ମେରା ଯୁବ ଭାରତ ଓ ପାୟଲ ମ୍ୟୁଜିକ୍ ସ୍କୁଲର ମିଳିତ ଉଦ୍ୟମରେ ସ୍ୱଚ୍ଛତା ଅଭିଯାନ।
Kendrapara (କେନ୍ଦ୍ରାପଡ଼ା)ରିପୋର୍ଟ - ଦିଲୀପ ପରିଡାSeptember 21, 2026152 views
ଭାରତ ସରକାରଙ୍କ ଯୁବ ବ୍ୟାପାର ଓ କ୍ରୀଡ଼ା ମନ୍ତ୍ରଣାଳୟ ଅଧୀନସ୍ଥ ମେରା ଯୁବ ଭାରତ (MY Bharat), କେନ୍ଦ୍ରାପଡ଼ା ଏବଂ ପାୟଲ ମ୍ୟୁଜିକ୍ ସ୍କୁଲ, ଇନ୍ଦୁପୁର, କେନ୍ଦ୍ରାପଡ଼ାର ମିଳିତ ଆୟୋଜନରେ "ସେବା ପକ୍ଷ",ସ୍ୱଚ୍ଛତା ସେବା, ସ୍ୱଚ୍ଛତା ଅଭିଯାନ ଓ ପରିବେଶ ସଫେଇ କାର୍ଯ୍ୟକ୍ରମ ଅନୁଷ୍ଠାନର ପ୍ରତିଷ୍ଠାତା /ସମ୍ପାଦକ ପ୍ରକୃତି ବନ୍ଧୁ ଦେବାଶିଷ ସାମଲଙ୍କ ନେତୃତ୍ୱରେ ଇନ୍ଦୁପୁର ଓ ଆଖପାଖ ଅଞ୍ଚଳରେ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ଯୁବ ସ୍ୱେଚ୍ଛାସେବୀ ଓ ଅନୁଷ୍ଠାନର ସଦସ୍ୟମାନେ ଏକତ୍ରିତ ହୋଇ ଆଖପାଖ ଅଞ୍ଚଳର ପରିବେଶ ସଫେଇ, ଅଳିଆ-ଆବର୍ଜନା ସଂଗ୍ରହ ଓ ସ୍ୱଚ୍ଛତା ସମ୍ପର୍କରେ ଜନସଚେତନତା ସୃଷ୍ଟି କରିଥିଲେ। ଏଥିସହ ସ୍ୱଚ୍ଛ ପରିବେଶ ଓ ସୁସ୍ଥ ସମାଜ ଗଠନ ପାଇଁ ସମସ୍ତଙ୍କୁ ନିଜ ଅଞ୍ଚଳକୁ ସଫା ରଖିବା ଏବଂ ପରିବେଶ ସୁରକ୍ଷାରେ ସକ୍ରିୟ ଭୂମିକା ନେବାକୁ ଆହ୍ୱାନ କରାଯାଇଥିଲା।
ମେରା ଯୁବ ଭାରତ ଯୁବପିଢ଼ିଙ୍କୁ ସାମାଜିକ ସେବା, ସ୍ୱେଚ୍ଛାସେବା ଓ ସମୁଦାୟମୂଳକ କାର୍ଯ୍ୟରେ ଯୋଡ଼ିବା ଉପରେ ଗୁରୁତ୍ୱ ଦେଇଥାଏ। ସେହି ଲକ୍ଷ୍ୟକୁ ଆଧାର କରି ପାୟଲ ମ୍ୟୁଜିକ୍ ସ୍କୁଲ ମଧ୍ୟ ଯୁବପିଢ଼ିଙ୍କୁ ସାମାଜିକ ଦାୟିତ୍ୱ, ସେବା ଓ ଜନକଲ୍ୟାଣମୂଳକ କାର୍ଯ୍ୟ ସହିତ ଯୋଡ଼ିବା ପାଇଁ ବିଭିନ୍ନ ପଦକ୍ଷେପ ନେଉଛି।
ଅନୁଷ୍ଠାନ ପକ୍ଷରୁ କୁହାଯାଇଛି ଯେ, ଭାରତ ସରକାରଙ୍କ ମେରା ଯୁବ ଭାରତ ସହିତ ସହବନ୍ଧିତ ହୋଇ ଆଗାମୀ ଦିନରେ ଯୁବପିଢ଼ିଙ୍କୁ ନେଇ ସ୍ୱଚ୍ଛତା, ପରିବେଶ ସୁରକ୍ଷା, ସାମାଜିକ ସେବା ଓ ଅନ୍ୟାନ୍ୟ ଜନମଙ୍ଗଳମୂଳକ କାର୍ଯ୍ୟକ୍ରମକୁ ଆହୁରି ବ୍ୟାପକ କରାଯିବ।
“ସ୍ୱଚ୍ଛ ପରିବେଶ, ସୁସ୍ଥ ସମାଜ—ଯୁବପିଢ଼ିର ଦାୟିତ୍ୱ” ବାର୍ତ୍ତା ସହ ଆୟୋଜିତ ଏହି ଅଭିଯାନ ସ୍ଥାନୀୟ ଅଞ୍ଚଳରେ ସ୍ୱଚ୍ଛତା ଓ ପରିବେଶ ସଚେତନତା ବୃଦ୍ଧିରେ ଏକ ସକାରାତ୍ମକ ପଦକ୍ଷେପ ଭାବେ ପରିଗଣିତ ହୋଇଛି।