ନାବାଳିକାଙ୍କୁ ବଳାତ୍କାର ଅଭିଯୋଗ: ୨ ପୃଥକ ମାମଲାରେ ୨ ଯୁବକ ଗିରଫ

ଅନୁଗୋଳ: ନାଲକୋ ନଗର ଥାନା ଅଞ୍ଚଳରେ ଦୁଇଟି ପୃଥକ ନାବାଳିକାଙ୍କୁ ବଳାତ୍କାର ଅଭିଯୋଗ ମାମଲାରେ ପୋଲିସ ଦୁଇ ଜଣ ଅଭିଯୁକ୍ତଙ୍କୁ ଗିରଫ କରି ସୋମବାର କୋର୍ଟ ଚାଲାଣ କରିଛି। ପୋଲିସ ସୂଚନା ଅନୁଯାୟୀ, ନାଲକୋ ଥାନା କେସ୍ ନଂ. ୨୨୯/୨୬ରେ ବଲରାମପ୍ରସାଦ ଗ୍ରାମର ମହମ୍ମଦ ମୁସେଲି କୁରେସି (୧୯)ଙ୍କ ବିରୋଧରେ ସ୍ଥାନୀୟ ଅଞ୍ଚଳର ଜଣେ ନାବାଳିକାଙ୍କୁ ବଳାତ୍କାର କରିଥିବା ଅଭିଯୋଗ ହୋଇଥିଲା। ମାମଲାର ତଦନ୍ତ ସମୟରେ ନାବାଳିକାଙ୍କ ଡାକ୍ତରୀ ପରୀକ୍ଷାରେ ଗର୍ଭପାତ ସମ୍ପର୍କିତ ସୂଚନା ମିଳିଥିବା ପୋଲିସ କହିଛି। ଏହାପରେ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି। ସେହିପରି ନାଲକୋ ଥାନା କେସ୍ ନଂ. ୧୩୦/୨୬ରେ କଣ୍ଟା ବଣିଆ ଥାନା ଅନ୍ତର୍ଗତ ମାନ୍ୟବେଡ଼ା ଗ୍ରାମର ସ୍ମୃତିରଞ୍ଜନ ନାୟକ (୧୯)ଙ୍କ ବିରୋଧରେ ନାଲକୋ ଅଞ୍ଚଳର ଜଣେ ନାବାଳିକାଙ୍କ ସହ ପ୍ରେମ ସମ୍ପର୍କ ସ୍ଥାପନ କରି ପରବର୍ତ୍ତୀ ସମୟରେ ତାଙ୍କ ସହ ବଳାତ୍କାର କରିଥିବା ଅଭିଯୋଗ ହୋଇଥିଲା। ଘଟଣାର ତଦନ୍ତ ପରେ ପୋଲିସ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି। ଏହି ଦୁଇଟି ମାମଲାରେ ଆଇନ ଅନୁଯାୟୀ ପରବର୍ତ୍ତୀ ତଦନ୍ତ ଜାରି ରହିଥିବା ନାଲକୋ ନଗର ଥାନା ଅଧିକାରିଣୀ ନମିତା ନାୟକ ସୂଚନା ଦେଇଛନ୍ତି।