​ବନ୍ୟା ପରିଚାଳନା ଓ ରିଲିଫ ବଣ୍ଟନରେ ସରକାର ସମ୍ପୂର୍ଣ୍ଣ ବିଫଳ: ଓଡ଼ିଶା ଜନତା କଂଗ୍ରେସ

​ ରାଜ୍ୟରେ ବନ୍ୟା ପରିଚାଳନା, ରିଲିଫ ବଣ୍ଟନ, କ୍ଷୟକ୍ଷତି ଆକଳନ ଏବଂ କ୍ଷତିପୂରଣ ଘୋଷଣାରେ ଘୋର ଅବ୍ୟବସ୍ଥା ଅଭିଯୋଗ ଆଣି ଓଡ଼ିଶା ଜନତା କଂଗ୍ରେସ (ଓଜେସି) ପକ୍ଷରୁ ରାଜ୍ୟ କାର୍ଯ୍ୟାଳୟରେ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଯାଇଛି। ​ଓଡ଼ିଶା କୃଷକ ଜନତା କଂଗ୍ରେସର ଅଧ୍ୟକ୍ଷ ଶ୍ରୀ ସଂଗ୍ରାମ କିଶୋର ମାଝୀ ସରକାରଙ୍କୁ ସମାଲୋଚନା କରି କହିଛନ୍ତି ଯେ, ବନ୍ୟା ବିପନ୍ନଙ୍କ ସହାୟତାରେ ସରକାର ସମ୍ପୂର୍ଣ୍ଣ ବିଫଳ ହୋଇଛନ୍ତି। ରାଜ୍ୟରେ ବନ୍ୟା ପରିସ୍ଥିତି ଗମ୍ଭୀର ହେଉଥିବା ବେଳେ ମୁଖ୍ୟମନ୍ତ୍ରୀ ଓ ସାଂସଦମାନେ ଦିଲ୍ଲୀରେ ଦଳୀୟ ରାଜନୀତିରେ ବ୍ୟସ୍ତ ଥିଲେ। ଉପଯୁକ୍ତ ପୂର୍ବ ପ୍ରସ୍ତୁତି ଏବଂ ମହାନଦୀ ଜଳ ପରିଚାଳନାରେ ସମନ୍ୱୟର ଅଭାବ ଯୋଗୁଁ ରାଜ୍ୟର ୨୨ଟି ଜିଲ୍ଲା ଏବଂ ଲକ୍ଷ ଲକ୍ଷ ଲୋକ ବନ୍ୟା ଦ୍ୱାରା ପ୍ରଭାବିତ ହୋଇଛନ୍ତି। ​ସେ ଆହୁରି ମଧ୍ୟ ଅଭିଯୋଗ କରିଛନ୍ତି ଯେ, ବନ୍ୟା ପରବର୍ତ୍ତୀ ସମୟରେ ପ୍ରଭାବିତ ଅଞ୍ଚଳରେ ରିଲିଫ, ଶୁଖିଲା/ରନ୍ଧା ଖାଦ୍ୟ କିମ୍ବା ଗୋଖାଦ୍ୟର ସୁବ୍ୟବସ୍ଥା ନହେବାରୁ ୬ ଜଣଙ୍କ ଜୀବନ ଯାଇଛି। ଘୋଷଣା କରାଯାଇଥିବା ସହାୟତା ରାଶି ଚାଷୀ ଏବଂ ସାଧାରଣ ଲୋକଙ୍କ ପାଇଁ ନିହାତି ଅପର୍ଯ୍ୟାପ୍ତ। ​ଓଜେସି କୃଷକ ମୋର୍ଚ୍ଚାର ୯ ଦଫା ଦାବି: ​ଚାଷଜମି କ୍ଷତିପୂରଣ ବୃଦ୍ଧି: ହେକ୍ଟର ପିଛା ସର୍ବନିମ୍ନ ୮୦ ହଜାର ଟଙ୍କା ପର୍ଯ୍ୟନ୍ତ ସହାୟତା ରାଶି ଯୋଗାଇ ଦିଆଯାଉ। ଧାନ ସହ ପନିପରିବା ଚାଷର କ୍ଷୟକ୍ଷତି ଆକଳନ କରି କ୍ଷତିପୂରଣ ଦିଆଯାଉ। ​ଋଣ ଛାଡ଼: ବନ୍ୟା କ୍ଷତିଗ୍ରସ୍ତ ଚାଷୀଙ୍କର ଅବିଳମ୍ବେ କୃଷି ଋଣ ଛାଡ଼ କରାଯାଉ। ​ମାଗଣା ବିହନ ଓ ସାର: ଚାଷକାର୍ଯ୍ୟକୁ ତ୍ୱରାନ୍ୱିତ କରିବା ପାଇଁ ଚାଷୀଙ୍କୁ ତୁରନ୍ତ ମାଗଣାରେ ବିହନ ଓ ସାର ଯୋଗାଇ ଦିଆଯାଉ। ​ଆନୁଷଙ୍ଗିକ ଚାଷୀଙ୍କୁ ସହାୟତା: ଗୋ-ଚାଷୀ, ମତ୍ସ୍ୟ ଚାଷୀ ଓ କୁକୁଡ଼ା ଚାଷୀମାନଙ୍କ କ୍ଷୟକ୍ଷତି ଆକଳନ କରି କ୍ଷତିପୂରଣ ପ୍ରଦାନ କରାଯାଉ। ​ଗୃହ ନିର୍ମାଣ ସହାୟତା: ବନ୍ୟାରେ ଭାଙ୍ଗିଯାଇଥିବା ଘର ପାଇଁ ଅତିକମରେ ୨ ଲକ୍ଷ ୫୦ ହଜାର ଟଙ୍କା ପ୍ରଦାନ କରାଯାଉ ଓ ​ମୃତକଙ୍କ ପରିବାରକୁ ଅନୁକମ୍ପ ଦିଆଯାଉ ।