ମୃତ୍ୟୁ ପରେ ଶରୀର ଦାନ କରିବେ ସଂଯୁକ୍ତ କୃଷକ ସଂଗଠନର ଉପଦେଷ୍ଟା ରମେଶ ମହାପାତ୍ର

ବରଗଡ଼: ମାନବ ସେବା ଓ ସମାଜ କଲ୍ୟାଣର ଏକ ମହତ୍ ଉଦାହରଣ ସୃଷ୍ଟି କରିଛନ୍ତି ସଂଯୁକ୍ତ କୃଷକ ସଂଗଠନର ଉପଦେଷ୍ଟା ରମେଶ ମହାପାତ୍ର। ମୃତ୍ୟୁ ପରେ ନିଜ ଶରୀର ଦାନ କରିବାକୁ ସେ ନିଷ୍ପତ୍ତି ନେଇଥିବା ଜଣାପଡ଼ିଛି। ସମାଜ ଓ ମାନବ କଲ୍ୟାଣରେ ନିଜ ଶରୀର ଉପଯୋଗୀ ହେଉ ଏବଂ ମୃତ୍ୟୁ ପରେ ମଧ୍ୟ ମାନବ ସମାଜର କିଛି କାମରେ ଆସିପାରିବ—ଏହି ମହତ୍ ଉଦ୍ଦେଶ୍ୟରେ ସେ ଏଭଳି ନିଷ୍ପତ୍ତି ନେଇଥିବା କହିଛନ୍ତି। ରମେଶ ମହାପାତ୍ରଙ୍କ ଏହି ନିଷ୍ପତ୍ତିକୁ ସଂଯୁକ୍ତ କୃଷକ ସଂଗଠନ ପକ୍ଷରୁ ସ୍ୱାଗତ କରାଯାଇଛି। ତାଙ୍କର ଏହି ମହତ୍ ପଦକ୍ଷେପ ସମାଜର ଅନ୍ୟମାନଙ୍କୁ ମଧ୍ୟ ମୃତ୍ୟୁ ପରେ ଶରୀର ଦାନ ଭଳି ମାନବିକ କାର୍ଯ୍ୟ ପାଇଁ ପ୍ରେରଣା ଯୋଗାଇବ ବୋଲି ସଂଗଠନ ପକ୍ଷରୁ କୁହାଯାଇଛି। ମାନବ ସେବାକୁ ଜୀବନର ଏକ ଅଂଶ ଭାବେ ଗ୍ରହଣ କରି ମୃତ୍ୟୁ ପରେ ମଧ୍ୟ ସମାଜ ପାଇଁ ନିଜ ଅବଦାନ ରଖିବାର ଏହି ନିଷ୍ପତ୍ତି ନିଶ୍ଚିତ ଭାବେ ଏକ ପ୍ରଶଂସନୀୟ ପଦକ୍ଷେପ ବୋଲି ମତ ପ୍ରକାଶ ପାଇଛି।