Web News

ଅନୁଗୋଳ: ଶାନ୍ତି ଅନୁଭୂତି ଧାମ ବ୍ରହ୍ମକୁମାରୀ ଅନୁଗୋଳ ଶାଖା ପକ୍ଷରୁ ଏକ ରକ୍ତଦାନ ଶିବିର ଆୟୋଜିତ ହୋଇଯାଇଛି। ଶିବିରରେ ମୁଖ୍ୟଅତିଥି ଭାବେ ଅନୁଗୋଳ ବିଧାୟକ ପ୍ରତାପ ଚନ୍ଦ୍ର ପ୍ରଧାନ ଯୋଗଦେଇ ରକ୍ତଦାନ ଶିବିରକୁ ଉଦ୍‌ଘାଟନ କରିଥିଲେ। ଏହି ଅବସରରେ ବିଧାୟକ ଶ୍ରୀ ପ୍ରଧାନ ବ୍ରହ୍ମକୁମାରୀ ଅନୁଗୋଳର କର୍ମକର୍ତ୍ତା ଓ ରକ୍ତଦାତାମାନଙ୍କୁ ଉତ୍ସାହିତ କରିଥିଲେ। ଅନୁଗୋଳର ଅତିରିକ୍ତ ଜିଲ୍ଲାପାଳ ଉଦୟ କୁମାର ମହାପାତ୍ର ସମ୍ମାନିତ ଅତିଥି ଭାବେ ଯୋଗଦେଇ ଆୟୋଜକ ଓ ରକ୍ତଦାତାମାନଙ୍କୁ ପ୍ରୋତ୍ସାହିତ କରିଥିଲେ। ରକ୍ତର ଅଭାବ ଦୂର କରିବା ସହ ଜରୁରୀ ସମୟରେ ରୋଗୀଙ୍କୁ ରକ୍ତ ଯୋଗାଣରେ ସହାୟତା କରିବା ଉଦ୍ଦେଶ୍ୟରେ ଏହି ଶିବିର ଆୟୋଜନ କରାଯାଇଥିଲା। ଏଭଳି ମହତ୍‌ କାର୍ଯ୍ୟକ୍ରମ ଆୟୋଜନ କରିଥିବାରୁ ବ୍ରହ୍ମକୁମାରୀ ଅନୁଗୋଳ ଶାଖାର ସମସ୍ତ ସଦସ୍ୟ ଓ ସଦସ୍ୟାଙ୍କୁ ଧନ୍ୟବାଦ ଓ କୃତଜ୍ଞତା ଜଣାଯାଇଛି।

ବଇଣ୍ଡା: ହଣ୍ଡପା ପୋଲିସ ପକ୍ଷରୁ ଜନତା ମହାବିଦ୍ୟାଳୟ, ବଇଣ୍ଡାରେ ଏକ ସାଇବର ସଚେତନତା କାର୍ଯ୍ୟକ୍ରମ ଆୟୋଜିତ ହୋଇଛି। ଏଥିରେ ମହାବିଦ୍ୟାଳୟର ଛାତ୍ରଛାତ୍ରୀମାନଙ୍କୁ ବର୍ତ୍ତମାନ ସମୟରେ ବୃଦ୍ଧି ପାଉଥିବା ସାଇବର ଠକେଇ, ଠକମାନଙ୍କ ବିଭିନ୍ନ କୌଶଳ ଏବଂ ଅନଲାଇନ୍‌ରେ ସୁରକ୍ଷିତ ରହିବାର ଉପାୟ ସମ୍ପର୍କରେ ସଚେତନ କରାଯାଇଥିଲା। କାର୍ଯ୍ୟକ୍ରମରେ ଅଜଣା ଲିଙ୍କ୍‌ରେ କ୍ଲିକ୍‌ ନକରିବା, ଓଟିପି, ପାସୱାର୍ଡ ଓ ବ୍ୟକ୍ତିଗତ ତଥ୍ୟ କାହା ସହିତ ଶେୟାର ନକରିବା ଏବଂ ସନ୍ଦେହଜନକ ଅନଲାଇନ୍‌ କାରବାରରୁ ଦୂରେଇ ରହିବା ନେଇ ଛାତ୍ରଛାତ୍ରୀଙ୍କୁ ପରାମର୍ଶ ଦିଆଯାଇଥିଲା। ଏଥିସହ ସାଇବର ଠକେଇ କିମ୍ବା ସନ୍ଦେହଜନକ କାର୍ଯ୍ୟକଳାପର ଶିକାର ହେଲେ ବିଳମ୍ବ ନକରି ସମ୍ପୃକ୍ତ କର୍ତ୍ତୃପକ୍ଷଙ୍କୁ ଜଣାଇବାକୁ ପୋଲିସ ପକ୍ଷରୁ ଛାତ୍ରଛାତ୍ରୀଙ୍କୁ ଆହ୍ୱାନ କରାଯାଇଥିଲା। ଡିଜିଟାଲ୍‌ ଯୁଗରେ ସଚେତନତା ହିଁ ସାଇବର ଠକେଇରୁ ସୁରକ୍ଷାର ପ୍ରମୁଖ ଉପାୟ ବୋଲି କୁହାଯାଇଥିଲା।

