ରାଜଧାନୀର ଚକଚକିଆ ରାସ୍ତା କଡ଼ରେ ଅସହାୟତାର ଚିତ୍ର: ଦୁଇ ଶିଶୁଙ୍କୁ ଧରି ଭିକ୍ଷାବୃତ୍ତି କରୁଛନ୍ତି ମାଆ

ଭୁବନେଶ୍ୱର।:ରାଜଧାନୀର ବିକାଶ ଓ ଚକଚକିଆ ରୂପରେଖ ଭିତରେ ପୁଣି ସାମ୍ନାକୁ ଆସିଛି ଏକ ହୃଦୟବିଦାରକ ଚିତ୍ର। ଗୋଟିଏ ପଟେ ଉନ୍ନତିର ଡିଣ୍ଡିମ ପିଟାଯାଉଥିବା ବେଳେ, ଅନ୍ୟପଟେ କିନ୍ତୁ ଜଣେ ଅସହାୟ ମାଆ ନିଜର ଦୁଇ ନିଷ୍ପାପ ଶିଶୁଙ୍କୁ ଧରି ରାସ୍ତା କଡ଼ରେ ଦିନ କାଟୁଥିବା ଦେଖିବାକୁ ମିଳିଛି ରାଜଧାନୀ  ପ୍ରମୁଖ ରାସ୍ତା କଡ଼ରେ ଥିବା ଫୁଟପାଥ୍‌କୁ ଆଶ୍ରୟ କରି ଏହି ମାଆ ଜଣକ ନିଜ ପିଲାମାନଙ୍କ ମୁହଁରେ ଦୁଇ ଓଳି ଗଣ୍ଡେ ଅନ୍ନ ଦେବା ପାଇଁ ଭିକ୍ଷାବୃତ୍ତି କରୁଛନ୍ତି। ପେଟର ବିକଳରେ କୋମଳମତି ଶିଶୁମାନେ ମଧ୍ୟ ଏହି ପ୍ରଖର ଖରା ଓ ଧୂଳିମଳି ଭିତରେ ରାସ୍ତା କଡ଼ରେ ବସି ରହିବାକୁ ବାଧ୍ୟ ହେଉଛନ୍ତି। ସରକାରଙ୍କ ପକ୍ଷରୁ ଅସହାୟ ଓ ଗରିବ ଲୋକଙ୍କ ପାଇଁ ଅନେକ ଯୋଜନା କରାଯାଉଥିବା ଦାବି କରାଯାଉଥିଲେ ବି, ଏହି ଚିତ୍ର ପ୍ରକୃତ ସତ୍ୟକୁ ପଦାରେ ପକାଇଛି। ଏଭଳି ପରିସ୍ଥିତିରେ ପ୍ରଶାସନ ଓ ସ୍ଥାନୀୟ ସାମାଜିକ ସଂଗଠନଗୁଡ଼ିକର ଦୃଷ୍ଟି ଏହି ଅସହାୟ ମାଆ ଓ ଶିଶୁଙ୍କ ଉପରେ ପଡ଼ିବା ନିହାତି ଜରୁରୀ। ସେମାନଙ୍କୁ ଉପଯୁକ୍ତ ଥଇଥାନ କରାଯିବା ସହ ଶିଶୁମାନଙ୍କ ସୁରକ୍ଷା ଏବଂ ଶିକ୍ଷା ଦିଗରେ ପଦକ୍ଷେପ ନେବାକୁ ସାଧାରଣରେ ଦାବି ହେଉଛି।