ନଈତଇଲା ଆଦିବାସୀ ସାହିରେ ଜାତୀୟ ଯକ୍ଷ୍ମା ନିବାରଣ ସଚେତନତା କାର୍ଯ୍ୟକ୍ରମ

ନୟାଗଡ଼ ଜିଲ୍ଲା ନୂଆଗାଁ ବ୍ଲକ ଅନ୍ତର୍ଗତ ନଈତଇଲା ଆଦିବାସୀ ସାହିରେ ଜାତୀୟ ଯକ୍ଷ୍ମା ନିବାରଣ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଛି। ଏହି କାର୍ଯ୍ୟକ୍ରମ ମାଧ୍ୟମରେ ସାହିବାସୀଙ୍କୁ ଯକ୍ଷ୍ମା ରୋଗର ଲକ୍ଷଣ, ପ୍ରତିରୋଧ ଓ ଚିକିତ୍ସା ସମ୍ପର୍କରେ ସଚେତନ କରାଯାଇଛି। ଯକ୍ଷ୍ମା ଏକ ଚିକିତ୍ସାଯୋଗ୍ୟ ରୋଗ। ଦୀର୍ଘଦିନ ଧରି କାଶ ହେବା, ଜ୍ୱର ଲାଗି ରହିବା ଓ ଓଜନ କମିବା ଭଳି ଲକ୍ଷଣ ଦେଖାଦେଲେ ନିକଟସ୍ଥ ସ୍ୱାସ୍ଥ୍ୟକେନ୍ଦ୍ରରେ ପରୀକ୍ଷା କରାଇବାକୁ ପରାମର୍ଶ ଦିଆଯାଇଛି। ଯକ୍ଷ୍ମା ରୋଗ ହେଲେ ନିୟମିତ ଔଷଧ ସେବନ ଓ ଡାକ୍ତରଙ୍କ ପରାମର୍ଶ ଅନୁସରଣ ଦ୍ୱାରା ରୋଗରୁ ମୁକ୍ତି ମିଳିପାରିବ। ଗ୍ରାମାଞ୍ଚଳରେ ଯକ୍ଷ୍ମା ରୋଗ ସମ୍ପର୍କରେ ସଚେତନତା ବୃଦ୍ଧି କରିବା ସହ ରୋଗୀଙ୍କୁ ଚିହ୍ନଟ ଓ ଉପଯୁକ୍ତ ଚିକିତ୍ସା ଯୋଗାଇଦେବା ଏହି କାର୍ଯ୍ୟକ୍ରମର ମୁଖ୍ୟ ଉଦ୍ଦେଶ୍ୟ। ସଚେତନତାର ବାର୍ତ୍ତା: ଯକ୍ଷ୍ମାକୁ ଭୟ ନୁହେଁ, ଠିକ୍ ସମୟରେ ପରୀକ୍ଷା ଓ ଚିକିତ୍ସା ହିଁ ଏହାର ପ୍ରତିକାର।