ବଅଁରପାଳ: ଗଡ଼ସନ୍ତ୍ରୀ ପଞ୍ଚାୟତ ଅନ୍ତର୍ଗତ ବଡ଼ଖଳି ଗ୍ରାମରେ ତାଳଚେର ବନାଞ୍ଚଳ ଅଧିକାରୀଙ୍କ ଉପସ୍ଥିତିରେ ଏକ ବନ ସୁରକ୍ଷା ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି ଅବସରରେ ବଡ଼ଖଳି ଗ୍ରାମରେ ବନ ସୁରକ୍ଷା ସମିତି ଗୃହ ନିର୍ମାଣ ନେଇ ଆଲୋଚନା କରାଯାଇଥିଲା। ଏଥିସହ ବନାଞ୍ଚଳ ଅଧିକାରୀଙ୍କ ମାଧ୍ୟମରେ ରାଜ୍ୟ ସରକାରଙ୍କ ପକ୍ଷରୁ ଆସୁଥିବା ବିଭିନ୍ନ ଯୋଜନା ଓ ଏହାର ସୁଫଳ କିପରି ଗ୍ରାମବାସୀଙ୍କ ନିକଟରେ ପହଞ୍ଚିବ, ସେନେଇ ଆଲୋଚନା ହୋଇଥିଲା। ସଭାରେ ଗ୍ରାମର ଏସ୍‌ଏଚ୍‌ଜି ମହିଳା, ବରିଷ୍ଠ ନାଗରିକ ଓ ଯୁବକମାନେ ଉପସ୍ଥିତ ରହି ବନ ସୁରକ୍ଷା ଓ ସରକାରୀ ଯୋଜନା ସମ୍ପର୍କରେ ଆଲୋଚନାରେ ସାମିଲ ହୋଇଥିଲେ। ଗ୍ରାମବାସୀଙ୍କ ସହଯୋଗରେ ଜଙ୍ଗଲ ସୁରକ୍ଷା ଓ ସଂରକ୍ଷଣକୁ ଆହୁରି ସୁଦୃଢ଼ କରିବା ଉପରେ ଗୁରୁତ୍ୱ ଦିଆଯାଇଥିଲା।

ଜଗତପୁର:ରାଜଯୋଗିନୀ ଦାଦୀ ପ୍ରକାଶମଣୀଜୀଙ୍କର ୧୯ ତମ ପୂଣ୍ୟତିଥି ଅବସରରେ ଜଗତପୁର ଗୋପବନ୍ଧୁନର ସ୍ଥିତ ବ୍ରହ୍ମାକୁମାରୀଜ୍‌ ଆଶ୍ରମରେ ବିଶ୍ଵ ବନ୍ଧୁତ୍ୱ ରକ୍ତଦାନ ମହାଅଭିଯାନ ଶିବିର ଅନୁଷ୍ଠିତ ହୋଇଯାଇଛି । ବ୍ରହ୍ମାକୁମାରୀ ଗୀତାଞ୍ଜଳୀଙ୍କ ନେତୃତ୍ଵରେ ଅନୁଷ୍ଠିତ ଏହି ଶିବିରକୁ କେ.ଏମ.ସି ଡେପୁଟି ମେୟର ଦମୟନ୍ତୀ ମାଝୀ ଉଦଘାଟନ କରିଥିବା ବେଳେ ଅତିଥି ଭାବେ ଡ.ଚନ୍ଦ୍ରିକା ପ୍ରସାଦ ଦାସ ଓ ଏସ.ଆଇ ରମେଶ ଚନ୍ଦ୍ର ଦାସ ଯୋଗଦେଇ ବ୍ରହ୍ମା କୁମାରୀ ଆଶ୍ରମର ଏଭଳି ପ୍ରୟାସବୁ ଭୂୟସୀ ପ୍ରଶଂସା କରିଥିଲେ। ଏହି ଶିବିରରେ ମୋଟ ୩୨ୟୁନିଟ୍ ରକ୍ତ ସଂଗ୍ରହ କରାଯାଇଥିଲା । କଟକସ୍ଥିତ କେନ୍ଦ୍ରୀୟ ରକ୍ତ ଭଣ୍ଡାର ପକ୍ଷରୁ ଡା.ରଘୁନାଥ ବେହୁରା , ଡା. ଯୋଗେଶ ଚନ୍ଦ୍ର ଚୈଧୁରୀଙ୍କ ସହ ଡାକ୍ତରୀ କର୍ମଚାରୀ ରକ୍ତଦାତାମାନଙ୍କ ସ୍ୱାସ୍ଥ୍ୟ ପରୀକ୍ଷା ସହ ରକ୍ତ ସଂଗ୍ରହ କରିଥିଲେ । ଏହି କାର୍ଯ୍ୟକ୍ରମକୁ ବ୍ରହ୍ମକୁମାର ଅମୂଲ୍ୟ, ବିବେକାନନ୍ଦ, ପ୍ରଫୁଲ୍ଲ, ପଞ୍ଚାନନ, ତୁଷାର, ବାବୁରାମ, ଅକ୍ଷୟ, ଆଦିତ୍ୟ, ନଗେନ ଏବଂ ବ୍ରହ୍ମକୁମାରୀ ପିଙ୍କି, କୁନି, ମାନୀ, କବିତା, ବିନି ଓ ସୁମତି ପ୍ରମୁଖ ପରିଚାଳନା କରିଥିଲେ ।

ଖୋରଧା ଜିଲ୍ଲା ଟାଙ୍ଗୀ ତହସିଲ ଅଧିନ କନ୍ତଳବାଇ,ବାଲିପାଟପୁର ଓ ଭୂଷଣ୍ଡପୁର ପଂଚାୟତ ଅଧିନରେ ଥିବା ବେଙ୍ଗଲୀ ମାନଙ୍କ ନିଜର ଚିଲିକା କୁଳ ନାସି ଅଂଚଳ ରେ ଥିବା ଚାଷ ଜମି ଚାଷ ଉପଯୋଗୀ ନହେବାରୁ ଭୂଷଣ୍ଡପୁର ଜଗନ୍ନାଥ ମୌଜାର ଶହଶହ ଏକର ଚାଷଜମିକୁ ମାଛ ପୋଖରୀକୁ ଓଡ଼ିଶା -ଆନ୍ଦ୍ର ଫିସ କଲଚର ନାମରେ ପାଟନରସିପ ଦଲିଲ ସହ ଚୁକ୍ତିକରି ୧୫ବର୍ଷ ପାଇଁ ଲିଜ ସୂତ୍ରରେ ଦେଇଥିଲେ। କିନ୍ତୁ ଆଜି ଚାଷଜମି ଦେଇଥିବା ଚାଷୀ ସେମାନେ ତାଙ୍କ ପ୍ରାପ୍ୟ ପାଇବାରୁ ବଞ୍ଚିତ। ସେଥିପାଇଁ ଚାଷୀ ଆଖିରେ ଆଖିଏ ଲୁହ,,, ନିଜ ଚାଷ ଜମିରୁ କିଭଳି ପ୍ରାପ୍ୟ ପାଇବ ସେଥିପାଇଁ ଚିନ୍ତା ରେ ବେଙ୍ଗଲୀ ଚାଷୀ,l ବଙ୍ଗାଳି ଚାଷୀ ମାନଙ୍କ ସମସ୍ୟା ସମ୍ପର୍କରେ ଆମେ ଶେଖ ଗୌସଙ୍କ ପ୍ରତ୍ୟକ୍ଷ ତଦ୍ଵାବଧାନରେ ଲିଜ ସୂତ୍ରରେ ନେଇଥିବା ଲୋକଙ୍କ ସହ ଆଲୋଚନା କରିଥିଲୁ। ସେମାନଙ୍କ କହିବା ଅନୁସାରେ ୨୦୧୪ମସିହାରେ ସାତଜଣ ଲୋକଙ୍କ ଭାଗିଧାରୀରେ ଓଡ଼ିଶା - ଆନ୍ଧ୍ର ଫିସ କଲଚର ନାମରେ ଏକ ପାଟନରସିପ ଡିଡି ମାଧ୍ୟମରେ ବଙ୍ଗାଳି ଚାଷୀ ମାନଙ୍କ ଚାଷଜମି କୁ ୧୫ବର୍ଷ ପାଇଁ ଲିଜ ସୂତ୍ରରେ ନେଇଥିଲେ। ସବୁ ଠିକଠାକ ଚାଲିଥିଲା କିନ୍ତୁ ୭ ବର୍ଷ ପରେ ଆରମ୍ଭ ହୋଇଥିଲା ସମସ୍ୟା । କୌଣସି କାରଣରୁ ସେମାନଙ୍କ ମଧ୍ୟରେ ଥିବା ଜଣେ ଭାଗୁଆଳି ରମଜାନ ଖାନଙ୍କୁ ସମସ୍ତ ଦାଇତ୍ୱ ଦେଇଥିବା ବେଳେ ମାଛ ପୋଖରୀର ଆୟ ପୂର୍ବ ନିଷ୍ପତି ଅନୁଯାୟୀ ଅନ୍ୟ ଭାଗୁଆଳି ମାନଙ୍କୁ ନଦେଇ ସମୟ ଗଡେଇ ଚାଲିଥିଲା। ଏହାରି ଭିତରେ ପାଟନରସିପ ଡିଡି ଅନ୍ୟ ଭାଗୁଆଳି ମାନଙ୍କ ଅଜାଣତରେ ଜାଲିଆତି କରି ନିରୀହ ଚାଷୀଙ୍କ ଠାରୁ ସ୍ଵାକ୍ଷର ନେଇ ନିଜ ନାମରେ ପ୍ରାୟ ୧୯୦ ଏକର ଚାଷଜମିକୁ ନିଜ ଅକ୍ତିଆରରେ ରଖିଛନ୍ତି ରମଯାନ ଖାଁ । ଯାହା ଫଳରେ ଲିଜରେ ଜମି ଦେଇଥିବା ଚାଷୀ ତାଙ୍କ ପ୍ରାପ୍ତ ପାଇବାରରେ ବାଧା ଉପୁଜିଥିଲା । ଏହା ପରେ ଅନ୍ୟ ଭାଗୁଆଳିମାନେ ପ୍ରଥମେ ସ୍ଥାନୀୟ ଗାଁ କମିଟି ପରେ ସ୍ଥାନୀୟ ପୋଲିସ ଓ ଖୋରଧା ବିଧାୟକଙ୍କ ଦ୍ଵାରସ୍ଥ ହୋଇଥିଲେ। ବିଧାୟକ ଏକ ବୈଠକ ମାଧ୍ୟମରେ ଉଭୟ ପକ୍ଷ ଙ୍କ ସହ ଆଲୋଚନା କରି ନିଜର ନିଷ୍ପତି ରଖିଥିଲେ। କିଂତୁ ରାମଜାନ ଖାନ ବିଧାୟକଙ୍କ ନିଷ୍ପତିକୁ ନମାନି। ପ୍ରକୃତ ଲିଜଧାରୀଙ୍କୁ ବିଭିନ୍ନ ସମୟରେ ସେମାନଙ୍କ ପୋଖରୀକୁ ଯିବାକୁ ବାରଣ କରିବା , ମାଛ ନମାରିବା ପାଇଁ ତାଗିତ କରିବା ପରି ଅନେକ ଅସୁବିଧା ବାରମ୍ବାର କରି ଆସୁଛନ୍ତି । ଏଣୁ ଜିଲ୍ଲା ପ୍ରଶାସନ ଓ ରାଜ୍ୟ ସରକାର ଏହାର ସତ୍ୟାସତ୍ୟ ଅନୁଧ୍ୟାନ କରି ଆମକୁ ନ୍ୟାୟ ଦେବାକୁ ଅନୁରୋଧ କରିଛନ୍ତି ଲିଜଧାରୀ ମାଛ ପୋଖରୀ ମାଲିକ।

