ଜିଲ୍ଲା କଂଗ୍ରେସ ପକ୍ଷରୁ ନିର୍ବାଚନ କମିଶନରଙ୍କ ବହିଷ୍କାର ଓ ଗରିଫ୍ ଦାବିରେ ଜିଲ୍ଲାପାଳ ଅଫିସ୍ ସମ୍ମୁଖରେ ବିକ୍ଷୋଭ

ଯାଜପୁର: ୨୮/୦୯: ପ୍ରଦେଶ କଂଗ୍ରେସ କମିଟିର ସଭାପତି ଭକ୍ତ ଚରଣ ଦାସଙ୍କ ନିର୍ଦ୍ଦେଶକ୍ରମେ ଜିଲ୍ଲା କଂଗ୍ରେସ କମିଟିର ସଭାପତି ମାଗୁଣି ବଟକୃଷ୍ଣ ଯେନାଙ୍କ ଅଧ୍ୟକ୍ଷତାରେ ଆଜି ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ମୁଖ୍ୟ ନିର୍ବାଚନ କମିଶନରଙ୍କର ବହିଷ୍କାର ଓ ଗିରଫ୍ ଦାବିରେ ବିକ୍ଷୋଭ ପ୍ରଦର୍ଶନ କରାଯାଇଥିଲା । ମୁଖ୍ୟ ନିର୍ବାଚନ କମିଶନଙ୍କ ସହଯୋଗୀ ସୁଖ୍‌ବୀର ସିଂହ ସାନ୍ଧୁ ଏବଂ ବିବେକ ଜୋସି ବିଗତ ୧୦ ମାସ ମଧ୍ୟରେ ଭୋଟର ତାଲିକାରେ ସ୍ୱତନ୍ତ୍ର ସଂଘନ ସଂଶୋଧନ (ଏସ୍‌.ଆଇ.ଆର) ପ୍ରକ୍ରିୟାରେ ୧୪ଥାର ଆପତ୍ତି ଉଠାଇଥିଲେ ମଧ୍ୟ ସି.ଇ.ସି. ଏହାକୁ ଗୁରୁତ୍ୱ ନ ଦେଇ କେନ୍ଦ୍ର ସରକାରଙ୍କ ପ୍ରରୋଚନାରେ ଏହାକୁ ଏଡାଇ ଯାଇଛନ୍ତି । ମୁଖ୍ୟ ନିର୍ବାଚନ କମିଶନରଙ୍କ ଏହି ଅଗଣତାନ୍ତ୍ରିକ ଓ ପକ୍ଷପାତ ନୀତି ବିରୁଦ୍ଧରେ ବିରୋଧ ଦଳ ପକ୍ଷରୁ ଜ୍ଞାନେଶ କୁମାରଙ୍କ ବହିଷ୍କାର ଓ ଗରିଫ୍ ଦାବି କରିବା ସଂଗେ ସଂଗେ ତାଙ୍କ ନେତୃତ୍ୱରେ ଅନୁଷ୍ଠିତ ହୋଇଥିବା ବିଭିନ୍ନ ନିର୍ବାଚନକୁ ରଦ୍ଦ କରିବାକୁ ଦୃଢ଼ ପଦକ୍ଷେପ ନେବାକୁ ଦାବି କରିଛନ୍ତି । ୨୦୨୫ ଜୁନ୍‌ରେ ହୋଇଥିବା ବିହାର ଏବଂ ଗତ ଏପ୍ରିଲ୍ ମାସରେ ହୋଇଥିବା ପଶ୍ଚିମ ବଙ୍ଗ ନିର୍ବାଚନରେ ବହୁ ଅନୀୟମିତତା ହୋଇଥିବା ଦର୍ଶାଇ ପଶ୍ଚିମବଙ୍ଗ ପି.ସି.ସି. ର ସଭାପତି ଅଜୟ ରାୟ ଏହାକୁ ରଦ୍ଦ କରିବାକୁ ମଧ୍ୟ ଗଣମାଧ୍ୟମରେ ପ୍ରକାଶ କରିଛନ୍ତି । ବୈଧ ଭୋଟର ମାନଙ୍କୁ ଅବୈଧ୍ୟ ଦର୍ଶାଇ ଏସ୍‌.ଆଇ.