ଅସହାୟଙ୍କ ମୁହଁରେ ହସ ଫୁଟାଇଲେ ସମାଜସେବୀ ଅଭିମନ୍ୟୁ ସାହୁ: ମାନବ ସେବାଶ୍ରମରେ ଅନ୍ତେବାସୀଙ୍କ ସହ ଜନ୍ମଦିନ ପାଳନ, ବାଣ୍ଟିଲେ ଖୁସି ଓ ସ୍ନେହ

ଅନୁଗୋଳ: ଜନ୍ମଦିନକୁ ନିଜ ପାଇଁ ନୁହେଁ, ଅସହାୟଙ୍କ ମୁହଁରେ ହସ ଫୁଟାଇ ପାଳନ କରି ଏକ ନିଆରା ଉଦାହରଣ ସୃଷ୍ଟି କରିଛନ୍ତି ସମାଜସେବୀ ଅଭିମନ୍ୟୁ ସାହୁ। ମାନବ ସେବାଶ୍ରମରେ ପହଞ୍ଚି ସେଠାରେ ରହୁଥିବା ଅନ୍ତେବାସୀଙ୍କ ସହ ଜନ୍ମଦିନ ପାଳନ କରିବା ସହ ସେମାନଙ୍କ ଖୁସିରେ ନିଜକୁ ସାମିଲ କରିଥିଲେ। ଏହି ଅବସରରେ ଅଭିମନ୍ୟୁ ସାହୁ ଅନ୍ତେବାସୀମାନଙ୍କୁ କପଡ଼ା ଓ ଡ୍ରେସ ବଣ୍ଟନ କରିଥିଲେ। ଏଥିସହ ଛେନାପୋଡ଼, ମିଠା ଓ ବିସ୍କୁଟ ଆଦି ବଣ୍ଟନ କରି ସେମାନଙ୍କ ସହ ଖୁସି ବାଣ୍ଟିଥିଲେ। ଦୀର୍ଘ ସମୟ ଧରି ଅନ୍ତେବାସୀଙ୍କ ସହ ଆତ୍ମୀୟତାର ସହ କଥାବାର୍ତ୍ତା କରି ସେମାନଙ୍କ ଭଲମନ୍ଦ ପଚାରି ବୁଝିଥିଲେ। ଜନ୍ମଦିନ ଭଳି ଏକ ବିଶେଷ ଦିନରେ ଅସହାୟ ଓ ଅନ୍ତେବାସୀଙ୍କ ସହ ଖୁସି ବାଣ୍ଟିବାର ଏହି ପ୍ରୟାସ ସେବାଶ୍ରମ ପରିବେଶକୁ ଆନନ୍ଦମୟ କରିଦେଇଥିଲା। ଅନ୍ତେବାସୀଙ୍କ ମୁହଁରେ ହସ ଓ ଆଖିରେ ଖୁସି ଦେଖି ଅଭିମନ୍ୟୁ ସାହୁ ମଧ୍ୟ ଭାବବିହ୍ୱଳ ହୋଇଥିଲେ। ଅଭିମନ୍ୟୁ ସାହୁ କହିଥିଲେ, “ଅସହାୟଙ୍କ ମୁହଁରେ ହସ ଫୁଟାଇବା ଠାରୁ ବଡ଼ ଖୁସି ଆଉ କିଛି ନାହିଁ। ସମାଜର ଆବଶ୍ୟକତା ଥିବା ଲୋକଙ୍କ ସହ ଖୁସି ବାଣ୍ଟିବା ହିଁ ପ୍ରକୃତ ମାନବ ସେବା।” ତାଙ୍କର ଏଭଳି ମାନବିକ ପ୍ରୟାସକୁ ସେବାଶ୍ରମର ଅନ୍ତେବାସୀମାନେ ଖୁସିର ସହ ସ୍ୱାଗତ କରିବା ସହ ତାଙ୍କୁ ଆଶୀର୍ବାଦ ପ୍ରଦାନ କରିଥିଲେ। ଜନ୍ମଦିନରେ ଅନ୍ୟମାନଙ୍କୁ ଖୁସି ଦେବାର ଏହି ନିଆରା ପ୍ରୟାସ ସ୍ଥାନୀୟ ଅଞ୍ଚଳରେ ପ୍ରଶଂସା ସାଉଁଟିଛି।