Web News

ଖୋର୍ଦ୍ଧା ଜିଲ୍ଲା ଟାଙ୍ଗୀ ବ୍ଲକରେ ପୋଲିଓ ଟୀକା କରଣ ଅନୁଷ୍ଠିତ ହୋଇ ଯାଇଛି,,,, ଏହି ପୋଲିଓ କାର୍ଯ୍ୟକ୍ରମ ଅଭିଯାନ ରେ ଟାଙ୍ଗୀ ବ୍ଲକରେ ଜନ୍ମରୁ ୫ ବର୍ଷ ବୟସର ୧୦ ୪୩୩ ଜନ ଶିଶୁଙ୍କୁ ପୋଲିଓ ଟୀକା ପ୍ରଦାନ କରା ଯାଇଥିଲା,,,, ଏଥିପାଇଁ ଟାଙ୍ଗୀ ବ୍ଲକରେ ଟାଙ୍ଗୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ପକ୍ଷରୁ ମୋଟ ୬୨ ଟି ବୁଥ ରେ ୨୪୮ ଜନ ପ୍ରଶିକ୍ଷିତ ସ୍ୱାସ୍ଥ୍ୟ କର୍ମୀ ଙ୍କୁ ନିୟୋଜିତ କରା ଯାଇଥିଲା,,,ଏହା ସହ ପୋଲିଓ ଟୀକା କାରଣ କାର୍ଯ୍ୟକ୍ରମ ରେ ଯେଉଁ ଶିଶୁ ମାନେ ପୋଲିଓ ଟୀକା ନେଇ ନଥିବେ ସେଥିପାଇଁ ୨୯ ଓ ୩୦ ତାରିଖ ଦୁଇ ଦିନ ଧରି ଅଙ୍ଗନ ବାଡ଼ି ଓ ଆଶା କର୍ମୀ ଘରକୁ ଘର ବୁଲି ତଥ୍ୟ ସଂଗ୍ରହ କରିବେ,,, ସେମାନଂକୁ ଘରେ ପୋଲିଓ ଟୀକା ପ୍ରଦାନ କରାଯିବ,,,,ଟାଙ୍ଗୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ର ଅଧିକ୍ଷକ ଡା ସତ୍ୟ ରଂଜନ ନନ୍ଦ,, pho ଝୁମରାଣୀ ଚକ୍ରବର୍ତ୍ତୀ ୱି ବିପିଏମ ଅଂଶୁମାନ ଦାସଙ୍କ ନେତୃତ୍ୱ ରେ ଏହି କାର୍ଯ୍ୟକ୍ରମ ଟାଙ୍ଗୀ ବ୍ଲକରେ ସମ୍ପନ୍ନ ହୋଇଥିଲା,,,

କଳାହାଣ୍ଡି: ଧର୍ମଗଡ ଗଡିଆଜୋର ବିଜୁ ଏକ୍ସପ୍ରେସ ୱେ ରେ ଏକ ତେଲ ଟ୍ୟାଙ୍କର ଧକ୍କାରେ ଜଣେ ଗୁରୁତର ହୋଇଥିବା ଜଣା ପଡ଼ିଛି। ସୂଚନା ଅନୁସାରେ ଖଟଲୁଗୁଡା ଗ୍ରାମରେ ଯୁଗରଥ ଠାକୁର ନିଜ ଏକସେଲ୍ ସୁପରରେ ଘୁମର ଛକ ନିକଟରେ ବିଜୁ ଏକ୍ସପ୍ରେସ ୱେ ପାର ହେଉଥିବା ବେଳେ ବେହେର ପଟରୁ ଆସୁଥିବା ଏକ ତେଲ ଟ୍ୟାଙ୍କର ତାଙ୍କୁ ଧକ୍କା ଦେଇଥିଲା। ଫଳରେ ସେ ଗୁରୁତର ଆହତ ହୋଇଥିଲେ। ଉପସ୍ଥିତ ଲୋକେ ଆମ୍ବୁଲାନ୍ସ କୁ ଯୋଗାଯୋଗ କରିଥିଲେ ମଧ୍ୟ ନ ଆସିବାରୁ ଅନ୍ୟ ଏକ ଗାଡିରେ ଧର୍ମଗଡ ଉପଖଣ୍ଡ ଡ଼ାକ୍ତରଖାନାକୁ ନିଆଯାଇଛି। ଧକ୍କା ଦେଇଥିବା ଗାଡ଼ିର ସୂଚନା ମିଳି ପାରିନାହିଁ।

ରାଉରକେଲା : ସହରର ଅଗ୍ରଣୀ ସାହିତ୍ଯ ,ସାମାଜିକ ଅନୁଷ୍ଠାନ ଧାମରା ସଂଘରେ ଗ୍ରୀଷ୍ମ କବିତା ଆସର ଅନୁଷ୍ଠିତ ହୋଇଯାଇଛି । ସଂଘର ସଭପତି ପ୍ରଶାନ୍ତ କୁମାର ବେହେରାଙ୍କ ସଭାପତିତ୍ବରେ ଆୟୋଜିତ ଏହି ସଭାରେ ମୁଖ୍ଯବକ୍ତା ଭାବେ ବିଶିଷ୍ଟ ଗାଳ୍ପିକା ମୋନାଲିସା ମିଶ୍ର ମୁଖ୍ୟବକ୍ତା ଭାବେ ଯୋଗଦେଇ ଆଲୋଚ୍ୟ ପ୍ରସଙ୍ଗ ଜୀବନ ଜିଇଁବାର କଳା ସମ୍ପର୍କରେ ମତ ରଖି କହିଲେ ଯେ ଜୀବନ ଏକ ଦିବ୍ଯ ଦାନ,ପ୍ରତ୍ଯେକ ଜୀବନର ଏକ ଦିବ୍ଯ ଉଦ୍ଦେଶ୍ଯ ରହିଛି।ଜୀବନ ସୁଖମୟ କିନ୍ତୁ ତଥାସ୍ତୁ ମୟ ନୁହେଁ । କର୍ମ ପ୍ରେମ ଓ ବିଭୁ ବିଶ୍ବାସ ହିଁ ଜୀବନ ଜିଇଁବାର କଳା | ମୁଖ୍ଯଅତିଥି ଭାବେ ସମାଜସେବୀ ଶୈଳେଶ ତିଓ୍ବାରୀ ଯୋଗଦେଇ କହିଲେ ଯେ ଜୀବନ ମାତ୍ର କେଇ ଦିନର । ଏହାରି ମଧ୍ଯରେ ଅନ୍ଯର ଓଠରେ ଯଦି ଟିକେ ହସ ଖେଳାଇ ପାରିଲେ ତାହାହିଁ ବିଭୁ ଆଶୀର୍ବାଦ ।ଜୀବନ ଜିଇଁବାର କଳା ଏଇଠୁ ହିଁ ଶିଖିହେବ । ସମ୍ମାନିତ ଅତିଥି ରଶ୍ମିବାଳା ରାଉତରାୟ କହିଲେ ସମସ୍ତଙ୍କୁ ହୃଦୟର ସହ ନିଜର କରି ପାରିଲେ ତାହା ହିଁ ହେବ ଜୀବନ ଜିଇଁବାର କଳା । ପ୍ରାରମ୍ଭରେ ସଂଘର ସାଧାରଣ ସଂପାଦକ ଭଗବାନ ରାଉତ ସଂଘର ଆଭିମୁଖ୍ଯ ସହ ସ୍ବାଗତ ଅଭିଭାଷଣ ରଖିଥିଲେ । ଏହି ଅବସରରେ କନ୍ଧମାଳରୁ ଆସିଥିବା କବି ବିଦେଶୀ ନାୟକ,ସୋନପୁରରୁ ଆସିଥିବା କବି ଡ.ନିରଂଜନ ପଣ୍ଡା ଓ ଝାରସୁଗୁଡାରୁ ଆସିଥିବା କବୀ ଡ.ସ୍ବର୍ଣ୍ଣଲତା ଲେଙ୍କାଙ୍କୁ ଧାମରା ସାରସ୍ବତ ସମ୍ମାନରେ ସମ୍ମାନିତ କରାଯାଇଥିଲା ବେଳେ କବିତା ପାଠ କରଥିବା ୪୮ଜଣ କବିଙ୍କୁ ସମ୍ମାନ ସୂଚକ ସ୍ମୃତି ଫଳକ ପ୍ରଦାନ କରାଯାଇଥିଲା । କବି ସୁଶାନ୍ତ କୁମାର ନାୟକ ମଂଚ ପରିଚାଳନା କରିଥିଲା ବେଳେ କବି ନିରଂଜନ କରଣ ଧନ୍ଯବାଦ ଅର୍ପଣ କରିଥିଲେ । ଦ୍ବିତୀୟ ପର୍ଯ୍ଯାରେ ନିଳିନୀପ୍ରଭା ଦାଶଙ୍କ ସଭାପତିତ୍ବରେ କବୀ ସୁସ୍ମିତା ମହାପାତ୍ର ଓ ମୋନାଲିସା ଗୌଡଙ୍କ ସଂଯୋଜନାରେ କବି ବିଜୟ ରାୟ,ଡ କୃପାସିନ୍ଧୁ ନାୟକ, ଡ ଅଶ୍ବିନୀ ରାୟ, ଅଙ୍ଗୁରବାଳା ପରିଡା, ମୀନକେତନ ପଶାୟତ,ବଳରାମ ରାଉଳ, କୁଞ୍ଜବିହାରୀ ରାଉତ,ପ୍ରତାପ ପଣ୍ଡା, ଅଶୋକ ପଟ୍ଟନାୟକ,ପ୍ରଶାନ୍ତ କୁମାର ମେହେର,ବିନତା ମହନ୍ତ,ଅର୍ଚ୍ଚନା ପାତ୍ର, ବିଜୟଲକ୍ଷ୍ମୀ ପଟ୍ଟନାୟକ,କବିତା ପତି, ଆରତୀ ବେହେରା,ସବିତା ପରିଡା, ନିରୁପମା ନାୟକ, ତନ୍ମୟୀ ଅଗସ୍ତି, ବ୍ରଜେନ୍ଦ୍ର ଦାଶ,ଅଜୟ କୁମାର ମହାନ୍ତି , ସୁଚିସ୍ମିତା ପଣ୍ଡା, ଶ୍ବେତଲିନା ଶତପଥୀ, ପ୍ରେମଲତା ବେହେରା,ଗୌତମ ଦାସ, ରାଜେନ୍ଦ୍ର ପଣ୍ଡା, ସୁବର୍ଣ୍ଣ ଦତ୍ତ ପ୍ରମୁଖ ୪୮ ଜଣ କବି କବିତା ପାଠ କରିଥିଲେ | ସହରର ସବୁ ଅନୁଷ୍ଠାନରୁ ସଦସ୍ୟ ସଦସ୍ୟା ମାନେ ଯୋଗ ଦେଇଥିଲେ। ଅନ୍ଯମାନଙ୍କ ମଧ୍ଯରେ ବସନ୍ତ ବିଶ୍ବକର୍ମା,ବାଳକୃଷ୍ଣ ସ୍ବାଇଁ, ସୂର୍ଯ୍ଯମଣି ପଣ୍ଡା,ସସ୍ମିତା ପ୍ରଧାନ ପ୍ରମୁଖ କାର୍ଯ୍ଯକ୍ରମ ପରିଚାଳନାରେ ସହଯୋଗ କରିଥିଲେ ।

ରାଉରକେଲା: ରାଉରକେଲା ସହରର ଜଣାଶୁଣା ସାମାଜିକ ସଂସ୍ଥା ସେୟାର ର ଅନ୍ୟତମ ଶାଖା ସୁର ତରଙ୍ଗ ପକ୍ଷରୁ ମାସିକ ସଙ୍ଗୀତ କାର୍ଯ୍ୟକ୍ରମ ରାଉରକେଲା କ୍ଲବର ଠାରେ ଅନୁଷ୍ଠିତ ହୋଇଯାଇଛି। ଏହି ଅବସରରେ ଜର୍ଣ୍ଣାଲିଷ୍ଟ ଆସୋସିଏସନର ଉପସଭାପତି ତଥା କବି କୁଞ୍ଜବିହାରୀ ରାଉତ ଉପସ୍ଥିତି ରହି ସମସ୍ଥଙ୍କୁ ଉତ୍ସାହିତ କରିଥିଲେ l ପ୍ରଥମେ ଡ଼ ସତ୍ୟନାରାୟଣ ମିଶ୍ର, ଭେଙ୍କଟ୍ ରାଓ, ଅନିଲ ମଲ୍ଲିକ ମା ଦୁର୍ଗା ଓ ଭଗବାନ ଜଗନ୍ନାଥଙ୍କ ମୂର୍ତ୍ତିକୁ ମାଳା ପିନ୍ଧାଇ ଓ ପ୍ରଦୀପ ଜାଳି କରି କାର୍ଯ୍ୟକ୍ରମ ଆରମ୍ଭ କରିଥିଲେ l କାର୍ଯ୍ୟକ୍ରମଟି ମା ଙ୍କ ବନ୍ଦନା ଓ ଜଗନ୍ନାଥ ଭଜନରୁ ଆରମ୍ଭ ହୋଇଥିଲା। ଏହା ପରେ ସୁର ତରଙ୍ଗର ସ୍ଥାପକ ଦିଲୀପ କୁମାର ପରିଡା ସଂସ୍ଥାର ଆଗାମୀ ସଙ୍ଗୀତ କାର୍ଯ୍ୟକ୍ରମ ଓ ସମସ୍ତ ପରିବାର ଲୋକଙ୍କ ସୁର ତରଙ୍ଗ ର ଯାତ୍ରା ଓ ଅନୁଭୂତି ବିଷୟରେ ଆଲୋକପାତ କରିଥିଲେ l ପରେ ଅନୁଷ୍ଠାନ ତରଫରୁ ଡ ସତ୍ୟନରାୟଣ ମିଶ୍ରଙ୍କ ଜନ୍ମଦିନ ଉପଲକ୍ଷେ କେକ୍ କଟାଯାଇ ଶୁଭେଚ୍ଛା ପ୍ରଦାନ କରାଯାଇଥିଲା। ପରେ ସୁରତରଙ୍ଗ ର ଗାୟକ ଓ ଗାୟିକା ସର୍ବଶ୍ରୀ ଦିଲୀପ କୁମାର ପରିଡା, ଶୁଭସ୍ମିତା ଦାସ,ବିଶ୍ୱଜିତ ଲେଙ୍କା, ଇତି ପଟ୍ଟନାୟକ, ମନୋଜ ଶାହା, ଜଗନ୍ନାଥ ସାହୁ,ବିଳାସିନୀ ଅଧିକାରୀ, ରମେଶ ଷଡ଼ଙ୍ଗୀ, ରାଜେନ୍ଦ୍ର ଅଗ୍ରୱାଲ, ଅନିରୁଦ୍ଧ ସାହୁ, ମୀନାକ୍ଷୀ ମହାରଣା, ଡ଼ ସତ୍ୟନାରାୟଣ ମିଶ୍ର,ବିମଳ ସାହୁ, ସୁଜିତ୍ ବେହେରା, ମନୋଜ ମହନ୍ତ, ଭେଙ୍କଟ୍ ରାଓ ପ୍ରମୁଖ ସୁନ୍ଦର୍ ଗୀତ ପରିବେଷଣ କରିଥିଲେ। ଅନୁଷ୍ଠାନର ନିବେଦିତା ବେହେରା ଉପଦେଷ୍ଟା ଗୌତମ ଦାସ, ସୁରେଶ ରାଉତରାୟ ସମସ୍ତଙ୍କୁ ଉତ୍ସାହିତ କରିଥିଲେ। ସମ୍ପୂର୍ଣ୍ଣ କାର୍ଯକ୍ରମ ଟି ଅନିଲ ମଲ୍ଲିକ ଓ ଡ ସତ୍ୟନାରାୟଣ ମିଶ୍ର ନିର୍ଦ୍ଦେଶନା ରେ ଆୟୋଜିତ ହେଇଥିବା ବେଳେ ଶେଷରେ ନିବେଦିତା ବେହେରା ଧନ୍ୟବାଦ ଅର୍ପଣ କରିଥିଲେ।

ରାଉରକେଲା: ସହରର ଅନ୍ୟତମ ଅଗ୍ରଣୀ ସାହିତ୍ୟ ଅନୁଷ୍ଠାନ ବାସନ୍ତୀ ପାଠାଗାରର ମାସିକ ସାହିତ୍ୟ ଆସର ପାଠାଗାର ପରିସରରେ ଅନୁଷ୍ଠିତ ହୋଇଯାଇଛି। ପାଠାଗାରର କାର୍ଯ୍ୟକାରୀ ସଭାପତି ସୁବାସ ମହାପାତ୍ରଙ୍କ ଅଧ୍ୟକ୍ଷତା, ସାଧାରଣ ସମ୍ପାଦକ ବିକ୍ରମ ଚନ୍ଦ୍ର ଆଚାର୍ଯ୍ୟଙ୍କ ଆବାହକତ୍ୱ ଓ କବିତା ଦାଶଙ୍କ ସଂଯୋଜନାରେ ଆୟୋଜିତ ଏହି ଆସରରେ ମୁଖ୍ୟଅତିଥି ଭାବେ ଅବସରପ୍ରାପ୍ତ ଅତିରିକ୍ତ ଜିଲ୍ଲାପାଳ ମହେନ୍ଦ୍ର କୁମାର ପଟ୍ଟନାୟକ , ମୁଖ୍ୟବକ୍ତା ଭାବେ ପ୍ରାକ୍ତନ ଅଧ୍ୟକ୍ଷ ଶଙ୍କର ପ୍ରସାଦ ତ୍ରିପାଠୀ ଯୋଗଦେଇ ଆଲୋଚ୍ୟ ପ୍ରସଙ୍ଗ ପରିବର୍ତ୍ତନଶୀଳ ପରିବାର ଗଠନ ଶୈଳୀ ଓ ତହିଁରେ ଆମ ସମ୍ପର୍କ ବିଷୟରେ ଆଲୋଚନା କରିଥିଲେ । କାର୍ଯ୍ୟକାରୀ ସଭାପତି ଇଂ. ସୁବାସ ମହାପାତ୍ର ଅତିଥି ପରିଚୟ ସଙ୍ଗେ ସଙ୍ଗେ ସ୍ୱାଗତ ଭାଷଣ ଦେଇଥିଲେ | ମୁଖ୍ୟଅତିଥି ଶ୍ରୀ ପଟ୍ଟନାୟକ ବିଭିନ୍ନ ଉଦାହରଣ ମାଧ୍ୟମରେ ଆଲୋଚ୍ୟ ପ୍ରସଙ୍ଗରେ ମତ ରଖି କହିଲେ ଯେ ପରିବାର ମଧ୍ୟରେ ସମସ୍ତେ ସମାନ। ଯାହା ସାମ୍ୟବାଦ ର ବାର୍ତ୍ତା ବହନ କରେ । ସେହିପରି ବାହାଘର ର ସପ୍ତପଦ ମର୍ମ ତଥା ବୈଦିକ ପରମ୍ପରା ଓ ପାଶ୍ଚାତ୍ୟ ପରମ୍ପରା ର ତୁଳନାତ୍ମକ ବିଶ୍ଳେଷଣ କରିବା ସହ ପ୍ରେରଣାଦାୟୀ ବକ୍ତବ୍ୟ ରଖିଥିଲେ। ମୁଖ୍ୟବକ୍ତା ଇସ୍ପାତ କଲେଜର ପ୍ରାକ୍ତନ ଅଧ୍ୟକ୍ଷ ଶ୍ରୀ ତ୍ରିପାଠୀ ତାଙ୍କ ବକ୍ତବ୍ୟରେ କହିଲେ ଯେ ପରିବାର ର କର୍ତ୍ତା ଘରର ଶୃଙ୍ଖଳା ସହ ଦାୟିତ୍ଵ ବଣ୍ଟନ ଓ ପରିବାର ରେ ଆମ୍ଭମାନଙ୍କର ଦାୟିତ୍ୱବୋଧ ସମ୍ପର୍କରେ ବକ୍ତବ୍ୟ ରଖିଥିଲେ। ପରେ ବିକ୍ରମ ଚନ୍ଦ୍ର ଆଚାର୍ଯ୍ୟ "ଭୋଜି "ଶୀର୍ଷକ ଗଳ୍ପ ପାଠ କରିଥିଲେ। ଦ୍ବିତୀୟ ପର୍ଯ୍ୟାୟରେ ସବିତା ପରିଡା ଓ ସୁଶ୍ରୀ ଶ୍ରେୟସୀ ସାହୁଙ୍କ ସଂଯୋଜନାରେ ଆୟୋଜିତ କବିତା ପାଠୋତ୍ସବ କାର୍ଯ୍ୟକ୍ରମରେ ଦିପ୍ତୀ ମହାନ୍ତି, ସୁଭାଷିନୀ ସାହୁ, ପ୍ରିୟାଂଶୀ ନାୟକ, ବଳରାମ ଦାଶ, ସଂଯୁକ୍ତା ଦାଶ, ଗୌତମ ଦାସ, ବ୍ରଜେନ୍ଦ୍ର ଦାଶ, ପ୍ରତାପ ରୁଦ୍ର ତ୍ରିପାଠୀ, ତାରିଣୀ ଚରଣ ସାହୁ, ଅଜୟ କୁମାର ପାଣି, ସୁଶାନ୍ତ କୁମାର ନାୟକ, ପୀତବାସ ପ୍ରଧାନ, ଅଶୋକ କୁମାର ପଟ୍ଟନାୟକ, ବିଜୟଲକ୍ଷ୍ମୀ ପଟ୍ଟନାୟକ ଓ ସୁଶ୍ରୀ ଶ୍ରେୟସୀ ସାହୁ ସ୍ବରଚିତ କବିତା ପାଠ କରିଥିଲେ। ପ୍ରାରମ୍ଭରେ ସମ୍ପାଦକ ଶ୍ରୀ ଆଚାର୍ଯ୍ୟ କାର୍ଯ୍ୟକ୍ରମର ଆଭିମୁଖ୍ୟ ରଖିଥିଲେ। ଶେଷରେ ପ୍ରିୟା ପାତ୍ର ଧନ୍ୟବାଦ ଅର୍ପଣ କରିଥିଲେ। ଅନ୍ୟମାନଙ୍କ ମଧ୍ୟରେ ସର୍ବଶ୍ରୀ ବିଭୁଦତ୍ତ ବେହେରା, ପ୍ରଭାସିନୀ ଦାଶ, ତାପସ ସାହା , ନିରୁପମା ଚାନ୍ଦ, କମଳ ଆଚାର୍ଯ୍ୟ, ପୀତବାସ ପ୍ରଧାନ, ରମେଶ ଚନ୍ଦ୍ର ସାହୁ, ପ୍ରକାଶ ଚନ୍ଦ୍ର ପାଢୀ,ଶରତ ଚନ୍ଦ୍ର ରାଉତ,ଗୈ।ତମ ଦାସ, ଶ୍ରୀକାନ୍ତ ପାଣିଗ୍ରାହୀ, ଶରତ କୁମାର ସ୍ୱାଇଁ, ଉମା ଶଙ୍କର ତିୱାରୀ, ଗୀତାଞ୍ଜଳି ମହାରଣା, କୌଶଲ୍ୟା ମହାରଣା, ପ୍ରଭାଷିନୀ ସାହୁ, ପ୍ରଭାସିନୀ ଦାଶ, ଭୁବନେଶ୍ୱରୀ ମହାପାତ୍ର, ରାଜଲକ୍ଷ୍ମୀ ସେନାପତି, ରବୀନ୍ଦ୍ର ଠାକୁର, ଜୟା ବଡାଇକ, ଅଜୟ ମହାନ୍ତି, ରମେଶ ଚନ୍ଦ୍ର ସିଂହ, ଅରୁଣା ମହାରଣା, ଅନିଲ କୁମାର ଦାଶ,ଡ଼. ସୁବାସ ଚନ୍ଦ୍ର ଲେଙ୍କା, ବିଷ୍ଣୁ ଚରଣ ସାହୁ, ବସନ୍ତ କୁମାର ମହାରଣା, ଶ୍ରେୟାନସି ନାୟକ ପ୍ରମୁଖ ଉପସ୍ଥିତ ଥିଲେ।

ଗଞ୍ଜାମ: ଖଲ୍ଲିକୋଟ ସ୍ଥିତ ଜିଲ୍ଲା ଶିକ୍ଷା ଓ ପ୍ରଶିକ୍ଷଣ ପ୍ରତିଷ୍ଠାନ (ଡିଆଇଇଟି)ର ଛାତ୍ରାବାସରେ ଦୀର୍ଘଦିନ ଧରି ଅବ୍ୟବସ୍ଥା ଲାଗି ରହିଥିବା ଅଭିଯୋଗ ଉଠିଛି। ୧୯୯୪ ମସିହାରେ ସ୍ଥାପିତ ଏହି ଅନୁଷ୍ଠାନର ଛାତ୍ରାବାସ ପରିସର ବର୍ତ୍ତମାନ ଅପରିଷ୍କାର ଓ ଅସ୍ୱାସ୍ଥ୍ୟକର ପରିବେଶରେ ପରିଣତ ହୋଇଥିବା ସ୍ଥାନୀୟ ମହଲରେ ଅଭିଯୋଗ କରାଯାଇଛି। ଅଭିଯୋଗ ଅନୁସାରେ, ଛାତ୍ରାବାସ ଚତୁଃପାର୍ଶ୍ୱରେ ଅଳିଆ-ଆବର୍ଜନା ଜମି ରହିଥିବାରୁ ସରୀସୃପଙ୍କ ଉପଦ୍ରବ ବଢ଼ିଛି। ବିଶେଷକରି ରାତିରେ ଛାତ୍ରଛାତ୍ରୀମାନେ ଶୌଚାଳୟକୁ ଯିବା ସମୟରେ ସାପ ଭଳି ବିଷଧର ପ୍ରାଣୀଙ୍କ ଭୟ ରହୁଥିବା କୁହାଯାଇଛି। ଚାରିଟି ଶୌଚାଳୟ ମଧ୍ୟରୁ ଦୁଇଟି ଅଚଳ ଥିବାରୁ ଛାତ୍ରମାନେ ଅସୁବିଧାର ସମ୍ମୁଖୀନ ହେଉଥିବା ମଧ୍ୟ ଅଭିଯୋଗ ହୋଇଛି। ସେହିପରି, ରୋଷେଇ ଘରର ସୁବିଧା ଅଭାବରୁ ଖୋଲା ଆକାଶ ତଳେ କାଠ ଜାଳି ଛାତ୍ରମାନଙ୍କ ପାଇଁ ଖାଦ୍ୟ ପ୍ରସ୍ତୁତ କରାଯାଉଥିବା କୁହାଯାଇଛି। ଏଥିପାଇଁ ପରିସରରେ ଥିବା ଆମ୍ବ ଗଛ କାଟି ତାହାର କାଠ ବ୍ୟବହାର କରାଯାଇଥିବା ଅଭିଯୋଗ ମଧ୍ୟ ସାମ୍ନାକୁ ଆସିଛି। ଏହାସହ ଛାତ୍ରାବାସ ବାହାରେ ବିପୁଳ ପରିମାଣର ଅଳିଆ-ଆବର୍ଜନା ଜମି ରହିଥିବାରୁ ସ୍ୱାସ୍ଥ୍ୟଗତ ସମସ୍ୟା ସୃଷ୍ଟି ହେବାର ଆଶଙ୍କା ପ୍ରକାଶ ପାଇଛି। ଛାତ୍ରମାନେ ସମସ୍ୟା ଉଠାଇବାକୁ ଭୟ କରୁଥିବା ଏବଂ ଅଭିଯୋଗ କଲେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନର ଆଶଙ୍କା ରହିଥିବା ବୋଲି କେତେକ ସୂତ୍ର ଦାବି କରିଛନ୍ତି। ଅନ୍ୟପକ୍ଷରେ, ଅନୁଷ୍ଠାନକୁ ପ୍ରତିବର୍ଷ କଣ୍ଟିଜେନ୍ସି ବାବଦରେ ପ୍ରାୟ ୧୫ ଲକ୍ଷ ଟଙ୍କା ମିଳୁଥିବା ବେଳେ, ଏହି ଅର୍ଥର ବ୍ୟବହାର ନେଇ ମଧ୍ୟ ପ୍ରଶ୍ନ ଉଠିଛି। କେତେକ ଅଧିକାରୀଙ୍କ ବିରୋଧରେ ଅନିୟମିତତାର ଅଭିଯୋଗ ମଧ୍ୟ କରାଯାଇଛି। ତେବେ, ଏହି ସମସ୍ତ ଅଭିଯୋଗର ସରକାରୀ ପକ୍ଷରୁ କୌଣସି ପ୍ରତିକ୍ରିୟା ମିଳିନାହିଁ। ଅଭିଯୋଗର ସତ୍ୟତା ଜାଣିବା ପାଇଁ ସମ୍ପୂର୍ଣ୍ଣ ତଦନ୍ତ ଓ ସମୀକ୍ଷା କରି ଆବଶ୍ୟକ ପଦକ୍ଷେପ ନେବାକୁ ସ୍ଥାନୀୟ ମହଲ ଦାବି କରିଛନ୍ତି।

ଖୋର୍ଦ୍ଧା- ଗ୍ରୀଷ୍ମ ର ପ୍ରଭାବରୁ ରକ୍ଷା ପାଇବା ପାଇଁ ପୋଖରୀ ରେ ଗାଧୋଇବା ହେଲା କାଳ, ୩ ନାବାଳକ ପୋଖରୀ ରେ ଗାଧୋଉ ଥିବା ବେଳେ ପୋଖରୀ ରେ ବୁଡି ଜଣେ ନାବାଳକ ଙ୍କ ମୃତ ଘଟିଛି। ଘଟଣା ଘଟିଛି ଖୋର୍ଦ୍ଧା ଜିଲ୍ଲା ଟାଙ୍ଗୀ ଥାନା ସୁନ୍ଦର ପୁର ଗ୍ରାମ ପଂଚାୟତ ର ଜଗଦଳା ପୋଖରୀ ରେ, ସେହି ଗାଁ ର ୩ ଜଣ ନାବାଳକ ଜଗଦଳା ପୋଖରୀ ରେ ପହଁ ରୁ ଥିବା ଅବସ୍ଥାରେ ପୋଖରୀ ରେ ବୁଡି ଯାଇଥିଲେ ଜଣେ ନାବାଳକ, ଓ ସ୍ଥାନୀୟ ଲୋକେ ଚେଷ୍ଟା କରି ଯେତେବେଳେ ବିଫଳ ହୋଇଥିଲେ ତାପରେ ଟାଙ୍ଗୀ ଅଗ୍ନିଶମ ବାହିନୀ କୁ ଖବରଥିଲେ, ଖବର ପାଇ ଟାଙ୍ଗୀ ଅଗ୍ନିଶମ ବାହିନୀ ସଙ୍ଗେ ସଙ୍ଗେ ଘଟଣା ସ୍ଥଳରେ ପହଂଚି ନାବାଳକ କୁ ପୋଖରୀ ରୁ ଉଦ୍ଧାର କରିଥିଲେ। ପରେ ଟାଙ୍ଗୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ରେ ଭର୍ତ୍ତି କରିଥିଲେ ନାବାଳକ ଙ୍କୁ ଏଠାରେ ଡାକ୍ତର ମୃତ ଘୋଷଣା କରିଥିଲେ । ମୃତ ନାବାଳକ ର ନାମ ନିରଞ୍ଜନ ସେଠ ବୟସ ୧୪ ବର୍ଷ ପିତା ଙ୍କ ନାମ ସଂଜୟ କୁମାର ସେଠ ଘର ଚାରି ଘରିଆ ପାଟଣା,ସୁନ୍ଦର ପୁର ,ମୃତ ନାବାଳକ ଜଣକ ବାପା ମାଙ୍କର ଏକ ମାତ୍ର ପୁତ୍ର ବୋଲି ଜଣା ପଡିଛି, ବାପା ସଂଜୟ ସେଠ ମାନସିକ ଭାରସାମ୍ୟ ହରାଇ ଥିବା ଜଣା ପଡିଛି। ଖବର ପାଇ ଟାଙ୍ଗୀ ପୋଲିସ ଶବ ଟିକୁ ଜବତ କରି ତଦନ୍ତ ଚ଼ଳାଇଛି ।

ରାଜ୍ୟର ପୂର୍ବତନ ମନ୍ତ୍ରୀ ପ୍ରଣବ ପ୍ରକାଶ ଦାସ (ବବି)ଙ୍କ ୫୪ତମ ଜନ୍ମଦିନ ଅବସରରେ ପାଣିକୋଇଲିସ୍ଥିତ ସେଶପରିଚୟ ଆଶ୍ରମରେ ସେବାମୂଳକ କାର୍ଯ୍ୟକ୍ରମ ଆୟୋଜିତ ହୋଇଥିଲା। ବିଜୁ ଜନତା ଦଳର ବରିଷ୍ଠ କର୍ମକର୍ତ୍ତାମାନେ ତାଙ୍କର ସୁସ୍ଥ ଓ ଦୀର୍ଘାୟୁ କାମନା କରି ଆଶ୍ରମର ଅନ୍ତେବାସୀମାନଙ୍କୁ ବସ୍ତ୍ର ଓ ଖାଦ୍ୟ ସାମଗ୍ରୀ ବଣ୍ଟନ କରିଥିଲେ। ଏହି ଅବସରରେ ବରିଷ୍ଠ ସାମ୍ବାଦିକ ସୁବାସ ଧଳ, ବେଣୁଧର ଖଣ୍ଡେଇଙ୍କ ସମେତ କୃଷ୍ଣଚନ୍ଦ୍ର ବିଶ୍ୱାଳ, ଗଙ୍ଗା ଜେନା, ବିଜୟ କୁମାର ପଣ୍ଡା, ଗୟା ଜେନା, ଉଦିଆ ମଲ୍ଲିକ, ପାପି ସେଠୀ, ଧାମ ଶାସୁ, ବିଜୟ ଧଳ, ସୁଧାଂଶୁ ଘଡେଇ, କରୁଣାକର ମାଝୀ, ସୁଶାନ୍ତ ବେହେରା, କାଳିଆ ଧଳ, ଓକିଲ ବାରିକ, ନିରଞ୍ଜନ ପଣ୍ଡା ଓ କୈଳାସ ମଲ୍ଲିକ ପ୍ରମୁଖ ଉପସ୍ଥିତ ରହି ପ୍ରଣବ ପ୍ରକାଶ ଦାସଙ୍କୁ ଜନ୍ମଦିନର ଶୁଭେଚ୍ଛା ଜଣାଇଥିଲେ। ସେବା ଓ ସାମାଜିକ ଦାୟିତ୍ୱବୋଧର ବାର୍ତ୍ତା ଦେଇ ଆୟୋଜିତ ଏହି କାର୍ଯ୍ୟକ୍ରମ ସ୍ଥାନୀୟ ଅଞ୍ଚଳରେ ପ୍ରଶଂସା ସାଉଁଟିଛି।

ଭଦ୍ରକ ଜିଲ୍ଲାର ଧୁଷୁରୀ ଥାନା ଅଧୀନ ଓଳଗ ଷାଠିବାଙ୍କୁଡା ଗାଁରେ ହାପି ମହାକୁଡ଼ଙ୍କ ସନ୍ଦେହଜନକ ମୃତ୍ୟୁକୁ ନେଇ ଚାଞ୍ଚଲ୍ୟ ଖେଳିଯାଇଛି। ପ୍ରେମ ସମ୍ପର୍କକୁ କେନ୍ଦ୍ର କରି ହତ୍ୟା ହୋଇଥିବା ସନ୍ଦେହ କରାଯାଉଥିବାବେଳେ, ପୋଲିସ ଘଟଣାର ସମସ୍ତ ଦିଗକୁ ନେଇ ତଦନ୍ତ ଜୋରଦାର କରିଛି। ଘଟଣାସ୍ଥଳରେ ଭଦ୍ରକ ଏସପି ମନୋଜ ରାଉତ ପହଞ୍ଚି ତଦନ୍ତର ଅଗ୍ରଗତି ସମୀକ୍ଷା କରିଛନ୍ତି। ବୈଜ୍ଞାନିକ ପ୍ରମାଣ ସଂଗ୍ରହ ସହ ପୋଲିସ ବିଭିନ୍ନ ତଥ୍ୟକୁ ଯାଞ୍ଚ କରୁଛି। ଏପର୍ଯ୍ୟନ୍ତ ୫ ଜଣଙ୍କୁ ଅଟକ ରଖି ପଚରାଉଚରା କରାଯାଉଛି,ଥିବାବେଳେ। ତଦନ୍ତ ଶେଷ ହେବା ପରେ ଘଟଣାର ପ୍ରକୃତ କାରଣ ସ୍ପଷ୍ଟ ହେବ। ତେଣୁ ପ୍ରେମ ଜନିତ ହତ୍ୟା ବୋଲି ଚର୍ଚ୍ଚା ହେଉଥିଲେ ମଧ୍ୟ, ଏନେଇ ଏପର୍ଯ୍ୟନ୍ତ କୌଣସି ସରକାରୀ ପୁଷ୍ଟ ହୋଇନାହିଁ।

