୨୩ ବର୍ଷୀୟ ଯୁବକ ଚିତ୍ତରଞ୍ଜନଙ୍କ ଅକାଳ ବିୟୋଗ ଜଖପୁରା ଅଞ୍ଚଳରେ ଶୋକାକୁଳ ପରିବେଶ

କଳିଙ୍ଗନଗର,ତା୨୬/୮: ଜଖପୁରା ଗ୍ରାମର କାର୍ତ୍ତିକ ବେହେରାଙ୍କ ସାନ ପୁଅ ଚିତ୍ତରଞ୍ଜନ ବେହେରା (୨୩)ଙ୍କ ଅକାଳ ବିୟୋଗରେ ସମଗ୍ର ଅଞ୍ଚଳରେ ଶୋକର ଛାୟା ଖେଳିଯାଇଛି। ଜଣେ ଭେଣ୍ଡିଆ ଯୁବକଙ୍କ ଏଭଳି ଅକାଳ ମୃତ୍ୟୁ ପରିବାର, ବନ୍ଧୁବର୍ଗ ଓ ପରିଚିତମହଲରେ ଗଭୀର ଶୋକ ସୃଷ୍ଟି କରିଛି।ଚିତ୍ତରଞ୍ଜନ ସ୍ଥାନୀୟ ଅଞ୍ଚଳରେ ‘ମାନିଆ’ ନାମରେ ପରିଚିତ ଥିଲେ। ସେ ଜଣେ ଭଦ୍ର, ମେଳାପୀ, ସରଳ ଓ ସତ୍ୟବାଦୀ ଯୁବକ ଭାବେ ସମସ୍ତଙ୍କ ପ୍ରିୟ ଥିଲେ। ବିଶେଷକରି ଗୁରୁଜନ ଓ ଶିକ୍ଷକମାନଙ୍କ ପ୍ରତି ତାଙ୍କର ଗଭୀର ସମ୍ମାନ ଓ ଭଲପାଇବା ଥିଲା। ତାଙ୍କର ଏଭଳି ଅକାଳ ବିୟୋଗରେ ପୂର୍ବତନ ଶିକ୍ଷକ ଓ ସହପାଠୀମାନେ ମଧ୍ୟ ମର୍ମାହତ ହୋଇପଡ଼ିଛନ୍ତି।ଜଣେ ଶିକ୍ଷକ କହିଛନ୍ତି, “ଚିତ୍ତରଞ୍ଜନ କେବଳ ଜଣେ ଛାତ୍ର ନଥିଲେ, ସେ ଆମ ପାଇଁ ଜଣେ ଆପଣାର ମଣିଷ ଥିଲେ। ତାଙ୍କର ଭଦ୍ର ବ୍ୟବହାର, ସରଳତା ଓ ଗୁରୁଜନଙ୍କ ପ୍ରତି ସମ୍ମାନ ସବୁବେଳେ ମନେ ରହିବ। ତାଙ୍କୁ ହରାଇବା ଆମ ପାଇଁ ଅତ୍ୟନ୍ତ ଦୁଃଖଦ।ଚିତ୍ତରଞ୍ଜନଙ୍କ ମୃତ୍ୟୁ ଖବର ପ୍ରଚାରିତ ହେବା ପରେ ତାଙ୍କର ପରିବାର, ବନ୍ଧୁ, ସହପାଠୀ ଓ ଶୁଭେଚ୍ଛୁମାନେ ଶେଷ ଦର୍ଶନ ପାଇଁ ଏକତ୍ରିତ ହୋଇଥିଲେ। ତାଙ୍କ ବିୟୋଗରେ ଜଖପୁରା ଅଞ୍ଚଳରେ ଏକ ଶୋକାକୁଳ ପରିବେଶ ସୃଷ୍ଟି ହୋଇଛି।ମାତ୍ର ୨୩ ବର୍ଷ ବୟସରେ ଜୀବନ ଯାତ୍ରା ଥମିଯିବା ନିଶ୍ଚିତ ଭାବେ ଏକ ଅପୂରଣୀୟ କ୍ଷତି। ତାଙ୍କର ଅମର ଆତ୍ମାର ସଦ୍‌ଗତି କାମନା କରିବା ସହ ଶୋକସନ୍ତପ୍ତ ପରିବାରକୁ ଏହି ଦୁଃଖଦ ସମୟରେ ଧୈର୍ଯ୍ୟ, ସାହସ ଓ ମାନସିକ ଶକ୍ତି ପ୍ରଦାନ ପାଇଁ ସମସ୍ତେ ପ୍ରାର୍ଥନା କରିଛନ୍ତି।