପ୍ରେକ୍ଷୀରେ ମେଧାବୀ କିଶୋରୀ ମମତାହାନା ଯୁକୃଫୁଙ୍କୁ ସମ୍ବର୍ଦ୍ଧିତ କରାଯାଇଥିଲା।ସମସ୍ତ କାର୍ଯ୍ୟକ୍ରମକୁ ସଂଯୋଜନା କରିଥିଲେ ସି.ଆର.ସି.ସି ଡ. ରଶ୍ମିତା ନାୟକ।ପରିଶେଷରେ ଧନ୍ୟବାଦ ଅର୍ପଣ କରିଥିଲେ ଲକ୍ଷ୍ମୀ ପ୍ରିୟା ସାହୁ ।

ଖୋର୍ଦ୍ଧା-: ବୋଲଗଡ ଗୋଷ୍ଠୀ ଶିକ୍ଷା ମଣ୍ଡଳ ଅଧୀନ ମୁଗମଣ୍ଡା ଦେବଗୁରୁ ଆଦର୍ଶ ବିଦ୍ୟାଳୟରେ ଜଣ୍ଡିସ ଚିହ୍ନଟ ହେବା ପରେ ଆତଙ୍କ ସୃଷ୍ଟି ହୋଇଛି। ଡାକ୍ତରୀ ପରୀକ୍ଷାରୁ ବିଦ୍ୟାଳୟର ୭ ଜଣ ଛାତ୍ରଛାତ୍ରୀ ଜଣ୍ଡିସରେ ଆକ୍ରାନ୍ତ ହୋଇଥିବା ଜଣାପଡ଼ିଛି।ସତର୍କତାମୂଳକ ପଦକ୍ଷେପ ଭାବେ ବିଦ୍ୟାଳୟକୁ ୧୫ ଦିନ ପାଇଁ ବନ୍ଦ କରାଯାଇଥିବା ବେଳେ ଛାତ୍ରାବାସକୁ ମଧ୍ୟ ବନ୍ଦ କରାଯାଇଛି। ବିଦ୍ୟାଳୟ ପରିସରକୁ ଶୋଧନ କରାଯିବା ସହ ସଂକ୍ରମଣ ନିୟନ୍ତ୍ରଣ ପାଇଁ ଆବଶ୍ୟକ ପଦକ୍ଷେପ ନିଆଯାଇଛି। ବିଦ୍ୟାଳୟ ପରିସରରେ ଥିବା ଖୋଲା କୂଅର ପାଣିରୁ ସଂକ୍ରମଣ ହୋଇଥିବା ନେଇ ସନ୍ଦେହ ପ୍ରକାଶ ପାଇଛି।ବାଂକୋଇ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରର ସୁପରିଟେଣ୍ଡେଣ୍ଟ ଅସିତ ମୋହନ ମହାପାତ୍ରଙ୍କ ନେତୃତ୍ୱରେ ଡାକ୍ତରୀ ଦଳ ନିୟମିତ ଭାବେ ଛାତ୍ରଛାତ୍ରୀଙ୍କ ସ୍ୱାସ୍ଥ୍ୟ ପରୀକ୍ଷା କରୁଛନ୍ତି। ସେହିପରି ବିଇଓ ପ୍ରମୋଦ କୁମାର ସ୍ୱାଇଁ ବିଦ୍ୟାଳୟକୁ ଯାଇ ପରିସ୍ଥିତି ଅନୁଧ୍ୟାନ କରିଛନ୍ତି। ବିଦ୍ୟାଳୟ ୧୫ ଦିନ ବନ୍ଦ ରହିବା ସମୟରେ ଆଭାସୀ ମାଧ୍ୟମରେ ଶିକ୍ଷାଦାନ ଜାରି ରଖିବାକୁ ନିର୍ଦ୍ଦେଶ ଦିଆଯାଇଛି। ପ୍ରଧାନଶିକ୍ଷକ କିଶୋର ଚନ୍ଦ୍ର ସାହୁଙ୍କ ସୂଚନା ଅନୁଯାୟୀ, ବିଦ୍ୟାଳୟର ୧୦୦ ଜଣ ଛାତ୍ରଛାତ୍ରୀ ଓ ୨୦ ଜଣ କର୍ମଚାରୀଙ୍କ ସ୍ୱାସ୍ଥ୍ୟ ପରୀକ୍ଷା କରାଯାଇଛି।ଜଣ୍ଡିସ ନିରାକରଣ ଓ ସଂକ୍ରମଣ ରୋକିବା ପାଇଁ ଶିକ୍ଷା ବିଭାଗ ଏବଂ ସ୍ୱାସ୍ଥ୍ୟ ବିଭାଗ ପକ୍ଷରୁ ସମସ୍ତ ଆବଶ୍ୟକ ବ୍ୟବସ୍ଥା ନିଆଯାଇଥିବା ଜଣାପଡ଼ିଛି।