ବିଜେପୁର-ଖରାଦିନରେ ବିଜେପୁର NAC ଅଞ୍ଚଳକୁ ବିଶୁଦ୍ଧ ପାନୀୟଜଳ ଯୋଗାଣରେ ଦେଖାଦେଉଥିବା ସମସ୍ୟାର ସ୍ଥାୟୀ ସମାଧାନ ଓ ବିକଳ୍ପ ବ୍ୟବସ୍ଥା କରିବା ନେଇ ଆଜି ବିଜେପୁର ବିଧାୟକ ସନତ କୁମାର ଗଡ଼ତୀୟା ଏବଂ PHD ACଙ୍କ ସହ ଅଧିକାରୀମାନେ ବାନ୍ଧୁପାଳି ପମ୍ପହାଉସ ପରିଦର୍ଶନ କରିଛନ୍ତି।ଗ୍ରୀଷ୍ମ ଋତୁରେ ଜଳସ୍ତର ହ୍ରାସ ଓ ଅନ୍ୟାନ୍ୟ କାରଣରୁ ବିଜେପୁର NAC ଅଞ୍ଚଳରେ ପାନୀୟଜଳ ଯୋଗାଣ ପ୍ରଭାବିତ ହେଉଥିବା ଅଭିଯୋଗ ରହିଛି। ଏହାକୁ ଦୃଷ୍ଟିରେ ରଖି ଜଳ ଯୋଗାଣ ବ୍ୟବସ୍ଥାର ସ୍ଥିତି ସମୀକ୍ଷା କରିବା ସହ ବିକଳ୍ପ ଜଳ ଉତ୍ସ ଓ ଆବଶ୍ୟକ ଭିତ୍ତିଭୂମି ବ୍ୟବସ୍ଥା ସମ୍ପର୍କରେ ବିଧାୟକ ଶ୍ରୀ ଗଡ଼ତୀୟା ଅଧିକାରୀମାନଙ୍କ ସହ ଆଲୋଚନା କରିଥିଲେ।ପମ୍ପହାଉସରୁ NAC ଅଞ୍ଚଳକୁ ଜଳ ଯୋଗାଣର ବର୍ତ୍ତମାନ ସ୍ଥିତି, ଜଳ ସଂଗ୍ରହ ଓ ପମ୍ପିଂ ବ୍ୟବସ୍ଥା ଆଦିର ଅନୁଧ୍ୟାନ କରାଯାଇଥିଲା। ଖରାଦିନରେ ଯେପରି ଲୋକମାନେ ପାନୀୟଜଳ ପାଇଁ ଅସୁବିଧାର ସମ୍ମୁଖୀନ ନହୁଅନ୍ତି, ସେଥିପାଇଁ ଶୀଘ୍ର ବିକଳ୍ପ ଯୋଜନା ପ୍ରସ୍ତୁତ କରି ଆବଶ୍ୟକ ପଦକ୍ଷେପ ନେବାକୁ ଅଧିକାରୀମାନଙ୍କୁ କୁହାଯାଇଥିଲା। ବିଜେପୁର ସହର ଓ ଏହାର ଆଖପାଖ ଅଞ୍ଚଳର ଲୋକଙ୍କୁ ନିରବଚ୍ଛିନ୍ନ ଓ ପର୍ଯ୍ୟାପ୍ତ ପରିମାଣରେ ବିଶୁଦ୍ଧ ପାନୀୟଜଳ ଯୋଗାଇଦେବା ଉପରେ ବିଧାୟକ ଗୁରୁତ୍ୱାରୋପ କରିଥିଲେ। ସମସ୍ୟାର ତୁରନ୍ତ ସମାଧାନ ସହ ଭବିଷ୍ୟତରେ ଜଳ ସଙ୍କଟ ନହେବା ପାଇଁ ଦୀର୍ଘମିଆଦୀ ଯୋଜନା କରାଯିବ ବୋଲି ଜଣାପଡ଼ିଛି।

ଆମ ଅଞ୍ଚଳ ତଥା ଭଦ୍ରକ ଜିଲ୍ଲା, ଧାମନଗର ବ୍ଲକ ଅନ୍ତର୍ଗତ ଦଇପୁର ପଞ୍ଚାୟତର ନାରାୟଣପୁର ଗ୍ରାମ ନାଥସାହିର ଚକ୍ରଧର ନାଥଙ୍କ ସାନ ଝିଅ ଇପ୍ସିତାଙ୍କ ଅକାଳ ବିୟୋଗର ଖବର ନିଶ୍ଚିତ ଭାବେ ସମଗ୍ର ଅଞ୍ଚଳବାସୀଙ୍କୁ ଗଭୀର ଭାବେ ମର୍ମାହତ କରିଛି। ସୂଚନା ଅନୁସାରେ, ଇପ୍ସିତା ରେବ ନଦୀକୁ ଯାଇଥିବା ସମୟରେ ଅଘଟଣାବଶତଃ ପାଣିରେ ଗୋଡ଼ ଖସିଯାଇ ବୁଡ଼ିଯାଇଥିଲେ। ତାଙ୍କୁ ଉଦ୍ଧାର କରାଯାଇ ତୁରନ୍ତ ଭଦ୍ରକ ଜିଲ୍ଲା ମୁଖ୍ୟ ଚିକିତ୍ସାଳୟକୁ ନିଆଯାଇଥିଲା। ମାତ୍ର ସେଠାରେ କାର୍ଯ୍ୟରତ ଡାକ୍ତର ତାଙ୍କୁ ମୃତ ଘୋଷଣା କରିଥିବା ଜଣାପଡ଼ିଛି। ଏହି ଅତ୍ୟନ୍ତ ଦୁଃଖଦ ଘଟଣାରେ ଏକ ହସଖୁସିର ପରିବାର ଉପରେ ଦୁଃଖର ପାହାଡ଼ ଭାଙ୍ଗିପଡ଼ିଛି। ଜଣେ କୋମଳମତି ଝିଅଙ୍କ ଏଭଳି ଅକାଳ ବିୟୋଗରେ ପରିବାର, ବନ୍ଧୁବାନ୍ଧବ, ପରିଚିତ ଏବଂ ସମଗ୍ର ଅଞ୍ଚଳବାସୀଙ୍କ ମଧ୍ୟରେ ଶୋକର ଛାୟା ଖେଳିଯାଇଛି। ଏହି ଦୁଃଖଦ ସମୟରେ ଶୋକସନ୍ତପ୍ତ ପରିବାରବର୍ଗଙ୍କ ପ୍ରତି ଆମର ଗଭୀର ସମବେଦନା। ଭଗବାନ ଦୁଃଖୀ ପରିବାରକୁ ଏହି ଅପୂରଣୀୟ କ୍ଷତିକୁ ସହିବା ପାଇଁ ଶକ୍ତି ଓ ସାହସ ପ୍ରଦାନ କରନ୍ତୁ—ଏହାହିଁ ଆମର ପ୍ରାର୍ଥନା।

ଖୋର୍ଦ୍ଧା-ଐତିହ୍ୟବେଗୁନିଆର ଗୌରବ ଓ ଶିକ୍ଷାର ଏକ ପୁରାତନ ପରିଚୟ—ସରକାରୀ ଉଚ୍ଚ ବିଦ୍ୟାଳୟ। ଦିନେ ଯେଉଁ ଶିକ୍ଷାନୁଷ୍ଠାନ ଅଞ୍ଚଳର ଅନେକ ପିଢ଼ିକୁ ଶିକ୍ଷାର ଆଲୋକ ଦେଇଛି, ଆଜି ସେହି ବିଦ୍ୟାଳୟର ଅବସ୍ଥା ଅନେକ ପ୍ରଶ୍ନ ଉଠାଇଛି।ବିଦ୍ୟାଳୟର ଭିତ୍ତିଭୂମି ଓ ଆବଶ୍ୟକ ସୁବିଧାର ଅଭାବ ଯଦି ରହିଛି, ତେବେ ଏହା ପଛରେ ପ୍ରକୃତ କାରଣ କ’ଣ? ସରକାରୀ ଅର୍ଥାଭାବ, ନା ପ୍ରଶାସନିକ ଉଦାସୀନତା?ଛାତ୍ରଛାତ୍ରୀଙ୍କ ଭବିଷ୍ୟତ ସହ ଜଡ଼ିତ ଏହି ପ୍ରସଙ୍ଗରେ ଦାୟିତ୍ୱ କାହାର? ପୁରାତନ ଏହି ଶିକ୍ଷାନୁଷ୍ଠାନର ଗୌରବ ଫେରାଇବାକୁ କେବେ ହେବ ପଦକ୍ଷେପ? ଏବେ ଏହି ପ୍ରଶ୍ନର ଉତ୍ତର ଅପେକ୍ଷାରେ ରହିଛନ୍ତି ବେଗୁନିଆବାସୀ।

ଖୋର୍ଦ୍ଧା: ରାଜସୁନାଖଳା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଡାକ୍ତରଙ୍କ ଅଭାବ ଯୋଗୁଁ ସ୍ୱାସ୍ଥ୍ୟସେବା ବିପର୍ଯ୍ୟସ୍ତ ହୋଇପଡ଼ିଛି। ଜଣେ ମାତ୍ର ଡାକ୍ତରଙ୍କ ଭରସାରେ ଶହ ଶହ ରୋଗୀଙ୍କ ଚିକିତ୍ସା ଚାଲିଥିବାରୁ ପ୍ରତିଦିନ ରୋଗୀମାନଙ୍କୁ ଦୀର୍ଘ ସମୟ ଅପେକ୍ଷା କରିବା ସହ ନାନା ସମସ୍ୟାର ସମ୍ମୁଖୀନ ହେବାକୁ ପଡ଼ୁଛି। ଚିକିତ୍ସା ପାଇଁ ଦୂରଦୂରାନ୍ତରୁ ଆସୁଥିବା ସାଧାରଣ ରୋଗୀମାନେ ଆବଶ୍ୟକ ସେବା ନପାଇ ହନ୍ତସନ୍ତ ହେଉଥିବା ଅଭିଯୋଗ ହୋଇଛି। ଡାକ୍ତରଙ୍କ ଅଭାବ ସାଙ୍ଗକୁ ଆବଶ୍ୟକ ମୌଳିକ ସୁବିଧାର ଅଭାବ ମଧ୍ୟ ରୋଗୀଙ୍କ ସମସ୍ୟାକୁ ଆହୁରି ବଢ଼ାଇଛି।