ଝାରବନ୍ଧ କଲେଜରେ ଏନ ଏସ ଏସ ସ୍ଥାପନ ଦିବସ ପାଳନ

ଝାରବନ୍ଧ -ବରଗଡ ଜିଲ୍ଲା ଝାରବନ୍ଧ ପଞ୍ଚାୟତ ସମିତି ସ୍ନାତକ ମହାବିଦ୍ୟାଳୟ ରେ ଏନ ଏସ ଏସ ସ୍ଥାପନ ଦିବସ ପାଳନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଅଧ୍ୟକ୍ଷ ଶ୍ରୀ ଶ୍ୟାମସୁନ୍ଦର ବେହେରାଙ୍କ ପୌରହିତ୍ୟରେ ଅନୁଷ୍ଠିତ ହୋଇଥିବା ଏହି କାର୍ଯ୍ୟକ୍ରମରେ ପ୍ରଥମେ ଏନଏସଏସ ଧ୍ୱଜା ଉତ୍ତୋଳନ କରି ସାମୂହିକ ଏନଏସଏସ ଗୀତ ଗାନ କରାଯାଇଥିଲା । ସଭା ଆରମ୍ଭରେ ଏନ ଏସ ଏସ ପ୍ରୋଗ୍ରାମ ଅଫିସର୍ ରୀତାଞ୍ଜଳି ଗୁରୁ ପ୍ରାରମ୍ଭିକ ଭାଷଣ ପ୍ରଦାନ କରିଥିଲେ । ଏହି ଅବସରରେ ଉପସ୍ଥିତ ଅନୁଷ୍ଠାନ ର ସବୁ ପୂର୍ବତନ ଏନ ଏସ ଏସ ପ୍ରୋଗ୍ରାମ ଅଫିସର୍ ଏନ ଏସ ଏସ ର ନୀତି ଓ ଆଦର୍ଶ ବିଷୟରେ ଆଲୋଚନା କରିଥିଲେ ତଥା ରାଷ୍ଟ୍ର ପାଇଁ ଆକୁଣ୍ଠ ଚିତ୍ତରେ କାର୍ଯ୍ୟକରିବା ପାଇଁ ଆହ୍ୱାନ ଦେଇଥିଲେ । କାର୍ଯ୍ୟକ୍ରମରେ ମହାବିଦ୍ୟାଳୟର ସମସ୍ତ ଶିକ୍ଷକ ଅଣଶିକ୍ଷକ କର୍ମଚାରୀ ଉପସ୍ଥିତ ରହି ସହଯୋଗ କରିଥିଲେ । ସନ୍ଧ୍ୟାରେ ଏନଏସଏସ ଧ୍ୱଜା ଅବତରଣ କାର୍ଯ୍ୟକ୍ରମ କରାଯାଇଥିଲା । ପରିଶେଷରେ ଗଗନ ବିହାରୀ ଦନସନା ଧନ୍ୟବାଦ ଅର୍ପଣ କରିଥିଲେ ।