ଧାମନଗର ମହାବିଦ୍ୟାଳୟରେ ABVPର ବାଜିମାତ୍

ଭଦ୍ରକ ଜିଲ୍ଲା ଧାମନଗର ମହାବିଦ୍ୟାଳୟ ଛାତ୍ର ସଂସଦ ନିର୍ବାଚନରେ ABVPର ବାଜିମାତ୍। ପ୍ରେସିଡେଣ୍ଟ ଓ ଭାଇସ୍‌ ପ୍ରେସିଡେଣ୍ଟ ସମେତ ସମସ୍ତ ଆସନରେ ବିଜୟୀ ହୋଇଛି ABVP। ଦୀର୍ଘ ବର୍ଷର ବ୍ୟବଧାନ ପରେ ନିର୍ବାଚନ ହୋଇଥିବାରୁ କଲେଜ କ୍ୟାମ୍ପସରେ ଦେଖିବାକୁ ମିଳିଥିଲା ଉତ୍ସାହ ଓ ଉତ୍କଣ୍ଠା। ଫଳାଫଳ ପ୍ରକାଶ ପରେ ABVP ଶିବିରରେ ଖୁସିର ମାହୋଲ। ଦୀର୍ଘ ବର୍ଷର ବ୍ୟବଧାନ ପରେ ଧାମନଗର ମହାବିଦ୍ୟାଳୟରେ ହୋଇଥିଲା ଛାତ୍ର ସଂସଦ ନିର୍ବାଚନ। ଏହାକୁ ନେଇ ଛାତ୍ରଛାତ୍ରୀଙ୍କ ମଧ୍ୟରେ ରହିଥିଲା ବେଶ୍ ଉତ୍ସାହ। ନିର୍ବାଚନ ପୂର୍ବରୁ ବିଭିନ୍ନ ଛାତ୍ର ସଂଗଠନ ନିଜ ସପକ୍ଷରେ ସମର୍ଥନ ଯୋଗାଡ଼ କରିବା ପାଇଁ ଜୋରଦାର ଉଦ୍ୟମ କରିଥିଲେ। ପ୍ରଚାର ସମୟରେ ଦୁଇ ପକ୍ଷ ମଧ୍ୟରେ ଉତ୍ତେଜନା ମଧ୍ୟ ଦେଖାଦେଇଥିଲା। ତେବେ ମତଦାନ ଓ ଭୋଟ୍ ଗଣତି ପରେ ପ୍ରକାଶ ପାଇଥିଲା ନିର୍ବାଚନ ଫଳାଫଳ। ପ୍ରେସିଡେଣ୍ଟ, ଭାଇସ୍‌ ପ୍ରେସିଡେଣ୍ଟ ସମେତ ସମସ୍ତ ଆସନରେ ବିଜୟୀ ହୋଇଛି ABVP। ଏହି ବିଜୟ ପରେ ABVP ଶିବିରରେ ଉତ୍ସାହ ଦେଖିବାକୁ ମିଳିଛି। ଧାମନଗର ମହାବିଦ୍ୟାଳୟ ଛାତ୍ର ରାଜନୀତିରେ ଏହି ଫଳାଫଳ ଏକ ଚର୍ଚ୍ଚାର ବିଷୟ ପାଲଟିଛି।