ସବୁଠାରୁ ଗୁରୁତ୍ୱପୂର୍ଣ୍ଣ କଥା, ଖୋଦ ବିଧାନସଭା ବାଚସ୍ପତିଙ୍କ ନିର୍ବାଚନମଣ୍ଡଳୀରେ ଏଭଳି ସ୍ୱାସ୍ଥ୍ୟସେବାର ଚିତ୍ର ସାମ୍ନାକୁ ଆସିବା ନେଇ ଅଞ୍ଚଳବାସୀ ଅସନ୍ତୋଷ ପ୍ରକାଶ କରିଛନ୍ତି। ତୁରନ୍ତ ଆବଶ୍ୟକ ସଂଖ୍ୟକ ଡାକ୍ତର ନିଯୁକ୍ତି ସହ ସ୍ୱାସ୍ଥ୍ୟକେନ୍ଦ୍ରର ମୌଳିକ ସୁବିଧା ବିକାଶ ପାଇଁ ଦାବି ହୋଇଛି।ପ୍ରଶାସନ ଓ ଜିଲ୍ଲା ସ୍ୱାସ୍ଥ୍ୟ ବିଭାଗ କେବେ ଏହି ସମସ୍ୟା ପ୍ରତି ଦୃଷ୍ଟି ଦେଇ ପଦକ୍ଷେପ ନେବ, ତାହାକୁ ଅପେକ୍ଷା କରିଛନ୍ତି ଅଞ୍ଚଳବାସୀ।

​ପାତ୍ରପୁର : ୨୨/୮ : ଗରିବଙ୍କୁ ଆବାସ ଯୋଗାଇବା ପାଇଁ ସରକାରୀ ଯୋଜନାର ଦୁରୁପଯୋଗ ଏବଂ ପ୍ରଶାସନିକ ଉଦାସୀନତାର ଏକ ଚିନ୍ତାଜନକ ଚିତ୍ର ସାମ୍ନାକୁ ଆସିଛି। ଗଞ୍ଜାମ ଜିଲ୍ଲା ପାତ୍ରପୁର ବ୍ଲକ ଅନ୍ତର୍ଗତ ତୁରୁବୁଡି ପଞ୍ଚାୟତର ବେଲପଡା ଛକ ଓ ପୂହୁଣ୍ଡି ରାସ୍ତା କଡ଼ରେ ଥିବା ବାଘଲଟି ଜଳ ପ୍ରକଳ୍ପର କେନାଲ ଓ ସରକାରୀ ଜମିରେ ବେଆଇନ ଭାବେ ଅନ୍ତୋଦୟ ଗୃହ ନିର୍ମାଣ ହୋଇଥିବା ଅଭିଯୋଗ ହୋଇଛି। ​କେନାଲ ଜମିରେ କିଭଳି ହେଲା ଗୃହ ନିର୍ମାଣ? ପୂର୍ବରୁ ଏଠାରେ କିଛି ସରକାରୀ ଓ ବାଉଳିଆ ଗ୍ରାମବାସୀଙ୍କ ପଟ୍ଟା ଜମି ରହିଥିଲା। ପରବର୍ତ୍ତୀ ସମୟରେ ବାଘଲଟି ଜଳ ପ୍ରକଳ୍ପ ଅଧୀନରେ ପୂହୁଣ୍ଡି ସବ୍-ମାଇନର କେନାଲ ପାଇଁ ଲୋକଙ୍କୁ କ୍ଷତିପୂରଣ ଦେଇ ଜମି ଅଧିଗ୍ରହଣ କରାଯାଇଥିଲା। କିନ୍ତୁ ବିନା ଉପଯୁକ୍ତ କ୍ଷେତ୍ର ଯାଞ୍ଚରେ ସେହି ଅଧିଗୃହୀତ କେନାଲ ଓ ସରକାରୀ ଜମିରେ ଅନ୍ତୋଦୟ ଯୋଜନାରେ ଘର ନିର୍ମାଣ ପାଇଁ କିଭଳି ଅନୁମତି ମିଳିଲା, ତାହାକୁ ନେଇ ସ୍ଥାନୀୟ ଅଞ୍ଚଳରେ ତୀବ୍ର ପ୍ରଶ୍ନବାଚୀ ସୃଷ୍ଟି ହୋଇଛି। ​ଅଧିକାରୀଙ୍କ ପ୍ରତିକ୍ରିୟା: ​ପଞ୍ଚାୟତ ଅଧିକାରୀ: "ଗରିବ ହିତାଧିକାରୀଙ୍କୁ ଘର ମଞ୍ଜୁର ପୂର୍ବରୁ ଯାଞ୍ଚ କରାଯାଇଥିଲା। କିନ୍ତୁ ସେମାନେ ନିଜ ପଟ୍ଟା ଜମି ଅନ୍ୟତ୍ର ଦର୍ଶାଇ କେନାଲ ଜମିରେ ଘର ତିଆରି କରିଛନ୍ତି। ଘଟଣା ସାମ୍ନାକୁ ଆସିବା ପରେ ସେମାନଙ୍କର ବିଲ୍ ଅଟକ ରଖାଯାଇଛି। ବାଘଲଟି ପ୍ରକଳ୍ପ କର୍ତ୍ତୃପକ୍ଷଙ୍କ ତଦନ୍ତ ରିପୋର୍ଟ ଓ ନିର୍ଦ୍ଦେଶ ପରେ ହିଁ ପରବର୍ତ୍ତୀ ପଦକ୍ଷେପ ନିଆଯିବ।" ​ବାଘଲଟି କନିଷ୍ଠ ଯନ୍ତ୍ରୀ (JE): "ପୂର୍ବରୁ ସେଠାରେ କିଛି ଲୋକ ଝୁମ୍ପୁଡ଼ି କରି ରହୁଥିଲେ। ସରକାରୀ ଓ କେନାଲ ଜମିରେ କାହିଁକି ଏବଂ କିପରି ପକ୍କା ଘର ନିର୍ମାଣ ହେଲା, ସେନେଇ ଉଚ୍ଚସ୍ତରୀୟ ତଦନ୍ତ କରାଯିବ। ବିଭାଗୀୟ ଆଦେଶ ମିଳିଲେ ଉଚ୍ଛେଦ ପ୍ରକ୍ରିୟା ଆରମ୍ଭ ହେବ।" ​ସବ୍-ମାଇନର କେନାଲ ଜବରଦଖଲ ଚିନ୍ତା: କେବଳ ପୂହୁଣ୍ଡି ମାଇନର ନୁହେଁ, ବରଂ ଅଞ୍ଚଳର ଏକାଧିକ ସବ୍-ମାଇନର କେନାଲ ଜମିକୁ କିଛି ଅସାଧୁ ବ୍ୟକ୍ତି ଜବରଦଖଲ କରି ଚାଷ କାର୍ଯ୍ୟ କରୁଥିବା ଅଭିଯୋଗ ହୋଇଛି। ଯଦି ପ୍ରଶାସନ ତୁରନ୍ତ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ ନକରେ, ତେବେ ଭବିଷ୍ୟତରେ ସମ୍ପୂର୍ଣ୍ଣ କେନାଲ ବ୍ୟବସ୍ଥା ନିଜସ୍ୱ ଜମିରେ ପରିଣତ ହେବାର ଆଶଙ୍କା ପ୍ରକାଶ ପାଇଛି। ​ବାଉଳିଆ ଗ୍ରାମର ଯୁବଗୋଷ୍ଠୀ ଏହି ଦୁର୍ନୀତି ବିରୋଧରେ ପ୍ରଶାସନର ଦୃଷ୍ଟି ଆକର୍ଷଣ କରିଛନ୍ତି। ବର୍ତ୍ତମାନ ଦେଖିବାକୁ ବାକି ରହିଲା—ପ୍ରକୃତ ଭୂମିହୀନ ଗରିବଙ୍କୁ ଉପଯୁକ୍ତ ସରକାରୀ ଜମି ଯୋଗାଇ କେନାଲକୁ ଜବରଦଖଲମୁକ୍ତ କରାଯାଉଛି, ନା ରାଜନୈତିକ ଚାପ ଆଗରେ ପ୍ରଶାସନ ନିରବଦ୍ରଷ୍ଟା ସାଜୁଛି।

କେନ୍ଦ୍ରାପଡା ଜିଲ୍ଲା ପଟ୍ଟାମୁଣ୍ଡାଇ ବ୍ଲକ ଅନ୍ତର୍ଗତ ବକବଦ୍ରପୂର୍ ଗ୍ରାମ ପଞ୍ଚାୟତ ର ବାଲିପାଟଣା ଗ୍ରାମରେ ଜନ୍ମଗ୍ରହଣ କରି ଆଜି ସମସ୍ତଙ୍କ ପାଖରେ ଜଣେ ସାହାସୀ ଏବଂ ଲୋକ ମାନକୁ ଶୁଖିଲା ଖାଦ୍ୟ ରନ୍ଧା ଖାଦ୍ୟ ଏବଂ ପଶୁ ପକ୍ଷୀ ମାନଙ୍କୁ ଆହାର ଦୀର୍ଘ ପାଞ୍ଚ ଦିନ ହେବ ନିରଞ୍ଛିନ୍ନ ଭାବରେ ପଛକୁ ନଚାହିଁ କାର୍ଯ୍ୟ କରି ଚାଲିଛନ୍ତି, ସେ ଛୋଟ ବେଳୁ ପରୋପକାର କରିବା ସହିତ ଗ୍ରାମରେ ଛୋଟ ବଡ ବଚସକୁ ସେ ଆଗକୁ ନ ନେଇ ଆପୋଷ ମିଳାମିଶା କରିବା , ଗ୍ରାମ ରେ କିଭଳି ପରିଷ୍କାର ପରିଚ୍ଛନ୍ନ ରହିବା ସହିତ ଭାଇଚାରା ସୂର୍ଷ୍ଟି ହୋଇପାରିବ ତାହା ମଧ୍ୟ ସବୁ ବେଳେ ଧ୍ୟାନ ଦେଇଥାନ୍ତି

Khariar, Aug 22: In a significant development in a corruption case, two former engineers of Khariar NAC, Nuapada, and a contractor have been convicted by the Special Judge, Vigilance, Bhawanipatna for alleged misappropriation of government funds in connection with road improvement and CC road works in the NAC area. The convicted persons are Umesh Chandra Tripathy, former Assistant Engineer (retired), Jayanta Narayan Panda, former Junior Engineer (retired), both of Khariar NAC, and Prasanna Kumar Mahana, contractor. According to Odisha Vigilance, the three accused were charge-sheeted under Section 13(2) read with Section 13(1)(d) of the Prevention of Corruption Act, 1988, and Sections 420 and 120-B of the IPC in connection with alleged misappropriation of government money. On August 22, 2026, the Special Judge, Vigilance, Bhawanipatna convicted all three accused and sentenced each of them to three years of simple imprisonment along with a fine. Following the conviction, Odisha Vigilance is set to approach the competent authority for stoppage of pension of Umesh Chandra Tripathy and Jayanta Narayan Panda, both retired engineers of Khariar NAC. The case was investigated by Surendranath Raiguru, former Inspector, Vigilance, Koraput Division. Sudhir Kumar Panda and Imran Khan, Special Public Prosecutors, Vigilance, Bhawanipatna, jointly conducted the prosecution on behalf of the Vigilance department. The conviction has once again highlighted the Vigilance department’s efforts to curb corruption and protect public funds, particularly in government-funded development works.