ଆର ପ୍ରକ୍ରିୟାରେ ଯେଉଁ ସଂଶୋଧିତ ଭୋଟର ତାଲିକା ପ୍ରକାଶ ପାଇଛି ତନ୍ମଧ୍ୟରେ ୬ ଓ ୭ ନମ୍ବର ଫର୍ମରେ ଉଲ୍ଲେଖ ଥିବା ଅନେକ ତଥ୍ୟ ଗଣତାନ୍ତ୍ରିକ ପ୍ରକ୍ରିୟାରେ ବିରୁଦ୍ଧାଚରଣ କରୁଛି । ବିଜେପି ଦଳର ଏହି ଭୋଟ୍ ଚୋରି ଭାରତୀୟ ଗଣତନ୍ତ୍ରରେ ବିପର୍ଯ୍ୟୟ ଆଣିବା ସ ହିତ ଏହା ଦେଶ ଓ ଜାତିକୁ ଧର୍ମଆଧାରରେ ବିଭାଜନ କରିବାର ଆଶଙ୍କା ଏଡାଇ ଦିଆଯାଇ ନ ପାରେ । ଭାରତୀୟ ଗଣତାନ୍ତ୍ରିକ ମୂଲ୍ୟବୋଧକୁ ଅକ୍ଷୁର୍ଣ୍ଣ ରଖିବା ପାଇଁ ସମଗ୍ର ଦେଶବାସୀ ଏହି ବିଚାରକରି ନିଷ୍ପତ୍ତି ନେବା ଆବଶ୍ୟକ ବୋଲି ସଭାପତି ଶ୍ରୀ ଜେନା ବ୍ୟକ୍ତ କରିଥିଲେ । ବିକ୍ଷୋଭ ଶେଷରେ ଶ୍ରୀଜେନାଙ୍କ ଅଧ୍ୟକ୍ଷତାରେ ନେତୃମଣ୍ଡଳୀମାନେ ଭାରତର ମହାମିହମ ରାଷ୍ଟ୍ରପତି ଦ୍ରୌପତୀ ମୂର୍ମୂଙ୍କୁ ଯାଜପୁର ଅତିରିକ୍ତ ଜିଲ୍ଲାପାଳ (ରାଜସ୍ୱ)ଙ୍କ ଜରିଆରେ ଏକ ଦାବିପତ୍ର ପ୍ରଦାନ କରିଥିଲେ । ଏହି ବିକ୍ଷୋଭରେ ସେବା ଦଳର ଅଧ୍ୟକ୍ଷ ସୁଭେନ୍ଦୁ ମହାନ୍ତି, ବରିଷ୍ଠ ନେତା ସନ୍ତୋଷ ନନ୍ଦ, ଶନତ ଜେନା, ମହେନ୍ଦ୍ର ଦାସ, ହରେକୃଷ୍ଣ ସାହୁ, ମିହିର ମିଶ୍ର, ଦୟାନିଧି ଘଡାଇ,ଅଶୋକ ଦାସ ,ମଦନମୋହନ ଖୁଣ୍ଟିଆ, ଚିନ୍ମୟ ପ୍ରଧାନ, ହୃଷିକେଶ ପତି, ଅନିଲ କୁମାର ଜେନା କଳ୍ପତରୁ ଧଳ ଦେବେନ୍ଦ୍ର ପ୍ରଧାନ, ସଂଜୟ କୁମାର ରାଉତ, ଏକାଦଶୀ ସେଠୀ, ପ୍ରତାପ ଦାସ, ଗଂଗ୍ରାମ ସାହାଣୀ, ଗଦାଧର ଦାସ, ଅଶୋକ ଦାସ, ତପନ ନାୟକ, ନାରାୟଣ ସାମନ୍ତ, ସଂଗ୍ରାମ ସାହାଣୀ, ବିଭୂତି ମହାପାତ୍ର, ଅଜୟ ବେହେରା, ଅର୍ଜ୍ଜିତ ନାୟକ, ନିକୁଞ୍ଜ ସାମଲ, ସୁଶାନ୍ତ ମିଶ୍ର, ଉମେଶ ମଲ୍ଳିକ, ହୃଷିକେଶ ଜେନା, ମଧୁସୂଚନ ଜେନା, ବିଦ୍ୟାଧର ମଲ୍ଲିକ ପ୍ରଭୃତି ଶତାଧିକ କଂଗ୍ରେସ କର୍ମୀ ଓ ନେତୃମଣ୍ଡଳୀ ବିକ୍ଷୋଭରେ ସାମିଲ ହୋଇଥିଲେ ।