ମେଣ୍ଢପୁର ପଞ୍ଚାୟତ ମୁଖ୍ୟ ରାସ୍ତାରେ ଆଣ୍ଠୁଏ ପାଣି, ବର୍ଷା ଆରମ୍ଭରୁ ସ୍ଥିତି ବେହାଲ

ଆଳି ବ୍ଲକ ଅଧୀନ ମେଣ୍ଢପୁର ପଞ୍ଚାୟତ ରେ ବର୍ଷା ଆରମ୍ଭରୁ ଉପଯୁକ୍ତ ଜଳ ନିଷ୍କାସନ ପାଇଁ ବ୍ୟବସ୍ଥା ହୋଇ ନ ଥିବାରୁ ରାସ୍ତା ଉପରେ ଆଣ୍ଠୁଏ ଉଚ୍ଚର ବର୍ଷା ଜଳ ଜମି ରହୁଥିବା ଦେଖିବାକୁ ମିଳିଛି l ବର୍ଷା ଜଳ ଜମି ରହି କେଉଁଠି ଖାଲରେ ପଡ଼ି ଲୋକେ ଖଣ୍ଡିଆଖାବରା ହେଉଛନ୍ତି ତ କେଉଁଠି ଦୁଆର ମୁହଁ ପର୍ଯ୍ୟନ୍ତ ପାଣି ଲାଗିଯିବା ଫଳରେ ଲୋକେ ଜଳବନ୍ଦୀ ପରି ଜୀବନ ବିତାଉଛନ୍ତି l ମୁଖ୍ୟତଃ ଆଳି ଆଠକୋଣିଆ ଛକ ନିକଟରୁ କଳାପାହାଡ଼ ଏବଂ ସେହିଠାରୁ ଉକ୍ତ ଗ୍ରାମ ର ଶେଷ ପର୍ଯ୍ୟନ୍ତ ବହୁ ସ୍ଥାନ ରେ ବର୍ଷା ଜଳ ଜମି ରହିବା ସହ ଯାତାୟତ କରୁଥିବା ଯାତ୍ରୀମାନେ ନାହିଁ ନ ଥିବା ଅସୁବିଧା ର ସମ୍ମୁଖୀନ ହେଉଥିବାର ଦେଖିବାକୁ ମିଳିଛି l ଜଳ ନିଷ୍କାସନ ବ୍ୟବସ୍ଥା ନଥିବାରୁ ବର୍ଷା ଜଳ ଜମି ରହିବା ଫଳରେ ସାଧାରଣ ଲୋକଙ୍କୁ ଅସ୍ତବ୍ୟସ୍ତ କରିଦେଇଛି l ରାସ୍ତା ପାଖରେ ଥିବା ଘର ମୁହଁରେ ପାଣି ଜମି ରହିବା ଫଳରେ ସରୀସୃପ ଘର ଭିତରକୁ ପଶିଯିବା ର ଭୟ ରେ ଲୋକେ ରହୁଛନ୍ତି l ରାସ୍ତା ରେ ପାଣି ଜମି ରହିବା ଫଳରେ ସେହି ବାଟ ଦେଇ ଯାଉଥିବା ଯାତ୍ରୀ ଦୁର୍ଘଟଣାର ଶିକାର ମଧ୍ୟ ହେଉଛନ୍ତି l ଆଗରୁ ରସ୍ତା ଖାଲି ଥିଲା ତେଣୁ ଜଳ ନିଷ୍କାସନ ହେବାରେ ଅସୁବିଧା ହେଉନଥିଲା l ଧୀରେ ଧୀରେ ବାସଗୃହ ଗଢି ଉଠିବା ଫଳରେ ଜଳ ନିଷ୍କାସନ ବାଟ ବନ୍ଦ ହୋଇଯାଇଛି l ବର୍ଷା ଋତୁ ଆସିଲେ ରାସ୍ତାରେ ପାଣି ଜମି ରହୁଛି l ଯାହା ଫଳରେ ଲୋକେ ଯାତାୟାତର ହୀନସ୍ତା ଭୋଗୁଛନ୍ତି l ଅସରାୟ ବର୍ଷା ହେଲେ ରାସ୍ତାରେ ପାଣି ଲହଡ଼ି ଭାଙ୍ଗୁଛି l ଏହି ରାସ୍ତା ୫ ପଞ୍ଚାୟତ ର ମୁଖ୍ୟରାସ୍ତା l ଦୈନିକ ୨୦ ରୁ ଉର୍ଦ୍ଧ ଗ୍ରାମର ଲୋକେ ଯାତାୟତ କରନ୍ତି l ଏପରିକି ଏହି ରାସ୍ତା ଦେଇ ରାଜନଗର କୁ ଯିବାକୁ ବାଟ କମ ହେଉଥିବାରୁ ଏହି ବାଟ ଦେଇ ଦୁରଦୂରାନ୍ତର ଲୋକେ ଯାତାୟାତ କରନ୍ତି l ହେଲେ ରାସ୍ତା କଦର୍ଥ ହୋଇଥିବାରୁ ଯାତାୟତ ମଧ୍ୟ କଷ୍ଟକର ହୋଇ ପଡିଛି l ସେହିପରି ମେଣ୍ଢପୁର ପଞ୍ଚାୟତ ଏକ ନମ୍ବର ଓ ଦୁଇ ନମ୍ବର ୱାର୍ଡର ପାଖାପାଖି ୩୦୦ ପରିବାର ଘରୁ ବାହାରି ନପାରି ଜଳବନ୍ଦୀ ରହିଛନ୍ତି l ଏନେଇ ସେମାନେ ସରପଞ୍ଚ ଠୁ ଆରମ୍ଭ କରି ସ୍ଥାନୀୟ ପ୍ରଶାସନ ନିକଟରେ ଦୀର୍ଘଦିନ ଧରି ଅଭିଯୋଗ କରି ଆସୁଥିଲେ ମଧ୍ୟ କାର୍ଯ୍ୟନୁଷ୍ଠାନ ହେଉନଥିବା ସାଧାରଣ ଲୋକେ ଦୁଃଖ ପ୍ରକାଶ କରିଛନ୍ତି l ବର୍ଷା ଜଳ ନିଷ୍କାସନ ର ସଠିକ ବ୍ୟବସ୍ଥା ନଥିବାରୁ ଏଭଳି ଅବସ୍ଥା ପ୍ରତିବର୍ଷ ଦେଖାଯାଉଛି l ସାମାନ୍ୟ ବର୍ଷାରେ ଘର ଭିତରକୁ ଜଳ ପଶୁଥିବା ବେଳେ ଆଗକୁ ଆସୁଛି ବର୍ଷା ସେହି ସମୟରେ ସେତେବେଳେ ସେମାନଙ୍କ କଣ ଅବସ୍ଥା ହେବ ଏହି ଚିତ୍ର ବୟାନ କରୁଛି l ଏବେ ଯେମିତି ହେଲେ ଘରୁ ବାହାରି ହେଉଛି କିନ୍ତୁ ଆଗକୁ ଘରୁ ବାହାରିବା କଷ୍ଟ ହୋଇ ପଡିବ l ଏପଟେ ଯେଉଁ ବାଟେ ଜଳ ନିଷ୍କାସନ ହେଉଥିଲା ସେହି ବାଟରେ ସେହି ଜମିର ମାଲିକ ଘର କରିବା ପାଈଁ ମାଟି ପକାଇ ଉଚ୍ଚା କରିଦେବା ଫଳରେ ଏବେ ଦୁର୍ଦଶା ଭୋଗୁଛନ୍ତି ଲୋକେ l ଏପଟେ ସକାଳ ହେଲା ମାତ୍ରେ ସେହି ବାଟ ଦେଇ ବୟସ୍କ, ବୃଦ୍ଧା, ବୃଦ୍ଧ,ମହିଳା, ସ୍କୁଲ ଯାଉଥିବା ଛୋଟପିଲାମାନେ ରାତି ପାହିଲେ ପାଣି ଭିତରେ ପଶି ଯାତାୟାତ କରିଥାନ୍ତି l ଯାହା ଫଳରେ ଲୋକେ ଚର୍ମ ରୋଗ କୁଣ୍ଡିଆ ହେବା ସହିତ, ଥଣ୍ଡା, ଜ୍ଵର, କାଶ ରେ ଆକ୍ରାନ୍ତ ହେଉଛନ୍ତି l ସେହି ପାଣି ଭିତରେ ଯାନବାହାନ ଯାତାୟତ ଫଳରେ ଦୁର୍ଘଟଣା ହେଉଛି l ଏହି ପାଣି ନିଷ୍କାସନ ନ ହେବା ଫଳରେ ପାଣି ପଚି ମଶା, ମାଛି ବୃଦ୍ଧି ପାଇବା ସହ ପାଣିରେ ସରିସୃପ, ଜୀବଜନ୍ତୁ ଘର ଭିତରକୁ ପଶି ଆସୁଥିବା ନେଇ ସ୍ଥାନୀୟ ଲୋକେ କହିଛନ୍ତି l ଏହି ରାସ୍ତା ରୁ ବର୍ଷାଜଳ ନିଷ୍କାସନ କରିବା ପାଈଁ ରାସ୍ତା କୁ ଉଚ୍ଚ କରିବା ତତସହିତ ଡ୍ରେନେଜ ବ୍ୟବସ୍ଥା କରିବା ପାଈଁ ମୁରସିଦ ଖାନ, ସେକ ସନସର, ଅବଦୁଲ ମତିନ, ସେକ ଜାହୀଦ, ଯୁକୁ ଖାନ, ଫିରୋଜ ଖାନ, ସେକ ଭାଲୁ, ଏମଡି ଗେଲା, ଯସୀମ ଆଜମ, ଏମଡି ଆଯାରଉଦିନ, ରାସିଦ ଇକଵାଲା ଖାନ, ସେକ ସମୀଉଲ୍ଲା, ସେକ ଫିରୋଜ, ଆତାଫ ଆଲମ, ସେକ ରାଜା ସମେତ ଦୁଇଟି ୱାର୍ଡର ଶତାଧିକ ଲୋକେ ସରପଞ୍ଚ, ବିଧାୟକ ଓ ସ୍ଥାନୀୟ ପ୍ରଶାସନକୁ ଅନୁରୋଧ କରିଛନ୍ତି l