ପ୍ରବଳ ବର୍ଷାରେ ଘର ଭୁଷୁଡିଲା, ଅସହାୟ ସୁରେଶ ଙ୍କ ପରିବାର

ଥୁଆମୂଳ ରାମପୁର ବ୍ଳକ ଅନ୍ତର୍ଗତ ଗୁଣପୁର ଗ୍ରାମପଞ୍ଚାୟତ ଅଧିନସ୍ଥ ପାନଭଟା ଗ୍ରାମରେ ଅଭାବନୀୟ ଦୃଶ୍ୟ ଦେଖିବାକୁ ମିଳିଛି । ଗତ ୯ ତାରିଖ ଦିନର ଭୀଷଣ ବର୍ଷାରେ ଗ୍ରାମର ସୁରେଶ ପାତ୍ର ପାତ୍ରଙ୍କ ମାଟି ଘର ଭୁଷୁଡ଼ି ଯାଇଛି । ସୌଭାଗ୍ୟକ୍ରମେ ସ୍ତ୍ରୀଓ ତିନି ପୁଅଝିଅ ବଞ୍ଚି ଯାଇଛନ୍ତି। ଖବର ମୁତାବକ ଗତ ରବିବାର ଦିନ ପ୍ରବଳ ବର୍ଷା ଯୋଗୁଁ ଘର ଭାଙ୍ଗି ଯାଇଥିବାରୁ ଏବେ ନାହିଁ ନ ଥିବା ଅସୁବିଧାର ସମ୍ମୁଖୀନ ହୋଇଛନ୍ତି ।ସ୍ଥାନୀୟ ପ୍ରଶାସନ ଓ ଜନପ୍ରତିନିଧି ଏହାର ଉଚିତ ତଦନ୍ତ କରି ତାଙ୍କର ରହିବା ପାଇଁ ବାସଗୃହ ଓ ଖାଇବା ପିଇବାର ସମସ୍ତ ଆନୁଷଙ୍ଗିକ ସୁବିଧା ଯୋଗାଇ ଦେବାକୁ ଦାବି କରିଛନ୍ତି। ବର୍ଷା ଦିନେ ଯଦି ତୁରନ୍ତ କୌଣସି ପ୍ରକାର ପଦକ୍ଷେପ ନେବାକୁ ପ୍ରଶାସନ ଅବହେଳା କରନ୍ତି ତେବେ ସୁରେଶ ନିଜ ସ୍ତ୍ରୀ ଓ ତିନି ଛୁଆଙ୍କ ଦୟନୀୟ ପରିସ୍ଥିତିର ସମ୍ମୁଖୀନ ହେବାକୁ ବାଧ୍ୟ ହେବେ । ତେଣୁ ଏହାର ତୁରନ୍ତ ସମାଧାନ ପାଇଁ ସ୍ଥାନୀୟ ଅଞ୍ଚଳର ଲୋକେ ଦାବି କରିଛନ୍ତି।