ଭଦ୍ରକ ଜିଲ୍ଲାରେ ପୁଣି ବନ୍ୟା: ବୈତରଣୀ ନଦୀର ପାଣି ଚାଷ ଜମିରେ ପଶିଲା

ଭଦ୍ରକ ଜିଲ୍ଲା ସୋହଡା ପଞ୍ଚାୟତ ଅଧୀନ ମଳିମହାରା ଚଟାଣା ଅଞ୍ଚଳରେ ପୁଣିଥରେ ବନ୍ୟା ପରିସ୍ଥିତି ଦେଖାଦେଇଛି। ବୈତରଣୀ ନଦୀରେ ଜଳସ୍ତର ବୃଦ୍ଧି ପାଇବା ପରେ ନଦୀର ବନ୍ୟା ପାଣି ବାହାରି ଚାଷ ଜମିରେ ପଶୁଥିବା ଦୃଶ୍ୟ ସାମ୍ନାକୁ ଆସିଛି। ଫଳରେ ଚାଷୀମାନଙ୍କ ମଧ୍ୟରେ ପୁଣି ଚିନ୍ତା ବଢ଼ିଛି। ଘଟଣାସ୍ଥଳରେ ପହଞ୍ଚି ପରିସ୍ଥିତି ଅନୁଧ୍ୟାନ କରିଛନ୍ତି ପୂର୍ବତନ ସରପଞ୍ଚ ପ୍ରମୋଦ ସୁତାର। ଚଳିତ ବର୍ଷ ଏହା ଦ୍ୱିତୀୟ ଥର ବନ୍ୟା ହୋଇଥିବାରୁ ଅଞ୍ଚଳବାସୀଙ୍କ ମଧ୍ୟରେ ଭୟ ଓ ଆଶଙ୍କା ବଢ଼ିଛି। ବନ୍ୟା ପାଣି ଅଧିକ ଅଞ୍ଚଳକୁ ନପଶିବା ପାଇଁ ପ୍ରଶାସନ ପକ୍ଷରୁ ତୁରନ୍ତ ପଦକ୍ଷେପ ନେବା ସହ ଚାଷୀଙ୍କ କ୍ଷୟକ୍ଷତି ଆକଳନ କରି ସହାୟତା ଯୋଗାଇଦେବାକୁ ଦାବି ହୋଇଛି।