MCL କର୍ତ୍ତୃପକ୍ଷଙ୍କ ସହ ତାଳଚେର ବିଧାୟକଙ୍କ ଆଲୋଚନା, ଜମିହରା ପ୍ରଜା ଓ ମେଡିକାଲ କଲେଜ ପ୍ରସଙ୍ଗ ଉଠିଲା

ତାଳଚେର: ଏକ ଦିନିଆ ସମ୍ବଲପୁର ଗସ୍ତ ଅବସରରେ ତାଳଚେର ବିଧାୟକ ବ୍ରଜକିଶୋର ପ୍ରଧାନ MCLର ମହାପ୍ରବନ୍ଧକ ଉଦୟ ଅନନ୍ତ କାଓଲେ ଓ ଡାଇରେକ୍ଟର (ଟେକ୍ନିକାଲ୍) ସଞ୍ଜୟ କୁମାର ଝାଙ୍କ ସହ ସାକ୍ଷାତ କରି ଅଞ୍ଚଳର ବିଭିନ୍ନ ଉନ୍ନୟନମୂଳକ ପ୍ରସଙ୍ଗରେ ଆଲୋଚନା କରିଥିଲେ। ବୈଠକରେ ଜମିହରା ପ୍ରଜାଙ୍କ ସମସ୍ୟାର ସମାଧାନ ପାଇଁ ଶୀଘ୍ର RPDAC ବୈଠକ ଡାକିବା, MCLର CSR ପାଣ୍ଠିରେ ଅଞ୍ଚଳର ଉନ୍ନୟନ କାର୍ଯ୍ୟକୁ ତ୍ୱରାନ୍ୱିତ କରିବା, MCLର ଠିକା ଓ ସ୍ଥାୟୀ ଶ୍ରମିକଙ୍କୁ ଗିଫ୍ଟ କାର୍ଡ ପ୍ରଦାନ, ପବିତ୍ର ମୋହନ ପ୍ରଧାନ ମେଡିକାଲ କଲେଜକୁ ଶୀଘ୍ର ପୂର୍ଣ୍ଣାଙ୍ଗ ଭାବେ କାର୍ଯ୍ୟକ୍ଷମ କରିବା ସହ ପବିତ୍ର ମୋହନ ପ୍ରଧାନ ସରକାରୀ ଚିକିତ୍ସାଳୟର ନର୍ସିଂ ଟ୍ରେନିଂ କଲେଜକୁ ବନ୍ଦ ନ କରିବା ନେଇ ଆଲୋଚନା ହୋଇଥିଲା।