ପ୍ରଭୁ ଗଜାନନଙ୍କ ମେଲାଣି ବୁଢ଼ୀବଗିଚାରେ

ଖୋର୍ଦ୍ଧା, : ଗଣେଶ ପୂଜାର ଅନ୍ତିମ ପର୍ଯ୍ୟାୟରେ ପ୍ରଭୁ ଗଜାନନଙ୍କ ମେଲାଣି ଓ ବିସର୍ଜନ ଉତ୍ସବ ଖୋର୍ଦ୍ଧା ପୌରପରିଷଦର ୮ ନମ୍ବର ୱାର୍ଡ ଅନ୍ତର୍ଗତ ବୁଢ଼ୀବଗିଚାରେ ଭକ୍ତିମୟ ଓ ଉତ୍ସବମୁଖର ପରିବେଶ ମଧ୍ୟରେ ଅନୁଷ୍ଠିତ ହୋଇଯାଇଛି।ଶନିବାର ସନ୍ଧ୍ୟାରେ ପ୍ରଭୁ ଗଜାନନଙ୍କ ବିଦାୟ ଅବସରରେ ଆଳତୀ ପ୍ରଦାନ କରାଯାଇଥିଲା। ପରେ ଏକ ବିରାଟ ଓ ଆଡମ୍ବରପୂର୍ଣ୍ଣ ଶୋଭାଯାତ୍ରାରେ ମୂର୍ତ୍ତିକୁ ବିସର୍ଜନ ସ୍ଥଳକୁ ନିଆଯାଇଥିଲା। ଶୋଭାଯାତ୍ରାରେ ପାରମ୍ପରିକ ବାଦ୍ୟ, ଘଣ୍ଟମାଡ଼, ଡିଜେ ସଙ୍ଗୀତର ତାଳେ ନୃତ୍ୟ ପରିବେଷଣ ସହ “ଗଣପତି ବାପ୍ପା ମୋରିୟା” ଧ୍ୱନିରେ ସମଗ୍ର ଅଞ୍ଚଳ ମୁଖରିତ ହୋଇଉଠିଥିଲା। ସୁଖ, ସମୃଦ୍ଧି ଓ ସମସ୍ତଙ୍କ ମଙ୍ଗଳ କାମନା କରି ବୁଢ଼ୀବଗିଚାର ଶିଶୁ ଓ ଯୁବବନ୍ଧୁମାନେ ପ୍ରଭୁ ଗଜାନନଙ୍କ ମୃଣ୍ମୟୀ ମୂର୍ତ୍ତିକୁ ବିସର୍ଜନ କରିଥିଲେ। ଏହି ଅବସରରେ ବହୁ ସଂଖ୍ୟକ ଭକ୍ତ ଓ ସ୍ଥାନୀୟ ବାସିନ୍ଦା ଉପସ୍ଥିତ ରହି ଭକ୍ତିଭାବର ସହ ପ୍ରଭୁଙ୍କୁ ବିଦାୟ ଜଣାଇଥିଲେ।