ଅନୁଗୋଳ: ମୁନିସିପାଲିଟି ଟାଉନ୍ ହଲ୍‌ଠାରେ ଅନୁଗୋଳ ଜିଲ୍ଲା ତାଇକୋଣ୍ଡ ଡେଭେଲପମେଣ୍ଟ ଆସୋସିଏସନ ପକ୍ଷରୁ ଆୟୋଜିତ ୧୨ତମ ଅନୁଗୋଳ ଜିଲ୍ଲା ତାଇକୋଣ୍ଡ ଚମ୍ପିଆନ୍‌ସିପ୍–୨୦୨୬ ରବିବାର ଉଦ୍ଘାଟିତ ହୋଇଛି। ଏହି ଅବସରରେ ମୁଖ୍ୟ ଅତିଥି ଭାବେ ବିଧାୟକ ପ୍ରତାପ ଚନ୍ଦ୍ର ପ୍ରଧାନ ଯୋଗଦେଇ କାର୍ଯ୍ୟକ୍ରମର ଶୁଭ ଉଦ୍ଘାଟନ କରିଥିଲେ। ଏହି ଅବସରରେ ଉପସ୍ଥିତ ଖେଳାଳିମାନଙ୍କୁ ନିଷ୍ଠା, ଶୃଙ୍ଖଳା ଓ କ୍ରୀଡ଼ା ମନୋଭାବ ସହ ପ୍ରତିଯୋଗିତାରେ ଅଂଶଗ୍ରହଣ କରିବାକୁ ଆହ୍ୱାନ କରାଯିବା ସହ ଆୟୋଜକମାନଙ୍କ ପ୍ରୟାସକୁ ପ୍ରଶଂସା କରାଯାଇଥିଲା। ପ୍ରତିଯୋଗୀମାନଙ୍କୁ ଉତ୍ସାହିତ କରି ସେମାନଙ୍କ ଉଜ୍ଜ୍ୱଳ ଭବିଷ୍ୟତ କାମନା କରାଯାଇଥିଲା। କାର୍ଯ୍ୟକ୍ରମରେ ଆସୋସିଏସନର ସଭାପତି ଶ୍ରୀ ମନୋଜ ପ୍ରଧାନ, ଉପସଭାପତି ଶ୍ରୀ ପ୍ରତାପ ମାଝୀ, ସମ୍ପାଦକ ଶ୍ରୀ ପ୍ରଦୀପ ପ୍ରଧାନ, କୋଷାଧ୍ୟକ୍ଷ ଶ୍ରୀ ତପନ ଦାସଙ୍କ ସମେତ ଆସୋସିଏସନର କର୍ମକର୍ତ୍ତା, ପ୍ରଶିକ୍ଷକ, ପ୍ରତିଯୋଗୀ ଓ ବହୁ କ୍ରୀଡ଼ାପ୍ରେମୀ ଉପସ୍ଥିତ ଥିଲେ।

ଅନୁଗୋଳ: କୁମୁରିସିଂହା ଗ୍ରାମ ପଞ୍ଚାୟତର କାବୁଲିପାଳ ଠାରେ ମୋଟ ୧୧.୦୪ କୋଟି ଟଙ୍କା ବ୍ୟୟ ଅଟକଳରେ ଦୁଇଟି ଗୁରୁତ୍ୱପୂର୍ଣ୍ଣ ସଡ଼କ ପ୍ରକଳ୍ପର ଶିଳାନ୍ୟାସ ଅନୁଷ୍ଠିତ ହୋଇଛି। ଏହି ଅବସରରେ ୭.୨୦ କୋଟି ଟଙ୍କା ବ୍ୟୟରେ କୁମୁରିସିଂହା–ଚମ୍ପତିମୁଣ୍ଡା ଭାୟା କାବୁଲିପାଳ–ବଲ୍ଳଭପୁର ସଡ଼କ ଏବଂ ୩.୮୪ କୋଟି ଟଙ୍କା ବ୍ୟୟରେ ରାମବେରଣୀ–ପାତେଳୀ ଭାୟା ଗଡତଇଳା ସଡ଼କର ଶିଳାନ୍ୟାସ କରାଯାଇଥିଲା। ଉକ୍ତ କାର୍ଯ୍ୟକ୍ରମରେ ଢେଙ୍କାନାଳ ଲୋକସଭାର ମାନ୍ୟବର ସାଂସଦ ଶ୍ରୀ ରୁଦ୍ର ନାରାୟଣ ପାଣି ଏବଂ ଅନୁଗୋଳ ମାନ୍ୟବର ବିଧାୟକ ଶ୍ରୀ ପ୍ରତାପ ଚନ୍ଦ୍ର ପ୍ରଧାନ ଯୋଗଦେଇ ଉଭୟ ପ୍ରକଳ୍ପର ଶିଳାନ୍ୟାସ କରିଥିଲେ। ଏହି ଅବସରରେ ଦଳର ବହୁ ନେତୃବୃନ୍ଦ, ସ୍ଥାନୀୟ ଜନପ୍ରତିନିଧି ଓ ବହୁ ସଂଖ୍ୟକ ଗ୍ରାମବାସୀ ଉପସ୍ଥିତ ରହିଥିଲେ। ଏହି ଦୁଇଟି ସଡ଼କ ପ୍ରକଳ୍ପ କାର୍ଯ୍ୟକାରୀ ହେଲେ ଅଞ୍ଚଳର ଯାତାୟାତ ବ୍ୟବସ୍ଥାରେ ସୁଧାର ଆସିବା ସହ ଗ୍ରାମାଞ୍ଚଳର ବିକାଶକୁ ଅଧିକ ଗତି ମିଳିବ ବୋଲି ସ୍ଥାନୀୟ ଲୋକମାନେ ଆଶା ପ୍ରକାଶ କରିଛନ୍ତି।

ରାଜସୁନାଖଳା ତା ୨୮/୬ ନୟାଗଡ଼ ଜିଲ୍ଲା ରଣପୁର ବ୍ଲକ ଅନ୍ତର୍ଗତ ରାଜସୁନାଖଳା କୋଟଣୀ ଶିଳାସ୍ଥିତ ଅଗ୍ରଣ ଡିପି ଆଗ୍ରୋ ଇକୋ ରିଟ୍ରିଟ କମ୍ପାନୀ ଆନୁକୂଲ୍ୟରେ ଓ କମ୍ପାନୀ ଅଧକ୍ଷା ଦୀପ୍ତି ପ୍ରଭା ସାହୁଙ୍କ ଆବାହକତ୍ୱରେ ରବିବାର କୋଟଣିଶୀଳା ଡିପି ଆଗ୍ରୋ ଇକୋ ରିଟ୍ରିଟ କମ୍ପାନୀ ପରିସରରେ ପ୍ରଧାନମନ୍ତ୍ରୀଙ୍କ ୧୩୫ତମ ମନ କି ବାତ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଉଛି! ଏହି କାର୍ଯ୍ୟକ୍ରମକୁ ଶିଳ୍ପପତି ସର୍ବେଶ୍ୱର ସାହୁଙ୍କ ସଭାପତିତ୍ୱରେ ମୁଖ୍ୟ ଅତିଥିଭାବେ ଓଡିଶା ବିଧାନ ସଭା ବାଚସ୍ପତି ତଥା ରଣପୁର ବିଧାୟିକା ସୁରମା ପାଢ଼ୀ ଓ ସମ୍ମାନିତ ଅତିଥିଭାବେ ନୟାଗଡ଼ ଜିଲ୍ଲା ବିଜେପି ସମ୍ପାଦକ ଜୟନ୍ତ କୁମାର ନାୟକ,ରାଜସୁନାଖଳା ମଣ୍ଡଳ ବିଜେପି ସଭାପତି ଜ୍ୟୋତିରଞ୍ଜନ ସାହୁ, ଉପସଭାପତି କୃଷ୍ଣ ଚନ୍ଦ୍ର ସାହୁ, ସାଧାରଣ ସମ୍ପାଦକ କୈଳାସ ଚନ୍ଦ୍ର ସାହୁ, ସ୍ଥାନୀୟ ସରପଞ୍ଚ ଚିତ୍ତରଞ୍ଜନ ପ୍ରଧାନ ଓ ସମିତିସଭ୍ୟ ତପନ କୁମାର ପ୍ରଧାନ ପ୍ରମୁଖ ଯୋଗଦେଇ ଭାରତ ମାତାଙ୍କ ଫଟୋ ଚିତ୍ରରେ ପ୍ରଦୀପ ପ୍ରଜ୍ବଳନ କରି ଏହାକୁ ଶୁଭ ଉଦଘାଟନ କରିଥିଲେ ! ଏହି କାର୍ଯ୍ୟକ୍ରମକୁ ଯୁବ ସମାଜସେବୀ ଜଗନ କୁମାର ନାୟକ ମଞ୍ଚ ପରିଚାଳନା କରି ଅତିଥି ପରିଚୟ ପ୍ରଦାନ କରିଥିଲେ ! ଏହି ଅବସରରେ ମୁଖ୍ୟମନ୍ତ୍ରୀ ବନିକରଣ ଓ କୃଷି ଉଦ୍ୟୋଗ ଯୋଜନାରେ ଏକ ପେଡ ମା କେ ନାମ ପର ୧୦୦୦ ଉର୍ଦ୍ଧ ଚାରା ଆମ୍ବ, ପିଜୁଳି, ଡାଳିମ୍ବ ଓ ଅଁଳା ଆଦି ବିଭିନ୍ନ ପ୍ରକାରର ଚାରା ରୋପଣ କରାଯାଇଥିଲା !ପର୍ଯ୍ୟାୟ କ୍ରମେ ଆଉ ୫୦୦୦ ଚାରା ରୋପଣ କରାଯିବ ବୋଲି ମୁଖ୍ୟ ଅତିଥି ଶ୍ରୀମତୀ ପଢି କହିଥିବାବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଆହ୍ୱାନ କ୍ରମେ ଓ ଓଡ଼ିଶା ସରକାରଙ୍କ ବିଭିନ୍ନ ବିଭାଗ ମାଧ୍ୟମରେ ପରିବେଶ ସୁରକ୍ଷା ଓ ମାତା ପ୍ରତି ସମ୍ମାନ ଜଣାଇବା ପାଇଁ ଆରମ୍ଭ କରାଯାଇଥିବା ଏକ ଅତି ସୁନ୍ଦର ଓ ଅଭିନବ ଜାତୀୟ ବୃକ୍ଷରୋପଣ ଅଭିଯାନ କାର୍ଯ୍ୟକ୍ରମକୁ ରାଜ୍ୟରେ ବ୍ୟାପକ ଭାବେ ସଫଳ କରାଯାଉଛି।ବୃକ୍ଷରୋପଣ ମାଧ୍ୟମରେ ଗ୍ଲୋବାଲ ୱାର୍ମିଂ ଏବଂ ପ୍ରଚଣ୍ଡ ଗ୍ରୀଷ୍ମ ପ୍ରବାହ ଭଳି ଜଳବାୟୁ ସମସ୍ୟାର ମୁକାବିଲା କରିବା ସହିତ ରାଜ୍ୟର ସବୁଜିମା ବୃଦ୍ଧି କରି ପରିବେଶକୁ ସ୍ୱଚ୍ଛ ଓ ପ୍ରଦୂଷଣ ମୁକ୍ତ କରିବାକୁ ଉପସ୍ଥିତ ଜନସାଧାରଣ ମାନଙ୍କୁ ପରାମର୍ଶ ଦେଇଥିଲେ ! ଆସନ୍ତୁ ଆମେ ସମସ୍ତେ ମିଶି ଏହି ସବୁଜ ସଂକଳ୍ପ ନେବା ଏବଂ ପ୍ରତ୍ୟେକ ନାଗରିକ ନିଜ ଜନ୍ମଦାତ୍ରୀ ମାଆଙ୍କ ନାମରେ କିମ୍ବା ତାଙ୍କ ସ୍ମୃତିରେ ଗୋଟିଏ ଗଛ ଲଗାଇବl ପାଇଁ ଡିପି ଆଗ୍ରୋ ଇକୋ ରିଟ୍ରିକ କମ୍ପାନୀ ଅଧକ୍ଷା ଦୀପ୍ତି ପ୍ରଭା ସାହୁ ସମସ୍ତଙ୍କୁ କହିଥିଲେ ! ଏହି କାର୍ଯ୍ୟକ୍ରମକୁ ଡିପି ଅଗ୍ରୋ ଇକୋ ରିଟ୍ରିଟ କମ୍ପାନୀ ପରିବାରର ସମ୍ବିତ କୁମାର ସାହୁ, ସୁଜିତ କୁମାର ସାହୁ, ସୁନୀଲ କୁମାର ବେହେରା ଓ ଅମିତ କୁମାର ସାହୁ ପ୍ରମୁଖ ସହଯୋଗ କରି ପରିଚାଳନା କରିଥିଲେ ! ପରିଶେଷରେ ନୟାଗଡ଼ ଜିଲ୍ଲା ବିଜେପି ସମ୍ପାଦକ ଜୟନ୍ତ କୁମାର ନାୟକ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ !